دَسِم وا دردِ تو ، غمْ شونَه میکَه

چَشِم پُرسئو خیالی ، بونَه میکه

سَرِم توزونِ «تو» شیوَنْ دَ شارِش

دلِم هَم ها ، مِنِی رازونَه میکه

#جهانشاد

شونه...شانه
پرسئو ....پرس وَ ، پرس مراسم عزاداری را پُرس گویند
بونه ...بهانه
توزون...گردباد
تو» ....تب »
شیوَن ....از هم پاشید ، گم کرد به هم زد
شار ...آرامش ، راه. زندگی ، کار و بار
مِنِی....دنبالِ، سراغِ
میکه ...میکند

پِریسگِ عِشقِ تو تَش وَن دِ جونِم

دوس ئو دُشمِه همه موئَن دِ تونِم

بِلازَه عشقِ تو دِ دیر دیارَه

شُنی کِز وا رنگی سئ بی نِشونم

#جهانشاد


https://tttttt.me/joinchat/AAAAAEB0P3VNuCKJYZqseQ

چَرخِ زِمی ،چرخِ زمو ، اُفدانه وا یگ بی امو

دسْیادِنومْ دَسْ یَگ چِنو ،سی یَه گِه یِلا بؤرَنِم

پا گِه می نِم دِ هر کَلّی ، یا خِشِ پا وِرمیچِنِم

هان دِ نوآ مِه چی هُمال ، مالگَه وِه مالْگْیا بؤرنم

تا بَزِنم پا دِ رکاو ، یا بئیرم لَغوم ئو زین

میکَشَنِم دولا وا هار ، بی دسئو بی پا بؤرنم

تاگَه بحوام سر بزنم وِه دشدِ پُر دِ خینِ دل

زیق آو ئو چِکِچَکِ خین، میحان وِه کویا بؤرنم

ار یِه گِلی بیکِش ئو دنگ سَری وِه چَشیام بَزنم

گُؤمَلّ وِه گُؤمَلْ اَسْرِ چَش تا نومِ دریا بؤرنم

بارو گِه میواره وِه دل ، موئَه وِه سیلی دِ دِلیم

گِلَه وِه گلَه ش چی اِراز ، میحان گِه آزا بؤرنم

دؤرِم گِرِتِنَه هووار، تُر سیزِنی نی سی فرار

تا گِرّی تِر گِمو میکِم ، بی کَس ئو تنیا بؤرنم

وا ئی همه برار ئو دوس ، جَر میآرم وه دورِ خُم

هِنام وِه کس نمیرسه ، وه ری دو دس ها بورنم

جهو اگر جونی هنی بَکَن دِ نومِ جونِ تو

دس دِی طاله رَشِت بکش بی جو دَ بیلا بورنم

#جهانشاد
۹۵/۸/۲۱

زمی .....زمین
زمو .....زمان
افدانه .....افتاده اند
وایگ ...باهم
امو ....امان
یلا بورنم ....نابودم کنند ، از بین ببرنندم
کلی ...کوی کوچه ای
خِشِ پا ورمیچنم ...آرام و بیصدا پا را بر میدارم
هان.... هستند
نوآ...جلو
همال ....رقیب
مالگه ....جایگاه ، محل اقامت ،خونه ، مالگه وه مالگیا ...از اینجا به آنجا ...به جایی که بخواهند
رکاو ...رکاب دولا ....از ان ور
هار ...پایین
زیقآو ....خونابه ، چرک و خون در هم ، درد دل آکنده از غم
چکچک ....چکه چکه
خین ....خون
گومَلّ.... کف دستان باز شده در کنار هم برای برداشتن آب یا پیمانه کردن برای کاری
اَسر....اشک
موئه ....میشود
دلیم ...بیماری
اِراز ...درد
گله وه گله ....دونه به دونه ، یکی یکی
میحان ....میخواهند
گِه ...که
آزا....سالم ، یکجا ، دست نخورده
تُر ...اثر ، رد
تر سیزنی ...اندازه ی عبور یک سوزن
گرّی تِر ....لحظه ای دیگر
گمو...گمان
تنیا...تنها
جر میارم وه دور خوم ....به دور خودم میپیچم از درد ، اینجا کنایه از بی کسی است
هِنا ...فریاد ، داد ، صدا
هنام ...فریادم


