أسف صارت صدك .. أشم ريحة حرك
واضن سوط العده ..ابمتن زينب يدك
-----------------------
عالشاطي الوج وفجأة مدري ششتم
نار الكلب لو ريحة المخيم
ويه الهوه اليلجمني فوكي خيم
دخان خيمتهه الي كالت تسلم

رمه عيوني برمح .. هوه الطف الوكح
أشمه وما دره .. إمن أشم بي اختنك
------------------------
نايم ولاكن نيتي أركظلهه
وكل مشكله العدهه بجفوفي احلهه
أكعد عله إركبي وأون وأكلهه
ياخويه ياهو الخيمتج شعلهه

أنه إبدال العلم..اجي وشايل سهم
يجرح ناظري..بوسط عيني يشك
---------------------------
جاب الهوه صياح وحسبته ونهه
ثاريهه طفله لازمه إذنهه
زينب ليالي الغربه دولبنهه
وجم سوط ظالم خضر إبمتنهه

أبيه وما تهم..إذا يمهه زلم
الي سكته تحن..وتذوب وتحترك
---------------------------
بيش أبجي وعيوني السهم طفاهه
وشيلطم الجفينه ما لكاهه
إمغمض وزينب أعرف إشدهاهه
ما قصر الوسط الضرب كفاهه

أحس ماي النهر ..يفور إمن القهر
وأنه الما حسبت.. إعله تالي ونفترك
------------------------
زينب حياتي وكلشي عندي هيه
جانت تقبلني وتشم بديه
آيه شرف نزلت يغاضريه
والآية ما تمشي بهزل سببه

إختنه إمخدره..تروح إميسره
وحسافه ابن الدعي..يشتمهه ويطك
---------------------------
الدخان شميته وخفت عليهه
وخايف تروح امجتفات اديهه
ما بيهه جيه ولاكدرت اجيهه
ياهو اليوصلي سلامي ليهه

أخافن بالدرب..يشبعوهه ضرب
وجفنهه إمن السهر..أبد ماينطبك
--------------------------
ش/علي الابراهيمي

https://tttttt.me/ssgadAl

الشاعر علي الابراهيمي:
للإمام العباس..ع..

يا أمي يالبالمدينه
ذاك الوعد تذكرينه
وفيت إلج وجفوفي عالغبرة
وأرجوا العذرمن فاطمةالزهرة
ذاك الوعد تذكرينه
................................
اوداعت عيونج نسيت جفوف ماعندي
إعليج سلمت بدموعي وإرفعت زندي
مدري دمعي مدري دمي السابح بخدي وقدمتلج اعتذاري ونفذت وعدي

لا يمنتي يمه يمه
طاح العلم بيش اضمه
بس كيفت من كطعوا اليسره
وارجوا العذر من فاطمه الزهره
ذاك الوعد تذكرينه
................................
يمه وصيتني أضلن عالخيم حارس
وكلتي لا تدنه إعله زينب ريحة الفارس
إلماي من شلته صحت يازينب بواهس
ما شربته وكلشي بيه من العطش يابس

وشبيدي عالحاصروني
وحين بعمد صوبوني
ما ضلت بجود الشرف كطره
وارجوا العذر من فاطمه الزهره
ذاك الوعد تذكرينه
..................................
يمه ما رديت لن عيوني مطفيه
وما شفت دربي وخيمهم تاهت اعليه
شلون اريد يمه وتزاعل جودي وي ميه
وآنه ما متعود اكسر خاطر ابنيه

أشلون ارجع وماكو جودي
وشلون أرد ابزنودي
يالوالده وكلبي انعصر عصره
وأرجوا العذر من فاطمة الزهره
ذاك الوعد تذكرينه
..................................
أعتذرلج مو لأن الماي ما جبته
بس لأن كلتي ابو فاضل مايعوف اخته
أقسم بحيدر ابوي وشارته وبخته
لوله ما عافتني إديه خدري ماعفته

لا صارمي ولا إديه
بس عسكر اليرمي بيه
ومن دمي صارت رايتي حمره
وارجوا العذر من فاطمه الزهرة
ذاك الوعد تذكرينه
..................................
آنه أدري اتسامحيني جي تعرفيني
وأدري نفذت الوصيه البينج وبيني
والله لوما نبله أجتني وشككت عيني
ما جسر ابن البغايا ويذبح حسيني

لاتحترك خيمه النه
ونرد عليج بشملنه
ولا راكت بصدر الشمس عشره
وأرجوا العذر من فاطمة الزهره
ذاك الوعد تذكرينه
................................
يمه خليت الجحافل تحسب احسابي
والله ما خليت ركبه توكف ابابي
سيفي من شاهد ركبهم طلك إكرابي
ودخنت غيره إعله زينب من وره ثيابي

سيفي هتف هلله هلله
واعله الركب يمه صلى
وآنه الي ماخذ من علي شمره
وارجوا العذر من فاطمة الزهره
ذاك الوعد تذكرينه
.............................
ش/ علي الابراهيمي

https://tttttt.me/ssgadAl

عندما رجع الحسين من مصرع ابا الفضل الى خيمة زينب ص قالت له…
.زينب. ودار الحديث مابينهم





لتگلي.. دمع وجناتك صاحالي وگلالي
لتگلي.. السهم بعيونه وعالشاطي كفالي

.الحسين.

يازينب.. گمرنه الضاوي بيا حاله وحاچاني
يازينب.. شبگته بروحي وشميته وشماني

گــــتله الحچي خليته مابي لون
عباس اخيك گلي ياخويه شلون

گومنه ادري شتنتضر
عايفني ومخاوي النهر
هددني ياخويه الشمر….. عباس

مو حلوه ارد الوحدي
تاركني ليش بمفردي
يحزامي ياعم اولدي….. عباس

………..

.زينب.

سولفلي.. يظل عالشاطي لو يرجع للخيمه
سولفلي.. لگيت احساسه ودمعاته والشيمه

. الحسين.

اي خويه.. السهم بالگوه جريته من عينه
اي خويه.. العمود براسه وبس يبچي اعله سكينه

گتله خويه جيشي كله وراح
فزعو عليه وجاي اشوف ارماح

بعروگي مايمشي الدمه
صعدت حياتي للسمه
مشتاگه ألك جم فاطمه… .عباس

لو تگدر وتنسه الائلم
وانطيني من عينك سهم
چا وحدي اردن للخيم…. عباس

………

.زينب.

شگلالك.. قريت دموعه شمكتوبه بوجناته
شگلالك.. شفت چن خيمه من تنزل دمعاته

.الحسين.

گلالي.. يبو عبدالله سلملي اعله العيله
گلالي.. تطشر راسه وجفوفه تلوليله

سمعته يگلي فدوه خويه حسين
جفوفي وعذابي وحتى سهم العين

گلالي عشرتنه انتهت
ودموعك بخدك بدت
والرايه مثلي شيبت…. عباس

شميته من ناري انچوه
ياخويه مو ضهري التوه
ياخويه خل نرجع سوه…. عباس

……….

