Затрымалі тыктокера і студэнта БДТУ Паўла Пагоскага

На «пакаяльным відэа» хлопец гаворыць, што затрыманы за тое, што размясціў у сацыяльнай сетцы відэа «непрыстойнага характару».

Тэлеграм-канал, звязаны з сілавікамі, публікуе таксама скрыншоты відэа, на якіх блогер апрануты ў міліцэйскую форму. Пры гэтым у ягоным профілі ў TikTok падобных відэа няма, піша @nashaniva.

🔹Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

ШТО РАБІЦЬ З АБЫХОДНЫМІ❓

Сёння ўручэнне дыпломаў, і ў жыцці выпускнікоў пачынаецца новы этап. Але гэтае свята сапсуецца "неабходнасцю" падпісання абыходнага. Замест таго, каб святкаваць абарону дыплома, моладзь вымушана стаяць па некалькі гадзін у вялізных чэргах, каб паставіць подпісы, а інакш ім абяцаюць не аддаць дыплом.

Ад выпускнікоў патрабуюць подпісы з інтэрната, рэжымна-ахоўнага аб’екту, прафкама, бібліятэкі, БРСМ, аддзела кадраў і бухгалтэрыі.

Пры гэтым вялікая колькасць людзей дазнаюцца, што яны чальцы БРСМ, пры тым што не ўступалі ў яго альбо напісалі некалькі год таму заявы, каб выйсці. З іх патрабуюць аплаціць унёскі за некалькі год, якія яны быццам былі чальцамі БРСМ.

❓Дык што ж рабіць? І ці варта плаціць грошы?

Не, плаціць не трэба. Паводле статуту БРСМ, чалецтва цалкам дабраахвотнае, то бок, калі вы не ўступалі, альбо напісалі заяву аб выхадзе, вы не з'яўляецеся чальцом і плаціць не абавязаны.

Ды і мы б вам параілі не марнаваць свой час на чэргі, так як патрабаванні здаць запоўнены абыходны з’яўляецца ні чым іншым як шантажом. Згодна з адукацыйным Кодэксам Рэспублікі Беларусь, для невыдачы дыплома можа быць толькі адна нагода — няздача дзяржаўнага іспыта.

Падрабязней пра абыходныя вы можаце пачытаць па спасылцы

ПАДРАБЯЗНАСЦІ ЗАТРЫМАННЯ ПАЎЛА ПАГОСКАГА

Нядаўна ў тэлеграме "Вясны" з’явілася інфармацыя пра затрыманне тыктокера і студэнта БДТУ — Паўла Пагоскага.

21 чэрвеня па хлопца ва ўніверсітэт прыехалі супрацоўнікі ГУБАЗІКа. Пабачыўшы, што за ім ідуць нядобрыя людзі ў кампаніі з Гапанюком і Гараноўскім, Павел пабег. Яго адсачылі па камерах, пасля чаго жорстка затрымалі. Пагоскі затрыманы нібыта за відэа ў міліцэйскай форме, якое ён размясціў у сваім тык-току. На момант затрымання відэа было выдалена. Але, не гледзячы на гэта, хлопцу прысудзілі 15 содняў арышту.

Паша навучаўся на чацвёртым курсе ХТіТа. 22 чэрвеня ён павінен быў абараняць дыплом, але 21 яго не толькі затрымалі, але і адлічылі.

ЯШЧЭ АДНО ЗЛАЧЫНСТВА САБАК РЭЖЫМУ

Сёння быў вынесены прысуд сужэнцам Дашкевічам, Змітру — 1,5 гады калоніі, а Насці — 3 гады "хатняй хіміі".

Гэта не першы раз, калі лукашэнкаўскія слугі пераследуюць Змітра і Насту за іх любоў да Беларусі. Пара заўсёды стойка вытрымлівала ўсе нягоды і падкрэслівала, што не плануюць з’язджаць з радзімы. Але зараз у іх чацвёра дзяцей, малодшы з іх — Данііл — нарадзіўся 16 чэрвеня.

Нават нягледзячы на гэтыя абставіны, сумленне дазволіла пачварам асудзіць пару. Сёння мы зноў пабачылі, што ў тых, хто працуе на гэты рэжым, няма нічога святога, ёсць толькі страх, страх перад сапраўднымі БЕЛАРУСАМІ, а гэта азначае, што мы рухаемся ў верным накірунку.

Стачкам БДТУ выражае сваю падтрымку Змітру і Насці. Сёння ўсе нашыя малітвы з сям’ёй Дашкевічаў.

РАЗМЕРКАВАННЕ – ЁСЦЬ ПЫТАННІ?

