*نموت ساي*

حضرت محاضره دينية بتتكلم عن طاعة الزوجة للزوج ومفروض الزوجة كل يوم تشيل العفو من زوجها عشان لو ماتت يكون زوجها راضي عنها ...قلت خلاص أقول ليهو اعفي عني ...
بس بالليل كدا قاعدين نتونس قمت بعد تردد كتير قلت ليهو عليك الله اعفي عني ..
قام نطط عيونو
وقال لي
ليه عملتي شنو ؟؟
قلت ليهو ماعملت حاجه
بس عايزاك تعفي عني يمكن أموت....
بس الساعة القام هاج وقال لي والله ماتقولي عملتي شنو الليلة ماتبيتي في البيت ده ...

*أها جنس ديل ينفع معاهم عفو ؟؟؟!!!*

*أخير نموت ساي* 😂😂😂😂😂

عشان تقتنع. .!!!!وماتختنع!!!!
حليل زمن الفات الكبار والقدرو
حليل زمن البشيل الحمووول ويعدلو
حليلو الكان يتضايرن منو بنوت الفريق يتسترو
حليلو الكان اننضم ستار عروض عوين فريقو واهلو
حليلو الفات الاسد في مر حقارتو وصقرو
كرهت الوسط نسوانو حديثو وفخرو
وابيت المن مسوح خياتو مجلط شعرو
غبني الخيتو سراحة مع رفاقتو وهو كاتل ضلو
وغبني حريمو مرقن كاشفات زنودن وضلو!!!!!
وهو سارح مع ابليسو وجهلو
اريتو يْعود مقنع الكاشفات لي محلوووووووو

للجادين فقط
فتاة عمرها ٣٥ سنة طولها ١٧٥سم وزنها ٧٦كيلو لون بشرتها أبيض حاصلة على الدكتوراه.
امرأة أعمال مبتدئة عندها منزل متكامل حالتها المادية ممتازة تصوم وتصلي صلواتها الخمس الحمد لله.
متدينة حيوية رومانسية تعشق السفر والتسوق تقدس الحياة الزوجية تملك شقة في المنشيةواخرى في العمارات شارع 15 وورثت من أبوها بيت في الطائف
.
.
.
.
.
.
.
.
.
.
.

تبحث عن ويكه ناشفة تشتريها من وين ؟؟؟؟؟
😂😂😂😂😂

ﻭﺍﺣﺪ ﺑﺤﻜﻲ ﻗﺎﻝ ﻋﻨﺪﻭ ﺍﺧﺘﻮ ﻋﻨﺪﻫﺎ ﺻﺤﺒﺘﻬﺎ ﺷﺪﻳﺪ ﺍﻣﻬﺎ ﻣﺎﺗﺖ ﻭﺍﺧﺘﻮ ﻣﺎ ﻣﺸﺖ ﻟﻴﻬﺎ ﻓﻲ ﺍﻟﺒﻜﺎﺀ
ﻗﺎﻣﺖ ﺍﺗﻔﻘﺖ ﻣﻊ ﺍﺧﻮﻫﺎ ﻋﻠﻲ ﺍﻧﻮ ﻳﻤﺸﻮﺍ ﻟﻴﻬﺎ ﻭﻳﻌﻤﻠﻮ ﺭﻭﺣﻬﻢ ﻣﺎ ﻋﺎﺭﻓﻴﻦ ﺑﺎﻟﺒﻜﺎﺀ ﺩﻩ ﻭﻳﺴﺎﻟﻮﺍ ﻣﻦ ﺍﻣﻬﺎ ﻟﻤﻦ ﺗﻮﺭﻳﻬﻢ ﻳﺸﻠﻮﺍ ﺍﻟﻔﺎﺗﺤﻪ ﻭﻳﻌﺰﻭﻫﺎ ﻭﻛﺪﻫﺎ
} ﺧﻄﻪ ﻓﻲ ﻣﻨﺘﻬﻲ ﺍﻟﺬﻛﺎﺀ {
ﺍﻭﻝ ﻣﺎ ﻣﺸﻮﺍ ﻟﻴﻬﺎ ﻭﺳﻠﻤﻮﺍ ﻋﻠﻴﻬﺎ ﻭﻗﻌﺪﻭﺍ ﻧﻈﺎﻡ ﺍﻟﻮﻧﺴﻪ ﺍﺧﺒﺎﺭﻙ ﺷﻨﻮ ﻭﻋﻤﻠﺘﻲ ﺷﻨﻮ ﺣﻨﻚ ﺍﻟﺒﻨﺎﺕ ﺍﻟﻌﺎﺿﻲ ﺩﺍﻙ
ﺑﻌﺪ ﺷﻮﻳﻪ ﻗﻮﻭﻭﻭﻭﻭﻭﻭﻣﻲ ﻳﺎ ﺍﺧﺖ ﺻﺎﺣﺒﻨﺎ ﺍﺳﺎﻟﻲ ﺍﻟﺒﺖ : ﺍﻫﺎ ﺍﻟﻤﺮﺣﻮﻣﻪ ﻭﻳﻦ ﻣﺎﺷﺎﻳﻔﺎﻫﺎ
ﺃﺧﻮﻫﺎ ﺗﻠﺐ ﺑﺎﻟﺸﺒﺎﻙ ﻭﻟﺤﺪﻯ ﻫﺴﻲ ﻣﺎ ﺭﺟﻊ ﺍﻟﺒﻴﺖ ....

