وفي نهاية عام مسافر
ياخي آسفــــــــة
على الليالي الباردة هسه
على العذاب الإنت ضوقتو
ومافي زولاً غيـــري حسا
على التيــتم.. والتــشرد
والسنين العدو خمــسة
على الصباحات البتبدأ
بموية مالحة ويوم نقرش
موية مالحة وكسرى يابسة
على الدموع الفي عيونك
لما تسأل عن جــديدك
لما يصبح بُكرة عيــدك
والوضع زي ماهو لسه!!
يا محمد مافي لبسـة

يـاخي أسفــــــة
على التعاسة الساكنة جوفك
والعبوس الفوق رموشك
والسعادة الما بتشوفك
لما باكر يبقى خوفك
لما تتلخبط حروفــك
من وجع جواك بطوفك
يــــاخي آسفة

31 ديسمبر 2016
تسابيح عبدالرحمن

‏"انا جيت صبيه نديه من
رحم المطر و الأمنيات
الطيبه و الطل و الدعاش ..
انا جيت نبيه أبشرك
بي مطلع الفجر الجديد ..
بي مغرب الزمن الطشاش ..
و أرتب الريح البتلعب بي
مشاعر الورده
تختف منها الندى و الفراش ..
انا جيت أضخ
في كل عروق الدنيا
فرهده و إنتعاش .."
‏"انا جيت مستتتتتتتفه إندهاش ..
بجذبني شوق النيل و همسات الضفاف ..
و انا طفله ما كانت بتعرف
ما الفرق
بين التسابات و الجفاف ..
كانت و لا بتعرف تخاف .."

كل المنشورات تتحدث عن زيادة أسعار الدقيق....¡
سؤال لبعض الشباب ولاحظ لكلمة ( بعض ) لانو في شباب رجال ومسؤولين من يومهم.
السؤال؟ أنت مالك ومال زيادة العيش الزيادة دي يشكي منها أبوك لأنو لما كان الجنية فيهو 4 عيشات كان بشتريهو أبوك وهسه بشتري ابوك واساسا أنت ما عارف أبوك بجيبو كيف.
انت ك شاب بتنوم 2 صباحا وتصحى 12 ظهر وتسأل الحاجة فطوركم بي شنو
ولو قالت ليك (عدس) تقول كرهتونا كل يوم عدس وانت ما عارف أبوك جابو كيف.
بالله عليك بدل تمعطونا منشورات كلها عيش عاوزين لايكات أطلع واشتغل ذي أبوك وساعد البيت في حق العيش وجيب لايكات من أبوك لما يحس انو مسنود
العيشة بي جنية رضيت ولا ما رضيت بتعمل شنو ؟ مظاهرة كضاااااااب
بتكتب في الفيس ؟ شنو يعني
اصلا من فترة والبيت السوداني أصبح صعب يصرف عليه شخص واحد عشان كدة سيب الفارغة وساعد أهلك أفضل من التزمر والشكاوي في الفيس
والتحية لأي شاب سند نفسه واهلو.
وهسه يجيك واحد يقول ليك دا كوز ودا كلام كيزان أحب اقول ليك (الكوز ابو يد) صاحب الاسم عندو فائدة ما زيك أكل ومرعى وقلة صنعة.
منقول

دعاء الحبوبات....يا سلااااام!!
ياحافظ ياحفيظ
ياحافظ ألموية في البير🕳
ياحافظ السيف في الجفير🗡
واللبن في ضرع البعير🐫🐪
ياحافظ البيضه في صوف الخلا لمن تفقع وتطير🐣🐥
تحفظكم و تحفظ ووليداتكم و حريمكم👨‍👩‍👧‍👦
من الأذي والأذيه
ومن الأيد القويه💪🏼
ومن دهمت العربيه 🚘
وهجمت الحراميه🏃🏿

بركة الليل الأمسي والصلوات الخمسة 🌙🌚

تتبنوا الجبال يبقنلكم ماااال🏞
وتتبنوا الحطب يبقالكم دهب🎋🎋

بركت الليل الأمسي والصلوات الخمسة

بركت اللا نام لا أكل الطعام
ربي يحفظكم و يحميكم🙏🏻
و يسخر لكم ملائكته تباريكم و تضاريكم

