Адашиб бораман бу тинч шаҳарга,
Мени қаршилайди тераклар, толлар.
Кўчани уйғотиб сокин саҳарда
Қайгадир боради саҳархез чоллар.

Баҳор кўчабоғда айланар синчков —
Яшашга ким қобил?— ўтказар кўрик.
Қуриган олмани кесади биров,
Шундоқ кўз олдимда гуллайди ўрик.

Ёлғиз чой ичаман.
— Келинг, эй меҳмон!
Қўлимни кўксимга қўяман: — Раҳмат!
Биламан, илтифот озгина ёлғон,
Аммо дилга ёқар бу содда шафқат.

Дўкончи жувонлар кулишар майин,
Ҳазил тушунишар жиддий сўзимни.
Кейин...Бир дераза ортидан — тайин!—
Мен кўриб қоламан сенинг кўзингни.

Учиб ўтиб кетар орадан йиллар...
Бир куни мен сенга бераман савол:
— Ёдингдами, ўша тинчгина шаҳар,
Қатор-қатор терак, қатор-қатор тол?

— Тол? Терак? Қаерда?— Ўйга толасан...
Мен сени қийнайман:— Эслагин бир бор
Кўрмагансан, аммо эслаб қоласан,
Терак қатор-қатор... Тол қатор-қатор...

Аччиғинг чиқади:— Ҳар кун шу аҳвол!
Ухлайман. Чироқни қўйсанг-чи тўсиб...
"Қатор-қатор терак... Қатор-қатор тол..."
Мен шеърлар ёзаман шу кеча ўксиб.

Усмон Азим

@sheriyatuz

У боғда сен қолдинг-
Дарахтлар билан.
Қушлар билан қолдинг. Тушларинг билан...
Юрагингдан мени айладинг барҳам,
Қандайдир беқайғу ишларинг билан.
Бегона мавзулар суҳбатидан танг
Сўзларингда нега шеър йўқ? Билмайсан.
Фақат қуриб қолган дарахтни кўрсанг,
Йиғлайсан...
Негадир ўксиб йиғлайсан.

Усмон Азим

@sheriyatuz

Азизим! Нақадар шеърга ўхшайсан!
Эсласам, нурланар руҳим ёруғдан,
Эсласам, ғижимдир дилим оғриқдан...
Сен сўзда то абад қолмоққа шайсан -
Магарким, шеър ёзсам, кечиб борликдан.

Сен - шеърсан! Етмоққа қайдадир сабот -
Гар ишқнинг ошкормас, пинҳонидаман.
Пинҳоннинг беқарор бир ҳолидаман...
Сен йўқсан - тош ичра қоқяпман қанот,
Сен йўқсан - фалакнинг зиндонидаман.

Усмон Азим

@sheriyatuz

Қачон келасан.

( Ишларини бахона қилиб қари ота-онасини холидан вақтида хабар
олмаган айрим фарзандларга).

Сизни роса кўргим келади, дейсан,
Юраккинам шуни тилайди, дейсан.
Бугун бор, эртага недир билмайсан,
Соғинганда келмасанг, қачон келасан.

Йўлларингга боқиб, кўзим нигорон,
Сени кутмаганим, йўқ, куним бирон.
Асрдек ўтмоқда хар лахза, хар он,
Соғинганда келмасанг, қачон келасан.

Тўрт девор ичида ўтирибман жим,
Холимни сўрашга келар аллаким.
Жимирлаб кетади шунда бир этим,
Соғинганда келмасанг, қачон келасан.

Биламан юрибсан, дунё топай деб,
Рўзғор камчилигини тезроқ ёпай деб.
Мен эса ташнаман мехр кўрай деб,
Соғинганда келмасанг, қачон келасан.

Асло кафил йўқдир ширин жонимга,
Хабарлар ёзасан телефонимга.
Яхшиси ўзинг кел, тезроқ ёнимга,
Соғинганда келмасанг, қачон келасан.

Кеча ўтган эди, бугун хам ўтди,
Эртанги тақдирга нималар битди.
Шу зайлда умрим манзилга етди,
Сен хозир келмасанг, қачон келасан.

Шухрат Шукур

@sheriyatuz

Yigit paxsa urmoqda.
Ayol belkurakda loy uzatar.
- Tohir, - dedim,
Yigit qayrilmadi.
-Zuhra, -dedim,
Eshitmadi ayol.
- Sevgingiz haqida so'zlab bering, - dedim.
Uzoq o'yga toldilar...
- Hech narsa esimizga tushmadi, -
G'amgin jilmaydilar, nihoyat.

✍ Usmon Azim

@sheriyatuz

Саҳна узра порлади чироқ,
Ноталардан қўзғалди Мотсарт
Ва актёрнинг дилида титроқ
Кўзин очди -
Энди ўлмоқ шарт!
Ёш режиссор худодай якка,
Душман каби бешафқат,беқалб.
У актёрни тираб деворга
,Ишонтиргин!’‘ - деб қилар талаб.
,,Шундай ўлмоқ керакки... ’’ Қўлин
Силкиб-силкиб уқтиради у.
Саҳна узра бошланди ўлим -
Зулмат каби золим, бетуйғу.
Яна Мотсарт ва яна ўлим
Такрорланар - ўнми, ўн учми...
Актёр фақат сезар вужудда
Совуётган қўлларин учин.
Сўнг равоқда бармоқларини
Тоблар экан қуёшда бир-бир,
Ўз-ўзига актёр шивирлар:
,,Қўрқинчлидир ўлмоқ бари бир...’’

