لحظة اوداع - والله حيـــره حيرتــــي
لحظة أوداع - يا عذابـــي ومحنتــــي
باچـــر انه اميسره واخـــوتي فوگ الثره حگي اظلن حايره

****

ها يدمعي شلون ليله شلــون حيــره حيـــرتي
بين أنوحاً هالمسيه لــــو أودع انــه اخـــوتي
بين أنــــوح لصبح باچــر لو أنــــوح لمحنتي
بين اطفـــي نـــار گلبي لــــو اطفــي بخيمتـي
تطفه يا نار – لو يطر باچـر صبح
تطفه يا نار – خيامي لو نار الذبح
من اصدن منحره واخـــوتي فوگ الثره حگي اظل حايره


*
هـــــا يدمعـــي شلـــون ليلــه ليلـــة اوداع الاهـــل
شلون أودع حسين گلــي يا دمـــع مــــا ظل امـــل
ولـــو رحت للكافــل انــي شلـــون اروحــن للكفل
اشلون اودعه وتجري عيني وينظر ادموع الزعل
نار الوداع – يا دمــــع وســـط الگلب
نار الوداع – جمره كل ساعه وتشب
وشيطفي المسعره واخـــوتي فوگ الثره حگي اظل حايره

*


حيره انه ابصبـــح باچـــر مـــا يمر مثله صبـح
تبتدي رحلـــت عـــذابي بعـد ساعــــات الذبـــح
شلون اودع حسين گلي اليله يا دمعـــي اليسـح
لو نظر دمعه اعلى خدي دمعي بيه شگد شــرح
دمع العيون - باچـــر يســـولف الم
دمع العيون - من يصد اعلى الخيم
اشلون اظلا صابره واخـــوتي فوگ الثره حگي اظل حايره


*

اليله يا دمعي المواجع راح أسد باب العتاب
راح افك بيبان دمعي ومـــا أسد للونه بــاب
باچر انظــر عالوطيه مخذمه اكهول وشباب
انظــر الاكبر صريــع وجاسم الحنه خضـاب
تبقه الاجسوم - يا وسف فوگ الثره
تبقه الاجسوم - من دمــــاها معفره
هالجسوم الطاهره واخـــوتي فوگ الثره حگي اظل حايره

*







هـــا يدمعـــي شلـــون باچـــر مــن اصد طاح العلم
شلون اصد طاحن چفوفه وراسه عالشاطي انهشم
شلــون لـــو صابولـــه عينـــه بيش ينظــــر للخيم
ريت كـــون يصيب عينـــي ولا يسد عينــه السهم
باچر اشلون – لو تظل بس الحرم
باچر اشلون – لا كفيـــل ولا خيـم
عگب سبع الگنطره واخـــوتي فوگ الثره حگي اظل حايره

*

آنـــه بت طـــه محمد آنــــه بـــت اعظــم نبـــي
آنـــه بت الشرف كلـــه قبلــه اصبــــح معصبي
اشلــون مچتـــوفات اديـه اشلون اروحا للسبي
شلون عگب الي كفلنــي يبـــره ضعنـي الاجنبي
ليل الوداع - تبدي باچر قصتي
ليل الوداع - يا عذابي ولوعتي
يجره بينه الماجره واخـــوتي فوگ الثره حگي اظل حايره

**
الشاعرموسى البديري

https://tttttt.me/ssgadAl

ليلة الوداع




زينب تگل لحسين واتشم نحره
وصتني اشمك بالوداع الزهره

1
اسوالف وداع وياه تسولف گامت
بليلة العاشر للصبح مانامت
مدري تسولف لو تشمه احتامت
لو تبقه تنظرله وتعيش بحسره

2

ياخويه اريد اشبع حچي واشبع شوف
شيبرد اگليبي العليك وملهوف
انته اگعد واحنه نجي اعليك انطوف
بلچن اعيالك يرتون بنظره

3
اكشفلي عن صدرك يخويه وطلعه
حتى اشمك والكلامي سمعه
وصتني امي بالوداع البضعه
خلي اخوچ حسين يكشف صدره

4

شمت اخوها ونفذت اشوصتها
امها الزچيه وكفكفت دمعتها
اعله حسين خافت من خفت حسرتها
ولحظة وداعه اتحسها مثل الجمره

5

هيه واخوها اثنينهم بالخيمه
وتصير باچر لو رحل بالهيمه
لا عدها والي باچر ولا غيمه
التسترها من حر الشمس والنظره

6

طلعت من الخيمه وآلمها وياها
تنظر اخوها وبدمع عيناها
بهل موقف الصار وجره شخلاها
وشكبره موقفها تحسه اشكبره


الشاعر السيد رياض الرسل الجابري

https://tttttt.me/ssgadAl

عن ليلة العاشر

لويجي باجر والعده يسلبونه
بليلة العاشر حسين لله عيونه
لويجي باجر
لويجي باجر

**

ساهر حسين بدمعته ونار بخدوده صفت
خاف يارب البريه ايكول لحظه قصرت
افضالك اهوايه عليه مقصر شماقدمّت
جبت وياي الاحبهم وياي كل اهلي اجت
اهلي وناسي والحياة افديها
روحي وانفاسي الخالقي اهديها
لويجي باجر
لويجي باجر

*

للصبح ربي صلاتي واقره قران الفجر
بيش اجازي نعمه وحده وشكري يحتاج الشكر
يلي رايدلي الشهاده اسنين الها انتظر
انتظرها وي الهواشم من بعد طول الصبر
الك وجداني وروحي يلشاغلي
هذا قرباني ربي اقبل مني
لويجي باجر
لويجي باجر

