ماسك الزبادي والعسل والبرتقال لتوحيد وتفتيح لون البشرة
🔲 مكونات الماسك ◽
👈 3 ملاعق كبيرة من الزبادي الطازج
👈 5 ملاعق كبيرة من عصير البرتقال
👈 2 ملعقة من العسل
🔲 الطريقة◽
اخلطي المكونات جيدا في وعاء نظيف
من الممكن اضافة معلقة من الدقيق لجعل الماسك متماسك
🔲 الاستخدام ◽
افردي الماسك علي وجهك واتركية لمدة 15 دقيقه ثم اغسلية بالماء الفاتر
اصحاب البشرة الحساسة يجرب اولا علي اليدين👋
يستخدم هذا الماسك مرتين اسبوعيا 🔝
🏡
#Rzan

https://tttttt.me/joinchat/AAAAAD66el30HWSbzR1xCw

👌🏻 ・・・ ماسك النضارة 🍊

فوائد الماسك :
- تفتيح البشرة.
- توحيد لون البشرة.
- تطهير البشرة.
- ترطيب البشرة.
- اعطاء نضارة للبشرة.

تحتاجين الى : - بياض البيضة🥚. - ملعقة زبادي🥛. - ملعقة عسل🍯 . - ملعقة ماء ورد💦 . - ١٠ قطرات من البرتقال🍊 . . . .

الطريقة : اخلطي 🥣 المكونات مع بعض، حطيه على البشره لمدة 15 دقيقة ⏰ -اذا بشرتك حساسه جربي على منطقة صغيره واذا ما صار شي طبيقيه على الوجه. الماسك بيقطر شوي ف حطي تحت كلنكس.

⭐️ يستعمل مرتين في الاسبوع ⭐️ .

يا سكرااااات 😍
تعالو اديكم الزيت لي الوش الناااعم و صافي و صحي لمن مورد 😍😍

اول حاجه :
ماء الورد اعملي بخاخ 💧 تجيبي بخاخ فاضي نظيف كبي نص ماء صحه و نص ماء ورد ولو عندك فايتمين e نقطتين بس 😉 و ختي في التلاجه شفتي لمن وشك يكون مع السخانه هاااايج لمن محمر داك و لو طالعه برضو في الشغل الجامعه اي مكان كل م تسخني بخي في وشك من بعيد بختين تلاته اول حاجه بيهدي الوش و بيخليو نظر حتى بيدي للميكب تجديد بس حاولي تحافظي عليو بارد

تاني حاجه :
نشاء و ماء ورد معلقة نشاء (كورن فلور ) و تلاته معالق ماء ورد 😍 اعملي في وشك و رقبتك قبل المكياج حلو شديد بيخلي البشره تسوي كدي 👋 لمن تحتاري بقفل المسام اهم شي

تالت حاجه :
معلقة زبادي و معلقة نشاء(كورن فلور) امسحيها في وشك ورقبتك ياخ دي بتدي نظاره عجيبة 😍 تحيرك في وشك

رابع حاجه :
بتعرفو السدر ورق شرة النبق المسحون جيبي معلقه صغيرة منو و معلقتين ماء ورد وحبة حليب بدره الخلطه دي بتشيل النمش الاثار حقت الحبوب بشيل القشرة بشيل اي بلوة في الوش بيخلي وشك كانو عامله فيو فاونديشن روووعه

اذا شفت تفاعل 👍 ح ازيدكم من الوصفات و كل مره حاجه

#كسرة
الوصفات دي كلها عن تجربه 😉 شخصية

#منقوول
#Rzan

سودانيه♡~

https://tttttt.me/joinchat/AAAAAD66el30HWSbzR1xCw

ارررررررررح الناس الوشها ضعيف تعالو هنا واعملو الحاجه لمده 30يوم بشرط متواااصلات😍😍😍😍

الجضووم الجضووم طبعا منتجات تسمين الوش كترت شديد بس مابقتنع الا بي الخميره
ملعقه خميره ملعقه زبادي ملعقه عسل اضربيهم مع بعض يوميا اول ماتصحي من النوم
امسحيهم في وشك والباقي اجلخي في اي حته متازمه في جسمك😂😂😂😂
ح يسمنو ح يسمنو
واصلي البرنامج ٣٠ يوم

سودانيه♡~

https://tttttt.me/joinchat/AAAAAD66el30HWSbzR1xCw

#إهتمام 1 من تجاربي 👸
1- بشرة الوجه الدهنيه العنيدة بعيوب وكمان جافه 😢💔

جربتو ونفع معااي بعيدا عن الكريمات الحاره 😠 عملت تعديل🔥

انا بقول لا للكريمات ويجو يسالوا منها 💔 ايي صح بتبقى نجفه وواو ورهيبه بالصباع زي مامتخيله لكن كدى اشوفك بعد شهر في شمسنا دي ياربي حتبقى كيف 😒 وبعد مرور زمن شنو الامراض الحتجيك وكيف جلدك حيبقى رقيق وحساس او مكررمش وكانك بعمر 80 سنه ويتعرض للحرق 💔
ماتسمعي لوحده قالت ليك صباع ❌ولو عندك مشاكل استشيري طبيب وممكن تفتيح ونضاره ماضدهم بس طبي وحدى لونك دا سر الجمال رطبي كتير دا سر الجمال 😊💓