@sherlori

ئی دردِ دل وا بارِ لؤ ، کِردَه گِرفدارِم هَنی

کومِرَه بیئَه وِه دلِم ، باری وِه ری بارِم هَنی

تیری دِچَش،تیری وِه دس تیری دِ نومِ هر دو پا

هم چَشوِرَه تیری تِرِم ، لیوه دِ ئی کارِم هنی

اِراز ئو درد ها دِ کِلِم ، میتاسِنَن خو ئی مِلِم

پیتَه بُره بییَـه دلم ، شیوَنَه هَم شارم هنی

جونِم میا وا سر اگر ، یِه گِل بیای وِه دَمِ در

ها وِه تو بیئِم یِه خَوَر، حلاج وِه ری دارم هنی

آزِ دس ئو پایِ دلم ،آو ئو نون ئو زایِ دلم

تونی مسیحای دلم ، مردَه وُ هم ژارم هنی

جورئو غصه وُ دردِ تو ، کِردَه منِن شؤگردِتو

بیئَه دَ رنگم زردِ تو ،غَمین ئو بیمارم هنی

بیا بو وِه دسگیرِ مِه ، خوتِن بَکو وِه میرِ مِه

نِزیکی ئو هم دیرِ مِه ، چی پار ئو پیرارِم هَنی

جهو وا سیلی دِ چَشِت آزایی دِ جونِش سونِس

بکی ار یِه سیلی تِرِک روزَه وِه شؤگارم هَنی

#جهانشاد


@sherlori

دو چَشیا مَسِ تو ، بُردِنْ قِرارِم

تَلی دو زلفِ سئ زئیَه وِه دارم

گِمو میکِم گِه وا سیلی دواٰرَه

دِ دس بیئم همه دار ئو نِدارم

#جهانشاد


@sherlori

بَزه بارو سیقه رِفتِ گِرونت

تَم ئو توزی دِ ئورِ پُر مِرّونت

بزه بارو وِه ری ئی لَشِ«ِتو» دار

دسِم بِئیرئو حیزِم دی ، دِ شؤگار

بزه بارو ، وِه ریٖ ، زِمینِ ژارِم

چِنو که دردئو غم روئه دِ بارم

بزه بارو وِه ری تژگایِ دردِم

هفارِ غم گِرِت شادی دِ مَردِم

بزه بارو وِه ریفْ ئو رَف تَرِم کو

جومه سؤز ئو رنگینی دِ وَرِم کو

بزه بارو د سینه بی قرارم

کز ئو کورئو غَمین ئو بی سِتارم

بزه بارو بَشور تو ، ئی بَرینِم

دِ پا تا سَر ، دِ سر تا پا ، دَرینم

بزه بارو ، وِه جونِ تو ، «تو»دارم

گِرو دردی ، سئ کِردَه روزِگارم

بزه بارو دلم گَن بی قراره

د شو تا صو ، د صو تاگه ایواره

بزه بارو ، وِه ری دشت ئو دل ئو سر

دِ تُر پایا ، همه چی ، بَزِه وا دَر

بزه بارو ، ِگرو رفتِت وِه ری جار

وه ری دشت ئو وه ری بِرگ ئو وه ری دار

بزه بارو بَشور دس ئو بشور پام

بَشور دِرو ، بشور ننگ ئو، بشور نام

بزه بارو هِناسَه مَنْ ، دِ سینَه

دَ اِشگِس دل دِ درد ئو غم ، دِ کینه

بزه بارو جهونِم پُر دِ خینه

خوئی جم بی ، گَنی بالا نشینه

بزه بارو ، وِه ری هُمار ئو ریْ ماز

بَزِه چی سازِنه هی کو وِه ئی ساز

#جهانشاد

پاورقی
سیقه ....فدات رِفت .....شدت
گرونت ...گران تو نشونم دی ....بهم نشان بده
تَم ...هر نوبت بارش توز ...گرد و خاک تم ئو توزئو ...بارش همراه با کرد و خاک ، به عبارتی یعنی به من اقتدارِتو نشون بده ، جَنَم مِرّون.... درگیری با خود یا دیگری، جنگیدن «تو ».....تب.
گرو ....گران سُخدِنَه .....سوختهاند
لش....جسم ،بدن ، لاشه
بئیر....بگیر. حیزم دی .....منو بردار
شؤء ...شب. ژار...فقیر ، بی چیز ، ندار
چنو ...چنان روئه ...برود
برینم.....برون ، بیرون مفابل درین .....درون ، داخل
تُر ....اثر ، رد گرو رفتت ....گرانترین و شدیدترین بارشِت
جار ...زمینی که شخم زده نشده
بِرگ ......تیغهی کمر و کوه و منطقهای که بلندی باشد در کوه
دار...درخت هُمار ....هموار ، مسطح
هَلپ ...نفسی که ازسینه در موقع سرما میزند بیرون و چون ابر در مقابل چشمانت می ایستد
هَلپِن ...هلپ را
ماز ...بلندی و تپه ، تل. سازنه...زننده ساز

