الداير السترة والبساطة والبركة يقع شمبات

وانا طالع الصباح لقيت الشفع طالعين في كبوت العربيه وبيتزحلقو وتاني يطلعو وكده يعني.. واصغر واحد فيهم شغال بالطين جلبطه في القزاز..
حقيقي سرحت معاهم واتذكرت طفولتي وجاتني سعادة كده من جوه لضحكاتهم الصافيه البريئة..
😍😍😍
اصلو ما سالتهم ولا نهرتهم ولا سكيتهم ....

خليتهم ...
وما زعلت كلو كلو
مع انهم ما اولادي ولا اولاد اخواني ....

ولا العربيه زاتها حقتي✋

#مثل_اليوم

راكوبة الكِضب هِدِيمة وبيت الصّح يقيف لا دِيمة.

#مثل_سوداني

<اثناء التجهيزات للخطوبة والعرس>

هو : بس انا داير أفهم لزومو شنو المكياج أبو 4 مليون دا ؟!
موش ممكن تمكيجك سميره صاحبتك. براك المره الفاتت قلتي لي إنها بتعرف تمكيج أحسن من عزوزة زاتا.

... هي : بنات أهلي كلهم بيتمكيجو عند حنان دي، يعني بنات أهلي أحسن مني في شنو يا احمد؟!
وبعدين البنات بيتمكيجو 6 و9 مليون، هسا دي سعرها مناسب شديد وبي 4 بس^__^.

هو : والله دي مصاريف مافي ليها أي داعي!!

هي:عاين الموضوع دا إنتهي خلاص وانا مابتمكيج إلا عندها بس .اها عملت شنو في موضوع الفنان؟!

هو: اي عندي صاحبي قال بجيب لي فنان مجامله.

هي: ليه يا أخوي قالوا ليك دي حفلة نجاح؟! من دربك دا تمشي تشوف ليك فنان زي الناس .
زينب أم سكاكات حنتها كانت بي علويه عذاب والزفاف كان بي أمجد سيطره. زينب دي أحسن مني في شنو؟! ولا قالوا ليك انا هامله ولا بايره؟!

هو : لكن ........

هي: <مقاطعة> ... أسمع هنا يا تجيب لي فنان زي الناس ولا مادايره عرس زاتو.

هو: خلاص خير .... بنشوف بس إنتي ماتزعلي نفسك.

هي
: "منزلة دموع التماسيح" يعني هسا أهلي وصاحباتي يقولوا علي شنو ...جايبين ليها فنان ملح؟!
عليك الله هسا انا ولا زينب أم سكاكات؟!

هو : خلاص أوكي أوكي .. الله يهون، مكملاً في قرف: عايني في موضوع تاني ... قصة الكوافير دي يعني ما إلا تسوقي معاك أخواتك السبعه، كتيره علي والله .

هي وقد إنهت بكيتها سريعا جدا: أجي .... داير تفضحني مع أخواتي كمان؟! دايرهم يقولوا عليك بخيل ولا شنو؟!
بعدين هي كلها 3.5 مليون عشان إنصاف جارتنا بتعرف ست المحل وعملت لينا تخفيض.

هو : "مبرطما" حررريقة في إنصاف وغيرو واليوم الرماني فيك "

هي: إنت بتبرطم بتقول في شنو؟!

هو : ولا حاجه .. خير خير إن شاء الله .

