🦟 Дезинфекциялаш хизматлари нархларида ўсиш кузатилди

🏢 Миллий статистика қўмитаси маълумотларига кўра, 2025 йил ноябрь ойида дезинфекциялаш ва зараркунандаларни йўқотиш бўйича хизматлар нархлари октябрь ойига нисбатан, яъни бир ойда ўртача 0,5 фоизга қимматлашган.

💸 Мазкур турдаги хизматлар нархлари йил бошидан буён 8,2 фоизга ошгани кузатилган.

🖥 Компьютерларни таъмирлаш хизматлари ҳажми 1,5 трлн сўмдан ошди

🏢 Миллий статистика қўмитаси маълумотларига кўра, 2025 йилнинг январь-октябрь ойларида компьютер ва периферик ускуналарни таъмирлаш бўйича хизматлар ҳажми 1,5 трлн сўмни ташкил этди.

📊 Бу кўрсаткич ўтган йилнинг мос даврига нисбатан 14,7 % га ошган.

📊 Компьютер ва маиший товарларни таъмирлаш бўйича хизматлар ҳажмида компьютер ва периферик ускуналарни таъмирлаш бўйича хизматлар ҳажмининг улуши 12,3 % ни ташкил этган.

🇺🇿🇯🇵 2025 йилда Ўзбекистон–Япония ўртасида туристик ташрифлар ошган

🛫 Миллий статистика қўмитаси маълумотларига кўра, 2025 йилнинг январь–ноябрь ойларида жами 2,7 минг нафар Ўзбекистон фуқаролари туристик мақсадларда Японияга сафар қилган.

📊 Бу кўрсаткич ўтган йилнинг мос даврига нисбатан 16,2 фоизга ошган.

📊 Жорий йилнинг 11 ойида Японияга борган Ўзбекистон фуқароларининг сафар мақсадлари таҳлил қилинганда — саёҳат мақсадида 2,2 минг нафар, қариндошларни йўқлаш мақсадида 294 нафар, ўқиш учун 137 нафар, хизмат юзасидан 58 нафар ҳамда даволаниш мақсадида 4 нафар фуқаро сафар қилган.

🛬 Шунингдек, мазкур даврда Ўзбекистонга қарийб 30 минг нафар Японияликлар туристик мақсадларда ташриф буюрган.

📊 Япониялик туристлар сони аввалги йилнинг мос даврига нисбатан 41,1 фоизга кўпайган.

📊 Японияликларнинг сафар мақсадлари таркибида саёҳат устунлик қилиб, 27,6 минг нафарни ташкил этган. Шунингдек, қариндошларни йўқлаш — 1,5 минг нафар, хизмат юзасидан — 784 нафар, ўқиш — 71 нафар, тижорат мақсадида — 1 нафар ташриф қайд этилган.

💇🏻‍♂️💇🏻‍♀️ Ўзбекистонликлар сартарошхона ва гўзаллик салонлари хизматлари учун 10,3 трлн сўм сарфлаган

🏢 Миллий статистика қўмитаси маълумотларига кўра, 2025 йилнинг январь-октябрь ойларида сартарошхона ва гўзаллик салонлари хизматлари ҳажми 10,3 трлн сўмни ташкил этган.

📊 Бу кўрсаткич ўтган йилнинг мос даври билан солиштирганда 11 % га ошган.

🇺🇿 Ҳудудлар кесимида сартарошхона ва гўзаллик салонлари хизматлари ҳажми:

Қорақалпоғистон Респ. — 488,3 млрд сўм

Андижон вилояти — 658,2 млрд сўм

Бухоро вилояти — 339,1 млрд сўм

Жиззах вилояти — 222,2 млрд сўм

Қашқадарё вилояти — 632,7 млрд сўм

Навоий вилояти — 329,3 млрд сўм

Наманган вилояти — 1 136,1 млрд сўм

Самарқанд вилояти — 1 303,8 млрд сўм

Сурхондарё вилояти — 361,6 млрд сўм

Сирдарё вилояти — 140,5 млрд сўм

Тошкент вилояти — 1 046,9 млрд сўм

Фарғона вилояти — 1 411,7 млрд сўм

Хоразм вилояти — 506,9 млрд сўм

Тошкент шаҳри — 1 719,4 млрд сўм

🎭 Театр нархлари 14,7 фоизга қимматлашган

🏢 Миллий статистика қўмитаси маълумотларига кўра, 2025 йил ноябрь ойида театр хизматлари нархлари октябрь ойига нисбатан, яъни бир ойда ўртача 1,9 фоизга қимматлашган.