ئی دردِ دل وا بارِ لؤ ، کِردَه گِرفدارِم هَنی

کومِرَه بیئَه وِه دلِم ، باری وِه ری بارِم هَنی

تیری دِچَش،تیری وِه دس تیری دِ نومِ هر دو پا

هم چَشوِرَه تیری تِرِم ، لیوه دِ ئی کارِم هنی

اِراز ئو درد ها دِ کِلِم ، میتاسِنَن خو ئی مِلِم

پیتَه بُره بییَـه دلم ، شیوَنَه هَم شارم هنی

جونِم میا وا سر اگر ، یِه گِل بیای وِه دَمِ در

ها وِه تو بیئِم یِه خَوَر، حلاج وِه ری دارم هنی

آزِ دس ئو پایِ دلم ،آو ئو نون ئو زایِ دلم

تونی مسیحای دلم ، مردَه وُ هم ژارم هنی

جورئو غصه وُ دردِ تو ، کِردَه منِن شؤگردِتو

بیئَه دَ رنگم زردِ تو ،غَمین ئو بیمارم هنی

بیا بو وِه دسگیرِ مِه ، خوتِن بَکو وِه میرِ مِه

نِزیکی ئو هم دیرِ مِه ، چی پار ئو پیرارِم هَنی

جهو وا سیلی دِ چَشِت آزایی دِ جونِش سونِس

بکی ار یِه سیلی تِرِک روزَه وِه شؤگارم هَنی

#جهانشاد


https://tttttt.me/joinchat/AAAAAEB0P3VNuCKJYZqseQ

قِرارِم بُردِنَه چَشیایِ مَسِت

زَنِم وا کُو کَمون ئو سیلِ خَسِت

چَش ئو دِلْ چَش وِه دَر هَم زارئو ژارَن

بَمیرَن جو بَنَن وِه پایِ دَسِت

#جهانشاد

ئی دردِ دل وا بارِ لؤ ، کِردَه گِرفدارِم هَنی

کومِرَه بیئَه وِه دلِم ، باری وِه ری بارِم هَنی

تیری دِچَش،تیری وِه دس تیری دِ نومِ هر دو پا

هم چَشوِرَه تیری تِرِم ، لیوه دِ ئی کارِم هنی

اِراز ئو درد ها دِ کِلِم ، میتاسِنَن خو ئی مِلِم

پیتَه بُره بییَـه دلم ، شیوَنَه هَم شارم هنی

جونِم میا وا سر اگر ، یِه گِل بیای وِه دَمِ در

ها وِه تو بیئِم یِه خَوَر، حلاج وِه ری دارم هنی

آزِ دس ئو پایِ دلم ،آو ئو نون ئو زایِ دلم

تونی مسیحای دلم ، مردَه وُ هم ژارم هنی

جورئو غصه وُ دردِ تو ، کِردَه منِن شؤگردِتو

بیئَه دَ رنگم زردِ تو ،غَمین ئو بیمارم هنی

بیا بو وِه دسگیرِ مِه ، خوتِن بَکو وِه میرِ مِه

نِزیکی ئو هم دیرِ مِه ، چی پار ئو پیرارِم هَنی

جهو وا سیلی دِ چَشِت آزایی دِ جونِش سونِس

بکی ار یِه سیلی تِرِک روزَه وِه شؤگارم هَنی

#جهانشاد

گِرِفْدارِمْ دِ چِنگْ، چَن دردِ کاری

نِهات ئو چَفْد ئو رِزْمَت ، کَچ دِ باری

دِ بالا وُ دِ هارو کَشْ ئو پَلی

مونَن دَس دی مِلِم هِی چی بِراری

#جهانشاد

دو چَشیا مَسِ تو ، بُردِنْ قِرارِم

تَلی دو زلفِ سئ زئیَه وِه دارم

گِمو میکِم گِه وا سیلی دواٰرَه

دِ دس بیئم همه دار ئو نِدارم

#جهانشاد
تلی...یک تارمو
دو...از آن.
زلف سئ...زلف سیاه
کرده وه دارم .....منو به پای چوبه ی دار برده
گمو ...گمان دواره...دوباره
د دس بیئم ....از دست بدهم

