Gar sevsangiz bilmagaysiz orom xordiq
Sevgi dilga faqat azob qilar tortiq
Sizga aytay sevgi asli g'irt bosh og'riq
Maslahatim sevmaganlar sevmanglar

Muhabbatning imtixosi g'irt fojiya
Umringiz ham qisqaradi har soniya
Yurakni azobdan qilib himoya
Maslahatim sevmaganlar sevmanglar

Pok yurakka oxirida dard qo'shasiz
Sog' vujudga sira ketmas gard qo'shasiz
Sevasizu va lek so'ngra chuv tushasiz
Maslahatim sevmaganlar sevmanglar

Xoxlaysizmi Xasan kabi qiynalishni
Yor vasli deb kechalari o'rtanishni
Ko'ngingizga mehmon qilmang sovuq qishni
Maslahatim sevmaganlar sevmanglar..!

Qalbimda bisyordir sizga so'zlarim,
Siz borsiz quvonchga to'la ko'zlarim,
Hech qachon sarg'aymas mening yuzlarim,
Baxtimga bor bo'ling mening do'stlarim..

SheRaLiYeV

Yaxshilik qildilar, ko'ngli to'lmadi
Yomonlik ig'vo xar qadamlarida
Mehr-muhabbatning "M"si qolmadi
Hozirgi zamonning odamlarida...

SheRaLiYeV

Yozganlarim ozor bo'lib qalbingga
Bir nish kabi qadalmaydi she'rlarim
Qalam muhtoj bo'lmas g'uncha labinga
Senga endi atalmaydi she'rlarim

Endi faqat onam uchun yozaman
Sensiz qalbi motam uchun yozaman
Yozsam arzir odam uchun yozaman
Senga endi atalmaydi she'rlarim.

Seni o'ylab yozganlarim kul bo'lgandi
Hatto qalam bir oldingda qul bo'lgandi
Qancha-qancha yozganlarim shu bo'lgandi
Endi senga atalmaydi she'rlarim.

Mendan dardni aritadi qalamim.
Hasratlarni qaritadi qalamim.
Faqat baxtni yoritadi qalamim.
Endi senga atalmaydi she'rlarim

Tan olaman sen deb zo'r shoir bo'ldim.
Lek ishqingda telba xo'r shoir bo'ldim.
She'rim pishmay qoldi g'o'r shoir bo'ldim
Endi senga atalmaydi she'rlarim.

Sherlarimda husningni qilmam urg'u
Xasan seni sevib qoladi mangu
Yozishimga topilmay qolsa ham mavzu
Endi senga atalmaydi she'rlarim.

SheRaliYeV

Hech kimdan yo'q mening aslo ortig'im
Shoirlik bobida uquvim kamroq
Bo'lsa ham bor faqat bitta yutug'im
Boshqalardan ko'ra ko'zlarim namroq

U qadar serobmas menda iqtidor
Birov sherim o'qib qoilman demas
Lekin bittagina fazilatim bor
Dardim sohta emas shunchaki emas

Lug'atim boy emas tan olay mening
Yangilik bo'lolmas o'ylasam neki
Ammo hislatim bor harqalay mening
Armonlarim shaxsan yuragimniki

Olmaganman ko'proq sheriy saboqdan
Tartib ham juda kam satirlarimda
Nasiba olganman birgina baxtdan
O'zim ishonaman yozganlarimga

Qofiya bobida yurushmas ishim,
Balki ma'noliroq so'z yo`q baytimda
Faqat bir yutuqdan aylanar boshim
Qalbim taskin topar yozgan paytimda

Bir tomonda kemtik sherlarim nimta
Bir yonda mumkindir barin unutmoq
Hullas shu ozgina yozganlarimda
Ko`rsangiz bo`ladi kimligim mutloq...

Sheraliyev

O'zbekistonga borib,yana moskvaga qaytib kelgan kunim yozilgandi arxivdan...

Yurdim yurtda o'ynab, kulib,
Dil quvnatib, davron surib.
So‘ng ro‘zg‘ordeb oxis yurib,
Moskvaga keldim yana.

To'yolmadim do'stlarimga,
Pul topay deb ko'stlarimga.
Sovuq o‘tib po‘stlarimga,
Moskvaga keldim yana.

Qoldi ortda Bog'dod, Qo'qon,
Yurolmadim surib javlon.
O'z-o'zimga qolib hayron,
Moskvaga keldim yana.

"Buncha shoshding" deya bolam,
Qoldi mensiz yana Onam.
Salom eski vagon, honam,
Moskvaga keldim yana.

Ko'rdim do'stim kela turib,
U kuzatdi meni kulib.
Yo‘lga tushdim yuzim burib,
Moskvaga keldim yana.

Ko'p odamga qilib havas,
Hech yo'q olay, deya damas.
Bir yil yuray ja- ko'pgamas,
Moskvaga keldim yana.

Sevganim ham tegib ketdi,
Ex boshimni egib ketdi,
Poyezd manziliga yetdi,
Moskkvaga keldim yana.