***

لوتكطّعني الاعادي وعلثره راسي تنحره
لواموتن وارجع احيا ولواموتن الف مره
ولوتشب خيامي كلها والعيال تروح اسره
مااوفيلك يربي من جميلك ولو ذره
باجر ادريهم اماسرين عيالي
ربي راعيهم يالطيف ابحالي
لويجي باجر
لويجي باجر



*

ربي ادعي ترعه زينب لومشت درب الاسر
مدلله تدريها عندي مدلله ام الخدر
لادمع يجوي وجهها ولاكلبها ينكسر
هيه من بعدي كفيله انطيها ياربي الصبر
زينب بحيره اتصير من يرعاها
شمامشت ديره روحي تمشي وياها
لويجي باجر
لويجي باجر

***

ريت ياعترة محمد للمدينه اترد سلامه
يوم مايرعاها والي العايله وتبقه يتامه
ربي احميهم تراني بكربله عمري ختامه
والحمل صار على زينب وليلها طوّل ظلامه
ربي احوالي بس الك اشكيها
باجر عيالي للاسر تاليها
لويجي باجر
لويجي باجر

الشاعر حسن لعيبي الحريشاوي

https://tttttt.me/ssgadAl

عن لسان العقيلة زينب ع ليلة الوداع

باجر جيت العاشر ريته لايجي باجر
هاي الناس تطلبكم ياهو يضلي من عدكم
ريته لايجي باجر

***********

ياخويه يابوالسجاد حاجيني
جن رايد تودعني وتخليني
ردت منك يابو الغيره تحاميني
كفيله اتريدني خوية وتوصيني
باجر ينتهي كلشي يوم العني بيه تمشي
صدك باجر اودعكم ياهو يضلي من عدكم
ريته لايجي باجر


****************

اشوفن دعوتك دمعات وياها
وتدعي الله وتوصيه بنسل طاها
وتكله على زينب ربي ترعاها
عرفت ياخويه هاذي شنهي معناها
خويه لاتودعني اشوفنك تضيعني
اروح وابتعد عنكم ياهو يضلي من عدكم
ريته لايجي باجر


******************


ريت الله يوكف كل فلك داير
ولاشمس الصبح تطلع علي باجر
ولااشوفك وحيد وماالك ناصر
وعليه الكوم بعدك خويه تجاسر
وتتفرج علينه الناس لاانته ولاعباس
ضحايا اشلون اشوفنكم ياهو يضلي من عدكم
ريته لايجي باجر


*************


صدك خوية ولااشوفن بعد نورك
ويضل وياي يمشي دوم عاشورك
من هاشم تغيب وترحل ابدورك
فراك الدوم يكتل بعد ما ازورك
باجر لايجي كون وربي يوكف الكون
اخاف العده اتفرهدكم ياهو يضلي من عدكم
ريته لايجي باجر


*********************


باجر من يجي مذبوح ابواليمه
وتصير الدنيا سوده بعيني وظلمه
القاسم وي الاكبر ينسحك جسمه
ولاعباس جفه ورايته يمه
بعد هاي المنايا احيرن بالسبايا
سليبه وخاليه خيمكم ياهو يضلي من عدكم
ريته لايجي باجر

الشاعر حسن لعيبي الحريشاوي

https://tttttt.me/ssgadAl

ليلة الوداع
1 قصيده بحق عبد الله الرضيع عليه السلام


قطره من دمك روت ارض وسمه
يمه ياعبد الله يالميت ضمه
 ..................

غمضت عينك يسباح الكلب
واني عميه عيوني ماشوف الدرب
دمعتي يايمه عالوجنه تصب
على مناغاتك ترانه امعلمه
..............

وردة اسنيني ويأ جمل كل ورد
بعدك ازغيّر ييمه اعله البعد
لاتضن كلبي برحيلك ينسعد
اهمومي فوك الراس كلهه مخيّمه
..............

اتزيد الهموم من اصدن للمهد
ومااشوفن طولك وحيلي ركد
انه ام وفاكده ضحكت ولد
ابيش اخّمد نار روحي المضرمه
................

طير جنه وانحرم من شوفتك
ياهو بعد امك ينشف دمعتك
ماتروح ابالي ضلت صورتك
شنسه منك وانه بسمك هايمه
...............

يمه يالب الكلب شنهي الحصل
الماي لشفاف البرائه ماوصل
من الضمه حيلك ودلالك ذبل
شلون بعدك انه اضل متنّعّمه
..............

در حليب امك تعال بهل حضن
انته مو مالت كبر لاتندفن
حاره الرمله واخاف اعله الوجن
جسمك احرورت الكاع اتهّدّمه
...............

ما اضلن يمه بغيابك تره
مايفيد الصبر روحي امرمره
يمه ياعبد الله ابقه محّيره
شذنبك وتتروه من نحرك دمه

