ምክር ቤቱ የመንግስትና የህዝብ ንብረትን የማስመለስ ረቂቅ አዋጅን አጸደቀ

የህዝብ ተወካዮች ምክር ቤት ዛሬ ባካሄደው14ኛ መደበኛ ስብሰባው 10 ዓመት ወደኃላ በመሄድ የመንግስትና የህዝብ ንብረትን የሚያስመልስ አዋጅን አጸደቀ።

አዋጁ በሕገ-ወጥ መንገድ የተፈራን ንብረት ማስመለስ የሚያስችሉና የሕግ-ተጠያቂነትን የሚያስከትሉ ድንጋጌዎችን የያዘ መሆኑና የመንግስትና የህዝብ ንብረትን ለማስመለስ የነበረውን የሕግ ክፍተት የሚሞላ እንደሆነ ተገልጿል።

አዋጁ ዜጎች በላባቸውና በወዛቸው ንብረት እንዲያፈሩ የሚያበረታታ፣ በወንጀል ንብረት የሚያፈሩትን ተጠያቂ የሚያደርግ፣ የአገርን ዕድገት የሚያሳልጥ እንደሆነ አስተያየት የሰጡ የምክር ቤት አባላት አንስተዋል።

ግለሰቦች በወንጀልና በሙስና ያፈሩትን ንብረት የሚያስመልስ በመሆኑ በተፈጻሚነቱ ላይ ጥንቃቄ ማድረግና አስፈጻሚ አካላትን ማጠናከር እንደሚያስፈልግ እና የዜጎችን ንብረት የማፍራት መብት እንዳይጋፋ መታየት አለባቸው ያሏቸውን ጉዳዮችም መግለጻቸውን ኢዜአ ዘግቧል።

የሕግና ፍትህ ጉዳዮች ቋሚ ኮሚቴ ሰብሳቢ ዕጸገነት መንግስቱ በአዋጁ ሃብት የማፍራትና የማውረስ ሕገ-መንግስታዊ መብትን የሚቃረን ድንጋጌ አለመካተቱንም አብራርተዋል።

የጸረ-ሙስና ትግል እንዲጠናከር የሚያደርግ፣ በሕገ-ወጥ መንገድ የተገኘና የተመዘበረ የአገር ሃብትን ለማስመለስ የሚያስችልና ሕገ-ወጥነትን የሚያስቆም አዋጅ እንደሆነም አክለው ገልጸዋል።

ምክር ቤቱ በአዋጁ አስፈላጊነትና ወቅታዊነት ላይ ዝርዝር ውይይት በማድረግ በሶሰት ተቃውሞ እና በአራት ድምጸ ታቅቦ በአብላጫ ድምጽ ማጽደቁን ዘገባው አመላክቷል።

ዜና: ማንኛውም #የነዳጅ ውጤቶች አጓጓዥ ተሸከርካሪ ጂ.ፒ.ኤስ (መከታተያ) እንዲገጥም የሚያስገድድ አዋጅ ጸደቀ

የህዝብ ተወካዮች ምክር ቤት ዛሬ ጥር 1 ቀን 2017 ዓ.ም ባካሄደው መደበኛ ጉባኤ የነዳጅ ውጤቶች ግብይት ሥርዓት ለመደንገግ የተዘጋጀ አዋጅን በአብላጫ ድምፅ አፅድቋል፤ በሁለት ተቃውሞ እና በአንድ ድምጸ ተአቅቦ።

የጸደቀው አዋጅ የነዳጅ አጓጓዥ ተሸከርካሪዎችን በተመለከተ ባሰቀመጠው ግዴታ መሰረት ማንኛውም የነዳጅ ውጤቶች አጓጓዥ ተሸከርካሪ ጂ.ፒ.ኤስ (መከታተያ) እንዲገጥም ይገደዳል።

የነዳጅ ማደያዎች ያልተቆራረጠ አገልግሎት እንዲሰጡ ለማስገደድ፣ ነዳጅ በማደያ ውስጥ እያለ ያለ በቂ ምክንያት አገልግሎት ያለመቋረጥ የሚል ድንጋጌ በአዋጁ መካተቱም ተገልጿል።

ነዳጅ መንግሥት ከተመነው የመሸጫ ዋጋ በላይ ሲሸጡ የተገኙ ነጋዴዎች እስከ አምስት መቶ ሺህ ብር እንዲቀጡ በአዋጁ ተደንግጓል፤ የነዳጅ ውጤቶችን ከተፈቀደው ቦታ ውጪ ማከማቸትም ያስቀጣል።
https://addisstandard.com/Amharic/?p=6432

