اجه شخص لبو المكتبه يريد يشتري كتاب ب ١٠$ وهوه عنده ١٠٠$ مزوره فابو المكتبه ماعنده خرده مال ١٠٠$ فراح صاحبه ابو المطعم الي بصفه فخردها اله فاهوه اخذ ال ١٠$ مال الكتاب وانطه المشتري ٩٠$ وراح فاجه ابو المطعم كاله هاي ال ١٠٠$ مالتك مزوره بدلها فصاحبنه هوه الغلطان فبدلها اله سؤال هنا صاحبنه شكد خسر

الجواب هنا يلا
@lp_pl

#حــۣۛــۣۛـۣۛــۣۛہۭۢــســن

ها محد عرف الحل بيكم

اسف والله انت جان مقطوع هسه الا رجع

راح انشر جواب صحيح الي اجاني

تلعبون نفس البارحه اساله

العنده سوال فكري او حزوره ينطيها هنا واحنه نحلها

@lp_pl

#حــۣۛــۣۛـۣۛــۣۛہۭۢــســن

راح انشر قصه حياة وحده من اعضاء القناة اقروها وهيه تريد نصيحه وشنو تتصرف

امي وابوي منفصلين من كنت بطن امي عرفت ابوي من صار عمري ٥ سنين بعدها ضل يجي ويروح لين اختفي صار عمري ١٧ سنه حطيت موبايل ضليت اخابره اروحله اساال عنه مريت بفتره خطي تعلق ومااكدر اتواصل وياه خلال اكثر من شهرين بعدها خابرته اسلم عليه واكله سبب انقطاعي يكولي يي انتي ماتخابرنيي اله تردين مني شي اني رئسا صكرت الخط بوجه وماحجيت وياه ومع العلم ماصرف علي ولا ربع دينار ولا مره خابرته وكتله اريد منك. وهو مايعرف عني شريد شمحتاجه اكلت شربت واخوي لمن اندعم كتله بالمستشفى يكلي شسويله هسه. كان هذا رده وره فتره سمعت عنا مسافر لتركيا ومع العلم هو مزوج قبل امي وعنده ٥ بنات كبار مزوجات سوداني واحنا اني وخواتي ٤ واخوي عاف بركبتا ٩ بنات وراح وحده من اختنا معوقه..
المهم من وعيت صار عمري ١٨ كنت قريبه من خواتي من ابوي واحبهم ودائما معاهم علموني على اشياء غلط بس كنت مثل مايكولون فتره مراهقه وصغيره ماافهم شي صح من الغلط فكنت امشي وراهم وراهم خلوني احب ابن خالتهم وبعدين شهرو بيه وكل هذا ماادري خلو بعقلي اخو صديقتهم انو يحبني ويريدني وهم شهرو بيه اخر شي ضلت تجيني ارقام غريبه واشخاص يحجون مادري شون حجي ضليت ابحث وره هالشي واكتشفت انو سببه خواتي من ابوي هذا كله نشرو رقمي شهرو بيه كطعو قسمتي بحيث اي شخص يريدني يكولون عني مو خوش. قطعت منهم ورقمي غيرته ارتاحيت منهم ..
عندي اخت مزوجه صارله ١٢ سنه واخت مامزوجه واخت معوقه
كنت احب اختي المزوجه اكول عنها حنينه وتفهمني وكنت اروخ واشكيلها حالي
اختي الثانيه كانت مامزوجه اتفقت ويه شخص انو ينتقم مني هذا الشخص راد ينتقم مني يكول شبيها رافعه خشمها واني ماكو بنيه ماتنعجب بيه هي ليش هشكل سوالي سحر انو احبه بحيث فتره السحر الي هو ٤٠ يوم تغيرت جذريا كنت ضعيفه سمنت بالرغم ضليت مااكل بس وجبه وحده كنت شاطره بالدراسه مستواي نزل تصرفاتي اني مو اني ماضليت انام بليل من وره الاحلام والكوابيس وكان اكو شخص يصير صديقه كان يكلي هو جذاب هو مسويلج سحر كنت مااسمعله الى ان اجه اليوم راح الحب وتعاركت وياه وجها لوجه بوكته كلالي اختج تدري كلش زين وراني مخادثات هي وياه وصديقه كلالي هذا الي جنت انبهج منه وكنتي ماسمعيني واختج مشتركه وياه . كانت فتره علي صعبه بس جاوزته بسهوله والحمدالله واختي ماحجيت وياها اي كلمه عفتها هي وربها وبوكته شهرت بيه كدام الناس وامي انو اني مو بنيه وحامل والله يسامحها كلت ...
