🇶🇦Қатарда ишлаш истагида бўлганлар учун 10 кун муддатда ишчи визаси чиқади

Бу ҳақда Вазирлар Маҳкамаси ҳузуридаги Миграция агентлиги, Ташқи ишлар вазирлиги, Қатардаги элчихонамиз масъулларидан иборат делегация аъзоларининг Қатар Ички ишлар вазирлиги Паспорт бош бошқармаси бошлиғи, генерал Muhammad Ahmat al Atiq ad-Dusariy билан бўлган учрашувида маълум қилинди.

Мулоқотда, Қатарда вақтинчалик ишлаш истагида бўлган юртдошларимизнинг ишчи визаларини олиш тизимини енгиллаштириш масалалари муҳокама қилинди.

“Қатар давлати Меҳнат ва Ички ишлар вазирлиги Ўзбекистонлик ёшларни мамлакатимиз компанияларига ишга жойлаштиришни қўллаб-қувватлайди ва уларга виза бериш жараёнини максимал енгиллаштириб 10 кун ичида тақдим қиламиз”,

- деди Генарал Dusariy.

@uzmigration

🇬🇧 Буюк Британиядаги рекрутинг компаниялар вакиллари билан онлайн учрашув ташкил қилинди

Мулоқот Миграция агентлиги, Халқаро миграция ташкилоти (МОМ), Буюк Британиянинг Seasonal Workers Scheme (SWS) лойиҳаси доирасида фаолият юритувчи расмий операторлар ва уларнинг фаолиятини мувофиқлаштирувчи ALP (Ишчи кучи етказиб берувчилар асоциация) ҳамда GLAA (Меҳнат ҳуқуқларини ҳимоя қилиш бўйича ташкилот) ташаббуси билан ўтказилди.

Унга Буюк Британиянинг Ўзбекистон билан ишлаб келаётган икки компанияси билан бир қаторда "Agri-HR-Ltd", "Fruitful jobs LTD", "Concordia Charity" каби янги рекрутинг ташкилотлари раҳбарлари ҳам жалб қилинди.

Англиядаги мавсумий ишларга ўзбекистонликларни жалб қилиш механизмлари атрофлича муҳокама қилинди. Номзодларни топиш, саралаш, имтиҳон жараёнларини шаффоф ташкил қилиш бунда муҳим ўрин тутиши қайд этилди.

Агентлик раҳбарияти Англиянинг Ўзбекистон билан ишлаш истагидаги барча рекрутинг операторлари билан шартнома тузиб, мамлакатимиз фуқаролари учун ажратиладиган квоталар сонини кўпайтиришга келишиб олди.

@uzmigration

🇶🇦Ўзбекистонлик тиббиёт ходимларига энди Қатарда ҳам ишлаш имконияти очилмоқда

Вазирлар Маҳкамаси ҳузуридаги Миграция агентлиги, Ташқи ишлар вазирлиги, Қатардаги элчихонамиз масъулларидан иборат Ўзбекистон делегацияси Доҳада яна бир йирик иш берувчи компания раҳбари Muhammad Al-Suvaydiy билан учрашув ўтказди.

Навбатдаги янги ҳамкор Қатардаги энг йирик тиббиёт муассасаси "Hamad Medical Corparation" бўлиб, мамлакатда кўрсатилаётган тиббий хизматларнинг 90 фоизи ушбу муассаса ҳиссасига тўғри келади.

Мулоқотда, бугунги кунда Қатарда умумий ҳисобда 12 минг ҳамшира мавжуд бўлса, шундан атиги 70 нафари қатарликлар, қолгани чет элликлар экани таъкидланди.

Учрашувда "Hamad" тиббиёт муассасаси ва Миграция агентлиги ўртасида ҳамкорликка келишиб олинди.

Ҳамкорлар йилига 1000 нафар ҳамширага эҳтиёжи борлигини билдирган бўлса, Ўзбекистон томони мамлакатимизда иш берувчи талаби асосида мақсадли тайёрлашга барча шароитларни яратишини таъкидлади.

@uzmigration

🇱🇻Латвияда ўзбекистонлик ишчи кучига квота белгиланмайди

Бу ҳақда Миграция агентлиги, Ташқи ишлар вазирлиги ҳамда Ўзбекистоннинг Латвиядаги элчихонаси масъулларидан иборат делегациянинг Латвия Фаровонлик вазири Улдис Аугулис билан Ригада ўтган учрашувда маълум қилинди.

Унда ўзбекистонлик ишчи кучига Латвияда муносабат ижобий эканлиги ва ҳамюртларимиз яхши таассурот қолдираётгани таъкидланди.

Бугунги кунда ушбу давлатда 4000 дан ортиқ юртдошларимиз меҳнат фаолиятини олиб бормоқда. Учрашувда бу рақамни янада кўпайтиришга икки томонда ҳам истак борлиги таъкидланди. Шу боис, ишчилар сонига квоталар белгиланмайди.

@uzmigration

🇱🇻Латвияда ишламоқчи бўлганларнинг ҳуқуқлари давлат даражасида ҳимоя қилинади

Ригадаги навбатдаги учрашув Латвия Ички ишлар вазирлигининг Парламент котиби Игорь Раевс ҳамда вазирлик масъуллари билан бўлиб ўтди.

Мулоқотда, Латвияда ишлаш истагида бўлган Ўзбекистон фуқароларини хавфсиз, тартибли ва ташкиллаштирилган тарзда жалб қилиш, ҳуқуқий ҳимоясини таъминлаш масалалари муҳокама қилинди.

@uzmigration