زينب

يحسيني.. اخذني بسدك عالشاطي وديني
يحسيني.. ردت بس شمه من عينه ياعيني

الحسين

يازينب.. يخدرچ غالي اوصاني كفالچ
يازينب.. الزلم ملتمه وكل همي اعله خيالچ

باچر وراچ الصعده مال النوگ
باچر وراچ الطبه مال السوگ

باچر مصايب سبي
باچر حرگ مال العبي
باچر تماشين اجنبي…. عباس

صبري اعله جرحچ يالاخت
عذريني لو حالچ شفت
بس انه بالخيل اندست…. عباس

………..
زينب

موتني.. اخذني بحضنك خل ترمي الرمايه
موتني.. غيابك يكتل عايفني بيا ثايه

الحسين

ياخويه.. بحرگ خيماتچ طلعيهم للهيمه
ياخويه.. الجمر يطاير من كلبي اعله الخيمه

زينب سياط وجمره هاي الناس
من هسه صيحي خويه ياعباس

هلبت يعوف المشرعه
جــــتفچ ارفعي للدعه
وترد اخوتي الاربــــعه… .عباس

خلوني وحدي بدمعتي
مخنوگه تطلع حسرتي
ومسموعه صارت ونتي.... عباس




عبــــد زينب
محمد الابراهيمي

https://tttttt.me/ssgadAl

يشوفونك گمر مكسوف يالغالي
صلاة آيات صلولك يكفالي
اشوف سيوف تسجد... عليك المدمع يهد
يكفالي يكفالي
*
لبسنه حرامنه خاطر نصليلك
ومن نقره السور عباس نشكيلك
رفعنه چفوفنه ترد ألنه ندعيلك

الغوث الغوث من النار خلصنه يعباس
الغوث الغوث اجو كلهم مشاعل هاده الناس
سبحان الوفه مچويه اديه
سبحان الدمع تبچي رقيه

ركعنه اعله النهر والحرم نشدوني
من الظيم ضلو مايعرفوني
تطشر كل حچي الود عليك المدمع يهد
يكفالي یکفالي
*
سجدنه بس علينه الصوط ساجد
شما يرتفع هم يرجع يعاود
هواي الصوط چان بمتني عابد

الصوط الصوط ماعنده لغه بس يكسر گلوب
الصوط الصوط يدري بحالتك عالوجه مگلوب
لو انته عدل مايحچي وياي
لو انته عدل مااعرف الماي

بعدهي چفوفنه مرفوعه بالدمعه
ترسنه الشط شمع ماجابتلك شمعه
شما نَدنه تبعد عليك المدمع يهد
*
الركعه الاولى خلصت ياگمر سكته
الساكت بس بواچي تصير سالفته
المعدل يموت ولاتون اخته

بساع بساع گوم بساع ضاعت چم يتيمه
بساع بساع اريدن رايتك عباس خيمه
يبو المحمل غدت طشاره الحمول
الشمر ضلت بكيفه يصول ويجول

الركعه الثانيه خلصت قراءتهه
وبعدهي سكينه عالوجنات دمعتهه
اعله جيتك خويه تنشد عليك المدمع يهد
يكفالي
*
كَبرنه بصلاتك وانتهت بينه
وبسمك سبحينه السكته تاذينه
چلمه وانت طايح فدوه حاچينه

النار النار گامت باليتامه تاكل وتنهش
النار النار اشربنه رماد الطفل من يعطش
جمرات الخيم صارت چثيره
يخويه الحيره سموني اسيره

هيه المشكله اي والحسن عجبه
الأبو حيدر هضيمه يعيش غربه
من الخوف نلبد عليك المدمع يهد
يكفالي

درنه وجوهنه والامل ماوشل
هلبت صوت نسمع من المعدل
كون يصيحلي وياج اريد ارحل

كون وكون المفارگ عزيزه مايظل يمشي
كون وكون كون اطيح منه سوالفه وكلشي
من بعدك ألم ماتشفه روحي
اسولف والسهم يمشي بجروحي

على الشاطي اريدن انصب قرايه
والملايه جربه وتلطم الرايه
دونك حزني شيسد عليك المدمع يهد
يكفالي. يكفالي




عبد زينب
محمد الابراهيمي

https://tttttt.me/ssgadAl

يم النهر طاح الگمر وين امشي يانويه
يم النهر گلبي عثر وصاحو عَلَي سبيه
خدر الحرم ونار الخيم وسطرت جفن رقيه

جيت ملهوفه وجيش وسيوفه
وآه بنفاسي بظيم ملفوفه
راس متهشم وشفت جفوفه

صحت آنه عباس اضن ماسمعني
گلب العشگ نار ليمك اخذني
ياخويه المصاب يعباس يهدني
---------------------------------------------------
من تيـهت رايه شفت بس انته ماشفتني
بعينك سهم والأخره دم اليم النهر جبتني
كونك عـدل طاح الحمل وبجفك اكفلتني

نار بضلوعي ونار بعيوني
كوم ياخويه الجيش يردوني
وين ماأدري وين يودوني

عفت خيل على حسين واجيت بدمعتي
عفــت نــار بالخـيام وتـشب نار حـسرتي
والـعيـال يـعبــاس يـصـيـحـون يـعـمــتي
---------------------------------------------------
بلايه خدر بس الجمر خويه الگمر نهيبه
ضگت الركض طول وعرض وأگبالي چم مصيبه
ها يلولي ردني لهلي آنه گبل حبيبه

الناس ماترحم الجيش چواني
اووف ياخويه بنار حركاني
ليش ماتسمع صريخ صيواني

يصرخون ينوماس تره الگوم ولتنه
خــويه والــعيـال يــگـولون جبتنه
خــويــه والأيــتـام يـونـون عـفـتنه
--------------------------------------------------
وين الدرب ظلمه الحرب ويالوعت الشماته
اسمع ضحك من العدو حسين البسو عباته
كلشي اسمعت كلشي شفت من سلبو بناته

النوك جابوها اطفال ربوطوها
وظيم لو تدري بيوم طگوها
عيال محتاره وآخ شتموها

يضربون ياهو الچان ميعرفون زغيره
يشــتمون يــعباس وآنـه اختك أميره
يــروعـون يـصيحون يـازينـب أسيره
--------------------------------------------------
فوگ الهزل ضب الحبل صارت بعد سبونه
يوم أهدعش ولهفت عطش بسوط الغدر ولونه
يم النهر سار الضعن وعذرني من خذونه

سوط بمتوني وماي عطشانه
النوك رگضوها وهيج حيرانه
دموع تجاره بشوگ لهفانه

وخواني عالگاع والضلوع مسحوگه
عفــت الخــيم نار والـخيام محروگه
يــاخويه عباس على النوگ مخنوگه
---------------------------------------------------
🔸️عبد زينب🔸️
محمد الابراهيمي

https://tttttt.me/ssgadAl

انشگ ثوبي المحبوبي
البدروبي ضوى
ابكل كلمه بكل نسمه
اشتمه هوى
العاشگ ماينام ويتعبه السهر
ويوصي الحمام ونضراته بقهر

سلميلي ياطيره عالظل بالطفوف
عالجربه وعالرايه ودمعات الچفوف
شميلي وجناته وطعناة السيوف

مجنونك مفتونك تارسني عشگ
بالمجلس تچويني وعباس احترگ
وهواسي شگد قاسي بنفاسي انلچم
يوميه بلا جيه مر بيه بحلم
لوتدري ضل فكري بس تدري انهدم

روحي يعباس گلبي يعباس
====================
ليك اخدم يامسلم وافرشلك هله
بدموعه شچم طوعه وطفله مدلله

مغرگني بهيام وعيني عله السمه
ياعالي المقام يوزر فاطمه

يامصدر للغيره واحساسك غريب
شما ارسمه بتصويره يطلعلي حبيب
يانور الكل ديره معقوله سليب

