በጎንደር ከተማ አዘዞ ኮንደሚኒየም ነዋሪዎች በአሁኑ ሰአት ከአካባቢዉ እየለቀቁ ነዉ!

በአማራ ክልላዊ መስተዳደር ጎንደር ከተማ በተለመዶ አዘዞ ኮንዶሚኒየም ተብሎ በሚጠራው አካባቢ ነዋሪዎች በአሁኑ ሰአት የሮኬት ጥቃት ይደርሳል  በሚል ፍራቻ ከአከባቢው እየለቀቁ ነዉ።አዲስ ዘይቤ አገኘሁት እንዳለው መረጃ ከሆነ በአሁኑ ሰአት አብዛኛው ነዋሪ በምሽት ከቦታዉ እየለቀቀ እንደሆነና ነዋሪዎቹም መንግስት መረጃ በአፋጣኝ መስጠት አለበት ብለዉ እየጠየቁ ነዉ።

የኮንደሚኒየሙ መገኛ ለመከላኪያ ሰራዊት ካምፕ አቅራብያ በመሆኑ ነዋሪዉ ቤተሰቡን እና ጓዙን ሸክፎ ወደ መሀል ከተማ በመንቀሳቀስ ላይ ይገኛል።አዲስ ዘይቤም በጉዳዩ ላይ የበለጠ መረጃ ለማግኘት ወደ ከተማዉ የህዝብ ግንኙነት ሃላፊ አቶ ቻላቸዉ ዳኘዉ  ጥሪ አድርጋ ነበር።እርሳቸውም በአከባቢው የተፈጠረዉን ሁኔታ አምነው "አካባቢው እንዳይታወክ እና ዝርፊያ እንዳይፈጸም  የፀጥታ አካላትን አሰማርተናል" ብለዋል።

Via Addis Zeybe
@YeneTube @FikerAssefa

በተለያዩ ማህበራዊ ሚዲያ እና የዜና አውታሮች የኢትዮጵያ ባለሥልጣናት በኡጋንዳ ከሕወሓት ጋር በሽምግልና ውይይቶች ላይ ይሳተፋሉ ተብሎ የተነገረው ወሬ የተሳሳተ መሆኑን እወቁት ተብሏል።

የቀረበው መረጃ የተሳሳተ እና በአስቸኳይ ጊዜ ዐዋጅ ግብረ ኃይል ያልተረጋገጠ ነው መባሉን ሰምተናል።

የፌደራል መንግሥት በትግራይ ክልል የሕግ የበላይነትን ለማስከበር በቁርጠኝነት እየሠራ ነው ተብሏል፡፡

መገናኛ ብዙሀን እንደ መሠረታዊ የጋዜጠኝነት አሠራር የኢትዮጵያን የሕግ የበላይነትን የሚመለከቱ ጥያቄዎችን ሁልጊዜ በአስቸኳይ ጊዜ አዋጅ ግብረ ኃይል ፕሬስ ሴክሪታሪያት በኩል እንዲያረጋግጡ የአስቸኳይ ጊዜ አዋጅ የመረጃ ማጣሪያ ተናግሯል።

@YeneTube @FikerAssefa

በአዲስ አበባ ሸራተን ሆቴል አካባቢ የእሳት አደጋ ተከስቷል።

አደጋዉ ከደቂቃዎች በፊት ሸራተን ሆቴል ጫፍ ላይ ከዘውዲቱ ሆስፒታል አጠገብ ባለ አንድ ካፌ ላይ የተነሳ ሲሆን አደጋው በመዛመት ላይ ይገኛል።

የአዲስ አበባ እሳት እና አደጋ ስጋት አመራር ኮሚሽን ሰራተኞች ወደ ቦታው አቅንተዋል።

Via Ethio FM
@YeneTube @FikerAssefa

ጀዋር መሀመድ እና በቀለ ገርባ ታመው ህክምና በመከልከላቸው የረሃብ አድማ ላይ ናቸው ብሏል OMN!

