مرحوم تائب تبریزی

آتدی دنیانی گوزوندن تاجدار هل اتی
ایلدی آل عبایه عالمی ماتمسرا

زینب کبری یولا سالدی آتا تابوتینی
بوینی چیگنینده گوزی یاشلی دلینده وا ابا

اوزگه بیر کیفیتیله نعشینی حمل ایتدیلر
گورمیوبدور بیله تشییع جنازه ماسوا

پیش تابوته دگولدی ظاهراً حامل اولان
باطناً تابوتی حمل ایتدی ملکلر جابجا

پشت تابوتی صاقیندان حمل ایدردی مجتبا
صول طرفدنده یاپوشمیشدی غریب کربلا

سوز غلط دوشمز دیسم نعشین قباقینجه دوشوب
ایلیوردی حضرت روح الامین بیله ندا

ایله استقبال گرم ای تربت پاک نجف
سنده گلدی دفن اولونسون افتخار اوصیا

جان کیمین آغوشه آل گل جسمین ای خاک عزیز
غبطه ایتسون شأنیوه هفت آسمان عرش خدا

بو علیدور خسته حالیله سنه مهمان گلور
باغریقان افسرده خاطر دل یارا باشدا یارا

بو علیدور اودلی دیلده واردی بیر دنیا غمی
دردی وار داغلار بوئی ئوز آدی هر درده دوا

بو علیدور تک لیقیندا جان مجموع جهان
دوتدی بیگانه صفتلر لیک اونی بی آشنا

آلدیلار حقین الیندن ایتدیلر خانه نشین
قالدی ائوده تک انیسی اولدی آه جانگزا

یرمی بش ایل صبر ایدوب دوزدی بو امره شاهدیم
عَین فی العَین قَذا دور بیرده فِی الحَلقِ شَجا

بسکه گوردی بی وفالیق امت بی مهردن
خلقدن گتدی کناره تاپدی حال انزوا

گورمه سین تا کیم ایکی اوزلی مسلمانلار یوزین
چولده اوز عمرین گونون باشه ویروب بو مقتدا

گاه گیزلینجه گئدوب چاهه دیردی دردینی
درد آلان کیمسه تاپولمازدی اورک دردین آلا

ملّت اسلام الیله اوّلین مظلوم دی
امّت قرآن الیندن چوخ گوروب جور و جفا

اینجیدوب صوری مسلمانلار یورولموش خسته دی
آل کناره راحت ایت ای خاک پاک پر بها

بو عدالت روحی دور اوز عدلینه قربان اولوب
دار دنیادن گوزون اورتوب گلوب سنده یاتا

خسته دور قانی گیدوب چوخ باش یاراسی کاری دور
گوزله اینجیتمه بو جان مصطفادور مرتضی

دوردی تابوتین قاباق سمتی قاباقدان ناگهان
قویدولار تابوتی یر اوسته او دم دلده نوا

گوردیلر بیر قبر حاضر باخدیلار تاریخینه
حضرت نوح نبی قازموشدی قبری گوئیا

قبریدن بیر بیله سس گلسیدی چوخ باجائیدی
گل یولوندا انتظارم من نه مدّت دور آقا

چوخ یوروب صوری مسلمانلار سنی دلخسته سن
سینم اوسته یات بیر آز دینجل سن ای فخر التُّقی

سن منیم سینمده یاتسان فخر اعظمدور منه
چوخ تاپارسان تک وجودیله مقام ارتقا

چوخ اسفلی منظره اولدی کنار قبریده
ایستدی دین باغبانین گللری قبره قویا

آچدیلار گل تک سولان رخسارین آه و وائیله
محو مهر و عاطفت اولدی حسین و مجتبی

یوز یوزه قویدی آتائیله ایکی دلبندلر
آتش دل سونمه دی بو آیریلیقدا مطلقا

مجتبا نعشین اگیلدی باسدی جان تک باغرینا
هم قوجاقلاشدی او نعشیله غریب کربلا

آه او ساعتدن ترابه تاپشریلدی بو تراب
مجتبا قویدی آتا رخسارینی توپراقلارا

حیف او گل رخسار سولدی همدم اولدی خاکیله
حیف ایله قامت که یاتدی توپراق آلتدا جابجا

حیف ایله بیر باغبانه کیم ایاقدان سالدیلار
گللری چیگنینده بوینی قالدیلار دلده نوا

حیف اولا بیر دللرین دردین آلان درد اهلینه
درد دل صاحبلرین هجرانی ایتدی بی دوا

حیف او رأفت بخش ابوالایتامه یاتدی قبریده
قالدی ایتام و ارامل یولدا گوزلر بی غذا

حیف او امّید فقیران که ترابه قویدی باش
قالدی بیر عده فقیر و دلشکسته بی رجا

حیف اولا بیر چاره ساز و و چارۀ درماندگان
گیتدی باشسیز قالدیلار بیر عده درده مبتلا

حیف او مولا گئتدی الدن کول الندی باشلارا
شیعه نی ائتدی عزالی آلدی دللردن صفا

حیف او شاهین فضای دین قالوب پروازدن
سست عنصر کرکسه اما وسیع اولدی فضا

حیف ایله قرآن ناطق که خموش اولدی خموش
ویرمدی فرصت او شاهه بو جهان تنگنا

بیله تشییع جنازه بیله دفن و کفندن
یاده دوشدی دفن و کفن شهریار کربلا

دوشدی قالدی گون ایوینده فاطمه اوغلی حسین
قانه غلطان خسته یورقون سر بسر پیکر یارا

#دفن و کفنه حضرت سجّاد گلدی کوفه دن
گوردی واردی کربلا دشتینده بیر عالی صفا

باخدی اول قانلی بیابان ایله عطریله دولوب
عطر آپارور جنته هر دم اسور باد صبا

جویبار عشقدور دوشموش ایاقدان سرولر
گل کیمی خندان اولوب یتمیش ایکی گلگون قبا

تاپدی اوّلده آتا نعشین دولاندی باشینه
حلق مذبوحیندن اوپدی گوزه اشک پر بها

بولمورم آیری کفن تاپدی او عالی قامته
بیر حصیری چولقادی یا جسمینه اول مقتدا

بوتراب اوغلون ترابه تاپشیروب رمزاً دیدی
توپراق اولسون باشینه بو عالمین سنسیز بابا

تاپدی اصغر نعشینی ویردی آتا آغوشینه
حشره تک یاتسون آتانین سینه سی اوسته بالا

دفن ائدوب پائین پاده شاهزاده اکبری
یاتدیلار بیر قبریده مظلوم اوغول مظلوم آتا

شمع دینین جمع ایدوب یتمیش ایکی پروانه سین
بیر مزاره قویدی جمعین بیر مزار ایتدی بنا

یعنی بو بیر جمع دور جانلاری بیر قانلاری بیر
اوزلری بیر سوزلری بیر ، بیر مرامه آشنا

جامۀ سرخ شهادت سرخ صحراده گیوب
سرخ رو ئوز جانلارین اسلامه ایلوبلر فدا

یوز قویوب سمت فراته دیدۀ خونباریله
حالی چوخ پوزقون شکسته، نی کیمی دیلده

نوا

جویبار عشق ایدوب گوردی کنار علقمی
قان آرا دوشموش او سرو بوستان مرتضا

بی مروّتلر قریبلار قول بوداقین ظلمیله
خار تیریله دولوب گل پیکری باشدان باشا

نیزه پوش اولموش وجودی گل کیمی اوراق دور
گلموری اعضا اله حملی اونون امکان تاپا

دوشدوقی یرده قازوب بیر خردا مدفن آغلادی
اوز عموسین قویدی قبره اودلی دیده آه و وا

گتدی قویدی سینه سی اوسته کسیلمیش اللرین
تا او اللر خدمتینده شاهد عدلین اولا

ای صبا ام البنینه ویر خبر قان آغلاسین
خرداجا بیر قبریده یاتدی ایله قدِّ رسا

« #تائبا »یوردی سنی پیر ایلدی بو چرخ پیر
قدّیوی بوکدی او موزون قامتون ایتدی دو تا

