راع اللي عم يصير جواتها ،باست ايد امها وابوها وودعتهن وداعها الأخير .
جاد : يلا حياتي هلأ بنتأخر عالطيارة مابقى معنا وقت .
اروى : ......
اروى عم تحاكي ابوها : ارضى عليي بابا ضلك عم تحاكيني ماتنساني .
ابوها : ...الله يرضى عليكي ..اكيد رح حاكيكي ومارح ننساكي ...بس ليكي ها متل مافهمتك رجعة لهون ماالك شو فهمتي غير زيارة مالك رجعة وفوتة على هالبيت .
اروى عم تبكي بحزن ويأس😓 : ....حاضر بابا .
جاد : يلا اروى شو بانا مارح احرمك من اهلك اكيد ووعد مني الا جيبك لهون بالعطل .
اروى : وعد جاد .
جاد : ....اكيد بوعدك .
سافرت اروى مع جاد ووقت وصلو المطار طلب تكسي ليروحو لبيتهن .
وصلو البيت وعاشو فترة طبيعي لمدة اسبوع ومن بعد هالأسبوع بلشت معاناتها لأروى .
اروى عم تحكي لجاد وهي عم تبكي : لك خاف الله فيي طيب انا شو دخلني باللي عم يصير معك .
جاد : لأن وشك نحس عليي ماالنا فترة متجوزين والمصايب عم تزخ متل المطر فوق راسي .
اروى : حرام عليك انا شو دخلني .
جاد مسكها من وشها : لك اخرسي اخرسي يابومة .
تركها وصارت تبكي بحرقة .
مرقت الأيام ومرقت شهور وصارلهن متجوزين ست شهور ومابعتها ولا مرة لعند اهلها متل ماوعدها وكان كل يوم يصبحها ويمسيها بقتلة .
اروى عم تبكي بجنون : .... يابابا مشان الله اسمعني والله عم يضربني كل يوم صبح ومسا وعم يسبني ويسبك ويسب الساعة اللي اتجوزني فيها يابابا...
قاطعها ابوها بعصبية : انا شو فهمتك قبل لتتجوزي مو قلتلك رجعة لهون ماالك لو جوزك بييزقك الدم مابتطلعي من بيتك انا ماعندي بنات ترجع لعندي افهميها بقى .
اروى :..... يابابا تعى شوف وجهي مسبوغ بالألوان من كتر مو مورم من كتر الضرب .....والله ماعاد فيي اتحمل هالوضع .
ابوها بلا مبالاة: طيب طيب وليش عم يضربك اكيد عم اتطولي لسانك عليه وتردي بتمو جواب ماهيك .
اروى : ....هلأ هاد اللي طلع معك عأساس مابتعرف شو مربي ....بس رح قاك لشو عم يضربني ...يابابا كل ماخسر قضية بيرجع عالبيت بفش خلقو فيي وانا مو حملو ولا حمل ضربو انا شو دخلني ازا هو محامي فاشل ماكان يرضى يتدرب عند محاميين وقديه حاولت اقنعو يروح عند محاميين كبار ومعروفين ليكتسب منهن الخبرة ويشوف كيف بيدافع عن الموكلين بس هو ماكان يقبل كان يقلي انا بفهم اكتر منهن .
ابوها : ...افففف حاصلو خلصيني شو بدك هلأ .
اروى : بابا من آخر الكلام انا مابدي ضل معو بدي اتطلق .
ابوها بعصبية وصوتو طلع عليها : شوووووو ....شو تفضلتي انتي شكلك مابتفهمي متل امك واخواتك رح ضل عيد الحكي مية مرة انا انا قلت ماعندي بنات تنطلق وترجع تقعد بخلقتي .
اروى : بس يابابا .....
ابوها : لا بس ولا شي ازا بدك تتطلقي على هالبيت مابتفوتي شو فهمتي .
اروى: ...كيف يعني وين بدي روح بحالي .
ابوها : مالي علاقة فيكي دبري حالك اطلعي واستأجري برا وعيشي لحالك اما لعندي مالك رجعة وبتنسي امو الك اب واهل وعيلة فهمتي ....انتي بدك اخواتك يتعلمو منك ويعملو متلك اااه ليكون اخواتك عايشين ومستورين وعندهز ولاد كمان ومو حاكيين شي .
اروى: ......بس اخواتي مالن مرتاحين مع جوازهن وانت بتعرف هالحكي وعم يعانو متلي واكتر مني .
ابوها :عليكي نووووور وانتي اعملي متلهن وانضبي ببيتك .
اروى : الله يسامحك ...الله يسامحك كل اختيارك لجوازنا انا واخواتي غلط من البداية انت ماكنت تسأل عن اللي بيتقدمولنا الا ازا معو مصاري اولأ غير هيك مابهمك ليش يابابا نحنا مو بناتك بس همك تخلص منا ...ليش لتجيبنا عهالدنيي ليش .
ابوها : ...فعلا انك قليلة ادب وجوزك معو حق يضربك مووكل يوم كل ساعة كمان انسي رقم هالبيت وانسي اهلك فهمانة ....طووط طوطوط .
اروى : بابا .....بابا ......
حطت سماعة التلفون وصارت تضرب عوشها وتبكي وتقول : معقول ...معقول ياربي ابقى هيك معقول ضل مع هالمتوحش ببيت واحد ....ياربي لاجوز متل العالم والناس ولا اهل بينشد الضهر فيهن وفوق هاد كلو انا بغربة ياربي الهمني الصبر.
بقيت حصة عم تبكي لتعبت ونامت .
مرقو شهرين تانيين وجاد عم يضرب اروى بوحشية وماكان عندها خيار اخير الا انها تطلب الطلاق ،وطلبت الطلاق وماكان يرد عليها .
تشجعت واخيرا اروى بعد مااقنعتها جارتها وامها انعا تروح وترفع دعوى طلاق عليه وهاد اللي صار وشافها القاضي كيف وشها مورم وازرق وشرحتلو كل شي وشي كان ينكرو وشي يعترف فيه .