اﻟﻌﻴﺪ ﺍﻟﻔﺎﺕ ﺑﺘﺎﻉ ﺍﻟﺤﺐ ده ﺍﺗﺬﻧﻘﺖ ﺯﻧﻘﺔ ﻻﻳﻌﻠﻢ ﺑﻴﻬﺎ ﺍﻻ ﺍﻟﻠﻪ
ﺍﺻــﻼ ﻣﺎﻋﻨﺪﻱ ﺣﺒﻴﺒﺔ ﻟﻜﻦ ﻣﻦ ﺩﺧﻞ ﻋﻠﻴﻨﺎ ﺷﻬﺮ ﺍﺗﻨﻴﻦ ﺍﺷﺘ.ﺮﻳﺖ لي قميص احمر عجييب وكمان ﺩﺑﺪﻭﺏ
ﻭﺧﺘﻴﺘﻮ ﻓﻲ ﺍﻟﺪﻭﻻﺏ ﻣﻐﻠﻒ ﻭﻣﺎﺳﻚ ﻭﺭﺩﺗﻮ ﻭﺟﻬﺰﺗﻮ ﻟﻲ ﻋﻴﺪ ﺍﻟﺤﺐ ﻭﻗﻠﺖ
ﺍﻟﺤﺒﻴﺒﺔ ﻫﻴﻨﺔ ﺍﻟﻜﻼﻡ ﺍﻟﻬﺪﻳﺔ
ﺟﻬﺰﺕ ﺍﻟﺪﺑﺪﻭﺏ ﻏﻠﺒﺘﻨﻲ ﺍﻟﺤﺒﻴﺒﺔ ﻋﺸﺮﺓ ﻳﻮﻭﻭﻭﻡ
ﻣﺎﻟﻘﻴﺖ ﻟﻲ ﺣﺒﻴﺒﺔ ﻭﻳﻮﻡ 2/14 ﺟﺎﺀ ﻭﺍﻧﺎ ﻟﺴﺔ ﻣﺎﻟﻘﻴﺖ
ﺣﺒﻴﺒﺔ
ﻭﻗﺮﺭﺕ ﺍﻃﻠﻊ ﻋﻠﻲ ﺍﻟﺸﺎﺭﻉ ﺍﻟﺒﺠﻴﺒﻮ ﺍﻟﻠﻪ ﻛﻠﻮ
ﻛﺮﻳﻢ
ﻭﻟﺒﺴﺖ ﻟﻴﻚ القميص ﺍﻻﺣﻤﺮ العجيب ﺍﻟﻤﺎﺧﻤﺞ بعد ما اديتو غسله ومكوه سيييف ﻭﺍﺧﺮ ﺷﻴﺎﻛﺔ ﻭﻧﻀﺎﻓﺔ
ﻭﻣﺴﻜﺖ ﺍﻟﺪﺑﺪﻭﺏ ﻣﻦ ﺍﺿﺎﻧﻮ ﻭﻗﻠﺖ ﻟﻴﻬﻮ ﻭﺩﻋﺘﻚ ﺍﻟﻠﻪ
ﻭﺍﻟﻠﻪ ﻣﺎﺣﺘﺒﻴﺖ ﻓﻲ ﺩﻭﻻﺑﻲ ﺗﺎﻧﻲ
ﺣﺴﻴﺘﻮ ﺭﺩ ﻟﻲ
ﻭﻗﺎﻝ ﻟﻲ ﺍﺣﺴﻦ ﺯﺍﺗﻮ
( ﺍﻧﺎ ﺭﻳﺤﺔ ﺷﺮﺍﺭﻳﺒﻚ ﺩﺍﻳﺮﺓ ﺗﻘﺘﻠﻨﻲ )
