Дилшодбек Мусабековга сўнгги тилак.

Чин сафарга отланган Укам,
Пок иймонинг ҳамроҳинг бўлсин.
Карами кенг, яратган Эгам,
Манзилингни жаннатдан қилсин.

Ташвиш қилма, ўтар ғам-ғусса,
Хамма ўз иши билан юрибди.
Ўзгармади Ерда хеч нарса,
Ёлғон дунё – шундай турибди.

Фақат… Онанг… Бечора шўрлик
Шум тақдирга кўна қолмайди.
Дилшодини тупроққа қўйдик,
Бошқа Дилшод туға олмайди…

✍️ Олимжон Худайназаров

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

*РЎЗА ТУТАЙЛИК ЭНДИ*

Замин уйғониб аста,
Баҳор нафаси елди.
Баҳорданда гўзалроқ,
Дўстим, Рамазон келди!
Рўза тутайлик энди.

Занжирбанд бўлди шайтон,
Уйғонсин қалбда иймон,
Ғафлатга бермай имкон,
Покланиш вақти келди,
Рўза тутайлик энди.

Ёш, қари, камбағал, бой,
Жойнамоздан олиб жой,
Аллоҳ учун шу бир ой,
Ибодат вақти келди!
Рўза тутайлик энди.

Тутиб нафснинг жиловин,
Енгиб сабр синовин,
Зам-замдек бўлинг доим,
Мақсад, Жаннатдир энди!
Рўза тутайлик энди.

Рўза тутсин кўзингиз,
Оёғингиз, қўлингиз,
Тилингиз ҳам, дилингиз,
Тавбада бўлсин энди!
Рўза тутайлик энди.

Келинг, бирга сиз билан,
Рўза тутайлик энди...

Қўшиқ учун: 🎙Shaxzod Rajabov га берилди!

✍Абдумуталиб Эргашалиев


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Эркакни ори бӯлсин

Омади кулмаса ҳам,
Давлати бӯлмаса ҳам,
Юраги тӯлмаса ҳам,
Эркакни ори бӯлсин.

Мансаби кетса кетсин,
Лавзи, ори кетмасин,
Савлатин ерга тӯкиб,
Қадри арзон ӯтмасин.

Орисиз ҳамият бӯлмас,
Қалбига иймон тӯлмас,
Иснод, уятга қолмас,
Эркакни ори бӯлсин.

Эгилмасин хеч боши,
Оқмасин кӯздан ёши,
Синмасин ғамдан доши,
Эркакни ори бӯлсин.

Ғурури устун келсин,
Ғаними доғда қолсин,
Шарафи билан ӯлсин,
Эркакни ори бӯлсин.

✍ Юсупова Зулфия Рӯзивой қизи.


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

*СЕНИ ТОПДИМ ИЛК БАҲОР КУНИ*

Сени топдим илк баҳор куни,
Кун ёришиб кетди офтобсиз.
Руҳ уйғонди, ишқ қамраб мени,
Сенга кўнгил қўйдим ҳисобсиз..

Сени топдим илк баҳор куни,
Дилга тушди оташли бир чўғ.
Ишон! Ўша баҳордан бери,
Мен ўзимни таниганим йўқ.

Сени топдим, илк баҳор куни,
Замин қадар бўй чўзди ҳислар.
Сароб эмас, ўнг бўлиб келди,
Мен хали умримда кўрмаган тушлар.

Сени топдим, илк баҳор куни,
Нигоҳлар тўқнашди лабларимиз жим,
Кўзлар сўзлашганда, юрак энтикиб,
Мухаббат-ла тўлди, қалбларимиз лим.

Сени топдим, илк баҳор куни,
Қалам, чорлайверди шеър ошиёнига.
Мисралар сўзлайди изҳорларимни,
Мен исмингни ёздим, исмим ёнига.

Сени топдим, илк баҳор куни,
Ёмғирлари ювар кўнглим ғуборин.
Баҳор келган билан, унутма шуни,
Сен олиб келгандинг бахор ифорин!

