کونولوم غملی‌دیر ،اوره‌گیم یارا
قاپیمیز نیگران باخیر یوللارا
آناسیز جانیما سن‌ایدین چارا
بوگون ده گلمه‌دین ،ناواخ گلیرسن ؟!

نیسگیلین جانیمی یاندیریب یاخیر
گؤزومدن اوره‌گین قانی‌دیر آخیر
تانری پئشمان اولوب ،هئی منه باخیر
بوگون ده گلمه‌دین ،ناواخ گلیرسن ؟!

هفته‌لر کئچه‌رک ،آی‌لار سوْووشور
بوهیجرین یاراسی سانما قوْوۇشۇر
قیزیم شکیلیندن هر آن سوْروشور
بوگۉن‌ده گلمه‌دین ،ناواخ گلیرسن ؟!

سن منی بوراخیب گئتدیگین زامان
روحوم بدنیمدن آیریلیب گومان
ایندی کی گورورسن حالیمی یامان
بو گون ده گلمه‌دین ، ناواخ گلیرسن ؟!

بیلمیردیم حیاتی بوقدر یالان
بیر کیرپیک چالینجا اولموشام تالان
آی منی آغری‌دان آغری‌یا سالان
بو گون ده گلمه‌دین ، ناواخ گلیرسن
.
@salman_abdizadeh

شعر : سلمان عبدی زاده
سس : ماهرخ افرا
.
.
دونیا منه یئنی حیات
بیر گؤزل آنا بوشلودور
اَن آزی اوتوز ایل گولوش
داغ کیمی آتا بوشلودور

حسرت دولو سؤزلریمه
اؤزگه‌لَنمیش اؤزلریمه
غم شکلینده گؤزلریمه
مین حَکیم چارا بوشلودور

قاناد ، آرزو دیله‌ییمه
اؤز گوجومو بیلَییمه
شنلیک‌لری اوره‌ییمه
کؤنلومو تارا بوشلودور

سیندیرسام سا قفسیمی
آلا بیلسم نفسیمی
تاپسام یاشام هوسیمی
سئوگیمی یارا بوشلودور

سلمان عبدی‌ زاده
.
@salman_abdizadeh

دار کوچه‌لردن باشلانیردی
شیرین سئوگی‌لر
شیرین خیال‌لار
ایندی ایسه ، کوچه‌لر یالقیز ، سئوگی یالقیز
قورتولوروق یئکه خیابان‌لاردا

ساعات ، اولدوزلارین داریخدیغی زامان
صاباحلارین یاسین توتاراق
سورونورم
دارماداغین فیکیرلرین آغریسی‌ایلا
آج ایت‌لرله بیرلیکده
آی‌ حؤزونلو باخاراق

نه بیلیم
بلکه‌ده آی همن گونش‌دیر گئجه‌لر دیزلرینی قوجاقلاییر
بلکه‌ده آنام‌دیر ، قارا ساچلارینی اؤزونه تؤکه‌رک
آنجاق
یارالاریمی اونودماغا هئچ نه ایسته‌میرم
یئتر بیر ایچیم آغری
بیر ایچیم خیال
و بیر سینیخ قوجا کرپیج باشیمی دایاییب
روحومو خیال قوشو‌نا تاپشیرماغا

آه ه ه  ،  سؤیله آناجان
ایندی ایسه قیرخ ایل گئری یه دونموشوک
من کؤرپه بیر اوشاق و سن هله‌لیک  گولومسه‌ییرسن آجی حیاتینا
شیرین لای_لای‌ین لا توختالت منی
آنجاق آرزولاریندان منه هئچ نه دئمه
منه هئچ نه آرزولاما
بو یئرده حسرته دؤنورلر
بوتون آرزولار
منه لای لای چال شیرین شیرین گولوشلرین ایله
اوخشا منه آناجان
اوخشا گله‌جه ییمه
سونرا اوپ منی
دونیانین ان گؤزل حوری لرینین ده اوپوش‌لری سنین اوپوشلرینین دادین وئرمه‌یه جک
منی یئنی دن بئشیکه قویوب
اللریمدن یاپیشیب
گؤزل باخیشینی دویون‌له باخیشلاریما آناجان
بو دویون هئچ کیمسه آچا بیلمه‌دیگی دویون‌لردن دیر
من بئله یاشاییب ،بئله اؤلمک ایسته‌ییرم
گله‌جه‌یی بوراخ آناجان
منه کئچمیشیندن دانیش
نئجه سئویب ،نئجه سئویلمه‌ییندن
آتامین گیزلی اوپوشلریندن
گولوش‌لریندن
آنجاق آنا جان
گوز یاشلارینی هله‌ده اونودمامیشام
منیم ایلک گولوشومو خاطیرلاییب ، گول
گولوشلرینین تامارزیسی‌یام یالنیز
آن دٓرین یارالاریمدان ایذن آلیب سنه قوناق گلمیشم
بیر آن یاشات منی
آند اولسون همن سئوگینیزه
خیاللاریمدا قالماق ایسته‌ییرم
نه بیلیم ، بلکه‌ده آدی همن اؤلومدور خیاللاردا قالماغین
اللریمی برک یاپیش آناجان
گول آچیب شئعیرلریمده
حوزونلو سئوگینیزین آغری‌لاری
اونلاری سنه اوخوماق ایسته‌ییرم
هئچ کیمسه‌یه اوخومادیغیم شئعیرلری 
دونیا سن گؤردوگوندن داها چوخ رحمسیزله‌شیب
بوردا یاشاماق زور
یاشاماماق داها زور آنا جان
.
سلمان عبدی زاده
@salman_abdizadeh

