Հայաստանում ուշադրության գրեթե չի արժանացել մի չափազանց կարևոր հանգամանք, որը կարող է ուղղակիորեն ազդել մեր տարածաշրջանում տրանսպորտային հանգույցների և աշխարհաքաղաքականության վրա ընդհանրապես։

Խոսքն այս տարվա ապրիլին Թուրքիայի նախագահի՝ Իրաք այցի ժամանակ ձեռք բերված համաձայնությունն է՝ իրագործելու, այսպես կոչված, «Զարգացման ուղի» տրանսպորտային ծրագիրը, որը պետք է կապի իրաքյան Բասրայի Ալ-Ֆավ նավահանգիստը թուրք-իրաքյան սահմանին։

Ծրագրին մասնակցելու ցանկություն ունեն ոչ միայն Թուրքիան և Իրաքը, այլ նաև Կատարը և Արաբական Միացյալ Էմիրությունները։

«Զարգացման ուղին» Մերձավոր Արևելքով Ասիան Եվրոպային միացնելուն միտված թուրքական «կնքավորությամբ» ծրագիր է, որն ուղղակի մրցակից է իրանական «Պարսից ծոց-Սև ծով» և հնդկական «Հյուսիս-Հարավ» հանգույցների ծրագրերին, որոնք ներառում են նաև Հայաստանը։

Սրանով Թուրքիայի աշխարհաքաղաքական շահերն ուղղակի հակասության մեջ են մտնում Իրանի, Հնդկաստանի և Ռուսաստանի շահերի հետ, քանի որ վերջինս ևս խիստ շահագրգիռ է «Հյուսիս-Հարավի» իրականացմամբ։

#հարափոփոխ_տարածաշրջանը

🆔 @vardan_voskanyan

🇦🇲 Նրանք, որոնք պարբերաբար մաշեցնում են «ինքնիշխանություն» բառը, պետք է նաև հստակ արձանագրեն, որ Հայաստանի ոչ միայն ինքնիշխանության, այլ նաև գոյության իսկ թիվ մեկ մշտական մարտահրավերը և վտանգը բխում է արհեստածին Ադրբեջանից։

Ըստ այդմ, եթե ինչ-որ մեկն իրոք ձգտում է Հայաստանի ինքնիշխանությանը կամ դրա ամրապնդմանը, ապա չի կարող չխոսել այս գոյութենական մարտահրավերի և վտանգի չեզոքացման կամ ոչնչացման մասին։

Չի կարող ինչ-որ մեկը հանդես գալ Հայաստանի ինքնիշխանության դիրքերից և անել ամեն ինչ, որպեսզի այդ մարտահրավերի ու վտանգի աղբյուր քաղցկեղային գոյացությունն էլ ավելի ամրապնդվի և հզորանա։

Հետևաբար, բանաձևը բավականին պարզ է՝ Հայաստսնի ինքնիշխանության և անկախության համար պայքարն առաջին հերթին ենթադրում է պայքար հենց արհեստածին Ադրբեջանի դեմ, այլ ոչ թե արհեստածին Ադրբեջանին հանձնվել։

#հավերժականՀայաստանը

🆔 @vardan_voskanyan

🇮🇷 Իրանի նախագահական ընտրություններում հիմնական թեկնածուներից Մոհամմադ Բաղեր Ղալիբաֆը հերքել է համացանցում տարածվող այն լուրերն, ըստ որոնց՝ նա պատրաստվում է հանել իր թեկնածությունը և դուրս գալ ընտրարշավից։

Նախընտրական քարոզարշավի շրջանակներում Թավրիզից Ահվազ թռիչքի ընթացքում իրանական լրատվամիջոցներից մեկին տված հարցազրույցում Ղալիբաֆը նշել է, որ շարունակելու է պայքարը, որը միտված հաղթելու և իրագործելու ուղղաթիռի վթարի հետևանքով զոհված նախագահ Էբրահիմ Ռայիսի կառավարության ծրագիրը։

Հարկ է նշել, որ ըստ վերջին սոցհարցումների՝ Ղալիբաֆի վարկանիշը որոշակի անկում է գրանցել, սակայն նա շարունակում է դիտարկվել Իրանի նախագահի երեք հիմնական թեկնածուներից մեկը։