Сени топдим, илк баҳор куни...

✍Абдумуталиб Эргашалиев

Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади)

https://xn--r1a.website/+PBE4iXYSD3NPX6fl

Ⓜ️anba: @sherlar


       

«ТАБРИКНОМА»

Не сўз билан бошлашга хам ўланаман,
Қандай табрик йўллайин деб қийналаман,
Сизга совға излаб дўкон айланаман,
Айтинг менга бўлса бирор камингиз?
Қутлай ахир, бугун сизни байрамингиз!

Онам, опам, синглим яқин суюклигим,
Сиз бор асли шунда мени буюклигим,
Сиз йўқ унда уйда бизни кутади ким?
Бизга олий неъмат сизни борлигингиз!
Қутлуғ бўлсин қадрлигим байрамингиз!

Гохо битта ширин сўз хам айтолмаймиз,
Ранжитамиз кўз ёшингиз артолмаймиз,
Узур сўраб бир дона гул тутолмаймиз,
Бугун сизга қайтарайин хуш дамингиз,
Қадрлигим қутлуғ бўлсин байрамингиз!

Хар кун сизга пешвоз рўзғор юмушлари,
Супир-сидир яна фарзанд ташвишлари,
Парвойимиз келмас сиздан кетиб нари,
Қадрига хам етмаймиз гох мехнатингиз,
Қадрлигим қутлуғ бўлсин байрамингиз!

Сахар туриб тандирларда ёпасиз нон,
Фаранг бўйи келмас сизда жамбил райхон,
Турмушиздан нолимайсиз сиз хеч қачон,
Ўзим олай бугун барча ғамларингиз,
Қадрлигим қутлуғ бўлсин байрамингиз!

Қулоғингиз тўлди қанча эртакларга,
Ваъдаларни бериб йўйдик эрмакларга,
Худо инсоф бериб бу кун эркакларга,
Бахт қувончга тўлдиришсин кўзларингиз,
Қадрлигим қутлуғ бўлсин байрамингиз!

Аёлини эъзозлаган эрлар обод,
Аёлларни эъзозлаган юртлар обод,
Кўрмоқ насиб бўлсин, доим сизларни шод,
Бахтимизга омон бўлинг хар бирингиз!
Азизларим қутлуғ бўлсин байрамингиз!

8-Март Халқаро Хотин-қизлар куни байрамингиз билан чин дилдан табриклайман!

✍Aбдумуталиб Эргашалиев


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Онам кутяпти

Келармикан,- деб болам,
Йӯлга боқиб ҳар қадам,
Дарди ёнган ӯт билан,
Онам мени кутяпти.

Бир чидолмай бир чидаб,
Изларимга чох қадаб,
Соғинчидан қалб ӯртаб,
Онам мени кутяпти.

Эгиляпти ой боши,
Тӯкиляпти кӯз ёши,
Ӯтмаяпти хеч оши,
Онам мени кутяпти.

Дийдоримни кӯролмай,
Кӯзларимга қаролмай,
Давронини суролмай,
Онам мени кутяпти.

Борсам кӯнглин бир олай,
Бахтга тӯлиб бой бӯлай,
Гижинглаган той бӯлай,
Онам мени кутяпти.

✍ Юсупова Зулфия Рӯзивой қизи.

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Мадинада яшагим келар

Дунё ғамин ортимга ташлаб,
Соғинчлардан кӯзларим ёшлаб,
Қадамларим бахт тамон бошлаб,
Мадинада яшагим келар.

Ҳикмат битган кӯчаларида,
Сакинат бор кечаларида,
Нур таралган дарчаларида,
Мадинада яшагим келар.

Расулимни (с.а.в)изларин қучиб,
Чин иймонни йӯлларин очиб,
Мол-у дунё баридан кечиб,
Мадинада яшагим келар.

Уфқдан майин шамоли елар,
Жаннатларни ифори келар,
Шайтонларни нафаси бӯғар,
Мадинада яшагим келар

Армоним у оғрир юрагим,
Ушалсайди орзу тилагим,
Ярим танам, ярим бӯлагим,
Мадинада яшагим келар.