አቶ ጀዋር መሀመድ ስለታመመ አስቀድሞ ፍ/ቤት ባዘዘው መሰረት የግል ሃክሞቹ እንዲመጡለት መልዕክት አስተላልፎ ነበር። ይሁንና ሁለት ሃኪሞቹ በትናንትናው ዕለት ቃሊቲ ማረሚያ ቤት ቢመጡም ማረሚያ ቤቱ ከ 2 ሰዓት ተኩል በላይ ካቆያቸው በኋላ ከልክሎ መልሷቸዋል።

አቶ በቀለ በበኩላቸው ከአራት ቀን በፊት እግራቸው አብጦ እንደሚያማቸው ቢያሳውቁም እስከዛሬ ህክምና አላገኙም።ከዚህ የተነሳ ዛሬ ከቤተሰብ ምግብ አልተቀበሉም የረሃብ አድማ ላይ በመሆናቸው ከክፍላቸው ወጥተው ቤተሰብና ጠያቂዎችን አላናገሩም። በእስር ቤቱ ያለው የህክምና ሆኔታ አጠቃላይ የታሳሪዎቹ አያያዝ እያሽቆለቆለ ብሏል የኦሮሚያ ሚዲያ ኔትዎርክ (OMN) በዘገባው።

@YeneTube @FikerAssefa

ለመከላከያ ሰራዊቱ የህክምና ድጋፍ ለመስጠት ወደ ጦር ግንባር ለሚያመሩ የህክምና ባለሙያዎች አሸኛኘት ተደረገ!

ለኢፌዴሪ መከላከያ ሰራዊት የህክምና ድጋፍ ለመስጠት ወደ ጦር ግንባር ለሚያመሩ የህክምና ባለሙያዎች በአዲስ አበባ ከተማ አስተዳደር አሸኛኘት ተደርጓል።በአሸኛኘቱ ላይ የከተማዋ ምክትል ከንቲባ ወይዘሮ አዳነች አበቤ፤ የከተማዋ ጤና ቢሮ ሃላፊ ዶክተር ዮሃንስ ጫላን ጨምሮ በርካታ የስራ ሃላፊዎች ተገኝተዋል።

ከዚህ የሽኝት መርሃግብር ቀጥሎ የጤና ባለሙያዎች በቀጥታ ወደ ስፍራው የሚያመሩ ይሆናል።

የአዲስ አበባ ጤና ቢሮ ሃላፊ ዶክተር ዮሃንስ ጫላን በዚህ ወቅት ''የጤና ባለሙያች የመከላከያ ሰራዊቱን ለማገልገል እድል በማግኘታቹ እንኳን ደስ አላችሁ'' ብለዋል።የህክምና ድጋፍ ለመስጠት የሚሄዱት ባለሙያዎች 10 ስፔሳሊስት ዶክተሮች፤ 24 ነርሶች፤ አንድ ማደንዘዣ የሚሰጥ ስፔሻሊስት ዶክተርን ጨምሮ 48 የህክምና ባለሙያዎች በሁለት ቡድን ተከፍለው ይጓዛሉ ብለዋል።

Via ENA
@YeneTube @FikerAssefa

የአፍሪካ ሚሊየነሩ ሰባኪ ‘ነብይ’ ቡሺሪ ከደቡብ አፍሪካ አመለጠ!

በአፍሪካ የናጠጠ ሀብታም ነው የሚባለው አወዛጋቢው ሰባኪ ነብይ ሸፐርድ ቡሺሪ ከደቡብ አፍሪካ አመለጠ። ቡሺሪ በደቡብ አፍሪካ በቁጥጥር ሥር ውሎ የፍርድ ሂደቱን እየተከታተለ ነበር።አወዛጋቢው ቡሺሪ በደቡብ አፍሪካ በቁጥጥር ሥር ውሎ የነበረው ባለፈው ዓመት የካቲት ወር ላይ ነበር።የተመሰረተበት ክስ ደግሞ ከማጭበርበርና ከሕገወጥ የገንዘብ ዝውውር ጋር የተያያዘ ነበር። ይህን የፍርድ ሂደት በመከታተል ላይ ሳለ ነው በድንገት ከደቡብ አፍሪካ አምልጦ ወደ ትውልድ አገሩ ማላዊ የገባው።

