በግብጽ ባለ 13 ፎቅ ህንጻ ተደረመሰ!

በግብጽ አሌክሳንድሪያ ከተማ ውስጥ ባለ 13ፎቅ ህንጻ መደርመሱ ተገለጸ።

በፍርስራሹ ውስጥ ያሉ ሰዎችን የማውጣት ስራ በመከናወን ላይ መሆኑን የሀገረመቱ ሚዲያዎች ዘግበዋል።

በቦታው ላይ በርካታ የነፍስ አድን ሰራተኞች እና 18 አምቡላንሶች ተሰማርተዋል ተብሏል። በህንጻው ላይ የነበሩ ነዋሪዎች በፍርስራሹ ውስጥ ናቸው።

[Alain]
@YeneTube @FikerAssefa

የሩስያ እና ዩክሬን የጥቁር ባሕር የእህል አቅርቦት ስምምነት ካበቃ በተለይ በአፍሪቃ ቀንድ የከፋ ቀውስ እንዳያስከትል የተባበሩት መንግሥታት ድርጅት አስጠነቀቀ።

የስምምነቱ ማብቃት በምግብ ላይ ሌላ የዋጋ መናር አስከትሎ በ10 ሚሊዮን የሚቆጠሩ ሰዎችን ለረሃብ እንዳያጋልጥ ያሰጋል ሲሉ የረድኤት ባለሥልጣናት ዛሬ አስጠንቅቀዋል።የረድኤት ድርጅቶች ማስጠንቀቂያ የተሰማው ሞስኮ ለዓለም ገበያ በምታቀርበው እህል እና ማዳበሪያ ላይ የተጋረጠው እንቅፋት ካልተነሳ በመንግሥታቱ ድርጅት አደራዳሪነት ከስምምነት ከተደረሰው የጥቁር ባሕር ውል ልትወጣ እንደምትችል ካስጠነቀቀች በኋላ ነው።

ሃገራቱ የፊታችን ሐምሌ 10 ቀን 2015 ዓ/ም ሲገናኙ ሩስያ ከውሉ ለመውጣቷ ሙሉ ለሙሉ እርግጠኛ መሆናቸውን የዩክሬን ልዑክ ለሮይተርስ የዜና ወኪል ነግረዋል።ሩሲያ ያለችውን ካደረገች ደግሞ ለአምስትና ተከታታይ ዓመታት ዝናብ አጥ የሆነው የአፍሪቃ ቀንድ አካባቢ ለከፋ ረሃብ ሊጋለጥ እንደሚችል አስግቷል።

ይህም በሰባት የአፍሪቃ ቀንድ ሃገራት የሚኖሩ 60 ሚሊዮን ሰዎችን ለምግብ ዋስትና እጦት እና አልፎም ለረሃብ ሊያጋልጥ እንደሚችል የረድኤት ድርጅቶች ባለሥልጣናት አስጠንቅቀዋል።ሩስያ እና ዩክሬን የጥቁር ባሕርን ውል ከተፈራረሙ ወዲህ ከ700 ሺህ በላይ ቶን እህል ወደ ኢትዮጵያ እና ኬንያ መጓጓዙን የመንግሥታቱ ድርጅት መረጃ ያመለክታል።

ይህም ለቀጣናው ሃገራት መቅረብ ከሚገባው ከሁለት በመቶ እምብዛም ፈቀቅ ያላለ ነው።የዓለም የጤና ድርጅት መረጃ እንደሚያመለክተው በቀጣናው 10.4 ሚሊዮን ሕጻናት ለከፋ የምግብ እጥረት መዳረጋቸውን አመልክቷል። ባለፉት ሦሥት ዓመታት በተለይ በሶማሊያ፣ ደቡብ ሱዳን እና ኬንያ በዚሁ ችግር ወደ ህክምና የመጡ ሕጻናት ቁጥር በከፍተኛ ሁኔታ መጨመሩን መረጃው አክሏል።

[DW]
@YeneTube

የብሔራዊ ምርጫ ቦርድ ዋና ሰብሳቢ ብርቱካን ሚደቅሳ ከኃላነታቸው ለቀቁ!