ﻭﻣﺮﻗﺖ ﺍﻟﺸﺎﺭﻉ
ﺑﺎﻟﻠﻪ ﺍﻟﺸﺎﺭﻉ ﻛﻠﻮ ﺍﻱ ﺑﻨﺖ ﻣﻌﺎﻫﺎ ﻭﻟﺪ ﺟﻮﺯ ﺟﻮﺯ
ﺍﻻ ﺍﻧﺎ ﻻﻓﻲ ﺑﺮﺍﻱ
ﻣﻦ ﻣﻮﺻﻼﺕ ﻟﻲ ﻣﻮﺻﻼﺕ ﻣﺎﻗﻌﺪﺕ ﺟﻨﺒﻲ ﺑﻨﺖ ﻛﻠﻮ ﻛﻠﻮ
ﻓﺠﺎﺓ ﺍﻟﻜﻮﻛﺐ ﺍﻟﻜﺎﻥ ﻣﻼﻥ ﺑﻨﺎﺕ ﺩﺓ ﺑﻘﻲ ﻓﺎﺿﻲ
ﻭﻛﻞ ﻣﺮﺓ ﺍﻋﺎﻳﻦ ﻟﻠﺪﺑﺪﻭﺏ ﺍﺷﻮﻓﻮ ﻣﻄﻠﻊ ﻟﻲ ﻟﺴﺎﻧﻮ
ﻭﻗﻠﺖ ﻟﻴﻬﻮ ﻭﺍﻟﻠﻪ ﻣﺎﺣﺎﺗﺮﺟﻊ ﻣﻌﺎﻱ ﺍﻟﺒﻴﺖ
ﺍﻟﺰﻣﻦ ﻓﺎﺕ ﻭﻻﺷﺊ ﻳﺬﻛﺮ ﻓﻲ ﺍﻻﻭﻝ ﻛﻨﺖ ﻣﺘﻄﻠﻊ ﻭﻗﻠﺖ ﻻﺯﻡ ﺗﻜﻮﻥ ﺣﻠﻮﺓ
ﻭﻋﻨﺪﻫﺎ ﻭﺟﻨﺎﺕ ﻭﺻﻔﺮﺍﺀ ﻭﻋﻴﻮﻧﺎ ﻛﺒﺎﺭ ﻭﻛﻞ ﻣﺮﺓ ﺍﻟﺰﻣﻦ ﻳﻤﺸﻲ ﺍﻗﻮﻝ ﻣﺎ
ﻣﻬﻤﺔ ﺍﻟﻮﺟﻨﺎﺕ ﻭﻣﺎﻣﻬﻢ ﺍﻟﻠﻮﻥ ﺍﻻﺻﻔﺮ ﺍﻟﻤﻬﻢ ﺗﻜﻮﻥ ﻣﻘﺒﻮﻟﺔ
ﻓﻲ ﺍﻟﻨﻬﺎﻳﺔ ﺍﻗﺘﻨﻌﺖ ﻗﻠﺖ ﺍﻱ ﺑﻨﺖ ﻣﺎﻣﺸﻜﻠﺔ ﺍﻟﻤﻬﻢ ﺍﻟﺪﺑﺪﻭﺏ ﻣﺎﺑﺮﺟﻊ ﻣﻌﺎﻱ
ﻭﺍﻧﺎ ﺭﺍﻛﺐ ﻣﻮﺻﻼﺕ ﺍﻣﺒﺪﺓ ﺭﺍﺟﻊ ﺍﻟﺒﻴﺖ ﻗﻨﻌﺎﻥ
ﻗﻌﺪﺕ ﺟﻨﺒﻲ ﻭﺣﺪﺓ ﺿﻌﻴﻔﺔ ﺯﻱ ﺳﻠﻚ ﺍﻻﻗﺎﺷﻲ ﺍﻻﺻﺎﺑﻊ ﺯﻱ ﺍﻟﺸﺨﻴﻂ
