#قصائد_السبي_نعي


نعي: زينب والعباس وطريق السبي

زينب صدت وشافت وليها
راسه عله الرمح ينظر عليها
زينب عالهـزل ومچتّفيــها
من گيد الحبل مجروحه اديها
تعتب والگمر يسمع حچيها

يعباس بيدك من جبتني
بالعـز والـدلال ودلّلتني
وسفه وحيف يالكافل عفتني
ريتك ياگمر هاشم شفتني
لرض الشام عدوانك خذتني
آنه مخدره وبعدك سبتني

چنت طول العمر خويه كفيلاي
ابـد ما قصّـرت ادري كفيلاي
ردت عبـاس بس انت كفيلاي
ترضه شلون تحدي الناس بيه


يون گلبي وصحت اكثر بعد ون
ابو الغيـره تـرك زينب بعد ون
بعـد ويـن الخـدر خويه بعد ون
متت انت ومشت زينب سبيه

سيد زيد الفحام
_______________________________


https://tttttt.me/ssgadAl

#قصائد_السبي


محرررم 1441 هـ السيدة رقية والسيدة زينب ع

عمه شوفي .. هذه راس امفتحه عينه
عمه شوفي .. جسمه وين او وين ادينه
أبعد او يمشي اوياي . يابسه اشفافه اهواي . يمكن ايدور ماي
عمه شوفي

عمه حيل ايصد علية . ايريد چنه ايحب ادية
امگابلته الليل كله
چنه يعرفني يعمه . مدري ليش ابودي اضمه
چني اعودن حيل لهله

انه اميه لو عندي عمه رويتـــــه
واغسل دمائه واغسل لحيتـــــه
يباوعلي كلما أنوحن رأيتـــــــــه
ترى الراس يحبني يزينب دريته

من اصدله .. ينخمش ياعمه گلبـــي
من اصدله .. ايگلي أشعر يمي گربي
لو أجاني السلاب . ابدمعة يغرگ لتراب . چنه يالحره احباب
عمه شوفي
____________
رت احظنه او ما حظنته . خوفي لو حظنه لچمته
او تالي يطلع من اهلنه
اهواي شايفته أنظره . بس يعمه ما أذكره
وين ما أذكر گعدنه

أحسه قريب او گعدنه سويـــــــة
عله اشفافه مكتوب اشوفن رقية
أشم عطره واشعر عطر منه بيــه
أريد اغفه يمه انه ابهالمسيــــــــة

أرد اغطيه .. بالعباة او دمه امسحه
أرد اغطيه .. خوفي لو واحد يجرحه
خوفي افز ما أللگيه . اتعلقت زينب بيه . خايفه اهواي اعليه
عمه شوفي
___________
عمه لمن يضربوني . يبچي اشوفنه ابعيوني
ينقهر چنه اعله وضعي
لمن اعطش يعطش اهو . او چنه ظامي عمه توه
وينهلي دمعة اويه دمعي

الشمر لمن ايريد يعمه يطگنــــي
أباعد عن الراس ولا خَل يصدني
فلا ريده ينظر عله امتوني ذنـي
ايتألم أحسه كأنه يحبنــــــــــــي

بالعباية .. گمت اغطي اعيونه همه
بالعباية .. لمن ايضربوني عمــــــــه
ما أريدنه ايشوف . امورمه عندي اچفوف . اعلية دمعة المذروف
عمه شوفي
____________
ابگلبي تتزايد غلاته . راس بس عمه اشحلاته
امنيتي أللگه اهنانه جسمه
يشبه إحسين اهو چنه . من ابويه بي محنه
ودي كل لحظة آنه اظمه

انه الكربله ودي يا عمه نرجــــع
نلم جسمه هالراس احسه تگطع
اذا شفته جسمه أعرفنه أطلــــع
منو نته أريدن أگله ادري يسمع

منهو انته .. گلي يرقية اسمعينــــــي
منهو انته .. شمي عطري او تعرفيني
گمت اشمن بي زين . مره عمه او مرتين . بيه اشم عطر إحسين
عمه شوفي
___________
والدچ هذه رقية . صابته اسهام المنية . أي يعمه هده راسه
ما ردت يرقية اگلچ . نحره گطعوا ويه اهلچ . او ذبحوا اوياه احله ناسه

خفت هذه الحسين أگول او تموتين
دريت اعله راسه يعمه تطيحيــــــن
عله اشفافه اخافن رقية تغمضيــــن
اشكثر رت ابعده عليچ او تگربيـــن

هذه راسه .. او جسمه ظل بالغاضرية
هذه راسه .. يلله حظنيه يا رقيــــــــة
هذي آخر لحظات . ويه ابوچ ابحسرات . ما يردلچ هيهات
عمه شوفي
____________
راح احظنه او راح اكلمه . وامسح إمن اشفافه دمه
وامسح ابشيباته ذني
واعله راسه كون اموتن . او بالگبر بلكت أشوفن . ايجيب الي ترچية اذني

انه ابگبري ردته يجيني أنظـــــــره
يعمه او يخليني أنام اعله صــــدره
يزينب أريدن أبوسه اعله ثغـــــــره
أبوسنه چيف او شفت شفته حمره

ابگبري بلكت .. يحظر امداوي جروحـــه
ابگبري بلكت .. تلتقي روحي اويه روحه
ابگبري يا عمه اتناه . او بالدموع اتلگاه . واحظنه وابچي اوياه
عمه شوفي

حيدر الحلفي


https://tttttt.me/ssgadAl

#قصائد_السبي


تانيني ياليل لايغبش بجرحي الصبح تانيني ياليل
تضل دمعتي تسيل آمن اتصابح ابوجه الرمح تضل دمعتي تسيل
/////////////////////////
انكسر كلبك عليه آمن الخيم طاحن
يليلي شويه اريد امتوني يرتاحن
بنات حسين كسرن كلبي من صاحن
خلي يودعن الغالي ركض راحن
بس من وره الخيل ملاكه ويه ابوهن مايصح بس من وره الخيل
تضل دمعتي تسيل آمن اتصابح ابوجه الرمح تضل دمعتي تسيل
/////////////////////////

