مشكورييييييييين ي كل الحب 🙈

ﻣﺴﺎﻣﺢ ﻛﻞ ﺯﻭﻝ ﻓﻴﻜﻢ
ﻛﺘﺮﺕ ﻓﻴﻨﻲ ﻏﻠﻄﺎﺗــﻮ
ﻣﺴﺎﻣﺢ ﻣﻦ ﺿﻤﻴﺮ ﺻﺎﻓﻲ
ﻭﺣﺘﻲ ﺍﻟﻤﺎ ﻏﻠﻂ ﺯﺍﺗـﻮ
ﺧﻠﻮ ﺍﻟﺼﻔﻮﺓ ﻣﻌﻠﻤﻜﻢ
ﻗﻠﻴﺒﻜﻢ ﺗﺤﻼﻩ ﻧﻔﺤﺎﺗﻮ
ﻗﺒﻞ ﻳﺸﺮﻕ ﻋﻠﻴﻨﺎ ﺍﻟﻌﺎﻡ
ﻭﻛﻢ ﻣﻦ ﺍﻟﺴﻨﻴﻦ ﻓﺎﺗﻮ
ﺳﺎﻣﺤﻮ ﻭﺑﺎﺩﺭﻭ ﺑﺎﻻﺣﺴﺎﻥ
ﺍﻟﺮﺍﻳﺤﺎﺕ ﺧﻼﺹ ﻓﺎﺗﻮ
ﺗﻌﺎﻝ ﺟﻤﻊ ﺣﺴﺎﺑﺎﺗﻚ
ﺷﻮﻑ ﻧﻔﺴﻚ ﻇﻠﻤﺖ ﻣﻨﻮ
ﻭﻻ ﺟﺎﺗﻮ ﺍﻋﺘﺰﺍﺭاﺗﻚ
ﺷﻮﻑ ﺭﻭﺣﻚ ﻏﻠﻂ ﻣﺘﻴﻦ
ﻭﻫﺪﺕ ﻧﺎﺱ ﻋﺰﺍﺑﺎﺗﻚ
ﺗﺠﻤﻊ ﻭﺗﺎﻧﻲ ﺗﺒﺪﺃ ﺗﻌﻴﺪ
ﻭﻳﺎﻫﺎ ﺗﻜﻮﻥ ﺍﺟﺎﺑﺎﺗﻚ
ﻇﻠﻤﺖ ﻭﺟﺮﺕ ﻓﻲ ﺣﻖ ﻧﺎﺱ
ﻭ ﻛﺎﻥ ﺭﻭﺣﻚ ﺗﺤﺐ ﺯﺍﺗﻜـ
ﺗﻌﺎﻟﻮ ﻧﻄﻴﺐ ﺍﻟﺨﺎﻃﺮ
ﻧﺼﻔﻲ ﺍﻟﻨﻴﻪ ﻓﻴﻨﺎ ﺩﻭﺍﻡ
ﻧﺨﻠﻲ ﺍﻟﺒﺴﻤﺔ ﺯﺍﺩ ﺑﺎﻛﺮ
ﺗﻌﺎﻟﻮ ﻧﻄﻴﺐ ﺍﻟﺨﺎﻃﺮ
ﻟﻲ ﻧﺎﺱ ﺩﻳﻤﺔ ﻓﻲ ﺍﻟﺨﺎﻃﺮ
ﻧﺒﻘﻲ ﻏﻴﻮﻡ ﻓﺮﺡ ﻟﻠﻨﺎﺱ
ﺧﺮﻳﻒ ﺍﻟﻮﺩ ﺩﻭﺍﻡ ﻣﺎﻃﺮ
ﺧﻠﻮ ﺍﻟﻌﺎﻡ ﻳﻔﻮﺕ ﺭﺍﺿﻲ
ﻣﺎﺗﺨﻠﻮﻩ ﻳﻤﺸﻲ ﺣﺰﻳﻦ
ﻭﻋﻦ ﺍﻋﻤﺎﻟﻨﺎ ﻣﺎﺭاضي
ﺍﻋﻔﻮ ﻭﺭﺍﺿﻮ ﻛﻞ ﺍﻟﻨﺎﺱ
ﻳﻜﻮﻥ ﺭﺏ ﺍﻟﻌﺒﺎﺩ ﺭﺍﺿﻲ