ሚሊየነሩ ነብይ ቡሺሪ እንዴት ሊያመልጥ ቻለ የሚለው ደቡብ አፍሪካዊያንን እያነጋገረ ሲሆን ምናልባት የማላዊ ፕሬዝዳንት በሚጠቀሙበት ቻርተርድ ጄት አውሮፕላን እንደሸሸ ተገምቷል።አንዳንድ ዘገባዎች እንዲያውም የማላዊው ፕሬዝዳንት ላዛረስ ቸክዌራ ናቸው ሸሽገው በግል አውሮፕላናቸው ከደቡብ አፍሪካ ያስወጡት ይላሉ።የማላዊ ፕሬዝዳንት ጽሕፈት ቤት ግን ይህንን ክስ አስተባብሏል።የሚሊየነሩ ሰባኪ ሼፐርድ ቡሺሪ ጉዳይ በደቡብ አፍሪካና በማላዊ መካከል የዲፕሎማሲ ቅራኔ ሊፈጥር ይችላል የሚል ስጋት አለ።የደቡብ አፍሪካ መንግሥት ማላዊ ተጠርጣሪውን ከነባለቤቱ አሳልፍ እንድትሰጣት እንደምትጠይቅ ተናግራለች። ደቡብ አፍሪካና ማላዊ ወንጀለኞችን አንዱ ለሌላው አሳልፎ የመስጠት ስምምነት አላቸው።

Via BBC
@YeneTube @FikerAssefa

የተባበሩት መንግስታት ድርጅት (ተመድ) በትግራይ ክልል በተለያዩ መስሪያ ቤቶቹ ተመድበው ይሰሩ የነበሩ የተወሰኑ ሰራተኞቹን ማስወጣቱን ምንጮች ኢትዮጵያ ኢንሳይደር ምንጮቹን ጠቅሶ ዘግቧል።

የውጭ ሀገር ዜግነት ያላቸው እና ኢትዮጵያውያን የድርጅቱ ሰራተኞች፤ በተመድ ተሽከርካሪዎች ተጭነው ክልሉን የለቀቁት ከትላንት በስቲያ ቅዳሜ መሆኑንም ገልጸዋል።አዳራቸውን ትላንት በአማራ ክልል ያደረጉት እኚሁ ሰራተኞች፤ በዛሬው ዕለት አዲስ አበባ ይገባሉ ተብሎ እንደሚጠበቅ እነዚሁ ምንጮች ጠቁመዋል።በአዲስ አበባ ከሚገኙ የተመድ መስሪያ ቤቶች በአንዱ የሚሰሩ የኢትዮጵያ ኢንሳይደር ምንጭ፤ ድርጅቱ ሰራተኞቹን የማስወጣት የአስቸኳይ ጊዜ እንቅስቃሴ የጀመረው ባለፈው ማክሰኞ መሆኑን አስረድተዋል።

(ኢትዮጵያ ኢንሳይደር)
@YeneTube @FikerAssefa

በአዲስ አበባ ፍልዉሃ አካባቢ ተነስቶ የነበረዉን እሳት አደጋ መቆጣጠሩን የእሳት እና አደጋ ስጋት ኮሚሽን አስታወቀ!