ضلت مشاكله تلاحقني وتحجي علي واسكت اكول الله يجازيه. هي تأخرت قسمتها صار عمرها ٣١ سنه بهذي السنه بالتحديد ابن جيرانه وقرايبنا نعرفهم من زمان رادني حبني وبالبيت بس بيبتيه فأني العصر اروح لبيبته اشوفها شمحتاجه مامحتاجه وامي دزني عليها وهو اصلا يكون ماموجود بالشغل شغله بالكوفي ..فهي بهذي الفتره حبت ابن الجيران وهو مايحبه ولايريده وهي لازكه بي تريده وهو يحب اختي المطلقه(اختي المزوجه بهذي السنه صارت مشاكل ويه رجلها وطلقت منه فشافها ابن الجيران وهو هم مطلق وراده بس كان مايحجي وياها ولاهي تحجي وياه) اختي الثانيه هي الزحفتله وحجت وياه وكانت تهدده بأنو يزوجها فهو يريد يخلص منها كاله حجيت بيج يم اهلي كالو مانخطبلك بنيه تروح لجيران وتبقى يمهم وشفنه مره دخل واحد وراها..
اختي بوكته عصبت وراحت لامي كتلته بتج خربتلي قسمتي وكذا. امي كتلته شو العصر ادزه والناس كلهم يعرفون الجوارين هذول اقاربنا ..المهم هي عصبت لمت ملابسها راحت بيت اخوي من ابوي هو مزوج نسوان اثنين من راحت وهي كل يوم تراسل اختي وتكله هاا خطبها هاا خطبها الى ان امي رفضت الولد لأسباب انو ماوراه مستقبل ومن هالامور ....
وهي اختي كان عدها صديق تروح تشكيله وتحجيله بس هو بمثابة صديق العائله الكل يعرفه ..بفتره اختي المطلقه عطل جهازه فكالت اودي لفهد الي هو صديق العائله يصلحه رحناله انو يصلحه خذه رقمي حتى يتواصل ويكول اصلح لولا ..بهذي الفتره كلالي عن موبايل فصرنا ناخذ وننطي بالكلام وتعاركنه لان كان ماخذ فكره ونضره عني غلط كانت موصلتله اختي انو اني ام الولد واصاحب فلان وعلان واروح للجيران بنص الليل وانو اني مو بنيه بس امي تسكت عن سوالفي لين مدلعتني . هو الولد خلال كلامي وره فتره من معرفته الي كلالي انتي غير عن الي سمعته منج كتله اريد دليل وراني محادثات لاختي وهي تحجي علي سكتت شسوي امري لله بس هو وكف وياي بكلشي كنت اشتغل بصالون يروح يجي ع الصالون يطمن علي مره مايجي السايق هو يوصلني ساعدني بشكل الى ان صارت صداقتنا قويه ..اختي المطلقه راستها كلتله فهد بعد مايريدج يحب نرجس ويريدها نساج. وراها فتره راسلته لاخيتي اسلم عليها ضلت تغلط وتصيح يي اخذتي صديقي ومن هالكلام الي ماينحجي سكتت والله كريم كلت..
هي اجتها قسمه لاختي وهي عند بيت اخوي كالت لاخوي ماريد خواتي يحضرون الحفله بس اخوي ماقبل وعزمنا وبوكته ماخابرت على امي وكلتله يمه باجر نيشاني ولو بالجذب وقبله بيوم الله شاهد خابرلته كتله خابري امي( ومع العلم امي

