الخطوات الموحدة للعناية بجميع انواع البشرة 😍💪🏻

1- استخدام تونر مناسب لقبض المسام
والتونر يستخدم لقفل المسام
ممكن يكون منتج او استخدام لقفل المسام
قطعه ثلج ماء ورد او ماء عادى
او
شطف الوجه بماء الورد الساقع
2- استخدام صن بلوك مناسب لنوع بشرتك ويوضع قبل الماكياج
3- السنفرة او التقشير تستخدم للبشرة
مرة كل اسبوعين سواء منتج او بوصفة طبيعية

افضل منتجات تنظيف البشرة هى كلين اند كلير
فى منها
الغسول وهو يومى

المقشر وهو السنفرة ويحتوى على حبيبات
ناعمة تساعد على ازلة الجلد والخلايا الميته
ويستخدم مرة كل اسبوعين

غسول يومى ويعمل على ازالة الرؤؤس السوداء

سائل لازالة الرؤؤس السوداء

4-الحمام المغربى
للبشرة
احنا عارفين الحمام المغربى للجسم ولكن هو مش للجسم فقط
لأ ده للوجه كمان

فوائده :
1-ازالة الخلايا والجلد الميت
2-ازالة الحبوب واثارها
3-تفتيح البشرة
4-نضارة
5-تنظيف عميق للبشرة
6-التخلص من التجاعيد لبشرة الوجه والجسم

المكونات :
طين مغربى + ماء ورد + حنزود حاجات عليهم لكل نوع بشرة + ماء ساخن

الطريقة :

1-حتجبيى الطمى المغربى المكعبات اللى هو ده كما بالصورة

2- حتذوبيه الطمى ده بشوية ماء ساخن + ماء ورد
زى كده كما بالصورة

3- حضيفى مع الطمى المغربى والماء الساخن وماء الورد بعد ان ذوبتيه الاشياء دى حسب نوع البشرة

للبشرة الدهنيه : ملعقة ليمون
للبشرة الجافة: ملعقة زيت لوز حلو
للبشرة الحساسه: مش حتزودى حاجة حتكتفى بانك ذوبتيه بماء الورد فقط يعنى حتستخدميه زى ما هو تحذير استخدام الليمون للبشرة الحساسة عموما
للبشرة المختلطه : حتقسمى الطمى المغربى فى طبقين صغيرين الطيق الاول حتضعى عليه ملعقةمن الليمون وتضعيه عالاماكن الدهنيه فى بشرتك زى الانف والقورة والذقن لا البشرة الدهنيه على شكل T
والطبق الاخر حتضعى عليه ملعقة من زيت لوز حلو وتضعيه عمنطقة الخدود لان منطقة الخدود جافة و القورة والذقن والانف دهنيه

طريقة الاستخدام :
حتضعى الطين المغربى عالبشرة لمدة تلت ساعة فقط ثم تفركى البشرة ببطن اصابع اليد وتشطفى البشرة بالماء البارد فقط مرة بالاسبوع

الناس العندها سواد تحت العيون عندي الحل ليها

الخلطه

عصير حبة برتقال
مع معلقة كبيرة كركم

معلقتين جرسلين
زيت زيتون
وحبتين بندول
الطريقة
بسيحي البندول بعصير البرتقال
واضيفي عليهم الكركم خليهم مع بعض شوية
بعدين تضيفي ليهم باقي المكونات
تختيهو فى برطمان
تعملي منه صباح قبل الشمس .نص ساعة
وطلعيهو بالغسل بصابونة وشك العادية ولو مابتستعملي صابونة جابي صابونة الكركم او الجزر سمحات
والمساء تعمليهو كمان قبل ماتنومي بص ساعة بس بالليل امسحيهو بدون ماتغسليهو
النتيجة عادة بتظهر من اول اسبوع
ودعواتكم لي





الخلطة دي لكل اماكن السواد فى الجسم ما تحت العيون بس
حتي سواد الاماكن الحساسة

#منقول بحب💜

إكتراثكِ بتغذية عقلك، بتبّريد أظافرك، بلياقةِ جسمكِ، بحيويَّة شعرك و نضارة وجهكِ، أهمّ من وقوفك على الأطلال وأنتظاركِ لشخص غائب يعيش حياته ضاربًا ذكركِ عرض الحائط. إنهضي بعمركِ المسروق، كوني إمرأةً مشغولة بحُب ذاتك قبل فوات صباكِ"

ماسك رهييييييييييييييييييييييب لتغذية الشعر التالف
🍀🍀🍀
👇👇👇
المكونات
البيض
فوائد البيض للشعر
قد يفاجأ البعض ان تكييف شعرك مع البيض يعزز من نمو الشعر لأن البيض يحتوي على الكثير من البروتين . ويتكون الشعر من الكيراتين ويحتاج إلى 70 في المئة من البروتين ، لذلك ان بروتين من البيض يساعد على إعادة بناء الشعر التالف عن طريق ملء البقع من خلال طول ضفيرة الشعر ، مما يعزز قوة الشعر

القهوه
تساعد في تطويل الشعر.

♥ تترك الشعر ناعم .

♥ تكسب الشعر لمعان رائع جميل , ايضا من فوائد القهوة للشعر التي اعشقها.