💸 Мазкур турдаги хизматлар нархлари йил бошидан буён 13,7 фоизга, ўтган йилнинг мос даврига нисбатан эса 14,7 фоизга ошгани кузатилган.

💰 Марказлашмаган молиялаштириш манбалари ҳисобидан асосий капиталга инвестициялар

🏢 Миллий статистика қўмитаси маълумотларига кўра, 2025 йилнинг январь—сентябрь ойларида марказлашмаган молиялаштириш манбалари ҳисобидан 400,2 трлн сўмлик асосий капиталга инвестициялар ўзлаштирилди.

📊 Бу кўрсаткич ўтган йилнинг мос даврига нисбатан 15.6 % га ошди.

📊 Ушбу кўрсаткичнинг йиллар кесимидаги динамикаси қуйидагича (январь-сентябрь):

2021 йил – 129,8 трлн сўм

2022 йил – 159,9 трлн сўм

2023 йил – 208,8 трлн сўм

2024 йил – 326,8 трлн сўм

2025 йил – 400,2 трлн сўм

🍌 Ўзбекистонга 161,4 минг тонна банан импорт қилинган

🏢 Миллий статистика қўмитасининг дастлабки маълумотларига кўра, Ўзбекистонга 2025 йилнинг январь-ноябрь ойларида 8 та хорижий давлатдан қиймати 54,3 млн АҚШ долларига тенг бўлган 161,4 минг тонна банан импорт қилинган.

🇪🇨 Банан импортида Эквадор асосий етказиб берувчи давлат бўлиб қолмоқда. Эквадордан 145,9 минг тонна банан импорт қилинган бўлиб, ушбу мамлакат ҳиссасига жами импорт ҳажмининг 90 фоиздан ортиғи тўғри келган. Шунингдек, 13,9 минг тонна билан Хитой иккинчи ўринда қайд этилган.

📊 ТОП–5 рўйхатда кейинги ўринларни Қозоғистон (565,8 тонна), Туркия (384,9 тонна) ва Қирғизистон (337,3 тонна) эгаллаган.

🌍 Шу билан бирга, импорт географияси аввалги йилга нисбатан қисқарган. 2024 йилнинг 11 ойида 12 та мамлакатдан банан импорт қилинган эди.

💻 Компьютер дастурлаштириш хизматлари ҳажми 22,5 % га ошган

🏢 Миллий статистика қўмитаси маълумотларига кўра, 2025 йилнинг январь-октябрь ойларида компьютер дастурлаштириш хизматлари ҳажми 24,9 трлн сўмни ташкил этган.

📊 Бу кўрсаткич ўтган йилнинг мос даври билан солиштирганда 22,5 % га ошган.

📊 Мазкур хизматлар алоқа ва ахборотлаштириш хизматларининг жами ҳажмидаги улушида энг катта қисмни эгаллаб, 40,6 % ни ташкил этган.