Рози эдим тӯкилса қоним,
Фақир ӯтса ҳар куним, оним,
Тупроғида чиқсайди жоним,
Мадинада яшагим келар.

✍ Юсупова Зулфия Рӯзивой қизи

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

«РАМАЗОН ХАЙИТИ МУБОРАК»

Гунохлардан покланиб бир ой,
Сабр ила Рýза тутганлар,
Виждони бут иймонлари бой,
Яратганнинг йўлин тутганлар.

Хамрох бýлсин сизга яхшилик,
Хамрох бýлсин яхши амаллар,
Бу дунёда кýпайсин сиздек,
Ҳудо деган яхши одамлар.

Бахт, омад сизга доим ёр бýлсин,
Аллох умрингизни зиёда килсин.
Муборак кунларда келган бу айём,
Ийд Рамзон Хайити! Муборак бýлсин!

✍Абдумуталиб Эргашалиев

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

#ПРЕМЬЕРА

🔥Сиз мени севсангиз бўлгани Она...

Қуёшга интилиб жоним ҳалакмас,
Осмонни кўзламоқ менга бегона...
Кўнглимга ўзгалар ишқи керакмас,
Сиз мени севсангиз бўлгани Она...

Парвойим бўлмайди дунё гулига,
Майлига тушмайин диллар дилига,
Исмим олинмасин ишқлар тилига,
Сиз мени севсангиз бўлгани Она...

Қизиқмас фалакнинг юлдузу ойи,
Қизиқмас гўзаллар қошининг ёйи,
Сизники кўнглимнинг энг гўзал жойи,
Сиз мени севсангиз бўлгани Она...

Юракка битта ишқ кифоя асли,
Ёнимдасиз гўзал умримнинг фасли,
Эй менинг мунисим гулларнинг насли,
Сиз мени севсангиз бўлгани Она...

Меҳрлар қидириб зор бўлмас таним,
Дуолар қилсангиз юксалар шаним,
Юзлари нурлигим жаннатим маним,
Сиз мени севсангиз бўлгани Она...

Қуёшга интилиб жоним ҳалакмас,
Осмонни кўзламоқ менга бегона...
Кўнглимга ўзгалар ишқи керакмас,
Сиз мени севсангиз бўлгани Она...

📝Муаллиф: Зоҳид Зиё...

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

*СИЗНИ КЎРГАНИМДА ЁР*

Дилгинам шавққа тўлар,
Кўзларим завққа тўлар,
Севгига ман ғарқ бўлар,
Сизни кўрганимда ёр.

Ўнг бўлиб кўрган тушим,
Бошга қўниб бахт қушим,
Йиғолмайман эс-ҳушим,
Сизни кўрганимда ёр.

Нурга тўлар ҳар таъраф,
Гулга тўлар ҳар таъраф,
Ғамлар бўлар бартаъраф,
Сизни кўрганимда ёр.

Сиз чиройда беқиёс,
Қандай бўлмай ишқибоз?
Ортар дилда эҳтирос,
Сизни кўрганимда ёр.

Лов-лов бўлиб ёнаман,
Ҳа, чиндан ҳам севаман,
Ҳаммадан қизғонаман,
Сизни кўрганимда ёр.

Меҳрингизни сезаман,
Бахтдан сармаст кезаман,
Қалбга сизни чизаман,
Сизни кўрганимда ёр.

✍Абдумуталиб Эргашалиев

Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади)


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Зўридан қолар дунё бу

Керилма пулинг тошиб кетса ҳам
Омад ҳамиша қўлинг тутса ҳам,
Бир чизиқ бўйлаб айланмас олам,
Зўрни зўридан қолар дунё бу.

Мағрур тоғлар ҳам қулар бир куни,
Тўкин ҳаётни бордур якуни,
Бўридан абжир чиқар сиртлони,
Зўрни зўридан қолар дунё бу.

