ایما بُرّیی دِ یَک تیچسه ایم لر
یکی شاعر, یکی چی تش گُرگُر


یکی کُرّ کورش و ریشه هخایه.
او باقی نقره و ای یک طلایه


یکی ماد و یکی فکر فریبه
یکی پی پایتخت و بی نصیبه

یکی مون میزنه طبل جگایی.
یکی نادونَ خو, خواهی نخواهی

یکی دٍ لیغن آو ,وِ فکر ماهی
یکی سردار بی اسب و سپاهی

یکی شو خاو میینه, کردسونی.
بیه واش دس برار ,جون و جونی

یکی دِ قورسو کیخا می جوره
یکی تا. صوُ میاره پا وَ موره

بُرّیی شیرَ جوون دِ ای حوالی
وِ دَلیا دِل زِیّه وا دس حالی ,



درین شو کوه غیرت سَر پُرّ هوش
نه پا موُنَن نه. مِفتَن دِ تک و توش


یکاگیری فقط چاره لرونه
یکاگیری بهار لُرِسُونه

دِ ایلام, بختیاری لر فقط لر
اگر پشت دِیّیَن وِ یک وا سینهء پُرّ

تُونُ , مِنّیّ اگر دِ نوم وریسه
اگر پشت دیّین وِ یک بی خاصه پیسه

قسم ! سربرزی و دورِ لرسو
وِ دس میا چنی آسون آسو

بزه سرنا د ایلام , آسماری
دِ خرماوه وریسه بخت یاری

زِلِ بخت لُرون باید دِرآیه
یکاگیری سی زخم لر دَوایه

#رضا_جهانی_نهاوندی
#مینجایی

@lorhayetehran

مِ تیر بارون چَش کالِتم دوس

مِ پرچینی وِ دور خالِتم دوس


اگر ساتی دِ حالِت بی خَه وَر بام

خیال ناخوش وِ پی اَ والِتم دوس

#رضا_جهانی_نهاوندی
۱۳ بهمن ۹۵

چش= چشم
سات= ساعتی
اَوالِتم= احوال ات هستم


🆔 @zakhmea