Ishongan do'stlarim meni sotsalar
Qalbimga qiynog'i tig'dek botsalar
Men tomon alamli toshlar otsalar
Onamning duosi asraydi meni

Chin dildan sevganim o'zgani quchsa
Yurakdan sevsamda boylikka uchsa
Ko'zlarim yomg'irdek yoshlarni to'ksa
Onamning duosi asraydi meni

Omadim kelmasa baxtim kelmasa
Yaqin insonimdan ko'nglim to'lmas
Hayotda ishongan do'stim bo'lmasa
Onamning duosi asraydi meni!

Ko'zimning yoshlari yuzimda qotsa
Dard alam qiynog'i ko'ksimga botsa
Yomonlar men tomon toshlarin otsa
Onamning duosi asraydi meni

Yuzim kulsa hamki kulmasa dilim
Nomardlar chopsalar ikkala qo'lim
Hayotda qolmasa hech qanday yo'lim
Onamning duosi asraydi meni..!

SheRaliYeV

Ishq etganda devona
To'lib ketsa paymona
Hamma desa begona
Yaxshiyam siz bor Ona

Qayraganda dushman tish
Yurishmay qolganda ish
Boshimga tushsa tashvish
Yaxshiyam siz bor Ona

Issiq kiyim kiy degan
G'amginamni yeydigan
Yoningdaman deydigan
Yaxshiyam siz bor Ona

Xato qilsam tergovchi
Dardlarimni tinglovchi
Quchib boshim silovchi
Yaxshiyam siz bor Ona

Deysiz chida bariga
Yara yurtning koriga
Og'lingizni baxtiga
Yaxshiyam siz bor Ona...

SheRaLiYeV

Kechiring sevgisi musaffo qizlar
Kechiring xatoga bosilgan izlar
Qachondir sevgidan ochilsa so'zlar
Meni bir go'zalning uvoli tutar

Sevishga sevdimu vafo qilmadim
Men bir farishtaning qadrin bilmadim
Umrimni sarhissob qilganda yillar
Men bir go'zalning uvoli tutar

Tanamni qilichdek tilar qoshlari
Bo'ynimga dor bo'lar uzun sochlari
Daryodek cho'ktirar ko'zin yoshlari
Meni bir go'zalning uvoli tutar

Kun kelib baribir albat o'larman
Oyog'in ostida tuproq bo'larman
Yolvorib tangridan najot so'rarman
Meni bir go'zalning uvoli tutar

Gohida o'zimga berarman dakki
Ey Xasan o'zinga qaytadi bular
Chindan sevgan qizning sevgisi xaqqi
Meni bir go'zalning uvoli tutar

Men kulib ketdimu yig'lab qoldi u
Bildirmay qizgina og'ular yutar
Erta kech ko'zimga kelmaydi uyqu
Meni bir go'zalning uvoli tutar

Xudoga yetganda uning nolasi
Ilondek bo'g'izlar sochin tolasi
Shu ilon go'yoki tiriklay yutar
Meni bir go'zalning uvoli tutar...

Sheraliyev

Nafratta yuribsan extimol
Roziman kel zahar ichirsang....?
Ne qilsang qilgin u, qasting ol
Kechirsang bo'lgani, kechirsang....

SheRaLiYeV

Mayliga biz uchun qor yog'masa ham
Archa atrofida barchamiz masrur
Mayliga qorbobo soxta bo'lsa ham
Yangi yilga yetdik Hudoga shukur

Eski yilda qolsin ginayu qudrat
Xafalashgan do'stga ko'rsating xurmat
Xayot og'ir qadam tashlagan fursat
Yangi yilga yetdik Hudoga shukur

Eski yilda qolsin barcha dardimiz
Eski yilda qolsin armonlarimiz
Yangidan kuch olib darmonlarimiz
Yangi yilga yetdik Hudoga shukur

Tinchgina diyorda, shodonu xurram
Kutib olinmoqda yangi yil bayram
Goxo xorib qoldik, goxida shaxdam
Yangi yilga yetdik Hudoga shukur...