حلفتني بأنو مااكله خابري امي) بس كتله خابري امي كليله ع انو نيشانج باجر كالت ماعندي رصيد كتله هسه احولج الف وخابريه واني كنت مداينه من صديقتي الرصيد كالت لا لا اني راح اعبي واخابره وصار ثاني يوم نيشانه وماخابرت على امي وامي ضلت تبجي وعدت حفلته على خير وبالعرس كذلك زوجها كال مانمر على امج الطريق بعيد هي سكتت وماحجت شي ..وراها صارت السبوعيه عزمت امي والام قبلها طيب راحت اشوف بتها وراها مر فتره ٢٠ يوم على زواجهة وصارت مشاكل وزعلت من رجله وطلقت وهي حامل واخوي من ابوي ماتحملها اجت لامي لان شافت نفسها ماله مكان غير بيت امها ....
اختي المطلقه (سبب طلاقها ومشكلته خواتي من ابوي دزو صديقتهم على زوجها بحيث انو خلاها حامل واله ياخذه وصار الي صار وطلقو) .. بهذي الفتره اني وفهد قوت علاقنه صرنا نحب بعض لاحضت تغير على اختي المطلقه تحجي عليه وتغلط ومايعجبها بس من شوفه تمدح بي وبالكفه ذم بي ..واختي الثانيه كلما تلاحظ علاقتي تقوه بفهد كلما تكرها وتحجي عليه وتكره شوفت وجهة ...
صارت مشاكل كثيره اتصل بأختي المطلقه رقم غريب عساس فاعل خير يكول اختج الصغيره عدها علاقه ويه فهد وهو وراني صور اله موحلوه هي مع وبالشقه وهذا كله كذب ماكو من هالشي ابد ....
واختي الثانيه لاحضت عليها تغير انها صارت تحبني وتحب فهد وكالت لامي اريد اخذه اشتريها ازبري وكيك بس امي ماقبلت وبوكته العصر كتله وين تردين تاخذيني كالت يي حضري جنسيتج ولاوراق اعرف واحد يطلعلنه جواز اني وياج اني ماقبلت كتله مااعرفه ومااثق بي كالت لا اني اعرفه من زمان وهو من يعرف منطقتنه كتله لا رفضت ...
وراها فتره رحنا لحفله وبالرجعه سيارات ماكو كتلهم شاريكم اكول لفهد ياخذنه اختي المطلقه رفضت واختي الثانيه قبلت كالت يي عادي اصعد دزي عليه بس اني مادزيت عليه...
وراها فتره اجتلي اختي الثانيه تركض بنص الليل تعاي سمعي سمعي تعرفت على واحد بالانستا وطلع يعرفني ويعرفكم ويكول خواتج المطلقه موخوش مره وسمعتها بكل مكان والشباب يحجون عليها واختج الصغيره ويه فهد وهم سمعه وحجي زايد بوكته كلت لفهد هشكل هشكل انحجه كال خوش باجر جاي وافهم منهم السالفه ..اجه ثاني يوم كلهم شنو مشكلتكم اختي الثانيه كالت واحد وراسلني وهشكل هشكل كلي بس مووعليك على فهد الثاني كاله انطيني رقمه خذاه وحجه وياه كدامنه . كال اختي الثانيه وانتي رفضت أنها تكول الحقيقه ...
صار ثاني يوم دزالي فهد محادثات هو والولد الي حجه عليه كلاله اني مالي شغل هي وزتني على خواتها انو احجي هشكل وانواخرب بينكم رحت لاختي المطلقه كتله شوفي المحادثات كالت يي ادري لان اني ذيج المره سألته كتله شعجب تردين صعدين ويه فهد كالت عندي خطه اني ولد عليهم وهذي هي خطتها وكتله شنو موضوع الصور كالت خابرني رقم غريب كتله لعد هي دازته ومن ذاك اليوم تريد تاخذني ويه الاوراق يعني هو الولد والله واعلم شنو يردون يسون بيه هم سكتت كلت يا الله ابعد من المشاكلي اعوف حبيبي احسن من هذا كله والصدك عفته كلت ماريد هي مظغوطه منه ومقهوره اريح باله احسن واعوفه ...
شو صار ثاني يوم اله اجتني معصبه شون فهد يكول اني احاربكم واخرب بينكم وضلت تحجي بالسالفه ٣ ايام الى ان وصلت لسالفه لامي وكلتله هو متفق مع الولد ويحجي عليج يكول امها توصلها الي الى ان امي عصبت وكالت بعد فهد مااله دخله بيتنا وقطعي علاقتج بي...
اختي بهذي الحاله فرحانه فرحه اسعد انسانه بالكون وتروح وتجي وتغني وحياة قلبي وافراحو .....
ومنا عود خلصت السالفه لا ماخلصت تريد تنتقم من الولد تحرق محله ودز عليه عصابات .........😞

