طيب حنتكلم عن المندوله ناس كتار مابعرفوها😀
هي اصلا مصنوعه من السعف زي ما شايفين جواها صحن غريق اسمو القدح
المندوله تراث دارفوري من العادات في الاعراس
انو القدح بتتخت فيه العصيده بملاح تقليه بطريقه معينه وتحتها فناجين سمن وعسل وكمان دجاج محشي حمام والحمام محشي بيض
والبلقا الحاجات دي بقولو عليه سعيد وبخيت
المندوله بتشيلا مرة ومفروض تمشي برجليها لحد ما توصلا للعريس وهو يكون وسط احتفالات وزغاريد
بعد ما ياكلو الفي المندوله السمحه دي
بملوها قرووش ويرجعوها لأهل العروس
كمان المندوله بضيفو بيها الضيوف وبتكون فيها عصيده او ملانه شيه او لبن او روب او
شعيريه
وده كلو دليل علي كرم وضيافه وبشاشه الشعب السوداني ❤

منقولة
❥:
واحده بتقول :

أنا شوفتو وهو طالع من صلاة الجمعة كنت ماشة ناس حبوبتي ...
كان هو الخطيب بتاع الجامع الجمبنا عيني جات في عينو فجأة وهو بيتكلم مع واحد..
قلبي اول ما شافو دق كدا دق دق 😂 المهم في حاجة جواي عملت شححح..
وقتها كنت ماشة مع صاحبتي كانت بتتكلم معاي لساني اتربط بقيت ما عارفة انطق كلمة واحدة.. ف هي اتخلعت امكن افتكرتني اتشليت ولا حاجة 😂 بقت تقول لي "أنتي كويسة في شنو يابت " وانا ماشة سرحانة زي ما أكون أذنبت عشان ما غضيت بصري فعاقبني الله بحبو من اول نظره...
كنت طول اليوم سرحانة وشغالة اتبسم براي وبس ،
بعدها مرت فترة طووويلة وكل يوم جمعة قبل ما الصلاة تخلص وهم لسة في الركعة الاخيرة أطلع اعمل روحي ماشة عند صاحبتي ال بيتهم قدام الجامع طوالي وبمشي براااحة عشان اشوفو بس للأسف ما كنت بلاقيه ..
من يوما واختفي نهائي ، نسيتو بس قلبي لسة بدق كل ما بتزكر عيونو بسرح في دنيا تااانية ،
مرت سنة ونص علي اليوم داك وانا طول السنة ونص دي كنت بدعي انو يكون من نصيبي ..
وفي يوم جات مسابقة قران اعلنوها في الجامع وبما اني الحمدلله كنت بمشي حصص تحفيظ القرآن وربنا رزقني احفظ كتيير قررت إني ادخلها وكده يعني بالمرة اعمل شي مفيد في حياتي اهلي يفتخرو بيه ؛ وفعلا مشيت سجلت إسمي وتاني يوم من الصباح لبست عبايتي واتحجبت كويس وجيت واول ما دخلت لاقيتو قدامي هو ومجموعة من الشيوخ معاه.. أول ماشوفتو بديت اتوتر شديد تقول صبت فيني مطرة ويدي ديل عرقوو كبو موية.. ونسيت كل ال كنت حافظاه من سور صغيرة او كبيرة
قعدت قدامو عشان أسمع ليه البعرفو..
سألني وقال لي ابدي من أول سورة حافظاها
نسيت اي حاجة بقيت ما قادرة انطق شي من التوتر حاولت اعاين في الارض شايفاها رهاب رهاب من التوتر ..
وهو انا اصلا ما رفعت عيوني من الارض ف ما قدرت اجاوب قلت ليه نسيت..
قام الشيخ المعاه زول كبير كدا قال لي تعالي يا بتي قعدت قدامو
سألني هو وبديت اقرا ليه الحافظاه عادي وما غلطه ولا غلطه..
جا دورو تاني فسألني عن التجويد برضو اي شي قريتو طار من عقلي وما عرفت اجاوب نهائي بس بقيت بعاين في الارض..
الكان بخليني اتوتر هو صوتو بدخل جواي بخلي قلبي يدق يدق بطريقة رهيبة..
وقعدت زي الصنم قدامو كمان بس بعاين في الارض وقلت ليه ما عارفة.. وشغالة ادعك في يدي بعصبية لدرجة اي حد ممكن يلاحظني..

وبرضو اتدخل الشيخ التاني وقال لي اهدي كدا يابتي وسألني حوالي سبعة اسئلة جاوبتهم كلهم بدون غلط..

لما انتهو جاني صوتو بارك الله فيك وبهظار بس اشمعنا اسئلتي الما جاوبتيها وضحك.. انا ساعتها قلبي اتفتفت كل حتة في مكان اظن.. وما باقي لي الا اجري،، كان من جواي حاجة بتقول لي يا دانية اجري بس قومي نجري قبال تحصل بلوة..

جاني صوتو تاني انتي داخلة ب 27 جزء صح ؟
كنت مركزة في الارض غالبني ارفع عيوني..
قلت ليه لا ب 3
قال لي 3 كيف؟
انتي هسي مجاوبة اسئلة في سورة العمران والانفال والتوبة..
رديت عليه بعصبية انا ما عارفة ...
وحسيت وقتها بضيق وعيوني بدت تدمع..
ف شال ملفي من قدام الشيخ التاني وقعد يعاين فيه مسااافة يشوف انا حافظة كم جزء وفجأة ابتسم وقال لي يادوب انا عرفت انتي متوترة لشنو ابوك بره معاك؟

الشيخ الجمبو قال ليه ما دي بت فلان الفلاني

قلت ليه لا ما معاي انا براي وبعدها قالو لي خلاص ممكن تمشي.. قمت سريع وعيوني مليانة دموع مخنوقة من العبرة ومن جواي ياريتني ما جيت..