👑:
ﻧﺼﻴﺤﻪ ^^
ﺩﻱ ﻟﻜﻞ ﺑﺖ ﻟﻮ ﻋﺎﻳﺰﻩ ﺗﺘﺰﻭﺟﻲ..ﺍﺧﺘﺎﺭﻱ
ﺍﻟﺸﺎﺏ ﺍﻟﺠﻨﻮ ﺟﻜﺲ ﻭﺫﻟﻚ ﻟﻌﺪﻩ
ﺍﺳﺒﺎﺏ-:
/1 ﺑﻌﺮﻑ ﻛﻴﻒ ﻳﺴﻌﺪﻙ ﻻﻧﻮ ﺍﺗﻌﺎﻣﻞ
ﻣﻊ ﻏﻴﺮﻙ ﻛﺘﻴﻴﻴﺮ
/2 ﻋﻴﻨﻮ ﻣﻠﻴﺎﺍﺍﺍﺍﺍﺍﺍﺍﺍﺍﺍﺍﺍﺍﻧﻪ
/3 ﻳﻮﺩﻳﻚ ﻣﺤﻼﺕ ﻋﻤﺮﻙ ﻣﺎﺷﻔﺘﻴﻬﺎ ﻻﻧﻮ
ﻻﻓﻲ ﺍﻟﺪﻧﻴﺎ ﻛﻠﻬﺎ ﻗﺒﻠﻚ
/4 ﺑﻤﺎ ﺍﻧﻮ ﺑﺘﺎﻉ ﺟﻜﺲ ﻣﻌﻨﺎﻫﺎ ﺑﺤﺒﻚ
ﺷﺪﻳﺪ ﻋﺸﺎﻥ ﻛﺪﻩ ﻗﺮﺭ ﻳﺴﺘﻘﺮ ﻣﻌﺎﻙ
ﻭﻳﻜﺘﻔﻲ ﺑﻴﻚ
/5 ﺑﻜﻮﻥ ﻇﺮﻳﻒ ﺷﺪﻳﺪ ﻭﻋﻨﺪﻭ ﻛﺎﺭﻳﺰﻣﺎ
ﻛﺪﻩ ﻻﻧﻮ ﺍﻟﺤﺒﻮﻭﻭﻩ ﻣﻦ ﻗﺒﻠﻚ ﺩﻳﻞ ﻣﺎ
ﺣﺒﻮﻭﻭﻩ ﻣﻦ ﻓﺮﺍﻍ
/6 ﺑﻌﺮﻑ ﻳﺘﻮﻧﺲ ﻭﻳﺤﻨﻚ ﻭﻳﺨﺘﺎﺭ ﻛﻼﻡ
ﺍﻟﻐﺰﻝ ﻭﻛﻼﻣﻮ ﻳﺨﺶ ﺍﻟﻘﻠﺐ ﺗﻮﻭﻭﻭﺵ
ﻻﻧﻮ ﻣﺘﻌﻮﻭﻭﻭﻭﻭﺩ ﺩﺍﻳﻴﻴﻴﻤﺂ
/7 ﻛﻔﺎﻳﻪ ﻋﻠﻴﻜﻲ ﺍﺣﺴﺎﺱ ﺍﻧﻮ ﺧﻠﻰ
ﻛﻞ ﺍﻟﺒﻨﺎﺕ ﺍﻟﺤﻠﻮﺍﺕ ﺍﻟﻜﺎﻥ ﺑﻌﺮﻓﻬﻢ
ﻭﺍﺧﺘﺎﺭﻙ #ﺍﻧﺘﻲ
/8ﺍﻻﻫﻢ:ﺑﻤﺎ ﺍﻧﻮ ﻗﺮﺭ ﻳﺘﺰﻭﺟﻚ ﺩﻩ
ﻣﻌﻨﺎﻫﺎ ﻗﺮﺭ ﻳﺮﻣﻲ ﻛﻞ ﺷﻲ ﻭﺭﺍ ﺿﻬﺮﻭ
ﻻﻧﻮ ﻭﺻﻞ ﻣﺮﺣﻠﻪ #ﺍﻻﻛﺘﻔﺎﺀ
ﻑ ﺷﻨﻮﻭﻭ ﻋﺮﺳﻴﻬﻮ ﻛﺪﻩ #ﺷﺒﻌﺎﻥ
ﺍﺣﺴﻦ ﻣﻦ ﺗﻌﺮﺳﻴﻬﻮ #ﺻﺎﻳﻢ ﻭﺑﻌﺪ
ﻓﺘﺮﻩ ﻧﻔﺴﻮ ﺗﻔﺘﺢ