Не-не шохларни ўтди даврони,
Хеч кимни абад учмас кетмони,
Мансаб бандага келар интихоми,
Зўрни зўридан қолар дунё бу.

Оёқ остида чанг тўзган тупроқ,
Бир кун устингни қоплайди мутлоқ,
Осмондан ерга тушгин сал пастроқ,
Зўрни зўридан қолар дунё бу.

✍️ Юсупова Зулфия.

Мурожат учун: @ZulfiyaSherlari


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

*ЧИРОЙДА ТЕНГСИЗГИНАМ*

Юзлари гулюзгинам,
Кўзлари юлдузгинам,
Чиройлисан оҳ, бирам,
Чиройда тенгсизгинам.

Умримга кириб нурдай,
Очилдинг мисли гулдай,
Тушимда кўрган ҳурдай,
Чиройда тенгсизгинам.

Сарви қоматинг ниҳол,
Қошларинг ҳилол, ҳилол,
Лабинг ғунча, сўзинг бол,
Чиройда тенгсизгинам.

Сочинг силаса шамол,
Сени ёт, сурса ҳаёл,
Рашк қилсам олма малол,
Чиройда тенгсизгинам.

Кулгуларинг соф, қувноқ,
Кўрсам кўнглим бўлар тоғ,
Гўзаллардан гўзалроқ,
Чиройда тенгсизгинам.

Маст қилгудек ифоринг,
Дилингда йўқ ғуборинг,
Ўзимман вафодоринг,
Чиройда тенгсизгинам.

Чиройда тенгсизгинам,
Ой юзинг нурли бирам,
Сен мен учун энг гўзал,
Ҳар қандайин ёшда ҳам..

✍Абдумуталиб Эргашалиев

Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади)


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Жигарларим кӯргим келади

Олислардан битта бӯлса ҳам,
Рӯзғорларим тӯлмай қолса ҳам,
Ташвишлари ӯраб олса ҳам,
Жигарларим кӯргим келади.

Иссиққина нонларни олиб,
Бир кунгина мехмони бӯлиб,
Дийдорига кечалар тӯйиб,
Жигарларим кӯргим келади.

Ҳар замонда уйларин йӯқлаб,
Меҳрга зор кӯнглимни тӯқлаб,
Қариндошлик хаққимни оқлаб,
Жигарларим кӯргим келади.

Дунёга тенг яқинларим бор,
Омад доим менга бӯлар ёр,
Қувончлардан қалбим бахтиёр,
Жигарларим кӯргим келади.

Кӯрмасам гар хасрат тӯлади,
Қайғу қамраб армон тилади,
Соғинганлар дардим билади,
Жигарларим кӯргим келади.

Яхшиям бор қадрдонларим,
Ёлғиз қӯймас меҳрибонларим,
Бағри олам бир жахонларим,
Жигарларим кӯргим келади.

✍ Юсупова Зулфия.

Мурожат учун: @ZulfiyaSherlari


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

"Бевафо"! 💔

(Qo'shiq bob Sher)

Тақдиримдан ўргилай,
Қилиб қўйди, бедаво,
Азобда қолдим, нетай,
Севмаган қиз, бевафо!

Бошим қотти, чора йўқ,
Юрагимга санчди, ўқ...,
Кўнгли йўқни, кўнгли тўқ,
Севмаган қиз, бевафо!

Нағмаси жондан ўтди,
Бепарво бўлди, кетди,
Манзилга бизсиз, етди,
Севмган қиз, , бевафо!

Бой боласин, суйган қиз,
Тиллоларга учган, қиз..
Бағримизни тилган қиз
Севмаган қиз, бевафо!

Менсиз майли, бахли бўл,
Ишқим увол, билиб қўй,
Ёр ёнида, боссин ўй...,
Севмаган қиз, бевафо!

✍: Сайфуров Фаррух шоир.


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

*СЕВАМАН*

Ойнинг нурини олган,
Юзларингни севаман.
Болдан тотлироқ билсанг,
Сўзларингни севаман.