بی اسیرِ رنگِ لویا تونو اُو چشیایِ کال

زردَه خَنَه کَنه قؤرِم زیتِری بَنیم دِ چال

دَ دیاره رنگ ئو رییِه پِرِسَم دِ نوم ولات

چی میحایی مَر دِجونِم کِه چِنی کردیمَه نال

هم گرِت لرزِم دوواره ، «تو» نِشِس وی روزگار

رفتِ درد ئو غمِ تو جونِم گِرِت ، بیمَه دَ لال

تا بحا ، ئی دل وِریسَه ، تیرِ هَل دِ چَپئو راس

موئِرَن آزِ سِخونِم میزِنَن دِ نومِ دال

لونَه کِرده ئی همه درد ئو اِراز دِ سیکِ دل

اَسْرِ چَشیاکَم وِرومیرَنْ چِنو چی آوْ گلال

میزنِم وِه گَز دس ئو پان، وا هِزارو رِکئو رَک

هامِه دارِش ها وِه دالِم، جو دِ دل بَکَه رِمال

ئی جهو وا سیلِ چشیا دِرنیا سر تاگَه پان

چی تو کردی وا یِه سیلِت دارِ دل اُفتا شِلال

دلِ« تو »دارم میمیره اَر نیایی وا دیار

نیل بِئیره زیرِ بالِ لَشِ زم دارِم هُمال

#جهانشاد


@sherlori

قِرارِم بُردِنَه چَشیایِ مَسِت

زَنِم وا کُو کَمون ئو سیلِ خَسِت

چَش ئو دِلْ چَش وِه دَر هَم زارئو ژارَن

بَمیرَن جو بَنَن وِه پایِ دَسِت

#جهانشاد

@sherlori

دیئِم موجی دِ دریا نالَه میزَه

دِ سر میکُفت دو دَسی گالَه میزه

میرَد تا اوج ئو چشیاکش وِه رٖیْ دار

لیوه موئی ئو میگوت ، وِه دلِ زار

بئلِم تا گَه بئیرِم ، لیز دِ ساحل

لیوه گَری بَسَه ، بُوئِم دَ عاقل

مِه گه میرِم دِ اوج وا زورِ بازو

مئینِم هَم نِزیک ئو دیر ئو آسو

چی سیم با ، ئی همه ایلا وُ اولا

بئلِم تا جو بَنیم آرِم وِه ریْ جا

روئِم ئو سَرْ بنیم بیکِش وِه ری خاک

وِه چش ئو دل بزنم مُهر ئو هَم لاک

نِمیها یه سرم وا رو یکی هار

همیشه بدتِرِم د پارئو پیرار

وِه گوشِش تُن اوما ئِه موجِ ریْ دار

سی چی وا خوت نمیسازی زِنی جار

وِه هر موجی بَرَسی دردی داره

رنگی رَتَه وُ آهِ سردی داره

تو خیرت ها دِ یَه آرِم نئیری

سرِت اِشگِسَه با تا جون بئیری

وِری رو هم هَنی وا هار ئو بالا

بمیرئو زنه با تا دورِ دنیا

جهو دردی گِرو دِی سینه داره

نِمینی تو ؟ ، دلی بی کینه داره

وِری جم با دواره ، رؤ وه دریا

کٍلِکِت بَک نِشونَه نَزِه وا لا

#جهانشاد


@sherlori

پِریسگی تش نیا ، دِ کویساری

نِشِس کویِ گِرو ، ری جاگَه ژاری

سئ بی چی قیل ئو زَه دَسْیان وِه زونی

رِپِسْ چی کور ئو زَه ، وِه پا بِناری

غمین ئو کِز ئیسا وُ گوت هُمالِم

دِ ویرت نی ، اوسه تَش زِی دِ جاری؟

گِرِت جار ئو کَشِسْ تا مینِ کویسار

چِروئی تش گِرِت وا تیلَه داری؟

دِ سر تا پا گِرِت کُل دارِسونم

زمینم کرد دِ وَر رنگِ سیاری؟

تشِ توزونِ تو شیوَن وِه مِه شار

بَلیئی مَن وِه جا، وا چو چناری

چِنو کردی که بَخد هم وا دلم سوخد

غمی وِم پا گرِت چی برفِ پاری

ننیشِس دل، د پا هَر چن بِرئشدم

کلِک نِشو! مَنِم وِه پا دیواری

شویا تا فردِ صو ،دس وِه « نِزا »بیم

بکه « هُرّ » بلگ ئو بارم ، چی بهاری

گُتِم نیسی ئوُ رت وا تو غَمِ دل

تُمَرزو» های دِ کُُُل پار و پئراری»

هِزارو «گِلّ» گُتِم ، نَزِه دلِمْ تَش

گُتی باید بویی وِه سُخدَه غاری

دونِم* تو *داره ئی گِل کار و بارت

سِخونِم تش نیای زِی وِم چی ماری

چِنو سُخدیم و بُردیم دَ وِه خواری

بیمَه پاسا دِ بَرزی ئو هُماری

چِه پَتْ پَتْ وارِزِسْ کویِ گِرونِم

تَکُ ئو تنیا ، مَنِمْ، وا دلِ زاری

نِمِیْ رَهْ دَ ثمر تا دورِِ دُنیا

اگر کوی بوئه وِه ،گُلگُلَهْ زاری

مگر بخدی خدایی سر بئیره

وِریسَه ری دِلم برفِ نِساری

#جهانشاد

@sherlori

دِ عِشقِتْ دِرنیامَه ئی جِوونیٖم

وِه سیلی دو چَشِت رت زندِگونیم

وِه فیکه ای چِنو تَش زی دِ جونِم

دِ نُوکِ پا گِرِد تاگَه ْ پیشونیم

گِرّونی پُر دِ دی ، دی سینَه دارِم

دِ نوم چَشْیا نِشِس تیری نِهونیم

وِِه هر جا می کَشِم سَر لیوَه آسا

گِه بیٕرِم تُر دِ تو یا گه نِشونیم

نِمی آرم وِه دَس جُز دردِ عشقِت

گِلولَمْ کِرد ئو دَسیا ها وِه زونیم

جهو روزی وِه سالی وِش میره سر

چِنو بی دس وِه تُوکِر می کَشونیم

مَنَه نویی ، مَرِزْیا دل ، دَسِ تو

چِنی وٰارِزَنی دارِ جِوونیم

#جهانشاد

پاورقی
وِه ...به. ئی....این
دِ ....از
دِرنیامَه .... باخته ام ، از دست داده ام
رت ...رفت
فیکه ...سوتک ، یعنی با یک اشاره
زی....زدی گِرّونی پُر د دی. ...آتشی پر از دود
دی سینه ...در این سینه
بیرم ..بگیرم تُر ...اثر ، رد
گِلولَم کِرد ....مچاله ام کرد
چنو بی دس وِه توکر .... آنچنان تو بدون استفاده از دست و وسیله منو به دنبال خود بر روی زمین میکشانی
تُوکِر ...روی زمین کشاندن
ها .....هست
منه نویی ...مانده نباشی
مرزیا ...مریزاد
چِنی ....اینچنین وارِزَنی ....از هم پاشیدی ، ریختی به هم ، تکه تکه کردی
دار. ...درخت