ومن بعد شهرين وهنن يروحوو ويجو عالمحكمة تم الطلاق واخيرا بعد مااروى تنازلت عن كل حقوقها، وطلبت اروى من القاضي انو يسمحلها جاد تقضي عدتها ببيتو لأن ماعندها مكان تروحلو وشرعا لازم تقضي العدة ببيت جوزها ووعدتو لجاد الا تطلع من البيت من يوم اللي بتخلص فيه العدة .
كان جاد يجيبلها كل اغراضها لباب البيت لحتى ماتطلع متل ماطلب منو القاضي لأن مافي الها معيل غيرو .
بفترة العدة كانت جارتها هبة تجي لعندها وتقضي عندها اغلب الوقت وطلبت منها اروى اتدبرلها شغل بآخر فترة العدة واتدبرلها مكان تقعد فيه لوقت تطلع هي واتدور براحتها .
اروى : هبة دخيل عينك شو

صار معك لقيتيلي شغل وبيت والا كيف .
هبة : والله عم دورلك وماعم قصر بالسؤال وطلبت من خطيب رفيقتي لك شغل بالشركة اللي بيشتغل فيها وفي اكتر من ناس تركت عندهن خبر وقالولي وقت يصير شغل بخبروني ....توكلي عالله انتي الله مابينسى حدا وبعدين انا شو قلتلك انا وامي انو تعي واسكني معنا لحتى تلاقي شغل ومكان تنامي فيه شو قلتي.
اروى : لاااا يو مابصير هيك اخوكي شب وموجود بالبيت وهيك رح بأسرلو حريتو مابجوز من الله .
هبة : يامخلوقة بس لحتى تلاقي شغل ومسكن لألك .
اروى : هلأ خليكي عم اتدوريلي عشغل انتي وشوفيلي شي بيت صغير شو ماكان ووين ماكان قبلانة المهم تلاقي الله يخليكي ياهبة لا تنامي عالقصة بتكسبي اجر فيني .
هبة : لا حول ولا قوة الا بالله مااعندك .
مابقي الا كم يوم لأروى وبتخلص عدتها وكانت خايفة وحيرانة شو رح تعمل ووين رح تقضي وقتها بعد ماتسلم البيت لجاد .
هبة : هاتي البشارة .
اروى : خير طمنيني .
هبة : لقيتلك شغل .
اروى : جد كيف ووين .
هبة : بالشركة اللي قلتلك عليها اللي بيشتغل فيها خطيب رفيقتي ....بس بدك ماتزعلي من الشغل .
اروى : شوماكان قلتلك قبلانة المهم مااعتاز حدا .
هبة : رح تشتغلي مستخدمة ....يعني بتعملي شاي وقهوة ومن هالحكي هاد وبتبعتيهن عمكاتب الموظفين شو قلتي .
اروى : اي اي ماعندي مشكلة ابدا ومابهمني قديه رح يعطوني .
هبة : لأ الراتب معقول يعني بتدفعي اجرة الغرفة ومصروفك كل الشهر .
اروى : اي غرفة مو لتلاقيلي غرفة بالأول .
هبة : ههههه ياهبولة لقيتلك غرفة عالطابق الرابع ببناية وقدامها رووف ضغير تابع للغرفة والغرفة مفروشة صحي مو هداك الفرش ومو شي مرتب بس قلت بتشوفيها بالأول وانتي بتقرري ،والأحلى انها قريبة شوي من مكان شغلك يعني مشي شغلة ربع ساعة .
اروى مبسوطة كتير: ....اي منيح الحمدلله موافقة عليها شو ماكانت .
هبة : ياحبيبة البي والله رح جن عليكي انو ليه هيك عم يصير معك .
اروى صارت تبكي : شو بدي اعمل ياهبة نصيبي من هالدنيي ونصيبي يكون عندي اب متل ابي الله يسامحه وجوز متل جاد .
مرقت الشهور التلات تبع العدة وصار لازم تطلع اروى من البيت ليرجعلو جاد .
دق الجرس وكان جاد اللي عالباب فتحت اروى الباب : .....
جاد اتطلع فيها بتمعن وكأنو بدو يقلها امو تغيرتي او اشتقتلك ماكان عرفان حقيقة نظرتو او شو معناها .
اروى طالعت شانتيها وعطت المفتاح لجاد وقالتلو بدون ماتجي عينها عليه : ....انا نضفتلك البيت وازا مالك مقتنع بالتنضيف فيك تبعت شركة التنضيف ليعيدو تنضيفو من جديد.
حاول يساعدها بحمل الشناتي .
اروى : ....مابدي منك شي بحملهن لحالي .
ركبت المصعد ونزلت راحت لعند هبة وطلعت معها وراحت لتشوف الغرفة اللي قالتلها عليها لتحط اغراضها وتروح عالشركة لتتفق عالشغل .
هبة قبل لتروح هي واروى لتشوف الغرفة اعطت لأروى مصاري لحتى تقدر اتدبر حالها لبين ماتاخد راتبها من شغلها ووعدتها اروى ترجعلها اياهن وقت بتستلم راتبها الأول لكن هبة ماقبلت وحلفت ازا بترجعهن اروى الا تزعل منها كتير .
طلعت عالسطح مع صاحب البناية وشافت الغرفة بالبداية كشت منها لأنها مو نضيفة لكن ماعندها حل تاني واتفقت مع صاحب البناية عأجرة الغرفة وقالتلو انها رح تدفعلو اول ماتاخد راتبها ووافق الرجال وتعاطف مع وضعها .
راحت اروى مع هبة عالشركة لتشوف شغلها ،ودخلت لعند المسؤول عن التوظيف واتفقت معو عكل شي عالراتب والوقت اللي لازم تبلش فيه شغلها واي ساعة تجي عشغلها وقلها انو هلأ الدوام قرب يخلص وانو رح تبلش من يوم السبت لأن كان هداك يوم الخميس .****
(كل هاد كانت زكريات لأروى عم تتزكرهن وهي عم تبكي كيف تجوزت وكيف عاشت مع جوزها وكيف ابوها رفض رجوعها لعندو وكيف كان قاسي عليها وكيف اتطلقت وهلأ هي عم تستعيد حياتها شوي شوي وصارلها تلات شهور عايشة لحالها وعم تشتغل بالشركة)
مسحت اروى دموعها بعد كل هالزكريات المؤلمة ياللي كانت عم تجول براسها وياللي عم تجي ببالها كل يوم حست فيهن انو قربو دموعها يخلصو من كتر ماكانت تبكي .
