'

هذا الخريف...

سماء باهتة، انطفائها قاتل
هواء قاسي يخترقنا و يختزل تلك اللهفة.

ألم تعي بعد يا محبوبتي أن الرحيل قد وَجَب؟!
انطفأنا.. قُتِل ذلك الشعور و اقتُلِع منَّا؛ ليحل محله برودًا قاسي يحتجزنا في صمتٍ مُرهِق.
تلك الورقة شاحبة، مُنكسرة و مازالت تدعي الثبات و تتشبَّث بذلك الغصن حتى أثقلته، إلى أن تخلّى عنها...  فسقطت.
و على جانب الطريق ورقة أخرى سُرقَ منها لونها، رحلت هويتها عنها فتركت الأمر للرياح أن تنتشلها من تلك الحقيقة.
أين أنتي و أين أنا؟!
طال انتظارنا للربيع، ضاعت مشاعرنا و ضلّت طريقها
مرّت بجانبنا و نسيَت أن تمر بنا.

أفيقي، فقد تناثرت آمالي على هذا الطريق
أفيقي، قد يقتلنا يومًا... هذا الخريف.

#ربا_عبد_العزيز

السلام عليكم قال رسول صلى الله عليه وسلم "من فرج عن مؤمن كربة من كرب الدنيا فرج الله عنه كربة من كرب يوم القيامة" .. اختي وصاحبتي سافرت مصر للعلاج للولادة متزوجة وربنا م رزقها 😭😭
اتقررت ليهم عملية وللاسف كل القروش مشت في الفحوصات والعلاجات تكلفة العملية مليون و665 الف جنية سوداني، وحتكون يوم الاربعاء يشهد الله باعت الوراها والقدامها 😭💔ناشدتكم بالله تفكو كربتها الله يفك كربكم ويظلكم بظله يوم لا ظل الا ظله💔 اي جنيه بفرق يا جماعة
دعاء محمد 1862250
الاشعار هنا 0995940664

القارئ: احمد السويدي 💜


#ليكم
#لكي_نتقرب_من_الله
#ربا_عبد_العزيز

#مجاهدة_النفس

إنت ما سيِّئ، حتى لو كل الناس دي قالت ليك إنت سيِّئ ربنا فاتح بابه ليك و حيستجيب ليك، ربنا قال: (إن الله لا يغفر أن يُشرَك به و يغفر مادون ذلك لمن يشاء)، جاهد نفسك في كل مرة ماتوقف، دا مانفاق و لا عيب، العيب إنك تيأس من رحمة ربنا و تقول لمتين أنا حغلط و أرجع أتوب، أهم نقطة إنك تبعد عن المجاهرة بالمعصية، ماتقول أنا عملت و عملت و أنت جواك مافي تأنيب ضمير أو خوف، أو سمعت الاغنية الفلانية، الرسول صلى الله عليه و سلم قال: (كل أمتي معافى إلا المجاهرين) لازم يكون جواك استشعار لمراقبة الله، جاهد نفسك و ماتجاهر بالمعصية و بإذن الله ربنا يهدينا كلنا للطريق الصحيح و يرزقنا الفردوس الأعلى من الجنة 💜

#لكي_نتقرب_من_الله
#ربا_عبد_العزيز

كفاكِ حُبًّا

أفلتيني...
أديري ظهرك عنّي ولا تلتفتي
وإذا أثْقَلَتْ الدمعة عيني فأسقَطَتُها، لا تقتربي؛ أخاف أن أُلهِب بها نيرانُ حبُّكِ.
اِفتحي للظلام مدخلًا وحصنيه بأسواري، أغلقي الأبواب واِجعلي الأحزان تجوبُ دياري.

اِرحلي عنّي...
فلم أرى يومًا بأني جديرٌ بكِ
اُترُكي لقلبي قسوة الإحتضار
اُترُكي جسدي يرتجف...
اُقسي مرَّة وعاودي الكرَّة
وإذا يومًا ناديتِني: أحبُّك
سأحرق القصيدة، أترُك المدينة
وأسير بلا عِرقٍ ولا نسَب

كفاكِ حبًّا
سلامٌ كنتُ أم حربًا
كفاكِ حُبًّا، إني والله ضِقتُ ذرعًا.