الصبح يفظح دمعتي بخدي من ينزل
يليلي عالسبايه بجيتك استعجل
تره كلبي تعرفه كوه متحمل
ظهر الناكه من ادموعي متبلل
لو ناكتي تميل جرحي يخلفله جرح لو ناكتي تميل
تضل دمعتي تسيل آمن اتصابح ابوجه الرمح تضل دمعتي تسيل
/////////////////////////
مو للماي اوظح انه عطشانه
واليعطش محنه امفارك اخوانه
من ثكل الحبال البيدي تعبانه
يليلي لا تروح اتاخر اويانه
ماظل بعد حيل عالرمح ابو وجه السمح ماظل بعد حيل
تضل دمعتي تسيل آمن اتصابح ابوجه الرمح تضل دمعتي تسيل
/////////////////////////
اغمض اعيوني لو شفت الشمس طلعت
لان برماح روس اخواني انرفعت
كلها اتصيح هسه زينب انلجمت
ومن حر الظهاري اوجوهنه احتركت
شماتي ياويل نظراتهم جرح وملح شماتي ياويل
تضل دمعتي تسيل آمن اتصابح ابوجه الرمح تضل دمعتي تسيل
/////////////////////////
من مشي الصحاري انته اتخيل
كل ساعه يليلي شكلي يتبدل
بعد ياخير تلكه التصعد الهزل
فوك الناكه امشي واقره بالمقتل
يسمعني كل جيل مسبيه اخت المنذبح يسمعني كل جيل
تضل دمعتي تسيل آمن اتصابح ابوجه الرمح تضل دمعتي تسيل
/////////////////////////
شلون امسح دمعتي وايدي مجتوفه
شيب راسي والله بطبت الكوفه
صاحو رأس اخيج عينج اتشوفه
احنه العل الشريعه كطعو اجفوفه
هاي التفاصيل من بالي صعبه تنمسح هاي التفاصيل
تضل دمعتي تسيل آمن اتصابح ابوجه الرمح تضل دمعتي تسيل
/////////////////////////
تمت علاء الزيدي


https://tttttt.me/ssgadAl

#قصائد_السبي

واويلاه يا زينب
............

ها يم عون .. الله ابعونچ اليوم
وگفتي شلون .. وانتي بحيل مهدوم
اديچ امحرّگه واملطّخه ادموم
محتاره .. تروحين وتردين
واويلاه يا زينب
............

اتلمين التوذّر لو بالزغار
وهذا بسوط اجاچ وذاك بحجار
ابخِيامج لو عباتچ .. اكثر النار
وبيدچ نار .. چا بيمن تطفين
واويلاه يا زينب
............

تتلفتين .. كل اهلچ مچاتيل
وايتامچ وراچ ادوّر ادخيل
دوت نار الخيم وابنصهه العليل
على العدلين والماتوا .. تونين
واويلاه يا زينب
............

توسطتي الضحايه وصحتي يسباع
يخوتي من اديه رحتوا شبساع
يريت اعله الشِگر مو نومه عالگاع
كون الموت اليه وانتو عدلين
واويلاه يا زينب
............

لابن امچ مشيتي وحاله يا حال
عمت عيني ايتگلّب فوگ الرْمال
عله طول المعاره صاير اوصال
جروحه الف وتسعميه اشتضمدين
واويلاه يا زينب
............

ركضتي اعله الشريعه بگطع الانفاس
وشفتي اچفوف اخوچ ودرعه والطاس
صحتي اعله النهر عباس .. عباس
الحگ سلّبوا خدر النساوين
واويلاه يا زينب
............

طر فجر اهدعش .. والنوم مبيوگ
وصحتي بلايه صوت .. الصوت مخنوگ
يخوتي وداعة الله جابوا النوگ
سبايه للخرايب والدواوين
واويلاه يا زينب
............

احمد هادي الشمري



https://tttttt.me/ssgadAl

#قصائد_السبي


يازينب.. عمه الحگيني تره اذوني
يازينب.. بالسطر طفو ظواها عيوني
عمه يازينب تعاي. كلها تتراكض وراي
اذوني
……
عمه شافوني زغيره ومالي حيل
اركض ابرجلين وطاردني خيل
خايفه وگرب علينه الدنيا ليل
شعدنه والسجاد مچتوف وعليل

يازينب..عمه ظربوني وطحت ظربوني
يازينب..وين ماامشي تره ايلحگوني
مختنگ واهس هواي. كلها تتراكظ وراي
اذوني
… ..
عمه دليني على بيت الحنان
وين طاح ابياأرض وبيامكان
بغير حظنه ماألي بالدنيا امان
وين راح الياوكت واليازمان

يازينب..عمه بالخزره اذا حاچوني
يازينب..شوفي ازرك صار خدي ولوني
مااريدن منه ماي ..كلها تتراكظ وراي
أذوني
…… .
وين ياعمه الابو دليني وين
والله مشتاگه اشم صدر الحسين
ارد اكظ اچفوفه وزغار الادين
مايحملن سوط بس الله المعين

يازينب..والله مااحمل بعد تدروني
يازينب.. عمه فدوه الوالدي ودوني
ارد اسولفله بچاي..كلها تتراكظ وراي
اذوني
……
عمه وين الگاه وهواي التراب
ارد اشوفه مااسولف اي عتاب
حسين شايب لا احسنه شباب
عمه مايرظه اذا اذب الحجاب

يازينب..عمه من هذا الشمر ظموني
يازينب..بعد ماتحمل سياط امتوني
حيل اذاني گفاي.. كلها تتراكظ وراي
اذوني
…….
وين اروح وخاطر استورح هواه
من مشه الوالد احس روحي وراه
عمه ياهو الذابحه امطفي ظواه
انه وجعانه واتاني بس دواه

يا زينب..طفو ابوجها الضوه وطفوني
يا زينب..امشي مسبيه بعد يردوني
راح من عيني ظواي.. كلها تتراكظ وراي
اذوني
……
وين الگاه وچوي شمس الظهر
وفوگ گاع الله متبدي الجمر
شكثر تانيت شكثر بعد انتظر
من البواچي انگلبت عيوني حمر

يازينب..وين حد هذا الظلم فهموني
يازينب..زغيره ماعندي ذنب سلبوني
مابقة واحد رجاي. كلها تتراكظ وراي اذوني
……..
علي الحاج الصبيحاوي



https://tttttt.me/ssgadAl

#قصائد_السبي


قال ابي حمزه الثمالي للامام السجاد عليه السلام
اما آن لم حزنك ان ينتهي القتل لكم عاده وكرامتكم من الله الشهاده
فقال له الامام وهل سبي النساء لنا عاده
كانت اشد مصيبه على الائمه عليهم السلام هي سبي السيده زينب عليها السلام


جمــر يلهب سبي زينـب بگلب ال النبي
جــرح نزفه فــلا يشفه جرحهم زينبي
بگلب المهدي تسعر لهب جمراته
مــا تهده ابـــد عالحـــره آهــــاته