دلده ذکر کربلا اوز گونلرون ویردون باشا
گیتدی عمرون قالدی دلده آرزوی کربلا

دامن عبّاسی دوت یالوار اوزی ایستر سنی
گیت ضریحیندن یاپوش اهل عزانی قیل دعا

@shoaravamadahantabriz

مرحوم_حسینی_سعدی_زمان
شهادت_امام_جعفر_صادق_ع

دیولّه بیزلره عالمده جعفری مذهب
عیاندی مسئله، روشندی گون کیمی مطلب

امام جعفر صادقدی رکن دین مبین
اودور مروّج احکام و مذهب و آئین

آتاسی حضرت باقردی حجّت باری
آناسی بنت محمّددور، امّ فروه یقین

یازولّا هجرتین هشتاد اوچومجی سالینده
قدم بو عالم امکانه قویدی بو شه دین

ربیعُ الاوّلین اون یِدّیسی دوشنبه گونی
بو شاه دینه ولادت گونی اولوب تعیین

وجودی صفحه ی غَبرایه اولدی زینت بخش
تفاخر ایلدی عرش خدایه سطح زمین

ازل موسّس قانون شرع مصطفوی
بونی یازولّا تواریخیده معارف بین

همین که سنّ شریفی اوتوز بیره یتدی
آتاسی اُلدی، غم و ابتلایه اولدی قرین

بنی امیّه او وقته کیمی مسلّطیدی
ائمّة تحت فشار عدوده زار و حزین

ائمّه قورخودان احکام دین دیَنموردی
فشاره سالموشیدی هر امامی بیر بی دین

بونون زمانی خروج ایلدی بنی عبّاس
بنی امیّه ایله باشلادی عداوت و کین

بیری بیریله اولار جنگه اولدولار مشغول
بو، خلقه ایلدی احکام مذهبی تلقین

اودور سبب که شیاع ایتدی جعفری مذهب
شریعه نبوی روشن اولدی چون پروین

بنی امیّه نی محو ایلدی بنی عبّاس
یتوب خلافته منصور شوم و کینه گُزین

دوشوب بو فکره او کافر امامی اُلدورسون
بهشت عدنیده ایتسون پیمبری غمگین

دیدی امور سیاستده پیشرفت اولماز
امام صادق اگر ایتمسه منه تمکین

امام ده گِچینوردی تقیّه حالینده
ز بس رئوفیدی ایتمزدی دشمنی نفرین

دوانقی ولی اَل چَکمدی او سروردن
امامه ایتدی او بی شرم گونده بیر توهین

چاقوردی بیر گئجه خلوتده محرم رازین
دیدی اگرچه اولوبدور امام خانه نشین

ولی وجودی منه مانع ریاست دور
او اولماسا اولور عالم اَلیمده نقش نگین

گئجیله فوراً اونی ایله مجلسه احضار
شهید ایدوم تاپا بلکه بو خاطریم تسکین

ولی نه حالیله گورسن او حالتیاه گَتور
حقارتیله یتور مجلسه ملول و غمین

گَلوب نه گوردی نماز اوسته راکع و ساجد
امام تَکدی، یاتوب سر به سر بنات و بنین

قویوبدی سجدیه باش، دل آچوب مناجاته
ایدور دعا، گَلوری غیبیدن صدا آمین

ایله سیزیلدیری تاثیر ایدور جماداته
اولور عیان در و دیواریدن صدای اَنین

عمامه یوخ، باشینا باغلیوبدی بیر دسمال
گِیوبدی اَگنینه اول شاه بیر لباس خَشین

ایدوبدی منزلینی رشکِ وادی طور
دوشوب کلیم کیمی شاه یوم باز پسین

حضور یاریده گوزدن آتوبدی اغیاری
ایدور خدائیله راز و نیاز امام مبین

تحمّل ایتدی نمازین امام قورتاردی
و لیک قویمادی ایتسون عوض لباس لرین

اَیاق یالین باش آچوق گَتدی حجّتُ اللهی
یتیشدی مجلس منصوره شاه عرش مکین

گیرنده مجلسه ویردی سلام منصوره
یره توکولمدی علّت ندور سپهر برین

قوجا امام اَیاق اوستونده قالدی بیر ساعت
و لیک ایلمدی اعتنا او شوم و لعین

بیر آز گیچوب باشینی قوزادی تکبّریله
اولیدی لال گوروم، آچدی ناسزایه دلین

امام صادقه شرم ایتمیوب دیوب کاذب
ایدوب بو لفظیله قلب عوالمی تحزین

خیال سلطنته دوشموسن دیدی گورورم
دوزَلدوسن اوزیوه دور و برده یار و معین

بویوردی حضرت صادق منه دیمه کاذب
لقب ویروب منه صادق بابام رسول امین

جوان لیقیمدا ریاست خیالی ایتمَمیشم
قوجا لیقیمدا دوشم بیله بیر خیاله چَتین

دوانقی ایشیدوب بو سوزی غضبلندی
آپاردی غبضه ی شمشیر خون فشانه اَلین

غلافیدن قلجین بیر وجب ایدوب خارج
دوباره قویدی غلافه او مرتد بی دین

ایکیمجی دفعه ایدوب بیر ذِراع بویی خارج
امام قتلینه آرتوردی دلده کی هوسین

اوچومجی دفعه ایدوب تیغی غیظیله عریان
ایدوب او حالیده خاموش آتشِ غضبین

محبّتیله چاقوردی یانیندا یِر ویردی
محبّته عوض اولدی عداوت دیرین

امامه غالیه ی خاصّینی تعارف ایدوب
ایدوب او غالیه ایله محاسینین تزئین

چوخ عزّتیله یولا سالدی حجّتُ اللهی
ربیع سرّینی ایتدی سوال ماوقعین

جواب ویردی خلیفه سنه بیان ایدرم
و لیک بیر کسه بُلدورمه بو ایشین سببین

همین که ایتدیم اراده امام قتلینی من
اَیاق یالین باش آچوق گَلدی حضرت یاسین

بویوردی ایتمه اذیّت، بالامی اینجیتمه
هلاک ایلرم اولسان امام عصره ظنین

گَلِیدی کاش پیمبر یزید مجلسینه
امام قتلینه فرمان ویرن زمان او لعین

دییدی سیّد سجّادی ظالم اینجیتمه
اسیرلیق غمی بسدور، زیاده ایتمه غمین

قولونی باغلاموسان بسدی، جسمی ناخوشدی
بو غُلّ جامه مجروح ایلیوب بدنین

بو بیر بیوک، اوشاق، عورت، تیکوب بو ناخوشه گوز
اَلیندن آلما بو بی کس لرین اماندی کسین

ترحّم ایله بو بیچاره هاشمیّه لره
اوجاتما زینب و کلثومین آه و ناله سسین

سنه (حسینی) بو اشعار خوش نتیجه ویرر
قالار او گون که هامی ایتدوقی عملده رهین


@shoaravamadahantabriz

#ورود_به_ماه_محرم



دئدیم هلاله نه باعثدی قامتون خمدور
جواب وئردی مگر بولموسن محرّمدور

دئدیم ندن اَریوب اولموسان ضعیف ونحیف
دئدی سالان منی بو درده هاله ی غمدور

ائدوب احاطه سراپا ملال هاله مثال
هلاله هاله ی درد و ملال توأم دور

دئدیم شفقدن اولوب دامن فلک گلگون
دئدی بو سرّی سوال ائتمه سرّی مبهمدور

شفق دگول شهدا قانیدور که شام وسحر
اولور مشاهده سرخی دلیل محکمدور

دگول بو خطّ شعاعی تیکوب عزا عَلَمین
سپهر بامینه خورشید قانلی پرچمدور

طلوع صبحیده ظلمات مغرب شامی
سالوب خیالینه آفاق اودور که مظلمدور

اولوبدی کرسی عرش اوسته نوحه خوان جبریل
ائدوبله فرش عزاخانه عرش اعظمدور

وورور صلای محرّم جمیع ذرّاته
سما و ارض بو ماتمده غرق ماتمدور

او بزمه حاضر اولان انبیای ذوالاکرام
ائدن اقامه ی ماتم رسول اکرمدور

گییَن قراسینی حوّا و مریم وسارا
گلن عزاسینه نوح و خلیل و آدمدور

حسین حسین سسی،دولدوروبدی شش جهتی
دگوب بیری بیره عالم بیر اوزگه عالمدور

بسان کعبه سیه پوش اولوبلا خلق جهان
دمادم اشک فشان دیده لر چو زمزمدور

اولوب بساط سلیمان کربلا برهم
بساط عیشی بو ماه عزاده برهمدور

اولوب علی قیزی زینب بو آیدا شمره اسیر
او زینبی که کمینه کنیزی مریم دور

دونوب بو آیدا جوان قاسمون طویی یاسه
خضاب خونیله زلف سیاهی پُر نمدور

بو آیدا شبه پیمبر شهید اولوب ناکام
قیامته کیمی گر آغلیاق گینه کمدور

یتوب امامه مصیبت ، مصیبت اوستوندن
نظرده ایمدی همان حالتی مجسّمدور

یخوبلا قولسوز علمدارینی فرات اوسته
یانان بو حسرته شطّ فرات علقمدور

یتن زمان باشی اوسته گوروب نفس گلمور
هنوز گلماقی قانین دلی دمادم دور

دولوبدی قان گوزونه دیده دن آخار یوزینه
گل اوزده بس دیه سن قطره قطره شبنمدور

الین قویوب بئلینه دلده ذکر وا عباس
دئدی بوکولدی بلیم آه قامتیم خمدور

الون الیمدن آلوب ائتدیلر شهید سنی
بو قوم ایمدی منیم قتلیمه مصمّم دور

سنون گوزونده منم اؤز گوزونده سن منی گؤر
بو پرده پردهٔ چشمونده خون دیده م دور

مداد سرخیله سینونده آیه ی قربان
یازوبلا صفحه ی قرآن کیمی مترجمدور

منیم یولومدا اوزوم شاهدم شهید اولوسان
مقام منزلتون حق یانوندا معظم دور

ولی نه فایده سنسیز حیات دنیادن
منه حیاتیدن ایمدی ئولوم مقدّمدور

اگر یاتوب علمون ائتمه غم قیامتدن
او گون لوای شفاعت سنه مسلّمدور

نفس ویریلدی گلوب هوشه ایلیوب احساس
یانیندا حاضر و ناظر ولیّ اعظمدور

سر مفاخر یتن عرش ساقینه یتوروب
گوروب امام حضورینده چوخ معظّمدور

باشین گوتوردی دیزیندن ایاقینه قویدی
محبت عالمینین سرّی اوزگه عالمدور

یوزین ایاقینه سورتوب دئدی جعلت فداک
وسیلهٔ شرفیم بو غبار مقدم دور

دوتوبدی گوزلریمی قان گورنمورم یوزیوی
بو آرزوئیله گوگلوم هنوز خرّم دور

که اوز الونله گوزومدن بو قانی پاک ائده سن
گورم جمالیوی بیردم که دم همین دمدور

اوزولدی حسرتیله گرچه دامنوندن الیم
ولیک رشته ی اخلاص الیمده محکمدور

«حقیر»چون بو سوال و جوابه یوخدی یولون
سکوت ایله بو امره امام اعلم دور

حقیر_خویی

@shoaravamadahantabriz

#امام_حسین‌_علیه_السلام
#روز_یازدهم
#قتلگاه

زینت دوش نبی روی زمین جای تو نیست
جای سالم ز چه‌رو درهمه‌اعضای تو نیست

بس که پیکان و سِنان بر تن تو بوسه زده
جای یک‌بوسۀ خواهر به سراپای تو نیست

مصحف من تو و، انصار، ورق‌های توأند
یک‌طرف‌نیست که‌برخاک،‌ورق‌های‌تو نیست

نه سری مانده،نه‌انگشت و نه انگشتری‌ات
چه‌کند دختر حیران که شناسای تو نیست

رفتی و داغ تو هر لحظه به من می‌گوید
بی‌نفس‌مانده‌ای اکنون که‌مسیحای تو نیست

رأس تو بر نی و با یوسف کنعان گویم
بعد از این‌هیچ کسی محوتماشای تو نیست

آب اگر بی تو بنوشم جگرم می‌سوزد
دیدمت تشنۀ یک جرعه و سقای تو نیست

گر نشسته‌ست و شکسته‌ست‌نمازم چه‌غمی
روح قدقامت من جز قد و بالای تو نیست

علی_انسانی

@shoaravamadahantabriz

#کوچ_از_قتلگاه


سن شهید اولدون حقیقت آشکار اولسون حسین
نهضتون تا وار بو عالم پایدار اولسون حسین

اِیستیرم ای مرد مردان خدادن مَردِ مَرد
باغلیام تَسخیرشامه من کمربند نَبرد
ایلینمز شیریله روباه شامی جنگ سَرد
اذن ویر شاماته زینب رهسپار اولسون حسین