عاوزه الناس البشرتها مهلوكه شمس وحروق وكلووو ودهون وتزييت
🔥🔥🔥🔥 وناس البشره الدهنيه المعزبين
مفروض الحاجات دي تكون عند اي بنت واكتر منهم بالزات الناس البشرتهم معزباهم زي دهنيه وجافه وحبوب وكلوو😢😢
المهم الاعتناء والاهتمام سر الجمال 😉 الحاجات دي طبيه واختراعات جميله جداا وكمان تنفع للمناطق الحساسه ماعدا الماربلين 😊

1- بعمل غسول بارد من شركه كاريس الهنديه 😙😙حلووو بالجد
مافيه صابون يعني طبي جداا وبعمل مقشر الدهب بارد وتقشير بارد

2- برطب بالبيباثين ودا كووم براه 💕 حب قلبي سمعت عنو كتير وجبتو وجد لقيت اي كلمة فيه صح 😉وزياده بستخدموا لكلو باقي بس اختو في عيوني واسناني😂 بستخدموا جوا مناطق حساسه وبرا

3- بعمل الواقي بايوديرم والاحلى عامل الحمايه 100 بس مالقيتو لكن دا بكفيك ودا يمكن احلى واحسن واقي لاقاني من خلال بحثي الكتير واي واقي جبتو لانو بشرتي بتحرق طوالي من الشمس حساسه فاتحه وعرضه للحروق عموما حاجات بايوديرم فظييعه 😉 حوريكم في بوست تاني

4- بقشر مرتين في الاسبوع بي ماربلين حلو تفتيح وتقشير بارد عند الحوجه
ومرات مابعمل الا لو بشرتي حسيت بيها تعبانه بقشر اسبوع بعملوا ساعتين وبغسلوا مابنوم بيه خاالص وبرطب بعدو
5-قناع الطين الهندي ودا ارهب قناع من قناعاتي البعملها لانو بجفف شديد وبشيل الحبوب والتزييت وبضيق المسام وبشد الوش المهم انو حللووو والجربو بعرفوا بعملوا مره بس في الاسبوع لما اكون طلعت كتير وبشرتي مهلوكه ومرات مابعملوا 😂 يستخدم للمناطق الحساسه كمان 😉

واخيرا الخطيير شدبد فازلين موحد اللون غايتو لو لقيت بنت ماعندها محتاجه تدقا دا احسن اختراع عملتو الشركه دي بعملو لاي شي ماباقي الا اشربو😂😂وش جسم وكل شي جوا وبرا
وكمان بعامل حمايه 😉 انا جبت السعودي وفي واحد هندي برضو ظريف
ويابنات ماببيض والله ماببيض هو بعمل كواقي من الشمس وخفيف ااي قاصدين عشان يحافظ على بشرتك لانو ماينفع تتمسحي بشي تقيل وتطلعي اوعى ناس جرسلويد وفازلين وجرسلين وتجي الوحده تقول سودت 💔مامن البتعملي دا ...دا جسم ماصاج عواسه
ركززوا دايما اعملي لوشن خفيف ✅للطلوع وكلنا بنطلع وشمسنا تهد جبال ..ماتعملي كريم تقيل ❌ماتعملي زيت ❌ماتعملي مرطبات بدون عامل حمايه ❌


واي وحده عارفه حاجه تورينا 😊
#منقول


سودانيه♡~

https://tttttt.me/joinchat/AAAAAD66el30HWSbzR1xCw

سا الخير👋
منتظرين على نار صح 🔥🔥
احب الحمااااس 🙌🙌🙌

يلا نبدا الجزء الاول من سلسلتنا الذهبيه لبشره صحيه 😚
كأني قلت بيت شعر فجأه🙊

في الجزء دا ح نتكلم عن حاجات اساسيه مفروض تحطوها في بالكم قبل ما تبدو برنامج العنايه (اليومي) وركزو على يومي دي لان في اسبوعي وفي شهري وكمان منتصف سنوي ..
ايوا ايوا منتصف سنوي انتو قايلين الموضوع عادي😾😾