ملخص السالفه اني بشنو مذنبه حتى يسون خواتي هشكل بيه لان المدله عند امي لو شنو وحتى لو مايحتاج هالحقد والكارهيه ويخربون علي قسمتي وحتى شخص الي اثق بي واحبه وسندي بهل حيات ضليت اصيحله بابا من وكفاته الي واهتمامه بيه حسيت بحنان الاب مع الي فقدته ...ليش اني شنو مسويتلهم ليش يحابروني شنو ذنبي ومتأكده لو ازوج هم يخربون علي اني وزوجي ...
هسه اني شسوي ابطل طيبه وانتقم واسوي مثل ماهمه يسون لو ابقى مأكول حقي ويدوسون بطني
تعبت قسم بالله تعبتتتت من الي يصير
والكتابه غير عن الواقع والي اعيشه😔الله شاهد على كل حرف اكتبه ان كان من تأليفي😔💔

اليريد نصيحه او يكتب مشكلته مثل هذه صديقه يدزلياها ؏ٓ خاص وانشالله يلگه حل او نصيحه لمشكلته

هنا يدزها
@lp_pl
#حــۣۛــۣۛـۣۛــۣۛہۭۢــســن

كل عام وانتم بخيـٰـر ، !♥'ء ان شاء ﭑلـٰ̲ـہلـٰ̲ـہهہ تحقيق الاماني والافراح
عائلتي

@lp_pl

#حــۣۛــۣۛـۣۛــۣۛہۭۢــســن

هلْٰـو૭♚😻 شونكم رجعت وياكم ان شاء ﭑلـٰ̲ـہلـٰ̲ـہهہ حسابي القديم نحذف وهذا حساب جديد بنفس المواصفات مابيه تغيير

وانتضرونه اليوم ان شاء ﭑلـٰ̲ـہلـٰ̲ـہهہ قصه جديده بعد عناء طويل من الانتضار

#حسن

@lp_pl

هذا معرف الحساب جديد لليحب يحجي وياي او يسال عليه لان الحساب القدم نحذف

#حسن

لعشاق باسم الكربلائي

لايك وشتراك متخسر شي احبكم
#حــۣۛــۣۛـۣۛــۣۛہۭۢــســن

شوفو الفيديو جديد زياريت تدعموني بيه بس لايك وتعليق واشتراك اذا ممشترك احبكم #حــۣۛــۣۛـۣۛــۣۛہۭۢــســن

شوفو الفيديو جديد وياريت تدعموني بيه بس لايك وتعليق واشتراك اذا ممشترك احبكم #حــۣۛــۣۛـۣۛــۣۛہۭۢــســن