ወ/ሪት ብርቱካን “በገዛ ፍቃዴ  መልቀቄን  ለተወካዮች ም/ቤት አፈጉባኤ ጽህፈት ቤት ሰኔ 5 ቀን 2015 ዓ.ም አሳውቄያለሁ” ብለዋል።ከኃላፈነታቸው የለቀቁበት ምክንየትም “ጤናዬን በሚገባ ለመጠበቅ የረጅም ጊዜ እረፍት የሚያስፈልገኝ” ነው ብለዋል።

@YeneTube @FikerAssefa

በኤሌክትሪክ አደጋ እናትና ልጅን ጨምሮ የ3 ሰዎች ሕይወት አለፈ

በአዲስ አበባ እና ደቡብ ክልል በኤሌክትሪክ አደጋ እናትና ልጅን ጨምሮ የሦስት ሰዎች ሕይወት አለፈ፡፡

የእሳትና አደጋ ስጋት ስራ አመራር ኮሚሽን የሕዝብ ግንኙነት ባለሙያ ንጋቱ ማሞ ለፋና ብሮድካስቲንግ ኮርፖሬት እንደገለጹት÷ ትናንት ከቀኑ 9:10 ላይ በቦሌ ክፍለ ከተማ ወረዳ 3 አትላስ ፊትለፊት በሚገኝ ከፍተኛ የኤሌክትሪክ ትራንስፎርመር ላይ ዕድሜው 35 ዓመት የሚገመት በኤሌክትሪክ አደጋ ሕይወቱ አልፏል።

አስከሬኑን ለፖሊስ ማስረከባቸውን ጠቁመው÷ በአዲስ አበባ በሁለት ወራት ውስጥ በኤሌክትሪክ አደጋ የሦስት ሰዎች ሕይወት ማለፉን አስታውሰዋል፡፡

በሌላ በኩል በደቡብ ክልል ሀላባ ዞን አቶቴአሎ ወረዳ ጤፎ ጩፎ ቀበሌ ከኤሌክትሪክ ምሰሶ ላይ ተቆርጦ የወደቀ የኤሌክትሪክ ገመድ የእናትና ልጅን ሕይወት ቀጥፏል፡፡

በአደጋው የ23 ዓመቷ እናት ከ2 ዓመት ልጇ ጋር ሕይወታቸው ማለፉን የደቡብ ክልል ፖሊስ መረጃ ያመላክታል፡፡

@Yenetube @Fikerassefa

በዋግነር መሪ ላይ የተከፈተው ክስ ይቀጥላል ተባለ!

የታጠቁ ወንጀለኞችን በማደራጀት የተከሰሰው የዋግነር የግል ወታደራዊ ኩባንያ (PMC) መስራች በሆነው የቭጀኒ ፕሪጎዝኒ ላይ የተከፈተው የወንጀል ክስ ምርመራ አልተዘጋም ሲል የሩሲያ ጠቅላይ አቃቤ ህግ ቢሮ ምንጭ  ለሩሲያው የዜና ወኪል ታስ አረጋግጧል። "በፕሮጎዝኒ ላይ ያለው የወንጀል ክስ አልተዘጋም ምርመራው ቀጥሏል" ሲል ምንጩ ተናግሯል።

ኮሜርሳት የተሰኘው የሩሲያ ጋዜጣ በበኩሉ በሰኞ ማለዳ እትሙ ላይ ፕሪጎዝሂን እና የታጠቁ የቡድኑ አባላትን የሚመለከተው የወንጀል ክስ እንዳልተዘጋ እና በሩሲያ የፌደራል ደህንነት አገልግሎት (FSB) ምርመራ መጀመሩን እንደቀጠለበት ዘግቧል። ቅዳሜ እለት የሩሲያ ጠቅላይ አቃቤ ህግ ጽ / ቤት የታጠቁ ወንጀለኞችን በማደራጀት በሩሲያ የወንጀለኛ መቅጫ ህግ አንቀጽ 279 በየቭጅኒ ፕሪጎዝሂን ላይ የወንጀል ክስ መከፈቱን አስታውቆ ነበር።

ጉዳዩ የተጀመረው ፕሪጎዝሂን በቴሌግራም ቻናል ላይ በወታደሮቼ ላይ ጥቃት ደርሶባቸዋል የሚል መግለጫን ካጋራ በኋላ ሲሆን የዋግነር ደጋፊዎች በሀገሪቱ ከፍተኛ ወታደራዊ መሪዎች ላይ እንዲነሱ ጥሪ በማቅረቡ የተነሳ ነው። በወንጀሉ ከ12 እስከ 20 ዓመታት እስራት ሊቀጣም እንደሚችል ተመላክቷል።