سويني وخليني بحروفك حرف
لو چلمه بمكتوبك لو حتى الظرف
لو همسه لو لمسه من ايدك انلمس
يغرگني بمعروفه والراسي انترس
يديلني يمشيني يعلمني الدرس

روحي يعباس گلبي يعباس
=================
يمد ايده على عيوني ودلالي رجف
جاي اشتم لو احلم شو وضعي اختلف

مضويلي الظلام لو هل حاجبه
ونـــتبادل غـــرام عباس اندبه

مرسومه بنضراته گطرات الجبين
كل گطره اسمعه تصرخ ياحسين
وحبابه ادگ بابه وميرد الحنين

وجفوفك ماعوفك يانبض النبض
ترضاها انساها وعيونك فرض

عطشانك ولهانك عباس اعترف
عالمهره من تصعد تتمايل ترف
تلاگيني تناديني ومتضيع العرف

روحي يعباس گلبي يعباس
=================
توميلك بالخيمه زينب ياگمر
من زودك وبجودك شايل چم نهر

وتحبه السهام نوط ومرتبه
وصريخ الخيام كلش عذبه

متبسم طب ليهم وبوجه البشوش
خلاهم طشاره يسحگ ع الجيوش
ياعالي بعلو الله اليطفر ماينوش

وبكيفك وبسيفك ترسم ملحمه
هم غايه بالرايه كاتب فاطمه

بكل شجره حط ذكرى زينب دولتي
بس هي صح اختي بس هم عمتي
كفالي تسميني تشمني بوجنتي

روحي يعباس گلبي يعباس
================
الي امه تدعيله يمك مايمر
والليل من عيونك يلبد بالفجر

مــلتمه الوئـــام فوگ العلگمي
والجيش ازدحام طب الفاطمي

والجيش بتفكيره يمك مايجون
اليبرزلك مو صاحي واصل للجنون
وبصوتك تعميهم يعني ينتهون

عباس بصولاته يسحگم سحگ
فاتكهم بچفوفك وضل يمشي الفتگ

چن شاعر بالعاشر يسولف مرجله
ولهانه وفرحانه تصفگ كربله
جمهوره بكل صوره يعيدوها اله

روحي يعباس گلبي يعباس


محمد الإبراهيمي

https://tttttt.me/ssgadAl

🛑رابط قناة الشاعر👇
https://tttttt.me/shydv123456789

نزال إلى سيدي ومولاي أبا الفضل العباس عليه السلام
::::::::::::::: *** ::::::::::::::::


يعباس يالله حظر رايتك
بعباس گوم اصنع خيمتك

.....

يالله يابو الغيره منك رايده تعاهدني
حان وكت البيه ابويه ليمتك سلمني
مثل ما تاخذني كون بچفك ترجعني
خويه يابو الغيره اعرفك والله ما تتركني
يعباس فدوه اروح ليمنتك 1

.....

اعرف اطباعك يخويه اني المربيتك
وتكبر بعيني واشوفك وشكثر تانيتك
واذكر بيوم الحملتك وبالحضن خليتك
واني من يوم الي شفتك يالوفي سميتك
يعباس من الطفوله شيمتك 2

......

غالي عندي واغله مني واشم بيك أنفاسي
بيك اشوف دوم ابويه وبيك أحس احساسي
ما أذكرك يا بو فاضل واعتقد ما ناسي
رايتك لو ودعتني راح أشدها براسي
يعباس بيدي الزم جربتك 3

.....

انه اعرفك بالكلايف غظب الله بسيفك
واحد انته كبال عسكر والعدد ميخيفك
ما تشيلك كاع والله لو فزعت لحيفك
تقبض أرواح وتذلها الموت صار بكيفك
يعباس بدت خويه ساعتك 4

.....

شفتك بوسط الحرايب عالجثث تتبختر
يندم اليدناك والله عليك ياهو اليكدر
والعده احتارت تنادي رد علينه حيدر
والأرض بدموم غرگت صار يوم المحشر
يعباس كلها هابت هيبتك 5

.....

هالعده تنادي دخيلك لمن يشوفونك
الدنيا كلها اتصير حمره بخزره من عيونك
تغير ألوان الطفوف وما تغير لونك
ما تعب زندك واشوف اعداك ميهمونك
يعباس ما تثني بضربتك 6

.....

لو رحت يالغالي ارجع هيبتي بوجودك
عيني مشبوحه عليك ورايتك وزنودك
يا شهم رد للمخيم يالوفيت وعودك
هلشمر يتمنه بعدك يدنه يم حدودك
يعباس الحرم كلها بذمتك 7

.....

خايفه عليك برحيلك ما ترد لخيامك
وعالنهر توگع صريع أبين جور أيامك
يوصلك لو تهوه جثه رماد حرگ خيامك
وما اضن تفزع إليه گوه مابجدامك
يعباس صعب أشاهد حالتك 8

.....

خادمكم سيد علي الموسوي الكربلائي

https://tttttt.me/ssgadAl

بسم الله الرحمن الرحيم
كتبت احروف الــوفاء ݘفوف عباس
اتقبــل املاك الســـماء ݘفوف عباس
وارث الكرار حيدر كربله سواهه خيبر
*
علي نبراس الــــرساله علي سيف الحق يمينه
وراية المخـــــتاربـــيده وبالـشدد حاضر يعيـنه
للنبي ضـــــحه ابحياته ملـــــتزم بي كل سنينه
وبحسين عــــباس التــزم ومثل الوصي بيده العلم
وماسجد كل عمره الصنم الهل السبب يزهر جبينه
عندَ ذي العرشِ مكينْ وربي يشهد
وفّه وي سبط الأمين وربي يشـهد
علي بارض الطف تكرر كـــــربله سواهه خيبر
*




بالحشر ساقي العطاشه علـــــــي لاشـــك لامنازع
وكفل بالهجره الفواطم عــــــــدنه تاريخ ونـراجع
وابوفاضل كفـــــل زينب وكوثره من ݘـــفه نابــع
يعني علي ابطف كربـــله ســــــاقي وكفيل العايله
عبــــــــاس بالطــــف مثّله وسيفه مثل الوصي قاطع
سيفه يشــطر بالعـــــدل مايخطه سيـفه
فرعه طالع من أصــــــل مايخطه سيفه
وحـﮔ مالك وحــﮔ قنبر كربله ســـواهه خــــيبر
*
للحُسيــــن الـﮔمــر آيه نزلت ابأرض المصايب
يمنته وزوده وحـبيــبه روحه هيـــبة بني غالب
كلُ هــــــــــــمٍ كلُ غــمٍ عنه يجـــــليِ بالحرايب
عبـــــــاس سيفه ابشدته عن وجهه يكشف كربته
غيث السـماء ونــــــزلته بالطفوف اظهرعجايب
الوالد الــــــيمه خلـــيل بيوم عاشور
صاحب الصبرالجمــــيل بيوم عاشور
بي أبوالسجـــاد يفخــــر كربله ســـواهه خــــيبر
*
للأخوه انطاهه حـﮔـهه إي وحـــﮔ سكنه وضماهه
غاية المجهود قــــــدم هــــــمّته واســـــع مداهه
سرﮔلب أخته العقيله وحقــــــــق ابزوده مناهه
ابكربلــــــــــه زينب فاطمه وعباس إلهه اصبح حِمه
وتشهد ألــــه أرض وسمه زينب الكـــــافل وفــاهه
للخدرقـــــــدم اݘفـــوفه اعله الشريعه
فاطمه ݘنهه تشــــوفه اعله الشريعه
ابدم ݘفوفه حطم الشر كربله ســـواهه خــــيبر
*
ﮔر عيون الحــــره زينب دوّنــــــت زيـــنب وفائه
ﮔتبت امجاده ابــدمعـــهه والهه خط عهده ابدمائه
اتشكرت من عنده بالطف ثبــــــــت لحسينه ولائه
ثابت ولائه امـــــــن الأزل ومســـك الوفه صار الأجل
فاطمه صاحتله العَجـــــــل واعتنه إلهه بـــلــوائه
يُمه ياعبـــــــاس ويـــنك ݘن تـــــﮔله
أرد اقبلك من جبـــــــينك ݘن تـــــﮔله
نور وجهك من تجهجر كربله ســـواهه خــــيبر
*
موقف العباس كـــعبه وانبــــــــنت بالغاضريه
مـــــــثل الكرار حيدر وخصمه بالطف ناصبيه
أدب اصحاب الرذيله وانهـدم عرش آل اميه
عـــــباس من الـــمرتضه وتعشـﮔـه كل الرافضه
ابݘم ناصبي سيفه مضه ضحه لجل ابن الزݘيه
بكــل زمان الشر يهابه وباقــــــي زوده
غيــــره نشتم ابتـــرابه وباقــــــي زوده
حتى بالدم من تـــعفر كربله ســـواهه خــــيبر
***