#الزول_ده_مبدع_وعاوز_الدعم

( مربي النبق و الدوم )!!
السلام عليكم يا شباب
من بدري عندي هواية الإختراع و الإكتشافات الجديدة و ( التنظير الإيجابي ) .
حاصل علي ماستر في تكنولوجيا الأغذية و بحث التخرج كان إستخلاص زيت من بذور التبلدي ( القنقليس ) و دراسة خواصه الفيزيائية و الكيميائية و إستخدامه في التحمير .
بعد داك نشرتو في مجلة عالمية .
بعد داك جاتني فكرة أصنع مربات و عسل من مصادر جديدة و غير معروفة للناس عشان كدا فكرت أعمل مربي من النبق و فعلا بديت الإختبارات المعملية لحدي ما صنعت المربي و الحمد لله كانت ممتازة و نشرتها ورقة علمية في مجلة عالمية .
تاني صنعت عسل من النبق .
بعد داك فكرت في مربي الدوم خاصة إنو متوفر برضو .
كانت مربي ممتازة الحمد لله و نكهة الدوم فيها ( تجنن ) .
برضو صنعت من عسل .
أجمل ما في الحاجات دي إنها ( خيرات بلدنا ) و متوفرة طول العام .
ما عندي مانع إذا في شركة أو جهة ممولة ممكن ننتج المنتجات دي للسوق .
و مربي الدوم دي لو جربتوها تاني ما بتشترو غيرها بإذن الله .
و أنا أتمني أتوفق و أقدر أنتج للسوق في أقرب فرصة لأنو فيها فوائد مهمة جدا و ممكن في منشور تاني نوريكم القيمة الغذائية لكل مربي بإذن الله .
حأنشر ليكم صورة مربي الدوم بديباجة مؤقتة و أتمني إنو إدارة القروب توافق علي النشر المرة دي من أجل الفائدة العامة.
و زي ما قال المثل ( لالوب بلدنا ولا تمر الناس ) .
و الله الموفق .
(الطيب عبدالرحمن)..