ፕሬዝዳንት ቭላድሚር ፑቲን በቴሌቭዥን ባስተላለፉት መልዕክት አመፁን  ከባድ ወንጀ፤ የአገር ክህደት እና ሽብርተኝነት ሲሉ አውጀው ነበር። ሆኖም ግን ከጥቂት ሰዓታት በኋላ፣ ከፕሪጎዝሂን ጋር በተደረገው ስምምነት፣ በዋግነር መሪ ላይ የተመሰረቱት ሁሉም የወንጀል ክሶች የተቋረጡ መሆናቸው ተገለጸ። በድጋሚ ደግሞ ክሱ ይቀጥላል መባሩ አነጋጋሪ አድርጎታል።

[ዳጉ ጆርናል]
@Yenetube @Fikerassefa

በአዲስ አበባ ከተማ በአጠቃላይ 297 ያክል ቦታዎች ለጨረታ የቀረቡ ሲሆን ከነዚህ ውስጥ 4 ቦታዎች ለጨረታ ብቁ እንዳልሆኑ በባለሙያዎች መለየታቸው እና ሌሎች 6 ቦታዎች ደሞ በቂ ተጫራች ሳያገኙ መቅረታቸውን አቶ ሃብታሙ ተናግረዋል።

በድምሩ13 ሄክታር ገደማ ስፋት ባላቸው በቀሪዎቹ 287 ቦታዎች ላይ በቂ ተጫራቾች ተገኝተው አሸናፊዎች የተለዩ ሲሆን አሁን ላይ ወደ ውል ማሰር እና ሌሎች ሂደቶች እንደተገባ ገልጸዋል።


በሊዝ ለጨረታ ከቀረቡት ቦታዎች 7.7 ቢሊዮን ብሩን ተጫራቾች ቦታውን እንደተረከቡ ክፍያ የሚፈጽሙበት ሲሆን ቀሪው 4.5 ቢሊዮን ብር ደግሞ ከተማ አስተዳደሩ በሰጠው የሊዝ መክፈያ የ5 ዓመት የጊዜ ገደብ ውስጥ የሚከፈል ነው።

በተደረገው ቦታዎችን በሊዝ ጨረታ የማስተላለፍ ሂደት በአራዳ ክፍለ ከተማ 1 ካሬ በ414 ሺህ ብር በከፍተኛ ዋጋ የተሸጠው ሲሆን ዝቅተኛው ደግሞ በለሚ ኩራ ክፍለ ከተማ በ20 ሺህ ብር የተሸጠው መሆኑ ተነግሯል።

አቶ ሀብታሙ የጨረታ ሂደቱ ከዚህ በፊት ከነበረው የተሻለ ግልጽነት የተስተዋለበት እና ተጫራቾች እያንዳንዱን ሂደት በአካል እንዲከታተሉ የተደረገበት እንደሆነም ገልጸዋል።

ነገር ግን በጨረታው ሂደት ላይ ከቴክኖሎጂ ጋር በተያያዙ አሰራሮች  ስህተቶች ተፈጥረው እንደነበር ጠቅሰው፤ በችግሮቹ ላይ ማስተካከያ መደረጉን ነው የተናገሩት።

ተጫራቾችም ምንም አይነት ቅሬታ ካላቸው መስሪያ ቤቱ ይህንን ለማስተናገድ ክፍት መሆኑን ገልጸዋል።

ላለፉት አምስት ዓመታት መሬትን በሊዝ የማስተላለፍ ሂደት ተቋርጦ እንደነበር ያስታወሱት አቶ ሀብታሙ፤ ለዚህ ምክንያቱ በመሬት አያያዝ ስረዓቱ ላይ ክፍተት እና ህገ ወጥነት ይስተዋል ስለነበር መሬት ኦዲት እየተደረገ በመቆየቱ ነው ብለዋል።
@Yenetube @Fikerassefa

የቅዱስ ጴጥሮስ ስፔሻላይዝድ ሆስፒታል የጭንቅላት ቀዶ ህክምና ያለ ሪፈር እንደሚያስተናግድ ገለጸ።

የቅዱስ ጴጥሮስ ስፔሻላይዝድ ሆስፒታል ለማህበረሰቡ ያለ ሪፈር የጭንቅላት ቀዶ ህክምና እየሰጠ መሆኑን የሆስፒታሉ የጭንቅላት ቀዶ ህክምና ክፍል አስታውቋል።

የክፍሉ ሀላፊ ዶ/ር አብዲ ኤርሜሎ እንደገለጹት የህጻናት ጭንቅላት ቀዶ ህክምና ብቻ ላይ ይሰጥ የነበረው አገልግሎት የአዋቂዎችንም የህክምና አገልግሎት ጨምሮ እየተሰጠ ይገኛል።

