העכסטער גייסטליכער פירער כומעיני פון איראן: "דאס וואס ווערט געגלייבט דורך אמעריקא, די ציוניסטישע רעזשים און זייערע אליאירטע אז די איראנער ווידערשטאנד וועט זיך ענדיגן איז גענצליך אומריכטיג, און מדינת ישראל וועט זיין וואס וועט קומען צו אן ענדע."

▫️אידישער ווינקל ▫️

א כאמאס קוואל זאגט פאר די וואשינגטאן פּאוסט: "מיר האבן אויפגעגעבן אויף אונזער פארלאנג אויף א פערמאנענטער ענדע צו די קריג און אויף די פארלאנג אז די מדינת ישראל מיליטער זאל זיך ארויסציען פון עזה.

אונזער יעצטיגער פארלאנג איז אז די פאלעסטינער זאלן זיך קענען אומקערן צו די צפון געגנטער אין עזה.

▫️אידישער ווינקל ▫️

קלאוס פלוגבעל וועלכע האט ארויס גע'גנב'ט סודות פון טעסלא דאס צו פארקויפן פאר קאנקורירענדע פירמעס האט באקומען א צוויי יאר טורמע אורטייל נאכן זיך דערקלערן שולדיג.

ער האט מודה געווען נאך וואס ער איז געכאפט געווארן ביים פרובירן צו פארקויפן די סודות פאר פארשטעלטע FBI אגענטן.

▫️אידישער ווינקל ▫️

*💥OJBA 2024💥*

Mega Construction & Management Expo
12.18.24
*USE CODE yiddishvinkel*
FOR 30% Off
Valid Until Midnight
*Register Now!*
👇🏻👇🏻👇🏻👇🏻
ojba.net/yvr

שווייץ האט ארויפגעלייגט כיזבאלא אויף איר טעראר ליסטע און פארבאטן צו האנדלען מיט די טעראר באנדע.

▫️אידישער ווינקל ▫️

וואלמארט האט דערגרייכט אן אפמאך מיט די גרעסטע כינעזער עסן דעליווערי פירמע, א זאך וואס וועט שטארק העלפן וואלמארט זיך אויסברייטערן אין כינע.

▫️אידישער ווינקל ▫️

די פאראיין וועלכע פארטרעט איבער צען טויזענט סטארבאקס ארבעטער זאגט אז זיי האבן אויטאריזירט א מעגליכע סטרייק אויב וועלן זיך די צוויי זייטן נישט דורכקומען היינט ביי די לעצטע רונדע געשפרעכן.

▫️אידישער ווינקל ▫️

די איראנער רייעל וואלוטע איז געפאלן צו א פרישע נידריג, שטייענדיג ביי די ווערד פון 777 טויזנט רייעלס פאר איין אמעריקאנער דאלער.

זינט פרעזידענט עלעקט דאנעלד טראמפּ האט געווינען די וואלן האט די וואלוטע געטראסקעט מיט ארום 10% ווען עס איז געשטאנען ביי 703 טויזנט רייעלס פאר א דאלער.

▫️אידישער ווינקל ▫️

פרישע פייערונגען אויף די גאסן פון האמס אין סיריע, ווען די פאלק איז נאכנישט גרייט צו אויפהערן טריאומפירן מיט די אומפאל פון די אסאד רעזשים.

▫️אידישער ווינקל ▫️

די רוסישע מיליטער נעמט אונטער מיטלען צו טרענירן אירע זעלנער זיך צו פארטיידיגן קעגן די אוקראינישע עף פּי ווי זעלבסטמארד דראונס וועלכע זייען אן כאאס אין די רוסישע מיליטערישע רייען.

▫️אידישער ווינקל ▫️

לויט באריכטן האט סיריע'ס געוועזענער פרעזידענט באשאר אל אסאד געגעבן פאר מדינת ישראל דאקומענטן מיט לאקאציעס פון די סירישע מיליטער'ס וואפן דעפאטס, מיסיל ארויסשיסער און מלחמה פליגערס, אלס א גאראנטי אז מדינת ישראל זאל נישט שיסן אויף אים ווען ער אנטלויפט.

