‍ #شعر_گیلکی_عاشورایی

#شاعر_عقیل_پور_خلیل
نوحه
#زبانحال_حضرت_زینب_(س)


🏴زبانحال حضرت زینب بعد از رفتن برادر به میدان جنگ🏴


جان بِرَر ، تِنها بِشِی چِندی غریبانه

خاخِر تی قربانه ( 2 )

آخر می نفرین گیرِنه این نانجیبانه

خاخِر تی قربانه ( 2 )

حیران و سرگردان بابان اولاد پیغمبر
تَشنا باشان پیش خدا هم اکبر و اصغر
از غم نُدانُم چی بُنه احوال تی دختر
زین العباد اَم با خدا کانه دعا دانه

خاخِر تی قربانه ( 2 )


یک گوشه مِن هیسّه رقیّه با دو چشم تر
یک را سکینه شادَره ، دو دَس کَته وی سَر
یک آسمان درد و بلا جیرکَت بُمَه می وَر
جان بِرَر ، فکری هاکِن تو خُشته طِفلانه

خاخِر تی قربانه ( 2 )


شمر لعین ، شمشیر به دَس ، هی جیر شُنه جآری
دِه هیچ مردی نِسّه ایجه ، هاکنه کاری
عبّاس ِ جا خالی هَکِنه باز علمداری
طفلان هَلَه امّیدوارِن که عمو هانه

خاخِر تی قربانه ( 2 )


حُرمَت نَنَن تی اهل بیته ، لشکر بدخو
آتش بگیته خیمه ها ، صحرا بابا پر دو
طفلان هراسان داوونِن ، گریان شُنِن هر سو
از کوفیان هانه به گوش ، فریاد مستانه

خاخِر تی قربانه ( 2 )


ایمشب بُنِن افلاکیان از این عزا گریان
چِندی کَلِس صحرای ِ مِن ، بی سر بدِن عریان
آه یتیمان دربُمَه از گوشه ای ویران
باگوت حبیب این مرثیه ، وی دَس تی دامانه


خاخِر تی قربانه ( 2 )

🏴 🏴 🏴 🏴 🏴

#شعر_و_صدا
#استاد_عقیل_پورخلیل

محرم ۱۳۹۷/۶/۲۵

کانال اشکور نگین ایران❤️
@yeelagh