Андижонда аёллар тадбиркорлиги қўллаб-қувватланмоқда

👍 Андижон вилоятида тадбиркор ва тадбиркорлик қилиш истагида бўлган хотин-қизларнинг муаммоларини ўрганиш ҳамда уларни қўллаб-қувватлаш мақсадида Савдо-саноат палатаси ҳузуридаги Тадбиркор аёллар кенгаши томонидан навбатдаги сайёр қабул ташкил этилди.

🏢 Тадбир давомида хотин-қизлар муаммоларини тинглаш билан бирга, уларнинг ташаббусларини амалга ошириш учун ҳам имконият яратилди. Жумладан, хотин-қизларни техник касбларга, хусусан пайвандлаш йўналишига ўқитиш мақсадида “Қизлар мактаби” ташкил этиш бўйича келишувга эришилди.

🤝 Бу ташаббус доирасида Савдо-саноат палатаси Андижон вилояти ҳудудий бошқармаси, моҳир пайвандчи ва тадбиркор Ю.Юнусова ҳамда тадбиркор Н.Болтабоева ўртасида ҳамкорлик меморандуми имзоланди.

Янги лойиҳа аёллар учун замонавий касбларни ўргатиш билан бирга, янги ва мураккаб йўналишлардаги бизнес вакилаларини ҳам кашф этиш имконини яратади.

Шунингдек, сайёр қабул доирасида тадбиркор хотин-қизлар Андижон мебел маркази, Олтинкўл гулчилик хўжалиги, “Ёш дипломатлар” мактаби ҳамда Андижон заргарлик кластерлари фаолияти билан танишишди. Республиканинг турли ҳудудларидан ташриф буюрган 40 дан ортиқ тадбиркор аёллар ўзаро тажриба алмашдилар.

📝 Андижон аёллар тадбиркорлиги муҳитини ўрганиш жараёнида мамлакат иқтисодий ривожига ҳисса қўшиб келаётган ва ишбилармонлик муҳитини яхшилашда ташаббускорлик кўрсатаётган қатор тадбиркор аёллар — “Аиста Голд” МЧЖ раҳбари И.Неъматжонова, “Gold Crown Pharma” МЧЖ раҳбари Н. Ахмадалиева, ЯТТ Ю.Юнусова, “Ёш дипломатлар” МТТ раҳбари М.Сулаймонова ва “АС Фарм” МЧЖ раҳбари Н.Болтабоева — Савдо-саноат палатаси томонидан ташаккурнома ва эсдалик совғалари билан тақдирландилар.

🕊Telegram 📱Instagram 📱Facebook 📺Youtube

👍 Молиявий ҳисоботнинг халқаро стандартларини жорий қилиш бўйича республика комиссияси таркиби

🕊Telegram 📱Instagram 📱Facebook 📺Youtube

Савдо-саноат палатаси WE-Finance Code халқаро ташаббусига қўшилди

🔴 Марказий банкда Ўзбекистонда жорий этилган аёллар тадбиркорлиги бўйича молиявий кодекс – WE-Finance Code халқаро ташаббусининг бир йиллик натижаларига бағишланган тақдимот бўлиб ўтди.

Тадбирда миллий ва халқаро экспертлар, банк ва молиявий ташкилотлар, давлат идоралари, шунингдек, халқаро ҳамкор ташкилотлар вакиллари иштирок этди.

Ушбу ташаббус бугунги кунда дунёнинг 30 дан ортиқ давлатида амалга оширилмоқда. Марказий Осиёда Ўзбекистон, Қозоғистон, Тожикистон, Қирғизистон ва Мўғулистонда илгари сурилмоқда. Ўзбекистон ушбу ташаббус доирасида Миллий Низом ишлаб чиққан минтақадаги биринчи давлат сифатида эътироф этилди.

👍 Мазкур ташаббус доирасида АТ “Халқ банки”, АТБ “Микрокредитбанк”, АТБ “Бизнесни ривожлантириш банки”, “Сабр” микромолия ташкилоти МЧЖ билан бир қаторда, Ўзбекистон Савдо-саноат палатаси ҳамда “Ҳамроҳ” хотин-қизлар тадбиркорлигини қўллаб-қувватлаш компанияси аёллар тадбиркорлигини рағбатлантирувчи Миллий чемпионлар сифатида WE-Finance Code мажбуриятларини ўз зиммасига олди.

✔️ Эндиликда Савдо-саноат палатаси ушбу ташаббус доирасида аёллар тадбиркорлигини қўллаб-қувватлаш, молиявий кодекс тамойилларини амалиётга татбиқ этиш, шунингдек, мониторинг ва баҳолаш жараёнларида фаол иштирок этади.

🕊Telegram 📱Instagram 📱Facebook 📺Youtube

Ўзбекистон инвестиция стратегияси лойиҳаси бўйича ESCAP ва SavvY билан мулоқот

15 сентябрь куни Ўзбекистон Савдо-саноат палатасида “Ўзбекистон инвестиция стратегияси” лойиҳасини тайёрлаш масалаларига бағишланган уч томонлама маслаҳатлашувлар бўлиб ўтди.

👍 Музокараларда Савдо-саноат палатаси раиси маслаҳатчиси Алишер Шайхов, БМТнинг Осиё ва Тинч океани учун иқтисодий ва ижтимоий комиссияси (ESCAP)дан тўғридан-тўғри инвестициялар дастури бўйича бош маслаҳатчи Коннор Финненган ҳамда SavvY консалтинг компанияси экспертлари иштирок этди.

SavvY — 2015 йилда ташкил этилган ва Тбилисида жойлашган консалтинг компанияси. У бизнес-консалтинг, бозор тадқиқотлари, активларни баҳолаш ва IPOга тайёргарлик бўйича хизматлар кўрсатиб, инновацион ёндашувлар билан фаолият юритади.

Учрашувда Алишер Шайхов Ўзбекистондаги инвестицион муҳит, хорижий инвесторлар учун яратилган қулай шарт-шароитлар ва берилган имтиёзлар ҳақида батафсил маълумот берди.

Хорижий экспертлар лойиҳанинг ҳозирги босқичи дастлабки тайёргарлик ишларидан иборат эканини қайд этиб, Ўзбекистоннинг тўғридан-тўғри инвестицияларни жалб қилиш борасидаги тажрибаси билан яқиндан танишиб чиқдилар.

🤝 Учрашув якунида Алишер Шайхов Савдо-саноат палатаси мазкур лойиҳани амалга ошириш жараёнида амалий ёрдам ва ҳар томонлама кўмак кўрсатишга тайёрлигини билдирди.

🕊Telegram 📱Instagram 📱Facebook 📺Youtube