محمد هادي العقابي

https://tttttt.me/ssgadAl

ها يحسين ... رايح وين
عساها راشدة النية
انت اتروح.......يم امي
وانه الوحيدي مسيبة...
عساها راشدة النية ...
،، ،،،،،، ،،،،،،،،
اشوفك عزمت عل غربه يحسين..
وانه شلون بية ويال نساوين ..
واذا هجمت الخيل ع الصواوين ..
الخيل اتريد حيل ويني وين ..........
ما گلتو اختنه منيلها الحيل ..
اذا كل احنه رحنه وهدت الخيل...
واذا راح الگمر شي خلص اليل ...
صعبة نعيش بجفاك ..لو تاخذني وياك ..
عساها راشدة النية
،،، ،،،،، ،،،،،،،
ها يحسين اوگف خوية حاچيني ...
صحيح الي سمعته يا بعد عيني ..
يگولون الشمر كل نيتة يسبيني ...
وانه اجدامي متعودة عله اخييني ...
......
شني الشام ما واصلته واشبعدة ..
هم ما شيتة گبلي منل عرب وحدة ...
يزيد ايريدني شمضيع اشعدة .....
شلون امشي بالياك ..لو تاخذني وياك ...
عساها راشدة النية
،،،،، ،،،،،،،،، ،،،
انت حسين تدري وتعلم اصاير...
بعد ساعة عليمن يصعد الحافر ...
وسولفلي علية لو صبح باجر ...
تراء زينب خطية وتكسر والخاطر ....
.....
انه اشحملي باجر ياكبر همي ....
انه اليوم يمك ماطلع رسمي ...
باجر جيش كله يصيح باسمي ....
صاحو زينب اعداك ...لو تاخذني وياك...
عساها راشدة النية
،،،،،،،
،،،،،،،،،، ،،،،،،،، ،،،،،،،
لتوادعني ابقة وعوفه الناس....
قبل ساعة مشة وما ردلي عباس ...
اخاف من الوداع البيت ينداس ...
نسوان ويتامة اتريد حراس ....
........
باجر كاس حنظل لازم انضوگة ....
ليل و صوت خيل وخمية محروگة ..
والاصعب بعد ضيم السبي ونوگة ....
هيج ايصير بجفاك ..لو تاخذني وياك...
عساها راشدة النية....
التمسك الدعاء



الشاعر كريم البطلي

https://tttttt.me/ssgadAl

قصيدة نزلة ليلة الوداع

يالتودعوني
ابچي خلّوني
اگضي هاي الليله يمكم ابچي خلّوني
*

آنه زينب والحزن أثّر عليّه
من فگدت المرتضه وامي الزچيّه
والحسن وجروح چبده لسّه بيّه
يخوتي واليوم اجتني الغاضريّه
لا تمنعوني
ابچي خلّوني
اگضي هاي الليله يمكم ابچي خلّوني
*

ليلة العاشر يخوتي ليلة وداع
ما اظن يلتم شملنه والامل ضاع
مدري ليش الليل رايد يخلص بساع
والله ما بيّه يخوتي احمل اوجاع
يالتسمعوني
ابچي خلّوني
اگضي هاي الليله يمكم ابچي خلّوني
*

خويه يبن امي حبيبي ياضوه العين
گلبي ما يرضه اودعك والله يحسين
آنه عشت وياك خويه هاي لسنين
اخو مثلك وبغلاتك يحصل منين
ياضوه عيوني
ابچي خلّوني
اگضي هاي الليله يمكم ابچي خلّوني
*

ريت ما يطلع صباح ويبقه بس ليل
حتّى ما شوفك ذبيح ادوسك الخيل
ولااشوف عله الرمح دم راسك يسيل
ولااشوف عله الخيم عدوانك تميل
لا تعوفوني
ابچي خلّوني
اگضي هاي الليله يمكم ابچي خلّوني
*

گلبي ياعباس خويه خايف هواي
من تودّعني يخويه وتمشي للماي
خوفي توگع عالشريعه ها يوفّاي
من تطيح عله المخيّم تهجم عداي
لا يسلبوني
ابچي خلّوني
اگضي هاي الليله يمكم ابچي خلّوني
*

حسين يازينب يگلها صبِري يختي
من بعد ما ننذبح للعيله انتي
من تشوفين الشمر يگطع رگبتي
لا تجين لمصرعي زينب سمعتي
خويه رحموني
ابچي خلّوني
اگضي هاي الليله يمكم ابچي خلّوني
***

جاوب العباس يختي لا تخافين
والله لجل عيونچ آخذ ثاري ضعفين
آنه ابن عودچ يزينب زين تدرين
ألّا رد صولات حيدر يوم صفين
خويه عذروني
ابچي خلّوني
اگضي هاي الليله يمكم ابچي خلّوني

سيد زيد الفحام
____________________________________

https://tttttt.me/ssgadAl

لا تودعني وداعك مالي حيله
لاتفاركني ثواني هيه ليله!!
والله شده ليله وحده ضلت وياك

عگب ذاك العمر كله هسه ضلت ليله وحده
باچرتروح
خويه خل عينك عليه وگلي هوه البيچ بيه
گلبي مجروح
ليله وحده اشگد قليله يابعد روح العقليه
اختك اتنوح
بس سواد اليله يمي انه تدري جبال همي
حلمي مذبوح
من عگب عشرتنه ذيجه والاماني
هسه خلصت صار تنعد باالثواني
للموده ليله وحده ضلت وياك
*
ارد احلفنك بجدي خويه ضل باالخيم عندي
سولف وياي
انه اختك گلبي خايف هواي الك عندي سوالف
والصبح جاي
حيرتني منين ابدي وانه دمعاتي اعله خدي
اه يرجواي
خلني اشبع شوف منك مدري باجر وين عنك
حايره بهاي
وين باجرهل المسيه والله مدري
يمكن بگد المصايب ضهري محني
ماكو مده ليله وحده ضلت وياك
*
اجمعنه خل نگد بخيمه لئن باچر كلها هيمه
ودمعه واهات
يله صد وجهك عليه يله سولف وي رقيه
ببتسامات
والابو تدري اشحلاته من يسولف وي بناته
الچنها وردات
خلهن العطرك يشمن باچر الشخصك يحنن
هل السبيات
يااعزمن روحي اكلك ادنه يمي
خويه وجهك ليه ديره بداعت امي
ليه صده ليله وحده ضلت وياك
*
اليله مجروحه الخواطر وساهره تظل النواضر
اه بثر اه
هنه ساعت البقنه وانته باجر ماشي عنه
واحسيناه
اليلة العاشر گصيره عني وجهك لا تديره
ديره لهناه
اخ عاالفرگه والمها باجر اختك ياهو يمها
وتحچي وياه
بعد عباس وحنانه والترافه
باجر بكل خطوه اگولن ياحسافه
من يرده ليله وحده ضلت وياك
*
خويه لمنه اليله كلنه نگعد اناغي طفلنه
خل نلوليه
هوه عبدالله شحلاته خل يشيلنه خواته
ويفرحن بيه
عاالطفل خلونه نلتم كل كتر من عنده ينشم
انته تدريه
باجر النبله تنطره وكلبك وكلبي تكسره
بدمه ترويه
مهده اخر ليله ينهز والله صعبه
وهوه ميت امه باجر من تكلبه
ماتهده ليله وحده ضلت وياك
*
سعد العبودي