.
dar küçələrdən başlanırdı
şirin sevgilər
şirin xəyallar
indi isə küçələr yalqız ,sevgi yalqız
qurtuluruq yekə xiyavanlarda

saat ulduzların darıxdığı zaman
sabahların yasın tutaraq
sürünürəm darmadağın fikirlərin ağrısı ila
ac itlərlə birlikdə
ay hüzünlü baxaraq
nə bilim , bəlkədə ay həmən günəşdir ,gecələr dizlərini qucaqlayır
bəlkədə anamdır ,qara saçlarını üzünə tökərək
ancaq , yaralarımı unudmağa heç nə istəmirəm
yetər bir içim ağrı , bir içim xəyal
və bir sınıq qoca kərpic başımı dayayıb , ruhumu xəyal quşuna tapşırmağa

ah h h , söylə anacan
indi isə qırx il geriyə dönmüşük
mən körpə bir uşaq və sən hələlik gülümsəyirsən acı həyatına
şirin şirin lay_layınla toxtalt məni
ancaq arzularından mənə heç nə demə
mənə heç nə arzulama
bu yerdə həsrətə dönürlər bütün arzular
mənə lay_lay çal şirin_şirin gülüşlərin ilə
oxşa mənə anacan, oxşa gələcəyimə
sonra öp məni
dünyanın ən gözəl hurilərinində öpüşləri sənin öpüşlərinin dadın verməyəcək
məni yenidən beşikə qoyub
əllərimdən yapışıb
gözəl baxışını düyünlə baxışlarıma anacan
bu düyün heç kimsə aça bilmədigi düyünlərdən dir
mən belə yaşayıb ,belə ölmək istəyirəm
gələcəyi burax anacan
mənə geçmişindən danış
necə sevib necə sevilməyindən
atamın gizli öpüşlərindən,
gülüşlərindən
ancaq anacan ,göz yaşlarını hələdə unudmamışam
mənim ilk gülüşümü xatırlayıb ,gül
gülüşlərinin tamarzısıyam yalnız
ən dərin yaralarımdan izn alıb sənə gonaq gəlmişəm
bir an yaşalt məni
and olsun həmən sevginizə
xəyallarımda qalmaq istəyirəm
nə bilim ,bəlkədə adı həmən ölümdür xəyallarda qalmağın
əllərimi bərk yapış anacan
gül açıb şeirlərimdə
hüzünlü sevginizin ağrıları
onları sənə oxumaq istəyirəm
heç kimsəyə oxumadığım şeirləri
dünya sən gördügündən daha çox rəmsizləşib
burda yaşamaq zor
yaşamamaq daha zor anacan

@salman_abdizadeh

بلکه ده آی ،همن گونش‌دیر ، گئجه‌لر دیزلرینی قوجاقلاییر ...

شعر و سس : سلمان عبدی زاده
@salman_abdizadeh

اسفند آیینین ایکینجی گونو
دونیا آنادیلی گونودور

بو گونو بوتون میللت‌لره ، اؤزللیک‌له اؤز میللتیمیزه تبریک دئییب قوتلاییرام

.
#اوشاق_شعری

آی منیم یوْلداشلاریم
سئوگیلی دیلداشلاریم

تک گزیب دوْلانمایین
غم‌لره بولانمایین

گلین وئرک اَل اله
بورا سالاق‌ ولوله

دئییب گولوب اوینایاق
هئچ کیمی تک قویمایاق

کوسن‌لرله باریشاق
آنا دیلده دانیشاق

بیزه جان‌دیر دیلیمیز
یاشاسین بو ائلیمیز

سلمان عبدی زاده

@salman_abdizadeh

.
mənim ağrılarım (şeir toplusu)

yazar : salman abdizadeh
.
منیم آغری‌لاریم (شئعیر توپلوسو )

#تورکو_شئعیر_کیتابی

یازار : سلمان عبدی‌زاده


@salman_abdizadeh

« #اوشاق_شعری »

سحر اولوب اویانین
گئجه سونا چاتیبدیر
حیات آغ دونون گئییب
قارالیغین آتیب‌دیر

قوش‌لار اوخویاجاق‌لار
یئل قاپینی آچاجاق
پنجره‌دن اوتاغا
گونش ایشیق ساچاجاق

آنام محبتینی
کؤنلوموزه سَره‌جک
یاشاییشین باغیندان
بیزه اومود دَره‌جک

شیرین ناغیل اوخویوب
اؤیره‌ده‌جک سؤزلری
آمما بیلمیرَم نه‌دن
هردَن دولور گؤزلری

آنادیلی شیرین‌دیر
آنامین اؤزو کیمی
بیزه یامان خوش گلیر
تانرینین سؤزو کیمی

سلمان عبدی زاده

@salman_abdizadeh

■ 2403 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز دوشنبه 6 اسفند ماه 1403