ﻭﻻﺑﺴﺔ ﻧﻈﺎﺭﺓ ﺯﻱ ﺣﻘﺖ ﺍﻟﻤﻮﻇﻔﻴﻦ ﺑﺘﺎﻋﻴﻦ ﺍﻟﺤﻜﻮﻣﺔ
ﺍﻟﻤﻮﻇﻒ ﺍﻟﺒﻜﻮﻥ ﻟﻴﻬﻮ 30 ﺳﻨﺔ ﺩﺍﻙ
ﺳﻠﻤﺖ ﻋﻠﻴﻬﺎ ﻓﻲ ﺍﻳﺪﻫﺎ ﺍﻟﺠﻮﻧﺘﻲ ﺟﺎﺀ ﻃﺎﻟﻊ ﻓﻲ ﺍﻳﺪﻱ
ﺭﺍﺑﻄﻬﻮ ﺑﻲ ﻟﺴﺘﻜﺔ ﻗﺮﻭﺵ
ﻗﻠﺖ ﻋﻮﺿﻨﺎ ﺍﻟﻠﻪ ﺍﺣﺴﻦ ﻣﻦ ﺍﺭﺟﻊ ﺍﻟﺒﻴﺖ ﺳﺎﻱ
ﻭﻗﺮﺭﺗﺎ ﺍﺣﺎﻭﻝ ﺍﺧﺮ ﻣﺤﺎﻭﻟﺔ
ﻭﺑﻘﻴﻨﺎ ﻧﺪﺭﺩﺵ
ﺍﺳﻤﻚ ﻣﻨﻮ : ﺍﺳﻤﻲ ﺑﺘﻮﻝ
ﻋﺎﺷﺖ ﺍﻻﺳﺎﻣﻲ ﻃﻮﺍﻟﻲ ﺍﻧﻜﺸﺤﺖ ﻓﻴﻬﺎ
ﻻﻧﻮ ﺍﻟﺰﻣﻦ ﻓﺎﺕ
ﻣﻤﻜﻦ ﺍﻋﺰﻣﻚ ﻋﺸﺎﺀ ﺑﻲ ﻣﻨﺎﺳﺒﺔ ﻋﻴﺪ ﺍﻟﺤﺐ
ﺯﻭﻟﺘﻲ ﻣﺎﺻﺪﻗﺖ ﺣﺴﻴﺘﻬﺎ ﻧﻔﻀﺖ ﺍﻟﻐﺒﺎﺭ ﻣﻦ ﻗﻠﺒﻬﺎ
ﻭﻗﺎﻟﺖ ﻟﻲ ﺻﺮﺍﺍﺍﺍﺣﺔ ﻛﺪﺓ ﺍﻧﺎ ﻣﺎﺣﺼﻞ ﺣﺒﻴﺖ ﻓﻲ ﺣﻴﺎﺗﻲ
ﻓﻲ ﺳﺮﻱ ﻗﻠﺖ ﻟﻴﻬﺎ (ﺗﺤﺒﻲ ﻛﻴﻒ ﻭﺍﻧﺘﻲ ﺷﺒﻪ
ﺍﻟﻘﺮﻭﺩ ﺑﺘﺎﻋﺖ ﺍﻟﺴﻠﻚ ﺍﻟﺒﻴﺒﻌﻮﻫﺎ ﻓﻲ ﺷﺎﺭﻉ ﺍﻟﻐﺎﺑﺔ )
ﻭﻗﻤﺖ ﻛﺪﺓ ﻭﺍﺗﺤﻤﺴﺖ ﻭﻋﺰﻣﺘﻬﺎ ﺳﻤﻚ ﻓﻲ ﻣﻄﻌﻢ ﺍﻟﺤﻮﺵ ﻭﻗﻠﺖ ﻓﻲ ﺻﺪﻗﺔ
ﻭﺍﺟﺮ ﻭﺭﺑﻨﺎ ﻳﺠﻌﻠﻬﺎ ﻓﻲ ﻣﻴﺰﺍﻥ ﺣﺴﻨﺎﺗﻲ
ﻭﺯﻭﻟﺘﻲ ﻣﻦ ﻣﺎﺧﺘﻮ ﺍﻟﺴﻤﻚ ﻗﺪﺍﻣﻨﺎ