Ҳар кўрганда жон ҳалак,
Айтолмайман ўзингга.
Мени телбалар қилган,
Кўзларингни севаман.

Денгизлардек мавжланган,
Сочларингни севаман.
Мени дея авжланган,
Ҳисларингни севаман.

Чақирсам лаббай деган,
Сўзларим, кўздан билган,
Мен томон босиб келган,
Изларингни севаман.

Ишқ синов бу инсонга,
Ташлар минг имтихонга,
Юрагинг мен ёмонга,
Жизларини севаман.

Сенсан бахтим, омадим,
Меҳринг дилга роҳатим,
Ҳузурим, ҳаловатим,
Сени жондан севаман.

Юзларингни севаман,
Сўзларингни севаман,
Мени шайдо айлаган,
Кўзларингни севаман.

✍Абдумуталиб Эргашалиев

Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади)


https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Онанг бӯлмаса

Азиз меҳмон эдинг онанг борида,
Ӯтирардинг уйнинг тепа тӯрида,
Ӯксиниб қоларсан қадринг зорида,
Уйда кутадиган онанг бӯлмаса.

Сиғмаган юрагинг тополмайди жой,
Совуққон узатилар бир пиёла чой,
Савлатинг даврада сочмайди чирой,
Уйда кутадиган онанг бӯлмаса,

Қувончлар йӯқолиб хувуллар уйлар,
Тӯрт девор ичида мотамли куйлар,
Бағрингни тӯлдириб ӯтмайди тӯйлар,
Уйда кутадиган онанг бӯлмаса.

Қадамлар узилган жимжит остона,
Борар манзилинг ҳам файзсиз ғамхона,
Дардларга кӯмилган қалбинг вайрона,
Уйда кутадиган онанг бӯлмаса.

Оиланг осуда болаларинг шӯх,
Оллоҳга шукрки ҳар кун қорнинг тӯқ,
Аммо қайғулардан санчилади ӯқ,
Уйда кутадиган онанг бӯлмаса.

"Болам" деб,- куярди жонидан ортиқ,
Йӯлинга кӯз тикиб кутарди интиқ,
Қалбан хеч ким меҳрин қилмайди тортиқ,
Уйда кутадиган онанг бӯлмаса.

✍ Юсупова Зулфия .

Мурожат учун: @ZulfiyaSherlari

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

*МУСОФИРГА ТУТМАНГЛАР ОСОН *

Соғинч эзар дилини ёмон,
Ризқин териб кезмоқда жаҳон,
Пулга тўлиб борса-да ҳамён,
Мусофирга тутманглар осон.

Еган нони қотган бир бурда,
Тиним билмай ишлайди кунда,
Рўзғорни бут қилиш мушкулда,
Мусофирга тутманглар осон.

Жазирама ёзми, фарқи йўқ,
Ишлар, қишнинг қахратони жўғ,
Кел, исиниб ол, дегувчи йўқ,
Мусофирга тутманглар осон.

Сиз ухлайсиз, хотиржам тунда,
Ҳаловат йўқ, бедорлик унда,
Қийин, қийин, шунга қийин-да,
Мусофирга тутманглар осон.

Куйса жони куяр онаси,
Дуо қилар доим отаси,
Йўлин пойлаб кутар оиласи,
Мусофирга тутманглар осон.

Хавас эмас унга ҳам ахир,
Ҳаёт мажбур қиларкан ахир,
Синовларга жим қилар сабр,
Мусофирга тутманглар осон.

Неки топса, ҳалоли бўлсин,
Меҳнат қилиб роҳатин кўрсин,
Соғ-саломат уйига келсин,
Мусофирга тутманглар осон.

✍Абдумуталиб Эргашалиев

Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади)

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

#PRЕMYERA

🔥Meni ishqim yedi Ona, yedi Ona...

Yuzlarimda kulgular bor edi Ona,
Yuragimda tuyg‘ular bor edi Ona,
Xolin ko‘ring endi mag‘rur bolangizni,
Meni ishqim yedi Ona, yedi Ona...