🔹فایل pdf صفحات نشریه در لینک کانال تلگرام مهدتمدن⬇️
https://tttttt.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

اوشاق‌لار اوچون یازدیغیم شعر ، مهد تمدن گونده‌لیگینده ...
@salman_abdizadeh

ایفاء : قیزیم ائل آی
#اوشاق_شعری

آی منیم یوْلداشلاریم
سئوگیلی دیلداشلاریم

تک گزیب دوْلانمایین
غم‌لره بولانمایین

گلین وئرک اَل اله
بورا سالاق‌ ولوله

دئییب گولوب اوینایاق
هئچ کیمی تک قویمایاق

کوسن‌لرله باریشاق
آنا دیلده دانیشاق

بیزه جان‌دیر دیلیمیز
یاشاسین بو ائلیمیز

سلمان عبدی زاده

@salman_abdizadeh

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۱۸. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

■ 2418 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز پنجشنبه 23 اسفند ماه 1403

🔹فایل pdf صفحات نشریه در لینک کانال تلگرام مهدتمدن⬇️
https://tttttt.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۴۲۱. سایێنداکی تۆرکجه صفحه‌

«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چیخیر.

@SancaqDergisi
@MuncuqAz

🌐 https://www.instagram.com/sancaq2
🌐 https://instagram.com/asanews.ir

دونیا منه یئنی حیات 
بیر گؤزل آنا بوشلودور
اَن آزی اوتوز ایل گولوش
داغ کیمی آتا بوشلودور

حسرت دولو سؤزلریمه
اؤزگه‌لَنمیش اؤزلریمه
غم شکلینده گؤزلریمه
مین حَکیم چارا بوشلودور

قاناد ، آرزو دیله‌ییمه
اؤز گوجومو بیلَییمه
شنلیک‌لری اوره‌ییمه
کؤنلومو تارا بوشلودور

سیندیرسام سا قفسیمی
آلا بیلسم نفسیمی
تاپسام یاشام هوسیمی
سئوگیمی یارا بوشلودور

✍️سلمان عبدی‌ زاده
.
سس : نیکو https://tttttt.me/+cVG5Lm6sE5E0NTU0
.
@salman_abdizadeh

بیر گئجه زامان‌لا باریشاجاغام
آغریما اوره‌گیم، آغریما داها!
سئوینجه، اوغورا قاریشاجاغام
آغریما اوره‌گیم، آغریما داها!

غوصّه‌نی، کدری آتاجاغام من
اؤزومو اؤزونه قاتاجاغام من
بوتون آرزیلارا چاتاجاغام من
آغریما اوره‌گیم، آغریما داها!

تانری بیزلری‌ده یادا سالاجاق
دونیا بیزیم اولوب بیزه قالاجاق
گولوش، گؤز یاشینین یئرین آلاجاق
آغریما اوره‌گیم، آغریما داها!

قلم‌له، غملری قازاجاغام من
غملی یازیلاری، پوزاجاغام من
شعریمی یئنی‌دن یازاجاغام من
آغریما اوره‌گیم، آغریما داها!

شعر : سلمان عبدی زاده

سس : نیکو‌🎙️https://tttttt.me/+cVG5Lm6sE5E0NTU0
.
@salman_abdizadeh

darıxmayın ay elim ,qış keçir, bahar gələcək
bənövşələr açaraq ,durna ila sar gələcək

şəhər şəhər dolanıb hammıya xəbər yetirin
gecikmiş arzuları çatdıran qatar gələcək

deyin adaxlı qıza ,qırmızı donun geysin
səhər açılmadadır ,yar əlində nar gələcək

səpin ürəklərizə sevgi bəzrini qat_qat
bu yerdə varsa həyat ,sevgimiz yaşar gələcək

anam yazıq dedi haa ,səlmanım darıxma dayan
zaman sizə gülərək ,yollarız hamar gələcək

sazaqlı pəncərələrdən çəkilməyin qırağa
darıxmayın ay elim ,qış keçir ,bahar gələcək

@salman_abdizadeh

آ سئوگیلیم داریخما هئچ
سنی گَلیب تاپاجاغام
اوره گیمین سئوگی سینی
اوره گینه یاپاجاغام

بیراخما بیر داها منی
سن ایله من اوجالمیشام
گؤرنده کاش تانییاسان
آخی بیرآز قوجالمیشام

آ سئوگیلیم داریخما هئچ
بو ‌طالعی پوزاجاغام
حسرت ایله غمی سیلیب
سنی یئنه یازاجاغام

آخی جانا گلیب جانیم
منی سنه قاتاجاغام
یول وئرمه سن ، گلیب گؤرم
کوچه نیزده یاتاجاغام

✍️ سلمان عبدی زاده

سس : نیکو 🎙️
@salman_abdizadeh