Chak, chak!

​Кўринишидан ўзимиздаги оддий мактаб ўқитувчисини эслатувчи мана бу инсоннинг исми Бабақ Парвиз. У Эронда туғилиб ўсган.

Бу инсон ҳақида ажойиб бир китобда ўқиб қолдим ва тарихи билан қизиқдим. У бугунги кунда АҚШдаги энг муҳим менежерлардан биридир. Ўзи илм-фан одами бўлганлиги учун бизнес ва илм-фанни улаб турадиган муҳим бир шахсга айланган. У 2014 йилгача Google Х тадқиқотлар марказини бошқарган. Google Х тадқиқотлар маркази Google шамол генератори, Google Glass ақлли кўзойнаги, электромобиллар устида иш олиб борган.

2014 йилда уни Безос Амазонга таклиф қилади. У ҳозирда Амазоннинг Grand Challange илмий-тадқиқотлар марказини бошқаради. Олдин ҳам бир неча марта ёзганман, Амазоннинг илмий тадқиқотлар ва ишланмаларга ажратадиган йиллик инвестиция 28 миллиард АҚШ долларига тенг. Илмий-тадқиқот марказига йирик кашфиётлар қилиш, инсоният олдидаги глобал муаммоларга ечим топиш вазифаси қўйилган. Масалан, Парвиз жамоаси бугун Амазонни медицина бозорига олиб кириш ва тиббий хизматлар нархини бир неча маротабага пасайтириш устида ишлаяпти. Grand Challange маркази киришида Карл Саганнинг қуйидаги сўзлари ёзилган экан: “Қаердадир катта нимадир ўзининг кашф қилинишини кутиб ётибди».

Яқинда Ўзбекистонликлар фильмини кўриб юртдошларимиздан жуда фахрландим. Лекин, афсуски четга кетаётган юртдошларимизнинг ҳам кўп қисми оддий ўзбекка мос тирикчиликдан ортишолмаяпти. Бир вақтнинг ўзида бизга ўхшаган Ҳиндистонлик, Эронлик йигит ва қизлар Ғарб меҳнат бозорида революциялар қилишяпти.

Айтмоқчи бўлганим, маррани каттароқ олаверайлик, аниқ уддалаймиз. Биз шунчаки уй ва машинани ўйлаб ўлиб кетиш учун туғилмаганмиз. Каттароқ нарсани орзу қилайлик ва у сари ҳаракат қилайлик, эришсак яхши, эришмасак камида ҳаётимизни каттароқ орзу йўлида ўтказган бўламиз.

@allaevuzb

Эҳтиёт бўлинг фирибгарлар.

Янгича фирибгарлик чиқди, бировнинг аккаунти олинади, унинг барча танишларига картамга пул ташлаб туринг деб ёзиб чиқади, улар орасида кимдир пулни кўчириб беради, кўчириб берган одамдан иложи бўлса яна керак бўлиб қолди деб яна пул тушириб беришни илтимос қилади.

Карта ўлган одамнинг ёки бирор бомжнинг номида бўлади! Секин пул ечиб олинади, шу билан пулга ухладингиз. Ҳозиргина бизнинг шогирдлар шунга тушиб қолишибди. Ҳа, овозни ўхшатиб телефон қилишлари ҳам мумкин, буни сунъий интеллект бажариб беряпти.

Овоз бирга бир, бирданига пул кўчириб берманг. Шахсий савол берсангиз, бирданига тутилиб қолади.

@bektoshkhatamov

«Вы все еще берете на работу людей?»

Стартап Blend AI креативно прорекламировал своих голосовых ИИ-ботов: для этого они разместили билборд с номером телефона и предложили всем желающим пообщаться с ИИ. Так стартап хочет показать, что технологии уже могут заменить кожаных сотрудников в колл-центре, которые все равно разговаривают «по скриптам».

Работяги из службы поддержки вряд ли обрадуются.

Butun dunyoga mashxur bo'lgan Y combinator venchur fondi haqida ko'pchilik eshitgan bo'lsa kerak. Ushbu tashkilotning bosh direktori Michael Seibeldan Startap egasi birinchi 10ta mijozni qanday topish bo'yicha maslahatlari:

№1. Ko'nglingiz taskin topishi uchun aynan siz berayotgan yechim muammosi bilan to'qnash kelgan bir necha insonlarni shaxsan o'zingiz tanishingiz kerak.