♥ تغمق لون الشعر خصوصا مع الاستخدام المتكرر والمتواصل, فلو شعرك داكن وتحبي ان يكون داكن اكثر, فالقهوة عامل مساعد في ذلك. (مؤقت)

♥ تستخدم لصبغ الشعر, خصوصا ذوات الشعر الفاتح, قد تجد في الاستخدام المتكرر لها , زيادة في غمق لون الشعر اكثر. (بنتائج مؤقتة).

♥ تساعد في علاج تقصف الشعر , وربما هذه من الامور المشهورة عنها ان القهوة للشعر المتقصف مفيدة جدا

نقوم بخلط بيضه واحده وملعقه قهوه وملعقه زيت زيتون
نضعه مده ساعه على الشعر ونضع كيس ورائحه البيض سوف تختفي نهائي بسبب رائحه القهوه تكرر مره في الاسبوع 👉👌
#منقووول بحب❤️🌸

#الزواج_الفاشل مش بس بينتهى بالطلاق ...كمان بينتهى بالوحده و الغربه و اللامبالاه .
الزواج م بس تخلصي المشاكل بالطلاق
مرات بيخلص بالصمت و قرار عدم العتاب و العيشةة ع كده والصبر وخلاص ...
صحيح السنين بتعدى إذا قررنا نسكت و نستحمل من غير ما نحارب عشان سعادتنا
بنقفل على مشاعرنا و نعيش الواقع بدون أحساس ...

لكن دا اكبر غلط حاولوا مره و اتنين و ألف مع رجالكم ....
أتكلموا و أتناقشوا و حاولوا توضحوا مشاعركم و تشرحوا إلـ الانتو حاسين بيهو الشي الما عاجبكم ...
حاولوا تفهموا شريك الحياه و تتقبلوه بعيوبه ....
ما تخلو نفسكم للوحده تقتلكم و تعيشوا اغراب فى بيت واحد وانتو اصلا بقيتو شي واحد ...
ما مفروض الإختلافات تتحول إلي خلافات...ارجوكم

م شي في الدنيا دي كامل..
بس ممكن تغيري سعادتك بأيدك ووممكن انتي تبقي سبب ف تعاسه بيتك ...

دايرة ابقى سمحة 🌚💔 الدايرة تتسمح تجي 😂
جادة والله 😒 بسم الله ركزو معاي السماحة ما لون بس ولا جسم ملان بس ، السماحة شعر ونضارة ونعومة (وجسم ملان ولون برضو 😂😂💔افوتهن وين عاد)
اهاا ي بنات حواء نبدأ:-
1. شعرك قصار؟؟ محارب الرقبة ومصاحب الاضان 🌚💔 اذن قصار اوريك تسوي شنو 😂 جيبي الصبارة الواااحدة دي وقطعيها مكعبات وجيبي موية صحة اهم شي م معروف مويتنا دي فيها شنو 😂😂 المهم كبي قدر كوز كدا او القارورة الصغيرة دي وكبي فيها مكعبات الصبار وغتي حلتك 🐸 اها يلا جيبي بصلة بيضة كبيرة ابشريها ناااعمة تكون وجيبي مصفى كبي البصلة المبشورة في المصفى واضغطي لمن يتصفى ليك قدر فنجانين كدا ، اها لمن تلقي الصبارة خلاص نجضت عدييل ، جيبي فتيل بخاخ بتاع ريحة غسليهو تمام وكبي موية البصل وصفي موية الصبار ولخبطيهن وكل يوم رشي في شعرك وخلليهو خليهو يقعد ساعة بالكتير وغسلي شعرك ، يوميا سامعة ، شعرك ح يطول في 14 يوم 😍💚 كان م طال تعالي دقيني ع ضمانتي 😂😂💔 م تنسي تختيهو في التلاجة
2. عندك هالات سوداء 🌚💔 شكلو عندك برضو ، دا من السهر والخلط الكتير 😂 يمكن ضربة شمس برضو ، ما علينا
جيبي خياراية ابشريها ناااعمة بعد داك جيبي نص موزة اعجنيها معاها وختيها في قالب صغير ال بجي مع التلاجة دا ولو ما عندك ممكن تسوي فنجان وختيهو في الفريزة ، بعد يجمد تعالي اعمليهو مكان الهالة بشكل دائري لمن تسووح في وشك ، خليها شوية حتى تغسليها ، ح تشوفي الفرق من او مرة بس استمري ما توقفيها بتنفعك 😘
3. الاهم والاهم والاهم والاهم ، اكييييييد وشك دهني وعندك حبوب في نخرتك زيي 😂😂😂😂💔
اوريك ياا ستي تعملي شنو ، تجيبي فوطة نضيفة تدخليها في موية سخنة وتختيها في وشك وتضغطيها ،مرتين تلاته كدة ، بعداك جيبي البينسه الوااااحدة دي ، ومشيها في نخرتك زي البتنخري كدا فهمتي بس ما تشدي شديد الدهون كلهاا ح تطلع معاك 😍 ولسه م انتهينا من موضوع الدهون انتظرو شوية اشوف لو في تفاعل 🌚💔 عشان ما اكون بكتب في الهواء ساي

ناس الرؤوس السودا الفي الانف بالزات اجمعو حل ولا اروع وناس الشقريب برضو وناس الحواجب الخفيفة والاسنان الصفراء ، الناس المشعرة والبتعرق كتيير ، وريحة الفم المزعجة ، ناس اليدين الخشنة 🌚 والرجول المشققة ، ناس الشفايف المشققة والبشرة الجااافة كلكم اجمعو هنا وتاقي لي اي وحدة بعنيها الامر وبالله متابعه عشان يصلك كل جديد ، وكان مرة م تسوي البقولو ليك دا 😂😂💔 وانا زاتي دايرة ابدا معاكم وكل وحدة ح تجرب تجي تفيدنا حصل معاها شنو