رجعت البيت دخلت استحميت ولبسته قلت ل أمي انا ماشة ل صاحبتي شوية وبرجع
وفعلا طلعت وجيت ل ياسمين مسافة لبست وطلعنا نغير جو شوية بعد الحكيتو ليها..
بعد تلاتة ساعات بالضبط تلفوني ضرب لقيتو ابوي..
ياسمين دا ابوي واااي شكلي اتأخرته الليلة ابوي ح يشاكلني رديت بخوف الووو ابوي انا جاية جمب البيت والله العظيم انا كلمت امي اني طالعة لي ياسمين
ف جاني صوت ابوي بضحك يا دانية شيخ أحمد لاقاني هسي وجا معاي البيت وقال انك مفترض تتسألي عشرة اسئلة وانتي اتسألتي تسعة بقي في سؤال ناقص عشان كدا جا البيت يسألك السؤال انك موافقة تبقي مرتو علي سنة الله ورسوله؟!
في الساعة ديك يا نهار اسود علي دقات قلبي عايز يغمي علي وياسمين دي اتهجمت وقت شافتني منططه عيوني
ابوي في التلفون دانية الوو دانية الوو الوو يابتي ما تردي حتي السؤال دا نسيتي اجابتو برضو هههههه
ف سامعة صوت شيخ احمد بتكلم معاه في حاجة يا عمي ما تكون ماتت من الصدمة وسامعة صوت الضحك😂😂😂
بعدها اتخطبنا زي تسعة شهور كدا والحمدلله كنا ملتزمين بضوابط الخطوبة حتي كلام في الموبايل ممنوع،، بس كل جمعة كنت بمشي الجامع اسمع الخطبة بتاعتو وارجع البيت،، كان كل جمعة بيخطب بدرس جديد اتعلمت منو حاجات كتيرة..
والحمدلله اتزوجنا واول جملة قالا لي بعد العقد
" خليتيني امشي اخطب في جامع في بلد تانية من اول ما شفتك عشان ما اغضب ربنا فيك " ،،،
عايز اقول ليك سر ان ال عقد لينا هو شيخ دفع الله وطول العقد كان ب

قول لي يادوب بس عرفت هي لي كانت متوترة ..!😂

وعرسنا ومعانا هسي رقية وخديجة 🙊🌸🌻

الحب الحلال حلو شدييد حلووو والله "💙

#الحب_الحلال 💚

ان كنت من الذين يترفعوا عن تلك اللغة السوقية الهابطة مثل ...#زيتون ...#للدين ...#يااصلي
وهلُم جرا...

انت مكانك هذه القناة 👇

زول فوق في الزمن التحت

📎 لینک ساز 📎:
ان كنت من الذين يترفعوا عن تلك اللغة السوقية الهابطة مثل ...#زيتون ...#للدين ...#يااصلي
وهلُم جرا...

انت مكانك هذه القناة 👇

زول فوق في الزمن التحت

#حب_مجنون عرس مجااااان

إنتي عارفه يا أمي أنا داير أعرس .
أمو : أجي سجم خشمي تعرس بي شنو وانت ياداااب اتخرجت وشهادتك ما إستلمتهتا لسه ودي بت منو البترضي بي واحد عاطل ومفلس زيك كدا .
محمد: في البترضي بي ومستعده تعيش معاي في اي حته ان شاء الله كان راكوبه ماعندها مشكله .
امو : ودي منو تعيسة الحظ دي ؟
محمد: دي مروه بت عمي عثمان اها رايك فيها شنو ؟؟
امو : أجيي عاد مروه بت السرور سماحة الدنيا عليها بس كيفن بترضي بيك آالعولاق .
محمد: والله كان شفتي يا امي مروه دي كمان ما مكسره الا في العولاق دا عشان كدا انتي كلمي ابوي يبيع لي بقرتين يعرس لي بين ..
امو قالت ليو والله انا خايفه اكلم ابوك يدقني انا اول حتي يقبل عليك انت..
واليوم التاني محمد جاء من بره يسمع ليك الجوطه والكواريك في بيتهم جري جوه لقي ليك أبوهو وأمو الشكله قااايمه ودق شديد ومن خش محمد أبوهو استلمو ..واداو ليك خرطوشين في ضهرو ويسوي ليو بتدور تعرس مش؟؟
انت كدي ابقي راجل اول اشتغل وقول داير اعرس ..قال داير يعرس يعرس ركبيك وطرااااخ يديو بالسوط وكمان دايرني ابيع ليك البقرات آالنجيض وتاكل شنو يا الخايب قوم تقوم قيامتك وسيرة العرس دي لو جبتها لي تاني بكتلك اشتغل اول بعداك اتفاصح .
محمد فات حزين ومشي جمب بيت ناس مروه وكورك ليها جاتو مارقه : حمودي حبيبي اها ابوك وافق انو نعرس؟
محمد : والله يا مروه قلت لي امي تكلم ابوي والله ابوي الا دقانا انا وأمي وأخدنا لينا علقه صباحيه والله ابوي قال لي لو جبت لي سيره العرس بكتلك..
مروه : سجم خشمي يكتلك كيفن ..اها والحل شنو ؟
محمد : الا اخطفك ونهرب.و لا نعرس عرفي ؟؟ ولاااا
مروه لبعتو في ضهرو ها الخليقه دا شوف لينا فكره سمحه افكارك الشينه دي ..
محمد: والله انا غلبني يا مروه اديني فكره انتي ؟
مروه سرحت بعيييد وفكرت وفكرت وقالت ليو اصلو انت لو جيتني بالباب العدييل دا بتندقا بتندقا بس جاتني فكره لازم نلتزم بيها سوا ..
محمد قال ليها : قولي قولي وأتحفيني يا أبو الأفكار ..
مروه قالت ليو : وس وس وس ..ومحمد هههههههههاي فكاها ليك ضحك ومد ليها يدو وقال ليها اتفقنا ..
وفات منها..
بعد يومين محمد لقوهو يلقط في الكوشه في طرف الحله نصصص النهار وسموم يلفح..واي مره تجي تشكي منو داقي ولدها ..محمد جن وبقي مفوت وناس الحله كلهم عرفوهو وعذب أبوهو وأمو عذاب ..بعد بقو يدوهو منوم ينوم نص اليوم ويصحي نص اليوم..