--

https://tttttt.me/ssgadAl

ليلة العاشر
المن اغمض العين؟ ليلة وداع حسين
يبن امي هليله
ارد اسهر انه وياه واشبع بواچي واه
يحچيلي واحچيله
*
اخر مسيه وياالاخو تدروني
وشلون تاخذ عاالمنام عيوني
خلوني اسهر للصبح خلوني
اتوادع ويه اخواني ويودعوني
اي والله هذا اليوم ليلة سهر يانوم؟
هليله ياراحه
انه اختنگ كل ساع اسمع كلام اوداع
يجرحني مصباحه
*
هوايه السوالف والوكت شيكفي؟
گلبي رجف يبن امي موبس چفي
باچر اشيترك باالخيم شيطفي
لهفي عليك وعله افراگك لهفي
وبوجهي ماظل لون سولفلي گلي شلون
المن اصدعيني
عمري گظيته وياك مااصبر ابفرگاك
ياخويه تدريني
*
سولف وصيتك ياالاخو وحچيلي
وكون الله ينطيني الصبر ادعيلي
خليلي ذكره لورحت خليلي
حته النجوم البلسمه تبچيلي
يجرح سواد اليل ضل ياخذ من الحيل
ويلي اعله مأساته
لوبيدي چا خليه عمري سهر اگظيه
ماتگظي ساعاته
*
باچر اذا صار الظهر يفجعني
عاالتل اصيح اولا اخو يسمعني
ابقه انتخي وين التكفل ضعني
ودعته يم الشاطي ماودعني
يم النهر لو فوت چم موته روحي اتموت
من انظرالكافل
والكتره اشيل الايد واهمسله من ابعيد
ويلاه يبو فاظل
***
عيوني بعد غير البواچي اشعدها
باچر رقيه تفارگه والدها
طفله وتحن والطفله شيهودها
مچتوفه چا بيش السياط اتصدها
راح الابو التهواه وراح الحنان وياه
شيعوض ايامه
صدر اليضمها حيل باچر تسحگه الخيل
مسلوبه العمامه

سعد العبودي

--

https://tttttt.me/ssgadAl

يوم الانصار..
رسالة الانصار الى خوف زينب ع
وقلقها من يوم العاشر........

روح گلها ياحبيب ابن مظاهر
الخدرها باچر انضحي المناحر
گلها قُري في سلام
خل تأمن عالخيام..
ياحبيب ابن مظاهر
………………………….
بليلة العاشر الحره عايشه بخوف ووجل
تنسمع دگت گلبها بكل مكان ابكل محل
وسمعوا الانصار بيها خايفه بت الفحل
الغيره بيهم طگ عرجها وبين عليهم زعل

ركضوا الخيمة حبيب وزعل بيهم
وچان حيل الغيره امبينه عليهم
التضحيه خصم الكلام
خل تأمن عالخيام..
ياحبيب ابن مظاهر
………………………….
ياحبيب وروح گلها ارتاحي يابت فاطمه
هي بس خلها تأشر تنگلب ارض وسمه
وكربله هاي تصدها تفيض باچر بالدمه
وياهو من عدهم تريده راسه الها انقدمه

ياهو من عدهم تريده انگصه راسه
وخل تنام الليله وعلينه الحراسه
گلها خليها تنام
خل تأمن عالخيام..
ياحبيب ابن مظاهر
………………………….
گلها انصارچ يزينب قسموا ابأمچ قسم
مايصل جندي الحدودچ لايمر صوب الخيم
امني يابت الزچيه على اطفالچ والحرم
وباچر بعينچ تشوفي من يرف هذا العلم

گري عينچ باچر اسباع المنايه
لجل خدرچ راح ترخصها الدمايه
ابلغها من عدنه السلام
خل تأمن عالخيام..
ياحبيب ابن مظاهر
………………………….
حسين ابو اليمه اجتبانه وهذا گللها فخر
وباچر القائد علينه علي الاكبر والگمر
وين باچر جيش اميه من الانصار المفر
الماي باچر گلها يمها البابها انجيب النهر

وحگ عبد الله الرضيع وعطش گلبه
الماي باچر گلها يازينب يشربه
اي وحگ گلب الامام
خل تأمن عالخيام..
ياحبيب ابن مظاهر
………………………….
ونعم منكم يگلهم ابن ظاهر والنعم
عالخدر متخاف زينب كون عدها هالزلم
باچر اجيوش ال اميه بكيفنه انطشها ونلم
ملاگه باچر بالمنايه وبوجها نبتسم

نموت كلنه ولايمس واحد خدرها
الله خالقنه لشرفها والسترها
نفدي بت سيد الانام
خل تأمن عالخيام..
ياحبيب ابن مظاهر
………………………….
سمعت الحره بحچيهم وسال من عدها الدمع
وشالت ايديها بدمعها ربي بارك هالجمع
بجاها امي الزچيه الماتت بكسر الضلع
بجاه اخوي العالوطيه گبالي باچر ينصرع