@sherlori

چوءِ هِزاره وَنَه دل ، اُقَه اوما وُ رَت وِه در

دل چَشوِره گِه مونگ دِرا چش یِسِرَه ها وِه خَوَر

کِرده گُرٌآو دسیا وُ پا ، میکِم کیشَه بارِ لؤئِن

وِم کردَه کاری لرز ئو تو ، مُردِم دِ ئاوارِ لَپَر

تش گِرِته جارِ دلم یِه دارِ سُخده ها وِه جاش

دیلَه گِرِته سیکِ دل ، تنیا مَنِم دِ ئئ کَپر

اَمْ گیرِ تو بیمه چنو ، وا تشبریقی تِر دِ جو

چی تیخِ تیزی بَزِنی وِه دس ئو پایِ دل تَوَر

یا میزنی تو مِن وِه دار یا میزِنِم مِه دَ وِه بار

ها دِ چِنگِت بیلِم همه ، دِ خینِ مِه بَکَن لَوَر

سی دییِنِ چشیایِ تو گَشدِم همه زارئو زِمی

اُفتا وِه بُر ئی دلِ تَر ، وا گامولَه دِ پا کمر

درد ئو دِلیمَه سی جهو ، کِردَه دلِم پُر دِ اِراز

داری و درمو ها وِه کا؟ زیتِر بَنیتو دَ چَمَر

#جهانشاد

وَنه...انداخته است
اوقه....آنقدر. اوما و رت.....آمد و رفت
خَوَر بیدار
گُرّآو...تاول. کیشَه....عمل جمع کردن محصول در یک جا
« تو»...تب. لَپَر...کهیر
دیلَه ...دوده. تشبریق....رعد و برق
تیخ...تیغ. تَوَر....تبر. خین....خون.
لَوَر....یعنی خوردن حیوانات و یا انسان به سبزه و غذا
در واقع عمل خوردن است
یکاگیرن ...متحد هستند هم پیمان هستند
اَم گیرِ....غافلگیر .،ناگهانی ، درکمین کسی ایستادن و گرفتن
دلیم یا دِلیمه ...مریضی و بیماری و ناراحتی
اِراز....درد ،غصه
گاموله ....چهار دست و پا رفتنددر دوران کودکی
داری و درمو ها وِه کا ...کجا هست یعنی دوا و درمانی نیست
زیتِر....زود تر
بنیتو ....بگذارید
چمر....مراسم خاکسپاری ترحیم و فاتحه


@sherlori

داره غمی هر شؤ دلم ، دییِه غصَه ها دِ کِلِم

دیله گِرت سیکِ دلم ، بارِ دِلم ها دِ مِلم

بی تو دسِم ها وِه زونی ، اورِ گِریوََم دِ کِزی

بارون ئو اَسْرِ چَشِ دل، رِفتِ غمت سوخدَه دلم

روزِ نهاتم که رَسِس دل دِ دَست دس دَ کَشی

بارِ لؤئِم بییَه دیار ، بُرِسَه هم سر ئو پَلِم

دارِ سؤزِ بلنگِ تو ، دَسمَرَسَه سی دلِ مِه

تیز بالِ دالِ تو وِه کا ، نه مِه که یِه کورَه مَلِم

سؤزِ رَنگِ رییِ بهار نیشِسَه کُل وه سَرِ یار

دَشدِ «تو» دار سی نمی آو ، ری تُکِ هر حُشگَه تَلِم

تو زِلِ روزی دِ زمو ، دِرزَمه آسارَه دِ شو

روزِ دلم نیرِ تونه ، زی تو درا ، کورَه کَلِّم

هر شو مِرو داره جهو وا دلِ لیوَه دِ کَمو

پورِسه غم وا سنونی ، اِشگِسَه دَ پایِ شَلِم

#جهانشاد

می حوا بَپُرسِم حالِ تو ، بُردَه قِرارِمْ خالِ تو

لیفی د نومْ دلْ میکَشَه ،او رنگِ چَشیا کالِ تو

شویا وِه هر در تاسِحَر ، دِلْ ها دِ «تو» چَش وا خَوَر

دل می وَنِم گِز موئِرِم ، گوشِم زِرِس وا تالِ تو

ناریْ خَوَرْ دِی دل مگر، چی هیمه ئی سوخده دو سر

چی چُومَتی هی دیٖ مئکَه ، اوقَه نِشِس وِه دالِ تو

میای ئو هم میری وه در ، بی کِش ئو آرِم بی ثمر

چونی یکی ئِه تیلِ تر ، می میره دو خیالِ تو

دل چشوِرَت مَن وی طما ، وا گوشَه چَش میکَت هنا

ئِه کافِرِه مِه کافِرِم ، سی قول ئو هم سی قالِ تو

وِا پایِ دل هم هی هَنی ، بارِم ئو زخمی پا پتی

داری وِه دَس داری دلم ، مُردِم دِ تیزی یالِ تو

آزا نه زَمدارم مِری !، آزِم بُرِس وا چوکنی

هر چَن بَکی تو ساحِری ، آخِر زِوونِم لالِ تو

تو عاشقی یا ئی جهو آسایِ دل وا دل بمو

جونِم وِه لؤ اُوما وُ رت ، تا تِه خدا وا بالِ تو

#جهانشاد


@sherlori

پِریسگِ عِشقِ تو تَش وَن دِ جونِم

دوس ئو دُشمِه همه موئَن دِ تونِم

بِلازَه عشقِ تو دِ دیر دیارَه

شونی کِز وا رنگی سئ بی نِشونم

#جهانشاد


@sherlori