ارفعو البوست وادعو لي نتيجتي بكرا 😭💔

#تعديل

وقفنا وين ؟؟ ناس الرؤوس السوداء عندك دشولمية حل بس انتي شدي الهمة 🌚
الحل الاول شفتي الشاي الاخدر ، سوي ليك كباية مركزة تمام وكبي فيهو ملعقة قرفة مسحونة واعملي قناع لي وشك وركزي ع النخرة 🐸، انتي عارفة انو الشاي الاخضر كويس شديد للدهون صح معناها ح يقلل نسبة الدهون في وشك والقرفة بتنعم وبتنضر البشرة وبالتالي ح تساعد الشاي الاخضر في ازالة الرؤوس السوداء ، اشششي علينا فرجت 😂😂💔
حاجة تانية كيف تعملي مطهر للبشرة عشان تحميها من الدهون والرؤوس السوداااء 👌
تعالي اوريك ، تجيبي ملعقة عسل نحل اصلي ، م تقولي م عندكم ان شاءالله تجيبيهو من سقط لقط العطارات دي كلها فيها ، المهم جيبي ملعقتين كبار من عسل النحل وختي فيها ملعقة قرفة مسحونة وكم نقطة بتاعت ليمون ولخبطيهم تمام ودخليهم الفرن بس يسخنو شوية طلعيهم طوالي او في البتجاز ، حاسبي م يسخنو شديد المهم املي وشك ولصقي فيهو مناديل ويستحسن مناديل بتاعت الميك اب اللي شكلها دوائر دي ولصقيهم في وشك املي وشك كلو 😂😂😂 اها يلا خليهم من 15 لي 20 دقيقة وغسلي بي موية تلج عشان تكوني طهرتي البشرة وقفلتي المسام طوالي 😍😍 اعمليها مرة في الاسبوع
وبرضو لو عندك شوفان في البيت ، ي جماااعة الشوفان دا اهم من حياتك في البيت جيبيهو من السوبر ماركت ، كبي ملعقتين كبار من الشوفان وملعقة كبيرة دقيق وملعقة زبادي (ااخخخ لو عارفين الزبادي دا حنين كيف ع البشرة) 😂 المهم ونص ليمونة ، اما لو ليمونتك صغيرة احلبي وحدة كاملة او اتنين المهم لحدي ماا يبقى ليك خلطه تقيلة ، مسحي وشك وخليهو من 15 لي 20 دقيقة وغسليهو بي موية باااردة شديد ، كرريها مرة في الاسبوع

وووب فترت شدو الهمة ماشة اجيب لي كاسة زبادي وجاية 😂😂
قبل ما امشي الرؤوس السوداء اسبابا كتير ممكن البلوغ عشان بحصل تغير مفاجئ في الجسم والحاجة الاهم شرب السجاااير ، كر عليكي لو بتسجري عاجلا ام اجلا وشك بتملي 🌚✋
معلومة برضو قبل امشي الليمون بفتح اللون على فكرة ، يعني يوميا شيلي ليمونة ادعكيها في اباطك بتشيل الريحة وبتبيض الاباط في نفس الوقت 💚
م تمشو بعيد وم تنسي تعملي متابعة عشان تستفيدي والتاق عشان تفيدي غيرك

#ناااااااااااااااااااااااس_الشقرييييييييييب_والخطوط
تعالو هنا ، حتى لو ما عندك شقريب برضو تعالي لونك ح يفتح استفيدي وتاقي

صحبتك تستفيد
اولا عندنا حاجات مهمات جدا جدا ومتوفرات في كل بيت
. الغسول او العروكة اللي هي بتتكون ليك من ملعقة كبيرة سكر خشن اهم شي خشن دي وملعقة كبيرة بن مسحون تمام دا اذا المنطقة بتاعتك صغيرة لو كبيرة زيدي الكمية براحتك بالاضافة لي زيت الزيتون الواحد دا ، لخبطي ال بن المسحون مع السكر لحدي ما يبقو حاجة وحدة كبي زيت الزيتون لمن تحسي انو اتماسك ، ما تخليهو فاكي شديد ولا تخليهو متماسك شديد يكون وسط ، خليهو نص ساعة وتاني تعالي لخبطيهو اوعك تستعجلي 🌚✋ بعدين ختي في محل الشقريب ودلكي حركة دائرية ، لانو الحركة الدائرية بتنشط الدورة الدموية وبتوزع الدم بطريقة متساوية ودا بأدي لي توريد البشرة وكمان من فوائد الحركة الدائرية انها بتزيل الطبقة الميتة يعني ح تبقى ليك خلطة تقشير في نفس الوقت 😍💚 الحاجة دي م تكسلي منها اعمليها يومي
#منقووول بحب❤️🌸