1978

Хуршид Даврон

@sheriyatuz

Eplay olmayman talab qilishni...
Yer bilan bir bo'lib jonga tegishni...
O'zgalar bir chetdan rom qilganida...
Unutma meni bir eslab qo'yishni....

@sheriyatuz

Қачон келасан.

( Ишларини бахона қилиб қари ота-онасини холидан вақтида хабар
олмаган айрим фарзандларга).

Сизни роса кўргим келади, дейсан,
Юраккинам шуни тилайди, дейсан.
Бугун бор, эртага недир билмайсан,
Соғинганда келмасанг, қачон келасан.

Йўлларингга боқиб, кўзим нигорон,
Сени кутмаганим, йўқ, куним бирон.
Асрдек ўтмоқда хар лахза, хар он,
Соғинганда келмасанг, қачон келасан.

Тўрт девор ичида ўтирибман жим,
Холимни сўрашга келар аллаким.
Жимирлаб кетади шунда бир этим,
Соғинганда келмасанг, қачон келасан.

Биламан юрибсан, дунё топай деб,
Рўзғор камчилигини тезроқ ёпай деб.
Мен эса ташнаман мехр кўрай деб,
Соғинганда келмасанг, қачон келасан.

Асло кафил йўқдир ширин жонимга,
Хабарлар ёзасан телефонимга.
Яхшиси ўзинг кел, тезроқ ёнимга,
Соғинганда келмасанг, қачон келасан.

Кеча ўтган эди, бугун хам ўтди,
Эртанги тақдирга нималар битди.
Шу зайлда умрим манзилга етди,
Сен хозир келмасанг, қачон келасан.

Шухрат Шукур

@sheriyatuz

SOG’INIB

Shu kunlarda bahorga zorman,
Navjuvonlik o‘ti tanda yo‘q.
Kuz singari za’far ruxsorman,
Mevalar ham shoxlardan uzuq.

Shu kunlarda bahorga zorman,
Tanxastalik ezadi ruhim.
Tanho emas, qatorda borman,
Yana neni izlaydi suqim?

Shu kunlarda bahorga zorman,
Shaffof, yorqin kuy tilar ko‘ngul.
Yaxshiyamki, qalamga yorman,
So‘zlab turar bor dilimni ul.

Shu kunlarda bahorga zorman,
O’z bahorim kabi bemisol.
Bahor qaytmas, yonuvchi qorman,
Yo no‘noq qo‘l butagan nihol.

Shu kunlarda bahorga zorman...

✍️ Zulfiya

@sheriyatuz

Kuz manzaralari ....

Yana dalalarga boshlaydi havas,
Bog'larda xazonlar yonadi lov-lov.
Do'stlarim, bu kuzning barglari emas,
Mening yuragimdan to'kilgan olov.

Shoxlarda mezonlar yaltirar xira,
Poyida shivirlar mening kuylarim,
Do'stlarim, bular ham mezonmas sira,
Bu mening chuvalgan, so'ngsiz o'ylarim.

Quyosh ham falakda bamisli ro'yo.
U endi yondirmas,yaltirar faqat.
Do'stlar, u ham endi quyoshmas aslo,
U olis yoshlikda qolgan muhabbat.

✍️ A. Oripov
@sheriyatuz

ХОТИРА

Сарвнинг соясида руҳият,
Ёш ичиб тўляпти дард кучга.
Касб этгандек бирор моҳият,
Соатим бонг урди 13 га.

Қайтиш йўқ. Гарчи ер айлана,
Шунча йил чидаган жонинга тўзим.
Қорни очдир дея ўйлама,
Еб ётибман ўзимни ўзим.

Ҳозир эшик очиб баногоҳ,
Сен кирасан, шалаббо эгнинг.
Қош чимириб урасан оҳ-воҳ,
«Куз ёмғири жонимга тегди».

Октябр... Туз сепиб ярамга,
Эсга солар мудҳиш кезларни.
Қозоннинг тушганин даранглаб...
Ва очиқ қолган кўзларинг.

Ўтаётган сенми ё шамол,
Хотирам ойнасин чертиб.
Ташқарида эзиб куз ёмғири ёғар,
Уйда ётибману ҳўл бўлиб кетдим.

ЖОНТEМИР.
2015

@sheriyatuz

SIRLI MAKTUBLAR

Daraxt menga yo‘l bo‘shatadi,
O’tganimda shu yo‘ldan doim.
Va daraxtning sarg‘ayib ketgan
Xatlariga ko‘milar poyim.
Daraxt sho‘rlik maktublarini
Kimdir olib o‘qishin poylar,
Maktublarin olis - olisga
Olib ketar po‘chtachi soylar.
Sevib qolgan kimnidir daraxt,
Sevgan yori yozmaydi javob,
Xatlarini yashirib o‘qib
Yig‘lab - yig‘lab etmaydi tavof.
Daraxt har yil yozaveradi,
Siyox, dastgox, qalam, dovotsiz,
Xatlarini xech kim o‘qimas,
Uning sevgilisi savodsiz.