በህጻናት የህክምና አገልግሎት በኩል የሃይድሮሴፋለስ (የጭንቅላት ውሃ መቋጠር) ህመም  ህክምና ፣ የኤምኤንሲ ቀዶ ህክምና፣ በአከርካሪ ላይ የሚወጡ ዕጢዎች ህክምና እና ከወሊድ ጋር  በተገናኘ የሚፈጠሩ የተለያዩ የጭንቅላት ችግሮች ህክምና የሚሰጥባቸው ናቸው።

በአዋቂዎች ህክምና ደግሞ የአንጎልና አከርካሪ ዕጢዎች፣ የዲስክ መንሸራተት ከአደጋ ጋር በተገናኘ የጭንቅላት ውስጥ ደም መፍሰስ ህክምናዎች እየተሰጡ እንደሚገኙ ዶ/ር አብዲ ተናግረዋል።

#ከሁለት_ወር በፊት የኢንዶስኮፒክ ቀዶ ህክምና መጀመሩ በተለይ ለህጻናት የሚደረገውን ህክምና በማሻሻል የጭንቅላት ውሃ መቋጠርን ለማከም ከጭንቅላት ወደ ሆድ የሚሄድ ቱቦ (vp shunt) በመጠቀም ይሰጥ የነበረውን ህክምና የጎንዮሽ ጉዳቶች በኢንዶስኮፒክ ሰርጀሪ ማስቀረት እንደተቻለም ገልጸዋል።

የህክምና አገልግሎቱ በሳምንት አምስት ቀን እየተሰጠ በወር ከ50 እስከ 60 ቀዶ ህክምናዎች እየተሰሩ የሚገኙ ሲሆን  በቀጣይ የሲአር ማሽን ግዢ ተጠናቆ ወደ ስራ ሲገባ ደግሞ የአከርካሪ  አጥንት ስብራት ህክምናን ጨምሮ ሌሎች ተጨማሪ አገልግሎቶች በሰፊው እንደሚሰጡ ዶክተሩ ተናግረዋል።

በሆስፒታሉ የጭንቅላት ቀዶ ህክምና በከፍተኛ ደረጃ እንዲሰጥ የሆስፒታሉ የማኔጅመንት አባላት ላደረጉት ከፍተኛ ጥረት ሊመሰገኑ ይገባቸዋል ያሉት ዶክተሩ ህብረተሰቡም የህክምና አገልግሎቶቹን ያለ ሪፈር እንደሚሰጡ አውቆ ህክምና ማግኘት እንደሚችል መልዕክታቸውን አስተላልፈዋል።

የሥራ ቪዛ ቼክ ሪፐብሊክ

መሥፈርቶች

የታደሰ ፖስፖርት እድሜ ከ 19_49
ነርስ
የ ኮንስትራክሽን ስራዎች
የ ፊኒሽንግ ስራዎች
አጠቃላይ የብረታብረት ብየዳ ስራዎች

የስራ ሰአት በቀን ከ10 - 12 ሰአት
ደሞዝ ከ 1680_2000 dollar

Accommodation አለው
የፕሮሰስ ግዜ 2 - 3 ወር


Contact Us:

@Sabinavisa2
@Sabina_5757
@SabinaA58

☎️☎️☎️📞📞👇👇👇👇

🤳ስልክ  ቁጥራችን 9445



Website
www.sabinaadvisors.com
    👇👇  ለበለጠ መረጃ 👇👇👇

👉 ወደ ቢሮአችን ይምጡ !
👉 ሃያ ሁለት የአብ ሕንፃ  7ኛ ፎቅ ቢሮ ቁጥር  702
እና ታውን ስኩዬር ህንፃ 6ኛ ቢሮ ቁጥር 602

ከታላቅ አክብሮት ጋር   !!!

https://tttttt.me/sabinaadvisor

https://www.facebook.com/sabinaadvisor

#ADVERTISEMENT

👉ምርጥ የ ኮንስትራክሽን ቻናል ጥቆማ

📜የ ግንባታ ጨረታዎች እና የ ስራ ቅጥር ማስታወቂያ ምታገኙበት
📄እጅግ ጠቃሚ የ ኮንስትራክሽን ሌክቸር ትምህርቶች ሚሰጥበት🗒
💵የ ኮንስትራክሽን እቃዎች ሻጭ እና ገዢ በቀላሉ ሚገናኙበት
📐ውብ ውብ የ ቤት ዲዛይኖች🏠