يغتيكم بي جناح جبرين اللاب يتكسر ولا بيلين

لا تنخانوا لاتنعانوا..
تكبر سهلتكم وتوسع مهلتكم
....سالت الله كان هبشتهوا الحصاية تنقلب موية...وكان هبشتهوا الرمال تنقلب مال..
سألت ربي
يعدل خطوتكم...ويهون قاسيتكم...وينجح قلمكم✍🏽...ويعدل فهمكم🙇🏻
و يعلي مراتبكم و يديكم فوق المابيكم
و يكتر لقاكم و ينجح جناكم

😍😍😍😍😍
(((:-- دحين قولوا اميييييييين -)))امييييييييين ياارحم الراحمين ليكم اجمعين

🇸🇩بلادي أنا🇸🇩
بلاد ناسا في أول شئ
مواريثهم كتاب الله📖 ،
وخيل مشدود🐎،
وسيف مسنون حداه درع🏹،
وتقاقيبهم تسرج الليل🌘🌓 مع الحيران
وشيخا في الخلاوي ورع
وكم نخلات 🌴🌴🌴تهبهب فوق جروف الساب
وبقرة حلوبة تتضرع وليها ضرع 🐄🐂،،،
وساقية تصحّي الليل🌑 مع الفجراوى🌝🌕..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس👳👳🏿👳🏾‍♀👳🏻👳🏼👳🏻‍♀
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة 👏والطنبور 🎼،،
وبنوتا🙋🙆‍♂🙆🏿🙋🏾ً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
🇸🇩يقسموا اللقمة بيناتهم ،
🇸🇩ويدوا الزاد ،حتى إن كان مصيرهم جوع ،
يحبوا الدار ،
🇸🇩يموتوا عشان حقوق الجار ،
🇸🇩ويخوضوا النار عشان فد دمعة ،،
🇸🇩وكيف الحال كان شافوها
سايلة دموع ؟؟،،،،
💚🇸🇩ديل أهلى.🇸🇩💚.
البقيف في الداره
🇸🇩وسط الداره🇸🇩
وأتنبر وأقول للدنيا💚 ديل أهلي💚
🇸🇩عرب ممزوجة بي دم الزنوج الحارة.. 🇸🇩
💚ديل أهلي 💚
ديل قبيلتي ، لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا، معايا زي ضلى
🇸🇩لو ما جيت من زي ديل.. كان ،أسفاي.. 💚
وآمأساتي.. 💚
وآذلي.. 💚
🇸🇩تصور كيف يكون الحال لو ما كنت سوداني 🇸🇩

بينما كانت إمتنان تجلس في برندة المطبخ وتضع على رجليها صينية ملايئة بالبطاطس وتمسك بحبة (بطاطساية) بيدها اليسرى وباليمنى تحمل السكين حتى تقشرها، لتحضر ملاح الغداء لزوجها الذي خرج الى العمل وأبنائها الذين ذهبوا للمدرسة حتى عندما يعودون الى المنزل يجدوا طعام امهم الشهي في انتظارهم وبينما هى كذلك اذا بباب المنزل يطرق (يدق) وضعت الصينية جانبا وذهبت ناحية الماسورة غسلت يداها وامسكت قطعة(فوطة) نشفت بها قطرات الماء التى تبقت من اثار غسل اليدين وعدلت من لبس توبه واتجهت الى الباب لترى من الطارق ، امسكت جرار الباب وسحبته واذا بشاب يقف امام الباب وبجواره سيارة، القى عليها التحية وحيته بافضل من ماقال.
قال لها الشاب هل أنت إمتنان يوسف محمد
قالت له ايوة نعم انا هى!!
قال لها اذًا ان العنوان صحيح واشار الى الشاب الذي يرافقه واتجهأ الى مؤخرة السيارة وحمل كرتونه وحمل الشاب الاخر كرتونة ووضعاها بالداخل واتيا مرة اخرى وحملا كرتونتان وادخلاها .
وبعد ان انتهيا من إنزال جميع الكراتين حمل الشاب دفتراً وذهب ناحية إمتنان وقال لها وقعي على الاستلام يا عروسة!!
عندما سمعت كلمة ياعروسة ترددت وطرحت سؤال على الشاب هل انت متأكد من هذه الاشياء تخصني انا؟ قال لها اليس انت إمتنان يوسف محمد قالت نعم اليس رقم المنزل 00ورقم المربع00 نعم هو وقال لها أليس انت ام زوجها؟ بعد هذه الكلمة لم تترد إمتنان كثيرا وامسكت بالقلم ووقعت على ايصال الاستلام ودخلت الى منزلها وعقلها مشغول بالتفكير يودي ويجيب (قالت في نفسها ياربي الراجل دا ناوي يعرس فيني؟ لكن لو عايز يعرس معقولة يدقس الدقسة دي ويجيب حاجات العروس الجديدة لي هنا؟ لالا ما اظن)
(كدي الننتظر لحدي مايجي من شغلو وبعرف الحاصل شنو والله يقدرني على الانتظار)