(رب ضاره نافعه)
.
قامت بدعوة جاراتها لحضور تسليم (شيلة) ابنها فقد قرر ابنها اخيرآ أن يتزوج ويودع حياة (العزوبية) الي الابد حضرت الجارات تلبية لدعوة الام وهم يطلقن الزغاريد تعبيرآ عن فرحتهم بهذه المناسبة السعيدة كانت شنطة الشيلة تحتوي علي8من الثياب ومثلها من الفساتين والاحذية وبعض العطور واشياء اخري اما الشيلة الخاصة بالطعام فكانت تحتوي علي جوال سكر وجوال بصل وجوال فحم وبعض الاشياء الاخري الخاصة بالطعام تحركت المركبة وتعالت اصوات الزغاريد والغناء والدلوكة داخل المركبة حتي وصولهم الي بيت العروس وعند وصولهم قامت الام بتسليم الشيلة الي العروس إلا ان والدة العروس كان لها رأى اخر فقد رفضت الشيلة بحجة قليلة وطالبت بأن يكون العدد12 من الثياب والفساتين والاحذية بدلآ من8 نسبة لجمال ابنتها ذات الشعر الطويل والغمازات الرهيبة والمميزات الاخري التي لا تتوفر إلا في قلة من الفتيات وأن تكون شيلة الطعام جوالين من كل صنف بدلآ من جوال واحد نسبة لحضور عدد كبير من المعازيم تم دعوتهم الي المناسبة وان يكون (المهر) اضعاف المبلغ الذي قدم اليهم اتصلت الام بابنها واخبرته بما حدث اعتبر الابن ماحدث بالاهانة الكبيرة له ولاسرته لم يتحمل قام بفسخ الخطوبة التي كانت تربطه بتلك الفتاة والغاء فكرة الزواج من راسه اما الشيلة التي اشتراها للعروس من الثياب والفساتين والاحذية والعطور فقد قام بفتح محل (بوتيك) في الحي وعرضها للبيع مع اضافة تجارة تحويل الرصيد وتركيب العطور الي البوتيك لجلب الزبائن اما الشيلة الخاصة بالطعام من السكر والبصل والفحم والزيت وغيرها فقد قام بفتح (دكان) في الحي وتشغيل شقيقه العاطل فيه الذي اصبح عالة علي الاسرة اما النقود التي كان يريد أن يدفعها (مهرآ) لعروسته فقد جلب بها بضاعة الي الدكان حتي امتلأت رفوفه عن اخره بعد عامين اذدهرت التجارة في المحلين ونمت قام بفتح محلات اخري وتوسعت تجارته حتي اصبح من كبار التجار في المنطقة

​كلام حبوبات سمح بالحيل ويعجب:​
ناخذ الحكمة من ​الحبوبات​
صدق القال جروحك مابتوجع زول ،،،
وصدق القال همومك لوشكيت بتطول ،،،
ماكل الكلام البنفعك معسول ،،،
وماكل الصداع بيعالجو البندول ...
🎼🎼🎼🎼🎼🎼🎼🎼
وماكل التريدو مؤكد إنو بريدك ،،،
وماكل البيضرب ليك بهمو جديدك ،،،
الريد بالغصب لابنفعك لابفيدك ،،، و زولاً ماهو ليك أختاهو وأرفع إيدك ...
🎻🎻🎻🎻🎻🎻🎻🎻🎻
وماكل البيضحك ليك تبقى حبيبو ،،،
وماكل البيغلط مره إنت تسيبو ،،،
الأيام كتيره وكل زول بيلقى نصيبو ،،،
والراجل مواقف مابيقيمو جيبو ...
🎺🎺🎺🎺🎺🎺🎺🎺🎺
وماكل البقابلك بي بشاشه يغرك ،،،
وماكل البصاحبك تديهو حالاً سرك ،،،
الليله البيضحك ليك ويقاسمك مرك ،،،
باكر ياهو زاتو الفي النهايه بيضرك ...
🎷🎷🎷🎷🎷🎷🎷🎷🎷
وماكل البمد إيديهو قاصد يسلم ،،،
وماكل المسك قلمو وكتاب متعلم ،،،
ماتجرح مشاعر الناس وليها تألم ،،، وفكر في الحساب يوم قبرك يبقى مضلم ...
🎹🎹🎹🎹🎹🎹🎹🎬🎬
وماكل البتحلم بيهو دايما ساهل ،،،
وماكل البقولو الناس حقيقه وحاصل ،،،
ماتصدق كلام الناس وديمه تجامل ،،،
ولو جنو الخلوق خليك براك العاقل ..
😊😊😊😊😊😊

الحملة القومية للزواج والتعدد
تحت شعار " أرجلو يا رجال"

ما تخاف يا كلس لا الزوجة لا اُماتا
أقدل يا صقر التانية قالو حلااااتا
راقدات البنات بى بيتا بى قريشاتا
إن درتا الفتاة ، أو عزبة بى بنيَّاتا

إت خلقوك ضكر هيبة الأسود زي هيبك
مثنى ثلاث رباع من الله حق في جيبك
أبشر يا عريس قبال يهاجمك شيبك
الدين والوطن راجين تبرمو شنيبك