💻ኮንስትራክሽን ሶፍትዌሮችና ሴታፖችን📀
📙 ኮንስትራክሽን መፅሃፍቶች📚
🎬የ ኮንስትራክሽን ቪድዮዎቾ ምታገኙበት ምርጥ ቻናል

💫እመኑኝ ታተርፉበታላቹ

ቻናልችን ከታች ባለው ሊንክ ይቀላቀሉ

https://tttttt.me/ETCONp
https://tttttt.me/ETCONp
https://tttttt.me/ETCONp

ካናዳ 🇨🇦 የትምህርት እድል ማግኘት በጣም ቀላል ሆኗል Eyob Travel Consultancy ህልዎን ለማሳካት ተዘጋጅቷል
ከናንተ የሚጠበቀው በተጠቀሱት አድራሻዎች መፃፍ ወይንም መደወል ነው

Telegram channel ይቀላቀላሉ
https://tttttt.me/eyob_travel_consultancy

Telegram : @Eyobtravel
Facecook:
https://www.facebook.com/profile.php?id=100093020628881&mibextid=ZbWKwL

Tiktok: tiktok.com/@eyobtravel

ጋዜጠኛ ተመስገን ደሳለኝ በፀጥታ ሀይሎች ተወሰደ!

ዛሬ ጠዋት 12:30 ላይ ሲቪል የለበሱ የፀጥታ ሀይሎች ጋዜጠኛ ተመስገን ደሳለኝ ቤት በመሄድ  "ለጥያቄ እንፈልግሃለን" ብለው እንደወሰዱት ሰምተናል:: ቤተሰቦቹ ለዋዜማ እንደገለፁት የፀጥታ ሀይሎቹ ተመስገንን ወዴት እንደወሰዱት እና ለምን እንደሚፈልጉት የታወቀ ነገር የለም።

[Wazema]
@YeneTube @FikerAssefa

በአፍሪካ ቀንድ በሚሊዮኖች የሚቆጠሩ ሰዎች በረሃብ ቀውስ ውስጥ ይገኛሉ - የተመድ ድርጅቶች

የአየር ንብረት ለውጥ እና ግጭትን ጨምሮ በተደራራቢ አደጋዎች ምክንያት በሚሊዮን የሚቆጠሩ የአፍሪካ ቀንድ ነዋሪዎች በአስቸኳይ የረሃብ አደጋ እና የጤና ቀውስ ውስጥ እንደሚገኙ የተባበሩት መንግስታት ድርጅት ተቋማት ገለጹ።

በምስራቅ አፍሪካ ቀጠና የሚገኙ ሰባት ሀገራት ከዚህ ቀደም ታይቶ በማይታወቅ የምግብ ዋስትና እጦት ውስጥ መሆናቸውን የዓለም ምግብ ፕሮግራም አስታውቋል። ስልሳ ሚሊዮን የሚሆን ህዝብም ንቁ እና ጤናማ ሆነው ለመቆየት የሚያስፈልገውን በቂ ምግብ እንደማያገኙም ባወጣው ሪፖርት ይፋ አድርጓል።

የተቋሙ ከፍተኛ የአደጋ ጊዜ ኃላፊ ዶምኒክ ፌሬቲ፣ የረሃብ ቀውሱ የተመጣጠነ ምግብ እጦት እንዲጨምር ማድረጉን ገልፀው፣ በአፍሪካ ቀንድ ከአምስት ሚሊዮን የሚበልጡ ከአምስት ዓመት በታች ያሉ ሕፃናት ለከፋ የምግብ እጥረት መጋለጣቸውን አስታውቀዋል። ከነዚህ፣ የከፋ የተመጣጠነ ምግብ እጥረት ካለባቸው ህፃናት መካከልም 1.7 ሚሊዮን የሚሆኑት ልዩ የምግብ ድጋፍ ካላገኙ ለሞት ሊዳረጉ እንደሚችሉ አስጠንቅቀዋል።

"ባለፉት ሶስት ዓመታት ውስጥ ምስራቅ አፍሪካ ኮቪድ 19፣ የኢቦላ ወረርሽኝ እና ሌሎች እንደ ኮሌራ እና ኩፍኝ የመሳሰሉ ተላላፊ በሽታዎችን እንዲሁም ደንጊ የተሰኘውና በትንኝ አማካኝነት የሚተላለፈው በሽታ አስተናግዷል። የበረሀ አንበጣ ወረርሽኝም በአካባቢው የሚገኘውን ሰብሎች እና መተዳደሪያ አውድሟል" ያሉት ፌሬቲ፣ "ከሁሉ የከፋው ደግሞ በቀጠናው ያለው ሰፊ ግጭት እና አለመረጋጋት በሚሊዮኖች የሚቆጠሩ ሰዎች ቤታቸውን ጥለው እንዲሰደዱ እና እንደ ኢትዮጵያ፣ ሶማሊያ እና አለመታደል ሆኖ ሱዳንም አዳዲስ ስደተኞች እና ተፈናቃዮች እንዲፈጠሩ ማድረጉ ነው" ሲሉ እነዚህ አስደንጋጭ አኃዞች በአንድ ድንገተኛ አደጋ ብቻ የተከሰቱ አለመሆናቸውን ተናግረዋል።