Праз пару тыдняў выпускнікі прыступяць да працы па прымусовым размеркаванні, а шмат хто пачаў адпрацоўку ўжо цяпер.

Калі ў сувязі з гэтым у вас узніклі праблемы і вас накіравалі ў непажаданае месца – усё яшчэ ёсць варыянт пераразмеркавання, а для самых радыкальных – увогуле адмова ад адпрацоўкі.

Каб даведацца больш пра гэтыя працэдуры – пішыце ў наш бот @s_bdtu_bot ці ў бот юрыдычнай дапамогі ЗБС @stud_helpby

🤍❤️🤍 ЧАМУ НАША СІТУАЦЫЯ НЕМАГЧЫМАЯ Ў ЗША🇺🇸

Вялікая частка беларускага грамадзтва задаецца пытаннем: "Чаму дыктатура ў Беларусі магчымая?", "Чаму мы не здолелі перамагчы ў 2020 годзе?", "Чым мы горшыя за іншыя народы?"

Мы таксама задаемся гэтымі пытаннямі, таму падрыхтавалі для вас шэраг пастоў, прачытаўшы якія, магчыма вы знойдзеце адказ на гэтыя пытанні.

ЛЕГАЛІЗАЦЫЯ ЗБРОІ⚔

Досыць часта лукашэнка і ягоныя прапагандоны, згадваючы жорсткія дзеянні беларускіх сілавікоў і забойствы мірных пратэстоўцаў, у адказ вінавацяць Байдана за падзеі ў капітоліі пасля выбараў у Амерыцы.

Дык у чым жа розніца❓

А ўсё досыць проста. У ЗША кожны грамадзянін мае права на захоўванне зброі і можа мець яе пры сабе, у той час, як у Беларусі дзяржава мае манаполію на гвалт. У Амерыцы паліцэйскія і прэзідэнт наўпрост не могуць сабе дазволіць паводзіць сябе так, як гэта робяць дыктатар са сваёй хунтай. Ва ўмовах, калі кожны чалавек можа мець пры сабе зброю, нават самы адсаджаны псіхапат будзе трымаць сябе ў руках, так як у іншым выпадку век ягоны будзе нядоўгім. А сілавікі не могуць прыйсці да кагосьці ў цывільным і наўпрост пачаць ламаць дзверы, бо яны памятаюць, што ў таго, хто знаходзіцца па іншы бок, можа быць пісталет і ён мае поўнае права абараняць сябе, сваю сям’ю і сваё жытло. Гэта звязвае рукі сілавікоў і робіць сітуацыю, калі "часам не да законаў", немагчымай.

P.S. Безумоўна, мы разумеем, што ў дазвола на захоўванне зброі ёсць і свае недахопы, але ён дае магчымасць народу пазбавіць дзяржаву гэтай манаполіі, што вельмі важна ў нашых умовах.

❗️НАМ ПАТРЭБНАЯ ВАША ДАПАМОГА❗️

На дадзены момант нам вядомыя выпадкі, калі людзей, якія пасля падзей жніўня 2020 года патрапілі пад рэпрэсіі, праз гэта не бяруць у магістратуру і аспірантуру, а тых, хто ўжо паступіў, адлічваюць.

Мы вядзём улік рэпрэсій у БДТУ, таму просім, калі падобнае адбылося з вамі альбо вашымі знаёмымі, паведаміце ў наш бот — @s_bdtu_bot

⁉️ ПРАВАВЫ СТАТУС ХАТНЯГА ГВАЛТУ

Мы працягваем сваю рэфлексію наконт беларускага пытання пастом пра хатні гвалт і тое, чаму менавіта патрэбная яго крыміналізацыя.

Так, гэтая праблема таксама паўплывала на тое, што беларуская сітуацыя стала магчымай. Бо калі вялікая колькасць грамадзян пакутуюць ад гвалту з боку найбліжэйшых ім людзей і ведае, што ніхто ім не дапаможа, калі астатнія звыкліся чуць крыкі за сцяной і даўно перасталі на іх рэагаваць, выкліканая міліцыя ніколі з гэтым нічога не рабіла, гвалт становіцца нормай і прымаецца як штосьці натуральнае.

Як гэта за хатні гвалт няма пакарання? У нас жа ёсць артыкулы за пабоі, цяжкія цялесныя пашкоджанні ў крымінальным кодэксе. Навошта асобныя пад хатні гвалт?