تمت بعون الله تبارك تعالى وتوفيقه وتسديده وفضله وإحسانه والحمد لله رب العالمين وصلى الله على محمدٍوآله الطاهرين وعَجل الله فرجهم وسهل مخرجهم
اللهُمَ صلِّ على محمدٍوآل محمد
حيدركريم جارالله الكربلائي
14.5.2015

https://tttttt.me/ssgadAl

🔴رابط قناة الشاعر👇👇
@haiderkarem

قصيده بحق ابي الفضل العباس#ع


بعيوني مات الضوة خليني اظـل يـمــك
بنفاسي قـــل الهـوه من يخلص اشتمك
واگل الناس * اشم عباس

*_______*_______*_________*_________*


ارد شلــون لخيامي وگمت مـحني
علّي تصعب يخوية اعداي تلمحني
اذا نـسـمـت هـوه مــرت تـطيـحـني
احـس بـس البقـاء يـمـك يــريحـني

عـباس اموتن قهر يـمته اسمع جوابك
مابيه رفعت ظـهـر رك حـيلي بمصابك
اويه نفسك ياس

*_______*_______*_________*_________*


كـبل عـينـاك ذبـلـت زهـرة أيـامـي
انكسر ظهري وأريد دگوم يحزامي
عـفـتـني بـين جيش ولـوعة آلآمـي
جـسـد يـمك أجيت وروحي بخيامي

يـرخصلك أغلى العمر بـيك ارفعت راسي
يـچـويـني بـعـدك جمر شلي بهوه انفاسي
ردت بحساس
*------------------*-----------------*------------

بعد ساعه تروح وأنـحرم منـك
أظل مكسور تدري وما أشوفنك
يعـطـر اليـاس گوم وخـل أشمنك
يخوية الخيل لو هجمن يدوسنك

جـسمـك تـوذر أرب صعبه انـظر بعيني
حسيته موتي اقترب حسين انه حاجيني
ابو النوماس

*_______*_______*_________*________*


يراعي الجود من الخيل اتحذر
بحوافرهن اخاف عليك تـتوذر
أذا لا سامـح اللـه يـصير أتعذر
سهم عيـنك سفيـر وللممات انذر

نتوادع بدمع الألم شلون اكدر أتحمل
وگبالي طايح عـلم مـا ظل رجة اتأمل
صعب ينداس

*-------------------*--------------*----------*


علّي ارحم گبل جسمك يدوسوني
ولا امـشي وتظـل معـلگه عيـوني
يـبو نفس الأبيه انگطعـت ضنوني
يهل دمعي وصفگت الأيـد شافوني

لخيامي چنت الحمه وانه اعرف بزودك
هسه ارتـويـت بـدمه وانـظر على زنودك
شبعد ينباس
*_______*_______*_________*________*


صعب ارجع شگل لزينب الحـره
يـبو فاضل عفتهه بنـار منتظره
اذا سئـلت واگـلهه تـوسد الغبره
يعباس العقيله تموت وانت ادره

يالغـالي يـمــك اظـل گـلي شبعـد عـنـدي
حاچيني يابو الفضل عگبك صرت وحدي
يا اغلى انفاس

**************
✍خادم الحسين ✍
/الشاعر رعد الجريخي

https://tttttt.me/ssgadAl

(عشق مع اﻻمام العباس)

(#شور)

مولاي
اليعشگ اطول صفنته امبين
مولاي
شلون لو مثلك عشگله احنين


فاتح گليبي گبل بيباني
بلكت بطيف و تمرني متاني
اوكعلك مطر
يم ذاك النهر
تلمني بجربتك
شمحلاه هل فخر
.............................
مولاي
دورينه و ضعنه وسط الديره
مولاي
انته اول گمر شايل غيره

العاشگك شيم الف دفانه
خادم العباس گبره هنانه

جن طبع الطفل
لو بيك انسئل
مابطل بجي
ورايدلك وصل
.............................
مولاي
اسئل الحبك ترد جلماته
مولاي
كون شعره وعيشتي بريشاته

حلمه صم تراب يم اجدامك
كون خيط تفصله و بهندامك

الهايم بالعشگ
بالمي يحترگ
جي ما ضاگته
شفافك بالصدگ
.............................
مولاي
ناذر عيوني شمس بطيوفك
مولاي
بالحلم محلاهه گلبي يشوفك



افرش بنص روحي المصلايه
و گصتي للتربه تصير مرايه

(ويحضرني الاسم
و ما عرف الرسم
وﻻ ريدن غرب
يمهم تنرسم)