ﺩﻭﺭﺕ ﻓﻲ ﺍﻟﺴﻤﻚ ﺑﺴﻢ ﺍﻟﻠﻪ ﻣﺎﻗﺎﻟﺘﻬﺎ ﺟﻌﺎﻧﺔ ﺟﻮﻉ
ﻳﺎﺍﺍﺥ ﺩﻱ ﺍﻟﺴﻤﻜﺔ ﺑﺘﻘﺮﺵ ﺭﺍﺳﻬﺎ ﻓﻈﻴﻌﺔ ﺧﺠﻠﺘﻨﻲ ﻃﺒﻌﺂ
ﻣﻠﻬﻮﻓﺔ ﻟﻬﻔﺔ ﺍﻟﻨﺎﺱ ﻛﻠﻬﺎ ﺑﻘﺖ ﻣﺮﻛﺰﺓ ﻣﻊ ﺍﻟﻜﺎﺋﻦ ﺍﻟﺒﻴﺎﻛﻞ ﺩﺓ
ﻭﻓﻲ ﻋﺰ ﺍﻛﻠﻬﺎ ﺩﺍﺍﺍﻙ ﺑﻠﻌﺖ ﻟﻴﻬﺎ ﺷﻮﻛﺔ
ﻭﻓﺠﺎﺓ ﻋﻴﻮﻧﻬﺎ ﺟﺎﺕ ﻣﺎﺭﻗﺔ ﻭﺑﻘﺖ ﺗﻜﻮﺱ ﻟﻠﻨﻔﺲ
ﻟﺒﻌﺘﻬﺎ ﻓﻲ ﺿﻬﺮﻫﺎ ﻭﻗﻌﺖ ﻟﻲ ﺑﺮﺩﻟﺐ ﻓﻲ ﺍﻻﺭﺽ
ﻛﺘﻤﺖ ﻧﻔﺲ ﻻ ﺩﺍﺧﻞ ﻻ ﻣﺎﺭﻕ ﻗﻠﺖ ﻣﺎﺗﺖ
ﺍﻣﻤﻤﻤﻤﻤﻤﻤﻚ
ﺑﻌﺪ ﺷﻮﻳﺔ ﺑﻘﺖ ﺗﻔﺮﻓﺮ ﻗﻠﺖ ﺍﻟﺤﻤﺪﻟﻠﻪ ﺣﻴﺔ ﻣﺎﻣﺎﺗﺘﺔ
ﻭﺷﻠﺘﻬﺎ ﻭﺟﺮﻳﺖ ﺑﻴﻬﺎ ﺍﻗﺮﺏ ﺍﻣﺠﺎﺩ ﻭﺍﻟﻤﺴﺘﺸﻔﻲ ﺟﺮﻱ
ﺣﺼﻠﺖ ﻫﻨﺎﻙ ﺩﺧﻠﺘﻬﺎ ﺍﻟﻄﻮﺍﺭﺉ
ﻭ ﺷﻠﺖ ﺗﻠﻔﻮﻧﻬﺎ ﻓﺘﺸﺖ ﺍﻻﺳﻤﺎﺀ ﻟﻘﻴﺖ ﺍﺳﻢ ﺻﺤﺒﺘﻬﺎ
ﻭ ﺿﺮﺑﺖ ﻟﻲ ﺻﺤﺒﺘﻬﺎ
ﻗﻠﺖ ﻟﻴﻬﺎ ﺑﺘﻮﻝ ﻓﻲ ﺍﻟﻤﺴﺘﺸﻔﻲ ﻛﻠﻤﻲ ﺍﻫﻠﻬﺎ ﺑﻲ ﻃﺮﻳﻘﺔ ﻇﺮﻳﻔﺔ ﺧﻠﻴﻬﻢ ﻳﺠﻮ
ﻳﺴﺘﻠﻤﻮﻫﺎ
ﻗﺎﻟﺖ ﻟﻲ ﻭﺍﻧﺖ ﻣﻨﻮ