💝العفو و العافيه💝

ﻣﻨﻮ ﺍﻟﻘﺎﻝ ﺍﻟﺒﻌﺎﺩ ﺑﻴﻨﺴﻲ
وﻣﻴﻦ ﻗﺎﻝ ﺍﻟﻤﺴﺎﻓﺔ ﻣﻘﺎﺱ
ﻭﻣﻴﻦ ﻗﺎﻝ ﺍﻟﻤﺘﺮ ﻭﺍﻟﻴﺎﺭﺩﺓ
ﺑﺘﻘﺮﺏ ﻗﻠﻮﺏ ﺍﻟﻨﺎﺱ
ﻗﺮﻳﺐ ﺯﻭﻻ ﺳﻜﻦ ﻓﻰ ﺍﻟﺮﻭﺡ
ﻭﻧﺒﺾ ﺍﻟﻘﻠﺐ ﻭﺍﻹﺣﺴﺎﺱ
ﻭﺇﺗﻮﺳﺪ ﺭﻣﻮﺵ ﺍﻟﻌﻴﻦ
ﻭﺷﻬﻘﺔ ﻭ ﺯﻓﺮﺓ ﺍﻷﻧﻔﺎﺱ
ﻟﻮ ﺃﺻﻠﻮ ﺍﻟﺤﻜﺎﻳﻪ ﻣﺴﺎﻓﻪ
ﻋﺮﺽ ﻭﻃﻮﻝ ﺣﺴﺎﺏ ﻭﻛﺴﻮﺭ
ﻣﺎ ﻛﺎﻥ ﺍﻟﻘﻤﺮ ﺑﻰ ﻧﻮﺭﻭ
ﺑﻮﺻﻞ ﻟﻰ ﺩﻳﺎﺭﻧﺎ ﻳﺰﻭﺭ
ﻭﻻ ﻛﺎﻥ ﺍﻟﻄﻴﻮﺭ ﺑﻰ ﻟﻬﻔﻪ
ﺑﺘﺴﺎﻓﺮ ﺗﻌﺪﻯ ﺑﺤﻮﺭ
ﻭﻻ ﻛﺎﻥ ﺍﻟﺸﻤﺲ ﻳﻮﻣﺎتي
ﺑﺘﺮﺳﻞ ﺷﻌﺎﻉ ﺍﻟﻨﻮﺭ
ﻻ ﻗﺮﺏ ﺍﻟﻤﻜﺎﻥ ﺗﺤﻨﺎﻥ
ﻭﻻ ﺑﻌﺪ ﺍﻟﻤﺴﺎﻓﻪ ﺟﻔﺎ
ﻭﻻ ﻛﻞ ﺍﻟﻮﺻﺎﻝ ﺃﺷﻮﺍﻕ
ﻭﻻ ﻃﻮﻝ ﺍﻟﻐﻴﺎﺏ ﻣﻨﻔﻰ
ﻓﻰ ﻧﺎﺱ ﺯﻯ ﺍﻟﺒﺤﺮ ﺑﺘﺤﻦ
ﺣﻨﻴﻦ ﺍﻟﻤﻮﺟﻪ ﻟﻠﻀﻔﻪ
ﻭﻧﺎﺱ ﺯﻯ ﺍﻟﺒﺤﺮ ﺗﺒﺨﻞ
ﻋﻠﻰ ﻏﺮﻗﺎﻧﺎ ﺑﻰ ﻣﺮﻓﻰ

هلْ لَنا بالرحيل
ام العُبُور في مَتاهَات السنينِ

نُعاتِب الازمان فِينا ولَمْ تَعُد
علي اكْتَافنا غير اصْدَاءِ المبيتِ

كاطياف تُرَفرِف في حقل بَعيد
عَادية تََجْلوها خَفقَات النَسيم

وَقفْ العُلا على اطْلالِنا
يَرْثو بَقَايا رفَاتِنا بالنَحِيب

لمْ نَعُد نَشْكُو البَرِيّة ذَمّنَا
قد غادر الزهر العَبِير

كُنَا الوعود..كُنَا اليقين!
كُنَا الامَان اذا حَدْق البَيْنُ فينا
بشَظَايا من لَهيب