#մեր_բարեկամ_Իրանը

🆔 @vardan_voskanyan

🇮🇷 Իրանի նախագահական ընտրություններին նախորդող լռության օրվան ընդառաջ պահպանողական ճամբարում միասնության ապահովման նպատակով իր թեկնածությունը հանել է Ամիր-Հոսեյն Ղազիզադեն։

Ընտրարշավի ընթացքում պահպանողական թևի թեկնածուների միջև մրցակցությունը հնարավորություն է ստեղծել, որպեսզի բարեփոխական թևի ներկայացուցիչ Մասուդ Փեզեշքիանը կարողանա անցնել ընտրությունների՝ մեծ հավանականությամբ կանխատեսվող երկրորդ փուլ, քանի որ պահպանողականների համակիրների ձայները կարող են կիսվել երկու հիմնական թեկնածուների՝ Սայիդ Ջալիլիի և Մոհամմադ Բաղեր Ղալիբաֆի միջև։

Ըստ այդմ, պահպանողական և հայրենասիրական ճամբարում համախմբման ցանկացած գործընթաց այս թևի կողմնակիցների համար չափազանց կարևոր է։

#մեր_բարեկամ_Իրանը

🆔 @vardan_voskanyan

🇮🇷 Այսօր Իրանում նախագահական ընտրություններից առաջ լռության օր էր, իսկ վաղը Թեհրանի ժամանակով առավոտյան 8:00-ից ողջ երկրով մեկ բացվելու են ընտրատեղամասերը։

Ընտրությունները խիստ մրցակցային են և կարող են լինել անակնկալներով լի։ Չի բացառվում երկրորդ փուլի հնարավորությունը։

Նաև պանթյուրքական շրջանակների կողմից առաջ մղվող Մասուդ Փեզեշքիանի սկզբնապես աննշան գործոնը պահպանողական-հայրենասիրական շրջանակներում միասնական թեկնածուի բացակայության պայմաններում զգալիորեն ուռճացել է, և երկորդ փուլի պարագայում կարող է մարտահրավերներ ի հայտ բերել Իրանի ներքին զարգացումների առումով։

Երևանում Իրանի նախագահական ընտրությունների տեղամաս է բացվելու Կապույտ մզկիթում, իսկ ուշագրավ նորություններին անդրադարձ կլինի տելագրամյան այս ալիքում։

#մեր_բարեկամ_Իրանը

🆔 @vardan_voskanyan

🇮🇷 Հենց այս պահին պարսկալեզու ԶԼՄ-ների տիրույթում հակասական տեղեկատվություն է շրջանառվում առ այն, որ նախագահական ընտրություններում պահպանողական ճամբարից Սայիդ Ջալիլին, որը սոցհարցումներով առաջատար էր, հանել է իր թեկնածությունը վաղվա ընտրությւոններին ընդառաջ։

Թեկնածուի կողմնակիցները հերքում են այս տեղեկությւոնները, սակայն իրավիճակը դեռ վերջնականապես պարզ չէ։

#մեր_բարեկամ_Իրանը

🆔 @vardan_voskanyan

🇮🇷 Իրանի նախագահի թեկնածու Սայիդ Ջալիլի նախընտրական շտաբը պաշտոնապես հերքել է իրենց թեկնածուի ընտրապայքարից դուրս գալու մասին լուրերը։

Առանձին զգուշացման մեջ նշվում է, որ նախընտրական շտաբը կբողոքի նրանց դեմ, որոնք ապատեղեկատվություն կտարածեն այս մասին։

#մեր_բարեկամ_Իրանը

🆔 @vardan_voskanyan

🇮🇷 Իրանի նախագահական ընտրություններում վաղ առավոտյան քվեարկել է այս երկրի հոգևոր առաջնորդ այաթոլլահ Ալի Խամենենին։

Իրանի Իսլամական Հանրապետության հոգևոր առաջնորդը այս պետության ամենաբարձր հոգևոր-քաղաքական պաշտոնյան է, որը հսկայական ազդեցություն ունի ներքին և արտաքին անխտիր բոլոր ուղղություններում։