جرح يلهب يظل طول الدهر جمـره
اشد من الوگــع عطشان عالغبــره
اشد من الخيــول الـرضت أبصدره
سبي عمـته العقيله زينـب الـحــره
جرح ينزف يظل يهتف يهــز كــل الملا
سبي الحره اشد جمره ابمصايب كربله
يظل طول الدهر يجـريها عبراته
مـــا تهده ابـــد عالحره آهــــاته
*
جرح سبي العقيله يصعــب انــروفه
اشد من الوگــع ومگطعــه اچفــوفه
اشد مـــن العمـود ومـن سهم شوفه
عمته بيا وكت يا وسفــه مچتوفـــه
اشد وأصعب سبـي زيـــنب گَطِعْ چف الگمر
الخدر جرحه صعب شرحه أبــدليـل المنتـظر
جرح كل يوم تكثر والله لچماتــه
مـــا تهده ابـــد عالحره آهــــاته
*
جــرح بالمهدي ظل طول الدهر يَكبر
مثـل جمـــراته ذيچ البالگـــلب تسعر
اشــد مــن جمـــرة العبــاس والأكبـر
شخص زينب حسافه يشاهده العسكر
خيّم وجــت حــرم هجت بــلا كافــل صفت
الف وسفه العدو اتشفه العقيلــه اتســلبّت
بعـــد عين الكفلها وذيــچ صولاته
مــا تهده ابـــد عالحـــره آهــــاته



جـــرح سبي العقيله المهدي بيه عالم
يهـون اگبالــه فگد ابن الحسن جاسم
مثــل خدْ الــورد فـــوگ التـــرب نايم
لچــن سبــي العقيــلـه يلچــم القــائـم
يجر حسره على الحره جمــرهـــا يلتهب
على عمته دمع سكته علـى الباغي تطب
وللديوان صعبــــه تفــوت عماتــه
مــا تهده ابـــد عالحـــره آهــــاته


جرح بالمهدي ما أظن واحد يحمّـله
تظـل أعيونــه لجله المدمــع اتهمله
اشد مــن الـــرضيع الفطمـته النبلـه
تطب للسوگ عمّته هايه مو سهـله
تصيح الناس أخت عباس بعد عين الكفل
آ يــالشـــام اشد أسهام على القائم تظل
شحاله ألي مشــه مــابين شمّــاته
مــا تهده ابـــد عالحـــره آهــــاته



الشاعر
موسى البديري


https://tttttt.me/ssgadAl

كذبة المباركة بالشهور العربية
🚫رجب، ربيع، جمادى، الخ🚫

👈🏻 لا يكاد البعضُ منَّا يستلم رسالة تتضمن كلاماً منسوباً إلى أحد المعصومين (عليهم السلام) إلَّا ويُسارع بإرسالها إلى الآخرين، دون أن يكلِّفَ نفسَهُ عناء التأكُّد من صحَّتها، مساهماً بنشر الأكاذيب بسبب تهاونه وعدم احتياطه لدينه!!!ا

⚫️ واليوم تعود كذبة من أكاذيب هذا الزمن إلى الانتشار على صفحات (الانترنت) وفي رسائل (الواتس أب) وغيرها من برامج التواصل الاجتماعي، وكأنَّ الله أمرنا بنشرها وتبليغها!!!ا

🔴كذبة المباركة🔴
والرسالة تزعم أنَّ (من بشَّرَ) أو (من بارك) ببداية شهر ربيع الأول أو جمادى أو رجب أو شعبان أو غيرها من الشهور العربية دخل الجنة، أو حرَّم الله عليه النار!!!ا

⚫️ ولا وجود لهذه الرواية في شيء من الكتب، حتى كتب الموضوعات والأكاذيب!!ا
مضافاً لكون مضمونها غريباً جداً!! فالجنة أعدها الله للمتقين ولم يعدها للمباركين بدخول الشهر الكذائي والشهر الفلاني!!ا

👈🏻 ولعلَّ الكذَّابَ الذي اخترع تلك الرواية اعتمدَ في فبركتها على حديثٍ مرويٍّ في كتاب [علل الشرائع للصدوق (رحمه الله) ج1 ص176 ح1]، وخلاصته:

📜 أنَّ النبيَّ (صلى الله عليه وآله) أراد إظهار فضل أبي ذر (رضوان الله عليه)، فقال لبعض أصحابه: "من بشرني بخروج آذار فله الجنة"ا
ولما دخل عليه بعض أصحابه وفيهم أبو ذر، قال لهم في أي شهر نحن من الشهور الرومية؟
فقال أبو ذر: قد خرج آذار يا رسول الله، فقال (صلى الله عليه وآله): "قد علمتُ ذلك يا أبا ذر! ولكن أحببتُ أن يعلم قومي أنَّك رجلٌ من أهل الجنة..."ا

✅ ولكنَّ الرواية كما ترى خاصة بأبي ذر (رضوان الله عليه) تنبيهاً على مقامه ودرجته.
ولا تشمل كلَّ من بشَّرَ الناس بخروج آذار أنه سيدخل الجنة!!ا
فضلاً عن إفادتها الوعد بالجنة لكل من يبشر الناس بدخول ربيع أو جمادى أو رجب أو غير ذلك كما نرى في الكذبة المشتهرة!ا

🙏🏻 فالرجاء منكم إخوتي اخواتي.. أرجوكم.. أرجوكم.. عندما تصلكم رسالة فيها كلام منسوب إلى أحد المعصومين (عليهم السلام،) اسألوا المرسل عن مصدرها، ولا تعيدوا إرسالها قبل الاطمئنان لوجود المصدر، واذكروا مصدرها.

================
وكتبَ عبدُ ساداته الدرُّ العاملي

#كذبة_المباركة
#الدر_العاملي
#انشروا_تؤجروا

لسان حال مولاتي العليله بعد خروج الضعن

لمن مشيتوا انه اباوع تمشي الضعون
طشيته بويه للسلامه ماي العيون

بسلامة ياهلي بسلامة

.......................

لملمت كلشي واتاني بلكي لنه يصيح الي
وباوعتله بمستحاتي وگلبي يتنخه بعلي
هسه راح يگلي گومي بعد شيبي ادللي
وانه اگله بهل المحامل بويه ياهو محملي

عداهم اگبالي لچن ماعدني وياه
وادريبه مامقصوده منه انطاني مگفاه

بالسلامة ياهلي بالسلامة

..............................