اتصلت السكرتيرة وطلبت قهوة للمدير .
عملت اروى القهوة واخدت الركوة كاملة وفنجان وكاسة مي وصينية كل هدول خاصيين بالمدير بس .
دقت باب غرفة المدير : ✊🏻✊🏻.
المدير : تفضل .
دخلت اروى وصبت القهوة وقدمتها للمدير .
وهي عم تحط القهوة انتبه المدير عالأيد اللي عم تعطيه القهوة (كانت ايدها ناعمة وبيضا اصابعها رفاع وطوال على هوا جسمها ،اروى بنت بيضا عيونها باللون الفيروزي شعرها اسود حلو وطويل وناعم،طويلة بتشبه الروسيات بجمالها ).
بقي وقت عم يتأمل اناملها لحتى صار عندو فضول يشوفها ويتمعن بملامحها .
رفع عينو واتطلع فيها وضل صافن بكمية الجمال والهدوء والرقة اللي عم يتغلغلو بالأنثى اللي قدامو .
حس على حالو انو عم يتطلع بتركيز على عكسها اللي قدمتلو القهوة وقامت الصينية من قدامو ورفعتها لجهة تانية بحسب اوامرو بدون ماتحس انو عم يتأملها بأمعان.
سألتو اروى : بتؤمرني بشي تاني استاز .
غيث اتجرأ ورفع عينو مرة تانية: .....اااه

لا سلامتك .
غيث بدو يتأكد ازا هي نفسها المستخدمة اللي بتجبلو كل يوم القهوة والا هي وحدة تانية بحكم انو ماشافها قبل هيك غير تحطلو القهوة وتروح .
غيث: ....اروى .
التفتت اروى لعندو : نعم استاز .
تأكد انها نفس البنت اللي بتجبلو كل اليوم القهوة : ....ابعتيلي ورا ابو مازن وانتي طالعة .
اروى : حاضر استاز .
(غيث مدير الشركة وصاحبها شاب بأول التلانين كبّر شركة ابو من بعد وفاتو ومن بعد مااستلم الأدارة من امو شاب طويل عريض شعرو اسود وعيونو سود وسيم وراكز كتير اعزب جدي بشغلو لأبعد الحدود ).
غيث عم يحكي مع حالو : معقول في بنت بهيك عمر وبهيك جمال بتشتغل هيك شغلة ....صحيح متل مابقولو عيش كتير بتشوف كتير .
صار غيث كل يوم وقت يطلب القهوة من اروى يتعمد ويتطلع فيها بالبداية كان يتطلع صدفة مو مقصودة لكن وقت شاف ادبها وهدوئها وانها ابدا مابتتطلع فيه استغرب لأن كان الو كتير معجبات بس اروى ابدا مااهتمت انها تتطلع فيه .
بيوم طلب غيث القهوة وكان عم يتطلع بأروى بأهتمام وهي ماانتبهت عهالشي صبتلو القهوة وهي طالعة اتطلع فيها وحكى بحالو (شو بصير لو تبقى شوي تانية ).
غيث: .....صحيح اروى .
اروى التفتت لعندو وقالتلو : ..اتفضل استاز .
غيث قام من مكانو وطلب منها تقعد رفضت بالبداية لكن مع اصرارو قعدت وهي خجلانة .
قعد قبالها وحس بخجلها منو بقيت حصة وهي عينها بالأرض ناطرة يحكي شو بدو .
غيث حس انو طول لحتى قرر يحكي وخيرا قال : ....اي اروى بكرة عندي اجتماع مع مندوبين من شركات واحتمال الأجتماع ياخد وقت بدي منك قبل الاجتماع تفتحي شبابيك قاعة الاجتماعات وبعدين بتقفلي الشبابيك قبل الاجتماع بساعة وتشغلي المكيف بالغرفة ...هلأ هو بعرف انووووو(ونسي حالو غيث وسكت شوي وبقي يتطلع فيها لسمعها عم تقلو انو شو )....ااااه بعرف انو هاد موومن شغلك وشغل السكرتيرة او اي موظف تاني بس حبيت يكون في لمسة انثوية بهالشغلة .
اروى مستغربة : ...عفوا ليش السكرتيرة مو انثى .
غيث: لا امبلى بس مو دائما السكرتيرة هي اللي بتعمل هالشي وانا بصراحة شفتك مزوئة فحبيت جربك بهالشغلة ...وكمان ببقى ببعتلك خبر بعد الاجتماع تعملي قهوة للضيوف وقبل الأجتماع بتحطي عالطاولة قزايز مي صغيرة وعلب عصير باردة .
اروى : تكرم عينك استاز بس هيك .
غيث : اي بس هيك ....بس من هلأ ها هي رح احسبلك اكرامية عليها .
اروى : ...له استاز ليش لشو هالحكي لشو الاكرامية انا عم اشتغل شغلي .
غيث : ليكي اروى انا مابحب الصد والرد بالكلام انا قلت بدك تاخدي يعني بدك تاخدي ...بعدين تعي لهون انتي ليه ماعم ترضي تاخدي الاكرامية اللي بيتركولك اياها الموظفين وقت استلام الرواتب .
اروى : لأنو ماالو داعي ....انا عم آخد راتبي وحقي وزيادة .
غيث: هاي الأكرامية بيتركولك اياها الموظفين الك ولأبو مازن وهي ابو مازن بياخد الأكرامية ومابيحكي شي الك هون تلات شهور ولهلأ اكراميتك مااخدتيها وللعلم لساتها محفوظة عند المحاسب .
اروى : شكرا استاز هي الأكرامية انا مو بحاجتها .