وبعد ساعات أنتظار مرّت بطئية على إمتنان يدخل عليها زوجها عايد من العمل وبيده كيس خضار وفواكه القى التحية على زوجته إمتنان وناولها الاكياس ودخل الي غرفته أرادت أن تلحقه حتى تعلم ماهو الشئ الذي ارسله مع الشابين الى المنزل ومضت على استلامه، ولكنها تراجعت (النخلي شوية يشيل نفسو ويغير ويروق شوية من ضغط الشغل وبعدين اسالوا ) بعد شويتين جاها راجع وجلس علي احد سراير البرندة وضعت امامه الطربيزة واحضرت صينية بها كوبان احدهم به ماء والاخر عصير ليمون سألها عن يومها وسألته هى يومه ايضًا واجاب كل واحد منهم للاخر بان اليوم مر من دون يكون هناك شئ يعكر صفوه وبعد أن شرب الماء وعصير الليمون انتكاء في السرير وكوع قال ليها الاولاد ديل جابو ليك حاجة هنا قالت سبقتني كنت عايزة اسألك أيوة جابوها ومضيت على استلامة هو دا شنو؟
ـ الاولاد ديل لاقوني وقالوا الحاجة دي لي كل عروس جديدة بادية حياتة دابة انا قمت قلت ليهم انا قادر اعرس اربعة لكن عندي زوجتي في عيني اربعة نساء واشتريت منهم وقلت ليهم عايز اعرسة تاني وتبقى كانها عروس جديدة بادية حياته من جديد.
ـ قالت ليهو بخجل عليك الرسول دي شنو ؟
ـ قال ليها عليه الصلاة والسلام خجلتي يا المبروووووكة !! لكن برضو ما بوريك بس خشي ليهم في قروبهم حق الفيس بتعرفي
وهاك دا الرابط حقهم


https://www.facebook.com/groups/153238708787985/

الدنيا غااالية واقل سرير بيبي بي كم 😏😏😏😏
اعمل ايييييييييييييييية ؟ 😏
تعالى انا حقولك كيف تعملى احلى سرير بيبي من قفص فاكهة ب 10 جنية
تابعينى كدة وصحصحى معايا

#تعـــديل
تجيبي اسفنج خفيف للجوانب

مسدس شمع

القاعده لحاف قطن او اسفنج ومعاو زي البطانيه مبطن دي

تلبيسه ع ذووووقك طبعـا يلا مامات وداعــا للسرير بقي 3مليـــون

تعديـــل

للنــاس البضحــــكو دي ف نـــاس مـــاعنــدهم امكـانيــــه للشـــراء لــي الناس تعمـــل اختـــراح بســـــيـــــط عشانـــهم

الناس اللي عندها رغبة تتزوج
بدال تجيب مصور
اشتري كاميرا
واديها لواحد من اخوانك يوثق ليك