سَءِمْنَا من تَرانِيم التَجَاوز
وذِكْرى مُبَجّلة من عُنْقود قديم

فياتُرَى الي اين الهُروب
من حُصُونِ القَصِيد

إيناس رجب

يا سارقة من عُمري الحُزُن
إن شاء الله دايماً تفرحي❤
وكتين تميل حيطة الزمان
تلقيني باقيلك سند🥰
العندو زيك ما بخاف😍
والسندو انتي محال يقع..👌

ﺭﺍﻫﻨﺖ ﺑﻴﻚ ﻛﻞ ﺍﻟﻈﺮﻭﻑ
ﻭﺣﻠﻔﺖ ﺃﺧﻠﺺ ﻟﻲ ﻫﻮﺍﻙ
ﻭﺭﻏﻢ ﺍﻟﺴﻨﻴﻦ ﺍﻟﻌﺸﺘﻬﻢ
ﺃﺣﻠﻰ ﺍﻟﻤﺸﺎﻋﺮ ﻛﺎﻥ ﻣﻌﺎﻙ
ﺃﻧﺎ ﻟﻴﻠﻲ ﻛﺎﻥ ﻗﺒﻠﻚ ﻃﻮﻳﻞ
ﻭﻗﺼﺮ ﺑﻌﺪ ﺷﺎﻑ ﻧﻮﺭ ﺳﻨﺎﻙ
ﻭﻫﺴﻊ ﺣﺒﺎﺑﻚ ﻳﺎ ﺷﺠﻮﻥ
ﺃﺻﻠﻮ ﺍﻟﻔﺮﺡ من بهاك

‏عشان عينيك ليا امان 👀
بدور ارحل واعيش فيها🚶‍♂️🏠
تصابحني واماسيها 🌅🌌
دوام الريد اكون فرحه 😍
ابل اشواقي وارويها 🚿

‏مساء العيشه بالطحنيه
مساء محشي رومانسيه
بهديه بكل حنيه
لحبيبتي الغاليه علي
ولو ما الظروف يا بنيه
كان جبتلك روحي هديه

من الغزل العفيف
بطعم الجوع والرغيف 😄😄
بمناسبة الرغيف م بلقى عندكم عيشتين تلاته 🤣🤣🤣

ﻣﻌﺰﻭﻣﻴﻦ ﺍﻟﺠﺒﻨﻪ ﻣﻌﺎﻱ ﻓﻲ ﺍﻟﻀﻞ
ﻧﻘﻠﻴﻬﻮ ﺍﻟﺸﻮﻕ ﻭﺍﻟﻀﺤﻜﻪ ﺗﺴﺮ
ﻧﺴﺘﻨﺸﻖ ﺭﻳﺤﺘﻮ ﻭﻧﺪﻱ ﺍﻟﻜﻞ
ﻧﺘﻮﻧﺲ ﻭﻧﻀﺤﻚ ﻭﻣﺎ ﺑﻨﻤﻞ
ﺣﺎﻧﻤﻞ ﻛﻴﻔﻦ ﻭﺍﻟﻜﻴﻒ ﻓﻲ ﺍﻟﻀﻞ
ﺍﻟﻘﻬﻮﻩ ﻋﻴﻨﻴﻚ ﻭﺍﻧﻔﺎﺳﻚ ﻓﻞ
ﻭﺍﻟﻀﺤﻜﻪ ﻫﺪﻳﻚ ﺑﻴﻨﺎﺗﻨﺎ ﺗﻤﺮ
ﻻ ﻧﺎﻭﻳﻪ ﺗﻘﻴﻒ ﻻ ﺧﺎﻳﻔﻪ ﺗﻤﻞ
ﺣﺎﺗﻤﻞ ﻛﻴﻔﻦ ﺑﺎﻟﻠﻪ ﻋﻠﻴﻚ
ﻣﺎﺩﺍﻡ ﺍﻟﻀﺤﻜﻪ ﻫﻲ ﻣﻦ ﺧﺪﻳﻚ
ﻭﺍﻟﺒﻦ ﻭﺍﻟﻘﻬﻮﻩ ﻋﺴﻞ ﻋﻴﻨﻴﻚ
ﻭﺍﻟﺸﻮﻕ ﻣﻬﻤﻮﻡ ﻛﻴﻔﻦ ﻳﺮﺿﻴﻚ
ﻗﻼﻳﺔ ﺍﻟﺸﻮﻕ ﻭﺍﻟﺒﻦ ﻓﻲ ﺍﻳﺪﻳﻚ
ﻭﺍﻟﺴﻜﺮ ﺍﺻﻼ ﻣﻨﻚ ﻭﻓﻴﻚ