غيث: ياااروى هي الأكرامية بيتركولك اياها الموظفين من طيب خاطر وماحدا بيجبرهن يتركولك شي وقت بيستلمو رواتبهن شي بيتركلك اكرامية وشي مابيترك شي وهنن احرار لكن انتي ماترفضي رزقة وجاييتك ليش لترفضيها.
اروى :استاز هلأ انا عم آخد راتبي والحمدلله مكفيني وزيادة مافي داعي للأكرامية ...
غيث: يابنت الناس انتي عم تخدميهن وهنن عم يكرموكي وين المشكلة ليه مكبرتيها كل هالقد .
اروى : مزبوط بس انا عم اخدمهن ببلاش عم آخد حقي انا .
غيث عم يتطلع فيها بأعجاب : ....انتي انسانة قنوعة ياااروى ...وهالشي نادر مالاقيه بأي بنت بس انا بدي منك تاخدي اكراميتك كل شهر شو فهمتي ماتناقشيني وخلص شوووو .
اروى: .....حاضر استاز متل مابدك .
غيث : منيح كتير المهم ماتنسي موضوع بكرة ماشي ...الاجتماع الساعة 12 انتي فتحي الشبابيك عالعشرة وشغلي المكيف عال11 .
اروى وقفت:امرك استاز .....بتؤمرني بشي تاني .
غيث: .....لاااا سلامتك .
اروى استأزنت وطلعت .
غيث عم يحكي مع حالو (شو هالبنت كل هدوئها وادبها وجمالها وعم تكملها بقناعتها جد انها غريبة ) .
تاني نهار عملت اروى متل مابدو غيث وقبل موعد الاجتماع بعشر دقايق كانت اروى عم تحط قزايز المي والعصير عالطاولة وماانتبهت عغيث وقت دخل وكان عم يتطلع فيها بتمعن .
غيث: الله يعطيكي العافية يااروى عزبتك معي اليوم .
اروى : الله يعافيك استاز لا ابدا هاد شغلي ....انا خلصت بدك شي قبل ماروح .
غيث كان حابب يقلها ماتروحي بس ماقدر ....
غيث: سلامتك الله يعطيكي العافية .
راحت اروى وكانت ناطرة الوقت اللي تعمل في القهوة للضيوف لوقت اتصلت فيها السكرتيرة سحر وخبرتها انو تعمل القهوة .
اخدت القهوة وطلعت عقاعة الأجتماعات ودخلت ووزعت القهوة ووقت وصلت لعند غيث اخد منها الفنجان وعينو مركزة عليها ومع كل هاد مااتطلعت فيه بنوب..

*يتبــــــــ⇊ــــــــ؏...*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_وحدك_من_يهمني

*📖 ╏وحــــــــــــدڪكِ مـــــــن يهـمنـــــــــــي♥️🖇️*

*📖╏#الـبــــ( 2 )ـــــــــارت*

➖➖➖➖➖➖➖➖➖ طلب غيث من اروى تبقى وماتروح .
كان واحد من المندوبين عم يتطلع بأروى بأعجاب وماقام عيونو عنها .
قعدت اروى بعيد عنهن وكان غيث عم يسرق النظرات وكل شوي ياخد لمحات لتلتقي عيونو بعيونها .
انتبه غيث عالمندوب كيف كان عم يجول بعيونو وحس عليه انو موطبيعي .

وقت خلص الأجتماع قرب المندوب لعند اروى واعطاها كرتو وقلها ازا بتحتاجي شي حاكيني لكن اروى ماقبلت تاخد الكرت واعتذرت وصارت تلم الفناجين .
شافو غيث وراح لعندو وسألو : خير استاز حسان في شي .
حسان بعصبية: لا ابدا .
غيث شاف الكرت بأيدو وهو عم يعصر عليه من قهرو انو كيف وحدة متل هي بترفض عرضو .
بعد شوي كان غيث بمكتبو وبعت ورا اروى وطلب تعملو فنجان شاي.
دقت اروى الباب ودخلت لعندو .
اروى : تفضل استاز الشاي.
غيث كان باين عليه انو مزعوج واستغرب من حالو انو شو السبب.
غيث: حطي عندك ....اروى ....شو كان بدو منك المندوب .
اروى 🤨:.....كان عم يعطيني كرتو ازا احتجت شي لحتى حاكيه .
غيث: ...ايواااا وانتي اخدتيه؟
اروى : لا استاز .
غيث: ليش ؟
اروى : مابيلزمني وهو قلي ازا احتجتي شي وانا مو بحاجة شي والحمدلله .
غيث: ....ازا رجع دايقك وحاول يعطيكي كرتو مرة تانية خبريني .
اروى : حاضر ....بتؤمرني بشي تاني .
غيث : .......لا شكرا .
يوم عن يوم صار غيث يحس بحالو انو عم يحب يشوفها لأروى كيف وليش مابيعرف.
السكرتيرة سحر : استاز غيث ضيوف الشركة الأجنبية رح يكونو هون اليوم بعد الدوام وقال بدهن يجتمعو فيك مشان المشروع اللي بينك وبينهن ضروري لأن مابدهن يطولو بالقعدة واحتمال بكرة يرجعو عبلدهن لهيك بدهن يجتمعو معك اليوم شو بتحب خبرهن.
غيث : ......طيب ماشي الحال ....ليكي ابعتيلي ورا اروى هلأ خليها تيجيني .
بعد شوي طلعت اروى لعندو ودخلت .
اروى : خير استاز المدام سحر قالتلي انك عايزني .
غيث انتهزها فرصة ليحاكيها وليخليها معو .
غيث: ..اروى جايين ضيوف من برا وفي مشروع بيني وبينهن لهيك بدي منك اتضلي اليوم وماتروحي عبيتك بدي منك تبقي لحتى تقومي بواجب الضيوف ورح احسبلك هاليوم اوفر تايم لألك شو رأيك .
اروى : امرك استاز .
غيث : يعني بجوز يوصلو عالتلاتة اربعة هيك شي ومابعرف ايمت بيروحو عندك مانع لو ضليتي والا ابعت ورا حدا تاني .
اروى : لا استاز ملفي مشكلة ببقى للوقت اللي بدك اياه .