بدال تاجر صالة
اظبط بي تكاليفها سطوح او حوش البيت

بدال تجيب طباخ
النسوان اللي بيجو يتبطحو اليطبخو ليك

بدال تجيب فنان
خلى شباب الحلة يبدعو ليك

بدال تجيب في الشيلة دلاقين
خليها عبايتين

وقدر م الله اداك كثر من الدهب لانو بيرجع ليك

ازيد ولا كفاية؟؟

#النصيحة

حاج برعي راجلا كلس ودغري بالحيييل ومابعرف الفارغة تب ؛ وراجل حوبات بالصح ؛ البكا الفي متصدرلو الفرح الفي الفريق ساترو تب المحتاج بقع فوقو والمشكلة الحاصلة مابحلها الا هو . اها في شان كدي ناس الحلة اتفقوا وعملوه العمدة للحي وفتح ديوان جدو القديم وفرشو وبقى مجلس للشورة وحل الشبك
اها يوم قاعد فوق ديوانو وكبار الحي قاعدين معاهو والشاي حايم والجبنة مدورة جاهم عثمان الاطرش جاري وتوووش دخل الديوان
ابوي ابوي .... ؛ مالك ياجنا جاري كدي متل الفاكنك بي نبلة قول بسم الله شن حصل
اسمع يابوي الشيخ .. دنقر فوق اضان الشيخ واها ودددددد والشيخ مطير عويناتو ومخلوع في البسمعو دا
قلتا شنو ؟!!! زي ماقلتا ليك ابوي
هنا فوق حلتنا دي ؟!
اي يابوي
هلا هلا يالحلة البقت مسخرة
ارحكا معاي وناولني العمة دي والسوط من الحيطة
رجال الحلة انخلعوا وقاموا في ورا حاج البرعي
وصل الحاج لي حديقة الحلة العاملنها ناس المحلية ؛ حديقة جديدة عملوها للترفية واجتماعات الحي
دخل الحاج برعي والاطرش وباقي الرجال بي وراه
عثمان
اي ابوي
اقفل الباب دا واقيف فوقو
سمح ابوي الحاج
ماشاء الله تبارك الله ؛ زي ماقال لي الاطرش الوليدات قاعدين مع البنيات جوز جوز في الترابيظ يشربن في العصير !!!
اها تعال انت منو
انا ... انا
انت بالنيني ماتتكلم ولا فالح في الكلام مع الحريم
انا ولد الطاهر
الطاهر حقنا الوااحد دا؟
اي يابوي الحاج
اها والبنية دي منو ؟
دي جارتي بت السرة
ونان السرة عارفا بتها قاعدة بي جاي؟
لا ماعارفا ياابوي الحاج
وقت امها ماعارفا انت خبارك ؟ خاطبا
لا لا
متكلم فوقا يعني ؟!
لا لا
ايواااا ؛ كلكم كدي يعني ؛ سمح
الاطرش ياولد ياعثمان
اي ابوي الحاج جيتك
امشي نادلي خوجلي الماذون وماتجي الا هو في يدك ؛ وقولو يجيب الدفتر معاهو
سمح ابوي ..
زول الليلة يطلع من هنا مافي ؛ وكلللكم بعقدلكم والعندو رأي اليقولو والمابي سوطي دا بيابا ضهرو
قجت الحديقة بي زغاريد الفتيات واندهاش الشباب
ومازال الحاج البرعي في انتظار المازون

اقعدو عااافية ..
ابتهاج النمر

اتمني اي بنت تقرأ الاستشارة دي بتمعن عشان تعرف تفكير بعض الأولاد تجاهك ودائما بنقول (ليس كل شي يلمع ذهبا 😏😏)
..
💔💔
إستشاره رقم 10416
* اي تعليق غير لائق يعرض صاحبه للحظر*
* لتصلك منشوراتنا اضغط لايك و علق*

السﻻم عليكم
اقسم بالله اقول الحق

دايراكم يا اخواني ترشدوني اعمل شنو
انا عندي زولي الي متفقين علي انو يجي لي ابوي قريب . انا كنتا شاكا فيهو والليله اكتشفتا كلمه السر بتاعت صفحتو ودخلتها ولقيت المفاجاءة لقيتو مرسل صوري لاصحابو وونساتم كلهم بزيئه وكﻻم ﻻحوﻻ وﻻقوه الا بالله ولقيتو متكلم ليهم عني نظام انا مجرد تسليه وداير يعمل فيني كده وكده فأنا قمتا صورتا الدردشه ودايراكم توروني اتصرف معاهو كيف وجزاكم الله خير وربنا يستر عليكم جميعآ

بسم الله الرحمن الرحيم

المركز للقومي للتحكم
ينوه المركز القومي للتحكم بالشبكة القومية للكهرباء عن حدوث اطفاء كامل للشبكة ، وانه تجري عميلة استعادة الشبكة وربط محطات التوليد، وسترجع الكهرباء تدريجيا
المركز القومي للتحكم
الأربعاء 10يناير2018

عوض يقول لمرتو : لو دخلت بمشروع وفشلت فيو .
اسوي شنو ؟!!
قالت : جرب مشروع غيرو .
قال : طيب ولو نجحت فيو اسوي شنو ؟!!
قالت : توسّع مشروعك وتفتح مشاريع جديدة .