من دخل واعيونه صدت صاحني ويه البنات
استراح هواي گلبي و توها ردتلي الحيات
بدة يسولف هاي ياخر ليله بيها اهنا نبات
وصة كل وحده باذنه والصده يم اذني فات

لحد يگلهه انه خافن فاطمه اتموت
طلعتنه غبشة من وكت خلوه بسكوت

بسلامة ياهلي بسلامة

..................................

مناطرة و ظليت افكر و الفجر يادوبه لاح
راح يمشي من المدينه وروحي ماضن تستراح
گتله بويه خاف انه مقصره ارجوك السماح
شلون اذا عبد الله غادي بالطفوف باسمي صاح


بويه اخذني اهناك الفله اگماطه اباري
وقنداغه بيدي ومن حلاتك ليه احلي

بسلامه ياهلي بالسلامه

....................................

سولفت وي روحي بيكم والحجي صاير همس
التفارگ شكل ابوها عدها نفس اليوم امس
بويه تستاحش رقيه خل اجي وياها ونس
حته اغطيها بعباتي اعليها اخاف من الشمس


بصندوگي خليت الاريده وجبته وياي
بس الدوه عفته بعد هوه انته ادواي

بالسلامه ياهلي بالسلامه

...............................

لاح ظعن الله اعله بابي وتوه هلبان الفجر
الهوادج حيل حلوه افراگهم بس هوه مر
گمت اشمنه الاودعه بلچي منه يظل عطر
خاف لو طول مغيبه ارجع اشتم وانعصر

من كل شكل ظليت اظمن ذكره ووداع
وبالي ظنيته حلم ويخلص ابساع

بالسلامه ياهلي بالسلامه

...........................................

واكفه لمن مشيتو ابابي واعيوني اتهمل
غربت شمس الله وانه مناطره بلچن تهل
شرد اجاوبهم يروحي اعليك لمن انسأل
الماي لو شح اعله ورده مايفيد اعليه ظل

تذوبل وحگ اعيونك الماعده مثلك
الموت ارحم لتفارگ بويه شكلك

بالسلامه ياهلي بالسلامه

...............................


الاقل شرفاً
كرار اللامي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

يمه عباس..صارت ابعيده عليه الغاضريه
يمه عباس..اشگد ردتكم وآنه بفراش المنيه
ميته وعيوني عليكم
والله لو أگدر أجيكم
يمه عباس..يمه عباس

يمه وينك..مابقت لحضات واتغمض عيوني
يمه وينك..خلص عمري ابچلمة اليمته يجوني
والله محتاجه تحضرون ابمماتي
الهسه ريحتكم اشمنهه ابعباتي
يمه عباس..انت موتدري الولد عازتهه عازه
يمه عباس..ردت اشوفنكم تشيلون الجنازه
ردت اموت ابين اديكم
والله لو اكدر اجيكم
يمه عباس..يمه عباس

من مشيتو..يمه نار افراكم ليهسه بيه
من مشيتو..يمه لوتدري شسوي المغربيه
نكعد انه والعليله ابعتبة الباب
مستهلنه النقره بي يافكد الاحباب
يمه عباس..تدري شتصيح العليله ابكل مسيه
يمه عباس..اتصيح طك كلبي عله شوفة رقيه
واشكثر سولفنه بيكم
والله لو اكدر اجيكم
يمه عباس..يمه عباس

امنياتي..ردت اشوف حسين لحضات المنيه
امنياتي..حتى اگله افراكم شمسوي بيه
خاف يعگوب الهجر عينه عماهه
آني محبوبي مشه وروحي خذاهه
يمه عباس..يالخذيتو الحيل كلشي مابقالي
يمه عباس..غير دمعه وسايله ابسهر الليالي
ضلمه مابيهه حچيكم
والله لو اكدر اجيكم
يمه عباس يمه عباس

عندي كلمه..هاي هيه وهايه اخير انفاس اليه
عندي كلمه..ردت ملك الموت يستعجل عليه
وداعة اختك زينب ولوعة سبيهه
دنيتي المابيهه انتم شلي بيهه
يمه عباس..كافي من ليل الضلام ودمعة العين
يمه عباس..كافي مااحمل بعد مشتاگه لحسين
أقسم ابزهرة نبيكم
والله لو اگدر اجيكم
يمه عباس يمه عباس

حسره بيه..وداعة المكسوره خاطر بالدواوين
حسره بيه..راح اموت ابغربتي وماشايفه حسين
اهواي زينب سولفتلي عن همومه
نايم وسوده عليه اشلون نومه
يمه عباس..هم شفت خيل العده لمن تدوسه
يمه عباس..كون يمه حاضره واگعد وابوسه
أحظر وأبچي البچيكم
والله لو اگدر اجيكم
يمه عباس يمه عباس

هذا يومي..راح يبچون الموالين المصابي
هذا يومي..راح يقرون ابدمع قصة عذابي
لو نعه الناعي وبده ابهايه المصيبه
ايصيح هاي الفاجده الماتت غريبه
يمه عباس..نلتقي يم فاطمه وحگنه تطلعه
يمه عباس..والخدمنه ام الحسن باچر ترفعه
شكرا الهذا سعيكم
والله لو اگدر اجيكم
يمه عباس يمه عباس

خادمكم سيد علي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

٠قصيده كعده بحق العليله عليها السلام


روحي مالومه وهلي بعدو عليه
واليضل ابلا ابو يشبع اذيه
والعليله المثلي تنطي الوجه وين
لااخو اليمهه ولا والد حنين
يجري دمعي عالمشو لرض الغرب
.........................

بويه هاي الدنيه صارت بعدك بعيني مضلمه
يالخذت وياك كلشي تعلمت عطرك اشمه
شنهي وضعك ارد اسمعك بويه منك ردت كلمه

عالدرب انطر ماامل
ورده بطريقك انشتل
راح اذبل عيوني تهل
ارجعلي كلبي لا تلجمه

شوفتك بيهه الشفه وصحه وسلامه
بويه تدري اعليك انه مثل الحمامه
عله العافوهه كلبهه يضل حزين
وانه بيه ثنينهن حزن وونين
يجري دمعي عالمشو لرض الغرب
..............................

يمته اسمع خبر مفرح والدج رد الدياره
حته ذيج الساعه يمك ينعدل ضهري نكساره
ترد يمته كلشي سكته وصار ليلي وي نهاره

والجفن لو لحظه  نطبك
رسمك بعيني مفترك
بهاي  اختلف عن الخلك
وكلبي انه ما تطفه ناره

ناري شيطفيهه وانته بعيد عني
ضحكتك وسوالفك كلساع اجني
واذكر اللمه وعليك مجمعين
سوالفك كلهه ترافه وكلهه لين
يجري دمعي عالمشو لرض الغرب
.............................