وبهناك مروه بقت تناضم براها مرات تقول شعر ومرات تقول هي ملكة جمال الخليج وتنكش شعرها ومرات تتمسح بي باقة الزيت كلها قالت عشان تبقي سمحه ..وقالت الصلصه بتبقي البت حمراء اتجلبطت بيها كلها ..
وأمها تجيها : أحييي انا منك المجنونه اسوي ليك شنو اسوي ليك شنو وتمسك تجضما والجضيمه ولا بتمسك عشان ممسحه بي ودك الشعر كلو ..وأمها كل يوم داقاها . وبقت نهاااائي ما بتطمن وقت تطلع وتخلي مروه وراها ..ياخ مره فاتت خلتا بي وراها جات لقتا حممت الغنمايه وريحتا بي ريحة أمها كلها ولبستا توب أمها الجديد بتاع السهرات داك وقالت غنمايتنا عروس ..
وأمها جات لمن شافت الغنمايه لابسه توبها وممسحه ومريحه قربت تنجلط...
عشان كدا بقت نهااائي ما بتخليها بي قفاها ..
وفي يوم كانت ماشه ناس سعديه ام محمد قالت لي مروه اتشطفي سايقاك معاي محل طوالي مروه ولا صدقت خشت الحمام وكبت جردل المويه من فوق ليها جات لي أمها مويتا تشر وقالت ليها ارح انا جاهزه..
أمها دي قربت تبكي قالت ليها خلاص هاك اقلعي هدومك البتشر دي والبسي العبايه دي يا المتخلفه..

بعد شويه طلعن فاتن خشن بيت ناس محمد لقنو متعابط في أمو عباطه جد ..
ومن جن داخلات مروه وأمها قعد رااايق يتونس مع مروه ويضحك وراقو روقه عجيبه ..
ام محمد قالت ليها عليك الله شوفي المجانين ديل متفاهمين كيف بتونسو ومبسوطين..
ام مروه قالت ليها خلاص كان بروقو كدا من بكره نديكم البت دي ونعقد ليهم سوا كان يعقلو شويه اصلاً المجنونه دي ما بلقي زول يرضي بيها غير محمد دا ..ام محمد قالت ليها والله فكره كان بكره نكلم ابواتهم ..
وفعلا تمو كم يوم كدا واقنعو ابواتهم ولقطو ليهم من جاي لي جاي طقو عقدو ليهم وعرسو ليهم وعملو ليهم حفله الناس شبعو فيها ضحك ورقيص واي زول مستغرب في العرس الغريب ..
غايتو تم العرس والعريس قال حالف الا يسافر كسلا الناس كللهم مستغربين فيو أبوهو باع ليو شوالين عيش سفرهم بيهن ..
عرس محمد مروه وقضو اجمل ايام حياتهم كلها ضحك ونكات وكل واحد بحكي للتاني زمان بعمل شنو في اهلو ويقعدو يضحكو الليل كلو بعد طردوهم من الفندق النازلين فيهو ..
أبوهو يضرب ليو داير يطمن عليهم ما يقومو يطشو سوا..اها يا محمد يا ولدي كويسين انتو وكيف عروسك ..؟
محمد قال ليو والله تماام التمام عٍلا طردونا من الفندق ..
أبوهو مات بالضحك هههههههه الله يخيبك الخايب العايب اها وجايين متين يا عرسان السرور ..
محمد قال ليو بكره بنجي ..
واليوم التاني ناس الحله منتظرينهم بي فارغ الصبر .
وصلو محمد وعروسو مرو

ه زي القمر وهم عاقلييين ورايقيين لمن أهلهم كلهم محتارين فيهم ..
الناس رجعو نصاااح زي الما حاصل حاجه..
أبو محمد جراو بالجمبه وقال ليو أها يا ولدي ماشاء الله بقت عاقل ورايق المرا كويسه ؟
قال ليو ابوي حرم مروه دي مرا والنسوان وارا ..
أبوهو قال ليو وجنونك راحت ؟
قال ليو ابوي والله دا مرض حامد ساااااي ظنيتو وهسي راح..
أبوهو مات بالضحك وقال ليو الله يجازيك آالممسوخ.

تمت...