በአዲስ አበባ ከተማ አስተዳደር ፍልዉሃ አካባቢ ተነስቶ የነበረዉን እሳት አደጋ መቆጣጠሩን የእሳት እና አደጋ ስጋት ኮሚሽን አስታወቀ።የእሳት እና አደጋ ስጋት ኮሚሽን የእሳት እና ድንገተኛ አገልግሎት ዳይሬክተር አቶ ወንደምአገኝ አልታየ እንደተናገሩት ከሆነ አደጋዉ የተከሰተዉ ከፍልዉሃ አደባባይ ወደ አምባሳደር የሚወስደዉ መንገድ ላይ የሚገኙ ሬስቶራንቶች እና ሌሎች ንግድ ቦታዎች ላይ ሲሆን በአጭር ሰዓት ሊቆጣጠሩት እንደቻሉ ገልፀዋል።ዳይሬክተሩ አያይዘዉም በተደረገው ፈጣን ምላሽ ብዙ ንብረት ማዳን እንደተቻለ ተናግረዋል። ምን ያህል መጠን ያለው ጉዳት ደረሰ የሚለው ገና በማጣራት መሆኑን የተናገሩ ሲሆን የፖሊስ ፎረንሲክስ አባላት የእሳቱን መንስኤ እያጣሩ ነዉ ብለዋል።

Via Addis Zeybe
@YeneTube @FikerAssefa

በኢትዮጵያ የተጀመረው ሕግ የማስከበር ስራ የአገሪቷን አንድነት በጠበቀ መንገድ እንዲካሄድ ሩሲያ አሳሰበች።

የሩሲያ የውጭ ጉዳይ ሚንስቴር መግለጫን ዋቢ አድርጎ ስፑትኑክ በድረገጹ ይዞት በወጣው ዘገባ የሩሲያ የረጅም ጊዜ ወዳጅ የሆነችው ጦርነቱ ኢትዮጵያ ግዛቷን እና አንድነቷን በማያናጋ መንገድ እንዲቋጭ ፍላጎት እንዳላት ገልጻለች።ሚኒስቴሩ አክሎ እንዳለው ኢትዮጵያ የበርካታ ብሄሮች እና ሀይማኖቶች አገር እንደመሆኗ የፌደራል መንግስት እና የትግራይ ክልል የአገሪቱን አንድነት እና ዘላቂ ሰላም በጠበቀ መንገድ እንዲመክሩ በመግለጫው ጠቁሟል።

በኢትዮጵያ ከሳምንት በፊት የሰሜን ዕዝ ላይ በህዋሃት የደረሰበትን ጥቃት ተከትሎ የኢትየጵያ መንግስትም አጸፋውን በሃይል እርምጃ እየወሰደ ይገኛል፡፡ከዚህ በተጨማሪም የኢትዮጵያ መንግስት በትግራይ ክልል ጊዚያዊ የሽግግር መንግስት ማቋቋሙም ይታወሳል፡፡

ጠቅላይ ሚኒስቴር ዶክተር አብይ አህመድ ባሳለፍነው አርብ የትግራይ ልዩ ሃይል ህገመንግስቱን በማስከበር ላይ ላለው የአገር መከላከያ ሰራዊት እጅ እንዲሰጡ የሰጡት የሶስት ቀናት ጥሪ ዛሬ ያበቃል።የአገር መከላከያ ሰራዊት፣ የአማራ ክልል ልዩ ሃይል እና ሚሊሻ በትናንትናው ዕለት የአላማጣ ከተማን እና ካባቢውን ሙሉ ለሙሉ ከትገራይ ልዩ ሃይል መቆጣጠራቸው ይታወሳል።

Via Ethio FM
@YeneTube @FikerAssefa

“የፌዴራል መንግስቱ እና ህወሓት ለድርድር ሊቀመጡ ከሚችሉበት የህግ እና የሞራል እኩሌታ ላይ አይደሉም”-የፌዴሬሽን ምክር ቤት

ከህወሓት ጋር ለድርድር መቀመጥ የፌዴራል መንግስት በህገ መንግስቱ መሰረት የተሰጠውን ኃላፊነት ማቅለል ነው ሲል የፌዴሬሽን ምክር ቤት አሳሰበ፡፡ምክር ቤቱ የፌዴራል መንግስቱን ጣልቃገብነት በተመለከተ መግለጫ አውጥቷል፡፡