ولاتهتم 😊
إذا سيل المواجع فاض
غرق صمت الحنين بالهم
ولاتهتم 😊
اذا الاحلام غشاها البين
رجع فاضي الكلام وانتم
ولاتهتم 😊
اذا الاهات ع درب العشق مالت
رحل غيم الامل وانجم
فلاتهتم 😊
ولاتهتم 😊
ع الرايحات مصيرا تعود
وترجع تاني بيك تتلم

فاقدك ومشتاق ليك اكيد
ما انت ناحت فينـي ريد
والشوق إذا غلــب البحب
بِنسـلّا من جـــوف الوريد

بتذكرك ... ساعة الدعاش
يغشاني في لحظة رؤاك
بتخيلك ... ساعة تكــون
فاقــدني او قــاعد بــراك
وايامي من دونك عـزاب
ما انت في قلبي الــوحيد

ما غبت عن عينيا يوم
او حتي من جمبي اختفيت
وراهنت بيك كل الخلوق
وعارفني ليك انت اصطفيت
يا ربي ما تحرمننا يوم
ورغم الظروف يجمعنا بيت

رغم انو طولت الغياب
وبي بسمتك ما دار تبين
بترغبك ... امكن تعود
مهما الغياب تم السنين
عارفني دايما في انتظار
والشوق رفيق المخلصين

ﻓﻲ ﺍﻟﺪﻧﻴﺎ ﻳﺎﻧﺎﺱ ﺷﻦ ﺣﺼﻞ
ﺍﻟﺤﺸﻤﻪ ﺻﺎﺭﺕ ﺯﻱ ﻋﺪﻡ
ﺍﻟﻤﺸﻴﻪ ﺯﺍﺗﺎ ﺍﺗﻐﻴﺮﺕ
ﻣﺴﻜﻴﻨﻪ ﻏﺎﺷﻴﻬﺎ ﺍﻟﻮﻫﻢ
ﻣﺘﺠﺒﺼﻪ ﺑﻲ ﻗﻄﻌﺔ ﻗﻤﺎﺵ
ﺍﻟﺸﺎﺏ ﺗﻘﻮﻝ ﻣﺎﻋﻨﺪﻭ ﺩﻡ
ﻻ ﺍﺑﻮﻫﺎ ﻳﺴﺄﻝ ﻋﻦ ﺧﻤﺎﺭ
ﻻ ﺍﻡ ﺗﺰﻳﻞ ﻫﺬﺍ ﺍﻟﺴﺠﻢ
ﺗﻄﻠﻊ ﺗﻘﻮﻝ ﻣﺎ ﻻﺑﺴﻪ ﺷﻲ
ﻭﺍﺧﻮﻫﺎ ﻣﺎ ﻫﺎﻣﻴﻬﻮ ﻫﻢ
ﺗﻠﻔﻮﻧﺎ ﻣﺸﻐﻮﻝ ﺑﺎﻟﺪﻭﺍﻡ
ﻭﺭﺻﻴﺪﻭ ﻓﻲ ﻳﻮﻡ ﻣﺎ ﺍﻧﻌﺪﻡ
ﻓﻲ ﻭﺟﻴﻬﺎ ﻣﺮﺻﻮﺹ ﺭﻑ ﻛﺮﻳﻢ
ﻻ ﺧﺎﻟﻬﺎ ﻻ ﻋﻢ ﻳﻮﻡ ﻧﻀﻢ
ﺗﻄﻠﻊ ﻣﻊ ﻓﻠﻖ ﺍﻟﺼﺒﺎﺡ
ﺗﺮﺟﻊ ﻣﻌﺎﻫﺎ ﺍﺗﻮﺍﺏ ﻧﺪﻡ
ﻳﺤﻠﻴﻼ ﻋﺰﻩ ﺧﻼﺹ ﻓﻨﺖ
ﻳﺎ ﺣﻠﻴﻠﻨﺎ ﻣﻦ ﻋﺪﻡ ﺍﻟﻔﻬﻢ

ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ
ﺍﺳﺘﻐﻔﺮﻱ ﺍﻟﻠﻪ ﺍﻟﻌﻈﻴﻢ
ﻳﺎ ﺑﻨﻴﻪ ﺍﺭﺟﻌﻲ ﻟﻲ ﻭﺭﺍ
ﺍﻃﺮﻳﻪ ﺭﺑﻚ ﻭﺍﻟﺤﺴﺎﺏ
ﺇﺗﻮﺿﻲ ﻭﺍﺭﻛﻌﻲ ﺭﻛﻌﺘﻴﻦ
ﻻ ﺗﻤﺸﻲ ﻓﻲ ﺩﺭﺏ ﺍﻟﺴﺮﺍﺏ
ﻣﺎﺗﺠﺪﻋﻲ ﺗﻮﺏ ﻋﻔﺘﻚ
ﺭﺅﻳﺎﻙ ﻳﻤﻼﻫﺎ ﺍﻟﻀﺒﺎﺏ
ﻣﺎ ﺗﺠﺮﻱ ﻓﻲ ﺩﺭﺏ ﺍﻟﻬﻮﻯ
ﻣﺎ ﺗﺴﻤﻌﻲ ﻗﻮﻝ ﺍﻟﺸﺒﺎﺏ
ﻣﺎﺗﺒﻴﻌﻲ ﻧﻔﺴﻚ ﺑﺎﻟﺮﺧﻴﺺ
ﻣﺎﺗﺪﻓﻘﻲ ﻣﻮﻳﺘﻚ ﻋﻠﻰ ﺍﻟﺮﻫﺎﺏ
ﺍﻟﻤﻮﺿﻪ ﻣﺎ ﻧﺎﻓﻌﺎﻙ ﺑﺸﻲ
ﻣﺎ ﺗﻨﺴﻲ ﻟﻲ ﻟﺒﺲ ﺍﻟﺘﻴﺎﺏ
ﻣﺎﻟﻚ ﻭﻣﺎﻝ ﻟﺒﺲ ﺍﻟﻴﻬﻮﺩ
ﻭ ﻣﻮﻻﻙ ﺍﻫﺪﺍﻙ ﺍﻟﺤﺠﺎﺏ
ﻣﻬﻤﺎ ﻏﺮﻭﺭﻙ ﻳﻌﻠﻮ ﺑﻴﻚ
ﻣﺎ ﺑﺘﻠﺤﻘﻲ ﻃﺮﻑ ﺍﻟﺴﺤﺎﺏ
ﻣﺎ ﺗﻜﻮﻧﻲ ﺭﺿﻪ ﻟﻜﻞ ﺳﺆ
ﻭ ﺍﻹﻧﺤﺮﺍﻑ ﻣﺎ ﻣﺴﺘﻄﺎﺏ
ﻋﺠﺒﺎ ﻋﻠﻰ ﺍﻟﺪﻧﻴﺎ ﺍﻡ ﻗﺪﻭﺩ
ﻋﺠﺒﺎ ﻋﻠﻰ ﺣﺐ ﺍﻟﺸﺒﺎﺏ
ﺍﻟﺒﺖ ﺗﻜﻮﻥ ﻣﺘﺤﺸﻤﻪ
ﻻﺑﺴﺎﻫﻮ ﻓﻀﻔﺎﺽ ﺍﻟﺜﻴﺎﺏ
ﻳﺪﻭﻫﺎ ﺍﺳﻤﺎﺀ ﻣﺎ ﺑﺘﺸﺒﻬﺎ
ﻭﺍﻟﺤﻜﻤﻪ ﻗﻮﻝ ﻓﻲ ﻭﺻﻔﻬﺎ
ﻧﺎﺱ ﺗﻘﻮﻝ ﻣﺘﻠﻔﻠﻔﻪ
ﻭﻧﺎﺱ ﺗﻘﻮﻝ ﻣﺘﺨﻠﻔﻪ
ﻭﻧﺎﺱ ﺗﻘﻮﻝ ﺍﻟﻠﻪ ﻋﻠﻴﻬﺎ
ﺩﻱ ﺍﻟﺤﺎﻓﻈﻪ ﺩﻳﻨﺎ ﻭﻋﺮﺿﻬﺎ
ﺳﻠﻮﻙ ﻗﻮﻳﻢ ﻓﻲ ﺧﻠﻘﻬﺎ
ﺷﺎﻳﻠﻪ ﺍﻻﺩﺏ ﻣﻦ ﺍﻣﻬﺎ
ﺳﻤﺮﺓ ﺑﻠﺪﻧﺎ ﻭ ﺣﺴﻨﻬﺎ
ﻋﺰﺓ ﺑﻠﺪﻧﺎ ﻭﺍﺭﺿﻬﺎ
ﺷﺮﺑﺖ ﺟﻤﺎﻝ ﺍﻟﻨﻴﻞ ﺧﺼﺎﻝ
ﻭ ﻓﻬﻢ ﻳﺴﺎﺑﻖ ﺳﻨﻬﺎ
ﺗﻤﺸﻲ ﻭﻛﺄﻧﻬﺎ ﻣﺎ ﺑﺘﺸﻮﻑ
ﺑﺎﻟﻘﺴﻤﻪ ﺗﺤﺴﻦ ﻇﻨﻬﺎ
ﺟﻤﺎﻝ ﻃﺒﻴﻌﻲ ﻭﻣﺎﻫﻮ ﺯﻳﻒ
ﻣﺎ ﺧﺎﺗﻪ ﺭﻭﺝ ﻓﻲ ﻓﻤﻬﺎ
ﻻﻗﺼﺖ ﺍﻟﺤﺎﺟﺐ ﻫﻼﻝ
ﻭﻛﻞ ﺍﻟﺨﻠﻮﻕ ﻋﺎﺭﻓﻨﻬﺎ
ﺭﺍﻳﻘﻪ ﻭﺍﺻﻴﻠﻪ ﻭﺑﺖ ﺑﻠﺪ
ﻭﺍﻟﺤﺸﻤﻪ ﺗﺨﺠﻞ منها