أها رايكم شنو في فكرة محمد ومروه دي ؟
والداير يجرب منو ?
عرس مجااااااااان🙈🙈🙈😜😜😜😜

واحد بيحكي قال ، أمبارح وانا راجع من الشغل وسايق عربيتي في الطريق ، وفجأة خبطني واحد من ورا ، فنزلت من العربية وكان السائق عمك كبير في السن ،
قلت ليهو : سلامة ياحاج ، لكن بصراحة عربيتي دي جديده وبراك شايف ولاخدشه ما فيها وانت هسي اذيتها عديل ،، انت تأمينك شامل وللا ضد الغير وعلى ياتو شركة ياحاج لأنو طبعا انت الغلطان وداقشني من ورا ومحتاج التأمين يصلح لي الضربة.
عمك قال : والله يا ابني انا ما معاي حق الاكل ، حالتي مايعلم بيها الا الله 😢
كيف ادفع غرامة تخطيط حادث لناس المرور وللا أصلح ليك ،، انا ياولدي ماعندي قرش في جيبي ده وتأميني منتهي وما مرخص 😢 ، المهم حن قلبي على حالو وسامحته وواصلت طريقي ،،،
لما وصلت الأستوب🚦كان قافل قمت انا وقفت ، الوراي أظنو سارح قام خبطني من ورا 😰 ،،
فنزلت من العربية سريع الا القاهو ليك هو نفس عمك القبيل 🤠!!
قلت ليهو ياعمك المره دي ما في أي طريقة توقف على جمب ويجي البوليس عشان تصلح لي عربيتي ،،
عمك قعد في الواطه عدييييل وبقى يبكي ويشكي اكثر من اول ، المهم خليتو ومشيت وقلت ربك كريم يعوضني ،،

وانا ماشي في الطريق بعد الكبري لاقاني مطب فخففت السرعة فجأة ،، سمعت ليك بووووم خبطة من ورا ،،
ميلت على الباب عاوز افتح الباب عشان انزل شفت بالمراية نفس عمك القبيل بي وراي
مطلع راسو من الشباك وبقى يأشر لي من بعيد: واصل واصل ياولدي مافي شي ده انا عمك زاااااتي 😂😂😂😂

بشرى سارة 🎁لكل ست بيت 👩🏾‍🍳 سودانية بتبحث عن عدة رمضان شهر البركة من غير تفتش في السوق وتعب ولا حركة

نحن بنوفرة ليك لحدي عندك 🛒

عدة رمضان لكل ستات البيوت السودانيات الجميلات 🧕🧕🏾

يااخونا العنوسه بقت حكايه مخيفه......
والطالبه الزواج في نظري طاهره عفيفه.....
بت العزهن مثبوت وعايله نضيفه.....
تقبل بالزواج لاشرطي لاتعريفه......
*****
يااخوانا الزواج دايرنو يبقي مبسط......
وفي بيت الحلال كل الامور تظبط.....
شيطان الشباب باري البنات ومسلط......
عاداتنا الزمان يااخوانا اجمل وابسط......
****
يااخوانا الزواج اصبح حكايتو حكايه......
اصبح فشخره وبوبار وفايت الغايه.....
صالات للفرح طبيق قروش ودعايه.....
اقبلي بالبسيط انشاءالله توب وعبايه...
******
يااخوانا الزواج ستره وامان وموده.....
اصبح عندو تكلفه زات مابتتعده......
صالات للخمج بعد الضيوف تتغده.......
ارجعو للقديم خلونا هسع نبدا....
****
ياخوانا الزواج فات الشرع والسنه......
صبحت كلو بت دايره القروش تتمنه....
مادام الزواج مافيهو ريد ومحنه......
تبقي بدايتو فاشله وفي النهايه مظنه......
**
يااخوانا الزوج ستره وقبول وتراضي......
خلوهو البزار صرف القروش في الفاضي....
خلونا النتوب نرجع نعود للماضي.....
يبقي زوجنا ستره ومانصل للقاضي.....
***
بدرالدين الشعدينابي

بيت العدة للاواني المنزلية توفر لكم #عدة_رمضان 🤓

في السودان اول ما الضيف يدق الباب 😮💔🔪👏
كل ناس البيت يجرو يخشو الغرفه🏃🏃 😂♨
م تعرف ديل ضيوف ولا مكافحة مخدرات👊🐸😐🌿🌚

