Аудитормисиз? Миграция агентлигида иш бор

Агентлик томонидан Ички аудит бўлими бош мутахассиси лавозимига очиқ танлов эълон қилинди.

Номзодлар учун талаблар:

▪️Юриспруденция, иқтисодиёт ва молия йўналишларидан бирида олий маълумотга эга бўлиш;
▪️Камида 5 йил меҳнат стажи (давлат молиявий назорат соҳасидаги раҳбарлик лавозимида 3 йил, аудиторлик сертификати асосида камида 2 йил);
▪️Давлат тилини билиш (чет тиллари бўйича сертификатга эга бўлганда афзаллик берилади);
▪️Аудиторлар палатаси томонидан берилган ички аудит бўйича миллий сертификатга эга бўлиш;

▪️Бюджет тўғрисидаги қонунчилик ҳужжатларига риоя этилишини таҳлил қилиш, баҳолаш, бюджет маблағларидан самарасиз фойдаланиш хавфларини аниқлаш, молиявий ҳисоботларни шакллантиришни мукаммал билиш;
▪️Харажатлар сметаси, штатлар жадвали ва уларга қўшимча ҳужжатларни тузишда амалдаги қонунчилик талабларига, намунавий штат нормативларига мослигини ўрганиш ва баҳолаш қобилияти;
▪️Молия, бухгалтерия ҳамда хизматлар соҳасини ўрганишда амалдаги қонунчиликка риоя этилишини таъминлаш, мавжуд дебитор ва кредитор қарздорликларни ҳолати келиб чиқиш сабаблари ўрганиш орқали уларни қисқартириш тажрибасига эга бўлиши;
▪️Ташкилотнинг активларидан фойдаланиши ва уларнинг сақланишини баҳолаш орқали бутлиги ва ишга яроқлилик ҳолатлари натижалари юзасидан таҳлилий маълумотлар тайёрлаш бўйича тажрибага эга бўлиш;
▪️Давлат харидларини қонунчилик талабларига мослиги, самарадорлиги ва харид комиссия фаолиятини назорат қилиш, харид қилинган товарларнинг шартномага мослиги ва тўғри кирим қилиниши тартиб тамойилларини билиш;
▪️Агентликни ривожлантириш дастури самарадорлик индикаторлари ижросини таҳлил қилиш, баҳолаш ва соҳага оид янги индикаторларни жорий этиш салоҳиятига эга бўлиш.

⏳Иш вақти: 09:00 дан 18:00 гача (душанба - жума).

Танловда иштирок этиш учун қуйидаги ҳавола орқали ариза қолдиринг.

👉vacancy.argos.uz

@uzmigration

🇺🇿🇸🇪Ўзбекистон ва Швеция — халқаро миграция соҳасида ҳамкорлик

Вазирлар Маҳкамаси ҳузуридаги Миграция агентлиги раҳбарияти ҳамда Швеция Қироллиги Адлия вазирлиги ҳузуридаги Миграция масалалари департаменти директори София Остмарк ўртасида учрашув бўлиб ўтди.

Конструктив мулоқотда икки томонлама узоқ муддатли ҳамкорлик масалалари, жумладан миграция соҳасидаги ўзаро алоқалар муҳокама қилинди.

Сўнгги йилларда фуқароларимизни ривожланган давлатларга қонуний ва муҳофазаланган меҳнатга йўналтириш масаласига алоҳида эътибор қаратилди.

@uzmigration

Россияда ишлашни режалаштирганлар эътиборига!

📘 Имтиҳонга тайёргарлик — энди осон, бепул ва замонавий!

🇷🇺 Россия Федерациясида қонуний тарзда вақтинча меҳнат фаолиятини амалга ошириш учун рус тили, тарих ва қонунчилик бўйича имтиҳондан ўтиш — асосий талаблардан бири.

Эндиликда, Миграция агентлиги томонидан яратилган test.xorijdaish.uz онлайн платформаси орқали бепул, сифатли ва тез тайёргарлик кўришингиз мумкин!

🆕

Янгиликлар!

✍️ Тестлар тўлиқ қайта ишланди
📊 Баҳолаш ва билим даражасини кузатиш имконияти яратилди
📈 Ҳар бир фойдаланувчи ўз натижасини босқичма-босқич назорат қилиб, ривожланишини кўриши мумкин

Имтиҳонга ишонч билан киришни истайсизми? Унда бу платформа айнан сиз учун!

🔗 Платформага киринг ва яқинларингизга ҳам улашинг
https://test.xorijdaish.uz

@uzmigration

🇺🇿🇸🇮 Ўзбекистон – Словения: Янги дастурлар янги имкониятлар!

Миграция агентлиги раҳбари Беҳзод Мусаев ҳамда Словения Бандлик хизмати Бош директори Грета Метка Барбо Шкербинч хоним ўртасида бўлиб ўтган учрашув натижасида меҳнат миграцияси соҳасида янги бозор очилмоқда.

Давра суҳбатида икки мамлакат ўртасида меҳнат миграциясини қонуний, шаффоф ва ўзаро манфаатли механизмлар орқали йўлга қўйиш, рақамли мониторингни жорий этиш ва ўзбекистонликлар учун янги бўлган Словения бозори талаби асосида малакали мутахассислар захирасини шакллантириш масалалари муҳокама қилинди.

Ушбу ташриф доирасида:
▪️ Меҳнат миграцияси соҳасида Йўл харита имзоланди;
▪️ Ўзбекистон меҳнат форуми бўлиб ўтди ва Словениядаги иш берувчилар билан тўғридан-тўғри алоқалар ўрнатилди;
▪️ Қурилиш, меҳмонхона, туризм, ишлаб чиқариш, тиббиёт, логистика соҳаларда имкониятлар очилди.

