אינדיע'ס פריים מיניסטער נאראנדי מאדי, איז ערווארטעט צו באזוכן אוקראינע, צום ערשטן מאל זינט די רוסישע אינוואזיע האט זיך אנגעהויבן.

לויט א באריכט אין בלומבערג וועט מאדי איבערגעבן א מעסעדזש פאר פרעזידענט זאלענסקי פון פּוטין, מאדי האט באזוכט אין מאסקווע.

מאדי טוט אדוואקאטירן פאר שלום אבער טוט צוריק ווייזן צו דינען אלס שלום פארמיטלער צווישן ביידע לענדער.

▫️אידישער ווינקל ▫️

רוסישער פרעזידענט וולאדימיר פּוטין איז אנגעקומען קיין אזערביזשאן פאר א באזוך, ווערנדיג אויפגענומען מיט א קעניגליכער אויפנאמע.

▫️אידישער ווינקל ▫️

נאך וואס מדינת ישראל האט אטאקירט א לאקאציע אין בעלבעק, לבנון, זעען זיך אן מאסיווע נאכפאלגנדע אויפרייסן וועלכע האמערן און זעצן אן אויפהער, באשטעטיגנדיג אז מדינת ישראל האט געצילט א כיזבאלא וואפנס ארסענאל, און פארניכטעט מאסן וואפנס וואס וואלטן גענוצט געווארן אין אטאקעס קעגן מדינת ישראל.

▫️אידישער ווינקל ▫️

די SEC ווערט באשולדיגט אין דיסקרימינירן קעגן קלענערע פירמעס, נאך וואס באריכטן זאגן אז די אגענטור פארשווערט די דאקומענטאציע פון קליינע פירמעס, און מאכט עס גרינגער פאר די גרויסע.

▫️אידישער ווינקל ▫️

דזשעי-פי מארגען אנאליסטן זאגן אז העדזש פאנדס האבן אנגעהויבן צוריק קויפן שעירס אין יאפאנעזע פירמעס, נאכפאלגנדיג א ברייטע פארקויף צוליב שרעק איבער א מעגליכע קראך.

▫️אידישער ווינקל ▫️

דער דאלער איז געפאלן צו איר נידריגסטע פונקט אין זיבן חדשים, אין א צייט ווען אינוועסטירער ווארטן צו הערן פונעם פעדעראלע רעזערוו טשעירמאן אויס ראטעס וועלן געשניטן ווערן אין סעפטעמבער.

▫️אידישער ווינקל ▫️

די מדינת ישראל מיליטער און שין בית קרעפטן האבן ארויס געראטעוועט זעקס קערפערס פון משכונות פון עזה און זיי געפירט קיין מדינת ישראל.

די אלע משכונות זענען געכאפט געווארן לעבעדיג און זענען אומגעקומען דורכאויס זייער טראגישע צייט אין עזה, ביי די טעראריסטן פון כאמאס.

השם ינקום דמם.

▫️אידישער ווינקל ▫️

די כיזבאלא טעראר גרופע האט שוין געפייערט העכער 80 ראקעטן פון לבנון אריין קיין צפון ארץ ישראל, טעראריזירנדיג עטליכע געגנטער.

▫️אידישער ווינקל ▫️

ראמאזאן שאריף, דער ווארטזאגער פאר איראנ'ס רעוואלוציע גווארדיע זאגט אז מדינת ישראל וועט מעגליך ווארטן א לאנגע צייט פאר איר רעאקציע.

▫️אידישער ווינקל ▫️

די רוסישע עף-עס-בי זיכערהייט אגענטור האט ארעסטירט א סייענטיסט אין מאסקווע אויף דער פארדאכט אז ער האט דורכגעפירט סייבער אטאקעס אין צוזאמענארבעט מיט אוקראינע.

▫️אידישער ווינקל ▫️

מדינת ישראל מיליטער האט היינט באפרייט 40 ארעסטירטע פאלעסטינער וועלכע זענען גענומען געווארן קיין ארץ ישראל פאר אויספארשונגען.

▫️אידישער ווינקל ▫️

אמעריקאנער אויל עקספארטן זענען ערווארטעט צו פאלן אין 2024, נאך יארן פון אנגייענדע וואוקס. דאס קומט אין א צייט ווען גלאבאלע אויל פארלאנג פאלט, און פירמעס וועלן ענדערש צאלן דיווידענדס פאר זייערע שעיר-האלטער ווי איידער אינוועסטירן פאר ווייטערדיגע וואוקס.

▫️אידישער ווינקל ▫️

וויצע פרעזידענט קאמעלע העריס' קאמפיין האט שוין אויפגעטריבן ארום $500 מיליאן דאלער זינט זי איז אריינגעקומען אין די פרעזידענטליכע פארמעסט.

▫️אידישער ווינקל ▫️

טארגעט האט געהעכערט איר פראפיט שאצונגען אויפ'ן יאר, נאכפאלגנדיג א שטארקע פארדינסט באריכט אויפ'ן פערטל.

זייער געלונגענע באריכט איז א רעזולטאט פון גענידערטע פרייזן אויף זייערע פראדוקטן, ציענדיג מער קויפער צו זייערע געשעפטן.

▫️אידישער ווינקל ▫️

א רויטערס אנקעטע צווישן עקספערט אנאליזירער צייגט אז עקספערטן ערווארטן ווייטערדיגע איידעלע וואוקס אינעם סטאק מארקעט, אין רעזולטאט פון די ערוואטעטע ראטע שניטן אין סעפטעמבער.

▫️אידישער ווינקל ▫️

פרעזידענט ביידען האט היינט גערעדט מיט מדינת ישראל פריים מיניסטער נתניהו, און דורכאויס די שמועס האט אויך איבערגענומען דעם טעלעפאן, די וויצע פרעזידענט קאמעלע העריס.

די ווייסע הויז זאגט אז מען האט גערעדט איבער א פייער-אפשטעל און איבער באפרייען די משכונות.

▫️אידישער ווינקל ▫️

דער עקספערט אין מלחמות, דזשאן ספענסער, פארעפנטליכט א באריכט אין די אויסערן אנגעלעגנהייטן מאגאזין מיט'ן קעפל "וויאזוי מדינת ישראל געווינט אין עזה."

ער זאגט אז צו אנהאלטן דעם געווינס פאר לאנג, וועט עס פאדערן צו טוישן די פירערשאפט און פארניכטן כאמאס אויף א וועג עס זאל זיך נישט קענען צוריק אריענטירן.

איר קענט לייענען דעם ארטיקל דא:
https://www.foreignaffairs.com/israel/israel-winning

▫️אידישער ווינקל ▫️

ברעיקינג: באריכטן אז אוקריינישע קרעפטן טוען יעצט אינוואדירן רוסלאנד אין די בריאנסק ראיאן, שלאכטן ווערן באריכטעט ביי די גרעניץ.

לויט טייל באריכטן האבן די רוסישע זעלנער אפגעשלאגן די אוקראינישע קרעפטן.

▫️אידישער ווינקל ▫️

רוסישער פרעזידענט וולאדימיר פּוטין ווערט געזען קישן א קוראן אויפלאגע, איידער'ן דאס געבן א געשאנק פאר א נייע געעפנטע מעטשעט וואס האט זיך געעפנט אין גראזניע, טשעטשניע.

▫️אידישער ווינקל ▫️

כאמאס פירער יאכיא סינוואר, פארלאנגט מען זאל איינשטעלן אין די משכונות אפמאך, אז ער וועט זיין באשיצט פון ווערן עלימינירט ביז דער ענדע פון זיין לעבן.

▫️אידישער ווינקל ▫️