#ربا_عبد_العزيز

كفاكِ حُبًّا

أفلتيني...
أديري ظهرك عنّي ولا تلتفتي
وإذا أثْقَلَتْ الدمعة عيني فأسقَطَتُها، لا تقتربي؛ أخاف أن أُلهِب بها نيرانُ حبُّكِ.
اِفتحي للظلام مدخلًا وحصنيه بأسواري، أغلقي الأبواب واِجعلي الأحزان تجوبُ دياري.

اِرحلي عنّي...
فلم أرى يومًا بأني جديرٌ بكِ
اُترُكي لقلبي قسوة الإحتضار
اُترُكي جسدي يرتجف...
اُقسي مرَّة وعاودي الكرَّة
وإذا يومًا ناديتِني: أحبُّك
سأحرق القصيدة، أترُك المدينة
وأسير بلا عِرقٍ ولا نسَب

كفاكِ حبًّا
سلامٌ كنتُ أم حربًا
كفاكِ حُبًّا، إني والله ضِقتُ ذرعًا.

#ربا_عبد_العزيز

دي أسرة محتاجة..

العندو طريقة يساعد مايتأخر بالله
وجزاكم الله كل خير 💜🌹
شير على قد ما تقدرو 💜🙏


#ربا_عبد_العزيز

كنت بزعل وبقول لي انا مابحلم بالرسول صلى الله عليه وسلم، نفسي أشوفه أنا كمان، جاء يوم كنت بقلب في التيك توك لاقاني فيديو شيخ بيحكي إنه اتصل عليه واحد قال ليهو أنا حلمت بالرسول صلى الله عليه وسلم بيقول ليا: " لو عاوزين تعرفو سيرتي، أسمعوها من الشيخ #بدر_المشاري ".
اتحمست بعدها ومشيت كتبت في اليوتيوب السيرة النبوية حرفيا بعدها طوالي من البحث اتكتب جنبها بدر المشاري، ولمن دخلت قلت أشوف الكومنتس لقيتهم كلهم سبحان الله بيعلقو انه كيف الشيخ بيحسسك كأنك عايش مع الرسول صلى الله عليه وسلم، طلع معروف عن الشيخ الحاجة دي، اتحمست شديد وبديتها الحمدلله، صراحة خجلت من نفسي شديد لقيت حاجات كتيرة ما كنت بعرفها عن حبيبنا صلى الله عليه وسلم..
أول شي دايما أحمدوا ربكم لمن يدلكم ولو على شي بسيط زي دا، دايما أسألوا ربنا قربه، وحاولوا على قد ماتقدرو تقربو منه ماتبعدوا عنه.
الشيخ #بدر_المشاري ياجماعة بيحكي السيرة بالتفصيل من قبل ولادته حتى، بيحكي بحماس بتلقى نفسك ماقادر توقف إلا تكمل، بيديك في نهاية الفيديو حكمة طلعنا بيها من الحلقة وبيحكي كتير عن طبع الرسول وإنه كيف ممكن نحاول نبقى زيه ونقتدي بيهو، جامعها في سلسلة من ١٠ حلقات كل يوم أسمع ولو جزء بسيط وبالليل قبل تنوموا ممكن تسمعوها للناس العندها اوفر ثينكينغ حرفيا حترتاحوا شديد من الحاجة دي💜
والله ماجابني ليكم إلا إني عاوزاكم تجربوا الحاجة الجميلة دي، وشيروها لأحبابكم 💜

https://youtube.com/playlist?list=PLO7-UTBwXPlKmPmeOPUf_AtzBryExcPod&si=ndHGBDSAckh5BI22

#لكي_نتقرب_من_الله
#ربا_عبد_العزيز

الله اكبر والعزة للسودان
الليله ولعت 🔥
الخرطوم حرة وخالية من الجنجويد
الله اكبر ولله الحمد ❤️