ህወሓት በሃገሪቱ መከላከያ ሰራዊት እና በአጎራባቹ የአማራ ክልል ላይ ጥቃት መፈጸሙን ተከትሎ ህግና ህገ መንግስታዊ ስርዓቱን እንዲያስከብር ለፌዴራል መንግስቱ ጣልቃ የሚገባበትን ፍቃድ መስጠቱን ያስታወቀው ምክር ቤቱ አንዳንዶች ህግ የማስከበሩን ዘመቻ እንደ እርስበርስ ጦርነት በመቆጠር ለድርድር ጥሪ አቅርበዋል ብሏል፡፡

ሆኖም ከህወሓት ጋር ለድርድር መቀመጡ “የፌዴራል መንግስቱ ህገ መንግስቱንና የፌዴራል ስርዓቱን ለመጠበቅ የተሰጠውን ህገ መንግስታዊ ኃላፊነት ማቃለል” እንደሆነም ነው ያስታወቀው፡፡

በብረት የታገዘ አመጽ መቀሰቀስ፣ ከሌሎች ክልሎች ጋር ያሉ ችግሮችን ሰላማዊ ባልሆኑ መንገዶች ለመፍታት መሞከር እና የፌዴራሉን የሰላምና የጸጥታ ሁኔታ ማናጋት የፌዴራል መንግስቱ በክልሎች ጣልቃ እንዲገባ ሊጋበዝ የሚችልባቸው ህገ መንግስታዊ ምክንያች እንደሆኑም ምክር ቤቱ አብራርቷል፡፡

በትግራይ ክልል የነበረውን ሰራዊት ያጠቃውና የዘረፈው ህወሓትም እነዚህኑ የፌዴራል መንግስቱ ጣልቃ እንዲገባ የሚጋበዝባቸውን ምክንያቶች ያሟላ ህገ ወጥ ድርጊት መፈጸሙንም ነው የገለጸው፡፡

ህገ መንግስታ ስርዓቱን አደጋ ላይ ከጣሉት ከእነዚህ አካላት ጋር መደራደሩ የፌዴራል መንግስቱን ኃላፊነት ማቃለል ይሆናል ሲልም በአጽንኦት ገልጿል፡፡“ይህ እንዲሆን የሚፈቅደው ህገ መንግስት በራሱ በህወሓት ንቁ ተሳታፊነት ተዘጋጅቶ መጽደቁንም ማስታወሱ ይጠቀምማል”ም ነው ምክር ቤቱ ያለው፡፡በዚህ ምክንያት ህወሓት የፌዴራል መንግስቱን ጣልቃ ገብነት ሊሞግት አልያም እንደራደር ሊል የሚችልበት አግባብ እንደሌለም አስቀምጧል፡፡

በተጨማሪም የፌዴራል መንግስቱ ለድርድር ይቀመጥ ማለቱ ለህወሓት ህጋዊና ሞራላዊ የእኩልነት ደረጃን እንደመስጠት ተደርጎ እንደሚቆጠርም ነው ያስቀመጠው፡፡ሊደራደሩ የሚችሉበት “ህጋዊም ሞራላዊም አግባብ የለም”ም ብሏል፡፡የፌዴራል መንግስቱ ህገ መንግስታዊ ስርዓቱን ለመታደግ እየሰራ እንደሚገኝም አስታውቋል፡፡ይህ ሳይሆን ቀርቶ የፌዴራል መንግስቱ ህገ መንግስታዊ ስልጣኑን ተጠቅሞ ህገ መንግስታዊ ስርዓቱን ለመታደግ ካልቻለ እና መደራደርን ከመረጠ ወደ ፊት እጅግ አደገኛ ሁኔታ እንደሚገጥመው አሳስቧል፡፡ይህ ማለት ሌሎች የፌዴሬሽኑ አካል የሆኑ የክልል መንግስታት የፌዴራሉን መንግስት ያለ ማንም ከልካይነት መገዳደር እንዲችሉ መፍቀድ ማለት እንደሆነም ነው ምክር ቤቱ “ሊታለፍ የሚችል” እንዳልሆነ በመጥቀስ ያሳሰበው፡፡