ﻗﻠﺖ ﻟﻴﻬﺎ ﺍﻧﺎ ﺻﺪﻳﻘﻬﺎ
ﻭﻃﻮﺍﻟﻲ ﻛﻠﻤﺖ ﺍﻫﻠﻬﺎ ﻭﻗﺎﻟﺖ ﻟﻴﻬﻢ ﺑﺘﻮﻝ ﻓﻲ ﺍﻟﻤﺴﺘﺸﻔﻲ ﻣﻌﺎﻫﺎ ﺧﻄﻴﺒﻬﺎ
ﻭﺍﻫﻠﻬﺎ ﺟﻮ ﻭﻣﻌﺎﻫﻢ ﺟﻴﺮﺍﻧﻬﻢ ﻭﺍﻫﻠﻬﻢ
ﻣﺸﻴﺖ ﺍﺟﻴﺐ ﻋﻼﺟﺎﺕ ﻟﻴﻴﻴﻬﺎ ﻭﺟﻴﺖ ﻟﻘﻴﺖ
ﺍﻫﻠﻬﺎ ﺟﻮﺓ ﻣﻌﺎﻫﺎ ﻣﺎﻟﻴﻦ ﺍﻟﻐﺮﻓﺔ ﻭ ﺑﺘﻜﻠﻤﻮ ﺑﺘﻮﻝ ﺟﺎﺑﻬﺎ ﺧﻄﻴﺒﻬﺎ ﺍﻟﻤﺴﺘﺸﻔﻲ
ﺑﺘﻮﻝ ﺟﺎﺑﻬﺎ ﺍﻟﻤﺴﺘﺸﻔﻲ ﺧﻄﻴﺒﻬﺎ
ﻭﻫﺴﻲ ﻓﺎﺕ ﻳﺠﻴﺐ ﻟﻴﻬﺎ ﻋﻼﺟﺎﺕ
ﺧﺘﻴﺖ ﻋﻼﺟﺎﺗﻲ ﺑﺮﺍﺍﺍﺍﺍﺍﺍﺣﺔ
ﻭﺑﻘﻴﺖ ﻣﺸﺘﺖ ﺟﺮﻳﻴﻴﻴﺖ ﺟﺮﻱ
ﻣﺎﻭﻗﻔﺖ ﺍﻻ ﻓﻲ ﺑﺎﺏ ﺑﻴﺘﻨﺎ
ﻭﻣﻦ ﺩﻳﻴﻴﻴﻴﻚ ﺑﻘﻴﺖ ﻣﺎﺑﺮﻛﺐ ﻣﻮﺻﻼﺕ ﺍﻣﺒﺪﺓ
ﻭﺣﻠﻔﺖ ﻋﻴﺪ ﺍﻟﺤﺐ ﺩﺓ ﻛﺎﻥ ﺍﺟﺎﺯﻭ ﻣﺠﻠﺲ ﺍﻻﻓﺘﺎﺀ
ﻣﺎﺑﺤﺘﻔﻞ ﺑﻴﻬﻮ ﺗﺎﺍﺍﺍﻧﻲ
وماصاح ذااتو نحتفل بيهو
#ﺗﺨﺮﻳﻤﺔ
ﻻﺗﺒﺤﺜﻮ ﻋﻦ ﺍﻟﺤﺐ
ﺍﻟﺤﺐ ﻳﺎﺗﻴﻨﺎ ﻓﻲ ﺍﻣﺎﻛﻨﻨﺎ
ﺍﻟﺤﺐ ﻗﺪﺭ ﻭﻟﻴﺲ ﻗﺮﺍﺭ
#ﺗﻌﺮﻳﺠﺔ
ﺍﻟﺪﺑﺪﻭﺏ ﻛﺴﺐ ﺍﻟﺮﻫﺎﻥ ﻭﻟﺴﺔ ﻗﺎﻋﺪ ﻓﻲ ﺍﻟﺪﻭﻻﺏ
ﻭﻣﻄﻠﻊ ﻟﻲ ﻟﺴﺎﻧﻮ