اﺩﻭﻧﻲ ﺍﻟﻤﺎﻳﻚ ﺩﻩ🎤🎤

ﺍﻟﻮاﺣﺪﻩ ﻣﻦ ﺗﺨﺶ ﻓﻲ ﺟﻠﺒﺎﺏ ﺍﻟﻜﺒﺮ،ﻭﺍﻟﺒﺸﺘﻨﻪ 🎽💔
ﻭﺗﻘﻮﻝ ﻟﻴﻚ ﻏﻨﺎﻳﻨﺎ ﻣﺎﺕ ﻭﺯﻣﻨﺎ ﻓﺎﺕ
ﺩﻱ،ﺗﻘﻄﻌﻲ ﻋﻼﻗﺘﻚ ﻣﻌﺎﻫﺎ ﺳﺘﻪ ﺻﻔﺮ🙅🙅🙅
ﻳﻔﻮﻭﻭﺕ ﻟﻴﻪ؟؟؟ ﺩﺍ ﺯﻣﻨﻚ ﻭﺍﻟﺠﺎﻱ ﺯﻣﻨﻚ ﻃﺎﻟﻤﺎ ﺍﻧﺘﻲ ﻋﺎﻳﺸﻪ ﻣﻦ ﺣﻘﻚ ﺗﺴﺘﻤﺘﻌﻲﺑﺎﻱ،ﻟﺤﻆة💃💃💃
ﻓﻲ ﺣﻴﺎﺗﻚ ﺍﺗﺠﻮﻫﻠﻲ ﺍﺗﺴﻮﻏﺮﻱ،
ﻭﺍﻟﻠﻪﺍﻟﻜﺒر ﺩﺍ ﺑﺘﻠﺤﻘﻲ ﻣﺎﺗﺠﺮﻱ ﻟيه ﻫﺴﻪ ﻣﺎﺷﻔﺘﻮﻧﺎﺩﻳﻪ ﺍﻟﺠﻨﺪﻱ ﺩﻱ ﻣﻦ ﻗﻤﻨﺎ ﻫﻲ ﺑﻲ ﻣﻨﻈﺮﺍ
ﺩﺍ ﻧﺎﺩﻳﻪ ﺩﻱ ﻗﻮﻟﻮ ﻋﻤﻠﻴﺎﺕ ﻭﺷﺪ ﻭﻧﺤﺖ💃

ﺷﻮﻓﻦ ﺣﻨﺎﻥ ﺑﻠﻮﺑﻠﻮ ﺩﻱ ﻣﻦ ﺍﻧﺎ فى الروضة ﻫﻲ ﺑﺘﻐﻨﻲ ﺍﻟﻠﻴﻤﻮﻧﻪ ﺍﻟﺠﻮﻩ ﻗﻠﺒﻲﻣﺸﺘﻮﻟﻪ 🍋ﻭﻟﺴﻪ ﻳﺎﻳﻤﻪ ﻓﻲ ﺟﻴﻬﺘﺎ ﻭﺳﻤﺎﺣتا 💇
ﺗﻘﻮﻝ ﺑﺖ ﺍﻣﺒﺎﺭﺡ ﻋﻴﻨﻲ ﺑﺎﺭﺩﻩ ﻭﻧﻘﻄﻪ .ﺷﻮﻟﻪ،ﺳﻄﺮ ﺟﺪﻳﺪ...
ﻧﺤﻦ ﺑﺲ ﻣﺸﻜﻠﺘﻨﺎ ﺍﻻﺳﺎﺳﻴﻪ ﺍﻟﻨﻔﺴﻴﺎﺕ😫
ﺍﺭﻓﻌﻲ ﻣﻌﻨﻮﻳﺎﺗﻚ 🙋ﻭﺍﻧﻘﺼﻲ ﻣﻦ ﻋﻤﺮﻙ ﻋﺸﺮﻩ ﺳﻨﻪ ﻏﻴﺮﻱ ﺗﺴﺮﻳﺤﺘﻚ ﺍﻟﻮﺍﺣﺪﻩ ﺩﻱ💇
ﻭﻣﺎﺗﺪﻭﺭﻱ ﻓﻲ ﻓﻠﻚ ﺍﻟﺮﺍﺟﻞ👳
ﺡ ﺗﺠﻴﻚ ﺗﺠﺎﻋﻴﺪ💆
ﻭﺷﻴﺐ ﻣﻦ ﺍﻟﻌﺸﺮﻳﻨﺎﺕ👵
ﻛﺎﻥ ﺑﺎﺭﻳﺘﻲ ﺍﻟﺮﺟﺎﻝ ديل😡😡😡😤‏)

