Мінулы настолькі масавы мітынг на плошчы Бангалор адбыўся ў 2006 годзе, 18 сакавіка, напярэдадні выбараў. Было халаднавата, але народ не баяўся. Выступілі Лявон Вольскі і іншыя рок-каралі. Было вельмі крута. Падобнае адчуваньне і ад сёньняшняга мітынгу.

Музычную частку арганізоўваў легендарны Віталь Супрановіч. памятаю нават, як раніцай таго дня ён звоніць мне і кажа, ці мог бы я правесьці той мітынг. А я ў аўтобусе еду і думаю: "А чаго б не!" Нейкую кнігу зь вершамі прыхапіў. Шалік блакітны і капялюш каўбойскі якраз з Варшавы прывёз. Прыходзім на Бангалор, а там народу - процьма. Было крута, карацей

В последнее время в телеграме появляется много новых каналов. Некоторые из них начинают переобуваться на ходу и репостить провластные каналы или другие пропагандистские помойки.
Мы предлагаем вам подписаться на рекомендуемые нами каналы. В них вы всегда найдете достоверную и независимую информацию. А самое главное, никаких репостов пропаганды.

Канал Беларусь Головного Мозга - Эксклюзивы, инсайды, политика и аналитика.
Канал Мая краіна Беларусь - Протесты, культура, активизм в любой форме.
Канал Протесты в мире - Протесты, революции и международные катаклизмы.
Канал Усы Лукашенко - Сатира, юмор, приколы о Лукашенко.
Канал Выборы. Беларусь - Агрегатор всех новостей по выборам.
Канал Экономика Беларуси - Экономика, финансы, социальные новости.
Канал Belarus History - Даты, падзеі, людзі зь беларускай гісторыі.
Канал Пятая колонка - Политика с юмором.

Цяпер мэта аб'яднанай кааліцыі — здабыць і прадэманстраваць электаральную перавагу над Лукашэнкам (які стабільна мае 30-35%). Для гэтага ім трэба згуртаваць пратэстны электарат, незалежна ад ідэалягічных поглядаў і каштоўнасьцяў. Любая канкрэтная пазыцыя, якая палярызуе грамадзтва, — будзе хутчэй шкодзіць, чым дапамагаць.

У такіх кампаніях вельмі важна будаваць усё на пазытыве. Людзі, якія падтрымліваюць кааліцыю і выходзяць на вуліцы — вельмі розныя: нацыяналісты і касмапаліты, празаходнікі і прарасейскія, лібэралы і камуністы. Каб перамагчы — трэба спадабацца ўсім.

Аб’яднаньне пратэстнага электарату незалежна ад ідэалягічных поглядаў — гэта Пашыньян. Ён змог збудаваць шырокую інклюзіўную кааліцыю, далучыць тых выбарнікаў, якія ня ўдзельнічалі ў палітыцы да гэтага моманту, і вывесьці людзей на вуліцы. Зяленскі змог аб'яднаць выбарнікаў вакол ідэі міру і пазытыву, пры гэтым ігнаруючы нацыянальнае пытаньне.

Падобныя кааліцыі былі і ў беларускай палітыцы. У 2001 — безаблічны Ганчарык прадстаўляў шырокую кааліцыю (магчыма, тады быў найлепшы электаральны вынік для беларускай апазыцыі). У 2006 Мілінкевіч мусіў наступіць сабе на горла і выступаць максымальна абцякальна, таму што ў кааліцыі былі камуністы.

Аднак ёсьць некалькі памылак аб’яднага штабу, якія могуць скончыцца крызісам даверу:

1) грэблівае стаўленьне да беларускага,
2) ігнараваньне абвінавачваньняў у сувязях з Расеяй.

Калі першае лёгка выпраўляецца беларускім мэрчам, парай інтэрвію і арганізацыяй беларускага рок-фэсту, то другое патрабуе пісьменнага рэпазыцыянаваньня. Іначай другое зьнішчыць рэпутацыю ў вачах традыцыйнай апазыцыі і заходнікаў, якім Лукашэнка пасьлядоўна закідвае гэты наратыў.

Светлана Тихановская в Орше произнесла речь на беларусском.

Людзі некалькі разоў цягам мітынгу ў Магілёве перабівалі вядучых воклічамі "Жыве Беларусь!".

Любы нацыянальны пратэст у Беларусі стане бел-чырвона-белым.

Я бачыў вельмі шмат "расейскіх агентаў" і "рук Крамля" ў беларускай палітыцы 😄

У 2001 я сьвята верыў, што Ганчарык працуе на Расею.
У 2006 я не пайшоў за Казуліным, таму што ён быў рукой Крамля.
У 2010 Някляеў і і Саньнікаў таксама атрымлівалі загады з Лубянкі, ага.
Пра 2015 няма і што гаварыць.

І ведаеце, з усіх расейскіх агентаў і рук Крамля, цяперашняе трыа выглядае найменш пераканаўча. Крэмль недапрацоўвае.

Не хачу бараніць Ціханоўскага, але гэта чалавек, які прайшоў за тры гады эвалюцыю ад рускаміраўца і ватніка да беларускага нацыяналіста. Тое, што ён пісаў і вытвараў у 2017 - поўная жэсьць.

Але калі вы сачылі за яго каналам, ён крок за крокам прыходзіў да беларускага. Гэта яму давалася нялёгка. Ён мяняў свае погляды, расчароўваўся ў сваіх ідэалах. Але ў выніку знайшоў сябе.

Людзі сапраўды мяняюцца. Яшчэ адзін прыклад магу прывесьці, зямля яму пухам, гэта Павал Шарамет. Ён стаў сьведамым беларусам і прыняў нацыянальнае толькі ў апошнія гады жыцьця.