قال : طيب انتي شنو رأيك بمشروع زواجنا فاشل ولا ناجح ؟!!.
يقولوا المرة لحد الآن ساكتة 😳
لو قالت فاشل ح يجرب غيرها .
ولو قالت ناجح ح يتوسع ب مشاريع أخرى ....
الله لا يوفقك يا عوض جابلها مرض التوحد 😂😂😂😂

ﺩﻩ ﺍﻟﺴﻮﺩﺍﻥ .
ﻣﻮﻗﻒ ﺣﺪﺙ ﻟﺸﺨﺼﻰ ﻭﻳﺪﻋﻮ ﻟﻠﺘﺄﻣﻞ ..
* ﻓﺘﺔ ﻛﺎﺍﺍﺍﺍﺍﺭﺑﺔ *
ﻗﺒﻠﻰ ﻳﻮﻣﻴﻦ ﻛﻨﺖ ﺑﻔﺘﺶ ﻓﻰ ﻓﻮﻝ ، ﺭﺟﻠﻴﻨﻰ ﺳﺎﻗﻨﻰ ﻟﻰ ﺩﻛﻴﻜﻴﻦ ﺭﻓﻮﻓﻪ ﻣﻬﻠﻬﻠﺔ ﻭﺗﻌﺒﺎﻧﺔ ﻭﺷﺤﻴﺤﺔ ، ﺭﻑ ﻣﻠﻴﺎﻥ ﻭﺗﻼﺗﺔ ﻓﺎﺿﻴﺎﺕ ﻭﻋﻠﻰ ﺍﻻﺭﺽ ﻛﻮﻳﺴﺎﺕ ﺧﻴﺶ ﻓﻴﻬﻦ ، ﻋﻄﺮﻭﻥ ، ﻗﺮﻓﺔ ، ﺑﻦ ﻭﺳﻴﺪ ﺍﻟﺪﻛﺎﻥ ﻛﺎﻥ ﻗﺎﻋﺪ ﻋﻠﻰ ﺷﻮﺍﻝ ﻭﺑﻴﻨﻀﻒ ﻓﻰ ﻓﻮﻝ ﺑﻜﺮﺓ ، ﻭﻗﺒﻠﻰ ﻣﺎ ﺍﺳﺄﻟﻪ ﻟﻤﺤﺖ ﻗﺪﺭﺓ ﺍﻟﻔﻮﻝ ﻣﺨﺘﻮﺗﺔ ﺑﻰ ﺟﻤﺒﺔ ، ﻓﺘﺤﺘﻬﺎ ﻟﻘﻴﺖ ﻓﻴﻬﺎ ﺑﺎﻗﻰ ﻓﻮﻝ ، ﻃﻮﺍﻟﻰ ﻧﺎﻭﻟﺘﻮ ﺟﻜﻰ ﻭﻗﻠﺖ ﻟﻴﻬﻮ ﺍﺩﻳﻨﻰ ﻓﻮﻝ ﺑﻰ ﺧﻤﺴﺔ .. ﻗﺎﻝ ﻟﻰ : ﻓﻮﻝ ﺧﻠﺼﺎﻥ ﻭﺍﻟﻠﻪ .. ﺍﻧﺎ ﺍﺳﺘﻐﺮﺑﺖ ﺟﺪﺍ ، ﻻﻧﻪ ﻣﻊ ﺍﻟﻈﺮﻭﻑ ﺍﻟﻄﺎﺣﻨﺔ ﺩﻯ ﺑﻼ ﺧﺠﻠﺔ ﻣﻤﻜﻦ ﻳﺒﻴﻌﻮ ﻣﻮﻳﺔ ﻏﺴﻴﻞ ﺍﻟﻘﺪﺭﺓ ﺑﺎﻟﻤﻠﻌﻘﺔ .. ﻗﻠﺖ ﻟﻴﻬﻮ : ﻳﺎﺧﻰ ﺍﻟﻘﺪﺭﺓ ﻓﻴﻬﺎ ﻓﻮﻝ .. ﻗﺎﻝ ﻟﻰ : ﻣﺤﺠﻮﺯ .. ﻗﻠﺖ ﻟﻴﻬﻮ : ﻻ ﻛﺎﻥ ﻛﺪﻯ ﺍﻟﻠﻪ ﻳﺴﻬﻠﻬﺎ ﻋﻠﻴﻚ ﻭﻋﻠﻴﻨﺎ ﻭﻗﺒﻠﻰ ﺍﺗﺤﺮﻙ ﺧﻄﻮﺓ ﻟﻘﻴﺖ ﺳﺘﺔ ﻃﻠﺒﺔ ﺍﺳﺎﺱ ﺍﻋﻤﺎﺭﻫﻢ ﻣﺘﻔﺎﻭﺗﺔ ﺟﻮ ﺩﺍﺧﻠﻴﻦ ﺍﻟﺪﻛﺎﻥ ﻭﻻﺣﻈﺖ ﻓﻰ ﺧﻤﺴﺔ ﻣﻦ ﺍﻟﻄﻠﺒﺔ ﺑﻴﻨﺎﺗﻬﻢ ﺷﺒﻪ ﻛﺒﻴﺮ ﻭﻭﺍﺣﺪ ﻣﻨﻬﻢ ﺩﺧﻞ ﺟﻮﻩ ﺍﺗﻨﺎﻭﻝ ﺻﺤﻦ ﺑﻼﺳﺘﻴﻚ ﻛﺒﻴﺮ ﻣﻦ ﺍﻟﻨﻮﻋﻴﺔ ﺑﺘﺎﻋﺔ ﻋﺮﺽ ﺍﻟﺒﻬﺎﺭﺍﺕ ﻭﻣﻦ ﺗﺤﺖ ﺍﻟﺒﻨﻚ ﺍﺗﻨﺎﻭﻝ ﻛﻴﺲ ﻋﻴﺶ ﻭﻃﻠﻊ ﺑﺮﻩ ﻭﺑﻘﻰ ﻳﻘﻄﻊ ﺍﻟﻌﻴﺶ ﻓﺘﻪ ﻣﻊ ﺍﺻﺤﺎﺑﻪ .. ﻟﺤﻈﺘﻬﺎ ﺍﻧﺎ ﺍﻧﺸﻐﻠﺖ ﺑﺎﻟﺮﺩ ﻋﻠﻰ ﺍﻟﻮﺍﺗﺴﺎﺏ ﻭﺍﺗﺼﻔﺢ ﺍﻟﻔﻴﺲ ﺑﻮﻙ ﻭﺍﻧﺪﻣﺠﺖ ﺷﺪﻳﺪ ﻭﻟﻤﺎ ﺭﺟﻌﺖ ﻟﻠﻮﺍﻗﻊ ﻟﻘﻴﺖ ﺍﻭﻻﺩ ﺍﻻﺳﺎﺱ ﺯﺑﻄﻮ ﺍﻟﻔﺘﺔ ﻭﻗﻌﺪﻭ ﻳﺎﻛﻠﻮ ﻭﻋﻤﻚ ﺳﻴﺪ ﺍﻟﺪﻛﺎﻥ ﻏﺴﻞ ﻳﺪﻭ ﻭﻗﺎﻝ ﻟﻰ : ﺗﻌﺎﻝ ﺍﻓﻄﺮ ﻣﻌﺎﻧﺎ ﻳﺎ ﺯﻭﻝ ﻭﺍﻧﺎ ﻗﺪﺭ ﻣﺎ ﺣﺎﻭﻟﺖ ﺍﻋﺘﺬﺭ ﻟﻜﻦ ﻋﻤﻚ ﺣﻠﻒ ﺑﺎﻟﺤﺮﺍﻡ ﺍﻻ ﺍﺩﺧﻞ ﻳﺪﻯ .. ﺍﻻﻭﻻﺩ ﺧﺘﻮ ﻟﻰ ﺻﻨﺪﻭﻕ ﺑﻴﺒﺴﻰ ﻭﻗﻌﺪﺕ ﺍﻛﻞ ﻣﻌﺎﻫﻢ ، ﻣﻦ ﺷﺪﺓ ﺟﻤﺎﻝ ﺍﻟﻔﺘﺔ ﺍﻧﺎ ﺍﺧﺮ ﻭﺍﺣﺪ ﻗﺎﻡ ﻣﻦ ﺍﻟﺼﺤﻦ .. ﺍﻟﻤﻬﻢ ﺷﻠﺖ ﺟﻜﻰ ﻭﺷﻜﺮﺕ ﻋﻤﻚ ﻭﺑﻘﻴﺖ ﻣﺘﺨﺎﺭﺝ ﻭﻫﻮ ﻭﺩﻋﻨﻰ ﺑﺎﺑﺘﺴﺎﻣﺔ ﻭﻟﻤﺎ ﻣﺮﻗﺖ ﻣﺘﺮﻳﻦ ﻣﻦ ﺍﻟﺪﻛﺎﻥ ﻟﻘﻴﺖ ﺍﻻﻭﻻﺩ ﺍﻻﻛﻠﺖ ﻣﻌﺎﻫﻢ ﺍﻟﻔﺘﺔ ﻣﺎﺷﻴﻦ ﺑﻰ ﻗﺪﻟﺔ ﺑﻌﺪ ﻭﺟﺒﺔ ﺍﻟﻔﺘﺔ ﺍﻟﻤﻌﺘﺒﺮﺓ .. ﺑﻘﻴﺖ ﺍﺷﺎﻏﻞ ﻓﻴﻬﻢ ﻭﺍﺗﻮﻧﺲ ﻣﻌﺎﻫﻢ ﻭﻓﻴﻬﻢ ﻭﺍﺣﺪ ﻋﺮﺝ ﻣﻌﺎﻯ ﻟﻠﺸﺎﺭﻉ ﺍﻟﺒﻮﺩﻳﻨﻰ ﻟﻰ ﺑﻴﺘﻰ .. ﻗﻠﺖ ﻟﻴﻬﻮ ﺍﻟﻔﺘﺔ ﺍﺧﻴﺮ ﻣﻦ ﺍﻟﺴﻨﺪﻭﺗﺸﺎﺕ ﻭﻛﻮﻳﺲ ﺍﻧﻜﻢ ﺑﺘﻌﻤﻠﻮ ﺷﻴﺮﻧﻖ ﻣﻊ ﺑﻌﺾ .. ﻗﺎﻝ ﻟﻰ : ﺍﻟﻔﺘﺔ ﺍﻻﻛﻠﻨﺎﻫﺎ ﺩﻯ ﻣﺠﺎﻥ ﺳﺎﻛﺖ .. ﻗﻠﺖ ﻟﻴﻬﻮ : ﺍﻧﺘﻮ ﺑﺘﺒﻘﻮ ﻟﻰ ﺳﻴﺪ ﺍﻟﺪﻛﺎﻥ ﻳﻌﻨﻰ؟؟؟؟؟ .
ﻗﺎﻝ ﻟﻰ : ﻻ ﻻ ﻣﺎ ﺑﻨﻌﺮﻓﻮ .. ﻟﻜﻦ ﺍﻧﺎ ﻭﺍﺻﺤﺎﺑﻰ ﺩﻳﻞ ﻣﻦ ﻣﺎ ﺍﻟﻤﺪﺭﺳﺔ ﻓﺘﺤﺖ ﻭﻫﻮ ﺑﻴﺄﻛﻠﻨﺎ ﻳﻮﻣﺎﺍﺍﺍﺗﻰ ﻓﺘﺔ ﻭﻣﺎ ﺑﺪﻓﻌﻨﺎ .. ﻭﻗﻔﺖ ﻭﻋﺎﻳﻨﺖ ﻟﻴﻬﻮ ﻣﺴﺎﺍﺍﺍﺍﺍﺍﻓﺔ .. ﻗﺎﻝ ﻟﻰ : ﺍﺻﻠﻮ ﺍﻻﻭﻻﺩ ﺍﻟﺨﻤﺴﺔ ﺍﻟﻤﻌﺎﻯ ﻛﻠﻬﻢ ﺍﺧﻮﺍﻥ ﻭﺍﺑﻮﻫﻢ ﻣﺎﺕ ﻭﺳﻴﺪ ﺍﻟﺪﻛﺎﻥ ﻋﺮﻑ ﺍﻧﻬﻢ ﻛﻞ ﻳﻮﻡ ﺑﻴﺮﺟﻌﻮ ﻣﻦ ﺍﻟﻤﺪﺭﺳﺔ ﻟﻠﺒﻴﺖ ﺑﻼ ﻓﻄﻮﺭ ﻓﻘﺎﻝ ﻟﻴﻬﻢ ﻛﻞ ﻳﻮﻡ ﻓﻄﻮﺭﻛﻢ ﻋﻠﻰ ﻭﺍﻧﺎ ﻋﺸﺎﻥ ﺻﺎﺣﺒﻬﻢ ﺑﻘﻴﺖ ﻛﻠﻮ ﻳﻮﻡ ﺍﺟﻰ ﻭﺍﻓﻄﺮ ﻣﻌﺎﻫﻢ .
# ﻣﺸﻴﺖ ﻣﻨﻮ ﻭﻏﻠﺒﻨﻰ ﺍﻟﻨﻀﻢ