Так, безумоўна, артыкулаў, якія датычацца гвалту, у КК РБ хапае. Але хатні гвалт не можа карацца так сама, як звычайны і тым больш не павінен пакідацца на вырашэнне сям’і. Калі чалавека хоча пабіць сусед, ён можа проста не адчыняць яму дзверы. А вось калі гвалт сыходзіць ад партнёра/партнёркі — а яшчэ горш, ад бацькоў ці дзяцей, чалавеку найчасцей папросту няма куды хавацца. Да таго ж, большая частка забойстваў адбываецца менавіта з боку блізкіх сваякоў — і не рэдкасць, калі да гэтага ахвяра ўжо звярталася ў міліцыю з-за гвалту і пагроз з боку забойцы, але ніякай рэакцыі ад органаў не было.

Але ж нам нельга будзе біць сваіх дзяцей.

Так, нельга будзе біць дзяцей, партнёра/партнёрку, бацькоў. І ўвогуле, людзей біць дрэнна. У гэтым і сэнс.

🗽 LINDA WHETSTONE PROGRAM FOR ADVANCING FREEDOMS

Калі вы чытаеце гэта, вядома, вас турбуе ўсё тое, што зараз адбываецца ў Беларусі. Вы цікавіцеся ідэямі свабоды і намагаецеся атрымліваць практычныя веды па гэтай тэме.

Таму сардэчна запрашаем вас на нашую вечарынку🥰

Linda Whetstone Program for Advancing Freedoms – бясплатная навучальная праграма для беларускай моладзі з актыўнай грамадзянскай пазіцыяй, якая хоча развіць свае лідарскія якасці і паглыбіць веды ў эканоміцы, паліталогіі, гісторыі і іншых сферах, а таксама даведацца больш пра грамадскі актывізм у розных краінах свету.

Праграма складаецца з двух этапаў: анлайн-навучання і афлайн-канференцыі.

⏰ Дэдлайн рэгістрацыі: 7 верасня 23:59.

➡️ Падаць заяўку
➡️ Падрабязней пра праграму

⚖️ СМЯРОТНАЕ ПАКАРАННЕ

У працяг сваёй рэфлексіі вакол беларускага пытання мы хочам падняць досыць няпростую тэму — смяротнае пакаранне.

Гэта вельмі няпростая тэма і яна выклікае вялікую колькасць спрэчак. Але, на наш погляд, яна так сама паўплывала на сітуацыю ў нашай краіне.

На дадзены момант, Беларусь — адзіная краіна ў Еўропе, дзе ўсё яшчэ існуе гэтая мера пакараньня. За час незалежнасці Беларусі, гэты прысуд быў вынесены больш за 400 разоў. Некаторых лукашэнка памілаваў, але большасць былі расстраляныя, а іх блізкія ніколі не даведаюцца час іх смерці і месца пахавання.

А ці сапраўды яны заслугоўвалі такога жорсткага пакарання?

Нават самы вядомы выпадак вынясення такога жорсткага прысуду — пасля выбуху ў менскім метро ў 2011 годзе, усё яшчэ выклікае вялікую колькасць спрэчак, а некаторыя нават лічаць расстраляных таксама ахвярамі таго тэракту. Ва ўмовах дыктатуры, калі ўсе дзяржструктуры працуюць так каб не далі па шапцы, а якасць працы застаецца ўжо не такой важнай, на ўсіх этапах следства і суду з'яўляецца вялікая колькасць памылак, якія ламаюць людзям лёс, а ў некаторых забіраюць жыццё. Нават у самых дэмакратычных краінах, дзе судовая сістэма працуе як трэба і заўсёды да законаў, суддзі і следчыя могуць памыліцца, і каб не забіць нявіннага, шмат дзе смяротнае пакаранне ўжо даўно адмянілі, а ў тых краінах, дзе яно яшчэ ёсць, яно працуе з адтэрміноўкай, за час якой нярэдка даказваецца, што чалавек не рабіў злачынства.

Так а як жа гэта ўплывае на сітуацыю ў Беларусі?

У краіне, у якой існуе смяротнае пакаранне і ёсць хоць невялічкая верагоднасць, што расстраляюць нявіннага, кошт чалавечага жыцця ў вачах грамадства зніжаецца. Ні для кога не сакрэт, што рэпрэсіі і забойствы з боку рэжыму пачаліся задоўга да 2020 і пакуль шмат хто думаў: "Мяне гэта не датычыцца, гэта толькі ён сваіх апанентаў... Палітыка — справа брудна" дыктатар нарошчваў сваю моц.

📤 СЦЯПАНУ ЛАТЫПАВУ ПАТРЭБНАЯ НАША ПАДТРЫМКА

Сцяпан чытаў лекцыі ў нашым універсітэце. Але ўжо два гады рэжым утрымлівае яго за кратамі.