😹😹😹🌚❌☺️
صاح ولا م صاح م تضحكو لي ساي ✋👊😂
شايقي دفع حق الكوفير زعلان قاعد مع عروسته في الكوشة امو جات تبارك ليه ماشاءالله ياولدي عروستك ترقش قال ليها يمه البترقش دي قروشى
😂😂😂😂😂😂😂😂😂😂
واحد جاء لي ست شاى وجاب معاهو كيس رغيف وطلب كباية شاى اكل بيها كيس الرغيف كلو وعاين لست الشاى وقال ليها..شاهيك مانفعنى قالت ليها .. ينفعك كيفن و انت عاملو سخينه
😂😂😂😂😂😂😂😂😂😂
ﻋﻤﻚ ﻛﺒﻴﺮ ﻛﺪﺍ ﺟﺎﺗﻮ ﺑﺖ ﺳﻤﺤﺔ ﻓﻲ ﺍﻟﻤﺤﻞ ﻋﺠﺒﺘﻮ ﺷﺪﻳﻴﻴﺪ😍
ﻗﺎﻟﺖ ﻟﻴﻬﻮ ؛ ﺩﻩ ﺩﻛﺎﻧﻚ ﻳﺎ ﺣﺎﺝ ؟😉
ﻗﺎﻝ ﻟﻴﻬﺎ ﺍﻱ ﻭ ﻋﻨﺪﻱ ﻏﻴﺮﻩ ﻣﺼﺎﻧﻊ ﻃﺤﻨﻴﺔ ﻭﻣﺼﻨﻊ ﺗﻌﺒﺌﺔ ﺳﻜﺮ ﻭﻋﻨﺪﻯ 20 ﺩﻛﺎﻥ ﻓﻰ ﺍﻟﺴﻮﻕ ﺍﻟﺸﻌﺒﻰ ﻭﻋﻨﺪﻯ ﻣﺰﺭﻋﺔ ﻓﻴﻬﺎ 1000 ﺑﻘﺮﺓ😆 ﻭﺩﺧﻠﻲ ﻓﻰ ﺍﻟﺸﻬﺮ ﻣﺎ ﻳﻘﻞ ﻣﻦ 2 ﻣﻠﻴﺎﺭ ﻭﺑﻘﻀﻲ ﺍﻹﺟﺎﺯﺍﺕ ﺑﺮﺍ ﺍﻟﺴﻮﺩﺍﻥ ﻓﻰ ﺃﻭﺭﺑﺎ ﺑﻌﺪ ﻣﺎ ﻛﻤﻞ ....
ﻗﺎﻟﺖ ﻟﻴﻪ ﺍﻧﺎ ﺇﻳﻤﺎﻥ ﻣﻦ ﺍﻟﻀﺮﺍﺋﺐ😋
ﻗﺎﻝ ﻟﻴﻬﺎ ﺍﻧﺎ ﻋﻤﻚ ﻋﻤﺮ ﺍﻟﻜﻀﺎﺏ ﻛﺎﻥ ﻣﻐﺎﻟﻄﺎﻧﻲ ﺇﺳﺄﻟﻲ ﻣﻨﻲ ﻧﺎﺱ ﺍﻟﺴﻮﻕ ﺩﻳﻞ😑
😂😂😂😂😂😂😂😂😂😂😂
🚵🌳🌴🌵🌿🌿🌷☘🌿🎂🍰🍺

😂😂😂😂😂😂😂😂😂😂😂..
ﺷﺎﻳﻘﻲ ﺗﻔﺘﻴﺤﻪ ﻣﺸﻰ ﺍﻟﺴﻌﻮﺩﻳﻪ ﺍﺷﺘﻐﻞ
ﺭﺍﻋﻲ ﺍﺑﻞ ﺍﻟﺴﻌﻮﺩﻱ ﺳﺒﻌﻪ ﺷﻬﻮﺭ ﻣﺎ
ﺃﺩﺍﻫﻮ ﻣﺎﻫﻴﻪ ﻭﺍﺧﺮ ﺷﻲ ﻣﺸﻰ ﻓﺘﺢ ﻓﻴﻬﻮ
ﺑﻼﻍ ﻗﺎﻝ ﻟﻲ ﺍﻟﺸﺮﻃﻪ ﻋﻨﺪﻱ ﺭﺍﻋﻲ
ﺳﻌﺮﺍﻥ ﻋﻀﻪ ﺍﻟﻨﺎﻗﻪ ﺣﻘﺘﻲ ﺍﻟﺸﺮﻃﻪ ﺟﻮ
ﺑﺒﻨﺎﺩﻗﻬﻢ ﻗﺎﻟﻮ ﻟﻲ ﺍﻟﺴﻌﻮﺩﻱ ﻭﻳﻨﻬﺎ ﺍﻟﻨﺎﻗﻪ
ﺍﻟﻌﻀﺎﻫﺎ ﺍﻟﺮﺍﻋﻲ ﺟﺎﺏ ﻟﻴﻬﻢ ﻭﺍﺣﺪﻩ
ﻛﺤﻴﺎﻧﻪ ﻗﺎﻝ ﻟﻴﻬﻢ ﻳﺎﻫﺎ ﺩﻱ ﻃﺎﺥ ﺍﺩﻭﻫﺎ
ﻃﻠﻘﻪ ﺍﻟﺸﺎﻳﻘﻲ ﻗﺎﻝ ﻟﻴﻬﻢ ﺍﻧﺎ ﻋﻀﻴﺖ
ﻋﺸﺮﻩ ﻧﻴﺎﻕ ﻏﻴﺮ ﺩﻱ ﻗﺎﻟﻮ ﻟﻴﻬﻮ ﻃﻠﻌﻬﻦ
ﻋﺰﻝ ﺍﺣﺴﻦ ﻋﺸﺮﻩ ﻧﻴﺎﻕ ﻃﻠﻌﻬﻦ ﻗﺎﻝ
ﻟﻴﻚ ﺍﻟﺸﺮﻃﻪ ﺗﻀﺮﺏ ﻓﻴﻬﻦ ﻭﺍﺣﺪﻩ ﻭﺍﺣﺪﻩ
ﺍﻟﺴﻌﻮﺩﻱ ﻗﺎﻝ ﻟﻠﺸﺮﻃﻪ ﺍﻗﻴﻔﻮ ﺍﻟﺰﻭﻝ ﺩﺍ
ﻣﺎﺳﻌﺮﺍﻥ ﺍﻧﺎ ﻛﻀﺒﺘﻪ ﻋﻠﻴﻜﻢ ﺳﺎﻱ
ﻭﺍﻟﻌﺴﺎﻛﺮ ﺷﻐﺎﻟﻴﻦ ﻛﺘﻞ ﻓﻲ ﺍﻟﻨﻴﺎﻕ
ﺍﻟﺸﺎﻳﻘﻲ ﻗﺎﻝ ﻟﻲ ﺍﻟﻌﺴﺎﻛﺮ ﻫﻮ ﺯﺍﺗﻮ ﺍﻧﺎ
ﻋﻀﻴﺘﻮ
😂😂😂😂😂😂😂😂😂😂.
!!!!
ﺳﻌﻮﺩﻱ ﻗﺎﺑﻞ ﺭﺑﺎﻃﺎﺑﻲ ..
ﻗﺎﻝ ﻟﻴﻬﻮ : ﺷﻮ ﺍﺳﻤﻚ ..
ﺍﻟﺮﺑﺎﻃﺎﺑﻲ: ﺍﻧﺎ
ﻋﻜﺎﺷﺔ ﻓﻀﻞ ﺍﻟﺴﻴﺪ .. ﺍﻟﺴﻌﻮﺩﻱ: ﻭﺍﻟﻠﻪ
ﺍﻧﺘﻢ ﺍﻟﺴﻮﺩﺍﻧﻴﻴﻦ ﻣﺎ ﺍﺩﺭﻱ
ﻣﻦ ﻭﻳﻦ ﺗﺠﻴﺒﻮ ﻫﺎ ﺍﻻﺳﺎﻣﻲ .. ﺍﻟﺮﺑﺎﻃﺎﺑﻲ
:
. ﻃﻴﺐ ﺍﻧﺖ ﺍﺳﻤﻚ ﻣﻨﻮ ؟
ﺍﻟﺴﻌﻮﺩﻱ :
ﻣﺴﻬﻞ ﺑﻦ ﺧﺮﻳﺎﻥ ﺍﻟﻤﺒﻌﺮﻱ ..
ﺍﻟﺮﺑﺎﻃﺎﺑﻲ : ﻋﻠﻲ ﺑﺎﻟﻄﻼﻕ
ﺍﺳﻤﻚ ﺩﺍ ﻳﺒﻄﻞ ﺍﻟﻮﺿﻮﺀ

