#كيف_تختاري_شريك_حياتك:
الليلة كل كلمة حقولها ليك حربطها ليك #بدراسات_قوية من تجارب وعلماء نفس ومجتمع وعلاقات اسرية دا مجالهم وكمان الجزو التاني الاهم حيكون من #ديننا_الحنيف اللي بنجهل فيهو حاجات كتيرة ممكن تساعدنا.
مبدئيا حنتفق انو #الزواج_توفيق من رب العالمين ونحن بنسعي وبنجتهد وبنطلب التوفيق دا..بس مش بنرمي الحبل علي القارب وخلاص لأ كمان لازم نكون مفتحين وواعين للاشارات والمواقف البتساعدنا في الاختيار وبتضمن لينا حياة كويسة.
#الطلاق ابدا ما مقياس بالضرورة لاخلاق احد الشريكين اكتر من انو اختلاف في الطباع استحال معاها التعايش والدليل ربنا سبحانه وتعالي(وان يتفرقا يغني الله كل من سعته)ودا اكبر دليل علي استمرارية الحياة لكل واحد فيهم بعد الزواج.
نجي للدراسات اللي بداية بتقول ان ٣٠%من #المطلقات كانو عارفين مسبقا وحاسين انو دا ما الشريك المناسب وكان في علامات واشارات بتأكد كدة بس ما وقفوا اجراءات الزواج وواصلو فيها املا في التغيير..
وفي بحث اجري علي ١٠٠ إمراة عربية اثبت انو اقوي اسباب الانفصال كانت عدم التناسب في الشخصيات وتدخل العائلة وعدم المسؤلية ديل اخدو الحظ الاكبر من المشاكل تلتها نسب بسيطة للمشاكل الاخري فختو ليها بالكم.
نجي #لاهم_الاسباب ونبداها بانو اجمع كتير من الخبراء النفسيين والاجتماعيين انك ممكن تواصل في علاقة وانت عارف انو شخصية الطرف التاني فيها صفات ما نافعة معاك ابدا بس عدم تصور الفراق هو البخليك تواصل..شفتي لو مجكسة زول دشليون سنة وكل الناس عارفاكم وبديتي تلاوزي من حاجات فيهو بقت واضحة بالنسبة ليك واشارات بدت تظهر وما قادرة تتقبليها اتخارجي طوالي بكرة بتنسيهو.
#مهما كانت ظروفك ما تعرسي عشان تحلي مشكلة وقتية او هروبا من قسوة ابوك ولا طغيان اخوك ولا صعوبة في المعيشة ولا تاخر في العمر ولا غيرو لما تتزوجي اتزوجي عشان رغبتك في الشخص نفسو مش كبري للتخلص من حياتك وحل وقتي.
#اتزوجي زول نفسيا مقبول بالنسبة ليك زول قادرة دون عن الناس تحسي انو حقك وعاجبك مرات بجيك زول بمواصفات عجيبة كل الناس شايفاهو جميل الا انتي ما قادرة تتقبليهو عشان عيب فيهو مثلا او حاجة ما حابها سمين..قصير شديد..بتفتف وهو بتكلم😅بتمتم.
وهنا حاحكي ليكم قصة صحابية اتزوجت من صحابي وجاءت للرسول صلي الله عليه وسلم وقالت ليهو انها عايزة تتطلق لانو باختصار ما قادرة تحس بهيبة زوجها او تفتخر بيهو وسط الرجال بس الاحساس دا ما قادرة تحسو تجاهو..متخيلين انو قال ليها شنو؟احمدي ربك انو عرسك؟ولا بطلي دلع؟ولا قال ليها اصبري؟ابدا ببساطة قال ليها ردي له الحديقة اي المهر وطلقها تطليقا..حتي الرسول صل الله عليه وسلم فهم يعني شنو لما المرة ببساطة ما تكون متقبلة راجلها وما قادرة تحس بيهو والمشاكل الممكن تحصل لقدام.
حتي بالنسبة لاحد الصحابة لما جاء يخطب.. الرسول صل الله عليه وسلم سالو لو عاين ليها ولا لأ عسي انو يؤدم بينهما يعني يحس بمحبة او الفة تجاه المرة دي..يا جماعة كأنو بقول لينا في حاجات بتجي غصبا عننا كدة براها..في احساس قوي بورينا الزول دا زولنا ولا لأ.
#إختاري زول مسؤل مش عندو قروش وشقة معناها مسؤل زول بتحمل المسؤلية بتقدري تتسندي عليهو وبقدر يفتح بيت.
#إختاري صاحب الاخلاق والدين دا بخاف الله فيك اتفقتوا ولا اختلفتو..والرسول صل الله عليه وسلم وصانا(من جاءكم من ترضون دينه وخلقه فزوجوه).