انا متأكده تماما من ان اي وحده فيكم قبل كدا بدت ليها برنامج عنايه يومي يخصها واتحمست وسحنت القشور ورصت الزيوت وركبت الكريمات والخلطات والماسكات واي شي جهزتو وبدت فعلا اليوم الاول والناتي والثالث فل الفل الرابع معزومه عشا مافي وقت للشعر الخامس شغاله محاضرات لحد ٦ المسا ، جات تعبانه ما قادره حتى تحط كريم ، السادس ضميرها انبها رجعت تاني زي اليوم الاول واخر حلاوه السابع واقع جمعه وعندهم ضيوف مافي طريقه والله.. وهكذا لحد بعد اسبوعين تكون نست الفكره واساسا الخلطات والكريمات والماسكات كلها محشوره في اعلى درج في الدولاب وهي زاتا نست مكانها..
وقعت ليكم الفكره صح ..
لكن عشان انا رغايه وكلامي كتير ح اشرح قصدي شنو..
☝الحاجه الاولى ..
قصدي انو لما تعملو برنامج عنايه لبشرتكم وجسمكم ويكون برنامج قااااسي ومرهق وبيحتاج زمن وتفرغ ومجهود وطااااقه صدقوني ما ح تستمرو عليه ابدا.. مش لو بقيتي ب ٧ يدين و١٥ رجل ماااا ح تقدري .. نفسيا كدا بتكوني مررررهقه من الفكره كلها ..
طيب الحل شنو ياغاده..
الحل انك تختاري برنامج عنايه يومي منطقي.. منطقي يعني شنو ياغااااده ما تبرينا ..
منطقي يعني سهل وبسيط وما بيحتاج زمن كتير منك حتى لو شايله ولدك في يدك ممكن تعمليه .. حتى لو تعبانه من الجامعه وجايه متأخره ممكن تعمليه حتى لو عندك ضيوف ممكن تعمليه ..
مهما مهما مهما بلغت مشاغلك و تعبك وضيق زمنك ح تلقي زمن ليه ..
ماترهقو نفسكم بي برامج طويله ما ح تستمرو عليها وترجعو ب نفسيات سيئه عشان ما استمريتو.. ابدا ما ذنبكم دا، دا خطاء في الاختيار المناسب من الاول لبرنامج العنايه اليومي ..
✌الحاجه التانيه ..
ترتيب الحاجات المفروض تستعمليها يوميا..
يعني بجد بجد بجد الي قال المثل البيقول (البعيد عن العين بعيد عن القلب) ما كذب والله..
ماممكن تحشري حاجاتك كلها في درج واحد في اقصى الدولاب وتكون بعيده كل البعد عن نظرك ..
حاجات الاستعمال اليومي تخليها فوق تسريحتك وقدام عيونك عشان حتى لو ما عاوزه تستعمليهم خلي اخواتك يستفيدو بدل تاريخهم ينتهي وتجدعيهم ساي 😽😽
وبمناسبه تاريخ الانتهاء .. اي منتج تفتحيه تأكدي انو بدا يتأكسد فورا.. ومده انتهاءو ٦ شهور من تاريخ الفتح .. يعني لو استعملتو منتج بعد ٦ شهور من فتحو حتكوني بتضري بشرتك وانتي قايلا نفسك ياما هنا وياما هناك..
اوكي 😾
اوكي😽
صنفي حاجات الوش والجسم على التسريحه وحاجات اليدين والرجلين على الكوميدينو جنب سريرك ما تزحيهم من هناك عشان تتاكدي انك ما حتنومي بدون ترطبي يدك ورجولك اااااخر شي في يومك..
حاجات الحمام (اعزكم الله) ما يطلعو من الحمام ويكونو قدام عينك كل ما دخلتي ..
دي حاجات الاستعمال اليومي ...
اوكي 😾
اوكي😽

👌الحاجه الثالثه .. المووووويه .. مويه رب العالمين يا بنات النيييييل ..
هسي كل وحده فيكم تسأل نفسها شربت من الصباح كم كبايه مويه ؟ بالذات مع الشتاء🙀 الواحد بجد بينسى يشرب وبيكون معتمد على شاي في قهوه في شاي في قهوه وخلاص..
الموضوع دا ما عاوز ليه غير تذكير بس ما تنتظري تعطشي عشان تشربي لان ف الحاله دي انتي استجبتي لنداء جسمك الي اسااااسا نشفتيه لحد ما نطق وقال اسقيني عليك الله..
مافي حل غير تعملو ريمايندر (تذكير ) في موبايلاتكم كل ساعه لمده ١٢ ساعه .. كل راس ساعه اشربي كبايه مويه.. كدا بتكوني حليتي ٥٠٪ من مشاكل بشرتك وعلى ضمانتي وابصم بالعشره👐
وخلي كبايتين منهم على الريق اول ما تصحي ..
اوكي 😾
اوكي😽
✌✌الحاجه الرابعه وهي البدايه الحقيقيه لموضوعنا..
ان كل وحده تعرف مشكلتا شنو اساسا.. في بنات بجد لحد اليوم ما عارفين اساسا نوع بشرتهم شنو ما عارفين مساميه شعرهم كيف .. بيشيلو ويلطخو ويتمسحو بأي كريم قالو عنو كويس وخلاص ؟؟
بيمسحو شعرهم بزيوت قد تكون مضره لشعرهم اعتمادا على تجربه وحده تانيه مدحت ليها الزيت دا ..
يا حبيباتي ياااا اخواتي ..الكريم البينفع مع صحبتك الي بشرتا دهنيه ما حينفع مع بشرتك لو كانت جافه ..
دي حاجات اساسيه لازم تتعلموها قبل ما تفكرو تبدو اي برنامج عنايه عشان يكون برنامج ناجح ومثمر..
في اختبار بسيط جدا كل وحده تعملو هسي وح تعرف نوع بشرتا عشان ننتهي من الموضوع دا هسي ..
👱ختبار البشره:
غسلي وشك نظيف بأي غسول وخليه ينشف براه بدون فوطه او مناديل ..عيشي حياتك ساعه في البيت بدون ما تطلعي الشمس وبعد ساعه تعالي حطي منديل ورقي على جبهتك وانفك و ذقنك واضغطيه براحه.. اذا طلع معاك زيوت في المنديل ف بشرتك دهنيه اما اذا ما طلع ولقيتي في قشور خفيفه على وشك كلو ف بشرتك جاف