بداعت امتوني ومتن سكنه ورقيه
احفظ العنده صدگ حرگه عليه
روحي تكره طاري شام
خل تأمن عالخيام..
ياحبيب ابن مظاهر

الشاعر عقيل الحسناوي..

https://tttttt.me/ssgadAl

شوط كربلائي

كعدت زينب وي حسين        كبل العاشر بخميه
وكلتله يخويه اشلون          باجر اركض بهيمه


سولفلي يبو السجاد         اختك جيت اودعنك
باجر تنذبح يحسين         وامشي وابتعد عنك
باجر اصعد الهزل             ومن الناكه اشوفنك

يذبحونك واظل وحدي
وشمر  بالقافله   يحدي
ودموعي.  بللت  خدي

اظل لوحدي يحسين   وماكو بالعرب شيمه
....................................................................

يزينب راح اسولفلج     شيحصل باجر ويجري
تجمع عليه الكوم         وشمر يذبحني من نحري
وحتى الخنصر يكطعو    وخيل دوسني بصدري

على التربان اظل مرمي
ولا   واحد   يظل   يمي
تجي تبجي وتنوح امي

ابن حيدر علي الكرار      يبدي بكربله ضيمه
.................................................................

يحركون الخيم بعدي       زينب فدوه لا تبجين
يزينب وارد اخبرنج        باجر للبسي تمشين
وعل نوك الهزل يختي    كدام الخلك ترحين

وصوط اليضرب بمتنج
ولا   واحد  حمى  عنج
وتصيح الوادم  باسمج

لحرمة جدي يا عالم      ما عدكم بقت قيمه
...................................................................

من ارض لارض تمشين       كوفه ومن بعدهه الشام
احفظيهم وصيتي هاي       امانه عندج الايتام
بخرابه لا تخليهه              رقيه يا زينب تنام

اذا نامت تفز وتريد
ابوهه يحضر من اجديد
ولمن يسمع الصوت يزيد

يدز راسي وتشوفه وراح   تموت بحسره اليتيمه


خادمكم حسين ابو عباس الكعبي

https://tttttt.me/ssgadAl

قصيده رئيسية في ليلة الوداع ليلة العاشر


ليلة العاشر رهيبه
تحمل اسرار العجيبه
كل محب ودع حبيبه
ليلة وداع. ليلة وداع
*

بكربله مو بالمدينه عائلة طه الرسول
لا مُحمّد لا وصيّه لا ولا حتّى البتول
حسين حاضر والعقيله زينب وحاير شگول
بليلة العاشر مواقف ذهلت اصحاب العقول
حضرن ابّالي الاسامي
ابدي من ياهي بكلامي
يعينك الله يا امامي
ليلة وداع. ليلة وداع
*

ابدي من زينب وخوها وشرح اجواء الوداع
زينب بليلة العاشر حسّت بجرح الضياع
دخلت عله حسين تبچي وصار آخر اجتماع
اتگلّه ما اگدر اودعك گلبي خلّص افتجاع
تودّع حسين بدمعها
دموعه سالت من سمعها
يشعر بهمها اوّجعها
ليلة وداع. ليلة وداع
*

ثاني موقف احچي عنّه ليله والأكبر علي
تگلّه يُمّه شلون اودعك يابعد روحي وهلي
ياعلي الاكبر حبيبي منهو من بعدك الي
باچر يسفكون دمك تنذبح وآنه ابتلي
يالحبيب شلون بيّه
من يطر فجر المنيّه
تنذبح بالغاضريّه
ليلة وداع. ليلة وداع
*

جاسم العرّيس گاعد دخلت امّه لخيمته
شعلت شموع لزفافه وبالمدامع شبگته
بدر وجهه ويزهي نوره والجمال بوجنته
ودّعت جاسم ابنها وايّست من زفّته
يبني بس هالليله يمّي
باچر يذبحون حلمي
يُمّه ثگل جبال همّي
ليلة وداع. ليلة وداع
*

احچي والمدمع خنگني عن دللّول الرباب
والده تهز مهد ابنها وتشعر بجرح المصاب
تگلّه ياعبدالله يُمّه گلبي من هالحظه ذاب
تنذبح باچر حبيبي ومهدك يصير التراب
لا طلع ياريته صبحك
حرمله باچر يذبحك
تنخضب بدموم جرحك
ليلة وداع. ليلة وداع
*

ارجع لأوّل كلامي وحچي عن زينب كلام
گصدت العباس اخوها تعثر بذاك الضلام
يركض تلگّاها حافي صاحب الرايه الهُمام
دنّگ وقَبّل اديها بكل تواضع وحترام
تگلّه ياراعي الحميّه
شلون اضل بين آل اميّه
لو غبت اطلع سبيّه
ليلة وداع ليلة وداع
***

كافلچ موجود يختي لا تهمّچ هالألوف
لخاطر عيونچ يزينب باچر امحيها الطفوف
اكسر رگاب آل اميّه باچر وعينچ تشوف
يختي لوما غدر عدهم ما يگطعون الچفوف
لو طحت يم الشريعه
يعني چفّيني گطيعه
صبري يختي بهالفجيعه
ليلة وداع. ليلة وداع

سيد زيد الفحام
_____________________________________

https://tttttt.me/ssgadAl

◼️ برنامج محرم 1441هـ / 2019م ◼️
#محرم_1441هـ #2019م
🔺 قصائد يوم العاشر 🔺

مقدمة فتحة يوم العاشر..