Katta reklama kompaniyalarini jalb qilish va marketing uchun pul sarflashdan avval hech bo'lmaganda 10 ta mijozga o'zingiz maxsulotingizni sotib ko'rishingiz kerak.

№2 Sizning maxsulotingizga taklif sifatida qaraydigan mijozni jalb qilishdan hech qanday foyda yo'q. Uning o'rniga sizning produktingiz hatto mvp holatida bo'lsa ham foydalanishga tayyor bo'lgan og'rig'i bor mijozni toping.

№3 MVP holatida bo'lsa ham boshidan pulga sotishni boshlang va buni signal sifatida qabul qiling. Mijozingiz muammoga yechim topish uchun sizni xizmatingizdan qay darajada tayyorligini bilib olasiz. Agar mijozlaringiz xizmatingizdan faqat bepul bo'lgani uchungina foydalansa bu yomon!

№4 Va eng muhimi, siz mijozga berishingiz mumkin bo'lgan 4-5 ta aniq savollarni tayyorlang, shunda siz o'z mijozlaringizni shunchaki qiziqqan va hech narsa sotib olishni istamaydiganlardan ajratib olishingiz mumkin bo'ladi. Bundan tashqari ushbu savollar ularning muammosi qanchalik dolzarbligi va ular sizning maxsulotingizni sotib olish uchun qanday reaksiya qilishlarini aniqlashga kerak bo'ladi.

Faqatgina sizning savolingiznga to'g'ri javob bergan ya'ni siz xoxlagandek javob berganlargagina fokusingizni qarating. Qolganlarni esa, keyinroqqa olib qo'ying - Micheal Seibel.

Kecha bir kursdoshim yozdi. Online firibgarlarga ishonib $1 200 yo'qotibdi, afsuski.
[Boshqalar aldanishining oldini olish uchun tarqating]
[Kirillda izohlarda]
Sxema qanday bo'lgan?
Onlayn tarjimonlik ishi uchun "test vazifa" berilgan va uni bajarish uchun $2 400 taklif qilishgan.
Vazifani qabul qilishganidan keyin "pulni sizga o'tkazishimiz uchun kerak bo'ladi" deb unga-bunga pul o'tkazdirishgan.
Hali yana $1 500 ga aldamoqchi bo'lgan vaqtida kursdoshim yozib qoldilar. Muloqotni to'xtatishni, pulni qaytarish iloji yo'qligini aytdim.
===
Yaxshilar, kompyuter va onlayn ishlar bo'yicha savodxonlikni oshiring. Firibgarlar nayranglarning har turini ishlatib chuv tushirib ketishi mumkin.
Ularning ish sxemalarini o'rganish uchun maqola o'qib chiqishingiz shart emas. Bir nechta kino va seriallar bor. Ham sifatli kino ko'rasiz, ham o'zingizni noxush holatlardan saqlaysiz.
Vaqt ajratib ko'rib chiqing, tanishlaringizga ham tavsiya qiling. Onlayn firibgarlikda ketgan pulni topish imkonsiz.
1. Мошенники - Qozog'istonda ishlangan serial. Bir qancha turdagi firibgarliklar qanday ishlashi haqida.
2. Объект преследования - Koreya filmi. OLX kabi saytlarda kuzatilishi mumkin bo'lgan firibgarlik mavzusi atrofida qiziqarli syujetli.
3. Грязные миллионы - Koreya filmi. Sobiq politsiya zobiti o'z oilasi firibgarlarga duch kelganda ishning tagiga yetib ularni fosh qilish uchun qilgan harakatlari haqida.
Bu kino va seriallarni ko'rish mumkin bo'lgan linklarni izohda qoldiraman.