😂😂😂😂😂😂😂😂😂

ياحلييييل زمان
،،
زمن الاكل في المشلعيب
زمن المروق للسمحة عيب
زمن القعاد تحت الدليب
زمن الرقاد في العنقريب !!
،،،
زمن البيوت جالوص وطين
بالحيطة بيمدو العجين !!
زمن الشياب متكومين
في الرادي عند حاج اللمين
،،،
زمن الجواب بجي بالبريد
زمن النفوس كاسيها ريد
زمن الجهال بقرو النشيد
زمن العرش كان الجريد !
،،،
زمن الرسائل بالجواب
زمن البيوت مافيها باب
زمن الدعاهم مستجاب
زمن الكرم ماقالو غاب
،،،
زمن اللعب سيجا وشليل
زمن البقع بيشيلو شيل
زمن البيرفعو للتقيل !!
زمن الكبير كان الدليل
،،،
زمن البلد مافيها غش
زمن العمر ماكان بمش
زمن المرق كان العرش
زمن الجنا البرعى وبهش
،،،
زمن الزرايب والغنم
زمن الرجال بفدوها دم
زمن الولد واقف صنم
زمن الشعر كان كلو نم
،،،
زمن البيوت مسقوفة قش
زمن الجنا الماقالو هش !!
زمن العدو البتحرقو تش
زمن البلوم ماعندو وش
،،،
زمن العرس بي فد هدم
زمن اللكان ناقص بتم
زمن السمح مابنكتم
زمن الدهب مختوم ختم
،،،
زمن البنات هاديات طباع
زمن العرض ماقالو ضاع
زمن السلام في كل قطاع
زمن الزواج بالمستطاع !!
،،،
زمن الحريم بالجد حريم
زمن الودك كان الكريم
زمن التحجي حمد وريم
تلقاها يوت حامدة الكريم
،،،
زمن الجدود ياحليلو كان
كان ديمة بتحس بالحنان
دعواتكن آآ ناس جت عشان
باكر يعود هذا الزمان !!
،،
ويااااارب يعود هذا الزمان
،، ويسعد كل ايامكم