زينب نزلت من التل تركض حافي يالزهره
حضرت يم خوها حسين گبل لاينگطع نحره
،،،،،،،،،،،،،،،،،،،،،،،،،،،،،،،،،،
يامُ حسين طاح حسين ينزف عالترب جسمه
متوسد ثره الهيمه مخضب شيبته بدمه
وزينب حضرته لكن لگت گاعد شمر يمه
لازم سيفه ابن جوشن يريد من الگفه يكره
،،،،،،،،،،،،،،،،،،،،،،،،،،،،،،،،،،
صاحت زينب تگله وخر ياشمر عنه
لاتذبح اخيي شبيك ما تسمع ثگل ونه
خليني ولو ساعه يودعني وودعنه
الي بلكت يفك عينه يصد لخته ولونضره
،،،،،،،،،،،،،،،،،،،،،،،،،،،،،،،،،،
الشمر لنه برمح زينب عن حسين يدفعها
وهي ِ عله حسين مچفيه سياطه عليها يطبعها
يجر بيها وتجره النوب يرد عليها يصفعها
وطاحت عالوجه زينب ووجهه ترسته الغبره
،،،،،،،،،،،،،،،،،،،،،،،،،،،،،،،،،،
تون وگبالها الملعون يطبر گام بالعطشان
نوبه برجله ايرفسه ونوبه يجره بالتربان
الحجر زلغ جلد جسمه لان حسين ضل عريان
وترسها جروحه رمل الحار من فوگ الرمل جره
،،،،،،،،،،،،،،،،،،،،،،،،،،،،،،،،،،
ثنه عله الصدر ويلي وگام بخنجره يطعنه
رجع وبرجله ايگلبه النوب عله الظهر ثنه
يريد من الگفه ايذبحه وبناته گباله شافنه
رفع من الشعر راسه وگام ابسيفه اينحره
،،،،،،،،،،،،،،،،،،،،،،،،،،،،،،،،،،
گطع راسه وسحب رمحه حطه بنحره اوشاله
وجت عشره وعلى جسمه تدوس عليه الخياله
طحنت جسم ابو اليمه وماضل شي من اوصاله
ابد ماضل ضلع لحسين سالم ونطحن صدره

الشاعر عقيل كاظم الحسناوي..

https://tttttt.me/ssgadAl

تطبير
...........................................................
نرفع القامة بايد وايد الراية. = نطبر على الروس ونصب دماية.
،،،،،،،،،،،،،،،،،1
فدوه الك يحسين فدوه دمنه.
= نلبس چفن ونشد الك حزمنه .
للموت عالي وماوگع علمنه.
= لحسين بالدم والفعل خدمنه.

بالدم نعاهد بالوعد وفايه. =
نطبر على الروس ونصب دماية.
،،،،،،،،2
نطبر على الهامة ونعيد الطبره.
= لازم نواسي زينبك والزهره.
هايالرؤس اتصير لازم حمره.
= واليطبر الزهراء تنطي اجره

گول وفعل من نحچي احنه حچاية.
= نطبر على الروس ونصب دماية.
،،،،،،،،،،،،،،،3
انصار الحسين وابد مانهتم. =
كل عاشر احنه نسبح بسيل الدم.
احنه اعله مود حسين خل نتألم.
= بالقامة كل الروس خل تتهشم.

هامتنه من دمنه تره محناية. =
نطبر على الروس ونصب دماية
،،،،،،،،،،،4
بدمنه ابو السجاد واجب ننصر. =
عهد الله عاهدناك نقره ونطبر.
الله اكبر بالدماء انكبر. =
دمعتنه وي دمنه نضل نحضر.

كل عام نبقى نقره هايالاية. =
نطبر على الروس ونصب دماية
،،،،،،،،،،،،،،،5
بدمنه علمود حسين هالسبحنه.
نطبر على الروس ويصب جرحنه.
خدام الحسين وصدگ ربحنه.
= بدمنه قضيتنه بعد شرحنه.

بس يرضه عنه حسين هاي الغاية.
= نطبر على الروس ونصب دماية
.................
.................................
.....

حيدرموسى الرميثي.

https://tttttt.me/ssgadAl

قصيده بحق الامام الحسين ع

عيسى ما مصلوب جسمه شبهه لجسمه المسيـح
وانــت داســنــك حوافـــر من طحت بالطف ذبيح
اكبر امصابك يغالي
راسك اترفعه العوالي
*----------------------*--------------------*
بالكنيسه صليب عيسى رافعينــه
والمسيح بارقى صوره مقدسينـه
شبه الهم بالصاحري صالبــينــه
وانت جسمك عالوطيه موذرينـه

عالغيور الحاله صعبه والامر ما اضن يهون
تسحك الخياله جسمك وانت بحضان المنون
جنه اشوفنه بخيالي
راسك ترفعه العوالي
*----------------------*---------------------*
نفترض عيسى التعذب مو شبيهه
ونـفــترض جثته بصليب معلكيهه
جــثـتـك بــيــن الاعادي مسلبيهه
والـتـراب الكـفـناهه وضل عليهه

مـريـم تـبطـل دمعهه لو درت هذا المصاب
يسهل الصار بولدهه مــا حـمل مثلك عذاب
بــالفـله ايـام وليالي
راسك ترفعه العوالي

---------*****-------*******


الصليب لعيسى معـلـم ولمصابه
للجـراله يوضحنه بــكــل عذابـه
مــا توذر بالهنادي ودم خضابه
ولا تدوسه الاعوجيه وما تهابه

قصه ما صارت مثلهه بـجـت عـيـون السمـاء
تـسـلـب ثـيابك عجيبه خامس اصحاب الكساء
ترخص ادموع الموالي
راســك تـرفـعه العوالي