سن که جانانین یولوندا اِیلیوبسن ترک سَر
اولموشام منده مصمم اِیلیم شامه سَفر
اُلمسم قارداش گتیرم شامیدن عالی خَبر
بیر خبر که زینبوندن یادگار اولسون حسین

ای اولان ظلمیله بو صحراده غلطان قانینه
شامیده اوت سالماسام گر لشکرین ارکانینه
اوندا من دینجلمرم آند اولسون اکبر جانینه
شامیان بو فعلیمه چشم انتظار اولسون حسین

صورت ظاهرده سن هر چند مغلوب اولموسان
باطناً اما حسین پیروز محسوب اولموسان
مرحبا ایثاریوه محبوبه محبوب اولموسان
دشمنین مخذولیدی اونداندا خوار اولسون حسین

بیله فکر ایلوردیلر که عالمین دادرسی
قانینه باتسا باتار بالمره بو وحدت سسی
وحدتین حفظ اِیتدی اهلون با کمال بی کسی
کلمه وحدت دیمیشدیم که شعار اولسون حسین

ای بو باشسیز پیکره اولسون باجون زینب فدا
تا ندای ارجعی حقدن یتیشدی ، اول ندا
حالیوه تعقیر ویردی خیمه گهده برملا
سویلدون عاشق اودور که سربه دار اولسون حسین

ساغر پرخونون اولدی تا گواه راه عشق
مست مست اولدون او بیر پیمانه دن ای شاه عشق
منده مستانه او دم اولدوم سنه همراه عشق
یار اودور ئوز یارینه هر یرده یار اولسون حسین

کارزاره عزم اِیدن دمده سن ای شاه شهید
اود دوتوب اودلاندی قلبیم چون که قالمیشدون وحید
غیرت ا... غیرتی منده اودور اولدی پدید
قطب عالم قویمادیم درده دچار اولسون حسین

گوشه چشمیله تا خرگاهیوه ایتدون نگاه
آنلادیم منظوریوی ای خسرو زرین کلاه
شاهی لازمدور سوار مرکب ایتسون سرسپاه
مرکبه سلطان سَرمَد تا سوار اولسون حسین

قانینه باتمیشدی اول دم یکسر انصارون سنون
عترتوندن غیری قالموردی هوادارون سنون
من اوزوم اولدوم بو ماواده جلو دارون سنون
ایستدیم مندن رضا پروردگار اولسون حسین

برج زین اوستَن طلوع ایتدون که سن خورشید وش
چرخ چارمدا توکوبدور عارضه خورشید رَش
باده ایصالیوه زینب دیردی العطش
زینبین کامی مبادا ناگوار اولسون حسین!

مرکبه مهمیز چکدون فاتح خیبر کیمین
لشکره اولدون مقابل ضیغم صفدر کیمین
گوئیا صفینیدور جنگ ایلدون حیدر کیمین
بیر نولاردی سطوتین بیرده کِرار اولسون حسین

حمله ایتدون لشکر ابن زیادین هنگینه
بیر قلج ویردون ازل سر کرده لر سرهنگینه
لشگر بی رحمی سالدون ذوالجناحین تنگینه
سسلنوردی شامیان لشکر کنار اولسون حسین

اوخشیوبسان جنگیده الحق که شیر داوره
ذوالفقارین اوت توکوردی دم به دم بحر و بره
جنگ صفینی نشان ویردون دوباره لشکره
ایستمیردون کل لشکر تار مار اولسون حسین

ناگهان بیر اوخ یتیشدی قلبیوی اِیتدی مکان
غیره گوردون که مکان اولماز مکان لامکان
مرکب اوستونده یاپشدون بیر اوخا ویردون تکان
اولمادی خارج ، نَدن سوز پرده دار اولسون حسین

الامان و الامان و الامان و الامان
الامان مین یول او دمدن قدیوی اِیتدون کمان
لاجرم چکدون اوخی سن پشت سَردن ناگهان
وار یری بو فعله عالم اشکبار اولسون حسین

قانون آخدوقجا اَلوندن گیتدی قارداش اختیار
منده تَل اوستن باخوردوم ایلیردیم آه و زار
بیر زمان گوردم که مرکبدن یخیلدون آشکار
سسلدون عاشق گرکدور جان نثار اولسون حسین

هر طرفدن حمله اِیتدی کوفیان خیره سر
شیر مستی دور ویردی روبهان حیله گر
سالدیلار توپراقلار اوسته قوم دونِ، بد سیر
آز قالوردی جسمدن روحون کنار اولسون حسین

خنجر الده شمر دون گلدی مقام اَحفره
فاطمه یومدی گوزون تاثیر ایدوبدور کوثره
دوزمدیم منده ال آتدوم شمر الینده خنجره
زینبینده لازمیدی زخمدار اولسون حسین

ایستیرم بو فرصت باقی ده نهره یول سالام
نچه لحظه قید عباس علمداره قالام
قارداشیمدان پرچم انا فتحنانی آلام
نهضته زینب گرک آینه دار اولسون حسین

شاه دین دریای احساندور جهاندا ای (عتیق)
وسعتی بی حددور عمقی بو عالمدن عمیق
صدقیله کیم دامنین دوتسا ایدر طی طریق
عاشقین قویماز اسیر روزگار اولسون، حسین

طهمورثی_عتیق
.
@shoaravamadahantabriz

#شب_یازدهم_محرم

 

طنین همهمه و بانگ کارزار یاتوب
چخوبدی آی قوتاریب غائله غبار یاتوب

دولوبدی بادۀ نوریله گوز پیاله لری
گویون ستاره لرین ایلیوب خمار یاتوب

شمیم عشق سراسر بلا چولون بؤرویوب
ختن ده مست اولالی نافۀ تتار یاتوب

بئله چمن بو طراوتده گلستان اولماز
که هر گلیله بو گلشنده مین بهار یاتوب

امیر عشق دوشن یئرده شور و شوق و صفا
جلالت و شرف و عزّت و وقار یاتوب

اولوبدی دشمنه هر چند ظاهرا مغلوب
ایدوب ئورکلری تسخیر شهریار یاتوب

باخاندا دیدۀ حق بین له بلا چولونه
هر عاشقیله بیر عالمجه اقتدار یاتوب

دوشوبدی بیر اوجا قامتلی سرو نهر اوسته
دگوبدی پیکرینه زخم بیشمار یاتوب

اگر چه سرو ایاقدان دوشوبدی قامتیله
ایدوبدی پرچم اسلامی استوار یاتوب

یوموبدی حیف اولا حیدر باخیشلی گؤزلرینی
امیر لشکر توحید شرمسار یاتوب

اگر چه سرو کیمی سرنگون اولوب امّا
ایدوب قیامتی قامتده آشکار یاتوب

منای عشقیده یوخ فرقی جون و عباسین
چاتوبدی باش باشا گمنام و نامدار یاتوب 

چمنده سرو غروریله لاله نازیله
ترنّم ایلیوب عشق آیه سین هزار یاتوب

محبّت عالمینن یوخ گدا و سلطانی
بو یئرده شاه غلامیله هم جوار یاتوب

یوموبدی گوزلرینی  باغبان گلشن عشق
اولوبدی قانیله سیراب لاله زار یاتوب

حریره ناز ایلین گل جنازه لر افسوس
دوشوبدی گؤرنه تراب اوسته بی مزار یاتوب

نه گل نه لاله نه گلشن که باغبان اوزیده
اولوبدی باد خزانیله تار و مار یاتوب

فرات آخور چؤله بی جا سویون نسیمی گلور
اُلوبدی عاطفه لر چشم  روزگار یاتوب

اسیر صبا یئلی، لای لای دیور حزین سسیله
خدنگ عشقی امن طفل شیر خوار یاتوب

غزال بادیۀ عشق بیر تبسّمیله
ستمگر اؤچی لاری ایلیوب شکار یاتوب

آچوبدی بیر بالاجا لاله گلستاندا ویروب
بو قانلی گلشنه عالمجه اعتبار یاتوب

بو چؤلده ناقه لر اوستونده بسلنن آهو
آلوب ربابیدن آرام و اختیار یاتوب

یاریم چیلیق یومولان گوزلری حکایت ائدیر
ربابین اوخلانان آهوسی انتظار یاتوب

دوتوبدی پرده ظلمت فضای صحرانی
عروس حجلۀ گردون کجمدار یاتوب

چکیلدی پردۀ تصویره عصر عاشورا
یتشدی بیر یئره مطلب که شیر خوار یاتوب

بو طفله قاندا قانیخ وئرمیب عطشدی هنوز
وصال تشنه سی بو چولده بیقرار یاتوب

خدنگ عشقه گولوب آغلادوبدی دنیانی
ایدوبدی حضرت زهرانی داغدار یاتوب

بو چولده اوچ گئجه گوندوز سوسوز قالان سود امر
امیبدی زهرلی پیکان داغدار یاتوب

خدنگ عشقه گلن یوز بو قانلی گلشنده
هزار حیف دوتوب چهره سین غبار یاتوب

ویروبدی بیر گئجه خوش دم صفالی مدّاحیم
گوزوم اولوبدی بو مطلبدن اشگبار یاتوب

مرحوم_ذهنی_زاده
#دفن_شهدا
_______________________
✍
بخش1

امر ایلدی سجّاده او گون خالق عزّت
قبر شهدائیله او دشته ویره زینت


هر چند گَلوب قبره قویا اهل قبیله
شه دفنی ولی حقدن اولوب امر علیمه
گَلدی اودی قربانگهِ اولاد خلیله
بوینوندا اگرچه واریدی قید اسارت



باخدی او بلا دشتی گوروب گُلشنه بنزَر
قاندان گُل آچان یاره گُلِ سوسنه بنزَر
عرض ایتدی بابا هانسی یارالی سنه بنزَر
گُل تک بدنوندن نه نشان وار نه علامت



لازمدی کفن گوردی شهنشاه قتیله
لایق کفن آختاردی او بی مثل و بدیله
دنیا بویی نسگلدی بو غم آل خلیله
بیر پاره حصیره ایده ناچار قناعت


