‏جاملت لجل العشره اللي من العام
و اليوم هاض الفكر و الي اهاضه
مالله بحادينا على طرد الاوهام
ولا خلقنا للتعب و المضاضه
ان ماصفا الصاحب على مر الايام
طفنا على الصحبه طواف الافاضه
‎#عازف_شعر

‏خلاني الوقت عايش وسط دوامه
اجاهد النـفس لا تخلـف مباديـها
بـضـاعـةٍ مالـقت بالـحق سـوامـه
وبالغَيّ يـاكـثـر بـايـعها وشـاريــها
اكرب حبالي وطبـع النفس لوامه
واردها لاعصـتـنـي يــم بـاريـــها

‎#شعر
‎#عازف_شعر
#وتركم

‏زارع المعروف في بال الكريم
نحفظه حفظ العباده والصلاه
مانسينا ماقف الرجل الحشيم
لو خذتنا عنّه ظروف الحياه
والله اني من هل القلب السليم
يوم كلن يكشف الي ماوراه
اتجاهل زلة الغالي واهيم
لين يدري وش كثر عندي غلاه
ولو يجيب الغلطه الي بالصميم
جعلها لاكبرت الغلطه فداه
‎#عازف_شعر