#لأستشهاد_الأمام_الصادق_ع
(بحر طويل)
تُقرأ🔺{شوط كربلائي}
أو لحن{شلون انساچ يايمة}
أو نعي { #بطور *التغريد الحزين* أو #بطور عبد الحي قمبر *ياجبريل نترجاك*}وغيرها...🔺

على الصادق ينوح اليوم..الزهرة والنبي المختار
بـالسم وذرو چبـده..بــ أمـرت ظـالم وغدار
------------------------------------------------------

للكاظم شبح عينه..يوصيه بدفن جثته
يگله انته التغسلني..ويريده لگبره ايزته
علوم ال النبي طـه..إلك يـوليدي سلمته

أصبر عگبي ياميشوم
آنـه راح ارتحل هاليوم
واشكي مصابي للقيوم
آلهي أشتكي من اعداي..الغدروا بية هالأشرار
✹••••✹≈✹••••✹≈✹••••✹≈✹••••✹

أويلي اعليك وا ويلاه..الكاظم ينحب بعبره
ينادي بـوية والمدمع..عالوجنه صفت جمره
تخليني وتروح بعيد..علية عگبك اشيجرى

لتخليني لا لتروح
بِغيابك تروح الروح
شيداويها إلي الجروح
صعبة الفرگة يابوية..وحدي شلون اظل محتار
✹••••✹≈✹••••✹≈✹••••✹≈✹••••✹

بهموم وحزن وآلام..الزهره تبچي وتنادي
البقيع الغرقد تعنت..هيَ والنبي الهادي
مكسور الضلع منها..تصيح بحسره يولادي

اشعملوا بيك آه يبني
بمصابك زيدو حزني
أجيتك واستمع وني
صحت ويلي على اولادي..يل بيهم زماني جار
✹••••✹≈✹••••✹≈✹••••✹≈✹••••✹

ياأصل العلم والدين..الشيعة اتهل دموع العين
مسموم بـ أمر ملعون..لا هاب الشرع لا دين
بمصابك نذكر الظامي..عزانه الكم يظل اسنين

نصبنالك مئاتمنه
مصابك حيل هدمنه
هـم فرگاك آلمنه
عانيت الظلم والجور..وتالي يحرگون الدار
✹••••✹≈✹••••✹≈✹••••✹≈✹••••✹

أمام الجعفرية اليوم..نودعه وما يـرد لينه
راح ابحسره خلانـه..نـام وغمضت عينه
الفواطم تنحب بداره..ينوحن شال والينه

حكم ظلام يولونه
بمصابه والله فجعونه
يتامى بفگده خلونه
انطفى نور الولي من راح..ودمعنه اعليه صفت مدرار

تـــمــت بــعــون اللــه
16/6/2018

✍🏻 #ولائـية_وافتـخر (دعـاء العـامـري)
❌لاإجيـــز حــذف الأســم❌
✹••••✹≈✹••••✹≈✹••••✹≈✹••••✹
◾️◾️◾️◾️◾️◾️◾️◾️◾️◾️◾️◾️◾️◾️

متابعو مجموعة في رحاب الحسين ع نضع بين

أيديكم قناتنا الجديده لنشر القصائد الحسينيه

لكافة مناسبات العترة الطاهرة عليهم السلام

#قناة قصائد في رحاب الحسين ع👇👇

https://tttttt.me/ssgadAl

#لسماع طور القصيده اليكم قناتنا قصائد وألحان في رحاب الحسين ع 👇👇👇👇
https://tttttt.me/Alphadli

#للأشتراك بمجموعة في رحاب الحسين اضغط هنا👇👇👇👇

https://tttttt.me/joinchat/AAAAAEE5ALXrP5lARHOzmg