بويه كلي شكد تطول بالسفر لو ماكو رجعه
حته جفن العين لحضه مااخله يعوف دمعه
اليفكد الاب يبقه ينحب عمره يكضي وهذا وضعه

النسيان رحمه اعله البشر
بس انته نسيانك خطر
وياك يبقه  المستقر
كون صوتك هسه اسمعه

رقت احجاياتك الهسه بذاني
بويه كل لحضه الك زايد حناني
يالخذت وياك كل الطيبين
هسه مثلي وهم علّي متلهفين
يجري دمعي عالمشو لرض الغرب
..............................

مارحمني الدمع بويه وروحي تنشد عن خبركم
بيا مكان ابيتك انضر صارت كبالي صوركم
ولو سهت عيني بمنامي برئيتي انتم شفتكم

بخيامكم ينعه الحزن
والحرم مكسوره وتون
خبرني بويه ارد اطمإن
 بالشفته هذا وصار  عدكم

هيج اشوفن لو غفت عيني بمنامي 
والضعن يابويه كله بلوعه ضامي
وشفت واحد شايل الجود بحنين
هذا عباس واظن ماعنده اديّن
يجري دمعي عالمشو لرض الغرب
...........................

شفت بغيابك عجايب والكلب ماشاف راحه
بويه بيدك شفت شايل طير ويرفرف جناحه
لا تكلي عبد هذا والسهم بالنحر لاحه

لتزيد الام الكلب
شلون المكمط ينضرب
شحالك وهل موقف صعب
بويه حاجيني بصراحه

راح اضل بحيرتي وافكاري يمكم
وحته ريح الهاب انشده عن خبركم
سلمت  امري  وامركم للمعيّن
ودعي ياربي تردهم سالميّن
يجري دمعي عالمشو لرض الغرب



 محمد هادي العقابي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

نضرت السيده زينب ع الى الرمح فقالت

أول رمّح هز فاطمه
أول جرحَ ينزف دمّه
شايل بشر ناحت إله
أهل الأرض وأهلِ السمه
*
حاجيني يلكلك خشب وبيا ذنب تاذيني
لا يرتفع راسه بعد كل ما عِلَىَ يبجيني
شما عنه اصدن اعتقد تگصر سنين سنيني
اسمع يكلي من الرمح كل ما يصد بعيني

لرقيه لا يوصل ابد
عباس من نومه كعد
وتباوع اعله العايله
اهل الارض واهل السمه

****
بيا ذنب راسك يرتفع وبيا ذنب ظلمونه
شنهو الجرى ومنا حصل وهل الكفر هظمونه
الما تالي قرآن الَعلَي ما يفتهم مضمونه
احنى الذي عن الرجس اهل السماء بعدونه

قبل آدم حسين نولد
ليوصله خر يمه وسجد
حارت ترى بهل مسأله
اهل الأرض واهل السمه


اول بشر ناحت عليه الي يرى ولما يرى
حتى السمه مطرت دمع حد ما صبح طين الثرى
وجبريل من يم السمه والدمع من عينه جرى
وحزنانه صارت مظلمه وصبت دمع ام القرى

مثل الصلاه صاير فرض
وجيوش اميه بيه ترض
ورادت تنصره بكربله
اهل الارض واهل السمه
*
شما عنه اعاين والتفت الگاه يصد لعيوني
يمكن يكول ام الخدر لو لا تغير لوني !
لو ما سلف من الزلم جا كتله شوف متوني
ياخويه من بعدك ترى اهل الكفر ظربوني

اجفوفي مشدوده بحبل
كاتلني يحسين الخجل
وتنظر علي كل الملّه
اهل الارض واهل السمه

يارمح بالك علنحر مو بيرغ وتهتز بيه
حتى السماوت السبع دمّعَت وانته تعليه
جرحه طري لا يلجم باجر الباري شيرضيه
هذا محمد لو سجد حتى بسجوده يداريه

تدمع تباوع للعين
ياربي عاين لَحِسين
بروحه بقت متعلعله
اهل الأرض واهل السمه
*
يونس كريم الزيداوي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

في طريق السبي السيده زينب.ع. وقفت مع الرباب ام الرضيع .ع. ووضعت يدها على متن الرباب فتألمت ام الرضيع لان متنها كان مُنجرح كثيراً من تلك السياط ..
خلت ايديها زينب عله امتون الرباب
يمكن اذيتج اتگلها جا حسبالي طاب
المت متنج يميني . سامحيني سامحيني
اعتذر حسبالي طاب . اعتذر حسبالي طاب ـــــــــــــــــــــــــــــــــــــــــــــــــ عالرباب القصه تشرح كل حزنها اتألمت
من لزمت الحره متنها آه متني صاحت اهي او كثر ونها
اجروح المتون الزمتها او المنها
اتكلها مو قصدي جفي عله متنج يمر
والله حسبالي متنج تره طاب اعتذر
بلله متنج شوفيني . سامحيني سامحيني
اعتذر حسبالي طاب . اعتذر حسبالي طاب ـــــــــــــــــــــــــــــــــــــــــــــــــ يالرباب شلون لو راويج متني سألي سكنه
امن اضربوني شاهدتني الناگه جم مره
اعله متني طيحتني عذبتني الناگه والله عذبتني
انحفر متني لمن طحت من الهزل
مره اعثر انه ابجدمي مره بالحبل
اجروح متروسه اديني . سامحيني سامحيني
اعتذر حسبالي طاب . اعتذر حسبالي طاب ــــــــــــــــــــــــــــــــــــــــــــــــــ
گعدن ابنص الخرابه او حجن همهن
اشتاگن ابحسره يويلي الحضن امهن
اتذكرن من طلعوهن من خيمهن
اتذكرن من جلبت النار ابهدمهن
السوط فوگ العبايه يويلي منطبع آه
جم مره خدهن بديهم ينصفع
وحده صاحت آه عيني . سامحيني سامحيني
اعتذر حسبالي طاب . اعتذر حسبالي طاب ـــــــــــــــــــــــــــــــــــــــــــــــــــــــــ
الرباب اتذكرت عبدالله سكته شلون
ذيج الليله هي گمطته اتگلها يازينب
تره عطشان عفته وشفته من خلص حليبي
هل دمعته مد اديه الطفل من رموه ابمنحره
ماي عباله دم اللي من نحره جره
جان اعز ولدي او بنيني . سامحيني سامحيني
اعتذر حسبالي طاب . اعتذر حسبالي طاب ــــــــــــــــــــــــــــــــــــــــــــــــــ من طحت يمّ الرضيع اعله الوطيه
الزمت ضلع او صبع بثنين اديه
عله ثوب إحسين طيحوها رقيه
شمت اهدومه اوبقت تنضر عليه
اتكلي شفت ابقميصه يعمه جم عظم
عمه جا وين اسألج عله باقي الجسم
عن حبيبي جاوبيني . سامحيني سامحيني
اعتذر حسبالي طاب . اعتذر حسبالي طاب ـــــــــــــــــــــــــــــــــــــــــــــــــــــــ اهواي مشگوگه عباتج شو شفتها
آنا لو بيدي ابجروحي خيطتها
اجروح متنج لو بديه عصبتها
يالرباب ايديج خشنه امن الزمتها
خشنه ايدج يويلي لان لزمت
جمر ابعيني ايديج شفتهن انه صارن حمر
ايدج اتشابه اديني . سامحيني سامحيني
اعتذر حسبالي طاب . اعتذر حسبالي طاب ــــــــــــــــــــــــــــــــــــــــــــــــــــــــ ناگتج هم جاوبيني عذبتج عالوجه
هم مثلي بلله طيحتج بلله هم ضيعتي
سكنه او ضيعتج او هم بقت تبحث عليج
او ما لگتج آنا مره شفتها تناحب
بالخيم اتطلع الشوك اثاري تريد إمن الجدم
اتصيح عمه گوميني . سامحيني سامحيني
اعتذر حسبالي طاب . اعتذر حسبالي طاب