ﺍﻗﻨﻌﻲ ﻧﻔﺴﻚ ﺍﻧﻚ ﺣﻠﻮة ﻭﺟﻤﻴﻠة ﻭﺷﺎﺑة👰
ﺍﺗﻨﻄﻄﻲ ﺍﺷﺘﺮﻛﻲ ﻓﻲ ﺟﻴﻢ 💃ﻣﺎﺗﺨﺠﻠﻲ ﻣﻦ،ﺷﻜﻠﻚ
ﻭﻻﺷﻌﺮﻙ
ﻭﻻﻟﻮﻧﻚ
ﺍﻛﻴﺪ ﺍﻧﺘﻲﺯﻭﻟﻪ ﻣﻤﻴﺰﻩ.💁 ﺍﻧﻔﻀﻲ ﻏﺒﺎﺭ ﺍﻟﺘﺒﻌﻴة ﻟﻠﺮﺍﺟﻞ👎
ﺭﺑﻨﺎ ﺧﻠﻘﻚ ﻛﺎﻣﻠة ﺑﺲ ﺯﻳﺪﻱ ﺛﻘﺘﻚ ﻓﻲ ﻧﻔﺴﻚ
ﻣﺎﺗﻌﻴﺸﻲ ﻓﻲ ﻫﺎﻣﺶ ﺍﻟﺤﻴﺎﻩ
ﺡ ﺗﻄﻠﻌﻲ ﻣﻨﻬﺎ
ﺑﺪﻭﻥ ﺣﺘﻲ ﺯﻭﻝ ﻳﺘﺬﻛﺮﻙ ..😓
ﻭﺍﺑﻌﺪﻱ ﻣﻦ
ﺍﻟﻨﺴﻮﺍﻥ ﺍﻟﻤﺤﺒﻄﺎﺕ ﺍﻟﺒﻘﻀﻮ ﻧﺺ ﺣﻴﺎﺗﻬﻢ ﻓﻲﺍﻟﻤﻄﺒﺦ🙆
ﻳﺎﺥ ﻣﻦ ﻗﻤﻨﺎ ﻻ ﺍﻟﻐﺴﻴﻞ ﻛﻤﻞ ﻻ...ﺍﻟﻌﺪﻩ ﻧﻀﻔﺖ ؟؟؟
ﻧﻜﺒﺮﺍ ﻣﻦ ﺍﻟﻔﺎﺭﻏﻪ ﺩﻱ ﻭﻳﺎﺭﻭﺡ
ﻣﺎﺑﻌﺪﻙ ﺭﻭﺡ❤❤
حملة الدعم الفنى للنسوان لـٍـًرفع المعنويات 😍😍😍😍

لون المنقا لون سوداني دخان سوداني كريم دخان لون المنقه

ا

خلطة لون المنقا للدخان
قشر برتقال مجفف ومسحون ناعم ذى تلاته ملاعق
كركم ملعقه+ثلاث شمعات شمعات المقصود شمع الانارة العادي

فنجان زيت سمسم وفنجان ذيت زيتون وكان مااتوفر ممكن تكتفى بزيت السمسم
محلب مسحون ومسك سالم يعنى مكعبات وديل كبى حسب ما دايره
صندليه نقاط وخمرة ضفره برضو حبه
سيحى الشمعات على نار هاديه وبيسحو معاك بسرعه يلا كبى قشر البرتقال وحركى لحدى ما يدوب ذى تلاته دقايق كبى زيت السمسم واديو دقتقتين واطفى النار وكبى الكركم والمحلب والمسك وحركى تمام لحدى ما يسيح المسك وبعدو كبي زيت الزيتون
الريحه بتكون دمااااار وهنا الخلطه بتكون سايله خليها تبرد واضيفى نقاط صندليه و الخمرة وحركيها
يلا عشان نخليها ذى الكريم نجيب مويه بارده جدا ومكعبات ثلج وتكبيها فى ماعون وخلطتك تكون فى ماعون اصغر فوق ماعون التلج وتبدى تحركى وطوالى الخلطه حا تبدا تتماسك واستمرى فى التحريك حا تبقى زي الكريم
شيلى التلج وكبيها فى برطمان بتعمل ليك كميه
الكريم بيكون متجانس و ناعم وحبيبات البرتقال بتكون اختفت
والريحه فى المطبخ بتجيب الجيران مبالغه
يلا يا سمحات انا دخانى كالاتى
بتيل حطبي المكسر صغار بتتبيله محترمه وبخليو ينشف
وبولع جمره واحده وبشيل حطبتين صغار من تحت وبرمى الجمره وبخليو يولع وبنزل بحطبه تالته من فوق وبختو فى مبخر السلك وجوا الاصيصه عشان يكون قريب طبعا دخان بارد وبمسك فى الجسم ولا دموع ولا صداع وتقعدى براحتك لمن يكمل وممكن تكررى الحركه دى مرتين فى اليوم
يلا بعد ما جسمى يعرق بمسح كريم الدخان والمسامات بتكون مفتوحه يلا الحسم بشرب الخلطه الرهيبه دى وطبعا اصلا الحطب لونو اصفر من التتبيله ومع كريم المنقا دا اللون ببقى شى عجيب

الخطر القادم يا بنات السودان .. نصيييحة لوجه الله ..