🇺🇿 Ҳудудлар кесимида компьютер дастурлаштириш хизматлари ҳажми:

Қорақалпоғистон Респ. — 113 млрд сўм

Андижон вилояти — 169,9 млрд сўм

Бухоро вилояти — 129,4 млрд сўм

Жиззах вилояти — 231,9 млрд сўм

Қашқадарё вилояти — 173,9 млрд сўм

Навоий вилояти — 177,7 млрд сўм

Наманган вилояти — 133,2 млрд сўм

Самарқанд вилояти — 382 млрд сўм

Сурхондарё вилояти — 190,1 млрд сўм

Сирдарё вилояти — 52,4 млрд сўм

Тошкент вилояти — 331,3 млрд сўм

Фарғона вилояти — 419,9 млрд сўм

Хоразм вилояти — 269,1 млрд сўм

Тошкент шаҳри — 22,2 трлн сўм

🇺🇿🇹🇷Ўзбекистонда Туркия капитали иштирокидаги корхоналар сони ортиб бормоқда

🏢 Миллий статистика қўмитаси маълумотларига кўра, 2025 йилнинг 1 декабрь ҳолатига Ўзбекистонда Туркия капитали иштирокида жами 2 109 та корхоналар фаолият юритмоқда.

🏬 Улардан 487 таси қўшма ва 1 622 таси хорижий корхоналардир.

🇺🇿 Ўзбекистонда Туркия капитали иштирокида фаолият юритаётган корхоналар сони ҳудудлар кесимида қуйидагича:

Тошкент шаҳри – 1 292 та

Тошкент вилояти – 288 та

Самарқанд вилояти – 111 та

Фарғона вилояти – 70 та

Андижон вилояти – 57 та

Жиззах вилояти – 55 та

Бухоро вилояти – 44 та

Наманган вилояти – 42 та

Хоразм вилояти – 31 та

Навоий вилояти – 30 та

Сурхондарё вилояти – 30 та

Сирдарё вилояти – 22 та

Қашқадарё вилояти – 19 та

Қорақалпоғистон Республикаси – 18 та

🍊 Ўзбекистонга 11 ойда 1,1 млн тонна мандарин импорт қилинган

🏢 Миллий статистика қўмитаси маълумотларига кўра, Ўзбекистонга 2025 йилнинг январь-ноябрь ойларида 62 та хорижий давлатдан қиймати 256,4 млн АҚШ долларига тенг бўлган 1,1 млн тонна мандарин импорт қилинган.

📊 Импорт қиймати ўтган йилнинг мос даврига нисбатан 9,4 фоизга ошган.

🌍 2025 йилнинг 11 ойида Ўзбекистонга энг кўп мандарин етказиб берган давлатлар:

Покистон – 327,1 минг тонна

Қозоғистон – 314,3 минг тонна

Эквадор – 145,9 минг тонна

Хитой – 124,6 минг тонна

Афғонистон – 58,5 минг тонна

Бошқа давлатлар – 153,8 минг тонна

🤩 Ўзбекистоннинг ташқи савдо айланмаси 72 млрд доллардан ошди

🏢 Миллий статистика қўмитаси маълумотларига кўра, 2025 йил январь–ноябрь ойларида Ўзбекистоннинг ташқи савдо айланмаси 72,8 млрд АҚШ долларини ташкил этди.

📊 Бу кўрсаткич ўтган йилнинг мос даврига нисбатан 13 млрд АҚШ долларига ёки 21,8 % га ошган.

📊 Ўзбекистоннинг ташқи савдо айланмаси ҳажмида:

Экспорт – 30,9 млрд (+26,2 %)
Импорт – 41,9 млрд (+18,7 %) АҚШ долларини ташкил этди.

📊 Ўзбекистон жаҳоннинг  210 мамлакати билан савдо алоқаларини амалга ошириб келмоқда.
Ўзбекистон ташқи савдо айланмасининг юқори улуши Хитой (20,1 %), Россия (16,2 %), Қозоғистон (6 %), Туркия (3,7 %) ва Корея Республикаси (2,2 %) ҳиссасига тўғри келди.

🤩 11 ойда 419,3 мингдан зиёд енгил автомобиллар ишлаб чиқарилган

🏢 Миллий статистика қўмитаси маълумотларига кўра, Ўзбекистонда 2025 йилнинг январь–ноябрь ойларида турли русумдаги 419 338 дона енгил автомобиллар ишлаб чиқарилган.