Водападзел у цяперашняй электаральнай кампаніі — не па традыцыйных ідэалягічных лініях. Мне здаецца, аўтаратырнаму папулізму Лукашэнкі можа супрацьстаяць толькі папулізм дэмакратычны. І тут кампанія Ціханоўскай працуе дасканала: яна абазначала пазыцыю ў крытычных пытаньнях (дэмакратыя і незалежнасьць), і не чапае ўсё астатняе.

У Беларусі ёсьць толькі дзьве ідэалягічна сфармаваныя групы — нацыянальна-сьведамыя і савецкія. Ні савецкіх, ні сьведамых недастаткова, каб перамагчы, ні Лукашэнку, ні Ціханоўскай. Гэтыя групы несувымерна малыя ў параўнаньні з большасьцю, якая ня мае поглядаў, можа быць адначасова і праэўрапейскай і прарасейскай, пра-бчб і пра-чз. Падтрымка гэтай большасьці — крытычная важная.

Як толькі кампанія Ціханоўскай будзе ідэалягічна афарбаваная, у любы бок, яна згубіць сваю магію. Ціханоўская моцная тым, што яна адкрыта кажа: я не палітык, я прыйшла каб памяняць Лукашэнку. Гэтым самым, яна перастае быць канкурэнтам для традыцыйных палітычных сілаў (апазыцыйных палітычных партыяў) і новых (каманда Бабарыкі).

Відавочна, што вырашальнае значэньне будзе мець не само галасаваньне, а выхад людзей на вуліцы пасьля. А без аб’яднаньня ўсіх пратэстных сілаў, вуліца будзе беспасьпяховай.

Паўло Клімкін, былы міністар замежных справаў Украіны, прапануе затрыманых баевікоў выдаць Украіне. У прыватнасьці, усіх тых, хто ваяваў на Данбасе супраць Украіны. Чаму б і не?

Вось гэта і быў бы тэст для ўлады — зрэжысавана ці не.

Ведаеце, а я ведаю, якая чакае будучыня гэтага хлопчыка.

Лукашэнка ў яго галаве застанецца сьмешным гістарычным пэрсанажам. Вядома, ён будзе расказваць, што выходзіў на Плошчу. Браў удзел у рэвалюцыі. Застануцца рамантычныя ўспаміны, але сам Лукашэнка хутка забудзецца.

Ён будзе вучыцца па новых беларускіх падручніках. У іх ня будзе прапаганды пра 90-я, і як Лукашэнка падняў краіну з кален. Ён будзе ведаць імёны князёў ВКЛ і  і сапраўдную беларускію гісторыю. У класе будуць вісець нацыянальныя сымбалі, там дзе яшчэ пару год таму віселі партрэты галоўнакамандаючага.

Яго зь сябрамі ня будуць заганяць на суботнікі, гвалтам запісваць у БРСМ.  Ён зможа сам выбіраць, як яму думаць, у якіх арганізацыях удзельнічаць, і за каго галасаваць. Магчыма, ён створыць свой стартап і паедзе скараць Каліфорнію.

Пра Каранавірус таксама забудуцца, як і забудуцца на Лукашэнку. Межы будуць для беларусаў адкрытыя. Хлопчык будзе падарожнічаць на выходных у эўрапейскія краіны, вывучаць замежныя мовы. І абавязкова вяртацца дадому.

Ён будзе адчуваць сябе гаспадаром у сваёй краіне. Гэта самае галоўнае. Ён ніколі ня скажа, што пражыў усё жыцьцё пры Лукашэнку. І ведаеце, я яму трошкі  заздрошчу.

Пасварыць і разьдзяліць — галоўная зброя рэжыму.

Будзьце асьцярожныя з інфармацыяй, і ніколі не бярыце нічога на веру. Тое, што цяпер адбываецца за кулісамі, прынамсі, што я магу назіраць — выдатная праца КДБ і спэцслужбаў. Калі ім ўдасца пасварыць троіцу і нас з вамі — пераменаў мы не дачакаемся

Гэта робіцца на розных узроўнях. запускаюць чуткі ўнутры штабоў, зьліваюць ”інсайды” праз тэлеграм, закідваюць праз інфарматараў пэўны наратыў. Яны пісьменна працуюць у Аднакласьніках і нават у ЦікТоку, дзе кансьпіралягічныя тэорыі пра Ціханоўскую набіраюць сотні тысяч праглядаў.

Ня трэба верыць у куклаводаў. Гэтаксама ня трэба ствараць куміраў. Каб не расчароўвацца, лепш не зачароўвацца. Вырашаць усё роўна будуць людзі на плошчы. Трэба разьдзяляць — выбарчую кампанію Ціханоўскай і беспрэцэдэнтую мабілізацыю беларускага народа.

Не вядзіцеся.
Не паддавайцеся на эмоцыі.
Не сварыцеся.

Сёньня абмяркуем, што рабіць, калі ня будзе інтэрнэту.

На гэтай сустрэчы мы абмяркуем наступныя пытанні:
1. Якія сцэнары магчымыя ў працы беларускага інтэрнэту.
2. Як камунікаваць, калі прападзе інтэрнэт. Разбяром офлайн-мэсэнджары і пагаворым, як імі карыстацца.
3. Спосабы абысці блакіроўку паасобных сайтаў і платформаў. Выкарыстанне VPN, ананімайзераў, Psiphon і іншых інструментаў.

Падключайцеся ў 19:00!

https://us02web.zoom.us/j/88431819701/1269250430079886/