‏بكره ليا بانت عليك التجاعيد
ازعجت منهم حولك بذكرياتك
عن مايدنّس سمعتك خلك بعيد
وبدّد ظنون الشك واجمع شتاتك
ولاتزعج العالم بكثر المناقيد
ولاتوذي الغافل بكثر التفاتك
وبالليل لانامت عيون الاجاويد
اخشع وطوّل سجدتك في صلاتك
‎#فهد_المفرج
#قوافي_الشعر

‏النفس عدّلها لياء قامت تميل
وخل الملامه للضمير أقريّبه
أدخل قلوب الناس باالخلق الجميل
وأطلع من الدنيا بسمعه طيّبه

فلاح القرقاح
#قوافي_الشعر

‏آمالنا دافع على سير الأقدام
ولولا الأمل نفس الفتى في لحدها
نطرد ورى حاجاتنا طول الأيام
هذي تروح وذيك نمسك بيدها

‎#باتع_نجم
#قوافي_الشعر