Muhammadjavohirbek Sur'atov

@teamwork_uz

Buyurtma №1075 — #bajarilmoqda
👨‍💻 Mavzu: Web telegram bot loyihani davom etirish kerak
📝 Vazifa: Figmasi bor apilari tayyor agarda apilarda kamchilig bo'lsa qilib beriladi


https://www.figma.com/design/Dg7eSOiXziVEsLSQks0ait/PaidSub-2?node-id=53%3A976&t=XfBDEG0zYxUlLnnM-1

Figmada barchasi ko'rsatilgan, lekin bu yerda ko'p joyi qilingan, 4/5 p...
🕛 Muddati: 27.05.2024
💰 Narxi: 8 500 000 so'm

#Dasturlash #Telegrambotlar

Ba’zilar tepalikka yurayotgan bo’ladi

O’g’lim bilan samokat uchyapman. Pastlik va tekisliklarda oson uchib o’tdik. Tepalikka qiynalishni boshladi.

-Tepalikka chiqish qiyin bolam. O’sha kuch bilan chiqa olmaysan. Bu pastlikka tushish emas.

Tushuntirdim-ku, o’zim ham bir narsani tushunib qoldim.

Harakat = natija deb o’ylaymiz. Natijasizlarni harakatsizlikda ayblaymiz.

Ikkita odam bir xil harakat qiladi. Natija har xil bo’ladi.

Bizga ko’rinmaydigan joyi - kimnidur yo’li tekis, pastlik. Ozgina harakat bilan uzoqlarga yetib oladi.

Kimdadur tepalik. Kam harakat qilsa joyida turadi. Ko’p harakat qilsa - ozgina yuradi.

Daromadingiz yildan yilga faqat oshayotgani - O’zbekiston iqtisodi tez o’sayotganidan bo’lishi mumkin. [1], [2]

Kuzatuvchilaringiz ko’payib ketayotgani - instagramga 5 million yangi odam qo’shilganidan bo’lishi mumkin.

Sizni yuqori qadrlashayotgani - shunchaki yaxshi kadr yetishmayotganidan bo’lishi mumkin.

Tekis yo’lda tezlashib olishda muammo yo’q. Aqlli odam shunday qiladi.

Yurayotgan yo’lini tushunmagan esa - omad bilan erishgan narsasiga kibrlanib yuradi.

@azizrakhimov_blog

1. “Sohta Stiv Jobs”. Bu atamani Y combinator rahbari Micheal Siebel o’ylab topgan. Hozir bu atama haqida batafsil gaplashamiz.

2. Y combinator rahbari aytishicha ularga judayam ko‘p asoschilar huddi Stiv Jobs kabi mukammal product yaratishmoqchi ekanligini davo qilib kelishar ekan. Lekin aynan Iphone’ning birinchi versiyalarida na copy/paste bo’lgan na Appstore bo’lgan, unda hattoki 3G ham bo’lmagan ekan.

3. Lekin ushbu mobil telefonda qo’l bilan boshqarsa bo’ladigan katta ekran bo’lgan va aynan Iphonning ushbu hislati revolutsiya qilishiga sabab bo’lgan.

4. Qandaydir maxsulot revolutsiya qilishi uchun u albatta mukammal bo’lishi shart emas, lekin revolutsiya qila olishi uchun unda bir nechta hislatlari bo’lishi kerak albatta.

5. Haqiqiy Stiv Jobs Iphonni kamchiliklari bilan chiqarib ham muvaffaqiyatga erisha olishini bilgan, “Feyk” Stiv Jobslar esa doim mukammal maxsulot haqida orzu qilib yurishadi yoki haligacha qandaydir mukammal maxsulot ishlab chiqish bilan band.

6. Maxsulotingizni kelajakda qanday hislatlari bo’lishini yozib chiqing va undan foydalanmasangiz ham maxsulot ishga yaraydigan hislatlarini qoldiring. Bu ishlarni bajarib bo’lganingizdan keyin esa ushbu maxsulot bilan o’rtoqlashing. O’chirib tashlagan maxsulotingiz hislatlari qolib ketadi degani emas, ularni albatta keyinchalik maxsulotingizga qo’shib ketaverasiz. Ishoning bu eng yaxshi yo’l (Shaxsiy tajribadan kelib chiqqan, u haqida sal keyinroq gaplashamiz)

7. Maxsulotingizni o’chirib tashlash mumkin bo’lgan hislatini topa olmadingizmi? Demak siz “Feyk Stiv Jobs”likka da’vo qilyapsiz ekan😊

8. Maxsulotingizni faqat bir ikki hislatlari qoldimi? Ular revolutsiya qilishiga ishonasizmi? Demak siz haqiqatdan ham ajoyib maxsulot o’ylab topgansiz.