ه اما اذا لقيتي الاثنين ف بشرتك مركبه واذا مالقيتي شي خالص ف تحمدي ربنا وتصلي ركعتين شكر لان معناها بشرتك عاديه ودي احسن نوع بشره على الاطلاق..

نجي ل مربط الفرس..
الي هو مشاكل البشره ..
عرفتي نوع بشرتك والحمدلله ..
طيب عاوزينك كمان تعرفي مشكلتك شنو عشان نقدر نعالجها..
☝بالنسبه للبشره..
👹المسامات والحبوب الصغيره والروؤس السودا في منطقه التي زون ( الجبهه والانف والذقن )
👹مسامات دهنيه على محيط العيون بيكون شكلها زي النقط البيضا الصغيره..
👹الهالات السودا والسواد عموما حوالين الشفاه والانف والبشره عموما خشنه من تراكم الجلد الميت حوالين الانف والوش كلو عموما وقشور متراكمه على الانف بشكل كبير والجبهه..
👹حب الشباب و اثارو المرهقه والسواد في الرقبه والخطوط العريضه على الرقبه..
👹التجاعيد الي بتكون في الجبهه وحول العين والشفايف..
👹التصبغات الرماديه والبنيه والصفرا الي بتكون في الوش بسبب الشمس او سوء التغذيه او قله الترويه الدمويه..
👹بهتان لون الشفايف والشقوق والقشور البتتجمع عليها..
☝بالنسبه للجسم :
👽الصدر..
اسمرار بين فلقه الصدر والمنطقه تحت الصدر وتشقق الحلمات ولونها غامق جدا و ماطبيعي ..
👽الابط..
فيه تصبغات غامقه جدا وحبوب ومسامات منتفخه ونقط اشكال والوان وكمان لما تكون قافله يدها ممكن تكون التصبغات منتشره برا منطقه الابط ..
👽المؤخره..
خشنه ولونها غامق جدا او تصبغات منتشره وحبوب صغيره ومسامات منتفخه كمان..
👽المنطقه الحساسه..
منطقه البكيني بتكون سودا او رماديه غامقه وكل ما نزلنا بتسود زياده لحد فتحه الشرج بتكون سودا..
العضو كلو شكلو ماحلو نهائي من شده التصبغات والالوان الغامقه المنتشره عليه..
👽الفخذ..
بين الفخدين بالذات الجزء العلوي القريب من المنطقه الحساسه بيكون اسود او رمادي غامق ومنتشر لكامل المنطقه بين الفخذين ومواصل ل بره لو قفلت رجولها بيكون ظاهر كمان..
👽علامات التمدد الي عموما علاجها صعب الا بتقنيات عاليه زي الكاربوكسي بس ممكن نخفف منها شويه.. (عشان نكون صريحين) ..
👽البطن..
تشققات الحمل ونفس القصه علاجا بتقنيلت عاليه زي الليزر والكاربوكسي..
ف ما ح ااتكلم عنها لان موضوعها طويل وما عاوزه اوعد بحاجه من نوع ادرا كادابرا..
👽الركبه والكوع واطراف الاصابع والشعر تحت الجلد..
كلها سوادها من شده الجفاف..
👽الاقدام..
تشققات اسفل القدم عموما والثأليل والجلد الميت والخشونه وتصبغات الكعب مع خشونه عاليه فيه..
👽الساق..
سواد على جوانب الساق من اثر الجلوس بطريقه معينه لفترات طويله..ومسامات كتيره ومنتشره على طول الساق وعليها حبوب صغيره او المسامات نفسه منفوخه..
👽اليدين من فوق والظهر..
حبوب واثار ومسامات..
💃كل دي مشاكل كفيله بأنها تقتل بشرتك وتبعد عنها الروح والنظاره والحياه..
بتخلي شكلك بعيد كل البعد عن شكلو الطبيعي الي ربنا خلقك بيه.. وكلها عوامل انتي الي ساهمتي بأهمالك في انها تحصل وتستفحل وتصل درجه زي دي.. لكن مافي حاجه فاتت واي حاجه ليها علاج انشالله ولو في مراهقات بيقرو في كلامي دا انتبهو ل نفسكم من الاول وما تهملو بشرتكم ابدا كل ما بدا الاهتمام من الصغر كل ما كانت البشره احسن واحسن وقدرتها على مواجهه علامات التقدم في العمر اكثر واكتر..

