ሁቲዎች የአሜሪካ አውሮፕላን አጓጓዦች መርከቦች ላይ ጥቃት መሰንዘራቸውን አስታወቁ

ሁቲዎች በሁለት የአሜሪካ ኢላማዎች ላይ ጥቃት መፈፀማቸውን የየመን ቡድን ወታደራዊ ቃል አቀባይ ያህያ ሳሬ ተናግረዋል። "በአሽኬሎን እና በኡሙ አል ራሽራሽ ሁለት ኢላማዎች ላይ ወታደራዊ እርምጃን በድሮኖች ወስደናል" ሲሉ ሳሬ ይፋ አድርገዋል። የአሜሪካን አውሮፕላን አጓጓዥ የሆኑት ትሩማን እና ቪንሰን እንዲሁም የባህር ኃይል መርከቦቻቸው ተመተዋል።

ቀደም ሲል የአሜሪካ ጦር በየመን ታዋቂ የሆነውን የገበያ ቦታ ላይ በቦምብ በመምታት ቢያንስ 12 ሰዎች መሞታቸው ይታወሳል። የትራምፕ አስተዳደር ጥቃቱ ቡድኑ ለአለም አቀፍ የንግድ ልውውጥ ዋነኛ መተላለፊያ በሆነው በቀይ ባህር ላይ የሚደርሰውን ማስፈራሪያ እንዲያቆም ለማስገደድ ያለመ ነው ብሏል። እ.ኤ.አ. ከኖቬምበር 2023 ጀምሮ ሁቲዎች እስራኤል በጋዛ ላይ ላካሄደችው ጦርነት እና ከፍልስጤማውያን ጋር ለመተባበር ሲሉ ከእስራኤል ጋር በተገናኙ መርከቦች ላይ ጥቃት እየሰነዘሩ ይገኛል።

በጥር ወር በሃማስ እና በእስራኤል መካከል የተኩስ አቁም ስምምነት ከተካሄደ በመርከቦቹ ላይ የሚደርሰውን ጥቃት እንደሚያቆም አስታውቀው ነበር።
በሌላ መረጃ የእስራኤል ወታደሮች ባለፉት 24 ሰዓታት በፈፀሙት ጥቃት 39 ፍልስጤማውያንን ገድለዋል።

በእስራኤል የአየር ጥቃት በጋዛ ባለፉት 24 ሰዓታት ቢያንስ 39 ፍልስጤማውያን መሞታቸውንና ባለፉት 18 ወራት ጦርነት የሞቱት ሰዎች ቁጥር 51,240 መድረሱን የጋዛ ሰርጥ የጤና ሚኒስቴር አስታውቋል። የሚኒስቴሩ መግለጫ እንዳስታወቀው ሌሎች 62 ሰዎች በደረሰባቸው የአካል ጉዳት ወደ ሆስፒታሎች የገቡ ሲሆን በአጠቃላይ የቆሰሉ ሰዎች ቁጥርን 116 ሺ 9 መቶ 31 አድርሶታል።


Via:- ዳጉ_ጆርናል
@Yenetube @Fikerassefa

ሞቃዲሾ

ወደ ሞቓዲሾ እየገሰገሰ የነበረውን የአልሸባብ እንቅስቃሴ ለመግታት የቱርክ መከላከያ ሰራዊትን የያዙ 2 የጦር አውሮፕላኖች ሶማሊያ ሞቃዲሾ አርፈዋል።

በዚህም በመጀመሪያ 500 የቱርክ ኮማንዶ ከስፍራው ደርሰዋል።

ባለፉት ቀናት ውስጥ አልሸባብ በሶማሊያ ጦር ላይ ከፍተኛ የማጥቃት ዘመቻ መጀመሩን ተከትሎ የሶማሊያ ጦር የመፈራረሰ አደጋ ውስጥ መግባቱን የተመለከተችው ቱርክ በሁለት አንቶኖቭ አውሮፕላን 500 ሰራዊት ከበቂ መሳሪያ ጋር ወደ ሞቃዲሾ ልካለች።

@Yenetube @Fikerasefa