وانا ذنبي كانت طيبه بس
وكم حاجه من قلبي السجم
ومشكلتي لمن اهوا زول
بهواهو من غير كيف وكم
وبعيشو ابعد ما يكون
غااايت محطاات العشم
بزعل بكون زعلان معاااا
بفرح بكون ليهو النغم
ماااا بقدر اصلا غير رضى
بلقاني بي كلمة نعم
وروني بس تقصيري ويين؟
لمن يبكي عيوني دم
ساامحتو اكتر من كتييير
لو ناسي او لو اتلخم
مرات ولا بسأل كمان
مع انو غلطان فيني كم
وغريبه بي كييفو الغراام
مع انو هو الكيف والطعم
وانا زول علي نية هوااي
راجيهو في الزمن السجم
يمسح علي خاطر الغرام
ويرضي قلبي الإتظلم

‏سلميلنا على ضفايرك
موجة موجة وكلّميها
قــــولــــي لــــيـــهــــا
حرام تتوه فيها المواسم
ونحنا بالجد نشتهيها
سلميلنا على عيونك
يوم تسهي تغروِديها
ويبقو تُفاحتين خدودك
بس خدودك وين شبيها
سلميلنا علي يدينك
وشملة الريد أنسجيها
سلميلنا علي خُطاكي
عزة العاملة ومشيها ..❤️

صباحكم يا صباح الخير
صباح البهجة والفرحة
صباحكم زي صباح العيد
ورسمة جميلة في لوحة
سعادة زول صبح مسرور
وصوت عصفور وقت يصحي
قراية شيخ مع الجيران
حلاوة طفلة بي طرحة
حبابكم زين ومرحبتين
حقيقة قلوبنا منشرحة