زي ما قلت ليك كُتّيمي من غير راو
وافرات العروض وخصوصا الفتَّاو
الوليان شعارن "الوصلنا الله اداو "
جاهزين لى العقد كان جانا سيرة براو

الراجل الكلس فوق الحريم كم دبّل
يا سحاب الخلا الفوق العونس وبّل
حر يا الجنا الصنديد و ماكا مكبّل
براك في الدارة تعرض .. انبسط واتشبّل

ما بتخاف من الفارغة وتفوتا حقوقك
ما بهرشوك نسابة والفتُّو حايم فوقك
بتشلع في سما الحروم وضاوية بروقك
ظاهر في وشيك .. راحات وظاهر روقك.......
هيع 💪💪

حاحكي ليكم قصتي انا وزوجتي طبعا انا عمري22سنه وزوجتي عمرها19سنه اتزوجنا قبل سنتين وجبنا احلي بنوته اتزوجنا عن حب واول ما تزوجنا وجبته بنتي بقيت بعامله زي بنتي ما مرتي كنت بجيب لي رونوقه بنتي شوكلاته وبجيب ليها شوكلاتين كان مرات بجي داخل البيت بلقاها بتلعب مع رونق دس دس ودايما كنت بقول ليها بحبك عشان براءتك دي ومرات بعمل ليها مفاجأت كبيره بعزمها عشاء فاخر في افخم المطاعم وكانت رومانسية شديد وكنا ميتين في بعض يوم مشت الحنانه اتحننت وحننت بنتي وكان الزمن داك عمرها سنه ونص وقت جات البيت عجبتني الحنه وبقيت بتغزل فيها بس فجاه انتبته انو رونق محننه طوالي قشطها ليك كف لمن دموعها جرت قالت لي كيف تحننيها وهي بالعمر دا
قامت زعلت وجريت لي الاوضه قمت مسكتها من توبها وجريتها علي وقلت ليها (دي رباط حبنا ولو هي حصل ليها شي لا قدر الله انا مابقدر بعيش بعديها لانها بنتي منك انتي ) طوالي مسحت ليها دموعها وقلت ليها ماتزعلي مني تنقطع ايدي الضربتك قالت لي بعد الشر دا انت روحي وحياتي وبعديك ماف شي حيسعدني
قمت طوالي قلت ليها البسي ولبسي رونق ارحكم سايقكم مشوار حيبسطك شديد وطوالي لبست ولبست بتي سرررعه وساقتهاااا اوزوون

زي ما انا سايقكم هسي كدا

يوميات باير لا تكلمني

هههههههههههههههههههه

😂😂😂😂😂

ﺷﻌﺐ ﻋﺠﻴﺐ وسريع ﺟﺪاً ..