يتبع...........
ملاحظه( مشاكل البشره والجسم تم ترجمتها من موقع اجنبي بواسطه ارتوس)..
دمتم بحب💙💙💙
#غاده كريم

سودانيه♡~

https://tttttt.me/joinchat/AAAAAD66el30HWSbzR1xCw

#شعرك_مقصف وعايزه تعالجي وتنعمي وكمان طويل
#وشك_دهني ومعذبك
#عندك حبوب ومغلباك
#عايزه_تضغفي
#عايزه_تسمني
#عايزه_تنضفي روحك وتبقي بت
#اظافرك_بتتكسر وعايزاها تطول
#الدخان عامل ليك حساسيه او ما بشيل فيك
كلووو عندي وخلطات من مطبخك
#*لو شعرك مقصف*
اول شي قصي شعرك عند زول يد كويسه وحاولي كل تلاته شهور قصي ف الايام القمريه يستحسن
وف الاسبوع اعملي ليهو تلاته ماسكات وابعدي من المكواه والاستشوار والشامبوهات ممكن تجيبي شامبو اطفال لانو م فيها مواد كيماوية
*يلا الماسكات:*
1/تلاته بيضات مع ملعقه زيت زيتون وعسل
2/ حنه السدر مع مويه البصل والثوم والزبادي
3/ماسك الجرجير
يلا نجي للوش
اول شي تعمل فيشل المنزلي العادي حله ف النار وفيها مويه ونعناع وقوفه وتغلي وجيبي فوطه ولا بشكير غطي بي وشك وخلي البخار اكون قريب للوش وغسلي ايديك وجيبي قطعه نظيفه يلا حاولي طلعي بيها الدهون الزايده
الخطوه دي ليه عشان البشره تتنظف والمسام تفتح ونزيل البثور..يلا بعده لازم نرطب البشره باي كريم عندك
واعملي يومياً ماسك الكركم والزبادي والاسبرين او ترمس وزبادي او شوفان وعسل ونوعي بينهم
البطاطس..للناس العندها مسام فاتحة. اقطعيها واخلطيها بفنجان موية. ويلا اعملي الماسك لمدة ساعتين واول تلاته يوم بتلاحظي بدت تخف عندك...
/بن مسحون+بيضة
*الضعف*
رمضان وقت كويس للزول العايز اضعف او اسمن عايزه تضعفي عصايرك قللي السكر بتاعه الصباح ساعه السحور كوبايه مويه دافيه واعصري عليها ليمون وملعقه عسل بليل اختمي يومك بزبادي بي ليمون
*السمن*
تجيبي الدخن وتعملي نشاا تقييييله او مديده واشربي منها ساعه الفطور وف السحور اخلطي بلبن والطحنيه والزبيب والله تسمني
*نضافه الجسم*
جليسرين التقيييل داك +اعصري في ليمون+ املي يدك جردقه ولا عطرون وكبي فيو اتجبجبي كويس والبسي اكياسك وشراباتك خلي جسمك اعرق وكوني مجهزه عروكتك العندك عشان تتعركي
زي عدس مسحون ورز مسحون بس اسحنيهم وغربليهم كل شويه واسحني عشان ما يجرحوك وترمس وكركم وقشر.برتقال لخبطيهم سوا واحفظيهم ف برطمان لمن تجي تستعمليهم شيلي قدر البكفيك وكبي لي زبادي وبيكربونات
او عروكه الابري التفل غسلي كويس من البهارات ويلا ع النار وكبايه سكر وخلي ابقي زي العجين وكبي ملح برضو واعصري ليمون وشويه زيت
او عروكه العجين المر بتاع الكسره والعصيده
خميرة+سكر+دقيق قمح..اول ما تكوني عايزة تستحمي اددددعكي واعررركي جسمك واستحمي...
*الاظافر*
ادعكيهم بليمون وجيبب حبوب فايتمين E واكسريهم واعمليهم بيها
اغلي ليك مويه وختي معاها نعناع او كمون او يانسون الموجود وتجيبي طش ي زوله اااااي طش اي شي تختي عليهو رجولك....
وكبي فيهو تلاته ملاعق باكنج بودر وتلاته ملاعق خل ابيض وشويه شامبو اااااي شامبو
والمويه الحاره قدر تحملك
ختي رجولك وغمسي يديك😂😂😂😂غمسي دي سمحه موش 😌
المهم غمسي يديك واقعدي مسااااااااااااافه نص ساعه كدا طلعي رجلك وخلي التانيه مغمسه بي فرشه الاسنان اكرشي ضوافرك وشيلي عود اسنان طلعي الجلد الميت البكون ابيض (يععععععع😫) حول الاضافر
خلصي اضافرك وامسكي بطن الارجل وبي حجر الكراش والجه الناعمه منو اكرشي بطن رجلك وجوانبا وتعالي للكعب مابوصيل عاد اكرشي واكرشي واكرشي وبي نفس الفهم رجل التانيه...
ادعكي ضوافر يدك بالفرشه ونضفي الجلد الميت من حوليهم
بي مويه دافيه غسلي يديك ورجليك وجيبي عصير ليمون وامسحي ضوافرك
*الدخان*
ادخني بالودك العادي وزيت زيتون وزبده شيا او خلطه لون المنقاهّ
#منقول للفائده