▫️אידישער ווינקל ▫️

פלענער פון א רייע פאנאראמישע וואלקנקראצער וועלכע וועלן געבויעט ווערן נעבן די מאסקווע טייך, אין די רוסישע הויפטשטאט, זענען געווארן ארויסגעלייגט, דער אייגנטומער וואס בויעט עס איז א איד.

די העכסטע געביידע וועט זיין ארום 250 מעטער.

▫️אידישער ווינקל ▫️

אמעריקאנער אויטאריטעטן באטראכטן א מעגליכקייט צו פארבאטן די ראוטערס פראדוקטן פון די כינעזער פירמע טי-פּי לינק, צוליב נאציאנאלע זיכערהייט געפארן פארבינדן צו כינעזער סייבער-סעקיורעטי אינצידענטן.

טי-פּי לינק קאנטראלירט ארום 65% פון די אמעריקאנער ראוטערס מארקעט פאר הייזער און קליינע ביזנעסער, און אירע פראדוקטן ווערן אויך גענוצט דורך די אמעריקאנער דעפארטמענטס פון פארטיידיגונג און אנדערע פעדעראלע אגענטורן.

▫️אידישער ווינקל ▫️

רוסישע אויטאריטעטן מעלדן אז זיי האבן ארעסטירט א פארדעכטיגטער פארשוין אין די מארד פון דער גענעראל איגאר קירילאוו.

אן אוזבעקיסטאנער אפשטאמיגער האט זיך אנגעבליך מודה געווען אין די אקט, זאגנדיג אז ער איז געווארן באצאלט און דירעקטירט דורך אוקראינער שפיאנאזש אגענטורן.

▫️אידישער ווינקל ▫️

צפון קארעא האט שוין פארלוירן עטליכע הונדערט זעלנער אין די שלאכטן פאר רוסלאנד לויט א הויכראנגיקער אמעריקאנער מיליטערישער באאמטער.

לויט די ניו-יארק-טיימס האט פוטין באצאלט פאר קים דזשאנג אן ארום 6 ביליאן דאלער פאר וואפנס און צפון קארעא זעלנער.

די האנקוק אינסטיטוציע אין סעאל שאצט אז די וואפנס וואס פּיאנגיענג האט געשיקט פאר רוסלאנד זענען ווערד צווישן $1.72 און $5.5 ביליאן דאלער, און איז געווארן טיילווייז באצאלט דורך קעש און טיילווייז דורך אויל און עסנווארג.

פארן צושטעלן צווישן 5,000 - 20,000 זעלנער איז צפון קארעא באצאלט געווארן צווישן $143 מיליאן און $572 מיליאן דאלער.

עס ווערט געשאצט אז ארום 11,000 צפון קארעא זעלנער געפונען זיך אין די קורסק ראיאן אין רוסלאנד.

▫️אידישער ווינקל ▫️

די דאו דזשוינס האט געטראסקעט מיט 1,123 פּונקטן אין די ערשטער 10 טעג פון נאכאנאנדע פארלוסטן, זינט יאר 1974.

▫️אידישער ווינקל ▫️

היינט איז פארגעקומען די יערליכע או-דזשעי-בי-עי עקספא וואו טויזענטער אידישע ביזנעסלייט אין קאנסטראקציע און מענעדזשמענט האבן זיך פארזאמלט צו דורכפירן האנדל און אנקניפן באציאונגען.

▫️אידישער ווינקל ▫️

פּוטין: "מיר וועלן זיכער ארויספירן אוקראינע פון קורסק ראיאן אבער איך קען נישט געבן א ספעציפישער דאטום, נישט אזוי ארבעט עס.

אלעס וועט ווערן צוריקגעשטעלט אן קיין צווייפל."

▫️אידישער ווינקל ▫️