Увесь час, што Латыпаў знаходзіцца ў няволі, на яго цісне адміністрацыя: спачатку СІЗА, а цяпер калоніі. Ён неаднойчы спрабаваў нашкодзіць сабе ў знак пратэсту супраць таго, як да яго ставяцца. Самы вядомы выпадак адбыўся на першым паседжанні суда, калі ён уваткнуў сабе ў шыю асадку. Але на гэтым здзекі над Сцяпанам не скончыліся — і ў ліпені гэтага года ён быў вымушаны зноў пайсці на крайнія меры: у знак пратэсту супраць дзеянняў адміністрацыі калоніі Латыпаў праглынуў лязо і парэзаў вену на руцэ. Але і гэта не прыпыняе сабак рэжыму: цяпер Сцяпана чакае суд па ўзмацненні рэжыму — яго хочуць перавесці ў турму.

Сцяпан амаль не атрымлівае лістоў і паштовак. І ў яго складваецца ўражанне, што на яго забыліся.

Так давайце ж пакажам нашаму Герою, што мы пра яго памятаем і вельмі чакаем — дашліце Сцяпану лісты падтрымкі.

Лепш усяго дасылаць замоўныя лісты або лісты ў капэртах першага класу.
💌: Латыпаву Сцяпану Сяргеевічу. 225295, Камера 6, ПКТ, А/С 20, ПУ "ПК №22", ст. Даманава Івацэвіцкага раёна, Брэсцкай вобласці.

📍Палітзняволенага Сцяпана Латыпава перавялі ў Магілёў

У судзе Івацэвіцкага раёна 15 верасня адбыўся суд па замене Сцяпану Латыпаву пакарання на больш жорсткае. Вядома, што адміністрацыя калоніі патрабавала, каб Сцяпана перавялі ў турму на тры гады, але суддзя Аляксандр Кірыловіч пастанавіў перавесці яго на турэмны рэжым тэрмінам на два гады.

Днямі яго этапавалі ў магілёўскую турму № 4.

Нядаўна стала вядома, што Латыпаў у ліпені на знак пратэсту супраць дзеянняў адміністрацыі папраўчай калоніі № 22 глытаў лязо і рэзаў вену на руцэ. За гэта ён атрымаў 17 сутак у штрафным ізалятары.

💌 Падтрымаць палітвязня можна лістамі: Турма №4, 212011, г. Магілёў, вул. Крупскай, 99А, Сцяпан Сяргеевіч Латыпаў
📮Напісаць анлайн 👉 bit.ly/3PIOcjz

💸 КОШТ ВЕДАЎ 💸

Штогод кошты на адукацыю растуць. У гэты раз навучанне на некаторых факультэтах падаражэла на 374 бел.руб.

А ці паляпшаецца пры гэтым якасць паслуг?

Шчыры ўніверсітэт запускае кампанію "вартасць ведаў", каб дапамагчы студэнтам разабрацца ў іх правах і сбавязках універсітэта. Сярод іншага вы даведаецеся:
➖ як фармуецца і расходуецца бюджэт ВНУ
➖ ад чаго залежыць коштадукацыі
➖ як можна атрымаць зніжку альбо перавесціся на бюджэт
➖ як палепшыць умовы пражывання ў інтэрнаце
➖ як паўплываць на расходы ўніверсітэту

Каб атрымаць матэрыялы па гэтым і шматлікім іншым тэмам, рэгіструйцеся ў чат-боце УНІВЕР:
https://xn--r1a.website/univer_by_bot
А каб атрымаць кансультацыю па пытаннях звязаных менавіта з БДТУ, пішыце ў наш бот: @s_bdtu_bot

СТУДЭНТЫ СУПРАЦЬ ДЫКТАТУРЫ

Сёння — 17 лістапада — міжнародны дзень студэнтаў.

28 кастрычніка 1939 у Празе прайшлі дэманстрацыі супраць нацысцкага рэжыму. Пратэст быў жорстка падаўлены, у выніку чаго быў моцна паранены студэнт медык — Ян Аплетал. Пазней хлопец памёр ад атрыманага ранення. Пахаванне Яна, у якім прынялі ўдзел тысячы студэнтаў,  перарасло ў новую хвалю пратэстаў, якія прывялі да таго, што больш за 1200 студэнтаў патрапілі ў канцэнтрацыйныя лагеры,  а 9 чалавек былі смяротна пакараныя 17 лістапада.

Але Гітлераўскі рэжым не адзіны, які адпраўляў за краты нязгодных студэнтаў. Моладзь заўсёды ўдзельнічала ў пратэстах супраць падобных рэжымаў. Вось і зараз у Беларусі вялікая колькасць палітзняволеных студэнтаў.

Мы верым, што рэжым рухне і нашы героі будуць на волі. Але зараз ім патрэбна наша падтрымка.