✍️ X. Vulqon

@sheriyatuz

@sheriyatuz Shekspir va Navoiy Tinmas bahru bayt El Classico !

Бу уй
кўнгилсиз қолди.

Суҳбатлашишга
сўз йўқ.

Ҳамманинг
ўз сукунати бор
энди:
ҳеч ким киролмайдиган,
ҳеч ким тушунмайдиган,
ҳеч ким чидолмайдиган...

Уйда парча-парча сукунатлар
айланиб юришар:
ҳар бирининг ўз мантиғи,
ўз ҳақиқати,
ўзининг чегараси бор –
ҳ е ч к и м ў т о л м а й д и!

Бу уй кўнгилсиз қолди.
Бор-йўғи,
кўнгилсиз қолди бу уй.

✍ Усмон Азим

@sheriyatuz

Qadrdon itlar


Depsinib raqsga tushadi poyiz,
Uxlar chiroqlarga talangan shahar.
Oy kezar dalalar ustida mayus,
Sukunatni uyqu elitgan mahal.

Yulduzlar koinot kengliklarida,
Kiprikdagi ko'zyosh singari titrar.
Kimsasiz osuda zulmat qa'rida,
Xorg'in akillaydi qadrdon itlar.

✍️ Xoldor Vulqon

@sheriyatuz

Garchand so'qir ishqning ko'zlari

O'yga botgan yomg'irli shahar,
Elovrayman, ozg'in so'qirman.
Ko'r yomg'irga aylanib, sahar,
Derazangni tinmay, cho'qirman.

Ko'zim oppoq ochilgan paxta,
Tergil uni jonim, etaklab.
Savob bo'lar edi poytaxtda,
Men so'qirni yursang yetaklab.

Tumanlarda tentirab, daydib,
Dalalarda gulxan yoqarman.
Balki bir kun vatanga qaytib,
Dorvozangni topib, qoqarman.

Paypaslayman shahlo ko'zlaring,
Titrayotgan lablaringni ham.
Yuzlarimga bosib yuzlaring,
Shivirlaysan yomg'irday, erkam.

Qalblarga yo'l topar ro'zi shab,
Garchand so'qir ishqning ko'zlari.
Lablar yomg'ir kabi cho'lpillab,
Bir -birini topar o'zlari.

Yomg'ir yig'lar odamday asta,
Ko'z yoshlarin hech kimsa artmas...
Boshqa topqir a'zolar haqda,
Nazarimda, yozish ham shartmas.

✍️ Xoldor Vulqon

@sheriyatuz

Китобхон қизга !

Уйланаман!
Менбоп қиз даркор,
Хоҳи содда, хоҳ бўлсин маккор.
Зарари йўқ қилса кўп пардоз,
Тўпорироқ юрса,
Қайтам соз.
Сўз бермасин мен-чун ўлгани,
Шеър ўқишни суйса бўлгани.
Хуллас,
Битта шеърхон қиз керак...
Ана-а! Менга худди Сиз керак.

✍ Анвар Обиджон

@sheriyatuz

Garchand so'qir ishqning ko'zlari

O'yga botgan yomg'irli shahar,
Elovrayman, ozg'in so'qirman.
Ko'r yomg'irga aylanib, sahar,
Derazangni tinmay, cho'qirman.

Ko'zim oppoq ochilgan paxta,
Tergil uni jonim, etaklab.
Savob bo'lar edi poytaxtda,
Men so'qirni yursang yetaklab.

Tumanlarda tentirab, daydib,
Dalalarda gulxan yoqarman.
Balki bir kun vatanga qaytib,
Dorvozangni topib, qoqarman.

Paypaslayman shahlo ko'zlaring,
Titrayotgan lablaringni ham.
Yuzlarimga bosib yuzlaring,
Shivirlaysan yomg'irday, erkam.

Qalblarga yo'l topar ro'zi shab,
Garchand so'qir ishqning ko'zlari.
Lablar yomg'ir kabi cho'lpillab,
Bir -birini topar o'zlari.

Yomg'ir yig'lar odamday asta,
Ko'z yoshlarin hech kimsa artmas...
Boshqa topqir a'zolar haqda,
Nazarimda, yozish ham shartmas.

✍️ Xoldor Vulqon

@sheriyatuz

Yo'llar

O'sha o'sha yomg'ir va o'shanday yo'l,
Qachonlardir birga ikkimiz yurgan.
Jilmayib, qo'limga uzatganding qo'l,
Ruhim zulmatlarin to'ldirib nurga.

Ikkimiz yurganda negadir ko'cha,
Tez tugab qoladi - deganding to'xtab.
Tun bo'yi daydiyman, chiroqlar o'char,
Sensiz ko'chalarning poyoni yo'qday.

✍️ X.Vulqon
@sheriyatuz