#بعد سنوات من الغربه قررتا العوده الي السودان،تزكرت كلام الحاجه والأخوات وحديثهم لي عن العرس،قطعتا معايا شنطة العرس وماعارف ست القسمه حتي!!
نزلتا الوطن وتعال شوف العزومات والناس البتبارك في أهلي بسلامه العوده، وأشوف ليك صف المترقبات والعشمانات، وهاك ياعروض ومواصفات وآاااخر الموضات والصيحات، أشكال وألوان، مخير الله جنس ظرافه ولطافه ورشاقه وفسخ وجنس خفة دم تقول انا حكم في لجنة إختيار ملكة جمال أفريقيا، لكن النصيحه لي الله وأصدقكم القول أنا شناف شديد وعجبي قاسي،لحظتا مافي راسي واحده، أساسا سافرتا طولتا شديد وجيت مسطح تب، بنات أخواتي يادووبك بحفظ في أشكالهم وأساميهم،خليك من أكون خاتي لي واحده معينه!!
الايام مشت واكتر من شهرين من جيتي والاهل والأصحاب بسألو فيني أها ماخلاص نويت تفتح بيتك؟؟ يشيلو ويوصفو ليا في البنات ويشكرو، أيات بت جيرانا وسهير أخت صاحبي وعبله بت عمي وجواهر دفعت بت أختي ومها بت خالي، ماخلو ليا بت مازكروها وأنا ولا علي بالي . بس شغال ليهم شنطة عرسي قاعده تسمع في كلامكم، أسوي شنو عاد تاني.
الشباب ياأخ أتحرك إتلحلح حبه سوي ليك همه معانا، يوم عازمني عرس في الشنقيطي ويوم في شارع المطار ويوم في سيذر ويجيبو كوتة بنات جديده وأنا أشيل وأقول ليهم ماعجبني، أخيرا زهجو مني عديل ورفضو حديث معاي في العرس.
يوم قااااعد في بيتنا أسمع ليك باب الحوش كغير العاده وتووووش تدخل بنيه وتنط فوقي وأستلما ذي حارس المرمي ظط كده بين يديني، عيونا مبالغه كاحله بلا كحل تبارك الخالق وشعرا هنديه بس ونخرتا عمود وفيها لدانة جسم تقول خليجية سبحان البارئ، معاها أمها، بعد بلعتا ريقي واستجمعتا باقي قواي ونزلتا البنه الواطه قلتا ليهم:في شنو؟! أمها:معليش ياولدي سماح بتي دي أصلها بتخاف من الكلب وشافتو إتخلعت دخلت هنا، أعفي لينا ياولدي علي الكركبه دي، أنا: معقوله عادي عادي يا خاله إتفضلو إتفضلو وانا عيوني مشدوده في سماحة سماح، ناديت علي أمي وعزة أختي جوكم ضيوف، أم سماح سلمت علي أمي وعرفتهم بنفسها وقالت:نحنا أهل جيرانكم حاج سعيد الدنقلاوي الفي آخر الشارع حقكم دأ، بعد أكرموهم وقدموهم قالو لي ناس أمي إلا تجونا زياره.
قلتا لي أمي شفتي سماح دي أياها عروسي ذااااتا، أشوف ليك أختي تشق صمت الفريق بي زغروده مدنكله،سألو منها وخطبوها ليا، إتزوجنا علي سنة الله ورسولو.
نحنا قاعدين في كوشة العرس يجي صاحبي شليق كده مبروووك يابكووور أخيييرآ،لكن تعال هنا ياماعندك خوووه البت دي لقيتا وين؟؟! قلتا ليهو والله جابا ليا الكلب،بالله سماح تضحك جنس ضحك تقول تقع من الكوشه،وصاحبي ميت من الضحك .
‏#كسرة:بقول لكل بت في القروب معانا هنا قسمتك بتجيك لحدي عندك والله
‏#هذا المنشور برعاية كريمه من شركة دال ومصنع الغفران لمعجون الأسنان
‏#بكري الضقالي