ما شايفين تكيس المبايض كتر كيف؟ما شايفين التهابات النساء كترت كيف؟؟ عدم انتظام الدورة؟؟ تكرر الاجهاض؟؟ النزيف؟؟ تشوة المواليد؟؟؟ دي حاجة ربنا بسالني منها لو ما قلتها ... الصباااعااااات ي بنات .. ابعدوا منها .. رجاااءا ابعدوا منها .. زوجك لما اختارك اختارك انتي كدا .. ع طبيعتك .. ولو اختارك علشان لونك تاكدي انك حتتعبي جدددددا .. مقابل المحافظه ع اللون حتخسري جسمك .. و صحتك .. و احتمال كبير تخسري انك تبقي ام .. دي دراااسة عملتها انا دي ... د.ايمان ربيع .. كلية الصيدلة جامعه الخرطوم .. لقينا ايييي واحدة استخدمت صباعات لمدة 9 شهور متواااصله بنسبه 90% حصل ليهم مشكلة ف الدورة .. و تكيس مبايض ... اتنضفي .. اتحككككحكي .. رطططبي جسمك .. خليك نااايرة و نديااانة و جسمك روياااان .. لكن ما ع حساب صحتك .. و هنا تلات ارباعكم لو ما كلكم صغيرات ف السن .. ما تجيبوا لروحكم بلاوي .. العلاج بقي صعب و غااااالي و مشوارو طويييييل ..
لما نقول صباع .. تخيلو معاي .. انو الصفيك بانواعه و الموفيت والاورنجا ...كللللللهم وااااحد .. اختلاف اسم تجاري فقط ... والكريتون .. فيه فيتامين أ بنسبة عالية جددددا .. يعني ممنوووع تتحبسي بيه لعرسك .. لانو فايتمين أ بتراكم ف الجسم ولو حملتي البيبي جيكون مشوه .. امشوا مستشفي ابراهيم مالك .. قسم المواليد .. شوفو كمية الاطفال الجدد المشوهين .. حاجة تحير ....
اللهم بلغت .. اللهم فاشهد
#د_ايمان_ربيع
طبيب صيدلي
#تعديل...
انشروا البوست دا بس رجاااءا بدووون حذف او تعديل لاااييي شي فيه ... امانة النشر تحتم علينا كدا ...
انشروه ف كل القروبات .. نسائية و مختلطة .. ومختلطة اهم علشان الرجال يعرفوا مقدار الضرر المترتب ع الواحدة علشان ترضيهم ببياض لونها ... لازم الام يكون جسمها خالي من الكيمائيات .. علشان اولادهم كمان يطلعوا سليمين .. والا ينتظروا كمية العاهات و التشوهات لاطفالهم ربنا يحفظهم من كل شر ... دا غير الالم العضوي والنفسي
#تعديل_مهم
اطباء العيون بقوا يشكوا من كثرة تردد البنات ع العيادات بسبب زيادة ضغط العين .. والتهابات العيون المختلفة .. و قالوا انها زيادة راسية .. يعني كل شهر الاعداد اكتر من الشهر اللي قبلو ..
اطباء الحوادث والطوارئ لاحظوا لعدد البنات البجيبوهم بكتمه نفس واعراض ازمة .. في حين انو الواحدة لما يسالوها عندك ازمة من زمان؟ تقول لا .. جاتني وانا كبيرة
#منقووول

مساء الخيرات بنات بلدي 😍
منو الجربت الاملج للشعر ؟؟؟
تجي تورينا النتيجة هنا 👇🏼
@omalaq143

عشان تعيشي حياة هاااادئة وجميلة وبعيدة من المشاكل عليك بالاتي اول شي😍😍1/ انتي طلعتي من بيت ابوك معززة مكرمة وساقوك اميرة عشان تكوني ملكة في بيتك مملكتك حسي بي قيمتك وماتبقي تابع للرجل وماتنومي وتصحي بي هم الراجل وتقعدي تراقبي فيهو زي الطفل المتبنياهو يعني تخلقي شعور الاهتمام بالقوة😪😪2/ حبي نفسك واعرفي حقووووقك كويسس وماتتنازلي عن حقك عشان ترضي مزاج زول تاني😇😇3/ اولادك ديل ثمرة زواجك اهممم من اي مجاملات اجتماعية ماتجدعيهم ولا تهملي فيهم عشان تجاملي من الله خلقنا الاعراس ماكملت ولا الوفيات وقفت ومتابعتهم ودراستهم اهمممشئ ده حصادك بعدين وربيهم بي حب واتفرغي ليهم تمااااما واحرصي انك تطلعي احلي جيل وربيهم عشان المستقبل وعشان ديل سندك في كبرك👵👵4/ يفضل انك تكوني عايشة في بيتك براك دة بيقلل كتير من المشاكل عشانك وعشان اولادك وزوجك ما اتوفرت الحاجة دي المهم حاولي اخلقي جو خصوصية لي نفسك وكوني انسانةكوووول وطنشي لمن ربنا يفرجها😓😓5/ بالنسبة للنسابة👵👴👬👭الاحترااااام وبالله خليك في حدودك ماتتدخلي في خصوصيات الاسرة وتفرضي محبتك ولا تعملي فيها سوبرمانترضي الجميع وافرضي احترامك وختي حدود اوع من السبهللية وناس الحالة واحدة دي بتخر علي دماغك احترميهم وهم يحترموك في النهاية دي اسرته هو ما اسرتك انتي فما تفرضي علي الام انك تكوني بتها ولا علي الاخت تكوني اختها😊😊6/ نحمدالله نحنا شعب فداااائي عادي البيت بكون بيت زوجية ودار مسنين وداخلية طلبةوبيت عزابة ودة غير الوارد اليومي من الضيوف يلاااا الكلام دة كللو بسوط ليك تربيتك فوق تحت وغير المصايب البنسمع بيها احفظي اولاااادك الزمن صعب وماتدخلي عليهم مراهق ولا راجل غريب اليوم كلو تكوني تسكي فيهم زي الحرامية احمي اطفالك الله بسألك منهم مابسالك من الضيف وبعدين كلمة مرة ضيفان ديماحتطبطب عليك لو لاقدر الله طفلك اتعرض لي مصيبة مااااتجاملي علي حساب اولادك احسانك مايكون تمنو اطفالك😶😶7/ بند الجاااارااااات نبينا الكريم وصانا بالجار لكن ماقال ليك اسكني عند جارتك ومن تصبح تلفحي توبك وتعسكري عندها لاااا الدخول الكتير زاتو سبب مشاكل الحمدلله بقي وسائل تواصل ممكن بي واتس تسالي من اخبارها ماتتلصقي كتير في الاخر بتتخزلي ماعارفة معادن الناس😮😮8/ حددي هدف لي حياتك استغلي اليوم ماتخلي اليوم يستغلك يعني اعرفي روحك دايرة تعملي شنووو مش حسب الظروف وداااائما اقيفي وقيمي حياتك هل انتي راضية عنها ؟ انجزتي شنو؟ فشلتي في شنو ؟ اهدافك شنو ؟😎😎9/ ماتقارني حياتك بالناس ولا تختي صحباتك ولا جاراتك معيارتقارني بيهم كوني واثقة من نفسك😍😍10/ اهم بند اخلقي جو حلو تدلعي نفسك وترفهي عشان تواصلي المسيرة😧😧الفوق دي😩😩نحنا مامكنات في النهاية بنزهج ونمل لازم نجدد نفسياتنا ونرجع نواصل بي روح معنوية عالية
منقول