SheRaLiYeV

Umidlarim cho'kib ketar daryoda
Sovuqmas azobdan titrayman dir-dir
Azoblar juda ko'p ammo dunyoda
Eng katta azob bu sevilmaslikdir

Sheraliyev

Real Madridni hozirgi kunlarida tanqid qilayotgan muhlislariga..

Ey do'stim,ey do'stim
Futbolni ko'rishga imkoning bo'lsa
Fanatlik bobida shiddating bo'lsa
Chin dildan agarda imkoning bo'lsa
Eng avval Realga muhlislik qilgin
Eng avval Zidanni olqishlab turgin

Hech narsa ustunmas Real Madriddan
Hech barsa ustunmas Real Madriddan
Yutkazsa ustunmas Real Madriddan
Yutsayam ustunmas Real Madriddan
Eng avval Realga muhlislik qilgin
Eng avval Zidanni olqishlab turgin

Futbol bu nimadir futbol bu o'yin
Bugun yutsa erta yutqazish tayin
Yozsang mendek she'r yoz ey Ahad Qayum
Eng avval Realga muhlislik qilgin
Eng avval Zidanni olqishlab turgin

Tarixni yaratgan shular emasmi
Tarixda eng zo'ri shular emasmi
Jaxonni titratgan shular emasmi
Eng avval Realga muhlislik qilgin
Eng avval Zidanni olqishlab turgin

Sheraliyev

​​Qizlar! Jonimga ham tegib ketdingiz,
Har kuni boshimni qotirasizlar.
O'zingizcha menla ishqqa yetdingiz,
Muhabbat bog'ida o'tirasizlar.

"Xasan menga rosa yoqasiz" deysiz,
Nimamni sevasiz hayron qolaman?
Kuydirmang ko'z yoshimda oqasiz deysiz,
Singiljon axir men bedil bolaman!

Qo'ng'iroq qilasiz bermayman javob,
Xat yozar ekansiz o'qimaganman.
Ko'nglingizdan meni kutdingiz naxot
Men Don Juan bilan o'qimaganman!

"Babnik" bola ekan... gap chiqaribsiz
(Raxmaaaaaaat!)
Salomizga aligim bo'ldi
Hayronman nahotki shu chala shoir
Shuncha go'zallarni bag'rini o'ydi...

SheRaLiYeV

Rasmga qarab 🐼🤓🙊

Tanimaydi birov otimni
Kimga aytay arzu dodimni
Mening adabiyot o'qituvchim
Payqalmagan iste'dodimni

Katta odam bo'lmasam hamki
Katta shoir bo'lardim balki
Ustozlarim qilishgan chakki
Payqalmasdan iste'dodimni

Shoir bo'lish orzuim edi
Dardli dardlar mavzuyim edi
Topganim shu she'rlarim edi
Payqalmagan iste'dodimni

Men bolaydim menda ayb yo'q
Ichmaganda menda kayf yo'q
Qancha she'rlar bo'ldi hayf yo'q
Payqalmasdan iste'dodimni

Meni g'ishtga yo'naltirishdi
Pul topgin deb o'ylantirishdi
Rossiyaga so'ng yuborishdi
Payqalmasdan iste'dodimni

Mardikorman qalbim lek toza
Internetda nomim ovoza
Iste'dodim borligi rost a
Payqalmagan iste'dodimni...

SheRaLiYeV

Visoling yo'llari bo'lsa ham tikon
Tikonlar ustidan yuray piyoda
Kunduz chiroq yoqib kezgin keng jahon
Men kabi chin oshiq yo'qdir dunyoda.

Yurakni g'ov qilmay xijron makriga
Xajring nayzalarin bosib bag'riga
Razn sol sinchiklab dunyo ahliga
Men kabi chin oshiq yo'qdir dunyoda.