ﻣﻮﺍﺻﻼﺕ صالحة × ﺍﻟﻌﺮﺑﻲ ..
ﻗﻌﺪﺕ ﻓﻲ ﻣﻘﻌﺪ ﺷﻜﺮﺍً .. (ﺁﻱ ﻋﺸﺎﻥ ﻣﺎ أﺩﻓﻊ ﻟﻲ ﺯﻭﻝ )
ﻗﻌﺪﻭ ﺟﻤﺒﻲ ﻭﻟﺪ ﻭﺑﻨﺖ ، ﺷﻜﻠﻬﻢ ﻃﻠﺒﺔ ﺟﺎﻣﻌﻪ ..
ﻗﺎﻝ ﻟﻴﻬﺎ : ﺳﻼﻣﺎﺕ إﻧﺘﻲ ﻣﺶ ﺑﻨﺖ ﻋﻢ ﺧﺎﻟﺪ ؟
ﻗﺎﻟﺖ ﻟﻴﻬﻮ : ﻻ ﻻ ..
ﻗﺎﻝ ﻟﻴﻬﺎ : ﺳﺒﺤﺎﻥ ﺍﻟﻠﻪ ﺗﺸﺒﻬﻲ ﺁﻻﺀ ﺑﻨﺘﻮ ﺷﺒﻪ ﻏﺮﻳﺐ ..
إﺑﺘﺴﻤﺖ ﻭﻗﺎﻟﺖ ﻟﻴﻬﻮ : ﻳﺨﻠﻖ ﻣﻦ ﺍﻟﺸﺒﻪ أﺭﺑﻌﻴﻦ ، إﻧﺖ ﻃﻮﻟﺖ ﻣﻨﻬﻢ ﻭﻻ ﺷﻨﻮ ؟
ﻗﺎﻝ ﻟﻴﻬﺎ : آﻱ ﻭﺍﻟﻠﻪ ﻟﻴﻬﻢ ﺯﻣﻦ ﺭﺣﻠﻮ ﻣﻦ ﺟﻤﺒﻨﺎ .. ﻳﺎﺍﺍﺍﺍ ﺳﻼﻡ كانو ﺟﻴﺮﺍﻥ ﺣﻠﻮﻳﻦ ﺧﻼﺹ ..
ﻭﺗﻮﺯّﻋﺖ ﺍلإﺑﺘﺴﺎﻣﺎﺕ ﻭﺣﺴﻴﺖ إﻧﻬﻢ ﺡ ﻳﻨﻘﻠﺒﻮ ﻣﻼئكة ﻭﺗﻘﻮﻡ ﻟﻴﻬﻢ ﺟﻨﺤﻴﻦ هسسسسسسسسع ﺩﺍ ..
ﺗﻠﻔﻮﻧﻲ ﺩﻕّ .. ﺭﺩﻳﺖ ﻭإﺗﺤﺮﻛﺖ ﺍﻟﺤﺎﻓﻠﻪ ، ﺣﻘﻴﻘﻪ ﻣﺎ ﺗﺎﺑﻌﺖ ﻗﺎﻟﻮ ﺷﻨﻮ ، ﺑﺲ أﻧﺎ ﻗﻔﻠﺖ ﺍﻟﺨﻂ في ﺍلنفق ، ﻭﺭﺟﻌﺖ ﺭكّزت ﻓﻲ ﺍﻟﻮﻧﺴﻪ لقيتهم ﺇﺗﻌﺎﺭﻓﻮ ﺗﺐ ﻭﺷﺎبكها ليك ﺭﻗﻤﻚ ﻣﻤﻴّﺰ ﻟﻜﻦ ..
ﺭﺩﺕ ﻫﻲ : ﺷﻐﺎﻝ ﻣﻦ ﺯﻣﺎﻥ ﺍﻟﺮﻗﻢ ﺩﺍ ، ﻭﺇﻧﺖ ﺷﺮﻳﺤﺘﻚ ﺩﻱ ﺷﻜﻠﻬﺎ ﻣﻦ ﺯﻣﻦ ﺍﻝ ﺷﺮﻳﺤﻪ ﺑﻲ 200 ﺻﺢ ؟
ﻓﻀﺤﻚ ﺣﺘﻲ ﺑﺎﻧﺖ ﺳﻠﻄﺔ ﺍلأﺳﻮﺩ ﺍﻟﻔﺎﻃﺮ ﺑﻴﻬﺎ ﻭﻗﺎﻝ ﻟﻴﻬﺎ ﺑﻔﺨﺮ : آﻱ ﻳﺎﺥ ﺩﻱ ﻗﺪﻳﻤﻪ ﺟﺪﺍً ، ﻭﺟﻨﻲ ﻭﺟﻦ ﺍﻝ 090 ﻭ 096 ﻭﺍﻟﺸﺮﺍﻳﺢ ﺍﻟﺒﻴﺶ ﺩﻱ ،،
ﻣﺮﻩ أﺧﺮﻱ ﺭﻥّ ﻫﺎﺗﻔﻲ ،، ﺭﺩﻳﺖ ﻭﺍﻟﺰﻭﻝ ﺣﻘﻴﻘﻪ ﻣﻌﺎﻁ ﺟﺪﺍً ﻭﺻﻠﻨﻲ ﻟﺤﺪﻱ ﺍﻟﻤﻬﻨﺪﺳﻴﻦ ﻛﻼﻡ ﺑﺲ ..
ﻗﻔﻠﺖ ﺍﻟﺨﻂ ﻭﺭﺟﻌﺖ ﻟﻠﻔﻴﻠﻢ لقيتهم ﻗﻄﻌﻮ ﺷﻮﻭﻁ ﻃﻮﻳﻞ ﻭأﻋﺘﺮﻓﻮ ﻟﺒﻌﺾ ﺑﻲ ﺣﺒﻬﻢ ﻭﻫﻮ ﻣﻦ أﻭﻝ ﻧﻈﺮﻩ ﺣﺲّ إﻧﻬﺎ ﺍﻟﺰﻭﻟﻪ ﺍﻟﻤﻤﻜﻦ ﺗﺴﻌﺪﻭ ، ﻭﻋﻴﻮﻧﺎ ﺷﺪّﺗﻮ ﺷﺪﻳﺪ .. ﻭﻫﻲ ﺗﺸﻴﻞ ﻭﺗﺘﺨﺠّﻞ ..
ﻭﻗﺎﻟﺖ ﻟﻴﻬﻮ : ﻟﻤﺎ ﻧﺘﺰﻭّﺝ ﻋﺎﻭﺯﻳﻦ ﻧﻤﺸﻲ أﺩﻳﺲ ﻋﺸﺎﻥ ﻗﺎﻟﻮ ﺣﻠﻮﻩ ﺣﺒﻴﺒﻮﻭ ..
ﻗﺎﻝ ﻟﻴﻬﺎ : ﻋﻴﻮﻧﻲ ﻟﻴﻚ ﺭﻭﺣﻲ أﻧﺎ ، ﺑﺲ إﻧﺘﻲ ﺗﺄﻣﺮﻱ .. ﻭﻣﺎ ﻳﻐﻼ ﻋﻠﻴﻚ ﺷﻲ ..
( ﻭأﻧﺎ ﻓﺎﺗﺢ ﺧﺸﻤﻲ ﻭﻣﻨﺪﻫﺶ ) دﺍ ﺷﻨﻮ ﺩﺍ ؟
ﺗﻠﻔﻮﻧﻲ ﺭﻥّ ﺗﺎﻧﻲ .. ﻗﻠﺖ ﻛﺎﻥ ﺭﺩﻳﺖ حأﻟﻘﺎﻫﻢ ﺑﻲ شفعهم .. ﺷﻐﻠﺘﻮ ﺻﺎﻣﺖ ﻭﺭﺟﻌّﺘﻮ ﻓﻲ ﺟﻴﺒﻲ ..