یغدی او حصیره آتانین پاره وجودین
گَتدی کَسیلن اَللرینی دستِ وَدودین
تاپدی او کیچیک بارماقینی منبع جودین
دفن اولمیه ناقص بدن علّت خلقت



اول قبر که اولموشدی معیّن شهِ دینه
قبره او حصیریله قویولدی او دفینه
هر ذرّه سینین قیمتی عالمجه خزینه
عالمدن اوزی اولماسا چوخ آزدی بو قیمت



باخدی او دفینه دُرِِ رخشانی چوخ ایستر
قُنداق دولوسی لعلِ بَدَخشانی چوخ ایستر
بُلموشدی حسین اصغر عطشانی چوخ ایستر
ویردی آتا آغوشینه یاتسون بالا راحت



گوردی آلوب آغوشینه خورشید سهیلی
بُلدی نه گوزل گَلدی ربابین اَله میلی
بو باره ده ایستوب که ملول اولمیه لیلی
بیر قبر اَیاق آتدا درست ایتدی او حضرت



شهزادیه اوز شانیله لایق ایدوب اِعزاز
بُلدی شهداده هامودان اکبری ممتاز
شاهون اَیاقی آتدا قویوب ایتدی سرافراز
یوخ عرش خداده او اَیاق آتداکی رفعت



خلق ایتمز اولار که بیرینین مثلینی بی چون
اوچ پاک وجود اولدی او بیر قبریده مدفون
فخر ایتدی او شش گوشه مزاریله او هامون
اولماز دیدی بیر یرده بو عزّت بو جلالت



فارغ آتا دفنیندن اولوب حضرت سجّاد
یازدی اوز اَلیله آتاسی قبرینه بیر آد
بو قبرِ حسیندور که اولوب کشته ی بیداد
بیر ایله حسینی که سوسوز اولدوروب امّت



مشهودیدی سجّاده هامی باطن و ظاهر
دربان گوروب ایستر ایله بیر درگه طاهر
زیبنده دی درباره حبیبِ بن مظاهر
ویردی اونا بو منصبی، آرتوردی شرافت



باخدی او تُراب اوسته توکولموش شهدایه
بنزَر هاموسی گوردی گونه اولدوزا آیه
سالماز دیدی گوی هیچ بیروزون مثلینه سایه
هر گون یِر اوزون دولدورا گر اهل شهادت



بو جمع بویوردی هامی بیر جمعیده بیردی
پروانه دی، هر یِتمیشینین شمعیده بیردی
جان بیر، قانی بیر، مَسلَکی بیر، شرعیده بیردی
بیر قبر ایدر بیر بیله بیر جمعه کفایت



بیر گنجده قویدی بیر ایله جوهر عشقی
بیر رشتیه دوزدی اور قَدَر گوهر عشقی
بیر قبریده دفن ایتدی هامی جوهر عشقی
یعنی بودی معنای مساوات و اخوّت

ادامه دارد 👇👇


@shoaravamadahantabriz

___________________________
✍
بخش2

حسرت گوزیله دوندی فرات اوستونه باخدی
باخجاق یوزه گوز چشمه سی دریا کیمی آخدی
یاندوردی جهانی شرر آهینه یاخدی
قالدی دیدی سو اوسته سینان کشتی صولت



ایلوب تبعیّت هامی اول خضره دلیله
یوز قویدی هامی مَصرَعِ سردار قتیله
گورجک عمو نعشین چوخ اثر ایتدی علیمه
ا... عموم عبّاسه بویوردی ایده رحمت



مثلی عمومون عالم امکاندا تاپولماز
حقّی نه آتام، فاطمه بوینوندان آچلماز
هیچ بیر گُله بیر بیله جفا خاری ساچلماز
هیچ پیکره دَگمَز بو قَدَر زخم و جراحت



ایتدی عموم عبّاس آتاما ایله مواسات
بیر قارداشا قارداش او مواسات ایده هیهات
عالِمدی اونا عالمِ اسرار خفیّات
ایلر شهدا غبطه، ایدن اجر کرامت



بیر قبر همان یرده او سقّایه قازلدی
نه قبر، فرات اوستونه پیرایه قازلدی
پیرایه دیمه غم ایوینه پایه قازلدی
گیت قبرین اوزون گور سنه شرح ایلیه محنت



بیر دوغرانانون همّت دیرینه سی اوسته
یوز لعلینی جمع ایلدی گنجینه سی اوسته
قویدی کَسیلن اَللرینی سینه سی اوسته
زهرایه او اَللردیله اسبابِ شِفاعت



قویدی عمونی قبره دونوب قبرینه یازدی
بو مرقد عبّاس مَهِ مُلک حجازدی
دنیا بویی قان آغلیه هر گوز بونا آزدی
یاتدی او کیچیک قبریده ایله اوجا قامت



یغدی هامی خندان گُلِ گُلزار وفانی
بیر گُلشنه دوندَردی همان دشت بلانی
سولدورماز او گُلزاری بیر آفات خزانی
هر آفت او گُلزاره ویرر تازه طَراوت



قورتاردی یانار قلبیله دفن شهدانی
ترک ایلدی آغلار گوزیله کرب و بلانی
بُهت آتشینه یاندوروب اول جمعِ وفانی
بیر طَرفَهُ العِین ایچره ایدوب کوفیه عودت



گوردی نجه کوفه هامی بام و هامی برزن
مملُوّ جماعتدی ولو مرد اولا یا زن
گویا هامونون عُلقه کَسوب روحی بدندن
یوخ بیر نفرینده نفسین چَکماقا قدرت

ادامه دارد👇👇

@shoaravamadahantabriz

___________________________
✍
بخش پایانی

گویا که قیامتدی جماعت هامی حیران
هر کس اولوب اوز ایتدیقی اعماله پشیمان
یا اَیُّهَا الاِنسان دیه سن سَسلوری رحمن
محشر تک اولوب کوفه عجب وادی حیرت



زینب دانشور ایله اثر واردی سَسینده
بیر ذی نفسین یوخدی سَس اصلاً نفسینده
هر عالی و دانی وار ایشیتماق هوسینده
بیر کلمه دن اولمور ایده بیر کیمسنه غفلت



جلب ایلیوب اوز صحبتینه خاصّ و عوامی
هر کلمه سی بیر شرح حقیقتدی تمامی
بیر لهجه ده ایلور خانم انشاد کلامی
گویا که علینین اوزودور ایلوری صحبت



سرگرمیدی حینی که خانم شرح و بیانه
ویرمیشدی تکان صحبتی هر پیر و جوانه
بیردن هامی گوز دوندی باخوب نوکِ سِنانه
بیر باشی گوروبلر که ایدر آیه تلاوت



گرچه نچه گوندور آییروبلار بدنیندن
ایمدی دیه سن گَُل دَریلوب شاخه ی گُلدن
آلوده دی خاکستره رخساری ولیکن
آرتورموش او خاکستر او رخساره ملاحت



داوودی سالوب حیرته آواز حجازی
دعوت به حقیقت ایلوری اهل مجازی
عیسایه نشیب اوجی ایدوب دار فرازی
بو اوج مسیحایه اولوب مایه ی حسرت



کهف آیه سینی ایله اوخور ناطق قرآن
معناده قویوب کهف رقیم اهلینی حیران
ایلور هامویه حقّینی اعجازیله اعلان
تا عُذر یِری قالمیه اِتمام اولا حُجّت



(ذهنی) سنی مشغول ایلیوب فکر و خیالون
چوخداندی که آخمازدی سنون طبعِ زلالون
ا... گوتوره دلده کی اندوه و ملالون
توفیق اولوب آخِرده سنه رحلت آیت



هر اهل کلام اهل حدیث اولسا و یا غیر
دفن شهدا نظمینه گر ایستیه بیر سیر
ارشاد ایلیوم من اونی درک ایلیه تاخیر
(صافی) یازان اشعاریده وار اوزگه فصاحت

@shoaravamadahantabriz

مرحوم_حسینی_سعدی زمان

مجلس ابن زیادلعنه الله علیه
بخش1

دگل بی جا گوگلده بی نهایت درد و محنت وار
اوزوم پژمرده حالم، گوزلریمده اشک حسرت وار


پوزوب احوالیمی اوضاع عالم غیبت کبری
جمال حجّت باریده گون تک ابر غیبت وار


او سلطان حقیقی گَلمیونجه سوزِ دل سونمَز
گوگلده گون به گون سوز نهانیلرده شدّت وار


فرج بیر امر حتمی دور ظهورِ حُجّتُ اللهده
بیزه اون سوز هجومِ جور و ظلم و زجر و زحمت وار


نه یالقوز منتظر احباب ایدر داد و فغان آغلار
امام منتظَرده بیزدن آرتوخ حالِ رقّت وار


گَزَر آغلار گوزیله پرده ی غیبتده سرگردان
دیمه داد و نوادن اوندا بیر ساعت فراغت وار


باخاندا ذوالفقاره گوزلری جاری ایدر قان یاش
گوزینده انتظارِ انتقامِ آل عصمت وار


نجه یاددان چخاردار عمّه سی زینب اسیر اولسون
گوزی گورسون تماشاچی جماعتده نه کثرت وار


زیاد اوغلی اوتورسون شاد دل تخت حکومتده
دیسون مُجرادی امریم، منده فرمانِ حکومت وار


قولی باغلی گرک گَلسون حضوره عترت حیدر
بو گون چون انتقام روز بدره اَلده فرصت وار


خیالیم وار یازام ابن زیادین مجلسین باشدان
امام عصره امّا بیان حاله خجلت وار


اَیا شَمسُ الهُدی، یابن الحسن، یا غیرت رحمن
نه قَدری عمّه وون قلبینده صبر و تاب و قوّت وار


نجه عرض ایلیوم عمَّن او بزمه گیتدی بی پرده
نجه مجلس او مجلسده نه قَدری بی شرافت وار


آتاسی حیدر کرّار تک وقر تمامیله
خیاله سالمادی بیگانه لر- بیم اسارت وار


اولوب بی اعتنا داخل، دوتوب بیر گوشه ده مسکن
اوتوردی دور و برده هاشمیّه هر نه عورت وار


بو جرات، بو جسارت، بو تکبّر، بیر اسیر عورت
ایوین آباد یا زهرا، قیزوندا گور نه جرات وار