9. Agar maxsulotingiz ushbu kam sonli lekin judayam muhim hislatga egami? Demak siz haqiqiy Stiv Jobs ekansiz 😉

Startaplar haqida qiziqarli maqolalarni @ayakubofff kanalida o’qib borishni unutmaganingiz uchun rahmat)

O‘lchovlar boshqa

Bu mavzuda avval ham yozgandim, hozir farqli yondashuv, xulosam:

Kimnidir boy, mashhur ekanligi faqat qattiq mehnati sababidan emas.

Kimnidir esa kambag‘al, qadri pastligi faqat harakati kamligidan ham emas.

Biz tug‘ilib o‘sgan joy, ota-onamiz, ularning resurs va yondashuvlari ko‘p narsani hal qilib qo‘yadi.

Buni kimdir omad deydi, boshqamiz taqdir. Masala kim nimani muhokama qilishida.

Ba’zilar doim boshqa insonlar harakatini muhokama qiladi, kelajagi bor kishilar bo‘lsa ko‘pincha o‘z harakatlarini va yondashuvlarini.

Omadga ta’sirimiz faqat shu yo‘l bilan bo‘lsa kerak. Siz-chi, kimni ko’proq muhokama qilyapsiz?

@abdulloh_shamsutdinov

Bugun ertalabdan Asaxiy jamoasiga murojaat yozgandim. Biznes egalariga qiziq bo'lsa kerak, xatda kompaniyaga doir sir yo'q uchun bu yerda ham e'lon qilaman. Tiliga e'tibor bermang, xodimlarga tushinarli bo'lishi uchun yozilgan:

Hurmatli xodimlar,

Oxirgi o'n kunda men bizning kompaniyamizning kelajagi haqida ko'p o'yladim. O'qidim, maslahat oldim, ko'rdim va xulosa qildim: Hamma narsa klientdan boshlanadi va hammasi klient uchun bo'lishi kerak.

Biz buyuk kompaniya bo'lishni xohlaymizmi? Unda raqobatga yoki boshqa mamlakatdagi muammolarga emas, balki klientga bor e'tiborimizni qaratishimiz kerak. Bizning birlamchi maqsadimiz doimo klientlarga arzonroq, qulayroq va tezroq xizmat taklif qilish bo'lishi kerak. Klient bizga emas, biz klientga xizmat ko'rsatamiz. Biz pulni ishlab topmaymiz, klient bizga pul beradi. Kompaniya klientlar sabab bor. Klientlarimizdan pul kelmasa, biz faoliyatimizni bir oy ham davom ettira olmaymiz.

Shuning uchun sizlardan har biringizdan iltimos qilaman: ishingizni klient tomondan ko'rishga harakat qiling. Har doim "Nima qilsam klient uchun yaxshi bo'lardi?" degan savolni qo'ying. Bu fikrlash usuli bizni to'g'ri yo'lga olib boradi. Ishda o'zaro munosabatlarni ochiqlash, hisobotlarni yoki shaxsiy ko'rsatkichlarni emas, klientning manfaati eng muhimi bo'lishi kerak.

Kompaniyaning katta planda har doim "Klient uchun yana qanday xizmat taklif qilsam ekan?", "Yana qanday tovar sotsam ekan?", "Yana qanday qulaylik yaratsam ekan?" degan savollar doimiy e'tiborda bo'lishi kerak.

Agar biz klientlar uchun eng qulayi bo'lsak, katta marketing kampaniyalari ham shart emas bo'ladi. Klientlar o'zlari bizni reklama qilishadi va bizning elchilarimiz bo'lishadi.

Biz har doim yanada arzonroq, yanada qulayroq, yanada tezroq bo'lishimiz zarur. Klient faoliyatimiz markazida bo'lishi kerak, shuni hech qachon esdan chiqarmang.

Hurmat bilan,
Firuz


@allaevuzb

Dangasalik turlari!