مصطفى صادق اللامي

https://tttttt.me/ssgadAl

كعده
انه العباس وماارجع اله وياي الماي
والمايعرفني وماسامع خليه يسمع هاي
هيبة علي هيبتي والمشرعه غايتي
*
انه الغيره الهاشميه وانه ابن ليث الطليعه
لو تصير اجبال اوصل مو زلم يم الشريعه
انه شلت الجود وحدي مامكلفتني الوديعه
لومنها سامع بس امر جاركض رحت ابلا مهر
وجاشافو انجوم الضهر وبيهم اتظيك الوسيعه
ماشيلن جودي ولا سيفي اغرف باالجفين
خاف يهج الماي ويشرد ويعوف الجرفين
اطلع بلا لامتي والمشرعه غايتي
*
عاالنهر حراس كالو واكفه رايه اعله رايه
هيج 70 الف بيهم! كلت اصلن مو هوايه!
العلكمي بهليوم لازم باالخيام يبات مايه
هوه انه ابن حيدر بعد شتصور اهتم باالعدد
وماهابه لوجاهم مدد اله اطشهم باالبرايه
منهم ماضن واحد يسلم وانه ابن الكرار
وخلي المسؤل اعله اجنهم يفتح باب النار
خل يسمع احجايتي والمشرعه غايتي
*
انه من اطلع ادور وين المصيت اكصده
والتلوذ بكتره ربعه والترف الرايه عنده
العلكمي وجاريه ذاك من جثثهم اله اسده
وجمعها ضهر اعله الضهر وبيهم اسد ماي النهر
اكطعهن ادروب المفر وشوفتي يحسبوهاشده
هذا العسكر ورطه تورط حاير وين يروح
الواكف مذبوح بسيفي والشارد مذبوح
ماثني ابظربتي والمشرعه غايتي
*
كل نهر باالدنيه اجيبه انه بس تامرني زينب
تريد اعصر غيمه الها هيه حره منين تشرب!
هوه جا زمزم عجيبه حتى اكول اعليه يصعب
اي نهر باالعالم سهل للخيمه اجيبنه سحل
اسحل الدنيه وماامل ولاطفل باالخيمه ينحب
مايعطش واحد بوجودي لا ماترهم هاي
عباس انه وغيره براسي والسيف ابيمناي
هل رفرفت رايتي والمشرعه غايتي
*
هاي جفيني الصميده ياما ياما قبلاها
جان ابو الحسنين يدري بكربله تاخذ صداها
وامي تقره اشكد عليهن سورة الناس ابشفاها
لهل اليوم ذخروهن تره وسموني سبع الكنطره
بيهن اسوي الماجره وكربله اكلب ثراها
حيدر لمن باس اجفوفي لقنهن تلقين
وكل جف يقبلها يكلها ماريد اتقصرين
خادم انه العيلتي والمشرعه غايتي
*
ياعلي وفيت كلشي كربله تشهد عليه
بقت كل عيني اعله زينب حتى من كطعوها اديه
وبوجودي مانهظمن زينب وسكنه ورقيه
لمن طحت مدري اشحصل
وشبيدي انه اعله الاجل
ضلن خواتي ابلااهل
والله لوما القدر انه
الهوه مايمر زينب
****
سعد العبودي

https://tttttt.me/ssgadAl

قصيده بحق العباس ((ع))


يـاصـيـحـة اسـرافـيـل يـانـفـخـة الـصـور
زلـزلـهـه يـاعــبـاس وأمـت يـامـنـصــور

يــومــك هــذا وصــول اعــلــيــهــم
واگــلــب ســافــلـــهـــم عــالــيــهــم
*******
اريـد اتـعـيـد شـطـرة حـيـدره بـسـيـفـك
بـــروس الــگــوم انـت تـخـيـر بـكـيـفـك
يــا لـيــث الـحـرايـب مـنـهـه أخـذ حيفك
يــالــمــخــوف الـزلـم مـا واحـد ايـخيفك

يـالـضـربـتـك سـجـيـل مـاتـخـطي يالحيد
صـولات أبـو الـحـمـلات مـن عندك نريد

كـــررهــه بــعــزمــك وافــنــيــهــم
واكــلــب ســافــلـــهـــم عــالــيــهــم
*******
اكـلـبـهـه بـجـمـعـهـم ســـاحــة الـحـومه
الـنـهـار بــصــارمــك راويـهـم انجومه
عــيــد أمـجـاد فـعـل الـگـنـطـره ويـومه
يــاهــو الــيــدنــه يـمـك وسّـده محتومـه

شـيـمـتـك مـا تـنـقـاس يـا صـاحـب الجود
وكـفـتك للـعـدوان والــگـنــطــره شــهــود

مـــوت احـــمـــر مــنــك أرويـــهــم
واكــلــب ســافــلـــهـــم عــالــيــهــم
*******

هـذا الــيــوم يــومــك وانـت الــمـجرب
كــورهــه وعــلــيــهــم تــيــه المهـرب
أدري يــطــيـر راسـه الـيـمنـتـك يگـرب
يـالـبـيـك الـمـثـل وبـصـولـتـك يـضـرب

حيـدالـشـدد والـزود حـشـّمـتـك اليوم
خـلـيـهـه بـالـمـيـدان تـنــسـال الـــدمـــوم

ابــتـّـارك لا تــــرحــــم بــــيــــهـــم
واكــلــب ســافــلـــهـــم عــالــيــهــم
*******
يـالـمـحـيـر الـعـسـاكـر مـن زغـر سنـك
زودك زود حــيــدر آنــه أعـــرفـــنـــك
خــلــهــه اتـسـولـف الـحومه بفخر عنك
كــلـهــه الـگـوم أريـدن تــرتــجـف منك

مـنـك نـعـم يـالـحـيـد طـشـرهـم وصــول عــالــحــومــه لـو طبيت كل العده اتـزول

هــــز الـــرايــــه وابـــرز لـــيـــهـم
واكــلــب ســافــلـــهـــم عــالــيــهــم
*******
جــبــيــنــك بــالــشــدايــد يـگـطر مروه
عــبــاس ونــعــم يـاصـاحـب الــنــخـوه
وفـــاي وأعــرفــك خــوّتــك خـــــــــوه
ضــمّــه الــگـاع بـــدمـــاهــم خله يتروه

يــمــخــوّف الـفـرسـان يـالـكـلـك اصرار
جــردلــهــم الـبــتـار سـويـهـه طـــشـّــار

ومــن ســيــفـك يـاهــو الـيـحـمـيـهـم
واكــلــب ســافــلـــهـــم عــالــيــهــم



✍الشاعر رعد الجريخي

https://tttttt.me/ssgadAl

السيدة زينب ع تخاطب العباس(( ع))


مـابـقـه عـنـدي مـحـامـي ولاكـفـيـل
بـس حـرم وايـتـام وآهـات وعـويـل
ويـن اروحـن ويـن اروحـن
گـلـي يـاعـبـاس ويـن
*************
عگب عينك ويـن أروحـن يـالعضيد
شلون اشوفك يا گـمـر فـوگ الصعيد
عـمـري مـن دونك يبو الغيره شيفيد
ريـت أمـوت ولا أصـد نزف الوريد

آنـه زيــنــب يـالـعـفـتـنـي بـالـدموع
حــايــره ابـيـن الـعـسـاكر والجموع

والـمـصـايـب شـيـّبـت گلبي الحزين
**********
مادريت لوحدي أظـلـن بـالـطـفـوف
وانظر بعيني يـخـويـه اعله الچفوف
يـابـدر روحي الخذك مني الخسوف
كعبه صرت من المحن والهم يطوف

رحـت عـنـي وبـالأمـل انـطـر تعود
دمعي جاري بـغيـبتـك فوگ الخدود

بـيـن نار وبـيـن خـيـل الـظـالـمـيــن
**********
شـاهـدت عـيـنـي اعتلت نار الخيـام
اشـلـون أعـيش وللجفن يحله المنام
حرمه وحدي ابلا ولي وچل الـظلام
ونـظـرت الـعسكر علي مثل السهام

صـورة ضـلـت بـالنظر نار وسعير
اكـعـد وشـوف الجـره وبيه اليصير

گـلـبـي بـعـدك بـالحزن والهم رهين
*************
شـتـسـوه بـغـيـابـك يـعـبـاس الـحياة
وطـبـعـت ابـالـي صورهـه النايبات
ابـلا خـدر عـگـبـك يـغـالي ولاحماة
والأمـل يـمـك هــوه ابـجنب الفرات

گــوم وانـظـر يا گمر حالي الرهيب
غـيـرتـك تـقـبـل يـمـشـونـي ابنحيب

مــرّه أكوم ومرّه أطـيـح ابـلا معين
***********
خويه اسمع تالي عمري اتـشـتمـيت
گبل موتك مـوتـتـي صـارت يـريـت
اخـتـك آنـه وبـالـهـضـم يـمك اجيت
ابـهـاي تـرضـه وانـتـه بـيـه اتكفليت