دیلیم دوتمور دیوم زنجیریله قولّاری باغلیدی
ولیکن ابر زلفیله حجاب حفظ صورت وار


هله قانی آخوردی باشداکی محمل یاراسیندان
باشندا زخم کاری وار، بدنده ضعف حالت وار


زیاد اوغلی سوروشدی بو تکبّر صاحبی کیمدور
بو قدرتده اسیر اولماز- گورون بوندا نه قدرت وار


جوابه اولمادی نائل، گنه ایتدی سوزین تکرار
خانم گوردی او بی دینون خیالینده اهانت وار


نهانی رمزیله ویردی کنیزه رخصت گفتار
دیدی اول جاریه- اصراریوه آیا نه علّت وار؟


بو دخت حیدر کرّاردور، زهرا قیزی زینب
ایکی نورِینِ اعظمدن وجودینده وراثت وار


ایشیتجک بو سوزی مرجانه اوغلی گَلدی گفتاره
دیدی یا زینبا اللهه حمد بی نهایت وار


دالنجا اوزگه بیر سوزده دیدی، توضیحه معذورم
قیزیشدی شیرتک زهرا قیزی گوردی شمادت وار


دل آچدی شیر داور تک دیدی ای ابن مرجانه
خدایه حمد اولا بیزلرده تکریم شهادت وار


بیزه نازل اولوب قرآن، بیزوق مصداق کَرَّمنا
بیزه تطهیریدن قرآنِ مُنزَلده اشارت وار


نبوّت بیزده دور، بیز خانواده معدن وحیوق
کیمون من تک آتاسیندا شئوناتِ امامت وار؟


بیزیم دامانیمیز لوثِ معاصیدن مبرّادور
اوزون انصاف ایله سیزلرده ده گور بو لیاقت وار؟


اولار رسوای فاسق لر، اوداکی غیریدور بیزدن
اگرچه سلطنت وار ظاهراً سیزده خلافت وار


یالانچی ابن مرجانه اوزون سن هم امیروندور
سیزون آبا و اجدادوزده اوّلدن لئامت وار


بو سوزلر زاده ی مرجانه نی ایله آلشدیردی
قرالدی رنگی گویا صورتینده حالِ رحلت وار

ادامه دارد👇

@shoaravamadahantabriz

بخش2

غضبدن بوینونین اعصاب شریانی گِرِهلَندی
یوزینده ظاهر اولدی دلده هر بغض و عداوت وار


یریندن قاخدی فوراً منتهای غیظ و بغضیله
باخون مقتل لره، هَمَّ بِها عیناً عبارتدور


بیله معلوم اولان زهرا قیزین ایستوردی اُلدورسون
خانیمدا گور آتاسی مرتضی تک نه شجاعت وار


اودا دوردی یریندن دشمن بی شرمی قصد ایتدی
مجسّم ایله سن مجلسده اوضاعِ قیامت وار


یازولّا بیر بیریله قول قولا باغلیدی آلُ ا...
هامی دوردی یریندن- گور نه هنگامه نه وحشت وار


خانم قیزلار دوراندا مجلس اهلی بیر بیره دَگدی
هامی دوردی، دیمه اَگلَشماقا بیر کسده طاقت وار


اسیر سلسله بیر سلسله یانمیش تالانمیشلار
تماماً دلده وا غَوثا خیال اِستعانت وار


همان هنگامه عمروبن حُریسی وحشته سالدی
جماعتده گوروب ابن زیاده فکر نهضت وار


دیدی ابن زیاده ای امیر اول بیر زبان خاموش
خیالونده اگر بو عورته فکر سیاست وار


مجازات ایلمزلر عورتی گفتاریله خاصّه
بیر عورت که اونون قلبینده یوز داغِ مصیبت وار


گیدوب قارداشلاری اَلدن، اولوب اوغلانلاری مقتول
سوزینده گورموسن قلبی یانان شخصه شباهت وار


دوباره تختین اوستونده اوتوردی ابن مرجانه
دیدی ساکت اولون، حضّاره امرینده اجابت وار


او دمده ابن مرجانه نه گوردی قارداشی عثمان
ایله آغلور که اشکینده به سانِ سیل سرعت وار


تعجّب یوز ویروب ایتدی او حالین سرّین اِستفسار
دیدی قارداش منیم بو ناله و دادیمده حکمت وار


او عورت که اونی قصد ایلدون قهراً دانشدیردون
اونون بُلمم بو باشیله آراسندا نه الفت وار


اونی سن قصد ایدنده بو کسوک باش گوزلرین آچدی
سراسر مجلسه باخدی که گورسون نه حکایت وار


او قانیله دولان گوزلر باخوب حُضّاره فرداَ فرد
یتنده زینبه حالینده گوردی بسکه خفّت وار


یوموب قانلی گوزین بیر قطره قانیاش عارضه توکدی
گورنمور خوار عیالین، گور نه قَدری بوندا غیرت وار


سنی آل امیّه بیعتی اَل چَک او عورتدن
دانشدیرما بو مجلسده، گورورسن چوخ جماعت وار


او بی دین و شقی گیچدی اگرچه قتل زینبدن
بیر آیری ظلم ایدوب توضیحینه کیمده جسارت وار


او ظالم اوچ امامین محضرینده کفر ایدوب اظهار
خیاله سالمادی احکام قرآن وار، شریعت وار


آپارّام سینه ده قبره او ظلمی که ایدوب حَجّام
زیاد اوغلیندا هند اوغلیندان آرتوخ بیر شقاوت وار

ادامه دارد👇👇

@shoaravamadahantabriz

بخش پایانی

اَله آلدی حسینون قانلی باشین باخدی بیر گُلدی
او قانلی باشدا اصلاً باخمادی چوخ چوخ جراحت وار


یارالی باشین اَۀده اوینادوردی ابن مرجانه
گنه سویلردی باشوندا حسین فکر ریاست وار؟


دیردون ایتمرم اصلاً امیر کوفیه بیعت
عُبیدُاللهیده بُلموردون اِستیلای بیعت وار


اگر باش اَگمه سن قانلی باشوندان اخذ کام ایلر
دیموردون بو قیامین آخِرینده قتل و غارت وار


بو باشوندور اَلیمده، بو قولی باغلی عیالوندور
بویونلاردا دوشاخه، گوزلرینده اشک حسرت وار


حسین چوخ تیز قوجالدون، نوجوان قارداشلارون نولدی
هانی گَلسون ابوالفضل رشید و سرو قامت وار


نه زیبا دیشلرون وار، درّ تک قانیله مرجانی
منیمده چوبِ تعلیمیم، قولیمدا زور و ضربت وار


دیوب گُلدی شمادتدن، یورولدی ظلم اَلین آچدی
او ظالم باخمادی حسرت باخان اهل خدارت وار


نه جدّیندن اوتاندی، نه حیالی اهل بیتیندن
گوروب لعل لبینده آیه ی ظلمه قرائت وار


ووروب تیغ فناریله او گُل تک قانلی لبلردن
دگُل جای عجب، قلبینده چون بی حد قساوت وار


اولیدون کاش یا زهرا او گون حاضر او مجلسده
گورِیدون اوغلیوون باشیندا بیر جای سلامت وار؟


دیِیدون وورما اَل، ساخلا، اوتان ظالم، حیا ایله
بو لبلرده گورورسن غنچه ی گُل تک لطافت وار


ز بس مرجانه اوغلی ظلمیده اندازه دن گیچدی
گوروب زید بن اَرقم آز دایانسا چوخ ندامت وار


بو ظلم بی نهایتدن دوتوب اود قلبی اودلاندی
گوزینده اشک، دلده زینبه فکر حمایت وار


دیدی ای ابن مرجانه دایان، دور، بیر اَلون ساخلا
منه هر نه مجازات اولسا منده استقامت وار


اوزوم گوردوم او لبلردن همیشه جدّی پیغمبر
اوپوب ایگلردی سویلردی بالامدا عطر جنّت وار


اوتانمورسان پیمبردن زناکار عورتین اوغلی
نه قَدری سنده آیا کینه ی ختم رسالت وار


یارالی باشی وورمازلار، خصوصاً بیر کسوک باش که
دلینده دم به دم آیاتِ قرآنه تلاوت وار


ایشیتدی مجلس اهلی بو سوزی سس چَکدی آغلاشدی
خانم قیزلار اورکلَندی گورنده قصد نصرت وار


ویروبلر سس سسه سس چَکدیلر اَلغَوث یا جَدّا
امانت قویدوقون اولاده گَل گور نه خیانت وار


او حالتدن گنه شرم ایتمدی ووردی عبیدا...
نه اندازه گورون قلبینده زنگِ کفر و غفلت وار


دایاندی بیر یره ظلمی قلم عاجزدی شرحیندن
او ظلمی که اولوب تقریرینه دلده صعوبت وار


داشوب دریایِ صبرِ ذاتِ باری سیّد سجّاد
گوروبلر وجهِ وجهُ اللهیده آثار کدورت وار


عروق هاشمیّه سجده گاهینده گِرِهلَندی
خیالینده یقین تادیب اتباعِ ضلالت وار


او قطب عالم امکان باخوب اقطار آفاقه
دعا قصد ایتمه میش دربار حقده استجابت وار


هویدا طاق مجلسدن اولوب بیر شعله ی آتش
قویوبدور تخته یوز، گوردی زیاد اوغلی هلاکت وار


دوروب قاچدی، قاچاندا نطقه گَلدی شاهِ دین باشی
مَهِ برج وفاده گور نجه نورِ هدایت وار


بویوردی یا عَدُوَّ ا... قاچورسان نارِ دنیادن
دیمور سن آخِرت وار، نار دوزخ وار، عقوبت وار


یتر عمریم تمامه مجلس کوفه تمام اولماز
اگر فکریم بو اولسا نظم ایدم هر نه روایت وار


«حسینی»دور آدیم یا فاطمه گرچه گنهگارم
قیامتده ولی اوغلوندان امّید شفاعت وار


سنی ویرّم قسم اوغلون حسینه- زینبه لطف ایت
اَلیم بوشدور باشیمدا لیک سودایِ زیارت وار