للعطر افتضاح
د. مزمل أبوالقاسم
في الرد على عبد الحي يوسف

* استنكر الشيخ الدكتور عبد الحي يوسف، الدعوات الرامية إلى فصل الدين عن الدولة، وطالب الدعاة ومنابر المساجد برفع الأصوات في وجه الأصوات الكارهة لما أنزل الله، وقال في خطبة الجمعة: "يا رئيس المجلس العسكري ونائبه، ويا من وليتم أمر هذه البلاد، إياكم إياكم ودين الله.. دين الله خط أحمر والشريعة غاية الغايات لا نقبل مساساً بها ولا تعدياً عليها"، وتابع "إننا على الأمن حريصون، لا نريد أن نعطل مصالح الناس، أو تسود الفوضى، ولكن اسمعوها جيداً، إن كانوا يحشدون فنحن على الحشد أقدر، وسنحشد كما يحشدون، ونهتف كما يهتفون، ولكننا نهتف باسم الله، ونخرج في سبيله مدافعين عن دين الله.. سنخرج ونملأ الساحات والطرق من أجل أن نُكذِّب أناساً يدعون بأنهم لهذا الشعب ممثلون، وأنهم عن رغباته معبرون".. وقال "إن وجوهاً كالحة تريد أن تفرض رؤيتها العمياء المعوجة ويتوقون لزمان كان الخمر فيه متاحاً".
* الشيخ الدكتور عبد الحي لم يكن وحده الذي نحا ذات المنحى، فقد تبعه في اليوم نفسه عددٌ من الأئمة، في هجومهم على "دعاة العلمانية"، لكنه زاد على رفاقه بالتلويح بجمع حشدٍ (مماثلٍ)، قارناً حديثه عنه بالإشارة إلى (الفوضى)، ونحن نسأله: ما الداعي إلى ربط الحديث عن الحشد بالعلمانية؟
* هناك حشد واحد يتجمَّع منذ خمسة عشر يوماً في باحة القيادة العامة، قدَّرته إحدى شركات الاتصالات بأكثر من أربعة ملايين فرد، هل هو المعني بحديث الشيخ عبد الحي عن دعاة العلمانية، أم أنه يقصد حشداً آخر لم نره، ولم نُحط به علماً؟
* إن كان يقصد اعتصام القيادة، وذاك أرجح وأقوم، فنذكِّره إن كان ناسياً، وننبهه إن كان غافلاً، بأن أولئك المعتصمين ظلوا حريصين على أداء صلاة الجمعة في جماعةٍ تعدادها الملايين، يصلونها في الحر اللافح، ويسجدون لله شكراً وخضوعاً في حمَّارة القيظ، ويضعون جباههم الطاهرة النقية في أسفلت الشوارع، مذعنين للخالق الواحد الأحد، فكيف يوصمون بأنهم يريدون المساس بالشريعة، وكارهون لدين الله؟
* يصلون في الفضاء المكشوف، بلا سقفٍ يقيهم لهيب الشمس، ولا بساطٍ فاخرٍ يريح الأقدام، ولا تكييف باردٍ كالمتوافر في مسجد شيخنا عبد الحي.. ونسأله، أين موقع الدين من سفك الدماء، وقهر النساء، وحبس الأبرياء، وانتهاك حُرمات المنازل، وترويع الآمنين، وضرب الفتيات بالسياط في الشوارع غروراً وإذلالاً وطغياناً، وملء المعتقلات بالأطفال والحرائر والشيوخ، لمجرد أنهم خرجوا إلى الشوارع يستنكرون ظلمهم، ويطلبون حقوقهم؟
* لماذا حرص عبد الحي على أن يأتي نصحه للبرهان ورفاقه في المجلس العسكري في المنابر جهرةً، بعد أن اختار مع بعض رفاقه أن ينصحوا من سبقه على الحكم سراً، داخل داره، بعد أن تناولوا معه ما لذَّ وطاب من الطعام؟
* أليس البرهان رئيساً وولي أمر مثل البشير، فلماذا اختلفت معه اللهجة، ولِمَ لمْ يتم التلويح معه بالحشد لتجييش المشاعر بالحديث عن حماية شرع الله، وحفظ الدين والشرع من الانتقاص؟
* ثم، أين كان كل ذاك الحرص على الدين والشرع من ما كان يحدث في العهد البائد، من ظلمٍ وعسفٍ وأكلٍ لأموال الناس بالباطل، واعتمادٍ على القروض الربوية في تمويل مشروعات الدولة، وتعدٍ وجرأة على أموال المسلمين وحقوق المواطنين، لفئةٍ باغيةٍ، أفسدت في الأرض حتى أفقرت العباد، وجوَّعتهم فاضطرتهم للخروج إلى الشوارع غضباً، برغم فتاوى بعض شيوخ السلطان، التي تحرِّم على المظلوم الخروج على الحاكم (ولو أخذ حقه وجلد ظهره)؟
* أين كان ذلك الخطاب التحريضي الشديد، عندما ساد قانون المرأة المخزومية في بلادنا المنكوبة بفساد الحكام، وجرأة اللصوص اللئام على المال العام؟
* ثم، نسأل شيخنا الجليل عبد الحي، هل رأيت أي ملمحٍ يدل على تحكيم شرع الله في العهد البائد؟
* هل تمت محاسبة السارقين والمفسدين ومن تعدوا على حقوق المساكين بما أنزل الله؟
* ألم ترَ مع رفاقك الغاضبين، كبار المفسدين يسطون على حقوق حجاج بيت الله والمعتمرين، ويتعدُّون على دولارات الدواء، ويكنزون الذهب والفضة بالباطل، وينهبون أموال البنوك، ويستولون على أغلى الأراضي، قبل أن يخرجوا من المحابس مثلما تخرج الشعرة من العجين، ببدعة التحلل الكريهة، التي تعفي الشريف من المحاسبة، وتحاكم الضعيف الفقير الجائع، الذي يأخذ كسرة خبزٍ أو بيضةً ثمنها خمسة جنيهات، بالسجن والغرامة؟
* ألم تسمعوا بهم، فلماذا لم تعتلوا المنابر لتخاطبوا ولي أمرنا (باسمه ووصفه) جهرةً، طالبين منه الكف عن تمييز كبار اللصوص، وإخضاعهم إلى المحاكمة، بسطاً للعدل، وحفظاً للحق؟
* هل سمعت يوماً بقطع يد سارقٍ في عهدٍ امتد حكمه ثلاثين عاماً؟
* ألم يُكافأ من خرجوا على الحاكم شاهرين سلاحهم بالمناصب والأموال والقصور والرياش، فأين موضع ذلك الفعل من شرع الله، وأين كانت حميتكم على الدين وقتها يا شيخنا المفضال؟
* لِمَ لمْ تعتلِ المنبر لتستنكر قتل المعلم الشهيد أحمد الخير في خشم القربة، بعد تعذيبه وإدخال آلة