Via Al ain
@YeneTube @FikerAssefa

በትግራይ ክልል ምርጫ እስከሚካሄድ ድረስ ክልሉ በጊዜያዊ አስተዳድሩ መመራቱ እንደሚቀጥል የፌደራል ዲሞክራሴ ግንባታ ማዕከል አስታወቀ።

በትግራይ ክልል እየተወሰደ ያለው ህግን የማስከበር ስራ እንደተጠናቀቀ ክልሉ በጊዜያዊ አስተዳድሩ ከተመራ እና ምርጫ ማካሄድ የሚያስችል ሁኔታ ከተፈጠረ በኋላ ምርጫ እንደሚካሄድም ማዕከሉ ገልጿል።በክልሉ ህግ የማስከበር ስራው ሲጠናቀቅ ክልሉ ምን ይሆናል? የሚለው የብዙዎች ጥያቄ ነው።

በጉዳዩ ላይ የፌደራል ዲሞክራሴ ግንባታ ማዕከል አስተባበሪ ዶ/ር ቢቂላ ሁሪሳ ለኢትዮ ኤፍ ኤም እንዳሉት የትግራይ ክልል ህዝብ ለነጻነት ፤ለሰላም እና ራስን በራስ ለማስተዳደር ለእኩልነት በጣም ከፍተኛ ዋጋ የከፈለ ኩሩ ህዝብ ነው ብለው፡፡ህዝቡን ከህወሃት አምባገነን ቡድን ነጻ የማውጣት እና ህግን የማስከበር ስራው እንደተጠናቀቀ ጊዜያዊ አስተዳድር ይቋቋማል በመቀጠልም በምርጫ የራሱን አስተዳድር እና ክልላዊ መንግስት ያቋቁማል ሲሉ ዶክተር ብቂላ ተናግረዋል።

በህገመንግስቱ መሰረት አንድ ክልልም ሆነ በፌደራል መንግስቱ ውስጥ ስልጣን የሚያያዘው በምርጫ እና በህዝብ ይሁንታ ብቻ እንደሆነም ያስረዳሉ፡፡በትግራይ ክልል አሁን ባለው ህገወጥ አካሄድ ምክንያት ከፍተኛ የሆኑ የህግ ጥሰት በማጋጠሙ ምክንያት በክልሉ ውስጥ ጊዜያዊ አስተዳደር እንዲቋቋም የፌደሪሽን ምክር ቤት ቀድም ብሉ መወሰኑን አስታውሰዋል።

አሁን ግን ቅድሚያ የህግ ማስከበሩን ሂደት እያከናወንን ከስር ከስር ትግራይ ክልል ውስጥ ጊዜያዊ አስረዳደር ይዋቀራል ብለዋል ዶ/ር ቢቂላ፡፡ባለፈው ሳምንት የተቋቋመው ጊዜያዊ አስተዳድርን በተመለከተ የክልሉ ህዝብ እንዲያውቅ የምንፈልገው ይህ አስተዳድር በስራ ላይ የሚቆየው ምርጫ እስከሚካሄድ ድረስ ብቻ መሆኑን ነውም ብለዋል ዶክተር ቢቂላ።

የጊዜያዊ አስተዳድሩ ሃላፊነቶች ህዝቡ መደበኛ አገልግሎቶችን እንዲያገኝ፣እንዲረጋጋ ፣እና ሌሎች መንግስታዊ አገልግሎቶችን ለህብረተሰቡ መስጠት እንደሆነም ዶክተር ቢቂላ ገልጸዋል።የሳይንስ እና ከፍተኛ ትምህርት ሚኒስትር ዴዕታ የነበሩት ዶክተር ሙሉ ነጋ የትግራይ ክልል ጊዜያዊ አስተዳድር ዋና ስራ አስፈጻሚ ሆነው መሾማቸው ይታወሳል።

[Ethio FM]
@YeneTube @FikerAssefa

በምክትል ጠቅላይ ሚኒስትርና የውጭ ጉዳይ ሚኒስትር አቶ ደመቀ መኮንን የተመራ የልዑካን ቡድን በምስራቅ አፍሪካ ሀገራት ጉብኝት እያካሄደ ነው።

