13 מענטשן זענען געשאסן געווארן, איינער איז געשטארבן אין די טוסקעדזשי אוניווערזיטעט אין אלאבאמא איבערנאכט, פיר אנדערע האבן געליטן שאדנס אין רעזולטאט פון די אינצידענט.

▫️אידישער ווינקל ▫️

די מדינת ישראל לופטליניע איזרא-עיר, וועלכע אפערירט אויף א ביליגערע פארנעם, זוכט צו אנהויבן מיט רייזעס פון תל אביב קיין ניו-יארק די ווינטער, און אנהויבן קאנקורירן מיט די מאנאפאל פון אל-על. די לופטליניע ווארט אויף באשטעטיגונג פון די פאראייניגטע שטאטן.

▫️אידישער ווינקל ▫️

דניאל נארבער, א 45 יעריגער געוועזענער איי-די-עף זעלנער, מיט בירגערשאפט אין די פאראייניגטע שטאטן און מדינת שראל, איז דער ערשטער רעפובליקאנער אין 50 יאר צו געווינען א סטעיט אסעמבלי זיץ אין נארטערן העמפסטעד לאנג איילענד.

ער וועט פארטרעטן די נאסוי קאונטי דיסטריקט נעבן קווינס וועלכע איז ביז יעצט געווארן פארטרעטן דורך סטעיט קאמפטראלער טאם דינאפעלי.

▫️אידישער ווינקל ▫️

פרעזידענט טראמפ נוצט די ווערטער 'אדאנק דיר גאט' אין זיין מעסעדזש אויף טרוט, ווי ער טריאומפירט איבער זיינע קאלאסאלע געווינסן אין די פרעזידענטליכע פארמעסט.

▫️אידישער ווינקל ▫️

עליסע סטעפניק, א רעפובליקאנער קאנגרעספרוי פון ניו-יארק וועלכע פארטרעט ניו-יארק 21-סטע דיסטריקט, האט אנגענומען די פארשלאג פון פרעזידענט עלעקט טראמפ צו דינען אלס יונייטעד נעישנס אמבעסאדאר, זי איז באטראכט געווארן אלס א מעגליכע קאנדידאט פאר וויצע פרעזידענט איידער טראמפ האט גענומען ווענס.

▫️אידישער ווינקל ▫️

חברה הצלה אין וויליאמסבורג האט אויפגענומען 11 נייע וואלונטירן וואס וועלן רעאגירן צו הילפס רופן און באהאנדלען פאציענטן.

▫️אידישער ווינקל ▫️

טראמפ'ס נייע יו-ען אמבעסאדאר, עליסע סטעפניק אין א טוויט נאכן אננעמען די אמט אין די יו-ען, דערמאנט די וועלט איבער די משכונות וועלכע ווערן געהאלטן אין עזה פאר 400 טעג.

▫️אידישער ווינקל ▫️

וואלדפייערן ברענען ארויס פון קאנטראל נעבן גרינוואוד לעיק אין ראקלענד קאונטי, העכער 20 פייער דעפארטמענטס זענען אויפ'ן סצענע און פרובירן דאס ברענגען אונטער קאנטראל.

▫️אידישער ווינקל ▫️

די אינטערנאציאנאלע קרימינאלע געריכט אין די האג מעלדט אז זי עפנט אן אויספארשונג קעגן דער אנטיסעמיטישער פראקוראר, קארים קהאן אויף קלאגעס פון עטישע מיסברויכן.

▫️אידישער ווינקל ▫️

ביטקוין האט דערגרייכט א נייע רעקארד הויעך פון $85,000 פּער ביטקוין, נאכפאלגנדיג פרעזידענט עלעקט טראמפּ'ס געווינס אין די פרעזידענט פארמעסט.

▫️אידישער ווינקל ▫️

טראמפּ מעלדט אז זיין געוועזענע דירעקטאר פון די איי-סי-אי אגענטור, טאם האמען וועט ווערן באשטימט אלס דער גרעניץ צאר, און זיין געשטעלט איבער די מיסיע פון דעפּארטירן אומלעגאלע אימיגראנטן. אויף די פראגע צו האומען איבער 'צעטיילן פאמיליעס' האט האומען געזאגט "אז מען קען דעפּארטירן פאמיליעס גאנצערהייט..."

▫️אידישער ווינקל ▫️

טאיאטא האט געמאלדן אז זי פלאנירט דראסטיש צו העכערן איר פראדוקציע אין כינע די קומענדיגע פאר יאר און האפט צו פראדוצירן 2.5 מיליאן אויטאמאבילן יערליך ביי 2035.

▫️אידישער ווינקל ▫️

די יורא איז געפאלן צו איר נידעריגסטע פונקט איבער די פארגאנגענע זעקס מאנאטן אין פארגלייך צום דאלער, אין רעזולטאט צו וואקסנדע זארגן איבער העכערע טאריפס אונטער די טראמפ אדמיניסטראציע.

▫️אידישער ווינקל ▫️

גאלדמאן סאקס זאגט אז העדזש פאנדס האבן אנגעהויבן אינוועסטירן אין בענק אויפ'ן שטארקסטן פארנעם אין דריי יאר, און נעמען אין די זעלבע צייט ארויס געלט פון גרינע ענערגיע אין רעאקציע צו טראמפ'ס זיג.

▫️אידישער ווינקל ▫️

לויט דעסיזשן דיסק האבן די רעפּובליקאנער געווינען דעם 218-סטער זיץ, דערמיט געווינענדיג דער מערהייט אין די קאנגרעס.

▫️אידישער ווינקל ▫️

ברעיקינג: לויט באריכטן וועט פרעזידענט עלעקט טראמפּ מעגליך נאמינירן פלארידא סענעטאר מארקא רוביא, אן אויסגעשפראכענער פרא מדינת ישראל פאליטיקאנט, פאר זיין סעקרעטארי אוו סטעיט.

▫️אידישער ווינקל ▫️

א טוויט אויף צוריק: פרעזידענט עלעקט טראמפּ רייסט אראפ מארקא רוביא אין דער פארגאנגענהייט.

▫️אידישער ווינקל ▫️

אילאן מאסק זוכט צו באקומען לייסענס צוצושטעלן סאטעליט סערוויס אין אינדיע, א זאך וואס די רעגירונג זאגט אז ער וועט באקומען נאכ'ן נאכקומען עטליכע פארלאנגען, צווישן זיי איז האלטן די דאטא לאקאל.

דאס איז א גאר פאזיטיווע אנטוויקלונג פאר מאסק, ערמעגליכנדיג אים אריין צו קומען אין א מארקעט מאניפולירט דורך דעם אינדיאנער ביליאנער מוקאש אמבאני.

▫️אידישער ווינקל ▫️

זבולון סימנטוב, דער לעצט פארבליבענער איד וואס האט געוואוינט אין אפגאניסטאן האט געמאכט זיין וועג קיין ארץ-ישראל.

פון א בליענדע געמיינדע מיט 40,000, צו איין איינצעלנער מאן, אין א לאנד וואס ווערט יעצט געפירט דורך די טאליבאן, ענדיגט זיך די קאפיטל פון יהדות אפגאניסטאן.

▫️אידישער ווינקל ▫️

א שרעקליכע אינצידענט האט פאסירט אין זעהוהיי, כינע, ווען א 65 יעריגער אויפגעברויזטער פארשוין האט אריינגעפירט זיין אויטא אין א מאסע מענטשן, פון וועלכע 35 זענען געשטארבן און 43 זענען פארוואונדעט געווארן.

▫️אידישער ווינקל ▫️