#մեր_բարեկամ_Իրանը

🆔 @vardan_voskanyan

🇮🇷 Այսօր Իրանում ընթացող նախագահական ընտրություններում վաղ առավոտից գրանցվել է ընտրողների նկատելի ակտիվություն։

Նախագահի պաշտոնին հավակնող հիմնական երեք թեկնածուներ են համարվում պահպանողական թևից Մոհամմադ Բաղեր Ղալիբաֆը և Սայիդ Ջալիլին, ինչպես նաև բարեփոխական ճամբարի ներկայացուցիչ Մասուդ Փեզեշքիանը։

Ըստ նախնական գնահատականների՝ ընտրություններին կմասնակցեն քվերակելու իրավունք ունեցող իրանցիների մոտ 50-60 տոկոսը։

Չի բացառվում, որ թեկնածուներից ոչ ոք առաջին փորձից չի ստանա ձայների անհրաժեշտ քանակը, և ընտրական գործընթացը կտեղափոխվի երկրորդ փուլ։

#մեր_բարեկամ_Իրանը

🆔 @vardan_voskanyan

🇮🇷 Այսօր Իրանում ընթացող նախագահական ընտրություններում Իրանի հոգևոր առաջնորդ այաթոլլահ Ալի Խամենեին քվեարկելուց հետո հանդես է եկել համառոտ ելույթով։

Շեշտելով ընտրողների մասնակցության կարեորությունը, նա նշել է, որ Իրանի Իսլամական Հանրապետության տևականությունը պայմանավորված է նաև ընտրություններին ժողովրդի մասնակցությամբ և կոչ է արել անվարան մասնակցել դրանց։

#մեր_բարեկամ_Իրանը

🆔 @vardan_voskanyan

🇮🇷 Իրանում ընթացող նախագահական ընտրություններին Թեհրանի ժամանակով ժամը 18:00-ի դրությամբ մասնակցել է մոտ 16,5 միլիոն ընտրող։

Քվեարկելու իրավունք ունեցող իրանցիների ընդհանուր թիվը 62 միլիոն է։ Քվեարկությանը մասնակցության ամենաբարձր ցուցանիշներն Իրանում սովորաբար գրանցվում են 17:00-ից 20:00-ն ընկած ժամանակահատվածում, իսկ ընտրատեղամասերը փակվելու են Թեհրանի ժամանակով ուղիղ կեսգիշերին։

#մեր_բարեկամ_Իրանը

🆔 @vardan_voskanyan

🇮🇷 Իրանական տելեգրամյան ալիքները ոչ պաշտոնական տեղեկություններ են տարածում նախագահական ընտրություններում հիմնական երեք թեկնածուների՝ Իրանի տարբեր նահանգներում առաջատար լինելու մասին։

Ըստ այդմ, պահպանողական։ Մոհամմադ Բաղեր Ղալիբաֆը և բարեփոխական Մասուդ Փեզեշքիանն առաջատար են յուրքանչյուրը 12-ական նահանգներում, իսկ պահպանողական Սայիդ Ջալիլին առաջինն է 7 նահանգում։

Դատելով կրկին ոչ պաշտոնական տվյալներից, Ղալիբաֆը և Փեզեշքիանն առայժմ հավաքած ձայների քանակով գրեթե հավասար են առաջ ընթանում։

Պետք է նկատել սակայն, որ սրանք բացառապես ոչ պաշտոնական տվյալներ են։

#մեր_բարեկամ_Իրանը

🆔 @vardan_voskanyan

🇮🇷 Մի քանի րոպե առաջ ավարտվեցին Իրանի նախագահական ընտրությունները։ Դեռևս որևէ ընդհանրացնող պաշտոնական տվյալ չի հրապարակվել։

Իրանական սոցցանցերի տիրույթում ոչ պաշտոնական տեղեկատվության հոսքեր արդեն իսկ հրապարակվում են, սակայն դրանց իսկությունն առայժմ ճշտելն անհնարին է։

#մեր_բարեկամ_Իրանը

🆔 @vardan_voskanyan

🇮🇷 Իրանի նախագահական ընտրությունների արդյունքներն այս պահի դրությամբ այսպիսին են՝