او تحت قبّه ده بیر مجلس ماتم ایدم چیده
توجّه ایله سن به به او ماتمده نه لذّت وار


التماس دعا

@shoaravamadahantabriz

در_شهادت_حضرت_امام_سجاد_ع


کثرت غمدن اولوب ماتمسرا عالم بوگون
سید سجـاده زهرا ساخلیوب ماتم بوگون



کوفه و شامی دولاندی بو وطن آواره‌سی
اولمادی بیر دردینون امّا اولونجه چاره‌سی
کربلا زنجیرینون بوینونـدا قالدی یاره‌سی
حقّـی وار آغـلار او حالـه دیـدۀ عالم بوگون



سیل اشگین صفحه رخساره دائم باغلادی
سینه‌سیـن آه شـرر باریله یاندی داغلادی
جان ویرنجه اوز آتاسین یاده سالدی آغلادی
هر گوزه باخسان عزاسینده اولار پُر غم بوگون



عمرینـی آغــلار گوزیلــه ایلـدی آخر تمام
میل ایدوب نه بیر سرین سو نه دویونجه بیرطعام
هاردا سو گورسیدی سویلردی سوسوز اُلدی بابام
قلبیمی داغلار منیم بو محنت اعظم بوگون



هر اسیرین باغلی ال هر چند قلبین داغلادی
باخدی هر کیم قید و بند ظلمه یاندی آغلادی
ناقـه‌ده امّـا بونـون دشمن ایاقین باغلادی
بو مصیبت آرتـرور اهـل ولایـه غم بوگون



اهل کوفه چکدی زنجیره تن تبداریله
ایتدیلر بیمـاره حرمت زحمت و آزاریله
کوفـه‌ده زندانه گتدی عترت اطهاریله
اشگیله سالام او زخمین سوزینه مرهم بوگون



آشنالـر یانــدی بــزم عامـده بیگانـه‌دن
قتلینـه اقــدام اولانــدا زادۀ مرجــانه‌دن
اولدی بیر سوزش نچه جاندان گچن پروانه‌دن
زینبـون حالـی ایدر احوالیمی برهم بوگون



اهل شامیـن قالموشام حیرتده ظلم فاشینه
باخمیوبلر اول شهین گوزدن آخان گوز یاشینه
توکدولـر گـه اودلی نی‌لر گاه تپراق باشینه
بوجنایت فکری قالمور بیرکسه مبهم بوگون



رسمـدور زنجیـر دائـم الفـت ایلـر شـریله
سلم محض اولموشدی باشینده اولان تقدیریله
بـزم شُـربه ایتدیلـر حاضـر غـل زنجیریله
پایۀ احکام او حالتدن اولوب محکم بوگون



دلـده یـوخ یارا اونون شرح ایلیم هر محنتین
چوخ چکوب شامین یولوندا اهل بیتین زحمتین
خاصّـه گُل یوزلـی رقیه آلدی دلدن طاقتین
حالینی فکر ایلورم حالیم اولور برهم بوگون



ویردی جان ویرانه یرده اولمادی دفن ایلین
گوشه غربت قـوری یر نه گلن وار نه گیدن
اولدی نه غساله نه قبرین قازان نه بیر کفن
ایلیوب امّا بنای عشقی مستحکم بوگون



بولمـورم نـه طرزیله تنظیمدی برنامه‌سی
لوح تقدیره نه یازمیشدی مشیّت خامه‌سی
اللـر باغلی باشینـدا اود دوتوب عمامه‌سی
حقّـی وار یانسا او حاله عالم و آدم بوگون



عشقـده از بس واریـدی قـدرت خلّاقه‌سی
ریشه سالمیشدی نهادینده محبّت ساقه‌سی
قبرینون اوستونده جان ویردی وفالی ناقه‌سی
ناقـۀ فکریــم ایـدر بو غـم اَلنـدن رَم بوگون



تک نـه منـدن پنجـۀ آلام آلار صبر و قرار
بوردا سسلر وای حسین وای اهل دل بی‌اختیار
ذوالجنـاح اوستـن دوشنـده قتلگاهه زخمدار
عرض ایدوب یارب وفای عهدیدن شادم بوگون



ایستدی چوخ روشن ایتسون اهل عشقه مطلبی
خیمگاهـه گلــدی دلــده اَلظُّلیمــه مرکبی
زلـف تـک آشفتـه حال ایتدی وفالی زینبی
سرّی وار زینب آدیله غم اولوب مدغم بوگون



چون او مرکب راکبیندن تاپدی شرمنده اوزین
قیزلارین حالین گوروب اشگیله دولدوردی گوزین
کاکلیندن اوپدی بیر قیز بیر بالا اوپدی یوزین
خلـدده یـانمـاز نجـه پیغمبـر اکـرم بوگون



ذوالجناحین تا سسین آلـدی حریـم اشگبار
بولماقـا حالیـن سکینـه خیمدن اولدی کنار
گوردی بی‌صاحبدی یال و کاکلیندن قان آخار
صاحب عصرین اوقان ایلر سرشگین یَم بوگون



سسلدی گل عمه بو آت گورنجه حسرت باخور
قلب دنیانـی شـرار آهـی بیـر اود تک باخور
حالی چوخ پوزقوندی گوزدن اشگی دریا تک آخور
رشگ ایدر بو اشگِ چشمه چشمۀ زمزم بوگون



بیـر نچـه مـدّت قاباق ای سرور عالی تبار
یازموشام بو نوحه‌نی افسرده حال و اشگبار
ایمدی دوز بیر نیم قرن اولدی الیمده خامه وار
مـن فقیـرم لطفـوه نـه سائـلِ درهـم بوگون


#مرحوم_خوندل

@shoaravamadahantabriz

احوالات اربعین من کلام #حسین_شانی

شامدن گلدیم خدایه شکر اولا قارداش حسین
قسمتیم اولدی دوباره کربلا قارداش حسین

واردی دنیاده مگر بوندان گوزل بیر آرزو
باجی قارداش قبرینه اشگیله ویرسون شستشو
دویمارام قبروندن اصلا مدفن روحیمدی بو
قبریوه اولسون قوری جانیم فدا قارداش حسین

هاردا وار باغ جناندا بیله عالی منظره
بوته گل تک اوشاخلار صف چکوبله یکسره
یوزلرین هر چند سیلی دوندروب نیلوفره
وار ولی ذاتی طراوت مطلقا قارداش حسین

ای ویرن ذوق کمالیله تمیز خوب و زشت
گور بو قبرین عطری خوشدور ، یا گلستان بهشت؟
فرش ایدوب زلفین بو قبره بیر نچه حوری سرشت
سایه طوبادی گویا برملا قارداش حسین

اولما رنجیده گیدنده کربلادن شامه من
سن اوزون گوردون امان ویرمردی اشرار زمن
یوخسا قویمازدیم سنی توپراقلار اوسته بی کفن
گون اوگنده جسمده سانسیز یارا قارداش حسین

سن ایکی دریا یانندا تشنه لب اولدون قتیل
منده قیلام قبرون اوسته گوز یاشین سو تک سبیل
ایلرم جاری فرات اوستنده نهر سلسبیل
تا فرات و شط غمدن قان اولا قارداش حسین

ایندیکه یوخ فوج دشمن ، قبریوه قربان اولوم
دولمیوب نامحرمیله سربسر صاق و صولوم
ویر اجازه قبرون اوسته باش آچوم بیر ساچ یولوم
آغلیام ویرمزدی مهلت اشقیا قارداش حسین

کوفه ده ایستردیم اول بولمسونله من کیمم
اولمادی ممکن ، بولوندی زینبم زهرا شیم
من نجه یاندیم نجه بیر حالته قالدیم او دم
نه بیلور بیگانه ، آنلار آشنا قارداش حسین

ایستدیم حق اوسته مقهور اولماقیم اولسون ثبوت
آتشین بیر نطقیله ویردیم او دم امر سکوت
باشلادیم بیر خطبه دلده نام حی لایموت
کوفه ده یاد اولدی نطق مرتضی قارداش حسین

سنده گوردون غم هجوم آور اولوب از بس منه
اودلی سوزلر دلده یاندیم ، یانمادی بیر کس منه
آیه کهفیله ویردون نوک نی دن سس منه
نخل طور اولدی منه نوک جدا قارداش حسین

هیچ یادیمدان چخمیوب چخماز بو مطلب روز و شب
گوردی اطفالون پریشان کوفیان بی ادب
غفلتا ویردی بیر عورت بیر قیزا نان و رطب
وردی کلثومه خبر امر قضا قارداش حسین

قارداشی عباس تک غیظ تمامیله ازل
بو اسفلی حاله باخدی حیرتیله ماحصل
ورمیون سویلوب بالالار نان و خرمایه سیز ال
گور نه گونلر گوردی آل مصطفی قارداش حسین

شرحه گلمز مجلس ابن زیادین محنتی
بو قدر وار مایه خجلتدی ذکر صحبتی
وار یادوندا منده گوردون تا او پوزقون حالتی
گوزلرون یومدون گوزیمده ای ضیا قارداش حسین

بیر گجه یولدا قوناخ گیتدی کلیسایه باشون
گویدن عیسانی گتوردی دیر ترسایه باشون
ویردی بیر توضیح نسخ دین عیسایه باشون
راهبه اولدی بو یولدا رهنما قارداش حسین

شامده چوخ کوچه و بازاری گزدوخ هر طرف
وای یهودی کوچه سندن صبریمی ایتدی تلف
غرفه و بامه کلیمیلر دوزولدی صف به صف
ایله بیر کوچه هارا زینب هارا؟ قارداش حسین

بی سبب سجاد ایتمز داد ظلم شامدن
انتقام آلدی یهودی ملتی اسلامدن
توکدیلر بی شرم رولر اودلی نی لر بامیدن
اود دوتوب عمامه زین العبا قارداش حسین

گر دئسم قوردی یزید بی حیا بزم طرب
خدمتونده چوخ جسارتدور اولور ترک ادب
باخ حیایه ، اوچ امامون محضرینده بی سبب
باشلادی بی دین کلام ناسزا قارداش حسین

چوخ سوال ایتدی اوشاقلاردان یزید بی حجاب
بیر قیزون اما او شومه ویردی بیر کافی جواب
ایله مجلسده بیر قیز بیر شهی ایتسون مجاب
وار یقین بو ایشده بیر سر خدا قارداش حسین