نحن في العلاقات محتاجين نتطمَّن
ودي بتحصل لما تتحقق حاجات كتيرة..
زي لما تثق تمامًا إنو الطرف التاني مستحيل في يوم من الأيام يخليك، أو يخذلك، لما تحس بالإكتفاء مع الزول دا وإنك مافاقد حاجة، لما ماتخاف تحكي ليه عن شي جواك أو شي حصل معاك، لما تكون ماشي جنبو وإنت بيهو وبوجوده حاسي إنك فوق وليك عزة ومبسوط إنك اخترت صح، مايوطي راسك أو يطفيك، لما تطمن من المستقبل لأنه متأكد إنك معاهو حتقوى وإنه حيواجه معاك كل الصعاب وحيقيف معاك وحيعزك قصاد كل الناس، وماحيبعد عنك لأي ظروف تواجهكم..

كل المحتاجينه نتطمن.. ❤️

#ربا_عبد_العزيز

أهم مرحلة في الحب التقبُّل

ما الونسة والضحك ولا انبهار البدايات،
أعظم مرحلة لمن تشوف مساوئ وسلبيات حبيبك، لمن تصل مرحلة تحس نفسك خلاص ماقادر تتحمل بس تمشّي وتتقبل ويكون على قلبك زي العسل ليه؟ لأنك حبيت بالجد.

ماتتضايق لمن يقول ليك زول حبيته انو فيك صفات سيئة وقرر يبعد عنك، ماتضايق لو قال ليك تعبت وماقادر أكمل لأنه الزول دا ماحباك حب حقيقي، إنت ما سيء، الزول دا ماعرف يتقبلك زي ما إنت..

مافي زول كامل، كلنا بسلبياتنا
البيتقبلك زي ما إنت، دا الحباك بالجد💜

#ربا_عبد_العزيز

لا تفلتني
لقد ارتفعنا كثيراً
وسيكون السقوط بهذا العلو قاتلاً ❤️

"نص التلاعب بالقارئ "

قف هنا..
نعم هنا
لا تمرر إصبعك للأعلى و تتفاداني
لن آخذ من وقتك الكثير، إذا كان هذا النص ما زال متوفر و لم يُحذف فمعنى ذلك أنك أنت يا من تقرأ الآن وحدك من سيسمع مناجاتي..
لقد تعرَّض هذا النص للاختلاس، نعم اختلاس!
و أظن أنك أنت من قُدِّر لك أن تمد يد العون لي..
حسنًا، لا أستطيع اخبارك الآن بالتفاصيل فأنا أكتب الآن بكل خوف أظن أن أحدهم يراقبني و الآخر في انتظار أن أبوح باسمه ليقتلني ربما، نعم قد يحدث ذلك أيضًا، سأخبرك باسمه يا صديق، حروف اسمه متناثرة في هذا النص، هيا سريعًا عد إلى الأعلى و رتب أول حرف من أول خمسة أسطر..

وجدته؟ مازلت لم تجده؟!
دقيقة.. !! ربما بعثر أحدهم الحروف أو ربما قام الآخر باعادة ترتيب أسطر هذا النص، تأكد من أجلي يا صديق، فأنا محاصر تمامًا، لا أستطيع فعل شيء، أنا يا صديق كاتب منذ الصغر، حروفي لا يُعلى عليها، منذ أن تم اكتشافي و أنا مراقب من كل اتجاه، أظن أنك أيضًا تريد أن تصبح صديقي، حسنًا... سأترك لك رقم هاتفي الآن في نهاية هذه الرسالة، لحظة! هل وجدت الرقم ناقصًا؟!

ربما نعم، لأني لا أكتب رقم هاتفي كاملاً، إذا كان كذلك أضف في نهايته الرقم خمسة و تسعة، مهلاً! ماهذا؟! أسمع صوت سن السكين، يا إلهي أظن أني سأُقتل قريبًا، يا صديق ليس لدي متسعًا من الوقت سأترك لك في نهاية هذه الرسالة عنواني أرجوك أن تأتي مسرعًا و إذا حدث و سمعت خبر وفاتي تأكد أنهم زيفوا موتي فأنا لن أمت أنا حتمًا سأُقتل غَدرًا.

