די לופטפעלד אין ווילנע, ליטא, מעלדט אז א פליגער פון די די-עידזש-על, אינטערנאציאנאלע קארגא און טראנספארטאציע פירמע האט געקראכט.

איין פילאט איז געשטארבן אין די אינצידענט און דריי אנדערע אין א צוויי שטאקיגע געביידע זענען געשעדיגט געווארן.

▫️אידישער ווינקל ▫️

די כינעזער עלעקטראנישע אויטאמאביל ריז בי-וויי-די האט געמאלדן אז זיי וועלן קומענדיגע יאר אנהויבן נוצן א נייע סארט באטעריע פאר אירע אויטאמאבילן, איינס וואס וועט זיין קלענער און מער פארזיכערט.

▫️אידישער ווינקל ▫️

נאך וואס צפון קארעא האט געשיקט זעלנער קיין רוסלאנד, זענען אנגעקומען פרישע תימנ'ער טעראריסטן פון תימן, צו העלפן רוסלאנד אין איר קריג קעגן אוקראינע.

▫️אידישער ווינקל ▫️

פרעזידענט טראמפ האט געמאלדן אז ער וועט ארויפשטעלן א 25% טאריף אויף אלע אימפארן פון קאנאדע אדער מעקסיקא אינעם ערשטן טאג פון זיין טערמין, א שריט וואס קען מעגליך פארקריפלען די סופליי קייט אין צפון אמריקע.

▫️אידישער ווינקל ▫️

דער געוועזענער אמבעסאדאר קיין מדינת ישראל דעוויד פרידמאן מעלדט אז זיין וואטסעפ אקאונט איז געווארן געהעקט, ער בעט מען זאל איגנארירן זיינע מעסעדזשעס ביז עס ווערט פאראכטן דער פראבלעם.

▫️אידישער ווינקל ▫️

די ווייסע הויז אדמיניסטראציע באשטעטיגט אז פרעזידענט ביידען און ערשטע פרוי דזשיל ביידען וועלן זיך באטייליגן ביי פרעזידענט עלעקט דאנעלד טראמפּ'ס איינשווערונגס צערעמאניע.

▫️אידישער ווינקל ▫️

די קאושער הייוו גראסערי אין עירמאנט געגנט אין מאנסי, וועט זיך היינט צוריק עפענען אונטער די פירערשאפט פון די עווערגרין גראסערי פארוואלטונג, אלס א ביליגע 'דיסקאונט' געשעפט, צו סערווירן גרעסערע פאמיליעס, נאך וואס די געשעפט האט געשלאסן טויערן צוליב פינאנציעלע פלאגעניש.

▫️אידישער ווינקל ▫️

די מדינת ישראל מיליטער באשטעטיגט אז אירע זעלנער האבן שוין דערגרייכט די ליטאני טייך, אין צפון לבנון, די טייך איז דער סימבאלישע צייכן אויף די מאפע ביז וואו כיזבאלא מעג גיין לויט די יו-ען אפמאך 1701.

▫️אידישער ווינקל ▫️

געוועזענער פריים מיניסטער פון מדינת ישראל, נפתלי בענעט, איז מנחם אבל די פאמיליע פון דער חב"ד שליח הקדוש צבי קוגן הי"ד וועלכע איז דערמארדעט געווארן אין די פאראייניגטע אראבישע עמיראטן דורך דריי אוזבעקיסטאנער אפשטאמיגע טעראריסטן.

▫️אידישער ווינקל ▫️

די מדינת ישראל מלחמה קאבינעט האט באשטעטיגט א פייער אפשטעל צווישן מדינת ישראל און לבנון, וועלכע וועט אריינגיין אין קראפט מארגן 10:00 צופרי, לאקאלע צייט. די פייער אפשטעל ווערט פארהאנדלט און אהערגעשטעלט דורך די פאראייניגטע שטאטן און פראנקרייך, די לבנון מיליטער וועט אלס טייל פון די אפמאך איבערנעמען די טעריטאריע ביז די ליטאני טייך און אנפירן מיט די זיכערהייט.

מען קען ערווארטן מאכטפולע אטאקעס דורכאויס די נאכט, מיט בלויז עטליכע שטונדן בלייבנדיג פארבליבן ביז ווען מדינת ישראל מיליטער וועט ענדיגן אלע אירע צילן וואס זי וויל נאך אטאקירן אין לבנון.