آدینی قویموشدی ظالم پیشوای مسلمین
خلقه اولموشدی پیغمبر مسندنده جانشین
نهی ایدوب پیغمبر امرین نه بولوب مذهب نه دین
نه اوتاندی نه ایدوب حقدن حیا قارداش حسین

ایستدی اشیاخ بدره سندن آلسون انتقام
ال آپاردی خیزرانه دلده نالایق کلام
گوزلرین یومدی سکینه سس چکوب قزلار تمام
گتدی درده عترتون بو ماجرا قارداش حسین
6
باجی قارداشلقدی نیلیوم گور اولور الفت کسم
یوخسا گلموردی یوزوم گلماقه ، وار حقیم دئسم
خجلتیم چوخدور بو توزلی قبریوه اولسون قسم
ئولدی یولاردا نچه خوردا بالا قارداش حسین

بیر قیزون اما خرابه شامده شام و سحر
آتشین آهیله یانمش قلبیمه سالدی شرر
شام اولاندا هر گجه آلدی سنی مندن خبر
نه دییدیم ایله وقته من اونا قارداش حسین

گورمیوب دنیا گوزی ایله ادبلی بیر اوشاق
گزلدوردی آجلقین ایلردی اظهار فراق
طاقت کلثومی اما بیر گجه ایتمشدی طاق
نه دیمشدی من اونی بولدوم صورا قارداش حسین

بیر گجه چرخ صبایادن باتوب بیر اولدوزون
غصه می ایلوب نجوم چرخ اطلسدن فزون
وای منه ویرانه یرده ئولدی بیر نازلی قیزون
چوخ موثر ویردی جان اول مه لقا قارداش حسین

بیر نفر یوسف آدلی سید عالی نسب
هم بیزه اولاد هم صاحب عزادور روز و شب
اوچ مریضه بش نمازنده شفا ایلر طلب
قلبنی سیندیرما لطفاً ویر شفا قارداش حسین

بیرده بیر عهد ایلیوبدی #شانیمیز خوش خوانیله
ایستوری ویرسون او عهدی باشه سالم جانیله
ویر شفا ایسته تمامی آرزومندانیله
قبریوه گلسون سنه دوتسون عزا قارداش حسین

@shoaravamadahantabriz

مرحوم عابد

خطاب_به_خاک_مقدس_طوس


ای_شرفده_عرشه_تالی_منزلتده_طور_ایمن
رشک خلدسن که اولدون شهریار طوسه مدفن


آبروی کون سن زبس واردی اعتلا سنده
کعبه ی مرادسن یاتوب حضرت رضا سنده


حول کعبه ی جوارون طوف ایدنلری ملائک
قدس ساحت دیارون وجه وجهه ی ممالک
شاهراه رحمتونده رهروان عشق، سالک
طالبان امنه کویون ملجاء و ملاذ و مامن


توپراقون اولوب ازلده آب فیضیله سرشته
سنده لطف جان ویروبدی دست صنع خاک و خشته
جوهر ترابون ایلر طعنه روضه ی بهشته
سنده آشیان ایدوبدور شاهباز سدره مسکن


تا ابد مصوندی خاکون جور چرخ دور، کجدن
حتک ایدنمز احترامون خصم دون عناد و لجدن
کسب اعتبار ایدوبسن قبر ثامن الحججدن
جلوه گر اولوبدی سنده عکس حُسن حیّ ذوالمن


لطف آب جویبارون رشک چشمه ی بقادور
نکهت نسیم صبحون هر دله گره گشادور
خاک کیمیا مثالون چشم جانه توتیادور
سوز آتش ضمیرون برق کشتزار ریمن


خال روی هفت کشور آبروی هر بلدسن
اوزگه بیر بلاده نسبت تازه برگ سرسبدسن
نور مهر ارتضادن چرخه مایه ی حسدسن
یوخ دلیله احتیاجی، فاش دور بو قول مُتقن


سنده روضه ی رضا وار حسرت ریاض رضوان
اعتبار و شوکتوندن فخر ایدر جهان امکان
اشتیاق و حسرتونده دور ایدر سپهر گردان
بلکه آستان عزّون خاک اولوب ایده نشیمن


اوج قبّه سیندن اولموش پست، قدّ طاق اعلی
خم اولوب تواضعیندن پشت گنبد معلّی
حیرته سالوب جهانی بو مقام فوق والا
عقل، محو و مات اولوبدور کبریا و شوکتیندن


شمسه ی رواقی آلموش آب و تاب آفتابی
مهچه ی لواسی دوتموش انعکاس ماهتابی
نکهت فضاسی ایتموش شرمسار مشک نابی
عطر تربتیندن اولموش منفعل عبیر و لادن


خاکبوسینه ملکدن متّصلدی فوج فوجه
سبقت آختاراندا گویا بحردور گلوبدی موجه
عرض رازده یتنده بانگ استغاثه اوجه
دولدورا جهانی یکسر گه دعا و گاه شیون


بی سبب دگل او روضه درک ایدوبدی بو بهانی
زیب سینه ایلیوبدی سبط پاک مصطفانی
جان کیمی آلوب کناره جسم حضرت رضانی
بسدی بو شرف اولوبدور دُرّ بحر عشقه مخزن


اوردا نفس ماسِوایه علّت بقا یاتوبدی
شمع محفل وجوده جلوه و بها یاتوبدی
عکس حُسن لایزالی حضرت رضا یاتوبدی
وار یری شعاعی ایتسه بزمگاه قدسی روشن


نیّر سپهر وحدت آفتاب برج ایمان
اعتبار آدمیّت، افتخار کون و امکان
اصل معنی حقیقت، شرع معضلات عرفان
جوهر روان وجودی فرض اولونسا، ماسِوا تن


علّت دوام هستی، فیض بخش ماه و ماهی
نسل پاک شاه بطحا، عکس رحمت الهی
عارف سلوک وحدت، بزم قدس خانقاهی
سرو قامتی، ولیکن باغ خُلد او سروه گلشن


تاب طلعت ازلدی تاپدی حُسنی لمعه ی نور
مُلک طوسی جلوه سیندن ایتدی رشک وادی طور
ایلدی سپس بو نوری پرده ی تراب مستور
اَرِنی کلیم جانه بیله ویردی پاسخ لَن


محنتین سالاندا یاده سوز غم دوشور روانه
سیل تک اولور عذاره گوزدن اشک تر روانه
آه شعله زا ویرور باش اود سالور دل جهانه
سونمز اود اولور بو محنت صبر و اختیار، خرمن


بو هامی جلالتیله گیچدی حدّیدن ملالی
باشه یتدی محنتیله صبح و شام و ماه و سالی
راحت اولمادی یتینجه عمرینون دم زوالی
اولدی دفتر حیاتی درد و رنجیله مُعَنوَن


چشم دل گورور دیرسن ایله حال غم فزانی
ترک ایدور امام او بزمی باشینه چکوب عبانی
رنگ رویی ظاهر ایلور سوز زهر جانگزانی
حالی گوسترور که یتمیش مقصد و مرامه دشمن


قلب قلب ماسِواده واردی سوز بی نهایت
هر نفس تاپور دلینده التهاب زهر شدّت
قصد ایدر قرارگاهین ذات حقّه ذاتی آیت
ارغوان مثالی حُسنی اخذ ایدوبدی رنگ سوسن


گوش جان آلور فضادن بیر نوای دلگدازی
سجنیده او شه دیرسن باشلیوب بیان رازی
کونی یاندورا یاخوندور ساز سوزی سوز سازی
گورسنور او ناله سینده مین جهان شرر معیّن


اشتیاق وصلتیله سسلور اوز انیس جانین
آختارور او حالتینده عکس جوهر روانین
آرزو ایدور که گورسون جان ویرن زمان جوانین
دلده کی شراری ایتسون آب وصلیله مُسَکَّن


آز قالور که دور عمری چرخ دون ایده معطّل
مجملاً تاپا نهایت بو حکایت مفصّل
واپسین نفسدیم من گل اوغول جواد گل گل
قویما هجرایده جهانی گوزلریمده چشم سوزن


اولدی گردش فلکدن غصّه و بلا نصیبیم
نه انیس وار نه مونس نه حبیب نه طبیبیم
درد انتظار الینده آخِره یتوب شکیبیم
گل گوروم گل جمالون کامیاب جان ویروم من


دل نه قدری صابر اولسا درد انتظاره دوزمز
هر غمه ایدر تحمّل فرقت نگاره دوزمز
قول آشکاردور بو یار هجر یاره دوزمز
ایستمز گواه و شاهد بو حکایت مبرهن



@shoaravamadahantabriz

مرحوم_اعظمی
امام_رضا_ع
____________________________
✍
ای گوزل مزاری زینت خراسان
آستان قدسی افتخار ایران
قبرون حجّ اکبردی، کعبه تک معطّردی
ای حبیب یزدان، ای حبیب یزدان



شکر اولا خدایه یتمیشوخ مرامه
قبرون اوسته یکسر گَلمیشوخ سلامه
جان فدا سنون تک بیر رئوف امامه
بو مزاره زوّاروق، جدّیوه عزاداروق
ای حبیب یزدان، ای حبیب یزدان



قبریوین وصالی سالدی اشتیاقه
اشکیله سَپاق سو بو گوزل رواقه
شهلر هر زماندا لطف ایدر قوناقه
گَلمیشوخ سنه مهمان، بو مزاریوه قربان
ای حبیب یزدان، ای حبیب یزدان



ای ویرن مزاری عالمه فزایش
چوخلاری بو قبره یولّیوب سفارش
باشیوه دولانّوق ایلیوبله خواهش
التماس ایدوب چوخلار، یار یارینی یوخلار
ای حبیب یزدان، ای حبیب یزدان



کوچ ایدنده قوردوخ بزم غم طونده
گَلدی داده چوخلار طوسه عزم ایدنده
ایتدی یار و یولداش ناله بیز گَلنده
گَلمدی اولار افسوس، قبریوه اولا پابوس
ای حبیب یزدان، ای حبیب یزدان



روز و شبده گَلّوخ نی کیمی نوایه
آغلاروخ حسینه گاهی کربلایه
وار بو یرده ماتم گَلمیشوخ عزایه
فاطمه گَلوب داده، آغلوری بو اَثناده
ای حبیب یزدان، ای حبیب یزدان



عالمه سالوب غم جدّیوین عزاسی
کربلادی خلقین دلده مدّعاسی
هر اورکده واردور کربلا یاراسی
((اعظمی)) یانوب آغلار، گوز یاشین یوزه باغلار
ای حبیب یزدان، ای حبیب یزدان