ﺍﻟﺴﻔﻴﺮ ﺍﻟﺒﺮﻳﻄﺎﻧﻲ ﻣﺎﻳﻜﻞ ﺍﺭﻭﻥ ﻳﻐﺎﺩﺭ ﺍﻟﺨﺮﻃﻮﻡ ﺑﺎﻟﺰﻱ ﺍﻟﻘﻮﻣﻲ ﺍﻟﺴﻮﺩﺍﻧﻲ
ﺑﻌﺪ ﺇﻧﺘﻬﺎﺀ ﻓﺘﺮﺓ ﻋﻤﻠﺔ ﻛﺴﻔﻴﺮ ﻟﺒﺮﻳﻄﺎﻧﻴﺎ ﻟﺪﻯ ﺍﻟﺴﻮﺩﺍﻥ

*قالت ليو ماشه التلاجه اجيب مويه .....*
*قال ليها بخاف عليك من النسمه البارده تغازل وجهك ....*
*نامت عطشانه الهبله ..*
*هو كان داسي ليو باسطه خايفه تاكلها*
😃😃😃😂😂😂😂😂😂😂😂😂😂😂
اقوي نكة ٢٠١٨

#مثل_اليوم

الراجل افجخي بصلة قبل ما يبقى اصلة.

#مثل_سوداني

زواج القاصرات
حكت لى حاجة كبيرة قالت عرسونى وعمرى تسعة سنوات وراجلي ودوهو مأمورية مصر سافرت معاه مصر المصرين يشاغلونى يقولوا يا امورة يا حلوة لانى كنت طفلة صغيرة مرة مرضت وجاني التهاب راجلي ودانى الدكتور كان عندي حمى شديدة الدكتور قال لى راجلى مالها بنتك الامورة الصغيرة قال ليه دي زوجتي ما بنتي وقالت لما عرسوني لم ابلغ مبلغ النساء قعدت فى بيت زوجي خمسة سنيين حتى جبت ولدي بكري البكر دة وكنت بلعب الحجلة مع البنات فى الشارع ونلعب سك سك ونسيبتى تجيبني من الشارع جاراني من يدى تدخلني الحمام وتحممنى بالليفة والصابون وتغسل لي شعري من الرمل وتمسحنى وتريحنى وبعد الحمام والنظافة دى كلها بيجوا اولاد الحلة يدقوا الباب يقولوا لى تعالى تمي لينا الفريق حق الكورة طوالى بمشي العب معاهم وبشرك للطير بالطشت واحمروا واكلوا الخمسه سنوات دي كلها لعب في لعب
تعبت نسيبتى دي تعب شديد معاي ما حصل مشيت الجيران بالباب كنت بنط بالحيطة ولما نسيبتى تمنعني من اللعب مع الاولاد فى الشارع بنط بالحيطة
راجلي كان بيسافر كتيرمرة مشيت لعبت عند الجيران وتعبت ونمت عندهم راجلى جاء يسوقني من الجيرات مرت جيرانا قالت ليو عليك الله خليها تعبانة خلاص نامت نمت عندالجيران لغاية الصباح راجلى وامة بيشربوا فى الشاي جيتهم ناطة بالحيطة اتخلعوا خلعة العدو قالت لى يا بنتى شفتى الجهل الجهل مصيبة وقالت لى مرة راجلى سافر جاب لى حلاوة ماكنتوش كبيتها كلها فى السرير الدبل
وكل لون ختيتو براهو ومليت كل السرير راجلى قال لى هسى انا انوم وين مع حلاوتك دى ؟ قلت ليو نوم فى البرندة مع امك وخلينى انا مع صاحباتى الحلاوات ديل عملت الحلاوة صحباتى شفتى يا بنتى الجهل قلت ليها انتى كنت صغيرة لسة دى براءة الطفولة يا حاجة قالت لى نسبتى تعبت معاى تعب شديد تأكلنى بيدها لما ارفض الاكل ومرات تحشي لى من المغرب عشان بنوم بدرى وتحلب الغنماية وتفور اللبن وتشربنى قبل المغرب قبل ما انوم قالت لى نسيبتى ربتنى زى بنتها الصغيرة
زواج القاصرات جريمة فى حق البنات وفى حق الطفولة
حنان النقر

#مثل_اليوم

المرأة لو فاس ما بتقطع الرأس.