ህግ የማስከበሩ ዘመቻ የውስጥ ጉዳያችንን በራሳችን አቅም መልክ ለማስያዝ የሚካሄድ በመሆኑና "አክራሪው ሃይል" በህግ ስር ከመሆኑ በፊት ምንም አይነት የውጭ ሃይል እንቅስቃሴ ስርዓት አልበኝነትን በማንገስ የሀገራችንን ሰላም የማደፍረስ ውጤት የሚያስከትል መሆኑን መንግስት አቋሙን ግልፅ አድርጓል።

ይህንኑ አቋም በማስረዳት የቀጠናው አገራት መንግስት የጀመረውን ህግና ህገ መንግስት የማጽናት ጥረት እንዲደግፉ ለማስቻል የጠቅላይ ሚኒስትሩን መልዕክት የያዘና በምክትል ጠቅላይ ሚኒስትርና የውጭ ጉዳይ ሚኒስትር አቶ ደመቀ መኮንን የተመራ የልዑካን ቡድን ወደ ተለያዩ የቀጠናው አገራት ጉብኝት ጀምሯል።ጉብኝቱ ከስድስት በላይ አገራትን የሚሸፍን መሆኑ ታውቋል።

Via FBC
@YeneTube @FikerAssefa

በአዲስ አበባ ቦሌ ኤድናሞል አካባቢ ከባድ የእሳት አደጋ ደርሷል።

አደጋው የደረሰው ቦሌ ኤድናሞል አካባቢ ቦሌ መሰናዶ ትምህርት ቤት ፊት ለፊት ባለ አንድ የቻይና ኮንስትራክሽን ድርጅት መካዘን ላይ ነው።

አደጋው በፍጥነት በመቀጣጠል ላይ ሲሆን የእሳት አደጋ መቆጣጠር ሰራተኞች እስካሁን ቦታው ጋር አልደረሱም።

Via Ethio FM
@YeneTube @FikerAssefa

በአዲስ አበባ ቦሌ መሰናዶ ትምህርት ቤት አካባቢ የደረሰው የእሳት አደጋ በቁጥጥር ስር ውሏል።

አደጋው የደረሰው ቦሌ ከኤድናሞል 22 ባለው መስመር ቦሌ መሰናዶ ትምህርት ቤት ፊት ለፊት ባለ አንድ የቻይና ኮንስትራክሽን ድርጅት መጋዘን ላይ ነበር።የከተማዋ እሳት እና አደጋ ስጋት አመራር ኮሚሽን ሰራተኞች ወደ ቦታው ደርሰው አደጋውን ሙሉ በሙሉ መቆጣጠር ችለዋል።የህንጻው ባለቤት ለኢትዮ ኤፍ ኤም እንዳሉት አደጋው ሆን ተብሎ እንዲፈጠር ስለመደረጉ ስጋት እንዳላቸው የተናገሩ ቢሆንም ፖሊስ ትክክለኛውን መንስኤ ለማወቅ በማጣራት ላይ ይገኛል።

@YeneTube @FikerAssefa

ዛሬ ረፋዱ ላይ በትግራይ ክልል ርዕሰ ከተማ መቀሌ ውስጥ የአየር ጥቃት መፈጸሙን የከተማዋ ነዋሪዎችና የቢቢሲ ዘጋቢ ከስፍራው ገለጸ።

ዘጋቢው እንደገለጸው የጦር አውሮፕላን ድምጽ በተሰማበት ጊዜ በነዋሪዎች ዘንድ መደናገጥ ተፈጥሮ የነበረ ሲሆን፤ በሰዎች ላይ ጉዳት አለመድረሱንም ገልጿል።