سودانيه♡~

https://tttttt.me/joinchat/AAAAAD66el30HWSbzR1xCw

😌🌼كوني متفائلة بأن الغد سيكون أجمل،امنحي نفسك الراحة النفسية كوني متأكدة مهما ضعفت ستصبحين اقوى ،💪☺ لأن فصل الشتاء رغم غيومه🌧 نكون متاكدين أن الربيع 🌈🌺سيأتي بعده و يزهر و الصيف كذلك بشمس ساطعة، فهكذا هي حياتنا بعد كل هم فرج😇💚 ، عليك بالصبر عزيزتي مهما خذلك الجميع فالله سبحانه سيبقى سندك الوحيد الذي لن يخذلك أبدا أنت فتاة قوية تذكري أن الله يسمعك في كل دعاء ، 📿📖و رددي ربي اخترلي و لا تخيرني ، لأنه السميع العليم ، تميزي بابتسامة رائعة ،😃قلب طيب بعيد عن خبث الحياة و احتفظي بذلك مدى الحياة 😌🌸، ستعيشين أجمل اللحظات لا تعطي للأشياء أكثر من قيمتها ، فكل شيئ ان زاد عن حده انقلب إلى ضده. .😊🥀
حبيبتي أنت أجمل شيئ في الحياة 😍❤

مساااء الخير
يلا قومو عشان تستحمو 🚿🚿🚿

البوست دا ح انزلو عشان شفتا انو مهم جدا تبدوه مع برنامج العنايه بتاعكم ..
وهو الطريقه السليمه للاستحمام اليومي...🚿🛁🛀

❓هل تصدقو ان لو استحميتو يوميا بالطريقه السليمه الصحيحه ح تقللو كتييير من مشاكل بشره جسمكم..❓

💞طيب هو شنو اساسا الهدف من الاستحمام ؟؟
اكيد انو نتخلص من الاوساخ والسموم الي في الجسم وكمان عشان نحس بالانتعاش والاسترخاء و تحسين مظهرنا وجمال بشرتنا.. صح ❓
اكيد صح 😈

💞طيب اول حاجه عاوزه اتكلم عنها وال هي بالنسبه لي اهم اهم اهم خطوه في اي فكره استحمام طايره تخطر على بالكم..

والخطوه دي هي السنفره الجافه للجسم 👌👌

💞طيب شنو هي ياغاده السنفره الجافه؟؟ و بنعملا ليه اساسا؟؟
السنفره الجافه دي ثقافه اوروبيه قديمه جدا مهمه قبل الاستحمام وجدا جدا مريحه وصحيه ولو جربتوها يوم واحد متأكده عمركم ما ح تخلوها تاني من شده الاحساس الجميل البتحسيه بعد ما تعمليها..
عندها فوائد كتيره جدا و هنا ح اذكر بعضها..
لكن قبل ما ابدا في فوائدها عاوزا اديكم معلومه قد تكون جديده على بعضكم ..ان ٧٠٪ من الغبار الموجود في بيوتكم مصدرو اجسامكم😑😑ايوه والله ..كم هاااائل من الجلد الميت محتفظين بيه في اجسامكم وانتو ما حاسين يعني لا كتاحه ولا غبار .. برااااكم مكتحين بيوتكم .. ٧٠٪ ولاااا بجاملكم ..
يعني الناس البتشتكي دايما من عدم توحد اللون والناس البتشتكي من القشره الماليه اجسامهم والشقوق و المشاكل الي في الجلد كلللللل الحاجات دي من اثر تراكم الجلد الميت على اجسامكم والي حلها الوحيد والسهل هو السنفره الجافه..

نجي ل فوائد السنفره الجافه ..

💞اولا: بتشيل القشور والجلد الميت وبتحسن من مظهر البشره كتير وبتديها فرصهة انها تتجدد وتطلع البشره الناعمه الجميله..

💞ثانيآ:
بتحفز الدوره الدمويه وبتزيد من تدفق الدم للجلد ودا بدورو بيساهم في شد الجسم والجلد بشكل كبير..

💞ثالثآ:
بتحارب السليوليت ..
السليوليت للما عارفين هي شنو هي الجلد التخين البيكون يشبه قشر البرتقال وبيجي على شكل دهون وسموم في الجسم وبتتجمع كلها تحت الجلد في الطبقه الدهنيه وبتعمل زي كور كور وكتل دهنيه بشعه😯😯حاجه مزعجه جدا السليوليت وجد بيحتاج محاربه ب صواريخ مش ب سنفره..

💞رابعآ:
بتقوي العضلات وبتعيد توزيع الدهون في الجسم كلو ..

💞خامسآ:
بتحفزالجهاز العصبي و النهايات العصبيه عموما في الجسم .

💞سادسآ:
بتنظف الجسم من الأوساخ و بتساعد الجسم على انو يمتص المواد المرطبه والكريمات واللوشنات الي بنستعملها بشكل اكبر والنتيجه طبعا جلد انعم ب كتير ..