በአፍሪካ ቀንድ መጣል የጀመረው ዝናብ፣ በታሪክ ለመጀመሪያ ጊዜ፣ ረጅም ጊዜን ላስቆጠረው የድርቅ አደጋ እፎይታን ቢያስገኝም፣ የተባበሩት መንግስታት ድርጅት ተቋማት ግን ዝናብ ብቻውን ቀውሱን ለማስቆም በቂ እንዳልሆነ እያስጠነቀቁ ነው።

የዓለም ጤና ድርጅት ሪፖርት፣ የአፍሪካ ቀንድ የሚኖሩ ሰዎች ከፍተኛ የጤና አደጋዎችን እየተጋፈጡ መሆኑን ያመለክታል። በጤና ተቋሙ የአስቸኳይ አደጋ ዋና ኃላፊ የሆኑት ሊዝቤት አልብሬችት እንደሚያስረዱት፣ አምስት አመታትን በዘለቀው ድርቅ ሳቢያ በርካታ የጤና ችግሮች ተከስተዋል።

"በቅርቡ በአፍሪካ ቀንድ በተከሰተው የጎርፍ አደጋ፣ ባለፈው አመት እና በዚህ አመት እንደ ኮሌራ እና ኩፍኝ የመሳሰሉ ወረርሽኞችን እያየን ነው። ቁጥር በጣም ከፍተኛ የሆነ የወባ በሽታም አለ። ስለዚህ በጎርፍ ተፅእኖ ምክንያት እነዚህ በሽታዎች እየተባባሱ ሲሄዱ እያየን ነው" ሲሉም፣ በከፍተኛ ዝናብ እና ከባድ የጎርፍ አደጋዎች በተጎዱ አካባቢዎች የጤና ችግር እየተባባሰ እንደሚሄድ አስጠንቅቀዋል።

በምዕራቡ የአፍሪካ ቀንድ ክፍል ከድርቁ ጋር ተመሳሳይ የሆነ ሁኔታ በቀጠለበት ወቅት፣ በምስራቁ አካባቢ ተጨማሪ ዝናብ የሚጠበቅ መሆኑ፣ የዓለም ጤና ድርጅት አዳዲስ ፈተናዎችን እንዲጋፈጥ እያደረገው መሆኑን አልብሬችት ጨምረው ገልፀዋል። ሁለቱም ከባድ የአየር ሁኔታ ክስተቶች የንጹህ ውሃ አቅርቦትን እንደሚቀንሱም አስረድተዋል። አልብሬችት አክለውም፣ ይህ ሁኔታ የወባ እና ሌሎች ውሃ ውለድ በሽታዎች እንዲስፋፉ እንደሚያደርግና በሰዎች የአመጋገብ እና የጤና ሁኔታ ላይ አሉታዊ ተፅእኖ እንደሚያሳድርም አክለው ገልጸዋል።

Via VoA
@YeneTube @FikerAssefa

የአረፋ በዓልን ምክንያት በማድረግ ነገ ማለዳ 9 ጊዜ መድፍ ይተኮሳል

የኢድ-አል አድሃ (አረፋ) በዓልን ምክንያት በማድረግ ነገ ማለዳ 9 ጊዜ መድፍ እንደሚተኮስ የመከላከያ ሚኒስቴር አስታወቀ፡፡

ነገ የሚከበረውን የኢድ-አል አድሃ (አረፋ) በዓልን ምክንያት በማድረግ ማለዳ 12 ሰዓት ላይ 9 ጊዜ መድፍ እንደሚተኮስ በመከላከያ ሚኒስቴር ሥነ ልቦና ግንባታ ዳይሬክቶሬት አስታውቋል።

@Yenetube @Fikerassefa

በሌተናል ጄኔራል ሐምዳን ዳጋሎ የሚመራው ፈጥኖ ደራሽ ሀይል በካርቱም የሚገኘውን የሱዳን ፖሊስ ጠቅላይ መምሪያን ተቆጣጠርኩት አለ፡፡