مـا أريـدن عـمـري بـعـدك شلي بيه
هـمـي يـمـك يـا كـمـر جـيت اشتكيه

راح خدري وهيبتي بذيج السـنين
**************

✍ بقلم خادم الحسين
الشاعر رعد الچريخي

https://tttttt.me/ssgadAl

:
قصيده بحق العباس(( ع))


كـلمـه وحده اسمـعـهـه مني باخر انفاس
راح أگـلـك وانتــه گـلي خـويه عباس

كــلــمــة جــانــت مــنــيــتــي         
بــيــهـــه أخـــتــــم دنــيــتـــي

*          *          *

هـاي سـاعــتـهــه يـبــو الأكـبـر تـره         
راح أگـلــك وآنــه مـتـوسـد الـثــره
كـلـمـه كـل مكسور تـجـبـر خـاطـره        
 بـيه طـيـب الـخـوه يـابـن حـيـدره

هــذا يـوم اوداع هذا ادري ماعود   
خويه خلي احچيهه يمك وانت موجود

حــتــى احـــصـــل غــايــتــي        
 بــيــهـــه أخـــتــــم دنــيــتـــي

*          *          *

بـيـهـه اريـد اتصيرخويه الـخـاتـمـة         
حـتــى انـسـه احــزان روحـي المؤلمه
لــذه تـحمل لـلـخــذاه فيض الـدمـه        
بـعـطـر فـمّـك اروي گلبي امن الضمه

گلبي ضامي وكلمه منك والـلـه ترويه
سهله لـكـن مثلك انـتـه تصعب اعـليـه

زيــن تــــدري ابـــحـــالــتــي         
بــيــهـــه أخـــتــــم دنــيــتـــي

*          *          *

ادري صعبه وهـمـهـه گلبك صدّعـه         
بـيـهــه كلشي آنــه وانـتــه نـودعــه
مـنـهـه تـبـدي لـو گلتهه الـفـاجـعــه         
دمـعـك يـهـل دمـعــي يسبك مدمعه

انــتـوادع هــســه ياالله مـنهه الـوداع
شلون حــالك لوعفتني مرمي عالكاع

راح أوفـــــــي لـــخــــوتــــي         
بــيــهـــه أخـــتــــم دنــيــتـــي

*          *         
گلي شمتاني ابعجل طاح الـلووه        
صـارت لـروحي مـثـل نسمت هـوه
خــل نـــرددهــه يـبـو الاكبر سـوه         
بــلـسم اجـروحي واحسنهه الـدوه

لا تـكـابـر يا حبيبي کـلـشـي مكشوف
جسمي دامـي اعـلـه الوطيه لازم تعوف

خــويــه نـــفـــذ طــلـــبـــتـــي         
بــيــهـــه أخـــتــــم دنــيــتـــي

*          *          *
خويه خــلـدهــه اعـلـه فمّك لـلـمـلـه         
وآنـه احصل غـايـتي ابـطـف كـربـلـه
انطقهه مـا ظـل كـل امـل تـتـأمـلـه         
هـذا وكـت الـخـوه والـموقف حــلــه

لحظه وحده لوگلتهه تـبـقــه مجروح
لـكـن آنــه راح اودعك بيه يا روح

أدري  حـــانــــت ســاعــتــي         
بــيــهـــه أخـــتــــم دنــيــتـــي

*          *          *

مُـنيه اسمعهه عـلـى إلـسـانـك أنـه         
ذكــره لـلـتــاريــخ تبقه بكل سـنــه
أدري ضهرك حـيـل لمصابي انـحـنه       
 لـچـن هـاي الـكـلـمـه الـنــه معنونه

مــن اعوفك ارجــوتصبرخويه يحسين
چـفي طاح وهامي ينز واصعب الـعـين

مـــن اروح ابـــغـــيـــبــتــــي         
بــيــهـــه أخـــتــــم دنــيــتـــي

*          *          ***

خـــادم الـحـسـيـن
✍الشاعر رعدالجـريـخـي

https://tttttt.me/ssgadAl

عباس من طب للحرب بركان من عينه يصب
والعسكر احتار
واحدهم الواحد سأل عباس لو حيدر نزل
لو صاحب الغار
هوس العباس عالشاطي وتبختر
انه سبع الكنطره نصبني حيدر
انه العباس انه العباس
....................................................
من نزل للحومه عباس وتعنه المشرعه
الزلم شردت وابوفاضل يرتل القارعه
هلهل بسفه ملك وبكيفه
حتى ملك الموت من عنده اعتذر
ماوصل حده خاف من عنده
جان مات الموت بس الله ستر
عباس للشاطي نزل من وجهه يتكاطر خجل
ويعاين الماي
يسمع زينب نادته براسه صعدت غيرت
كله امشي وياي
الشاطي لم الماي بالجود وتحضر
انه سبع الكنطره نصبني حيدر
انه العباس انه العباس
..............................................
مشى وشال الجود بيده وعينه تتجادح غضب
مثله جان السيف ضامي ومن دمه العسكر شرب
بغيرته وعزمه الجيش ما همه
صاح انه العباس راعي الموزمه
اليوصل حدودي لو يمس جودي
الااخلي الحومه نهر امن الدمه
عباس بيهم من بدى عباس سل مهنده
وضل يحصد ركاب
عزريل من يمه ابتعد محتار يم الله صعد
ومتيه الحساب
كلمن اليوصل كمر هاشم توذر
انه سبع الكنطره نصبني حيدر
انه العباس انه العباس
.............................................
صعدت الغيره وتحده الموت عباس الكمر
درعم بسيفه وكلبها وصاح حي اعله النحر
مايضل واحد والنهر شاهد
الا اوصل الماي يم زينب عهد
صدري دكيته وجودي وصيته
من اموت ايموت ما يخلف وعد
عباس غيرة والده بدماه ضلت خالده
وبالشده معروف
من صغره واتكفل خدر ياويلي لو دك الصدر
يتراجف الخوف
عاين اعله الحره عباس وتبشر
انه سبع الكنطره نصبني حيدر
انه العباس انه العباس
.................................................
من بدت تدوي وبده العسكر يطوف بحضرته
انتفضت الغيره بوريده وراح شايل رايته
وارتفع صوته من وصل موته
ياهلا وكل الهلا بجيتك تعال
ما رجف كلبه يدري موصعبه
معلم امن الصغر عباس النزال
عباس قدم يمنته كطعوها قدم يسرته
وماقدم الجود
حاول يوصلها الخيم والعين مصيوبه بسهم
احساسه موجود
غمض اعيونه ومشه خطوه وتعثر
انه سبع الكنطره نصبني حيدر
انه العباس انه العباس
.............................................
وكع راعي الجود والدنيا بدت تفكد ضوه
شال روحه من سمع زينب تدور عالهوه
خايف تشوفه مكطعه جفوفه
وصاح يا زينب يخويه المعذره
باخر انفاسي ماسلم راسي
والعمود يعيد طبرة حيدره
عباس نايم عالترب يازينب وحاله صعب
والعسكر يدور
بالخيل سحكو جثته بالسيف كطعوا ركبته
والضلع مكسور
زينب العباس من عندج تعذر
انه سبع الكنطره وصاني حيدر
انه العباس انه العباس
........................................
خادم خدمة الحسين
الشاعر
محمد الموالي

https://tttttt.me/ssgadAl

إذا الجَحِـيمُ سُـعّرَتْ قُـلْ جَـاءَ العَباس ْ
إذا البِـحارُ سُـجّرَتْ قُـلْ جَـاءَ العَباسْ