G'urbat cho'qqisiga qoya bo'laman
Vaqt o'tib baxtingga doya bo'laman
Quyoshdan gar kuysang soya bo'laman
Men kabi chin oshiq yo'qdir dunyoda.

Sendayin oshiqlar bir jahona de
Men deb necha oshiq dil vayrona de
Bu so'zlar shunchaki shoirona de
Men kabi chin oshiq yo'qdir dunyoda.

O'zgalar uchun bil su'rating go'zal
Mengachi sharqona iffating go'zal
Qulog'ing og'irmi aytaman har gal
Men kabi chin oshiq yo'qdir dunyoda.

Mendayin oshiqni yulduzdan qidir
Baliqlar vatani dengizdan qidir
Oyni sovg'a qilib bersa ham kimdir
Men kabi chin oshiq yo'qdir dunyoda.

Yaxshimi yomonmi men ham bandaman
Alamlar bag'rida bir arzandaman
Garchi faqat qalbing uchun gandaman
Men kabi chin oshiq yo'qdir dunyoda.

Kimdir sen deb tikon ezib bersinchi
Tuganmas baxt g'orin qazib bersinchi
Xasandek bitta sher yozib bersinchi
Men kabi chin oshiq yo'qdir dunyoda....!

SheRaliYeV

Hozirgina yetib keldi Avazbek akamiz ijrosida

"Seni mendek sevolmas hech kim" she'rim qo'shiq bo'libdi

Hursandman 😊

Yil ketar chog'da ham o'zgarmas samo
Yil yangi bo'lsa ham eski shu havo
Uch yuz oltmish kunda uch mingta xato
Yana bir yilimga aytdim marhabo
Yana bir yoshimga aytdim alvido

Kimlardir har oyu yilin e'zozlar
Kimdir umrin bahor kabi qiyg'ozlar
Kimlarchi fursatni suvga qiyoslar
Yana bir yilimga aytdim marhabo
Yana bir yoshimga aytdim alvido

Yil so'ngi paytida ko'zlarim mayus
Chunki bu yilni ham o'tkazdimda sust
Ko'ksimda hayajon yurakda afsus
Yana bir yilimga aytdim marhabo
Yana bir yoshimga aytdim alvido

Yillar o'tgan sari katta bo'lyapman
Ba'zida ochilib bazan so'lyapman
Yangi yil tunida arang kulyapman
Yana bir yilimga aytdim marhabo
Yana bir yoshimga aytdim alvido

Mayli nolimayman o'tgan yilimga
Axir omadlarni berdi aziz elimga
Shukronalar solib nochor dilimga
Yana bir yilimga aytdim marhabo
Yana bir yoshimga aytdim alvido

Tobora namoyon yilning siyrati
Fayizli keltirgin olam hay'ati
Bu bir Xasanjonning holis niyati
Har jajji go'dakka aytib marhabo
Hech bir odam uchun aytmaylik vido...

Sheraliyev

Do‘st deymizu chin do‘st hali bo‘lgan emas
Bu dunyoda hech haqiqat qolgan emas
Hatto shoir qo‘lga qalam olgandaham
Barisini ro‘y rost qilib yozgan emas.

(Abduvoxid_uz)

Asablarim buzib atayin
Sal narsada janjallar tayin
Quloq solgin rostin aytayin
Qizg'onaman seni hammadan

Hozir ko'pda ahli yomonlar
Qizni ko'nglin doimo poylar
O'tsa hamki million zamonlar
Qizg'onaman seni hammadan

Hafa bo'lsang ham mendan mayli
Men majnunman sen bo'lgin layli
Juda kuchli sevgim tufayli
Qizg'onaman seni hammadan

Tug'ilganda atay qilgandek
Xasanga rashk qonga singigan
Huddi meni qizg'onganingdek
Qizg'onaman seni hammadan...


SheRaLiYeV

Tashladim oldinga yana bir qadam
Yelkamga orqalab shukrona tugun
Bundan yigirma bir yil muqaddam
Tug'ilgan edim men aynan shu bugun...

Happy birthday to me😍☺️