RSF የተሰኘው ፈጥኖ ደራሽ ሀይል በካርቱም የሚገኘውን የፖሊስ ጠቅላይ መምሪያ መያዙን አስመልክቶ መግለጫ እንዳወጣ ሜኸር ድረ ገፅ ፅፏል፡፡ፈጥኖ ደራሹ ታጣቂዎቹ ጠቅላይ መምሪያውን መቆጣጠራቸውን የሚያስተማምኑ ፎቶ ግራፎችን እዩልኝ ማለቱም ታውቋል፡፡

RSF የፖሊስ ጠቅላይ መምሪያውን የተቆጣጠረው ካለፈው ቅዳሜ አንስቶ ሲካሄድ በነበረው ከባድ ውጊያ ነው ተብሏል፡፡

የፈጥኖ ደራሹ ሀይል የተቆጣጠረው የፖሊስ ጠቅላይ መምሪያ የበርካታ ጦር መሳሪያዎች እና ጥይቶች መገኛ እንደሆነ ተጠቅሷል፡፡በሱዳን መንግስት ጦር እና በፈጥኖ ደራሹ ሀይል መካከል ውጊያው ከ11 ሳምንታት በላይ ሆኖታል፡፡

✍Sheger
@YeneTube @FikerAssefa

በቡራዩ ከዕለት ወደ ዕለት እየተባባሰ የመጣ የጅምላ እስር መኖሩ ተገለጸ!

በቅርቡ በአዲስ አበባ ዙሪያ በተዋቀረው ሸገር ከተማ አስተዳደር ቡራዩ ክፍለ ከተማ የጅምላ እስር ከዕለት ወደ ዕለት እየተባባሰ መምጣቱን ነዋሪዎች ለአዲስ ማለዳ ተናግረዋል።በዚህም ከቅርብ ጊዜያት ወዲህ እንደዚህ ዓይነት ተግባራት እየተበራከቱ ነው ሲሉ ገልጸዋል።ድርጊቱን የሚፈጽሙት የኦሮሚያ ፖሊስ እና የአካባቢው ሚሊሻ አባላት መሆናቸን የገለጹት ነዋሪዎቹ፤ ወጣቶች ያለ ፍርድ ቤት ትዕዛዝ በየዕለቱ ወደ እስር ቤት በጅምላ እየተጋዙ ነው ብለዋል።

በከተማው ያሉ ወጣቶች ለእስር የሚዳረጉበት ዋነኛ ምክንያት፤ በብዛት ከወለጋ እንዲሁም ከተለያዩ የምዕራብ ሸዋ እና የሰሜን ሸዋ አካባቢዎች በጸጥታ ችግሮች ተፈናቅለው የመጡ በመሆናቸው፣ “ከኦነግ ሸኔ ታጣቂዎች ጋር ግንኙነት አላችሁ” በሚል ጥርጣሬ ነው ተብሏል።ወጣቶቹን ከተለያዩ የመዝናኛ ሥፍራዎች ጭምር እንደሚታፍሱ እና ሲያዙም ኃይል የተቀላቀለበት ድርጊት እንዲሁም ሌሎች የመብት ጥሰቶች እንደሚፈጸምባቸው ተመላክቷል።

ድርጊቱ በከተማዋ ባሉ ድሬ፣ ከታ እና ማርያም በተባሉ ሰፈሮች በስፋት እንደሚፈጸምም ተጠቁሟል።በዚህ የተነሳ በከተማው ያሉ እስር ቤቶች ከእስረኞች መሙላታቸው እና ቀሪዎቹ ደግሞ በክፍለ ከተማው የመሬት አስተዳደር ጽህፈት ቤት እና በተለያዩ የመንግሥት መስሪያ ቤቶች ታስረው እንደሚገኙ ነው የተገለጸው።

ወጣቶቹ ወደ እስር ቤት ከገቡ በኋላም ወደ ፍርድ ቤት ሳይቀርቡ ከሦስት እስከ አራት ወራት እንደሚቆዩ ብሎም ዛቻ እና ከፍተኛ ድብደባ እንደሚያደርሱባቸውም ተጠቁሟል።የክፍለ ከተማው መታወቂያ የሌለው ሰው በከተማዋ ለመንቀሳቀስ እጅግ አስቸጋሪ ነው ያሉት ነዋሪዎቹ፤ በዚህም ምክንያት ለእስር የሚዳረጉ ሰዎች ቁጥራቸው ከፍተኛ ነው ሲሉ ተደምጠዋል፡፡