***********************

إيّهـا الارجـاسُ جَـائَكـمْ عَـبـاسُ
مـَالكـمْ أنْفاسُ هَـذا شِـبلُ حيـدرْ

بِالوغى قد سَددْ يَـا حُـسيــنٌ َرَددْ
جُـثَثـاً قد عَددْ هَـذا شِـبلُ حيـدرْ

إذا القيُودُ كُـسّـرَتْ .. قُـلْ جَـاءَ العَباس
إذا الجَحِـيمُ سُـعّرَتْ .. قُـلْ جَـاءَ العَباس ْ
___________________________

قـد وفى بالعـَهدِ جَـاءَ حينَ الوَعـدِ
راحَ يَدعو للمَهدِي هَـذا ِشِـبلُ حيـدرْ

ذا كَـفيـلُ زَينَـبْ لـلـمَنايا مَـذهَبْ
للمـعالـي يُـنسَبْ هَـذا شِـبلُ حـيدرْ

إذا الكفُـوفُ بُـتّـرَتْ
____________________________

طَـارَ كُــلُّ رأسِ مَـا بَـقتْ مِن نَفسِ
يَـالـهُ من دَرسِ هَــذا ِشِـبلُ حيـدرْ

يَعرِفُ الهَيجاءَا سـِيـفُـهُ إنْ جَـاءَا
يَـقطَعُ الارجاءَا هَــذا شِـبلُ حـيدرْ

إذا القبُـورُ بًـعـّثرَتْ

____________________________

امتـطى للسِـيفِ صَـاحَ بينَ الصّـفِّ
يَا ليُوم ِالطّـفِ هَـذا شِـبلُ حيـدرْ

أوّلُ الاثنــيـنِ يَـفتدِي بِالعَـينِ
قَـطّـعَ الكفِـينِ هَــذا شِـبلُ حيدرْ

إذا النُّـفُوسُ صُـهّـرَتْ
_______________________________


سِـيـفُهُ ِسِجّـيـلُ كَـفّـهُ عِـزْريـلُ
خُلـُقـهُ انجـيلُ هَـذا ِشبلُ حيـدرْ

ليـسَ مِنهُ عَاصمْ قد بدا مِن فاطِـمِ
كَـم عَنيدٍ قاصِمْ هَـذا شِـبلُ حيـدرْ

إذا الجِـبـالُ سُـيّـرَتْ
_________________________________
صَـارَ ذا فَقارا عَـلّـمَ الاحـرارَا
كيـف ذلَّ العَارَا هَـذا شِـبلُ حيدر

ذي كفُوفٌ تَهـوى وَعَليها التَـقُوى
للـوفاءِالفحوى هَـذا شِـبلُ حيدرْ
_____________________________
علي حبيب الشابي

https://tttttt.me/ssgadAl

الناس تنذرلج ذبايح وانه انذرلج ولد
جايبه العباس بيدي هوه ينطيلج وعد
هوه ينطيلج وعد
....
سمعي مني يالعزيزه انه بدموع النظر اتوسلج
هذا نذري بيه اوفي من زغرعباس ناذرته الج
من وصلنه كبال كبرج فتح كماطه واحسه يسئلج
يالزجيه وروح طه جن طلعتي من الكبر يتخيلج
انه بسمج من اللولي يغفه عباس وينام
كلشي اقبل انتي كولي عالكبر يصبح حمام
هوه ينطيلج وعد
.....
لبسيته كماط حربي وجبته يم كبرج واجيت
خطوه خطوه امشي وحدي واية الكرسي قريت
ابني بيدي ودمعه تجري بلجي اكول انه وفيت
الله ينطي اعله النوايا وانه من هسه نويت
راح اخليه عالكبر نقره اعله راسه الفاتحه
من هسه فاديته الج اخذيه وانه الرايحه
هوه ينطيلج وعد
......
هايه هاجر وهذا ابنها قدمه ابراهيم قربان السماء
بكل دمعها تنخه ربها واستجاب الباري الهاجردعاء
ورد عليها بين اديها وشافت اسماعيل وانفظ البكاء
وانه ادعي بكل دمعتي ربي خل عباس يحضر كربلاء
كون من تعطش خواته يجيب ماي عيونه
جبته يالزهره اعله كبرج جندي اتقبلونه
هوه ينطيلج وعد
......
رته يمشي وي خواته لوطلع ضعن الحرايرلطفوف
ينطي عينه يضحي راسه عالنهريكتبهن بدمه الحروف
كون اريده الماي كله لو وصله ايذله كدام الجروف
نذري واصل يم شريعه ونذري هم ناذر جفوف
مدي ايدج يالزجيه واتلي يم راسه السور
حته باجر من يوفي يجيب بالجربه نهر
هوه ينطيلج وعد
....
فتحي عينج شوفي حالي لبست عباس لجلج خظرمه
من نذرته فدوه الكم جبته وبشيلة بخت متحزمه
دنيا غبره مو امينه وادري بهموم المصايب قادمه
كمت الوجن كلبي بيدي خاف ماتقبل هديتي فاطمه
النبي يقبل هدية احبابه عمره مافشله ناس
وانه متعنيه اجيت البابج بس هديتي العباس
هوه ينطيلج وعد
....
منين اسولف وابدي قصتي خاف مااكدر اوصلج فكر
من الولاده واني اشوفه بعينه جفين وشريعه والنهر
لو تلاكه بعين زينب مره يبجي مره احسنه ابتشر
لو اجانه حسين صدفه يشيله بجفوفه ويسميه الكمر
دوم عالرايه شبحها عيونه من يحركها الهوه
يعطش ومارضه يشرب مايه بشوفت حسين ارتوه
هوه ينطيلج وعد
......
علي الحاج الصبيحاوي

https://tttttt.me/ssgadAl

جائت العقيله زينب الى ابا الفضل وقالت : اخي ان الاطفال والعيال عطاشى ونريد الماء ..
فأجابها العباس قائلاً :

خل تبشر الظعينه
يازينب الحنينـــــه
أمرج يبنت الانبيــــــاء
شوفي شسوي بكربلاء
 
* * *
 
موكلتي آنـــــــه بشيمتك     موكلتي كافل محملــــي
مادام أنه أشتم الهــــــوه     بس كولي يختي أدللــي
راح اطلع وشوفي النهر     غصبن عليه يخضع ألي
رايح أجيب المشرعـــــه     وكل النهر يابت علـــــي
 
هذا الفرات أشيله
وأجيبه يالعقيلــــه
 
الّا أجيبه للخبـــــــــاء
شوفي شسوي بكربلاء
 
* * *
 
سهله يزينب طلبتـج     أنتي الاميره وآمـــــــــري
يختي التريدينه يجي     والعلكمي بيه أبشـــــــري
لتهمج السبعين ألف     كل شخص شايل سمهري
الاّ أخليهـــــــم شتت     يوصل خبرهم للغــــــــري
 
كل السرايا كلهـــــــا
بالحومه بيدي أجلها
 
والطف أفيضه بالدمـاء
شوفي شسوي بكربلاء
 
* * *
 
دكيته صدري للظعــن     لازم يزينب يرتـــــــــــوي
لومامش أكلب كربلــــه     وبيمنتي اطويها طـــــوي
الميدان أحركه وللسمه     يوصل صده صوت الدوي
وهاي الرماح الواكفــه     اليوم اعلى أديهم تلتـــوي
 