ٍ حادةٍ في جزءٍ حساس من جسده الطاهر، ولماذا لم تثُر في منبرك على ذلك الفعل الفاجر المُنكر.. هل كانت له أدنى علاقة بدين الله وشرعه الكريم؟
* لماذا لم تلبِ دعوة المصلين حين طلبوا منك أن تقودهم من داخل مسجدك لرفض الظلم والعسف والقهر والطغيان؟
* ثم، أي الفئتين أحق يا شيخنا بالحديث عن توقير دين الله، وحفظ شرعه، واجتناب كبائر الذنوب.. من فشى في عهدها الفساد والجور حتى ملأ البر والبحر، وشكا منه البشر والشجر والحجر، أم شبابٌ طامح، فجَّر أعظم ثورةٍ ضد الظلم والخراب والفساد، وقدَّم أرتالاً من الشهداء كي يقيم أركان دولة العدل الغائبة؟
* لو غبَّرت قدميك بزيارةٍ واحدةٍ لموقع الاعتصام يا شيخنا الهُمام، لرأيت بعينيك أعظم صور التكافل والتراحم والتآخي والتآزر والمحبة، ولشهدت الغني ينفق على الفقير، والمستطيع الشبعان يقيم أود الجائع المُعدم.
* ولرأيتهم يضعون أواني مفتوحةً على الأرض، تمتلئ بالمال، وهم يهتفون للسابلة (لو عندك خُت.. ما عندك شيل).. هل رأيت مثل تلك الصور الباهية من التراحم والتكافل في دولة الظلم البائدة؟
* لو زرتهم لرأيتهم ينظفون شوارعهم، ويدعمون بعضهم، ولشاهدت آلاف الفقراء المعدمين يجدون في ساحة الاعتصام ما يقيهم من مد أياديهم للناس تكففاً، أعطوهم أو منعوهم، ولشاهدت المُشرَّدين واليتامى وأبناء السبيل يأكلون ويشربون دون أن يطلب منهم أحدٌ سداد فواتير ما طعِموا.
* شيَّد هؤلاء الشباب الميامين دولةً مصغَّرة لسودانٍ العدالة والتراحم القادم، وقدموا نموذجاً يحتذى لمدينة فاضلةٍ، تقوم أركانها على المحبة والكرم والمساواة والعدل والتراحم والتكافل، وهم وأيم الله لدين الله وشرعه أقرب من الذين يدَّعون الحِمية على دين الله وشرعه.
* انزل إليهم من برجك العالي، وتعالَ إليهم لترى فعلهم، وتقف على أفعالهم، ولتشهد صلواتهم، ونرجو منك أن تكُف عن تجييش البسطاء ضدهم، بزعم أن حشدهم قوامه علمانيون، يريدون فصل الدين عن الدولة.
* تعالَ لترى بأمِّ عينيك كيف يتنزل مبدأ (الدين المعاملة) في أبهى الصور داخل ساحة الاعتصام، ولتسعد بحُسن الخلق، وطيب النفوس، ولين الجانب، ورقَّة القلوب على المساكين والمحرومين، ولا غَرْوَ، فمن نعنيهم أتوا من صلب شعبٍ كريم، تدّينه فِطرة لا ادعاء، وطيب أصله سجِّية، لا تكلُّفاً، وإن كنت في ريبٍ من ذلك فاسأل زميلك الدكتور مهران، الذي أمَّهم في صلواتهم، وخاطب جمعهم، وخَبِر فعالهم، لتعلم منه كيف تعوَّد هؤلاء الشباب على الكف عن الهتاف (حرية سلام وعدالة)، بمجرد سماعهم صوت الآذان من مسجد القوات المسلحة، وكيف يتدافعون لأداء الصلوات جماعةً كلما دعا الداعي أن (حيَّ على الصلاة).
* هل تنزَّل الإسلام أصلاً إلا لينشر الهداية بين الناس، وينصب بينهم معاني الحرية والسلام ويقيم فيهم العدل والقسطاس؟
* من دبجوا الخطب، وذرفوا الدموع، وسيروا المسيرات احتجاجاً على قتل الفلسطينيين والروهنجا، ثم رفضوا مغادرة مساجدهم للاحتجاج على القتل والسحل والظلم وترويع الآمنين في بلادهم، برغم مطالبة المصلين لهم بقيادتهم، لن يجدوا آذاناً صاغيةً من الناس، ما لم يُعدِّلوا نهجهم، ويضبطوا أفعالهم، لتتفق مع أقوالهم، كي لا يصمهم الناس بعلماء السلطان.

لكل رجل سوداني انيق مطلوب حضورك هنا 👇
https://tttttt.me/joinchat/AAAAAEIjwPOKJ7kRzDhrvA

#موضوع_للنقاش

لمن واحد يجي يطلب يد واحدة من قريباتو للزواج وفي نفس الوقت يكون في زول قدامو اتقدم واترفض والزول التاني الجاء اتقدم يترفض برضو بسبب انو لو وافقو عليهو ح يزعل الاول وتكون مشكلة بين الاهل انكم رفضو ولدنا واديتوها لفلان الحاجة دي حاصلة كتير في مجتمعنا السوداني
ادونا رايكم في الموضوع دا
انتي كبنت لو كنتي عايزة الولد واهلك رفضوه عشان السبب دا ردت فعلك ح تكون شنو وانت كولد مرفوض ردت فعلك ح تكون شنو هل ح تعتبر مافي قسمة؟ وتقتنع حتى لو اتزوجت واحد من قرايبك ولا بتزعل وتقاطعهم عشان ادوها قريبك وانت رفضوك

في انتظار مشاركتكم
راسلوني
هنا 👈

https://tttttt.me/joinchat/AAAAAEBNbkT4enKitikrmw