غيث : .....طيب انا قلتلك لختى تخبري اهلك انو بدك تتأخري بلا ماينشغل بالهن عليكي .
اروى ضحكت ضحكة صفرة وقالتلو : ...ههه لا ماتخاف ماحدا حينشغل بالو عليي مايكنلك فكرة .
غيث حلست قعدتو وقلها : ليش بقى معقول اهلك مارح يقلقو عليكي لو تأخرتي .
اروى تنهدت تنهيدة طويلة : ...ااااخ اهلي موهون يااستاز اهلي بغير بلد .
غيث فتح عيونو عوسعهن : شووو طيب واتتي مع مين هون .
اروى : لحالي .
غيث: كيف لحالك ماعم تركب معي انتي بدولة واهلك بدولة ليش .
اروى : انا كنت هون مع جوزي .
غيث انصدم وقت سمع انها متجوزة 😨: .....ليش انتي متجوزة ماكنت بعرف .
اروى : كنت متجوزة هللا انا منفصلة عن جوزي يعني مطلقة .
ارتاح غيث شوي بس بقي مصدوم : طيب وليه مارجعتي لعند اهلك بعد مااتطلقتي .
اروى وعيونها مدمعين ولأول مرة بتحس حالها رح تنهار من جديد : هي قصة طويلة وشرحها يطول .
غيث : ماعليه انا فاضي ماعندي شي احكي اروى .
اروى : مابدك وجعة هالراس .
غيث : شكلك مابتحبي تحكي ومابتحبي حدا يشاركك بأمورك ماهيك .
اروى : .....لا ابدا مو هيك الموضوع بس........
غيث: بس شو ...طيب عندي اقتراح شو رأيك بعد مابروحو الضيوف بتحكيلي قصتك شو رأيك ازا ماعندك مانع .
اروى حست عليه انو حابب يعرف كل شي عنها وانو مهتم بموضوعها وقالت بحالها بكفي يابنت انتي من زمان ماحكيتي لحدا وجعك لأيمتا رح اتضلي تحاكي القمر والنجوم واتضلي تشكيلهن همك احكي لشي حدا بلكي بخف وجعك وبترتاحي بلا ماتنخنقي .
اروى : حاضر استاز .
انبسط غيث انو رح يعرف قصتها وانو رح يبقى وقت عم يحاكيها .
قعدت اروى وصارت تحكي لغيث قصتها من وقت اللي طلبها جاد لحد مااتطلقت منو وشو عمل معها جاد وكيف كان يضربها ويهينها ومع كل كلمة كانت تبكي بقلب محروق وكأنو اللي صار معها كأنو صار قبل بيوم .
غيث عم يسمع بقصتها وكأنو عم يحضر شي فيلم او مسلسل مأساوي جن عليها وعلى كمية الحزن والقهر اللي عاشتهن هالبنت بحياتها وانو كلو كوم وقسوة ابوها عليها وعلى اخواتها كوم وانو جوزها كيف كان يضربها ويورمها وعدم اهتمام ابوها باللي عم يصير معها كوم تاني .
بقيت اروى عم تحكيلو وتشكيلو همها حصة كبيرة وهي عم تبكي وتشهق .
غيث احترق البو عليها وعلى قصتهاوكيف كانت عم تبكي وهي موجوعة .
حاول يهديها ويخفف عنها وسألها كم سؤال بس ليستفسر اللي صار معها وكانت تجاوبو وهي مسلمة للموضوع وكأنو تحقيق.
غيث: طولي بالك اروى خلص اللي صار صار وانتي ماشاء الله عليكي بنت قوية انا بعد اللي قلتي صرت بحترمك اكتر من اول لأنك بنت شجاعة وعصامية ومابترضي بالذل والأهانة ومع كل اللي قلك اياه ابوكي واللي عملو فيكي طليقك ضليتي قوية وقررتي ماتستسلمي والقرار اللي اخدتيه انك تنفصلي عن زوجك احسن قرار لأن المرة اللي بتقبل بالأهانة لحالها بتكون ضعيفة ونعمة من ربنا انو طعمك ولاد منو .
اروى وهي مرتاحة بكلام غيث ودعمو : اي الحمدلله الف الحمدلله والا كنت اضطريت اتحملو منشان ولادي ب

س ربنا حكيم .
غيث : خلص هلأ امسحي دموعك واوعك تضعفي شي يوم وشو مابدك انا موجود بدعمك ماديل ومعنويا ونفسيا اعتبريني صديقك ...اي اروى .
اروى😔 : كتر خيرك ياااستاز بتعرف هي اول مرة بفش البي وبفضفض لحدا بجوز تقول عني اني من اول قعدة معك قلتلك كل شي بس انا مو هيك بس كنت مخنوقة وحابة فش خلقي لحدا .
غيث قرب منها وحط ايدو عأيدها : لا اروى ماتحكي هيك انا حسيت من كلامك انك مخنوقة وحسيت انو ازا مابتحكي بجوز يصرلك شي لا سمح الله .
ارتاحت اروى وحست كأنو جبل وراح عن صدرها وقت لاقت حدا يشاركها همها ويدعمها وينصحها شو تعمل وقت تحتاج النصيحة .
اجو الضيوف وقعدو قريب التلات ساعات وهنن مجتمعين مع غيث وقامت اروى على خدمتهن .
خلص الأجتماع وراحو الضيوف على الفندق اللي حجزلهن فيه غيث .
وقت خلصت اروى شغلها غيرت تيابها واجت لتروح عالببيت شافها غيث بالصدفة وهي طالعة نادالها : اروى لوين رايحة .
اروى : بدي روح عالبيت بدك شي تاني استاز .
غيث: لا مابدي شي بس كنت بدي وصلك .
اروى : لا مافي داعي بروح لحالي ماتعزب حالك .
غيث : مابصير انا اللي اخرتك وانا اللي لازم وصلك تفضلي .
ركبت معو ووصلها عبيتها .
بيوم الصبح طلب غيث قهوتو كالعادة وجابتلو اياها اروى وانصدم غيث بشكلها الجديد ،كانت على غير عادة تاركة شعرها مفرود على كتافها حس غيث انو ممكن تكون حست عليه انو عم يهتم فيها شوي وانها بلشت هي تتغير كمان .