بالغبره آل أميـــــه
ماتخلص امن اديه
 
اعليهم غضب من السماء
شوفي شسوي بكربـــــلاء
 
* * *
 
تعرفين أخوج الينوصف    بدر العشيره الهاشمي
لمّن يطب للمعركـــــــه     تلوذ الرجال وتحتمــي
ماتوكف بوجهي زلـــم     كلها تفر من صارمــي
الجايبته أمـه خل يجي     ويمنع عليه العلكمــــي
 
راح أبتر بزلمهــا
وياهو البعد يلمها
 
تبقى جثثهم بالعــــــراء
شوفي شسوي بكربلاء
 
* * *
 
أشما كثرت جيوش العده    امن الكثره كلبي مايرف
تربات حيدر بالحـــــــرب     بيهم أبد ما اعتــــــــرف
راح آنه أسوي بكربلــــه     اليوم الأبد ماينوصـــــف
لا ميمنه ولا ميســــــــره     أطبكهم السبعين ألـــــف
 
الحومه أفرها بيدي
تصير الزلـم عبيدي
 
بسيفي أذل الادعيـــــاء
شوفي شسوي بكربلاء
 
* * *

هاي الجيوش بكربلــه     راح أكطع اعليها الهوه
وجيمانها أتيه المفــــر     تردم تضل بنينــــــــــوه
بفرسانهم أحصد حصد     كل ألف أحصدهم ســوه
جا ياهو يندل الرســـن     لو رفرف ابأيدي اللــوه
 
عدواني من أجيهــا
تخاف وتموت اديها
 
ترجف إذا رف اللــواء
شوفي شسوي بكربلاء
 
* * *
 
يذكرونه يوم الكنطره     شكد صارمي بيهم ضرب
يذكرونه أوماينســــه     من جيشهم مني هــرب
ما ينجه مني اللي يفر     ويطير راسه اللي كرب
خلهم يكولون العـرب     عباس قتال العـــــــــرب
 
هالكلمه مو جديده
كالوها عالصميـده
 
حيدره سيد الاوصيـــاء
شوفي شسوي بكربلاء
 
* * *
              سلام المشعل

https://tttttt.me/ssgadAl

قصيده بحق العباس ع/// على لسان السيده زينب سريعه


هاليوم جيتك يا گمــر هاليوم هم عندك خبر
---------------

جيت اليـــوم ريت ادگوم خويه وتنظر لحالي
شاب الراس يا عبـــاس جبت الروس تبرالي
عندي اعتاب وي اجناب جيت وانت كفالــــي

وياك چنت امخدرة * وأدريك سبع الگنطره
------------------------

فوك النــــوگ عيب اتلوگ اختك تمشي مسبيه
عكبك ليـــش بين الجيش وادم تنظر عليـــــه
زحمه وعيب تالي الشيب يلي اتكفلت بيـــــه

للموت دمعات الچفن * وياك خليني اندفن
--------------------

دم ابچيت يمك جيت وانت بنومتك غافــي
كوم وياي يا رجواي عكبك ورم اچتافــــي
هذا الصار بين النـــار اركض والجدم حافي

شدگول يا وارث علي * رديت واموعي تهلي
------------------------------

مدري شلون عندي عيون ظلت والنظــر بيهــه
كلهه اتصيـح خــاف اطيح حرمه وين اهاليهـه
تصعب هـاي وي اعـــداي كلمه ويمك احچيهه

عالنوك شافتني الزلم * والحيل راح ومنهدم
---------------------

دمعي السال يحچي الحال اكعد يا ضوه عيوني
احچي وياك نخوه انخالك وانت الكافل اضعوني
كلي اجراح جيت ارتــاح خويه بكلمه حاجوني

عباس شنهي سكتتك * يا خوي احچي مروتك
-------------------------------

چفـــك ويــــن وعدك دين يوفي الينطي الحچايه
خدري انشاف جيش آلاف امشي ويمشي ويايـــه
عوف النــــوم هسه وكوم بيدك رفرف الرايـــــه

بحماك هايه العايله * رديت خويه لكربله
----------------------------------

العدهه أحيود تمشي بزود وانه الوادم تسبنـــي
وي ضـــــلام لرض الشام دهري هواي دولبني
شفت الويـــل راح الحيـــل بفراكك يخــــال ابني

ياريت موتي بموتتك * انشاف تقبل غيرتك
-------------------------------

دربي ابعيــد وانت الحيـد صيتك واصل السبعه
خدري بساع راح اضيـاع وانت بزودك ترجعـه
اخذ الــروح وسفه تروح واختك تبقه منفجعـه

يا خوي يحزام الضهر * ضليت باحزان الدهر


✍الشاعر رعد الجريخي

https://tttttt.me/ssgadAl

عالنهر طاح النهر ... آه يزينب
ضلمه وانتي اخت الكمر ... آه يزينب
فكد ابو فاضل صعب ... وانتي ما عندج كلب
آه يزينب
......
١
غمضتي عينج من مشه ... ومنتظره للجيه أسباب
بس راح عنج كافلج ... روحة علي للمحراب

راح ... من نزل دمعج يزينب يعني طاحت جربته
راح ... انتي منتظره ورقية تقره سورة هل اته
راح ... كلبج اوياه

كلتي هاللحضه بحزن ... يا رقيه
خلي ايدج عالاذن ... يا رقيه
شويه ونضيع الدرب ... وانتي ما عندج كلب
آه يزينب

......
٢
لونج تغير والكلب ... بفراكه شيب والراس
الله يا ام الخدر ... ها كد غلات العباس

طاح ... الكمر دامي اعله الشريعه وانكشف وجه الخيم
طاح ... وخبر كطع اجفوفه زينب مو خبر ردلج سهم
طاح ... اغلى الاحباب

عظم الله الأجر ... يالعقيله
البكه براس الخدر ... يالعقيله
وينج اوين الحرب ... وانتي ما عندج كلب
آه يزينب
....
٣
ساقي عطاشى كربله ... هالمره ما يسكيها
كلوله خيعوف النهر ... زينب بعد ما بيها

صوت ... امن المخيم للشريعه خويه طولت البعد
صوت ... امن الشريعه للمخيم ابو فاضل ما يرد
صوت ... واه كفيلاه
كلبج يصيح بألم ... وين اروحن
ساعه واتطيح الخيم ... وين اروحن
روحج تعيش برعب ... وانتي ما عندج كلب
آه يزينب
......
٤
مو بس الحسين انكسر ... بفكد ابو فاضل ظهره
كلما يصدلج بالنظر ... يتذكر امه الزهره

ظيم ... مثل باب الزهره توكع خيمتج يم الخدر
ظيم ... وبعد شمرة سوط حادي ونقره عالضلع الكسر
ظيم ... والله فركاه
انكسر ظهر الثنين ... من غيابه
ظهرج وظهر الحسين ... من غيابه
بفكده دمعاتج تصب ... وانتي ما عندج كلب
آه يزينب
......
٥
ما ضل كفيلج والسبي ... يحسبها ليله بليله
ولو ملتي من فوك الهزل ... ياهو اليعدل الميله

آه ... بعد جم ساعه يزينب بيدج يصير الحبل
آه ... الايده مجتوفه بحبال شلون يصعد عالهزل
آه ... يا غريبه
صوت من خوف اليسر ... يابو فاضل
باجر بكيف الشمر ... يابو فاضل
شلون متنج ينضرب ... وانتي ما عندج كلب
آه يزينب

ميثاق الحمداني
.....

https://tttttt.me/ssgadAl