"Buncha shoshding", deya bolam,
Qoldi mensiz yana Onam!.

SheRaliYeV

Umidlarim cho'kib ketar daryoda
Bevafo qahridan titrayman dir-dir
Azoblar juda ko'p ammo dunyoda
Eng katta azob bu sevilmaslikdir

Egningdan dard to'nin yecholmagaysan
Xijronning yodidan o'cholmagaysan
Jondan kechib undan kecholmagaysan
Eng katta azob bu sevilmaslikdir

Sog'inchi izlaydi har on har zumdan
Gu'ruring yo'lingni to'sadi zimdan
Bilmaysan alaming olasan kimdan
Eng katta azob bu sevilmaslikdir

Bag'ringda xasratlar shamoli esar
Qalbingda armonning gullari o'sar
Bu azob umidning qo'llarin kesar
Eng katta azob bu sevilmaslikdir

Bahor ham sen uchun aylanar kuzga
Xijronlar ajinlar soladi yuzga
Bu azob yurakni to'ldirar muzga
Eng katta azob bu sevilmaslikdir

Joning ham go'yoki murdadek yashar
Bu umring zavollar changiga o'xshar
Yorni o'ylab tunlar yuraging qaqshar
Eng katta azob bu sevilmaslikdir

Boringni bersang ham undan chiqmas sas
Gullaring u uchun ko'rinar bir xas
Xasan bu azobdan mustasno emas
Eng katta azob bu sevilmaslikdir..

SheRaLiYeV

Bag'rimga botadi yangi chiqqan chim
Holimdan habar ham olmaydi hech kim
Kimnidir sog'inishi kerak bo'lsa gar
Men seni sog'inib yig'layapman jim

SheRaLiYeV

Yoz oyi toylarni eng avji payti boshlanadi. To'ylar uchun she'rlar yozishni boshladik😊

Do'stginam tabriklayman
Mana bugun to'yingiz
Qancha orzu qilgandingiz
Ushalibdi o'yingiz

Achchiq bo'lsa ham sizga
Bir haqiqat aytaman
Uylanish bu qamoqku
Uylanishdan qo'rqaman

Endi do'stim bilvoling
Boshqa qizni o'ylash yo'q
Uch kungacha uydasiz
Qizlar yo'lin poylash yo'q

Hoynaxoy boshqa qizlar
Aldanganin bilmaydi
To'yingiz bilgacha ular
Menimcha tinch yurmaydi

Shuning uchun so'tkani
Bezzvukka solvoling
Jiringlasa xotindan
Oldin borib olvoling

Yana qovun tushirib
Qizchalariz bo'lmasin
Shundek esli kelinni
Ko'ziga yosh to'lmasin.

Endi bo'ydoq emassiz
Bizlar havotirdamiz
Ko'chaga chiqmasangiz
Sizni qanday ko'ramiz?

Bir kun kelin bola
Erib ruhsat bervorsa
Mayli aylanib keling
Zerikdizmi devorsa

Do'stlar bilan to'planib
Yuzta-yuzta olsangiz
Tomoshani ko'rasiz
Ozgina kech qolsangiz.

Oyoglariz chalkashib
Kelsez eshik ochilar
Hali gap boshlanmasdan
Sizga zahar sochilar

Voy qaylarda yuribsiz
Oyi,qarang ichvobdi
Uyam kamlik qilgandek
Shishani ham quchvobdi

Desa kelin ko'zizga
Kobraga aylanadi
Uyga kirishiz bilan
Chaqishga shaylanadi

U yog'ini aytishni
Hojati yo'q menimcha
Qolganini ko'rsatar
Yonizdagi kelinchak

Hullas do'stim qisqasi
Baxtli bo'ling iloyim
Baxtingiz butun qilsin
Bir umrga Hudoyim...

SheRaLiYeV

Hazil she'r kuyov bolaga do'stlari nomidan

"Ur to'qmoq"

Dunyo bir bozor uchun
Mehribon kerak uchun
Yomonlar bisyor uchun
Yodimga tushdi shu choq
Ertakdagi "Ur to'qmoq"!

Nomi ulug' falonchi
Asli xudbin talonchi
Iymoni sust yolg'onchi
Tomsa yalar qurumsoq
Ur o'shani, ur to'qmoq!

Zimmasidayu ro'zg'or
Lek ro'zg'or qilmas ,abgor
Qimir etmas nomus or
Shishaga bo'lgan o'rtoq
Ur o'shani, ur toqmoq!

Nafsiga qul mutlaqo
Or o'rnida xech vaqo
Zarra yo'q axdga vafo
Har kuni kayfi taroq
Ur o'shani, ur to'qmoq!

Do'st bilasan begumon
Sadoqatdan yo'q nishon
Shirin gap bilmas ilon
Qalbi ko'zi ko'r, mudroq
Ur o'shani, ur to'qmoq!

Aytsam o'zim ho'p tambal
Yo'q menda yaxshi amal
Quvib yetmasdan ajal
Hammadan ko'ra ko'proq
Ur o'zimni, ur to'qmoq!

SheRaLiYeV