مساكم خير ي سكرات 🌸
اغلبية الرسائل الوصلتني انه م سامعين بالاملج وفي بعض منكم سامعين بس م عارفين هو شنو
طيب بالمختصر المفيد

الاملج ( الاملا او الثعلب الهندي )
هو عشبة هندية وم مستخدمة كتير عندنا ، بس هي الزيت وعن تجربة شخصية 😍
وكمان بتتدخل في تصنيع زيت دابر املا ...
عندها استخدامات كتيييره في الصحة بس ح اتكلم عن الشعر لاني جربتها بنفسي
الاملج بيقوي بصيلات الشعر وبنعم الشعر وبطولو كمان...ممكن تقرو عنها في النت
والله العظيم تحسي كأنو شعرك مفرود من اوووووول مرة ، جربتها وم صدقت شعري كان كيف وبقى كيف 😍😍😍❤️
كل البنات الشعرها غزير وبتتعب زي كده تجرب الاملج وم ح تندم ، بتلقي ف كل العطارات ورخيص شديد لانو لسه م معروف
نجي للطريقه :
هم قالو تأخدي شويه منه وتغليها في زيت سمسم وتعمليها ف شعرك
انا م كان عندي زيت سمسم ف غليتها ب زيت جوز الهند وكانت مجففه اول م غليتها اتنفخت
شيلت الزيت وعملتو ف شعري بالجد روووووووووووووووووووعه 😘
ح انزل ليكم صور ليها وطرق تانيه ممكن تجربوها 😍
والناس البتستخدمها توريني النتيجه كيف ؟ @omalaq143

👵عروكة العجين المُر 👵

#ختي مقدار كباية كبيرة عجين مُر (عجين الكسرة )في حلة صغيرة وكبي معاها كوبايتن كبار موية ،،ختي الحلة في النار وحركي الخليط أضيفي للخليط مقدار كباية قشر برتقال مسحون وإستمري في التحريك لمدة 10دقايق على نار متوسطة ،،حتلاحظي إنه الخليط بقى سميك ، نزليهو من النار وخليهو يبردبعد مابرد الخليط بيكون جاهز للإستعمال ...بعد ما تنتهي وتأخدي الشاور ...ماتنسي وجسمك لسه لين إتمسحي بكريم مرطب 👯

الجسم:-

الاعتناء بالجسم يا بي عروكه (تمسحي بيها جسمك لحدي م تنشف خمسه دقايق كده وتدعكيها لما تطلع.. تستخدم يوم بعد يوم عشان الدعك اليومي ممكن يسود) او بي خلطه (تخليها على جسمك من تلت ساعه لي ساعه وتستحمي.. تستخدم يومي وممكن يوم عروكه يوم خلطه) وبعدهم الاتنين لااااااااااااااااااااااااااازم ترطيب باي شي مرطب زي:
زبده الشيا -زيت زيتون- جلسرين- زيت لوز مر - ماء ورد- جلسوليد
الحاجات دي بترطب وتفتح اللون بنستخدما بدل كريم المسوح بعد الحمام يا واحده منهم ي نلخبط منهم العندنا بس م نكتر اللخبطه وبليل نتمسح بيهم وممكن نلبس شرابات وجونتات

¤ للحمام افضل نجيب صابونه مخصوص للجسم زي صابونه الغار و دوف (متوفرات فالصيدليات)
ولنضافه اكتر ممكن نستخدم خلطه صابونيه وليفه مغربيه:
الصابونية للما عارفاها هي عبارة عن صابونة دوف او اي صابونه جسم بتنفع معاك مبشورة و منقوعة ف لبن او موية ورد او موية عادية لمدة يوم. بعدها بتعجنيها و بتخلطي معاها مجموعه من الزيوت البتنفع معاك (ممكن زيتون ولوز مر ) برضو ممكن نوع واحد او اكتر علي حسب بشرتك. بتتمسحي بيها بعد ما تبلي جسمك ب موية و اقعدي من ربع ساعه ل نص ساعة و بعدين تدعكي جسمك. بتطلع وسخ كتتتتتتير و بتنضف.