*----------------------*---------------------*
صـاحـب الروح المقدس للكنيسه
قصته تهون المصابك من نقيسه
مـحــد يـلـوحه وبواتر ما تجيسه
ما تـوزع للحوافر جسمه عيسى

بـالـتراب دموم تنزف كثرت عليك الجروح
والاشد شمر الضبابي خـنجـره كبالك يلوح
وصفي مو بدعه ومغالي
راسـك تـرفـعـه العـوالـي
****-----------*******--------*** ***


الـحـالـتـك تـجـري المدامع والحزنهـه
حـالـه مـخـتـلـفـه بـوضعهه وبـدفـنهه
اضلوعك خيول الاعادي أيرضرضنهه
وجـثـتـك بـدوس الـحـوافـر وزعـنهـه

لجلك تسيل المحاجر وخالد يضل النحيب
والله ما نكطع عزانه والله يحسين الحبيب
نرفع الاصوات عالي
راسك ترفعه العوالـي
*----------------------*---------------------*
يـنحـب الـكـون الدمائك والغياره
يـالـبـقـيـت اتـلـث ليالي بالمعاره
خصك الـبـاري بقدرته واختياره
حجه لليقصد ضريحك مو زياره

الله راداك بـقـدرتـه تـرتقـي لاكـرم مقـام
تنحني لكبرك ملائك وتوكف تأدي السلام
تبقى عنوان المعالي
راسك ترفعه العوالي


الشاعر رعد الجريخي

https://tttttt.me/ssgadAl

قصيده بحق الامام الحسين عليه السلام
عشق خادم
المستهل
........................

أذكرني أبطيفك أذكرني ... عنك لا لا تبعدني
روحي مالك أو وني .. أذكرني .. أذكرني
...................
1

ابضهر ابوي او عاشكك ... بلرحم وشتم عطرك
جنني نور محبتك .. تسعة أشهور أنتضرك
ذبوه سري أبموكبك ... يل بلمواكب سرك
مسحولي وجهي أبتربتك ... او كالولك أصبح نذرك
عبدك عاشك أحروفك * امنحني بوسة أجفوفك
بكيفك يلي مالكني .. أذكرني .. أذكرني
....................
2
الأطفال تندب يا علي ... بس انه أصيح أحسيني
او يعذرني حيدرنه الولي ... أحروفك تغذيني
أمي صدرهه تكربه الي ... ادفعهه أبجفيني
أستحي منك يا هلي ... جن طفلك أيحاجيني
اذكر طفلك الضامي * بصحوة شوفي وحلامي
لحظة ما يفاركني .. أذكرني .. أذكرني
.....................
3
انته الهوى التنفسه ... يا بعد روحي الغالي
اي لحظة اقسم ما نسه ... ينبض الك دلالي
خريج أعظم مدرسه ... عباسك اليبرالي
طالبه دوم أيدرسه ... عشكك درس يقرالي
أيكلي هذا محبوبك *غمض وجعله شوفك
حبك غيره علمني .. أذكرني .. أذكرني
....................
4
علمني أخلاص او وفه ... او ميهمك الي أيلومك
أصبحله عابس عاطفه ... أبعاشوره شك أهدومك
أبتربته كلي الشفه ... شمهما يتعبك يومك
سر الله بيهه او معرفه ... لا مو صلاتك صومك
بقعه سرهه منعرفه * ربك عارف أبوصفه
طيفك باقي يسحرني .. أذكرني .. أذكرني
.....................
5
جم واحد أبواحد اجه ... كالوا نغيب ذكره
أيزيد حبه او منهجه ... مو بس عواطف فكره
من ألطم أبصدري أحس ... الأم سحكة صدره
وذكرهه شوغة عيليته ... حين الي حزوا نحره
نحري فدوه النحرك * صدري يرخص الصدرك
بدالك الشمر يذبحني .. أذكرني .. أذكرني
......................
6
امنيتي لو نمت أبكبر ... أتمر علي يعيوني
او بلمكبره موكب احط ... او زوارك أيمروني
أو يوم عاشر من عشر ... الزنجيل يجوي أمتوني
وطبرلك أبحضرة علي ... والدمه أيغطي جفوني
اختك تمسح أبدمي * الزهره سجلت أسمي
تكلي ما نساك أبني .. أذكرني .. أذكرني
.....................
خادم بنت الزهراء ع
الشاعر
أحمد نوري القيسي

https://tttttt.me/ssgadAl

نعي العشاق بحق الحسين ((ع))

الترافه البيك ما ترهم للخــــيول
مالت ماي يحسين وفراشـــــــات

يالخدك يشابه وردة اليــــــــــاس
واحساسك دفو جنح الحمامــــات

يراگ لكل بحر ويغازلة الـــــروج
وتتمنة البحار تصير روجـــــــات

الصبة والعاتيات اتغزلن بيـــــــك
شافن بالشفايف احلة بسمــــــات

يهلال وسكن ما بين النجــــــــوم
وبيه اتفاخرن حتى المگمــــــرات

عطر خدك يخالف عطر الـــورود
تتمنه الحدايق منه شمـــــــــــــات

يحتار اليوصفك يبتدي امنيـــــــن
يمحير الشعر ومحير الابيــــــــات

يا خصلة الاخصه واحچي للنـاس
ولگيتك يالترف كلك كرامـــــــــات

عشگتك وافتخر عشك المجانيـــن
ما اعوف العشگ يالغالي هيهات

يئآية وبسملة عند اليرتلــــــون
ما تكمل بدونك سورة وايــــات

يا صوت الجوامع وكت الغروب
ويا اجمل ورِد بين الصــــلاوات

الماعرفو محبتك غرگو بـــروج
وسرت وياك بصدور المبحرات

مرات انجبر واتغازل ويـــــــــاك
ومرات الغزل لحظاته مـــــــرات

اسرح بالخيال الماجن بشــــــوگ
واردن للطفوف وكلي حســــرات

اوصفنك ندة واتذكر المــــــــاي
وتتحول فرحتي بخدي دمعــــات

حتة الخيل ما تشبه للخيــــــــول
داسن عالصدر وين الثكيــــــلات
××××××××××××××××××××××××