حيدر الحلفي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

السيد علي الموسوي الكربلائي



حسين اول كلمه يحجيها لساني
حسين بس هوه الاشوفه وماله ثاني
لتضن انساك للموت وياك
..........
حسين مو قصه وروايه حسين واقع ما تغير
ولا كدر تاريخ يمحي سيرته ودومه يتنور
وما حصل واحد مثاله نقذ دينه بدمه المنحر
سبحان بارينه الجعل انواره من يوم الأزل
ولولاه لا دين إكتمل رحمه للامه تصدر
گبره يزهي و گبته ونور المنارات
اطوف حوله أهل السمه وكل المجرات
ونزلت الأملاك للموت وياك
.....
لاتلوموني بمحبته ولو تجنن بيه فكري
سلمتله العمر كله وبيده صار زمام امري
ما يهمني الموت لجله ونذرت لترابه عمري
مسدوده بيبان الگلب بس هوه ما غیره أحب
ما ازل عنه وانسحب لو تجور أيام دهري
سر محبته واجبه عليه واخدمه
شرف عندي لو اصير تراب جدمه
تايه لولاك للموت وياك
.....
حسين مو بس للشيعه صار ومو دليل انطي ادله
بأربعين البوذي يحضر وجم مسيحي الي وصله
انخلق للاكوان كلها وما ربح كلمن يجهله
جم اعمه رد ليه البصر ومشلول ينهض علاثر
والسائل بدمعه حضر تنكضي لو يمه صله
حير عقول الخليقة بمعجزاته
ضامي ويروينه بحره ومكرماته
نقسم بدماك للموت وياك
.....
قسم نقسم بالزجيه ما نزل عن الحسين
ولو على فراش المنيه نحيي يوم الأربعين
ولو يذبحونه عله حبه نبقى نصبر ما نلين
جم عابس بحبه انوجد وخل الموت وبعد
يتكاثر بحبه العدد وما تغيرنه السنين
من قبل لليوم جم حاقد اجانه
وداعش العار بعزم نكطع لسانه
بالدم نفداك
.....
شنهو داعش ما يهمنه ونعتني لأرض المنيه
للحشد راحت شباب ورجع يوم الغاضريه
علي الاكبر ويه جاسم وي شباب الرافضيه
والشيعه كلها محزمه أبطال ما عزو دمه
يعراق اسمك بلسمه وينمحون الداعشيه
بأجر يعود الوطن وتعود ناسه
براية العباس يبقه عالي رأسه
نعاهد نرعاك
......
السيد علي الموسوي الكربلائي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

: قصيده إلى مولاتي فاطمه العليله


علگ شديته بيدك
ترد سالم اريدك
دعائي بحق عضيدك
وبحنيني
نخيت الله ونخيتك
تجي و تضوي بيتك
و تشاهدني يريتك
بس تجيني
............
يا حنان الكون وجهك
دللتني بطول السنين
ارجع
علمتني بحظنك اغفه
وتركت بغيابك العين
تدمع
ختمت جم ختمه عله ختمه
والنواعي ابيتي كل حين
اسمع
عمري كله ما عفتني
كون اندل دربك منين
و اطلع

فلا اترك دعائي
الأرض تبجي وسمائي
بسلامه ترد رجائي
تضوي عيني 1
............
الطفله لو شافت أبوها
تأمن وضحكتها تغريد
تحله
وتركض تشبگه وتقبله
والمحبه تزيد وتزيد
لجله
وأنه احسد كل صغيره
ويه أبوها و ايد بالايد
والله
تدمع العين و أفكر
يمته يرجع والدي بعيد
رحله
الدمع غرگلي الحجاب
احاجي بونتي الباب
يبويه طال الغياب
ضل انيني 2
.............
عاشرت ليل الثكاله
والكمر ينعالي و نجوم
ليلي
والشمع بالعتبه أشعل
وكتبت عالباب مهدوم
حيلي
ويلي مشتاقه لنضرته
وكلمتي من اكعد و إذا اكوم
ويلي
المرض هين من رحيلك
عيني صبي المدمع دموم
سيلي
و إذا غمضت العيون
بحلم بلكت يمرون
الصبح يمكن يعودون
يخف ونيني 3
................