በተጨማሪም ራሳቸው የመንግሥት የጸጥታ ኃይሎች ያሰሯቸውን ሰዎች ጉቦ እየተቀበሉ እንደሚለቋቸው እና የመክፈል አቅም የሌላቸው ታሳሪዎች ደግሞ ለወራት በከፍተኛ ችግር ውስጥ ሆኖ በእስር እንደሚቆዩ ተጠቅሷል።ጉዳዩን በተመለከተ ከሸገር ከተማ አስተዳደር ከንቲባ ጽህፈት ቤት ምላሽ ለማግኘት የተደረገው ጥረት ሳይሳካ ቀርቷል።

[Addis Maleda]
@YeneTube @FikerAssefa

በኩሪፍቱ ሀይቅ ለመዋኘት የገባው የሩሲያ ዜጋ ህይወቱ አለፈ!

በቢሾፍቱ ኩርፊቱ ሀይቅ በመዝናናት ላይ ከነበሩት የዉጭ ሀገር ዜጎች መካከል አንድ የሩሲያ ዜግነት ያለዉ የ 55 ዓመት ህይወቱ ማለፉን እሳትና አደጋ ስጋት ስራ አመራር ኮሚሽን አስታውቋል።

የኮሚሽኑ የህዝብ ግንኙነት ባለሙያ አቶ ንጋቱ ማሞ ለብስራት ሬድዮ እንደተያገሩት ግለሰቡን ለሞት ያበቃዉ በኩሪፍቱ ሀይቅ 1መቶ 50 ሜትር ድረስ ርቀት ሀይቁን ዘልቆ በመዋኘት ላይ ሳለ መመለስ ሳይችል ቀርቶ ነው ብለዋል።

ዋና ለመዋኘት የገባዉ እሁድ ሰኔ 18 ቀን 2015 ዓ.ም ሲሆን የኮሚሽን መ/ቤቱ ጠላቂ ዋናተኞች ትላንት ሰኔ 19 እለት ከሁለት ሰዓት ፍለጋ በኋላ አስከሬኑን አግኝተዉታል ሲሉ ጨምረዉ ተናግረዋል።

Via Bisrat
@YeneTube @FikerAssefa

ድብደባ ደርሶባቸዉ አካል ጉዳተኛ የሆኑ የፓርቲ አባላት እንዳሉ የፖለቲካ ፓርቲዎች የጋራ ምክር ቤት ገልጿል፡፡

የተለያየ የፓርቲ አባል ናችሁ በሚል ከሚደርሰዉ አፈናና ማስፈራሪያ ባሻገር ድብደባ ደርሶባቸዉ አካል ጉዳተኛ የሆኑ፤ የስነ ልቦና ቀዉስ የደረሰባቸዉና ፓርቲዎችን እንዳይቀላቀሉ የተደረጉ ግለሰቦች መኖራቸውን የተናገሩት የፖለቲካ ፓርቲዎች የጋራ ምክር ቤት ዋና ፀሀፊ ዶክተር ራሄል ባፌ ናቸዉ፡፡

ካለፈዉ አምስት አመት ወዲህ እያንዳንዱ ፓርቲና ፖለቲከኛ የራሱን ርዕዮት ይዞ በመምጣት የተሻለ ስርአት ይኖራል የሚል ተስፋ ተጥሎ የነበረ ቢሆንም መልሶ ወደ ቀድሞው ስርአት እንዲመለስ ሆኗልም ብለዋል፡፡በተለይም በክልሎች በፓርቲ አባላትና አመራሮች ላይ እየደረሰ ያለዉ የሰብአዊ መብት ጥሰት አደገኛ እንደሆነ እና እየደረሰ ያለዉ ጫናም ቢሆን የፖለቲካ ስርአቱን የሚያዛባ ነዉ ሲሉ የችግሩን አሳሳቢነት የፖለቲካ ፓርቲዎች የጋራ ምክር ቤት ዋና ፀሀፊ አብራርተዋል፡፡

[አሐዱ]
@YeneTube @FikerAssefa

በአንዋር ሶሳ ምትክ ዊም ቫንሄሌፑቴ ነሀሴ 1, 2023 ጀምሮ ሳፋሪኮም ኢትዮጵያ ዋና ስራ አስፈፃሚ ሆነው ተሾሙ። ዊም በአሁኑ ጊዜ የኤምቲኤን ዩጋንዳ ዋና ስራ አስፈፃሚ ሆኖ እየሰራ ነው።

[Capital]
@YeneTube @FikerAssefa