@shoaravamadahantabriz

 امام رضا(ع)
دئمرم بو شهر مقدّسه داریخوب سیاحته گلمیشم
هله من نَیَم که دئیم سنون قاپیوا شکایته گلمیشم
 
بولورم هر اهل دلین اولار که سیز اهل بیته ارادتی
گلر احتیاحینی عرص ائدر و روا اولار هامی حاجتی
بو نیازمنده ده قیل نظر ، نظرونده دوت بو مسافتی
بو اوزاق یولی نه امیدیله بو جوار رحمته گلمیشم
 
من او پایبند مصیبتم که غم ایلیوب منی خسته دل
اورگیم سینوبدی او سینماقی منی ایلیوبدی شکسته دل
بو قدر مِی غم عشقیوی نئجه ساخلاسون بو شکسته دل
نه نواسی وار نه سیزیلتیسی قاپیوا طبابته گلمیشم
 
غم و غصّه قلبیمی چوخ سیخوب دولی بیر بولود کیمی دولموشام
آخوری عذاریمه گوزیاشیم دئمرم اسیر غم اولموشام
اثری دعالرین اولمیوب او قدر دئیوب که یورولموشام
بو امیده بوردا دعالریم یتوشر اجابته گلمیشم
 
دئمورم که من سیزه نوکرم سیزه یا که منتسب اولموشام
دئمورم اولوب سیزه خدمتیم دئمورم قاپوزدا یورولموشام
من او پیچکم که دولاشموشام گُله همنشین گُل اولموشام
منی اوز گُلومندن آییرمیون طمع طراوته گلمیشم
 
اَل اگر او مطلعه وورموشام بولوسن اوزون ندور علّتی
نقدر تلاش ائلدیم یازام ائلینمدیم او جسارتی
سیزه «خوندلون» بولوسن که وار نئجه صادقانه ارادتی
او ارادتیمیدی اولوب سبب بئله بیر جسارته گلمیشم
«خوندل(ره)»


 @shoaravamadahantabriz

ورود_مدینه حضرت_ام_البنین

مرحوم سعدی زمان

چون خواتین حریم عز و جاه
زار و خسته دلشکسته دلده آه

دللرینده ذکر اوضاع سلف
اختران برج ناموس و شرف

ائتدیلر رجعت دیار شامیدن
اولدولار آزاد قید و دامیدن

کشف اولوندی ماجرای کربلا
محشر کبری گوروندی بر ملا

زوجۀ شیر خداوند وحید
فاطمه ام ابوالفضل رشید

وئردی ترتیب اول ستم کش دورت مزار
هر بیری بیر نوجوانه یادگار

ائتدی قبرستاندا دائم مسکنین
عرش اعلایه اوجاتدی شیونین

یاد ائدردی ئوز عزیز جانلارین
تشنه لب جاندان گئچن اوغلانلارین

وای اوغول وای دلده گوزده اشک ناب
یثربین اهلینه ایلردی خطاب

حالیمی بیحد پریشان ائتمیون
رحم ائدون گوز یاشیمی قان ائتمیون

اولمیون راضی اولوم چوخ دلکباب
ائتمیون ام البنین آدی خطاب

سویلینده سیز منه ام البنین
آرتورو بو آد منه شور و انین

یادیمه قهرا دوشور اوغلانلاریم
قوت روحیم عزیز جانلاریم

واردیدی دورت سرو آزادیم منیم
اونلاریله خاطر شادیم منیم

نه روادور بیر اوغولسوز مادرین
سسلسونلر آدینی ام البنین

وای منه ایوای بلالی قلبیمه
وا اسف ایوای یارالی قلبیمه

نقل ائدوللر کربلادن بیر خبر
بو خبر ایلور منی شوریده سر

اوغلوم عبّاسین دیولر اهل شام
اللرین قطع ایلیوبلر تشنه کام

ای منیم شیر اوغلوم ای ارام جان
ای آدی عباس ئوزی شیر ژیان

من ائشیتدیم بیر ستمکار عنود
کرلاده ووردی باشوندن عمود

سن که دعواده آجیقلی شیریدون
صاحب سر پنجه و شمشیریدون

واریدی کیمده جسارت برملا
سن کیمی شیره ائده بیله جفا

الده گر اولسیدی شمشیرون سنون
ایلینمزدی جسارت دشمنون

بس بیله معلوم اولور قوم شریر
اللرون کسمیشدی ای شیر دلیر

تا حیاتیم وار بو دنیاده ملول
واابوالفضلا دیوب یانّام اوغول

قولینه فعلیله بانوی جهان
وئردی دنیاده غریبه امتحان

جان وئرینجه ائتدی افغان آغلادی
توکدی گوزدن خون دل قان آغلادی

یثربین والیسی مروان شرور
جنب قبرستاندان ایلوردی عبور

گوردی بیر عورت ایله فریاد ائدور
وای اوغول وای دلده آه و داد ائدور

شش جهاتی دولدوروب شیون سسی
پارچالور قلبی فغان و ناله سی

سویلدی کیمدور بو سینه داغلوری
هانسی ثکلا اوغلونا قان آغلوری

وئردیلر اول سنگدل شومه جواب
بو بلا همخانه سی خانه خراب

بوترابه زوجه دور ام البنین
مادر عباس فُهل بی قرین

شمردن آرتون شقی مروان دون
گوز یاشین توکدی غمی اولدی فزون

بیر بیره چالدی الین اول نابکار
سُویلدی ام البنینون حقی وار

واردی تا دنیا یوزونده کائنات
دوغماز عباسون نظیرین امهات

ای بنی هاشم آئی کان ادب
وی اولان باب الحوائج منتخب

من #حسینی ناخوشام هم بی کسم
دامنون محکم دوتوب ویرّم قسم

بیر حسین اول شاه دینون جانینه
بیر آنان ام البنینون جانینه

ایسته اللهوندن ای کان وفا
بو مرضدن تئز منه ویرسون شفا

اوچ آئی گئچدی ملول و دلغمین
بیر تصادم ایلیوب خانه نشین

نه سینیق چی باش تاپور نه بیر طبیب
باری سن لطفوندن ائتمه بی نصیب

تا شفا وئرسون خدای لاینام
آستانوزده ائدوم خدمت مدام


@shoaravamadahantabriz

بازگشت به مدینه
زبانحال حضرت زینب کبری (س) پس از مراجعت از واقعه کربلا در مدینه بمادرش

مرحوم سید حسین کهنمویی

دور ایاقه بیر قبردن آنا
وار شکایتی زینبون سنه
بو سفرده سوقات کربلا
گتدیم اوغلوون کوینگین سنه


بو وفاسیز امّت سقیفه دن
حکم ظلم و جوری آلوبدولار
ئولدوروبله پیغمبر اوغلونی
یر گوگ اهلی حیران قالوبدولار
کوینگین بو حاله سالاندا گور
پیکرین نه حاله سالوبدولار
عرض ایدم اگر گوردوقوم غمی
بیر به بیر گلر چوخ چتین سنه


کربلایه گلدون بهشتیدن
غملی سینه وی داغلیاندا سن
قتلگهده آلدیم سَسون سَنون
وای اوغول دیوب آغلیاندا سن
جان ویرن زماندا حسینوون
قانلو گوزلرین باغلیاندا سن
سس چکوبله همناله اولدولار
ساکنان عرش برین سنه


بیر گیجه یانان خیمه گاهده
گَلدون آل طاهایه دیده سَن
زینبی یادوندان چخاتمادون
گوز گوتورمَدون اهل بیتدن
عفو ایله آنا دستگیریدیم
ایمدی گلمیشم بازدیده مَن
بو عزاده ویرسون بیوک جزا
خالق جهان آفرین سنه


کوفه دن بیزی شیعه لر گوروب
قورخودان یاواش ایتدیلر فغان
شامون اهلی امّا تانمیوب
خارجی آدی قویدی شامیان
داد و داد ظلم یزیددن
اهل شام الیندن اَمان اَمان
نه دیلیله عرض ایلیوم آنا
شام شهرینون محنتین سنه


مرد و زن هامی اَلده ساز و نی
پیشواز ایدوب آل حیدری
توکدولر کجاوه لر اوستنه
بامدن ز بس اودلی نی لری
اود دوتوبدی سجّاد عمامَه سی
ظلم الیله باغلیدی اللّری
ویر اجازه اوغلون اوزی دیسون
سرگذشتینی دلغمین سنه


قولقولا بیزی باغلامیشدیلار
مجلس یزیده گیرنده بیز
هر بالا که رفتاریدن قالوب
تازیانه ایلردی اشگریز
بیر نفر گوزوندن ایراق سنون
فاطمه قیزون ایستدی کنیز
قویمیوبدی حرمت پیمبره
باخمیوب او مرد لَعین سنه


شهر کوفه ده گرچه اینجیدوخ
بیز جفای زاد سمیّه دَن
وای شماتتِ اهل شامدن
داد ظلم آل امیّه دن
وار سنه اسَفلی حکایتیم
جان ویرن زماندا رقیّه دن
چوخ اولوب دیدی عمّه زحمتی
آز زماندا بو بیکسین سنه


هاردادور آتام گلموری نَدن
قالدی یولدا بو گوزلریم منیم
حقوی حلال ایله عمه جان
آرتوخ اولدی دردسریم منیم
صون نفسده بیر زحمتیم بودور
ویر خبر گَله اکبریم منیم
جانویرنده یانیمدا اگلشه
تا اولا شریک اَنین سنه


آغلاما بو مُحنتده صبر ایله
توکمه گوز یاشون گَلمه شیونه
بو خرابه ده جانویرَنده من
هرگز عمّه یالوارما دشمنه
گوز یاشونله ویر غسلیمی منیم
زلفویله ایله کفن منه
چونکه غسل و تکفینه امر ایدوب
حکم شرع و دین مبین سنه


خدمتون «ریاضی» بهاسی وار
حیف بیلموسن که بهانه دور
ایله جدّیوین دیننه عمل
چون عما یقیندن نشانه دور
دین حقی خلقه یتورماقا
آغلاماخ اوزی بیر بهانه دور
غفلت ایلمه امَر فرضدور
بو زماندا تبلیغ دین سنه

@shoaravamadahantabriz