Bizdagi dangasalik turli xil sabablar tufayli bo'ladi va biz deyarli barcha turini umrimiz davomida boshimizdan o'tkazamiz.

Charchoq dangasaligi
Odatda jismoniy yoki aqliy toliqish tufayli keladigan dangasalik.

Afsus dangasaligi
Tarixda bo'lgan afsuslaringiz kelajakda qilmoqchi bo'lgan ishingizga ta'sir qilish orqali keladigan dangasalik

Ijtimoiy dangasalik
Bir ishni qilib boshqalar oldida uyalib qolish ortidan keladigan dangasalik

Noaniqlik dangasaligi
Bir ishni bajarayotgan paytda noaniqlikka duch kelish ortidan keladigan dangasalik

Befarqlik dangasaligi
Ish insonga yoqmasdan befarq bo'lib qolish ortida keladigan dangasalik

Dangasalik turlari judayam ko'p va u turli xil sabablar tufayli bo'ladi. Hayotimizga olib keladigan salbiy ta'sirini kamaytirish mumkin, lekin undan butunlay qutilish imkonsiz deb o'ylayman...

© Shahboz Dolimov

🔝 @foydali_moliya birgalikda o'samiz!

Bitiruvchilarga bazi bir kichik maslahatlar. Erta tongdan xayolga kelganlari:

1. Aslida sening hayoting deyarli hech kimga qiziq emas. O'zing uchun o'l yetim. Qattiqroq mehnat va harakat qil.

2. Sen haqiqatdan o'zing xohlagan narsalarni qilib boshlasang ko'pchilik norozi bo'ladi, hatto jahli chiqib bosim o'tkazadi. Ko'pchilikka o'zi xohlagan hayotga intilayotgan sen emas, ular uchun qulay sen kerak. Sening baxtli bo'lishing, ruhiy sog'lomliging jamiyat to'g'ri deb biladigan hayotdan muhimroq.

3. Senga ishi tushmaguncha seni payqamaydigan insonlar bor. Senga ishi tushganda sen dunyodagi eng yaxshi insonga aylanasan.

4. Ayrim masalalarga shunchaki parvo qilishni to'xtatganingda hammasi yaxshilanadi. Vaziyatni o'zgartirish qo'lingda emasmi, shunchaki beetibor qoldir.

5. Yuragingni yaralaydigan narsalar odatda ko'zingni ochadigan narsalardir.

6. Ba'zida odamlarning faqat yaxshi tomonini ko'rishni to'xtatib, ular senga o'zini qanaqa ko'rsatayotganini anglashga majbur bo'lasan.

7. Ba'zi insonlar seni hech qachon qo'llab quvvatlamaydi, hatto to'g'ri yo'ldan seni qaytarishga harakat ham qiladi. Ko'rolmaydigan yoki hasadchi odamlar hayotning bir qismi.

8. Bu hayotda odamlar seni xafa qiladi, va'dasida turmaydi, aldaydi. Sen boshqalardan kamroq narsa kutishing va o'zingga ko'proq ishonishing kerak.

9. Yaxshi inson bo'l, ammo yaxshi inson ekanligingni isbotlashga vaqt sarflama.

10. O'zingga eslatib tur, agar bu oson bo'lganida, hamma shu yo'ldan borgan bo'lardi. Qiyin yo'l ko'pincha eng to'g'risi bo'lishi mumkin.

11. Agar biror maqsad sen uchun muhim bo'lsa, yo'lini topasan, bo'lmasa bahona topasan.

12. Kimgadir qanchalik ishonishingdan qatʼiy nazar, ba'zi sirlar butun umr o'zing bilan qolishi kerak.

13. Agar haqiqatdan buyuk ish qilmoqchi yoki yaratmoqchi bo'lsang, tanqidlarga tayyor tur.

14. Seni yoqtirmaydigan insonlar bo'lishi tabiiy. Buni boricha qabul qil. Ko'p odamlar sen u yoqda turgin, hatto o'zini ham yoqtirmaydi.