Ընդհանուր հաշվարկված ձայներ՝ 12,058,843 ձայն։

🔹 Մասուդ Փեզեշքիան՝ 5,000,354 ձայն

🔹 Սայիդ Ջալիլի՝ 4 875 269 ձայն

🔹 Մոհամմադ Բաղեր Ղալիբաֆ՝ 1 620 628 ձայն

🔹 Մոստաֆա Փուրմոհամմադի՝ 95172 ձայն։

Հաշվարկը շարունակվում է, իսկ ամբողջական արդյունքները պարզ կլինեն այսօր՝ օրվա երկրորդ կեսին։

#մեր_բարեկամ_Իրանը

🆔 @vardan_voskanyan

🇮🇷 Ամփոփելով Իրանի նախագահական ընտրությունների արդյունքները, պետք է նշել, որ երկրորդ փուլը շատ կանախատեսելի էր։

Այն կկայանա հուլիսի 5-ին, իսկ դրան կմասնակցեն բարեփոխական թևից Մասուդ Փեզեշքիանը և պահպանողական Սայիդ Ձալիլին։

Հայաստանի շահերից գործընթացը դիտարկելիս պետք է նշել անշուշտ, որ հայ-իրանական հարաբերությունների կարևորությունը չի կարող նկատի չունենալ Իրանի և ոչ մի նախագահ։

Միևնույն ժամանակ, սակայն, Մասուդ Փեզեշքիանի մերձավոր կողմնակիցների շարքում կան պանթյուրքական տրամադրություններ ունեցող անձինք, որոնք, բնականաբար, վերջինիս հնարավոր նախագահության դեպքում ձգտելու են զանազան պաշտոններ զբաղեցնել տարբեր մակարդակներում և առաջ մղել Իրան-Ադրբեջան ու Իրան-Թուրքիա հարաբերությունները։

Ըստ այդմ, Սայիդ Ջալիլին շատ ավելի ընկալելի նախագահի թեկնածու է Հայաստան-Իրան բարեկամական և հազարամյակների պատմություն ունեցող հարաբերություններն էլ ավելի սերտացնելու և խորացնելու առումով։

#մեր_բարեկամ_Իրանը

🆔 @vardan_voskanyan

🇦🇿🇮🇷 Բաքվի բարբարոսսկան վարչախումբը թեև պաշտոնապես փորձում է, իբր, չեզոքություն պահպանել Իրանի նախագահի երկու թեկնածուների նկատմամբ, սակայն դրա քարոզչամեքենայի նյութերի վերլուծությունը պարզորոշ բացահայտում է արհեստածին Ադրբեջանում տիրող իրական պաշտոնական տրամադրությունները։

Բաքվում կարծում են, որ բարեփոխական Մասուդ Փեզեշքիանի և պահպանողական Սայիդ Ջալիլիի՝ ընտրությունների երկրորդ փուլ անցնելը ստեղծել է «հաղթանակ - հաղթանակ» իրավիճակ, որովհետև Փեզեշքիանի ընտրության դեպքում Իրանը կունենա, իբր, «էթնիկ ադրբեջանցի», իսկ Ջալիլիի պարագայում ծայրահեղ հակաամերիկյան նախագահ։

Եթե առաջին դեպքում հաշվարկն այն է, որ Փեզեշքիանի մերձավոր շրջապատի որոշ պանթյուրքիստներ կխոչընդոտեն Իրան-Հայաստան հարաբերությունների զարգացումը, ապա Ջալիլիի ընտրության պարագայում հույսեր կան, որ արհեստածին Ադրբեջանը էլ ավելի կկարևորվի ԱՄՆ-ի տեսանկյունից։

Մինչդեռ Բաքվի բարբարոսական վարչախումբը չի հաշվարկել մեկ այլ՝ նույնպես հնարավոր զարգացում, երբ, դիցուք, Փեզեշքիանի ընտրությունից հետո Իրանի պետական համակարգը կարող է չեզոքացնել և լուսանցք մղել նշված պանթյուրքիստներին, ինչի արդյունքում Իսլամական Հանրապետության նոր նախագահը կարող է հենց արհեստածին Ադրբեջանի բնակչության կողմից դիտարկվել՝ որպես յուրային և դառնալ գլխացավանք անձամբ Բաքվի բռնապետի համար։

#հարափոփոխ_տարածաշրջանը

🆔 @vardan_voskanyan