#مثل_سوداني

انا متزوج والحمدلله عايشين احلي حياة فيها الاحترام اساس علاقتنا والثقة متوفره الحمدلله بجي من الشغل بلقاها جهزت لي كل سبل الراحه لكي اغير روتين العمل وسخاته الشارع وتعب المواصلات . واحيانا بجي راجع القاها خاته حنه بقوم بشيلة من مكان قاعده وانا بجهز الاكل عشان هي خاته حنه بتصر علي تطلع الحنه عشان تجهز لي انا برفض بقول ليها نحن واحد بجهزو انا ونقعد نحن الاتنين ونتغداء ونتونس واخر ضحك وونسه😍😍 ما شايلين هم بكره 😍
.
.
.
بسم الله احسن اقم اشرب الشاي وبجيكم🙊😂😂😂😂😂
.
#ملحوظه

بعد اعرس بطبقو😔😔

الصباح العوض ضرب لي قال لي آسكينة انتي ماك عارفة الليلة يوم شنو؟ الليلة عيد الحب آسكينة الليلة الفالانتاين وانا داير الاقيك قت لو هوي ملاقاة شنو كمان فوق الحلة وامي ذاتا ما بتخليني امرق قال لي نتلاقى نص النهار الحلة بتكون صانة والناس بكونوا نايمين قولي ماشة لي صاحبتك وتعالي. قلت ليه خلاس بلاقيك في زقاق ناس السرة بت الحاج بالنهار بكون فاضي قال لي خلاس. وقللللت كدي قمت استحميت انكرشت بالليفة زييييين وجبت لي كركار اتمسسسسسحت وشقيت شعري وجلطتو بي جاي وبي جاي وشلت من كركاري داك حتة مسحت شلاليفي واتكحلت ولبست توبي الاخدر وسفنجتي الخدرا ومشيت .
الدنيا نووووصت نهار الشمس ان ربطوا فيها العتوت يجري وكشتك كشتك كشتك لاااامن وصلت الزقاق حق ناس السرة واشوف ليك زولي داك وبقيت اتخجل واسوي هيهيهيهي وعاد كركاري داك سايح متل باغة السمن ساعة يختوها في الشمش ومشيت عليه قال لي احي آسكينة وكت شفتك قلبي دا تلب من محله انتي يا بت سميحة كدي مالك؟ انا وحااااات الله الا اعرسك وهو بقول لي في الكلام دا اشوف ليك كلبة ناس السرة جاية من هناك ومن تشوفنا ليك تجي جارية علينا الساااعة القالت ليك هوووووو جدعت نعلاتي في الواطة وشلت توبي في خشمي جيت اجري لقيتا قابضاني من توبي الليلة وووووب علي العواااااض عاينت لقيت ليك العوض مافي واسمع ليك صوتو يكورك سكينة انا هنا آسكينة عاينت لقيتو مشعبط في الحيطة متل الضب والكلبة تكورك انا بركت في الواطة وبقيت ابحت الكلبة ساعت شافت العوض متعنكش في الحيطة فكتني وجرت عليه قولت هووو هو العوض تلبت تلب عند ناس السرة واسمع ليك السرة تكورك حراااااامي. الليلة آاالعوض يوووووومك اسود واسمع ليك لب لب لب لب لبعك لموا ليك فيه بالعكاكيز وانا ابحت في واطاتي ديك وهو يكورك بقول لهم انا العوض ود مساعد فكوني قالوا ليه العوض؟ البجيبك بالحيطة شنو متلب بالنهار؟ قال ليهم لمت فيني الكلبة فكوني وتاني توبة من زقاق السرة الحلة ذاتا خليتا وجاني مارق بالباب لقاني في واطاتي ديك ابحت قال لي تاني خلقتك ما اشوفا وقولي لي تاني زقاق ناس السرة قلت ليه تاني آلعوض قول لي فالانتاين!!
😂😂😂😂😂😂😂😂😂😂😂😂

فتة حناكيش 😂

#مثل_اليوم

الناس كان ما الناس ما لبسوا الهدوم.

#مثل_سوداني