15. Hayot har doim o'ylaganingdek yoki reja qilganingdek ketmaydi. Moslashuvchanlikni o'rgan.

16. Ko'proq networking qil, yaxshi insonlar bilan tanish, ko'proq suhbatlash. Ular seni shaxs sifatida yuksaltiradi.

17. Har kuni hech bo'lmasa 10 bet kitob o'qishni odat qil. Arzimagan 20-25 daqiqa dunyoingni qanchalik o'zgartirishini faraz ham qilolmaysan.


@allaevuzb

Уста ишлатадиганларга маслаҳат:
1. Ишни бошлашдан олдин уста билан барча масалаларни икир-чикиригача келишиб олинг.
2. Келишувни сўзда эмас, қоғозда қилинг. Ҳозир лафз деган нарса фалаж ҳолга келиб қолган.
3. Кўп усталар ишни бошлашдан олдин байучи (“заклад”) сўрайди (кўпинча иш ҳақининг 10%-20% қисмини), катта пул берманг, иримига берсангиз бўлади.
4. Аксар усталар масаллиқ (қурилиш моллари) пулини олдиндан сўрайди, имкони бўлса берманг, агар усиз иш битмаса, қоғоз-қалам қилиб кейин беринг. Пулни олиб қорасини кўрсатмайдиган усталар ҳам йўқ эмас.
5. Ишни бошлашдан аввал муддатни аниқлаштиринг (муддат қўйинг), иш қанча чўзилса, шунча ёмон.
6. Агар қурилиш ишлари бўлса, имкони борича лойиҳа билан ишланг. Қўлингизда эскизлар ва дизайн бўлсин. Акс ҳолда иш битгандан кейин мунозарали вазиятлар пайдо бўлиши мумкин.
7. Уста сизни етаклаган дўкондан дарров мол сотиб олманг. Бозорни ўрганинг, айрим ноинсоф усталар дўконлардан фоиз олиши бор гап. Иложи борича ўзингиз таниган дўкондорлардан мол олаверинг.
8. Ўзингиз тўғри деб ҳисоблаган масалада ҳам устанинг маслаҳатини олинг. Ахир, уни уста бўлгани, ўзингиз шу ишни қила олмаганингиз учун ёллагансиз. Чинакам уста яхши маслаҳатлар беради.
9. Устага ақл ўргатаверманг. Сабаби: 8-бандни ўқинг.
10. Уста билан хушмуомала бўлинг. Бу дунё ўткинчи, инсонийликни йўқотиш – энг ёмони.

Mavlon Marasulov

@teamwork_uz

Миролим эринмай, 2024 йилги битирувчилар учун табрик ва тилаклар тўплади. Бу йил битирувчиларга мурожаат қилганлар орасида болалар омбудсмани Сурайё Раҳмонова, олий таълим вазири Қўнғиротбой Шарипов, Асахий раҳбари Фируз Аллаев кабилар бор.

Энг кўп берилган маслаҳат - тил ўрганинглар, китоб ўқинглар ва саёҳат қилинглар. Ҳеч бўлмаса, қўшни маҳаллага, қўшни мавзега бўлса ҳам.

Аввалги йилларда муфтий Нуриддин домла, иқтисодчи Беҳзод Ҳошимов, футболчи Элдор Шомуродов, шарҳловчи Даврон Файзиев, (ҳозир) ёрдамчи Саида Мирзиёева, қўшиқчи Севара Назархонлар ҳам битирувчиларга мурожаат қилганди.

Loyihalarni pul uchun qilmaslik kerak | Mukhammadkarim Tukhtaboev video

Мантиқ дам олмоқда.

Солиқ қўмитаси масъул ходими Даврон Бобожоновнинг лойиҳага берган тушунтиришига бир эътибор беринг-да.

“Бозорда бир хил товар иккита тадбиркор томонидан ҳар хил нархларда сотиляпти. Биринчи тадбиркор уни бозор нархида, талаб ва таклифдан келиб чиққан ҳолда 1000 сўмдан сотяпти ва шундан келиб чиқиб солиқ тўлаяпти.