بالعادة اروى وقت الدوام بترفع شعرها وبتضبو عشكل كعكة بنص راسها وبتنزل غرة وبتلبس طقم الشغل اللي هو بنطلون كحلي وبلوزة كحلية مكتوب اسم الشركة عليها ووقت بيخلص دوامها بتفردو وبتغير تيابها .
اتطلغ غيث فيها وسألها : شو اروى مغيرة موديل شعرك اليوم بس بتعرفي كتير حلو عليكي هيك.
اروى خجلت من كلامو وكانت حاسة عليه انو عم يهتم فيها ومانكرت انو هالشي عم يعجبها وانها هي عم ترتحلو كمان مو اكتر من هيك لكن كانت هي تقيلة وماتبينلو اللي عم يبينو هو .
اروى : ....الله يحلي ايامك استاز ...يعني حبيت
غير شوي .
وقت حطتلو القهوة واخد الفنجان من ايدها انتبه انها عم تحط القهوة بأيد وحدة ولاحظ انها مخبية ايدها التانية .
غيث: حطي الصينية عجنب .
حطت الصينية عطاولة صغيرة وشاف انو ايدها التانية مجبرة .
قرب منها ومسك ايدها : شو باها ايدك يااروى مكسورة ؟
اروى : .....اي .
غيث: ايمت انكسرت مبارح ماكان فيكي شي .
اروى: بعد ماروحت مبارح ارتحت شوي وقمت اشطف الروف اللي قدام الغرفة وكنت حاطة معطر ومابعرف كيف زحطت رجلي ووقعت عأيدي .
غيث بلهفة : طيب ومين اخدك عالمشفى .
اروى بحزن: .....لحالي مين بدو ياخدني .
غيث حزن كتير عليها : .....اروى انتي ماالك رفقات ماللك حدا هون ماللك قرايبين ولا حدا تعتمدي عليه يعينك بوقت تكوني في بحاجة لحدا .
صفنت شوي ودمعت عينا : .....لا استاز ماالي حدا غير رب العالمين .
غيث: لا حول ولا قوة الا بالله ...طيب ليه اجيتي اليوم عالشغل .
اروى : اجيت لحتى اشتغل .
غيث: وكيف بدك تشتغلي بايد وحدة هيك مابصير ايدك لازم تريحيها مو اتعبيها اكتر تعي لوقعلك عالأجازة وروحي ارتاحي بالبيت .
اروى : استاز مافي مشكلة بشتغل بأيد وحدة عادي .
غيث : لأ مابصير بعدين السليمة بتتعب من كتر الضغط عليها وبتكوني بشي بتصيري بشي تاني .
عطاها اجازة لمدة اسبوعين وقلها وقت بتفك الجبيرة عن ايدها بترجع عالشغل.
بعد مارجعت عبيتها قررت تحكي مع اختها لتتطمن عليها وعلى امها وابوها واخواتها .
اروى : اي غيداء كيفك حبيبتي طمنيني عنك كيف جوزك والولاد .
غيداء : اهلين ياعمري نحنا مناح انتي كيفك شو اخبارك .
اروى : ااااااااخ يااختي اااخ الحمدلله عكل حال طمنيني كيفهن امي وابي .
غيداء : ابي منيح بس .....بس امي تعبانة شوي .
اروى : ...شو باها امي من شو بتشكي .
غيداء : القلب عندها ضعف رة تانية وتعبت كتير ...ودخلت المشفى حوالي اسبوع .
صارت اروى تبكي هي واختها عالتلفون وكل وحدة تشكي للتانية همها .
قضت اروى ليلتها ويلها موجوعة من ايدها وويلها زعلانة عأمها ومقهورة انها مافيها تشوفها وهي تعبانة وتقوم على خدمتها .
تاني يوم بعد العصر تفاجأت اروى بباب بيتها عم يندق قامت وسألت من ورا الباب : مين .
غيث: انا غيث يااروى افتحي .
فتحت الباب ومستغربة : اهلا استاز غيث خير في شي .
غيث: انتي هيك بتستقبلي ضيوفك بتسأليهن في شي .
ضحكت اروى : ههههه مو ليجيني ضيوف بالأول ...تفضل يااهلا وسهلا .
عطاها الورد اللي جابلها اياه وعلبة شوكولا .
اروى : هههه ورد وشوكولا مرة وحدة ليه معزب حالك .
غيث: هلأ معزب حالي لاني جايب ورد وشوكولا .
اروى : يسلمو دياتك والله ماالهن داعي .
غيث بأعجاب وبنظرة كلها حنية : مافي شي من الواجب.
اروى : تفضل ارتاح .
اخد جولة استطلاعية عالمكان وسألها : هلأ انتي كيف عايشة لحالك هون مابتخافي .
اروى : بالبداية كتت خاف بس بعدين تعودت والبيت امان يعني الباب تحت بيفتح عالأنتر كم وهون الباب مسكر من برا والغرفة بالمفتاح ...صحيح انتي كيف دخلت والا

حدا فتحلك الباب .
غيث: لقيت الباب مفتوح فتت عطول ههههه.....شو مابدك تشربيني قهوة .
اروى بخجل : اااه امبلى بس انا مارح اشرب معك لاني شربت من شوي.
غيث حس بشي مو عادي : اوك ماشي الحال .
راحت لتعمل القهوة رجعت لتسألو عن شي اتفاجأت انو مو موجود وباب الروف مفتوح سكرت الباب وقعدت وصارت تبكي وتقول بحالها (اكيد قرف من منظر البيت ومن العيشة اللي انا عايشتها وقال بحالو كيف بدي اشرب قهوة بهيك مكان وهو اللي متعود عنوع قهوة معين حتى ركوة القهوة اللي بالشغل خاصة الو بس وفنجانو وصينيتو وكاسة المي تبعو )
ضلت تبكي وهي حاطة ايدها عوجها لسمعت صوت الباب عم يندق وينفتح مرة تانية .
غيث: فيي فوت.
اروى مسحت دموعها وركضت عالباب : ...تفضل.