بويه ياما وياما كتلك
وياك خل امشي و الاخوان
حلمي
بعله تتركها طفلتك
وبيتك مخيم من أحزان
هضمي
بيه وردات الطفوله
ذبلت و مكسوره الأغصان
همي
لو شفتني تجري عينك
وبعدك نسيت من الزمان
اسمي
الي الله برحيلك
حلم اندل و اجيلك
يغالي و اشتكيلك
عن سنيني 4
.................
حيل ما بيه من أصلي
كاعده وجن عمري ألفين
عمري
بويه ما تعرفني والله
شعملت بايامي السنين
دهري
لو ردت شاهد الحالي
بمحنتي هاي أم البنين
تدري
العله سهله بس غيابك
من وراه محنيه كل حين
ضهري
سبحتي من عبرتي
أشد غربه غربتي
الدعا صار بدمعتي
بلا اديني 5
............
لحضه لحضه انتضركم
وعالدرب مشبوحه الانضار
هضمه
خدي يحرگ من دموعي
والسفر لو طال احتار
و اعمه
لعطر عبد الله احنن
ولسوالف عمتي تذكار
عمه
وين شمل أهلي و عمامي
خاليه و ما احجي بالدار
كلمه
نسيت الضحكه بالروح
تروح و ترجع الروح
اليسلي حالي بس نوح
معذبيني 6

الشاعر سيد علي الموسوي الكربلائي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

ثمرة الخدمه :

هالخدامه مفخره بأتباعها
والسفينه حسين و احنه شراعها
-------------------------------
هيبة الخدام تبقه معدله
للكنس واليقره نفس المنزله
بلا فرق أن جان نازل أو عله
دنيا خلصانه و تلمنه بگاعها 1
--------------------------------
احله ما بالخدمه ما بيها خلل
بخيمه وحده والتعب مثل العسل
صخام جدر حسين نيشان انجعل
والمواكب نورها من سباعها 2
-----------------------------------
الينطي ماي يروي گلب الما روه
وتربه الخدام للعله دوه
بكل عزه موجود شيال اللوه
ولازم الخدام من ذراعها 3
----------------------------
اليطبخ ويكرم تحسده أهل الكرم
شي اكيد من الحسن مأخذ شييم
بچفه ينطي الزاد وتزيد النعم
والمضايف ما تغير اطباعها 4
__________
والمجالس ضل طعمها مختلف
على النيه أن جان عشره لو الف
شمحله صدري من اللطم لو ينخسف
ودنيتي بحسين انسه اوجاعها 5
____________
والنفق دينار محسوب بعشر
حته لو ينطيله ماي لبس نفر
كلها مقبوله و أخذ مني الخبر
ما يشوف الله الخدمته باعها 6
____________
نافس بنيه وفه مو بالكسر
خاف باجر تهوه و تضيع العذر
ما الك داعي ويه غيرك و احتذر
و اللشش تتعلگ من كراعها 7
____________
صفي گلبك والتزم عندك مجال
دنيه معرفه بوصف دار الزوال
هالخدامه مو نقش فوك الرمال
عالحجر منقوشه كلمن طاعها 8


الشاعر سيد علي الموسوي الكربلائي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

صعب فگدگ انمرد چبدك
يعبد الله انضرك يصب دموم نحرك

انه حسين بدمعتي اروي الآمي
انه بجفي انذبح طفلي بسهم ضامي
بنضرته انجرح وثوبه الصبح دامي
بعد شلي بحياتي و عيشة أيامي

دمع عيني يجويني
طفو يوليدي بدرك
يصب دموم نحرك


حملته على الصدر للگوم وديته
وعلى جفي الطفل و يلوج خليته
أنادي اسگوه اميه و صوتي عليته
بدموع العين اني لطفلي رويته

شنو ذنبه انمرد گلبه
وحملت بروحي قهرك
يصب دموم نحرك


يبن كاهل و شلك عالطفل عتبه
رميته بنبلتك ضامي انفطر گلبه
ضامي و ينذبح گلي شنو ذنبه
مصابه شلون احمله و حالته صعبه

انذبح مضلوم رووه دموم
يمن حيرني امرك
يصب دموم نحرك


عليّ مرت مصايب منها گلبي ذاب
يعبد الله و مصابك ما مثيله مصاب
بين چفوفي وبنبلة حقد تنصاب
شنو ذنب الجنيته يبني و الأسباب

شيصبرني كثر وني
و أعد شهور عمرك
يصب دموم نحرك


رميت دمومك لصوب السمه ومهموم
و اصيح بصوت أحكم ربي يا قيوم
شعمل عبد الله يرمونه بسهم هالگوم
انچتل و شفافه ذبلانه و يصب دموم

يضي عيناي شلي بدنياي
بخظاب الدم اشهرك
يصب دموم نحرك


انه بيا حال اردك للخيم مذبوح
و على گماطك يصب يا بويه فيض جروح
و امك بالمخيم تنتظر و تنوح
يبعد الروح عگبك م اريد الروح

يدلالي يأآمالي
حملت بالآه مرك
يصب دموم نحرك


رجعت صوب الخيم عبد الله يالغالي
شفت منضر فجعني و فطر دلالي
تهز بالمهد امك و المهد خالي
صحت هاليوم ذبحو وردة آمالي

وگلب أمه كثر همه
و على حالي أخبرك
تصب دموم نحرك

خادمكم سيد علي الموسوي الكربلائي
تمت كتابة هذه القصيدة سنة
2013/10/16

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

گعده إلى مولاي عبد الله الرضيع عليه السلام


وياك يا محله سنيني
بفرگاك ما غمضت عيني
عبد الله يبني تمنيت
وياك موتي ياريت
***********
الولد شمعه بعين أمه
وضلمه لو يرحل ولدها
سند للشده و ذخرها
شلون اذا يوگع سندها
ودعاة الله ما اگلك
لأن روحي ضيعتها

حاجيني فدوه لشوفتك
بس جلمه گلي مروتك
تدريني هسه بعازتك
امك بيا حاله عفتها

أحلام شفتك بعيوني
أحلام وتخيب ضنوني

وياك كون تواريت1


كلشي حسبت بخيالي
بس وداعك ما حسبته
يبني عبد الله أنادي
لو طفل وي أمه شفته
دوهنتي بهالرزيه
و بالدمع خدي حفرته

كابلت مهدك و انتحب
أيام عمرك ينحسب
نيران دلالي يشب
لو عطر مهدك شهگته

مليت عمري و أيامي
بعيناك ضاعت أحلامي

و بجروح كلبي احتاريت 2


يمه من تغمض عيوني
تبدي اطايافك و اشوفك
برؤية اللهفه على وجهك
و بيدي جن أشعر جفوفك
افز من حلمي على مهدك
و انلجم يمه بطيوفك

و ابقه على مهدك ساهره
ما تغمض عيوني تره
بالدمع روحي محيره
شبيدي يمه و حته اعوفك

تذكار دمك بثيابك تذكار موقف نشابك

يا دهري و شخليت 3


اشم عطرك من ثيابك
و اسرح بعبره وحسرتي
و الزم كماطك و اشبكه
و أشعر يلامس مهجتي
ضحكتك يمه باذاني
نسيت من بعدك ضحكتي