📈 Келгуси қадамлар:
▪️ Словения стандартлари бўйича ўқув дастурларини йўлга қўйиш;
▪️ Ўзбекистон фуқароларини Словениядаги иш ўринларига ташкилий тартибда жойлаштириш.

Меҳнат миграцияси – бу фақат иш эмас, балки инсон капитали, тажриба, оила фаровонлиги ва халқаро ҳамжиҳатликдир!

@uzmigration

🇺🇿🇯🇵 Миграция агентлиги ва Япониянинг “Your Bright” ташкилоти вакиллари ўртасида самарали учрашув бўлиб ўтди. Унда юртимиз фуқароларини ушбу давлатдаги хизмат кўрсатиш соҳаларига ишга жалб этиш бўйича муҳим келишувга эришилди.

Учрашув якунида томонлар ўзаро ҳамкорликни мустаҳкамлаш ва амалий қадамларни бошлаш мақсадида меморандум имзолашди. Бу ҳужжат, ўзбекистонлик мутахассислар учун кун чиқар мамлакатда юқори талаб ва стандартларига мос иш ўринлари яратилишига хизмат қилади.

Миграция Агентлиги ва JICA ҳамкорлигидаги Japan Career Portal платформаси орқали иш визалари, Япониядаги ўқиш ва кундалик ҳаётга тайёргарлик, юртдошларимизнинг шахсий тажриба ва маслаҳатлари, қандай қилиб биринчи қадамни қўйиш бўйича тўлиқ маълумот оласиз.

@uzmigration

🇺🇿🇸🇮 Словения

2025-йил ҳолатига кўра, Словения рекорд даражадаги паст ишсизлик (тахминан 3.2–3.5%) ва юқори бандлик даражасига эга. Бу ҳолат маҳаллий меҳнат бозорида бўшлиқларни келтириб чиқаряпти.

Қурилиш, соғлиқни сақлаш, меҳмонхона ва ресторанлар, ишлаб чиқариш, таълим ва ахборот технологиялари йўналишида ишчи кучи етишмовчилиги бор.

Бу хорижлик ишчилар, Ўзбекистон фуқаролари учун ҳам яхши имкониятлар бор, дегани. Касб ва тил талабларига жавоб берадиган 1500 дан ортиқ ўзбекистонликлар Словенияда иш топишлари мумкин.

Миграция агентлиги директори Беҳзод Мусаевнинг @Sinchalak_blogiга берган интервьюсида батафсил.

@uzmigration

Сизда ҳам муаммолар борми? Мурожаат қилинг ҳуқуқларингиз давлат кафолатида.

2025 йил 22 май куни Ижтимоий тармоқларда Тошкент шаҳар "Yuksalish consulting" компанияси томонидан Москвадаги қурилиш компаниясига ишга жўнатилган фуқароларига иш ҳақи тўланмаётгани ҳақида видеолавҳа эълон қилинди. Мазкур мурожаат кенг жамоатчилик муҳокамасига сабаб бўлди.

2025 йил 23 май куни Миграция агентлиги масъуллари мурожаатчилар билан онлайн мулоқот ўтказиб, муаммони ўргандилар.

Шунингдек, Миграция агентлигининг Россия Федерациясидаги ваколатхонаси ходимлари томонидан олиб борилган музокаралар натижасида 13 нафар фуқаронинг иш ҳақлари умумий 286 минг рубл миқдорида иш берувчидан ундириб берилди.

Фуқаролар ҳужжатлари қайтариб олинди ва Миграция агентлиги томонидан бошқа бўш иш ўринлари тавсия этилди.

❗️Консалтинг фирма фаолияти қонуний тартибда ўрганилади.

Ҳурматли фуқаролар, агар сиз хорижда ишлаётган бўлсангиз ҳар қандай оғир вазиятларда Миграция агентлигига мурожаат қилинг: (71) 202 33 55, 1282 қисқа рақам.

📲Хориждаги юртдошларимиз учун 24/7 режимда бепул ишлайдиган телефон рақамлар 👉бу ерда

🌐 @huquqiy_yordam_uzbot телеграм ботига ёзиш мумкин

📌 Миграция агентлиги ваколатхонасига ҳам мурожаат қилиш мумкин:
📞+79250454744
Телеграм: @pomoshrussiamigrant
🇷🇺🇺🇿Россиядаги бош консулхоналар манзили ва телефон рақамлари 👉бу ерда.

@uzmigration

Туркияда мураккаб вазиятга тушиб қолган она ва фарзандларига Ватанга қайтишда амалий ёрдам кўрсатилди

Хорижда ишлаш мақсадида кетаётган фуқароларимиз орасида баъзан турмуш шароитида кутилмаган муаммолар юзага чиқиши мумкин.

Шундай оғир ҳолатлардан бири билан юзлашган она – Р.С. 4 нафар вояга етмаган фарзандлари билан Туркиянинг Истанбул шаҳрида яшаш ва ишлаш истагида бўлган, аммо турмуш ўртоғи томонидан ташлаб кетилган ва мураккаб молиявий аҳволда қолган.

👩‍👧‍👦 Ҳамюртимиз фарзандлари билан Ўзбекистонга қайтиш учун мурожаат қилди.

📌 Миграция агентлигининг тезкор ҳаракати билан 252-сонли Ҳукумат қарори асосида, улар беғараз Ватанга қайтарилди.

@uzmigration