💞سابعآ:
بتدي إحساس بالنشاط ، لأنها بالضبط زي المساج البنعملو للجسم و بتوازن الطاقه الكهرومغناطسيه في اجسامنا..

💞بتطرد السموم من الجسم وبتنشط الجهاز المناعي كتير..

طيب يا غاده بطلي بري و ورينا السنفره الجافه دي بنعملا كيف وبنحتاج شنو فيها ؟؟

اهم حاجه الفرشه ..
فرشه الفرك الطويله او القصيره.. انا بحب الطويله عشان اقدر اصل ل ظهري بسهوله .. ولازم تكون شعيراتها مصنوعه من الالياف .. لااازم تكون الياف .. يعني ما تمشو تجيبو الفرشه الي شعيراتها نايلون ما بتنفع نهائي..

😬طيب خلاص ح نجيب فرشه الياف يلا اشرحي لينا الطريقه ..

💞 من اسمها ( السنفره الجااااافه) يعني لازم يكون جسمك ناشف تمااااما .. لا تحطو مويه ولا تمسحو زيت ولا مرطب ولا اي شي ..لان هدفنا هو سنفره وتقشير الجلد على الناشف..
💞الحاجه التانيه المهمه انكم وانتو بتفركو في جلدكم بالفرشه تخلو اتجاه الفرك على جهه القلب يعني مثلا وانتي بتعملي رجلينك يكون الفرك ل فوق ، وانتي بتعملي يدينك يكون الفرك في اتجاه الصدر وهكذا..
الهدف من كده طبعا انو ننشط الدوره الدمويه والي تنشيطها بيدينا الفوائد الباقيه كلها..
وانتي بتفركي ابعدي تماما من وشك ومن حلمات الصدر..
وعموما خلي فركك وسط ولا خفيف ولا شديد .. في حدود المعقول ..
ودايما حاولي خلي الحركه دي مع حمام الصباح لانها بتدي الجسم طاقه ونشاط غير عادي . وكمان لو لاسمح الله عندك اي امراض اعمليها مرتين في اليوم عشان تخلصي جسمك من السموم..
ما تفتكروها بتاخد زمن طويل وعاوزه قعده وبرنامج.. بالكتير دقيقتين بتكوني مررتي الفرشه على جسمك كلو وتبديه من باطن قدمك لحد يدينك وظهرك واردافك والمؤخره وبطنك وانتي بدون ملابس طبعا وبعد ما تنتهي تفركي الفرشه نفسها في اي سطح جنبك عشان الخلايا والجلد الميت يطلع منها بعدين تغسليها بالصابون وتشطفيها كويس وتعلقيها عشان تنشف وانتي تبدي تاخدي حمامك العادي الي مفروض ما يزيد عن ١٠ دقايق ابدا عشان جسمك ما يجف ..
تدخلي تحت الدش الدافي (دااافي وليس حار) شويه كدا دقيقتين ثلاثه بالكتير.. بعد دا تمسكي ليفتك ويحبذ النوع الي زي في الصوره.. الليفه الحمره دي.. لانها سنفرتها ناعمه وما بتخدش الجلد وبتقوم بالواجب على اكمل وجه والاهم من كدا ما بتسمح لتراكم البكتيريا عليها لانها بتنشف سر

يع جدا بعد ما تشطفيها وتعلقيها..

🚿حطي كميه مناسبه من جل الاستحمام بتاعك عليها وابدي غسلي جسمك من فوق ل تحت لحد ما تصلي لاقدامك .. في حال انك عاوزه تغسلي شعرك معناها تغسلي شعرك اول بعدين جسمك.. اوكي
في ناس هسي حتجي تقول والله ليفه الكف احسن وبتنضف احسن..
ح اقولك ليفه الكف للاستحمام الاسبوعي.. يعني مره ف الاسبوع بس تستعمليها عشان جلدك ما يسود من كتر الفرك بيها.. اوكي

💞نجي للغسولات وجل الاستحمام والاحسن والاجود و و و و ......

جربت ٣ انواع عشان اقدر افيدكم بيهم وكمان ح انزل ليكم الجل الانا بستعملو من زمان ..
اخترت انواع متوفره في اي صيدليه او سوبر ماركت عشان تقدرو تتحصلو عليها وتكون جيده وتأثيرها حلو..
ال ٣ انواع هي :-
💜الاول سائل الاستحمام من ڤازلين بخلاصه الشوفان وبروتين الصويا وصناعتو سعوديه..
💜والتاني من بالموليف بخلاصه زيت الزيتون.. وصناعتو ايطاليه..
💜والثالث من نيفيا بخلاصه التوت البري وصناعتو سعوديه..