O‘xshab qoldim bugun motamsarolarga,
Quvonchi yo‘q g‘amgin baxti qarolarga,
Tuzlar sepib qalbimdagi yarolarga,
Meni ishqim yedi Ona, yedi Ona...

Alamlar ko‘p ko‘ngilginam dargohida,
Nishondaman armonlarning nigohida,
Asrolmadi muhabbat ham panohida,
Meni ishqim yedi Ona, yedi Ona...

Qo‘l cho‘zganim qo‘llarimdan yiroq bo‘ldi,
Baxtmikan deb intilganim firoq bo‘ldi,
Oh umrimning qolgan qismi so‘roq bo‘ldi,
Meni ishqim yedi Ona, yedi Ona...

Bir paytlar kular edim endi esa,
Dod solaman kimdir holing qanday desa,
Hamma odam ishq qo‘lidan asal yesa,
Meni ishqim yedi Ona, yedi Ona...

Yuzlarimda kulgular bor edi Ona,
Yuragimda tuyg‘ular bor edi Ona,
Bir quchoqlang endi g‘amgin bolangizni,
Meni ishqim yedi Ona, yedi Ona...

📝Muallif: Zohid Ziyo...

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Ўзгарган дўстим

Салом аликларинг наридан бери,
Худди бу оламда сендан йўқ зўри,
Сени дўст билганим пешонам шўри,
Пуллари кўпайиб ўзгарган дўстим.

Давралардан кўнглинг безор бўлибди,
Кекайган гавданга кибр тўлибди,
Бойлик иштиёқи не куйга солибди,
Пуллари кўпайиб ўзгарган дўстим.

Оқибат риштаси олислаб ўтди,
Вафоинг тиллога сотилиб кетди,
Ҳаётинг зўр экан қулоққа етди,
Пуллари кўпайиб ўзгарган дўстим.

Унутма ҳаммамиз оддий бандамиз,
Ким паст-у ким баланд синов кундамиз,
Омонат дунёда кетар жондамиз,
Пуллари кўпайиб ўзгарган дўстим.

✍ Зулфия Юсуф.

Муоожат учун:@Zulfiya_Yusuf

https://xn--r1a.website/+PBE4iXYSD3NPX6fl

Ⓜ️anba: @sherlar


        ⭐#Yulduzchani_boss👇

Рӯмолингни ӯраб ол қизим

Дунё сени алдаб қӯймасин,
Ота - онанг ӯтда куймасин,
Майли хеч ким ёниб, суймасин,
Рӯмолингни ӯраб ол қизим.

Кӯз, кӯз қилма қош- кӯзингни,
Бежантирма ойдин юзингни,
Номахрамдан асра ӯзингни,
Рӯмолингни ӯраб ол қизим.

Чиройингни бозорга солма,
Пардаси йӯқ дераза бӯлма,
Махшар куни уятда қолма,
Рӯмолингни ӯраб ол қизим.

Беш кун дунё ӯтиб кетади,
Бир кун қуёш мангу ботади,
Сабр қилган бахтга етади,
Рӯмолингни ӯраб ол қизим.

Ҳавас қилма яланг бошларга,
Дунёга ӯч қалби тошларга,
Охиратда йиғлар  ёшларга,
Рӯмолингни ӯраб ол қизим.

Гарчи улар кӯрсалар ёмон,
Оллоҳ сени қӯллагай ҳар он,
Унутмагин бу дунё ёлғон,
Рӯмолингни ӯраб ол қизим.

Ҳар фарзида бӯлсангда қоим,
Панохида юрарсан доим,
Иффатингни сақла гулойим,
Рӯмолингни ӯраб ол қизим.


✍ Зулфия Юсуф

❌Муаллиф рухсатисиз тегилмасин.Марожат учун @Zulfiya_Yusuf


https://xn--r1a.website/+PBE4iXYSD3NPX6fl

Ⓜ️anba: @sherlar


      👍  #like_boss 👇