غيث خاف وقت شافها عم تبكي ووجها احمر وعيونها مليانين دموع .
راح لعندها : شوباكي اروى ليه عم تبكي صار شي .
اروى عم تهز براسها انو لأ.
غيث : كيف لا لكان ليه عم تبكي فهميني صاير معك شي .
اروى : وين رحت ؟ .
غيث: بصراحة وقت طلبت تعملي قهوة حسيت انك مابدك تشربي معي لأنو ماعندك كفاية لتنين وماحبيت اشرب لحالي وماتشربي معي، لهيك نزلت شفت محمص بأول الشارع جبت من عندو قهوة (ورفعلها كيس القهوة ).
حست اروى انها ظلمتو وصارت تبكي اكتر .
غيث: طيب ليه عم تبكي ممكن تفهميني .
اروى : سامحني استاز فكرتك رحت من هون لأنك قرفت من منظر البيت .
غيث: ...له يابنت الحلال الله يسامحك اوعك تفتكري بيوم اني بتعالى عالناس لأني صاحب شركة ابدا انا موهيك ....يلا مابدك تشربينا قهوة .
ضحكتلو وقالتلو: على عيني .
دخلت تعمل القهوة ودخل غيث على غرفتها ليشوفها شافها غرفة بسيييييييطة جدا جدا سرير قديم وكنباية قديمة وتلاجة صغيرة وتلفزيون صغير وطاولة صغيرة جنب التخت .
حس بكمية الحرمان اللي عايشة فيه اروى وفوق هاد وحدة قاتلة بيت مافيو روح مافيو اي حنية او عطف على هالمسكينة ....
رأف البو وشفق عليها.
حطت القهوة وحطت معها من الشوكولا اللي جابها .
اروى : استاز بدي قلك على شي .
غيث : تفضلي .
اروى : بماانك اعطيتني اجازة اسبوعين كنت بدي قلك اني بدي روح لعند اهلي .
غيث حط الفنجان من ايدو : ...لعند اهلك ....انتي مو قلتي انو ابوكي قال مابدو اياكي ترجعو لعندهن ازا بتتطلقي ،كيف بدك تروحي .
اروى : ....اي مزبوط بس مبارح حكيت مع اختي وقالتلي انو امي تعبانة كتير ودخلت المشفى من فترة وخايفة يصير لامي شي وماشوفها .
غيث : ...سلامات ماعليها شر ...بس كيف بدك تروحي وابوكي .
اروى : متأكدة انو ازا شافني الا مايحن البو عليي لأن الو سنتين ماشافني ومهما كان بضل بنتو ومهما قسي عليي بالاول الا مايكون تغير هلأ عليي ماهيك.
غيث: مابعرف بس على هوا ماقلتيلي عن ابوكي قديشو متسلط والبو قاسي ماتواخزيني يعني ماني متأكد كيف رح يكون استقبالو لالك .
اروى : انا رح روح بس شغلة كم يوم لأتطمن على امي وشو مابدو يصير يصير .
غيث: طيب ماشي الحال وتيكيت الطيارة روحة رجعة عليي ماشي .
اروى : ...لااااا استاز انا قلتلك بس لحتى يكون عندك علم ولحتى تدعمني معنويا ونفسيا مو ماديا ابدا والله مو هاد قصدي .
غيث: بعرف والله بعرف بس ماتحاولي معي رح احجزلك من هلا تيكيت الروحة والرجعة متى بتقرري ترجعي .
حاولت معو اروى لكن كان غيث اعند منها 😠.
تاني يوم من بكير راحت اروى عالمطار واول مكان راحتلو وقت وصلت لبيت اهلها وتمنت انو امها اللي تفتحلها الباب .
فتحلها الباب ابوها وتفاجأ وقت شافها وبقي وقت واقف عم يتطلع فيها اروى فكرت انو ابوها رح ياخدها بحضنو لكن.....
ابوها : شو بدك شو جابك لهون.
اروى عم تبكي : كيف بابا .
ابوها : سألتك شو بدك .
اروى : جيت لأتطمن عليك وعأمي سمعت انها تعبانة .
ابوها : مافي من هالحكي الطريق اللي اجيتيها ارجعي منها .
اروى مسكت بايدو عم تترجى : يابابا مشان الله لشو هالمعاملة انا اتطلقت بس اللي بشوفك عم تعاملني هيك بقول اني متجوز خطيفة او عامل لا سمح الله شي عملة بتعيب .
ابوها : هلأ كلمتي كانت واضحة انا قلت البنت اللي بتتطلق ماالها رجعة لهون وبتنسى انو الها اهل وانتي عملتي اللي بدك اياه ،لشو جاية هلأ عم اتطالبيني بمعاملة تانية ارجعي من محل مااجيتي وقت بترجعي لجوزك فيكي تجي لهون وفيي استقبلك وعاملك منيح غير هيك ماتتأملي مني شي يلا روحي (وسكر الباب بوشها).
اروى عم تبكي وتخبط عالباب: يابابا مشان الله طيب خليني شوف امي يابابا افتح الله يخليك .بابااااااااا.
قعدت قريب الساعتين عدرجات البيت عأمل يحن عليها لكن مافي امل .
حملت حالها وراحت لبيت اختها الكبيرة .
حسناء: والله يااروى ابوكي ماعم يحن البو عحدا بنوب يعني قديه بروح وببكيلو وبقلو عن حسن انو انحبس وانو بيضربني وبيورمني انا والولاد ،بكفي المصاري الحرام اللي بدخلها عالبيت ومع هيك كلمتو وحدة طلاق مافي وازا بتتطلقي بتتعاملي معاملة اروى .
اروى ضمت اختها وصارت تبكي عصدرها : ليش يااختي ليش شو هالزنب اللي انا عملتو اني اتطلقت الله العالم كيف جاد كان عم يعاملني وكمية ا

لضرب اللي كانت تنزل عبدني، والله من جديد لصرت حس بخدودي الخلايا الحسية اللي بوجهي حسيتها ماتت من كتر الضرب شو اكتر من اني ينمسح فيي بلاط الشقة كلها ويجرني من شعري ومافي حدا يحوشني عنو كل هاد ليش بسبب فشلو كان يحملني نتيجة خسارتو للقضايا اللي كان ياخدها .
