Маҳаллий ишлаб чиқарувчиларга янги имкониятлар: тадбиркор таклифи — Президент қарорида

✔️ Савдо-саноат палатаси ташаббуси билан 2025 йил 2 ноябрь куни ўтказилган очиқ мулоқотда “GLOBAL PETROCHEMICAL GROUP” МЧЖ раҳбари Гулямов Акмал давлат харидлари тизимида маҳаллий ишлаб чиқарувчиларни тизимли қўллаб-қувватлаш зарурлигини таъкидлади.

Ушбу таклиф Президентнинг 2025 йил 26 декабрдаги ПФ–259-сон Фармонида ўз аксини топди. Ҳужжат маҳаллий бизнес учун қатор янги имкониятларни белгилаб берди:

✔️Давлат буюртмачиларининг харид режалари эълон қилингач, ушбу маълумотлар маҳаллий ишлаб чиқарувчиларга автоматик электрон хабарнома орқали юборилади.

✔️ 2026 йил 1 январдан қиймати БҲМнинг 250 бараваригача бўлган харидлар бўйича маҳаллийлаштириш даражаси 30%дан юқори бўлган ишлаб чиқарувчилар билан 3 йилгача тўғридан-тўғри кафолатли (офтейк) шартномалар тузишга рухсат берилади.

✔️ Бюджет ва корпоратив буюртмачилар харидларни амалга оширишда аввало маҳаллий ишлаб чиқарувчилар имкониятини мажбурий тартибда кўриб чиқади.

✔️ Бюджет буюртмачилари ва маҳаллий ишлаб чиқарувчилар ўртасида махсус маҳаллий аукцион савдолари жорий этилади. Бу савдолар электрон аукцион тартибида, бошланғич нархни пасайтириш орқали, 2 иш куни давомида ва шартнома қийматига оид чекловларсиз ўтказилади.

Натижа нима?

Маҳаллий ишлаб чиқарувчилар давлат буюртмалари ҳақида эртароқ хабардор бўлади, узоқ муддатли шартномаларга эга бўлиш имконияти ошади ва ички бозорда барқарор ишлаш учун мустаҳкам асос яратилади.

Бу эса давлат харидлари тизими орқали миллий ишлаб чиқаришни рағбатлантиришнинг аниқ амалиётидир.

🕊Telegram 📱Instagram 📱Facebook 📺Youtube

Кичик низо — катта муаммо: тадбиркорлар таклифи ислоҳотга туртки берди

✔️ Савдо-саноат палатаси ташаббуси билан 2025 йил 7 июль куни давлат харидларида иштирок этаётган тадбиркорлар билан очиқ мулоқот ўтказилди. Учрашувда бизнес ва амалиётда учраётган реал тўсиқлар муҳокама қилинди.

Мулоқотда “Давлат харидлари иштирокчилари уюшмаси” раҳбари Анвар Мухитдинов тадбиркорлар номидан муҳим масалани кўтарди. Унинг таъкидлашича, амалдаги қонунчиликка кўра давлат харидларига доир барча шартномалар бўйича низолар фақат суд тартибида ҳал этилади.

Аммо бу тартиб айниқса кичик ҳажмдаги шартномалар (хусусан, 300 БҲМгача бўлганлари) учун ҳам буюртмачи ва етказиб берувчилар томонидан қўшимча вақт ва харажатлар сарфланишига олиб келмоқда.

👍Кўтарилган ушбу масала Президентнинг 2025 йил 26 декабрдаги ПФ–259-сон Фармонида ўз аксини топди.

Фармонга мувофиқ, тегишли вазирлик ва идораларга давлат харидлари соҳасидаги низоларни судгача ҳал қилиш амалиётини жорий этиш бўйича норматив-ҳуқуқий ҳужжат лойиҳасини ишлаб чиқиш топширилди.

Ушбу ташаббус келгусида низоларни тезроқ, соддароқ ва кам харажат билан ҳал қилиш имконини бериб, тадбиркорлар учун янада қулай муҳит яратишга хизмат қилади.

🕊Telegram 📱Instagram 📱Facebook 📺Youtube

Битта савол — бутун тизимга аниқлик киритди

✔️ Савдо-саноат палатаси ташаббуси билан 2025 йил 6 сентябрь куни тадбиркорлар иштирокида очиқ мулоқот ўтказилди. Унда “HADID MOHIR” МЧЖ раҳбари Игамбердиев Баходир амалиётдаги муҳим муаммони кўтарди.

Тадбиркор давлат харидларида ғолиб бўлганидан сўнг маҳсулотни топшириш жараёнида қийинчиликка дуч келаётгани айтилди. Сабаб — буюртмачи томондан маҳсулотни қабул қилувчи масъул шахс ишончнома асосида расман тайинланмагани. Натижада, маҳсулотни кимга топшириш масаласида ноаниқлик юзага келган.

👍 Ушбу таклиф Президентнинг 2025 йил 26 декабрдаги ПФ–259-сон Фармоннинг 10-банди "б" кичик бандида инобатга олинди.

2026 йил 1 июлдан бошлаб давлат буюртмачилари товарлар (ишлар, хизматлар)ни қабул қилувчи шахсларга ишончномаларни давлат харидлари электрон тизими орқали электрон шаклда расмийлаштиради.

Мазкур ўзгариш тадбиркорлар учун ортиқча оворагарчиликни камайтириб, масъул шахслар жавобгарлигини оширади ҳамда жараёнга аниқлик киритади.

🕊Telegram 📱Instagram 📱Facebook 📺Youtube

Электротехника соҳасидаги тадбиркорлар билан очиқ мулоқот

⏺Бироздан сўнг Ўзбекистон Республикаси Бош вазири ўринбосари Жамшид Ходжаев раислигида Ҳукумат комиссиясининг электротехника соҳасида фаолият юритаётган тадбиркорлар билан навбатдаги очиқ мулоқот бўлиб ўтади.

Учрашувдан мақсад — соҳада мавжуд муаммоларни очиқ муҳокама қилиш, уларнинг амалий ечимлари юзасидан таклифлар ишлаб чиқиш ҳамда давлат ва бизнес ўртасида самарали мулоқот платформасини шакллантириш мақсад қилинган.

🟥 ЖОНЛИ ЭФИР

______

Открытый диалог с предпринимателями электротехнической отрасли

⏺Скоро под председательством заместителя Премьер-министра Республики Узбекистан Жамшида Ходжаева состоится очередной открытый диалог Правительственной комиссии с предпринимателями, работающими в сфере электротехники.

Цель встречи — открыто обсудить существующие в отрасли проблемы, выработать предложения по их практическому решению и сформировать эффективную платформу взаимодействия между государством и бизнесом.

🟥 ПРЯМОЙ ЭФИР

🕊Telegram 📱Instagram 📱Facebook 📺 Youtube