ዜና፡ ከ200 በላይ የፊንጫ ስኳር ፋብሪካ ሠራተኞች ፍርድ ቤት ሳይቀርቡ ከአንድ ወር በላይ በእስር ላይ እንደሚገኙ ተገለጸ

በ #ኦሮሚያ ክልል ሆሮ ጉዱሩ ወለጋ ዞን ከ200 በላይ የፊንጫ ስኳር ፋብሪካ ሠራተኞች “በህገ ወጥ የእርሻ ሥራ ላይ ተሰማርተዋል” በሚል ከአንድ ወር በላይ ፍርድ ቤት ሳይቀርቡ በእስር ላይ እንደሚገኙ የታሳሪ ቤተሰቦችና ሠራተኞች ለአዲስ ስታንዳርድ ገልጹ።

ሰራተኞቹ ለስብሰባ ተፈለጋላችሁ በሚል በስብሰባ አዳራሽ ከተሰበሰቡ በኋላ "በህገወጥ መንገድ" በቁጥጥር ስር ውለዋል ሲል ስሙ እንዲገለጽ ያልፈለገ አንድ ሰራተኛ ተናግሯል።

ሌላው የፋብሪካው ሰራተኛ በበኩሉ “በፋብሪካው መሬት ላይ ሰራተኞቹ ካመረቱት 5ሺህ ኩንታል የሚጠጉ የተለያዩ የሰብል አይነቶች ግልፅነት በጎደለው መልኩ ተዘርፏል። ምርቱ ማን እጅ እንደገባ እንኳን አይታወቅም” ብሏል።

ያንብቡ፦ https://addisstandard.com/Amharic/?p=6435

ዜና: በአምስት ወራት #ከዳያስፖራው ከ 2 ነጥብ 6 ቢሊዮን ዶላር በላይ የውጭ ምንዛሪ መገኘቱ ተገለጸ

ባለፉት አምስት ወራት ከዳያስፖራው ከሁለት ነጥብ ስድስት ቢሊዮን የአሜሪካ ዶላር በላይ የውጭ ምንዛሪ ከሬሚታንስ መገኘቱን #የኢትዮጵያ ዳያስፖራ አገልግሎት አስታወቀ፡፡

የውጭ ምንዛሬ በገበያ እንዲመራ መደረጉ በሕገወጥ መንገድ ወደ ሀገር ቤት ይገባ የነበረውን የውጭ ምንዛሬ በባንኮች በኩል እንዲመጣ ማስቻሉ ትልቅ ጥቅም እያስገኘ መሆኑን የአገልግሎቱ ዋና ዳይሬክተር አምባሳደር ፍጹም አረጋ አመልክተዋል።

በተጨማሪ በዶላር አስቀምጦ በዶላር ማውጣት የሚቻልበት ሥርዓት መዘርጋቱም ለውጤቱ አንዱ ማበረታቻ ሆኗል ማለታቸውን ከኢፕድ ያገኘነው መረጃ ያሳያል።

በተጠናቀቀው የፈረንጆቹ 2024 በአፍሪካ ቀንድ ሀገራት መካከል ከፍተኛውን የሬሚታንስ ገቢ ያገኘችው #ኬንያ መሆናን የአለም ባንክ ይፋ ያደረገው ሪፖርት ያሳያል፤ አራት ነጥብ ስምንት ሚሊየን ዶላር በማግኘት።

#ሶማሊያ 1 ነጥብ 73 ቢሊየን ዶላር በ2024 ያገኘች ሲሆን #ኡጋንዳ አንድ ነጥብ 49 ቢሊየን ዶላር ማግኘቷ ተጠቁሟል፤ #ታንዛንያ፣ #ሩዋንዳ እና #ቡሩንዲ በ2024 ያገኙት የውጭ ምንዛሬ ከ1 ቢሊየን ዶላር በታች መሆኑን አመላክቷል።

ኢትዮጵያ ከዳያስፖራው በሕጋዊ መንገድ ከሚላክ ገንዘብ በየዓመቱ በአማካይ ከ4 እስከ 5 ቢሊዮን ዶላር እያገኘሁ ነው ስትል መግለጿን መዘገባችን ይታወሳል፤ የአለም ባንክ በሪፖርቱ ኢትዮጵያ በፈረንጆቹ 2024 ከሬሚታንስ ያገኘችው ገቢ 630 ሚሊየን ዶላር ነው ሲል አስቀምጧል።

ከአፍሪካ ሀገራት ከፍተኛውን የውጭ ምንዛሬ ከሬሚታንስ የምታገኘው ሀገር ግብጽ መሆኗን የጠቆመው የአለም ባንክ ሪፖርት በ2024 ብቻ 22.65 ቢሊየን ዶላር አግኝታለች ብሏል፤ ናይጀሪያ 19.84 ቢሊየን በማግኘት በሁለተኛ ደረጃ ተቀምጣለች።