مشتاقه لعيونك و احن
ترجعلي يبني ما اضن
ضليت عشره ويه الحزن
والدمع أصبح سلوتي

عطشا خلصت أيامك
ذبلان غصنك بالامك

من العمر مليت 4


جانت ضنوني اكبرك
وياي لو بين مشيبي
تالي ترحل يمه عني
يا ضوه عيوني وحبيبي
حرمله فت يمه گلبي
وجان نشابه نصيبي

ما يسوه عمري من رحت
أصعب مصيبه من شفت
وي رأس أبوك تعلكت
من أذكرك ينزل حليبي

بالروح ضلت ضحكاتك
مذبوح و انضر اهاتك
و بالفاجده اتسميت 5

سيد علي الموسوي الكربلائي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

والئ مولاتي رقيه عليها السلام



كتلتها كلش فرگتك
تحسب ايام الجيتك
تدري برقيه شنادتك
بالطشت لمن شافتك

////

عميه العيون ولا شفت /هالمنظر بعيني /ياشمعه اسنيني /هلبت تحاچيني
وتگلي،كل هذا بحلم /بويه التشوفينه /بالچ تصدگينه /فد ساعه تنسينه
اسف عليچ اتاخرت /يابويه ضل بالچ /يمي،وتعب حالچ /گام ايتراوالچ
عنچ اروح وما ارد /يل عايشه بروحي /عندچ دوه اجروحي /اعيوني الچ توحي

تلگين الچ صوره
نص گلبي،محفوره
شمه امفارگ شمتك
بالطشت لمن شافتك


//////////


حسبت كلشي بدنيتي/بس،تبتعد عني /ما چانت بضني /يابويه اذني
بعدك ليالي البليسر / كل حيلي،هدنه / ما چانت الضنه / بعيوني اشوفنه
الما عنده ذره من الشرف /يتهتر اگبالي / صوته ارتفع عالي / ترضاها يل والي
يسحبني من كتر الكتر / يدفعني،بچفوفه /ودموعي،مذروفه /من طبو الكوفه

حته النفس،بيه
لبسته بوشيه
اخ شكبرها عازتك
بالطشت لمن شافتك

//////////////

تمسح ابچفها اعله الوجه / وتوخر ابدمه / وبحرگه تشتمه / والعيله ملتمه
حته الخرابه امن الالم / من شاهدت ونها / والمحن وازنها /طفله بزغر سنها
كل المصايب،والمحن /گامن فرد گومه / والطفله مالومه / متغيره ارسومه
تعاين براسه اشچم اثر / وشفافه ذبلانه /ما حرك السانه /وتگله هاي،انه

معصوره فد عصره
مثل امچ الزهره
مسحت الدم بشيبتك
بالطشت لمن شافتك

////

ضلت تعاين بالوجه /مخنوگه ببچاها /مدري اشجره وياها /بعيونه حاچاها
گال الها لحظات ويجي /واحد تعرفينه /قرانه بيمينه / لازم تماشينه
تغمض عيونچ بالعجل /كلهم يشوفونچ /لمن يحركونچ /ما توجع متونچ
والم عندچ ينتهي / وجروحچ وياهن / تلگينه داواهن /،والباري عافاهن

ما تبقه ابد لوعه
والرضو اضلوعه
شبگت حنينه الشبكتك
بالطشت لمن شافتك

//////////

يحسين احلفك بالجره /تنظرلي بعيونك /ساعه يندبونك /تدريني من دونك
ما اسوه كلشي،وداعتك /يالهيبه تدريني /لو غمضت عيني /ياهو الينجيني
من منكر اباب اللحد / اعمالي ينشرهن / ويگلي تذكرهن / شيخلصك منهن
ما تبقه غير امروتك /يارحمه الباري /ما تنفع اعذاري /من عاينت ناري

خلصني بيمينك
عيني انتخت عينك
صاحت يغاتي بذمتك
بالطشت لمن شافتك

/////////


فاضل الغريباوي

◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli

الشفته بعيني من هاي الـمــجـالس
راحـــة ومــنزلـة وكـلـهـن مــدارس

هـنـيالـه كلمن ياخذ اول يامولاين
والشهادة موقعة من عند الحسين


الــــف هنــياله الـطـم من دمعة سايل
ويكض خاصرته الحبيبة وحيله مايل
يعني يـملك شـوگ ودمـوعـة الرسايل
بگلبة وبروحة الحزيـنة هــمـوم شايل

اون الـجــروح
ايشيب الروح

بكل مسية وكل سهر تبجيلك العين

والشهادة مـوقعة مـن عنـد الحسين

المجالـس كلهه عبـره ومـبدئ ياناس
الله عنده اعظم درس موضوع عباس
الـف حــجة الـف عـمـرة بـگـد الانفاس
اليجلس بمجلس حسيني يرفع الراس

راســـــة مـرفــوع
اليبجي اله دمـوع

من يعاهد نفسة يبجي طول السنين

والـشهادة مـوقـعـة مـن عند الحسين


المـجالس رحــمـة الله تــمــر علـيها
شــي لئــن فـاطـمة بـدمـعتها تجيها
والـملاك اشــيــب من تسمع حجيها
تگول انا المـذبوح ابني وهل بجيها

وبلمجالس
كلنه عابس

مثل مامن جن ترى صرنة مجانين

والشهادة موقعة من عند الحسين


الثوب الاسـود مــن صـرت لايــگ علية
شــي لـئــــن امــي انـذرتـــنـــي للزجية
ودمع عيني اشمة شي عطرة اعله دية
تــگــلي نـاذرتــك تــرانـــي الـهل رزيــة

بلمـثال اتقيس
من يمر عريس

تـذكر القـاسم تراها ويبـدي الونين

والشهادة موقعة من عند الحسين


بمجـلسك هـايلـحبيب ارتاح راحة
من تصير اگبالي ياراعي الصراحة
بس الك هذا الگلب يرخص نياحة
وريت ليلي بمجلسك لاهل صباحة

تدري يحسين
بدمعة العــين

الـصـراط النوله مـنها كـون ميتين

والشهادة موقعة من عند الحسين


اللهم صلي على محمد وال محمد

#كلمات ✍️خادم الحسين
(مـحــمــد الـبــنـداوي)

سيدي منك وإليك ياحسين
◾️◾️◾️◾️◾️◾️◾️◾️◾️◾️◾️◾️
🔴#قناة_قصائد_الشعراء👇
https://tttttt.me/ssgadAl
🔵#قناة_رثاء_شاعرات👇
@alshuhadaaltafu70

⬛ #مجموعة_في_رحاب_الحسين👇
https://tttttt.me/joinchat/AAAAAEE5ALXrP5lARHOzmg
🔮#قناة_القصائد_مع_اللحن👇
@Alphadli