ناس بسكر وبشرب بنقو وما بصلي وعاق وبحبني لكن ..ديل ما باكلوك عيش زول ما خاف ربو ولا خجل منو اعملي حسابك منو دا شيطانو كبير فما تبقي مودرن وتتساهلي في حاجات زي دي.
اخيرا حجيكم لاكبر العيوب الاتفقو عليها معظم علماء النفس من خلال الدراسات والتجارب سبحان الله في ديننا مذكورة وبوضوح وحديكم الحديث:دي اقوي ٣ اسباب لصعوبة التعايش وتحاولي تبعدي من الشخصيات دي:
١/المستبد المتعالي:دا بتعرفيهو من معاملته مع اهله..مع من حولو ممكن تسمعي في التلفون او يحكي ليك ..بضرب اخواتو مثلا..بكورك في الاكبر منو..ما بقتنع براي اي زول حتي انتي.. ما بشاركك في اي قرارات..وما بعترف بثقافة الاعتذار..دا ركزي حتعرفيهو سريع.
٢/السلبي الناقم:دا زول سلبي كلامو محبط..بتكلم دايما عن الغلاء..البنزين..مديرو السخيف..السخانة..ياخ اي شي سلبي او محبط لازم كل ما تتلاقو بقولو وكما حتي ليك بشوف عيوبك وبقولها ليك..سمنتي..ضعفتي..شغلك ما جايب حقو..بحرجك قدام الناس..تعليقاتو محرجة..بنتقد اي شي ممكن اهلك ناس بيتكم..بنقنق كتير يلا دا العيشة معاهو صعبة ومجهدة والنوع البرفع نفسو وبحبطك انتي وما حتتقدمي ولا خطوة في حياتك دي..ركزي في النوعية دي وبتعرفيها كويس.
٣/نجي للنوع الاخير دا الاناني:دا زول عايش لروحو لما يزهج بسافر مع اصحابو انتي تقعدي تربي العيال..هو يمرق انتي تترزعي..هو يختار هو يقرر هو ينجح بس انتي لا..دا كل الحياة بتدور حول مزاجو وراحتو وبس..وثقافة العطاء عندو شحيحة.
ونجي لحديث الرسول ص(لا تضرب الوجه ولا تقبح ولا تهجر الا
الليلة كل كلمة حقولها ليك حربطها ليك #بدراسات_قوية من تجارب وعلماء نفس ومجتمع وعلاقات اسرية دا مجالهم وكمان الجزو التاني الاهم حيكون من #ديننا_الحنيف اللي بنجهل فيهو حاجات كتيرة ممكن تساعدنا.
مبدئيا حنتفق انو #الزواج_توفيق من رب العالمين ونحن بنسعي وبنجتهد وبنطلب التوفيق دا..بس مش بنرمي الحبل علي القارب وخلاص لأ كمان لازم نكون مفتحين وواعين للاشارات والمواقف البتساعدنا في الاختيار وبتضمن لينا حياة كويسة.
#الطلاق ابدا ما مقياس بالضرورة لاخلاق احد الشريكين اكتر من انو اختلاف في الطباع استحال معاها التعايش والدليل ربنا سبحانه وتعالي(وان يتفرقا يغني الله كل من سعته)ودا اكبر دليل علي استمرارية الحياة لكل واحد فيهم بعد الزواج.
نجي للدراسات اللي بداية بتقول ان ٣٠%من #المطلقات كانو عارفين مسبقا وحاسين انو دا ما الشريك المناسب وكان في علامات واشارات بتأكد كدة بس ما وقفوا اجراءات الزواج وواصلو فيها املا في التغيير..
وفي بحث اجري علي ١٠٠ إمراة عربية اثبت انو اقوي اسباب الانفصال كانت عدم التناسب في الشخصيات وتدخل العائلة وعدم المسؤلية ديل اخدو الحظ الاكبر من المشاكل تلتها نسب بسيطة للمشاكل الاخري فختو ليها بالكم.
نجي #لاهم_الاسباب ونبداها بانو اجمع كتير من الخبراء النفسيين والاجتماعيين انك ممكن تواصل في علاقة وانت عارف انو شخصية الطرف التاني فيها صفات ما نافعة معاك ابدا بس عدم تصور الفراق هو البخليك تواصل..شفتي لو مجكسة زول دشليون سنة وكل الناس عارفاكم وبديتي تلاوزي من حاجات فيهو بقت واضحة بالنسبة ليك واشارات بدت تظهر وما قادرة تتقبليها اتخارجي طوالي بكرة بتنسيهو.