▫️אידישער ווינקל ▫️

קאלומס פון די לבנון מיליטער שלענגלען זיך צו די דרום געגנטער, אלס טייל פון די פייער אפשטעל אפמאך צווישן מדינת ישראל און לבנון.

▫️אידישער ווינקל ▫️

מדינת ישראל פריים מיניסטער האט זיך געטראפן מיט אלע מעיארס, ערוויילטע באאמטע און שטאטישע פירער פון געגנטער אין צפון, זיי צו לאזן וויסן די דעטאלן ארום די פייער אפשטעל.

▫️אידישער ווינקל ▫️

מדינת ישראל פריים מיניסטער איבער די פייער אפשטעל, מיט די דריי אורזאכן פארוואס ער האט געוואלט גיין דערפאר.

1. צו פאקוסירן אויף די איראנער געפאר, "און איך וויל נישט עלאבערירן דערויף" 2. צו אויפפרישן די מיליטער 3. צו אפטיילן לבנון און עזה.

נתניהו האט אנגעבליך געגעבן א נאטיץ פאר טעהראן: מיר וועלן יעצט פאקוסירן אויף די איראנער נוקלעארע פלאן.

ווידעא: שלדג זעלנער נוטראליזירן ראקעטן אין ריכטונג צו ארץ ישראל, אין די ליטאני טייך געגנט.

▫️אידישער ווינקל ▫️

מיט די פייער אפשטעל צווישן מדינת ישראל און כיזבאלא אריינגייענדיג אין קראפט אין די קומענדיגע שטונדן, ווערט געבראכן די הייסע צוזאג דורך דער געוועזענער כיזבאלא פירער כאסאן נאסראלא "אז די לבנון פראנט וועט נישט רוען ביז א פייער אפשטעל וועט ווערן דערגרייכט אין עזה."

▫️אידישער ווינקל ▫️

אמעריקאנער פרעזידענט דזשאו ביידען זאגט אז אין די קומענדיגע טעג וועט ער פרובירן שטופן אז טערקיי, מדינת ישראל, קאטאר און אנדערע לענדער זאלן אנטוויקלען פלענער פאר א פייער אפשטעל אין עזה, מיט די משכונות באפרייט און אן ענדע צו די קריג אן כאמאס פירנדיג עזה.

▫️אידישער ווינקל ▫️

אדוואקאט אלען דערשאוויץ האלט אינמיטן צוזאמשטעלן א גרופע פון אדוואקאטן פון ארום דער וועלט צו העלפן מדינת ישראל פארטיידיגן אירע פירער אין די אינטערנאציאנאלע קרימינאלע געריכט.

▫️אידישער ווינקל ▫️

דיזני איז איינגעגאנגען צו באצאלן 43.3 מיליאן דאלער פאר אירע פרויען ארבעטער, צו שליכטן קלאגעס קעגן איר איבער באשולדיגונגען אז די פירמע האט דורכאויס די פארגאנגענע אכט יאר געצאלט העכערע געהאלטן פאר מענער.

▫️אידישער ווינקל ▫️

גוגל וועט איינשטעלן עטליכע טוישונגען אין איר זוכעריי רעזולטאטן אין אייראפע, צוליב וואס רעגולאטארן האבן זיך גענומען איבער די פירמע זיכער צו מאכן אז זי באגייט נישט קיין מאנאפאל פארברעכן קעגן אירע קאנקורענטן.

▫️אידישער ווינקל ▫️

די פעדעראלע אוויאציע אדמיניסטרציע האט זיך ענדליך דערמאנט, און האט היינט געמאלדן אז די אינצידענט ווען רויעך איז אריין אין א בואינג 737 מעקס נאך וואס פייגל זענען אריין אין די מאטאר, פארלאנגט נישט קיין עמערדזשענסי רעאקציע, און וועט באהאנדלט ווערן ווי געווענליך.

▫️אידישער ווינקל ▫️

אין רעאקציע צו טראמפ'ס אנאנסירונג אז אויסער די געהעריגע טאריפס פלאנירט ער צוצולייגן נאך צען פראצענט טאריפס אויף כינעזער אימפארטן ווילאנג זיי שטעלן נישט אפ דראג אקטיוויטעטן, ווארנט די כינעזער מידיא אז דאס וועט אריין פירן די צוויי לענדער אין א האנדלס קריג וועלכע וועט שאדן מאכן פאר ביידע.

▫️אידישער ווינקל ▫️