- طريقه استخدام الليفه المغربيه (من العطارات متوفره ورخيصه ):
تجيبي كبايه مويه وتضيفي ملعقه كبيرة خل وتختي فيهم الليفه..
ترغي جسمك بالصابون او الصابونيه وتدعكي كويس ربع ساعه حتى تشطفى جسمك واتأكدي انو رغوة الصابون كلها طلعت حتى تدعكي جسمك بالليفه وتعالي شوفي النضافه والنورة 😍

¤ في حاجه مهمه اسمها تقشير الجسم اللي هي ازاله الاوساخ والقشور والجلد الميت وضربات الشمس منو .. دي بنعملا لمده اسبوع قبل نبدا العروكات والخلطات وتاني كل فترة يا بمعدل ثابت يا لما نحس انو محتاجنها.. تجيبي حاجه من حاجات الترطيب الفوق دي.. والافضل زيت الزيتون واللوز المر والجلسرين وماء الورد.. تمسحي جسمك تمااام وتجيبي ملح (يا عادي يا ملح يوكو للتنضيف والتفتيح متوفر فالصيدليات ورخيص ) او سكر وتدعكي بيهو في شكل مساج حتى الوش برضو وتعالي شوفي النضافه 😍

¤ للحفاظ على نتائج الاهتمام بالجسم والوجه لازم ما ننسى الترطيب بعد الخلطات والعروكات ولما نطلع نستخدم واقي شمس.. وااقي الشمس دا اهمممم زول وعشان م يسود ويدهن ما بتستخدميهو وانتي طالعه طوالي!! قبل تطلعي بي نص ساعه تعملي منو طبقه رقيقه حتى تجهزي وتطلعي

- العروكات:

(1) عروكه الحلو مر :

تصفي تفل الحلو مر بتاع العصير وتغسليهو كوويس من اي بهارات وتكبي حببه مويه تبلو ليك بس م تزيد عن سطحو.. تختيهو ع نار هاديه وتكبي (دقيق كسرة/اللي هو دقيق ذرة+ ملح+ سكر ) بحيث كميتهم كلهم تكون ربع كميه الابري وممكن تعصري ليمون وتقلبي كويس عشان م تلصق فالحله لحدي ما تغلي مسااااافه كده وتبقى متماسكه تختيها في حاجه في التلاجه تتعركي بيها

(2 ) عروكه الشاي:

تجيبي كبايه شاي تمليها حب شاي جدييد ما مستعمل+ كبايه شاي امليها مويه + نص كبايه شاي دقيق كسره+ ملعقتين كبار سكر+ ملعقتين كبار ملح وممكن ليمون
تستخنيهم ع نار هاديه وتقلبي لحدي المويه تتبخر وتبقى عجينه متماسكه تختيها فالتلاجه

-الخلطات:

(1 ) خلطه بياض الثلج:

صابونه دوف تبشريها وتضيفي نص كبايه ماء ورد اغليهم لحدي يعملو كريمه لما تبرد اضيفي 3 ملاعق زيت لوز مر و 5 ملاعق جلسرين وليمونه وفير اند لفلي.. تستخدم قبل الحمام بي 4 ساعات

(2 ) خلطه الليمون:

تجيبي 15 ليمونه تختيهم في حله دون تقطيع وتمليها مويه ما تصل سطحهم وتغليهم في نار هاديه لحدي ما يبقو لينااات وتفضل حبببه مويه شبه معدومه وتستنيهم يبردو وتختيهم فالخلاط مع حبه جلسرين وتخليطهم تماام وتختيهم في علبه تختيها فالتلاجه.. لما تجي تستحمي تدعكي بالخلطه جسمك كلو وتجيبي كورة فيها حبه سكر وملح معاهم بيكربونات صوديوم او باكينغ بودر تمسحي بيها كل حته في جسمك في شكل مساج تقشير وركزي على الاماكن الغامقه واستني عشرة دقايق واستحمي

(3 ) خلطه بطاطس:

رز وجزر وبطاطس اسلقيهم واخلطيهم وكبي ليهم كركم. كل ما تجي تتعركي كبي حبه زبادي ومسحي بيهم جسمك لحدي م يشربهم واستحمي

(4) خلطه العدس:

اربعه ملاعق كبيرة عدس مسحون + ملعقتين كبار نشا + تلاته ليمونات وتلخبطيهم كويس وتخليهم ساعه حتى تستحمي

(5 ) خلطه دقيق:

4 ملاعق دقيق مع مويه فالنار لحدي ما تبقى عصيده اضيفي ليها 3 ملاعق قشر برتقال وليمونه واتمسحي بيها وخليها اطول

زمن واستحمي

(6) خلطه ترمس:

ترمس مسحون وعجين مر وحبه كركم وقشر برتقال اخلطيهم مع حبه مويه وخليهم ع النار خمسه دقايق واتمسحي بيهم بعد يبردو

- تفتيح ونضافه وتوحيد لون اليدين:

* ملعقتين باكينغ باورد نعجنهم بحبه مويه لحدي ما يعملو عجينه متماسكه نفردها على اليدين اطول فترة وبعد تجف تماما نفركها ونغسل يدينا

* كربونات + ليمون تفركي يدك بيها كل يوم

* تفركي يدك بملح مبلول بقطرات زيت جوز هند و زيت لوز و ركزي

على الاماكن الغامقه

* ملعقه زيت زيتون + ملعقه سكر + ملعقه قرفه مسحونه ..توضع لاطول فترة واشطفي يدك

* 5 قطرات زيت خروع + ملعقتين حليب + ملغقه نشا + ربع ملعقه عسل + ملعقه خل تفاح + ملعقه بيكربونات صوديوم + ملعقه عصير خيار + قطرتين ليمون + ملعقه جلسرين + ملعقه ماء ورد
#منقول