كلام للحلوة او حلم الاميرة للشاعر هاشم صديق

لما شُفتِك
ليلِى ضَّو وبَقَّ نور
ونرجس الجنه المفرهد
رفّ بى جِنحَات عطور
وغنَّى فارسِك
خَتَّ صورتِك فى الإطار
فى الليالى نَجِم يِلالى
ونسمه فى وهج النهار
وقال فى وَصفِك لما بنتى
أحلى مِنِّك . برضُه إنتِى
وما فى غيرِك زول معانا
حتى كان يا سمحه غِبتى
ومَرّه جَالَن الف خَاطِر
بى عيون عقلى المسَاهر
فجأه عينيكِ الحبيبه

عِشتَ قولِن شيل وصَفقَه
وقُلت بس يا ريتنى القى
همسه فى حُلم الأميره
أو سَبَايب فى الضفيرة
أو عِقيد فى تِبرِ جيدها
أو قليب فى راحة ايدها
يا زمان أسمعنى واكتب
البَرِيدها وريدها سِيدى
وريدِى سِيدَها
الزمان لوحتى بالغ
ما أظِن فى زول يعيدها.
يا حَلاتِك
مره همسه .. ومره نَسمَهومره هَلّت نَجْمه غابت
ومره صَحْوَة غمزه نامت
ومره ضحكه تَرَضِّى شوقنا
ومره كلمه تضِّوى فوقنا
بَس نغنى
يا حلاتكُم يا أهَلنَا
يا مصابيحنا ونجومنا
الضّاويَه فى واحات زَمَنَّا
.

💜

يا نسيم أرجوك... رُوح لها..... وحييها
بالغرام البي... والشجون ...... أحكيها

إن تُصادِف و كانت... نايمه لا تصّحِيها
كون كتوب من عِفه و بي حنان غطيها

إن أبت أو صدّت ....... دعها تتبع تِيها
و هي جاهلة وديعة رقيقة راقية نبيهه

لا تحاول إحذر!!!!...... يا نسيم تُؤذيها
فهي بضه ندية.... الحرير......... يُدمِيها

عالية جداً ... هايلة... مدهشات خديها
حورية نايمة و عايمة في وداد والديها

هى نايمة و حالمة وروحي ساهرة عليها
و عيني باكية و ساهدة و المنام جافيها

كيف يكون لو صِحتْ وشافت الحامِيها
و المُحِب في لوعة وبي... حنان راجيها

خِفتُ أن تتألم أو........... يُشّق ... عليها
فأنسحبت و قلبي تركتُ خاضِع.... ليها

صباح الخير
على الزوله التروق
بي سيرة الأوضاع
تكفكف جبة الأحزان
وكت ما تنوي غتغيت النفس
بالحسره والاوجاع
صباح الخير عليك سيدة هواي
وملاك عموووم الإلفه بالإجماع
صباحك شهقة القلب البئن ملتاع
يلاقي حبيب بعد فرقه
ويوووسسسع بالهوى الأضلاع
صباح لماع .. صباح صااافي
يهدي الروح ... يشق البال
نسائم فرحه حد التخمه والإشباع ...
صباحك شرة الغيمات
على بيوت الفريق والطين
كلام اتنين ...
بعيشو الحب وفاء وإخلاص
مناهم يتمو نص الدين
صباحنا حنين ..
صباح قمريه بتلم لي صغارها القوت
وتبني الفرحه جواهم خيوت وبيوت
يغنو الدنيا أجمل واحلى اغنيه
صباح الموج يلاطف ضفة الأشجان
يغني مع المراكبيه ..بأجمل الألحان

نوم وإطمئن وإرتاح
واسمع خلاصة القول
لا مال بغيرني عليك
لا إغراء بينا يحول
لا بيملأ عيني سواك
لا تاني بعشق زول

فـي غيآبك غُنيه باكيه
نازفه من قلبي وشعوري
وآهة في طـول الليـالي
محّنت نبضي وسطوري
الـزمن شبعني آهة
وسربقت عُمـري المـتاهة
وأنـا كل مُنـآي في الدنيـا أشوفك
وبي لُقآك البي يهون