የክልሉ ቴሌቪዥንም ሰኞ ኅዳር 07/2013 ዓ.ም ረፋድ 04፡45 ላይ ጥቃቱ መፈጸሙን ያረጋገጠ ሲሆን፤ የጥቃቱ ኢላማም በመቀለ ውስጥ በሚገኘው ቀዳማይ ወያነ ክፍለ ከተማ ውስጥ በሚገኘው እንዳ ጊዮርጊስ በተባለው አካባቢ መሆኑን ገልጿል።

ከሁለት ሳምንት በፊት ገደማ በተቀሰቀሰው የፌደራል መንግሥቱ ሠራዊትና በትግራይ ልዩ ኃይል መካከል በተቀሰቀሰው ግጭት ውስጥ መንግሥት በተመረጡ ወታደራዊ ኢላማዎች ላይ የአየር ጥቃት እንደሚፈጽም አሳውቆ ነበር።

Via BBC
@YeneTube @FikerAssefa

ከኢትዮጵያ ምክትል ጠቅላይ ምኒስትር ደመቀ መኮንን የተገናኙት የዩጋንዳው ፕሬዝዳንት ዩዌሪ ሙሴቬኒ በኢትዮጵያ የተቀሰቀሰው ግጭት በድርድር ሊቆም እንደሚገባ ጥሪ አቀረቡ።

ፕሬዝዳንቱ በዛሬው ዕለት ከምክትል ጠቅላይ ምኒስትር ደመቀ መኮንን ተገናኝተው መወያየታቸውን አስታውቀዋል።ሙሴቬኒ በይፋዊ የትዊተር ገፃቸው ባሰፈሩት መልዕክት እንዳሉት ውይይታቸው "በኢትዮጵያ ሰላም እና ጸጥታ" ላይ ያተኮረ ነበር። ፕሬዝዳንቱ "ጦርነት በኢትዮጵያ ለአጠቃላይ አኅጉሩ የከፋ ምስል ይሰጣል። ድርድር ተደርጎ ግጭቱ ሊቆም ይገባል። አለበለዚያ ወደ አላስፈላጊ የሰው ሕይወት መጥፋት ይመራል።

ኤኮኖሚውንም ያሰናክላል" ብለዋል።
የኢትዮጵያ መንግሥት በቅርቡ ውጭ ጉዳይ ምኒስትርነትን የደረቡት ደመቀ ለምን ወደ ዩጋንዳ እንዳመሩ በይፋ የገለጸው ነገር የለም። የጠቅላይ ምኒስትር ዐቢይ አሕመድ መንግሥት በቅርቡ ባቋቋመው "የአስቸኳይ ጊዜ አዋጅ መረጃ ማጣሪያ" የተባለ ማኅበራዊ ድረ-ገጽ በኩል "የኢትዮጵያ ባለሥልጣናት በኡጋንዳ ከሕወሐት ጋር በሽምግልና ውይይቶች ላይ ይሳተፋሉ ተብሎ እንደሚጠበቅ በተለያዩ የዜና አውታሮች የቀረበው መረጃ የተሳሳተ እና በአስቸኳይ ጊዜ ዐዋጅ ግብረ ኃይል ያልተረጋገጠ ነው" ብሎ ነበር።

[DW]
@YeneTube @FikerAssefa

በምዕራብ ወለጋ ዞን 36 የሸኔ ታጣቂዎች ሲደመሰሱ 169 ተማረኩ!

በምዕራብ ወለጋ ዞን የኦሮሚያ ልዩ ኃይል በወሰደው ህግን የማስከበር እርምጃ 36 የጁንታው ተላላኪ የሸኔ ታጣቂዎች መደምሰሳቸው ተገለፀ።በተወሰደው እርምጃ ከተደመሰሱት በተጨማሪ 169 ታጣቂዎች ተማርከዋል፡፡ከዚህ ባለፈም ለጁንታው ተላላኪዎች ድጋፍ በመስጠት የተጠረጠሩ 96 ሰዎችም ተይዘው ጉዳያቸው እየተመረመረ መሆኑን ከክልሉ ብልፅግና ፓርቲ ፅህፈት ቤትን ጠቅሶ ኤፍ ቢ ሲ ዘግቧል።

@YeneTube @FikerAssefa