ﺃﺣﻲّ ﺍﻟﺸﻌﺐ ﺍﻟﺴﻮﺩﺍﻧﻲ ، ﺳﺮﻋﺔ ﻓﻲ ﺍﻷﺩﺍﺀ ﻭﺩﻗﻪ ﻓﻲ ﺍﻟﺘﻨﻔﻴﺬ ..😂😂

مر شهر على زواجي
زوجتي مستلقية بجنبي و أنا الآن أكملت فيلما على التلفاز فجأة اهتز هاتفي إشعار من الفايسبوك أحدهم أرسل لي طلب صداقة إنها فتاة لنرى من هي وافقت على الطلب أرسلت رسالة أتساءل فيها من أنت؟
أنا فلانة سمعت أنك تزوجت لكني مازلت مشتاقة لك إنها صديقة قديمة فتاة جميلة و أنيقة
أغلقت الرسالة لأتكد من زوجتي أهي نائمة فعلا نظرت إليها فإذا هي في سبات عميق من تعب النهار تأملتها لبرهة من أعطاها هذا الأمان لتنام بهذا النوم العميق في بيت جديد عنها ؟؟
بعيدة عن بيتها الذي قضت فيه 24 سنة و أهلها الذين نشأت بينهم و بمجرد نظرة يفهمون عليها ماذا تريد و إذا غضبت يهرولون لإرضائها
هذا أبوها يشتري لها ما تطلبه
و أخوها يغدق عليها بالهدايا دون أن تطلب منه هي.
كانت مدللة ما الذي جعلها لتترك كل ذلك و تأتي معي لبيت جديد عنها تهتم بي تطبخ و تغسل
بل و فوق هذا هي جد مطمئنة و واثقة أنها نائمة بجانب #رجل يتكفل بحراستها
دار كل هذا في خاطري فحملت هاتفي و قمت بعمل بلوك لصاحبة الرسالة و التفت إليها و نمت إلى جانبها فأنا رجل لا اخون زوجتي ولا ادمر عائلتي اني اخاف الله قبل خوفي منها 💖

قطع شك دا كلام واحد عزابي ناجرو من راسو

واحدة متزوجة ...وساكنة مع اهلها في بيت ابوها....يوم الصباح بدري اتشاكلت مع راجلا ...والمرأة عشان قاعده في بيت ابوها عينا قوية ...الصوت عالي ...نظام بحقها...ابوها راقد في الحوش وسامع الشكلة ...قالت لي راجلا : الصباح لو سويت ليك شاى ...ابقي كلبه ...وبت كلب.
المهم راجلا قام حنكا حنك جد ...كلام معسول وبسمات ...وانتي ...وانتي...
قامت سوت الشاي ...جاية شايلة الكباية من المطبخ لقت ابوها قاعد في الضل ...قالت ليهو: ابوي كيف اصبحت؟
قال ليها:

هو.. هو..هو.. هو..هو.. هو.. هو

😂😂😂😂

شكله بين بخيت وبخيته :
بخيته محننه وراقده منتكيه في راكوبة المطبخ 😃😆😆😣سرحانه ترعي في غنم 🐐🐐أبليس يوسوس ليها ناس صفيه ركبوا سراميك في الهول😒😒 وناس سعاد جابوا دولاب سته ضلف 😔😔الأ أنا قاعده مبشتنه ومعشتنه 😣😔😵فجأه كدا بخيت يجي داخل من الشغل زهجان وقافله معاهو جوه وبره 😡😖قال ليها بخيته أنعل أبوك ل أبو أهلك ل أبو اليوم العرفتك فيهو زاتو ياشيخه ياخ أجي داخل البيت ألقاهو زي الكوشه الجداد حايم في الأوضه 😄😃😬والغنم جوه المطبخ يأكلن في طبق الكسره 😒😏وولدك حايم عريان في الشارع وأنتي مكومه بهنا زي الهايس المقلوبه 😂😂ومحننه ولا هاميك أي حاجه ياخ كرهتيني البيت وكرهتيني العرس وكرهتيني حياتي زاتا ياخ انتي المحننه ليها شنو والحنه ح تسوي ليك أنتي الله خالقك كدا ودي خلقتو الحنه مابتغيرها 😬😆وشك يكف الرحمه النازله من السما من يوم عرفتك الدنيا أتسددت في وشي رفدوني من شغلي 😣😵😖وسيد البيت طردنا من بيتو وشعري أنحت وضروسي وقعن وبقيت أزرق زي الفحمه ونشفت وريقي نشف من النبيح جاني ضغط وبواسير وجرثومه في المعده كلك جراثيم بخيته 😂😂قالت ليهو مالك ياراجل هسي بتنبح فضحتنا في الحله ونبشتنا نبيشه البسمعك تقول رفدوني من الشغل يقول شغال في وكالة ناسا 😂😜😂وسيد البيت طردك عشان سته شهور مادفعت الأيجار وقاعد بس تقرا في الجرايد التقول كن ثقافتك وانا كل ما اسالك واكون عايذه حاجه تقول لي اعملي كبري كباريك كترت ووقعت ذااتو والضغط والبواسير جبتهن براك ل روحك من أكل الشطه تأكل الليل والنهار😆😄 ووشي مالو بكف الرحمه قايلو زي وشك الزي قعر الزير دا 😂😂هو كان ماساي قسمه ونصيب أنا أعرسك أنت تشبه الديك الرقباني مظعط وممعط 😄😅😅وانا الكنت منوره زي اللمبه 💡💡من دخلت علي طفيت نوري وحرقت شعوري جوعتني وعطشتني عيشتك كلها عدس في عدس 😂😂التقول زارعو في جلحاتك ديل 😂😂😂😂😂

خترفة
طبعًا كل مره أسمع النسوان يتونسن بي عرسهن البتقول كانت أسمح واحدة في الحلة والبتقول راجلها قال ليها من ما شفتك غلبني. النوم وقلت غيرك ما بعرس وكلام من هذا القبيل
المهم انا قلت لي عشرين سنة ما حصل. سألت الراجل دا عرسني انا من دون البنات ليه
اها اليوم داك قعدت حداهو واكتل في عوينتي الزي قدود الجلد ديك واتكشم
قلت. ليه انت يا ابو احمد عرستني انا من دون البنات ديل كلهن عشان شنو
و طبعًا انتو عارفين انا خيالي واسع سرحت وقلت. أسي الحكاية تقلب. مسلسل تركي ولا فلم هندي ويقول لي انتي كنت جميلة وست جيلك وبتشبهي لميس وحاجات زي دي
بس كان الرد صادم قال لي.ابوك. كان محمول وملان بنات قلت اخفف عليه الحمل شوية
ما تقولوا زعلت اصلاً عادي المهم
مستور معاي،، هههههه
صفاء البطحاني