📊 Улар русумлар бўйича қуйидагича:

Cobalt – 148 094 дона;

Damas – 85 384 дона;

Tracker – 47 804 дона;

Onix – 29 099 дона;

KIA – 24 507 дона;

BYD – 17 510 дона;

Chery – 8 627 дона;

Haval – 8 891 дона;

Tank 500 – 50 дона;

Maxсус енгил автомобиллар – 49 372 дона.

🏪 Улгуржи савдо айланмаси 443,4 трлн сўмга етди

🏢 Миллий статистика қўмитаси маълумотларига кўра, 2025 йилнинг январь-ноябрь ойларида Ўзбекистоннинг чакана савдо товар айланмаси 403 трлн сўмни ташкил этди.

📊 Бу кўрсаткич ўтган йилнинг мос даврига нисбатан 11 % га ўсган.

🏬 1 декабрь ҳолатига чакана савдо соҳасида фаолият кўрсатаётган тижорат корхоналари сони 86 197 тани ташкил этди.

🛒 Мазкур даврда улгуржи савдо товар айланмаси 443,4 трлн сўмни ташкил этиб, ўтган йилга нисбатан 12,8 % ўсишни қайд этди.

🏪 1 декабрь ҳолатига республикамизда улгуржи савдо соҳасида 51 497 та тижорат корхоналари фаолият юритмоқда.

🏢 2026 йил 1 январь ҳолатига асосий фондларни қайта баҳолаш индекслари

Миллий статистика қўмитаси томонидан “1 январь ҳолатига бюджет ташкилотлари, давлат мақсадли жамғармалари ва бошқа бюджетдан ташқари жамғармаларнинг ҳамда тижорат корхоналарининг асосий фондларини ҳар йилги қайта баҳолаш индексларини ҳисоблаш бўйича услубий низом” ижросини таъминлаш мақсадида, 2026 йил 1 январь ҳолатига асосий фондларни қайта баҳолаш индекслари ишлаб чиқилди. Маълумот учун: Тайёрланган индекслардан корхона ва ташкилотлар ўз хоҳишига кўра асосий воситаларни қайта баҳолашни ўтказган тақдирда, қўлланилиши мумкин бўлган усуллардан бири сифатида фойдаланилади.

📄 Қайта баҳолаш

🌐 Қайта баҳолаш индекслари

🤩 11 ойда 7,5 млн тонна кўмир қазиб олинган

🏢 Миллий статистика қўмитаси маълумотларига кўра, Ўзбекистонда 2025 йилнинг январь-октябрь ойларида 7,5 млн тонна кўмир қазиб олинган.

📊 Бу кўрсаткич ўтган йилнинг мос даврига нисбатан 0,2 млн тоннага ошган.

📊 Мазкур даврда айрим турдаги саноат маҳсулотлари ишлаб чиқариш ҳажми қуйидагича:

🤩 Автомобиль бензини – 1,1 млн тонна;

🛢 Дизель – 1,1 млн тонна;

🤩 Нефть – 601,2 минг тонна;

⛽️ Табиий газ – 38,9 млрд куб.м;

🤩 Газ конденсати – 1 млн тонна;

🤩 Автомобиль двигателлари – 227 085 дона.

📊 Ўзбекистонда хизматлар бозори 14,6 фоизга ўсди

🏢 Миллий статистика қўмитаси маълумотларига кўра, 2025 йилнинг январь–ноябрь ойларида Ўзбекистонда кўрсатилган бозор хизматлари ҳажми 916 трлн сўмни ташкил этди (норасмий ва яширин иқтисодиётни баҳолаш бўйича ўтказилган статистик кузатувлар натижалари ҳисобга олинган ҳолда).

📊 Бу кўрсаткич 2024 йилнинг мос даврига нисбатан 14,6 % га ошди.

📊 Кўрсатилган бозор хизматлари ҳажми йиллар кесимида қуйидагича (январь-ноябрь):

2025 йил — 916 трлн сўм

2024 йил — 735,6 трлн сўм

2023 йил — 574,8 трлн сўм

2022 йил — 329,3 трлн сўм

2021 йил — 257,2 трлн сўм