الابوذيات على لسان السيده زينب// ع//

مثل ونك تره بكلبـــــي تعالن
وصيحاتي بحزن خويه تعالن
يخيل الدستن ابن امــي تعالن
علي دوسن واشبعن روك بيـــه
#####################
ملائكة العرش يحســين غارن
عليك بيوم خيل العــــده غارن
ضمي وعيونك الحلوات غارن
بكثر ما دارن لشوف الرقيــــــــة
#################'#'###
اخوي مغيره التربــــان بس چن
بدر ليل اهدعش خـاواه بس چن
يخيل شضل بعد بحيـسن بس چن
عساچن بالكسر يالاعوجيـــــــــــــة
###############'#'#####'
✍الشاعر رعد الچريخي✍

https://tttttt.me/ssgadAl

الامام الحسين عليه السلام يستقبل الخدام بالجنه...


يا هلا بخدامي ميت هلا
العاشت بأنفاسكم بس كربله
أمقصرين الكَال منكم
انه راضي وراضي عنكم
مسّجل الجنه بأسمكم ... تفضلو خدام
****(١)**************
منتظركم ساعه ساعه الدنيه مو الكم تره
الدنيه للما عنده مأتم ينصب بالآخره
العمره خلص بالخدامه بدمي أوقع دفتره
والشرط مخلص أريده مو فقط اسمه انقره
__________________
ماكو بالجنه نفاق ولا دجل
هنانه الينفعك فقط بس العمل
حاضر اشفع للخدمني
الجنه اله ياخذها مني
الما خدمني ما عرفني ... تفضلو خدام
*(٢)*************
الشاعر الرادود يحضر خلي نقره لفاطمه
بمجلس الزهراء تلكه بهمها فضه محزمه
والحسن والحره كعدو والدمع صاير دمه
وابو فاضل عل الشريعه يذبحه لو فات ازلمه
__________________
يسكَي الي يلطمون من مي جربته
اليدعي بالمجلس تخلص حاجته
ما تظل اي حاجه صعبه
ابو فاضل من تطلبه
ما يسده باب كلبه ... تفضلو خدام
*(٣)*************
مقدّر الناس وتهابك يا الخِدمتك من صدكَ
اليوفي وي معشوكَه هذا اليفتهم معنى العشكَ
اليلطم بحركَه عليه وصارت أمتونه زركََ
ما يشوف النار اصلاً ياهو كَلك يحتركَ
__________________
بجنة الفردوس كَاعد خادمي
واسمه بالجنه حسيني فاطمي
اتباها يا خادم امامك
شتطلب نسمعه كلامك
مرتفع يبقى مقامك .. تفضلو خدام
*(٤)*************
بكَبره اتلكَه الخدمني بوحشه ما خلي يحس
انتظره صاير انه فتره لا اليوم ولا امس
بالنهار أفرش عباتي خافن اتلوحه الشمس
واكطع ايده العله كبره الحاول يمدها ويمس
__________________
وأشعل الشمعات لو مات الضوه
لريته لو مخنوك اصيرله هوه
دمعي يمه ابقه اسيله
انه اقراله عديله
غيري ما عده وسيله ... اتفضلو خدام
****(٥)**************
اليسألك عن سنينك عمرك انته اجم سنه
كله عمري بس خدمتي الباقي ما حسبه انفنه
خلصت عمري مجالس باللطم ساسي انبنه
ومن كثر ها كد خدمتي ظهري يا ناس انحنه
__________________
قابل بكلشي انه لو حته انذبح
ابقه احبك لو ملح وانه جرح
ربي لا يحرمني منكم
يا احبابي شكد احبكم
اليوم اجازيكم تعبكم ... اتفضلو خدام
***************
خادم الحسين عليه السلام
ملا حازم البزوني

https://tttttt.me/ssgadAl

يحسين موبس النه
يالخذت ماتتمنه
بكل ريه ياطبع الهوه
شهكة عشك بالونه
يبتلي الحبك من صدك
وسوالفك كتلنه
والمايحبك يبتلي
عيون الله مايردنه
يحسين مو بس النه
كلمن يريدك بس اله. بركضة نبي مضيع ابن. نركضلك استعجلنه
يچتاف مابيهن خلگ. شايل سفينه اعله المتن. ونريد نصعد كلنه
يحسين مو بس النه
كلك عله بعضك صرت. لله ويحبك هاكثر. بالعرش دمك حنه
من كثر ماشايل طعم.
السوّاك اخذ منك عطر وطش منه وسط الجنه
جابو جمالك للعطش. ذبحو حلاتك من طحت
صاحولك تعادلنه
وليهسه ربك بالزعل. طيح وراك اشچم عرش
يرضه ابد ماچنه
ونطاك ميزه اطب عشك. كل كلب تاه بلادرب. وجروحك يداونه
يحسين موبس النه
للي يخدمك عن قصد. رايد رضاك ونظرتك. وبس ترضه رايد عنه
يحسين مو بس النه

نسألكم الدعاء
حسين صادق العقابي

https://tttttt.me/ssgadAl