#مهما كانت ظروفك ما تعرسي عشان تحلي مشكلة وقتية او هروبا من قسوة ابوك ولا طغيان اخوك ولا صعوبة في المعيشة ولا تاخر في العمر ولا غيرو لما تتزوجي اتزوجي عشان رغبتك في الشخص نفسو مش كبري للتخلص من حياتك وحل وقتي.
#اتزوجي زول نفسيا مقبول بالنسبة ليك زول قادرة دون عن الناس تحسي انو حقك وعاجبك مرات بجيك زول بمواصفات عجيبة كل الناس شايفاهو جميل الا انتي ما قادرة تتقبليهو عشان عيب فيهو مثلا او حاجة ما حابها سمين..قصير شديد..بتفتف وهو بتكلم😅بتمتم.
وهنا حاحكي ليكم قصة صحابية اتزوجت من صحابي وجاءت للرسول صلي الله عليه وسلم وقالت ليهو انها عايزة تتطلق لانو باختصار ما قادرة تحس بهيبة زوجها او تفتخر بيهو وسط الرجال بس الاحساس دا ما قادرة تحسو تجاهو..متخيلين انو قال ليها شنو؟احمدي ربك انو عرسك؟ولا بطلي دلع؟ولا قال ليها اصبري؟ابدا ببساطة قال ليها ردي له الحديقة اي المهر وطلقها تطليقا..حتي الرسول صل الله عليه وسلم فهم يعني شنو لما المرة ببساطة ما تكون متقبلة راجلها وما قادرة تحس بيهو والمشاكل الممكن تحصل لقدام.
حتي بالنسبة لاحد الصحابة لما جاء يخطب.. الرسول صل الله عليه وسلم سالو لو عاين ليها ولا لأ عسي انو يؤدم بينهما يعني يحس بمحبة او الفة تجاه المرة دي..يا جماعة كأنو بقول لينا في حاجات بتجي غصبا عننا كدة براها..في احساس قوي بورينا الزول دا زولنا ولا لأ.
#إختاري زول مسؤل مش عندو قروش وشقة معناها مسؤل زول بتحمل المسؤلية بتقدري تتسندي عليهو وبقدر يفتح بيت.
#إختاري صاحب الاخلاق والدين دا بخاف الله فيك اتفقتوا ولا اختلفتو..والرسول صل الله عليه وسلم وصانا(من جاءكم من ترضون دينه وخلقه فزوجوه).
ناس بسكر وبشرب بنقو وما بصلي وعاق وبحبني لكن ..ديل ما باكلوك عيش زول ما خاف ربو ولا خجل منو اعملي حسابك منو دا شيطانو كبير فما تبقي مودرن وتتساهلي في حاجات زي دي.
اخيرا حجيكم لاكبر العيوب الاتفقو عليها معظم علماء النفس من خلال الدراسات والتجارب سبحان الله في ديننا مذكورة وبوضوح وحديكم الحديث:دي اقوي ٣ اسباب لصعوبة التعايش وتحاولي تبعدي من الشخصيات دي:
١/المستبد المتعالي:دا بتعرفيهو من معاملته مع اهله..مع من حولو ممكن تسمعي في التلفون او يحكي ليك ..بضرب اخواتو مثلا..بكورك في الاكبر منو..ما بقتنع براي اي زول حتي انتي.. ما بشاركك في اي قرارات..وما بعترف بثقافة الاعتذار..دا ركزي حتعرفيهو سريع.
٢/السلبي الناقم:دا زول سلبي كلامو محبط..بتكلم دايما عن الغلاء..البنزين..مديرو السخيف..السخانة..ياخ اي شي سلبي او محبط لازم كل ما تتلاقو بقولو وكما حتي ليك بشوف عيوبك وبقولها ليك..سمنتي..ضعفتي..شغلك ما جايب حقو..بحرجك قدام الناس..تعليقاتو محرجة..بنتقد اي شي ممكن اهلك ناس بيتكم..بنقنق كتير يلا دا العيشة معاهو صعبة ومجهدة والنوع البرفع نفسو وبحبطك انتي وما حتتقدمي ولا خطوة في حياتك دي..ركزي في النوعية دي وبتعرفيها كويس.
٣/نجي للنوع الاخير دا الاناني:دا زول عايش لروحو لما يزهج بسافر مع اصحابو انتي تقعدي تربي العيال..هو يمرق انتي تترزعي..هو يختار هو يقرر هو ينجح بس انتي لا..دا كل الحياة بتدور حول مزاجو وراحتو وبس..وثقافة العطاء عندو شحيحة.
ونجي لحديث الرسول ص(لا تضرب الوجه ولا تقبح ولا تهجر الا