- وحدة الصحة النفسية
- الجناح : 45
- قسم البارانويا

#ربا_عبد_العزيز

لن تُشفى إلا عندما تُصدِّق أنه لن يعود.

#ربا_عبد_العزيز

يجماعة التعليق دا جذبني بالجد
طول عمري بقول في النقطة دي حيوضح البيحبك بالجد واللي لا، البيحبك حيتقبلك بكل عيوبك، حيستحملك، حيشوفك أجمل حاجة في حياته، مستحيل يجي يوم يقول تعب منك، أو يعايرك بعيوبك أو يقول عاوز وقت أو عاوز مساحة، يجماعة البيحبك مستحيييل بإرادته يبعدك عنه، البيحبك لو الدنيا والعالمين قالو ليهو يخليك حيرفض وحيمسك فيك بأسنانه، ماتزعل على زول اتخلى عنك، حيجيك الزول اليتمسك بيك بكل مايملُك.

ماتنسى دايماً إنت ماسيء، بس هو الماحباك كما تستحق
لأنه الحب تقبُّل ❤️

#ربا_عبد_العزيز

علمني حبكِ أن أتصرف كالصبيان
أن أرسم وجهك بالطبشور على الحيطان
يا امرأة قلبت تاريخي..
إني مذبوح فيكِ .. من الشريان إلى الشريان
علمني حبك كيف الحب يغير خارطة الأزمان
علمني حبك سيدتي .. أسوأ عادات
علمني أفتح فنجاني في الليلة الآف المرات
واجرب طب العطارين .. وأطرق بابا العرافات
علمني أخرج من بيتي .. لأمشط أرصفة الطرقات
وأطارد وجهك في الأمطار وفي أضواء السيارات
وألملم من عينيك ملايين النجمات❤️
#نزار_قباني
#كاظم_الساهر

مساء الخير

كتير مننا أو أغلبنا بيصارع نفسه في التوبة، بيحاول وبيعافر كتير، بيحاول يقرب من ربنا ويبعد عن حاجات كتيرة، الاغاني، الافلام، المسلسلات، وحدة نفسها تتقرب لربنا أكتر وتتحجب ووحدها نفسها تتنقّب، وواحد نفسه يلتزم بالصلاة في مواعيدها، وواحد نفسه يصلي بخشوع وتأنِّي.

سبحان الله مراتب كتيرة تلقى ناس قدام شديد وناس لسة وناس متأخرة وديل كلهم البيجمعهم شي واحد ضميرهم وحبهم لربنا ورغبتهم في التغيير.

العاوزة أقولو ليك إنه ربنا بيحبك، وإنه إنت صح، عارف ربنا قال ( إن الله يُحب التوَّابين ) التوابين: أي كثيري التوبة، بمعنى إنك كل مرة بترجع لربنا، كل مرة بتصحى وبتوب عن حاجة معينة، حتى لو رجعت وتبت عن نفس الحاجة مية مرة، إنت بتصارع ضد الشيطان ووساوسه تجاه ملذات الدنيا، إنت عظيم وأحمد ربنا على الحاجة دي وادعي ربنا الثبات.

وأهم شي أوعى تصل مرحلة يأس، إنك تتعب من كونك كل شوية بتحاول وبترجع، استمر وأوعى في يوم ضميرك يموت، توب وأرجع لربك مرة واتنين وتلاتة مع شروط التوبة التلاتة واتأكد إنك كدا في الطريق الصح.

#لكي_نتقرب_من_الله
#ربا_عبد_العزيز

يركُض هارباً وأيضاً يخاف الوصول
لا يعلم أيّ باب يطرق!
يحتار، يخاف، يتألَّم
قتلته التساؤلات، عذبته الخيبة
وكسره الخذلان..

تناثرت الأهداف وذبُلت الآمال
والناس مازالوا يُأجِّجون مأساته
المكان ليس مكانه والزمان ليس زمانه!

لن يفهمه أحد..
يتخابط في متاهات..
لا يعلم أين الخلاص

#ربا_عبد_العزيز

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا )

عليه الصلاة و السلام 🌹

#اعادة_توجيه ولك الأجر
#ارح_مسمعك