الثلاثه ترطيبهم حلو وريحتهم حلوه وتجربتي ليهم كانت اضافه لي ..
ما اكذب عليكم واقول انا بستعملهم من زمان وعلاقتي بيهم وطيده لا ابدا .. لكن جربتهم عشان اقدر افيدكم بمنتجات اسعارها حلوه ومتوفره ونتايجها مرضيه ومقنعه .. لكن انا بستعمل عاده الشور جل من بودي شوب بخلاصه زيت الارجان لاني عندي هوس بمنتجات بودي شوب عموما وبأي حاجه داخل فيها زيت الارجان..
💞بعد ما تدعكي جسمك وتخلصي تفتحي الدش 🚿على المويه الفاتره والاقرب للبروده وتكملي حمامك الي كلو حيكون اخد ١٠ دقايق بالكتير.واخر حاجه تغسلي وشك بالغسول بتاعك ..
💞بعد تخلصي تنشفي جسمك بالفوطه .. بطريقه الطبطبه مش بالفرك عشان تحافظي على رطوبتو و يكون سهل انك تمسحي الكريم المرطب عليه وهو رطب والكريم يحتفظ بالرطوبه دي لفتره طويله..
💞بعد دا تمسحي اي واحد من كريمات الترطيب الي اتكلمنا عنها في البوست الفات على كامل جسمك .. واخر حاجه تمسحي حلمات صدرك بنفس مرطب الشفايف البتستعمليه.. اي نوع مرطب شفايف .. انا بستعمل مرطب الشفايف من نفس مجموعه زيت الارجان من بودي شوب لكن عموما ممكن تستعملو حتى لابيلو العادي.. الحركه دي بتخلي الحلمه دايما صحيه ولونها حلو ومشدوده ومافيها اي تجاعيد..
ومع التكرار حتى لو لونها غامق بترجع تفتح زي الاول😍

ملاحظه : ما جبت سيره الصابون لاني ما عاوزه اسمع ان وحده فيكم بتستعمل صابون تاني.. بجد بكرررررهو لانو زي المستنقع بتاع البكتيريا.. 😷😷😷

ملاحظه تانيه :
الفرشه بتلقوها في بودي شوب او في دبنهامز او مارك اند سبنسر ..

💞دا فيديو لطريقه السنفره الجافه عشان يوضح ليكم الخطوات ..
http://m.youtube.com/watch?v=7ANy_2xWLAo

ملاحظه( الموضوع الاساسي كتب بواسطه ارتوس شيك.. نقل بتصرف .. )
وانشالله اكون افدتكم
تحياتي
ودمتم بحب💜
#غاده كريم

سودانيه♡~

https://tttttt.me/joinchat/AAAAAD66el30HWSbzR1xCw

ورق السدر (النبق) لتساقط الشعر
والله اسبوعين بس التساقط وقف 😍
مع انو شعري كان منتهي شديييييد من سحب لون للصبغه للبروتين كان عندي نفسيات من التساقط بس الحمد لله
قلتا افييييييدكم معاي خصوصا ورق النبق عندكم متوفر وشبه مجان هنا كيلو السدر بعادل 200 جنيه سوداني 🤭

#تعديل
مقدار كبايه سدر وكبايتين مويه او تلاته
اغسلي السدر و اغلي المويه
تخلي السدر في العلبه (قزاز) و تكبي عليهو المويه المغليه وتغطيها طوالي
تخليها لمده 24 او 48 ساعه كحد اقصى
وتصفيهو في بخاخ وتستعمليهو لشعرك كلو صباح ومساء

#تعديل 2
طبعا ممكن تضيفي حبات قرنفل في البخاخ بس عشان يديك ريحه احلى هو ريحتو عاديه بس القرنفل بحليهو ❤️

وممكن تلاحظي انو شعرك جفه الجفاف عادي بس ممكن يضايقك وطبعا امسحي شعرك بزيت بعد الغسيل انا بمسحو بشوووية زيت جونسون بكده ما حتحسي بالجفاف 😍
قبل تغسلي شعرك اعملي زبادي بس عشان يرطب ليك شعرك

#تعديل 3

لا ما تغسلي شعرك بعد الاستخدام
استعمليهو عادي
وغسلي شعرك كمان عادي زي ما كنتي بتغسليهو اول
#منقوول


سودانيه♡~

https://tttttt.me/joinchat/AAAAAD66el30HWSbzR1xCw

أنتي "جميلة "
كلمة قد تجعل إمراة عادية تسير كالطاوس🦚
بين حشد من النساء الفاتنات ..
أنت " غبي"
كلمة قد تكسر همة طفل نبيه وتقفل
أبواب عقله عن الاستيعاب 🥴
أنت "فيك حاله نفسيه "
كلمه قد تحول شخص عادي الى شخص
يعاني من حالات نفسيه بالفعل😦
أنت " تقدر "
كلمة قد تحرض معوق على كسر حدود
الإعاقة بما يعجز عنه أصحاء البدن 😎
هي " كلمة " واحدة" أو " كلمات" عديدة
قد تشكل من أنت ، أيا من كان أنت ..
وقد تكون دواء وتخلق معجزة شفاء
وخاصة إذا كانت من أقرب الناس اليك ..
فلنتعلم بمآ ننطق للآخرين
فالكلمة الطيبة صدقة😍😍💪

سودانيه♡~

https://tttttt.me/joinchat/AAAAAD66el30HWSbzR1xCw
♥♥♡♥♡