Иккинчи тадбиркор худди шу товарни 1000 сўмдан сотяпти-да, лекин бухгалтерия ҳужжатларида солиқни камроқ тўлаш мақсадида 500 сўмга сотдим деб кўрсатяпти.
Шу ерда рақобат бузиляпти, ҳисоб фактурада товарни 500 сўмга сотдим деб кўрсатаётган тадбиркор солиқни камроқ тўлагани учун ютади; у 800, 900 сўмдан сотса ҳам унга манфаатли бўлади. Кейин харидорлар 1000 сўмдан эмас, 800 сўмдан сотаётганга боради.”

——-

Ҳой, бунинг номи шунинг учун ҳам бозор, масалан, иккинчи тадбиркор ўрнига ўзингизни қўйиб кўринг, бир маҳсулотни икки кун олдин 1000 сўмдан кирим қилгансиз, лекин бугун бозорда ўша маҳсулотга бўлган талаб тушиб кетди, сиз 1000 сўмдан кирим қилган товарингизни зарарига 500 сўмдан бўлса ҳам сотишга мажбур бўлиб қолдингиз, бир ёқдан тушиб турганингиз етмагандек, энди сиз 1000 сўмдан сотишинг керак эди, мен солиқни барибир 1000 сўмдан оламан демоқда.

Мен ҳали бозорнинг талаб ва таклиф деган асосий қонуниятига аралашиб барака топган давлатни ҳам, тадбиркорни ҳам эшитмаганман. Фақат ютқизишда. Тадбиркорлик ўзи таваккалчилик бугун савдо бор, эртага касод бўлиш ҳеч гап эмас. Мана шунга бозор қоидалари дейилади.

Бизникиларга “не достучатся”! Бу қонун 👉 лойиҳасига 👈 бефарқ бўлманг, бу эртага фақат тадбиркорнинг эмас, айнан оддий аҳолининг чўнтагига зарар бўлади. Кириб қарши овоз беринг.

@bektoshkhatamov

Бизнесда яхши сотиш учун сифат ва нархдан ташқари яна бир муҳим критерия муддатдир.
Афсуски, ўзбек бизнеси муддатида ишлашни ўрганмаган ва бу борада вазият яхшиланиш ўрнига ёмонлашаётгандек. Шартнома қилинганда бир муддат айтилиб, иш ўша муддатда тагатилмаслигига одамлар табиий қараб бошлашгани ачинарли.

Ёмон томони, бир бизнес кўпинча иккинчисига боғлиқ бўлади. Бир бизнеснинг муддатда муаммо қилиши, кейинги бизнеснинг ҳам календари бузилиб кетишига олиб келади. Масалан, сиз қурувчи корхонасиз. Йил охирида бинони қуриб топширишга шартнома қилгансиз. Лекин, цемент етказиб берувчи корхона сизга кўзланган вақтда цементни етказиб беролмаяпти. Сиз ўз-ўзидан муддатида бинони топширолмайсиз. Ўртада пул муаммоси пайдо бўлади. Бу операцион харажатларни ҳам ошишига олиб келади. Масалан, сиз бинони бир йил давомида қуриб тугатишни кўзлагансиз, лекин ҳамкорлар муддатида материал бермади учун 1.5 йилда тугатдингиз. Ўз-ўзидан ходимларга бир йил эмас, 1.5 йил маош тўладингиз. Техника ҳам бир обьектда бир йил эмас, 1.5 йил овора бўлди. Фойда камайиб, харажат ошди.

Энди бошқа бир бизнес сизга бино буюртма бергану, йил охирига кўчиб киришни кўзлаган. Лекин, у ҳам сиз бинони вақтида тугатмаганлигингиз сабабли календаридан кечикди. Унга ҳам яна кимдир боғлиқ бўлиши мумкин. Энди муддат масаласи бир-бирига боғланиб, миллий даражада қанақа жиддий оқибатларга олиб келишини фараз қилишингиз мумкин. Бу катта ҳажмдаги харажатлар, кўрилмаган фойда ва яратилмаган қиймат, фойдаланиб қолинмаган улкан имконият бўлиши мумкин.

Тадбиркор дўстларимизга нарх ва сифатдан ташқари муддат фактори устида ишлашни ҳам жиддий тавсия қиламан. Яқин келажакда муддат бизнеснинг муваффақияти учун энг асосий факторлардан бирига айланишига мен ишонаман.

@allaevuzb