حسناء عم تبكي معها : بس ليكك ارتحتي منو وعايشة ومرتاحة لحالك .
اروى : ليكك قلتيها لحالك عم آكل لحالي واقعد لحالي ونام لحالي كل شي لحالي مليت من الوحدة يااختي والله مليت .
قامت اروى لتروح لعند اختها غيداء .
حسناء: خليكي اختي بنتغدى سوا .
اروى: لا دوبني روح شوف غيداء واقعدلي معها ساعة زمن قبل ليجي الندل جوزها مابدي شوف خلقتو .
سلمت عأختها وضمتها وبوست الولاد وراحت لبيت غيداء .
ببيت غيداء تعانقو كتير وبكو كتير كتير كانت صحبة مع اختها غيداء كتير .
اروى : قبل كل شي نادر وينو .
غيداء: مو هون مااجى من الشغل لسا .
اروى : يعني بطول ليجي .
غيداء : بدو شي ساعة ساعة ونص ليرجع لانو بدو يروح يشوف امو بعتتلو خبر من مبارح بدها اياه .
رجعت اروى وغيداء عادو نفس الكلام اللي صار بينها وبين حسناء وانو كيف ابوها قلعها من قدام الباب وماخلاها تشوف امها .
غيداء: طيب انتي هلا قررتي ترجعي لهون والا عشو ناوية .
اروى : لا اختي بعد اللي عملو ابوكي مابدي ارجع مع اني كنت ناوية ازا بيستقبلني منيح الا ارجع وعيش خدامة الو ولأمي ،بس لأ انا بأزن الله الليلة راجعة خلص ماالي مكان هون .
غيداء: ولك يااختي ابوكي مابدو اياكي بس نحنا هون انا وحسناء بدنا اياكي ومعك .
اروى : ليش متوقعة من بابا يترككن اتضلو تشوفوني طبيعي مارح يخليكن وانا متأكدة من هالشي يلا اختي هي شفتك بخير انتي والولاد لولا بس هالكدمات اللي ععيونك الله يكسر ايديه لجوزك الله يصطفل فيه بس .
وهي طالعة سلمت عاختها وعالولاد والتقت عالباب بنادر جوز غيداء .
نادر😳 : اروى.
اروى : .....يلا اختي سلام بشوفكن عخير .
نادر عم يحكي لغيداء: فوتي لجوا ولي .
مسك بأيد اروى وقلها : انتي شو جابك لهون .
اروى : اتروك ايدي مادخلك فيي ،ولك انت مابتخاف الله شلون بيجي من البك تضرب اختي والولاد هيك ااه ولك انت مافيك رجولة بنوب .
نادر ضغط عايدها اكتر : وليش اللي عندك كان رجال وقت اللي طلقك وتركك تعيشي لحالك والا عادي ماعندو شرف .
اروى : وانت قلتا مالو رجال متلك وماعندو شرف متلك بالزبط اصلا انتو بتشبهو بعض كلكون هيك اندال ومابتخافو من الله .
نادر : هههههههههههه انتي آخر وحدة بتحكي عن الشرف اللي بتعيش ببلاد الغربة لحالها كيف شكلو شرفها اااه .
سحبت ايدها منو وسفقتو كف عوجهو : انا اشرف منك ياكلب كل القصة اني ماحبيت ضل عايشة مع واحد همجي وحقير متلك وفضلت عيش لحالي وبكرامة .
نادر مسكها من ايديها ولزقها بالحيط وقرب منها : رح سامحك عالكف هاد بس لانك اروى والا لو انها اختك تجرأت وعملتها بجوز يكون آخر يوم بعمرها ...
اروى : عم تتقاوى عليها لأنها مافيها تشكي وتحكي وعم تتفرعن عليها لانك عرفان انها ماالها ضهر تستند عليه الحق على ابي اللي سامحلكن تتمقطعو فينا هيك انت والكلب جوز حسناء والحقير جاد .
نادر: شو غبيييييي جوزك قصدي طليقك واحد بتكوني عندو وبفرط فيكي بكل سهولة .
اروى : ليش انتي احسن منو ماانت عم تفرط بكرامة اختي وقت بتضربها كلكن الرجال انانيين وظالمين .
نادر : ليش طلقك جوزك.
اروى : وانت السادق انا اللي طلقتو .
نادر: كيف هي .
اروى: رحت عالمحكمة واشتكيت عليه وجبرتو يطلقني .
نادر :وليش اتطلقتي .
اروى : لأني اكتفيت من الاهانة والذل والضرب.
نادر عصب : كان يضربك هالحقير؟
اروى : ههههه اي ...وانت ماعم تصرب اختي .
نادر: جاوبيني كان يضربك .....
اروى :اي كان يضربني ويمسح الاراضي فيني كمان .
نادر: ...الحقير الواطي كيف بيتجرأ يمد ايدو عليكي .
اروى : انت مجنون شي عم تعترض انو عم يضربني وانت بتضرب غيداء صبح ومسا .
نادر: انتي غير ياعمري انتي غير.
اروى: نادر تركني بلا جنان وروحي شوف عيوبك بالاول ،لك ياويلك من ربك كيف بيجي من البك تضربها هي والولاد بدون سبب وانت بتعرف غيداء مسكينة ومسالمة والله لو انها متلي ما كنت بقول شي بس غيداء غير .
نادر: ...ولك لأنها مو انتي فهمتي ....بأيدك تقلبي حياة اختك من جحيم لنعيم .
اروى : ...بأيدي انا كيف؟
نادر: ...ليلة ....بس ليلة وحدة نامي بحضني وبعدها اختك رح تعيش متل الملكة .
اروى بعصبية : ......ولك انت مابتستحي بعدك مانسيت هالموضوع لساتو معشش براسك .
نادر: ولا رح انساه .....لساتك بنفسي مانسيتك لسا عم اشتهيكي يااروى مشان الله عطيني ليلة وحدة ومن بعدها مارح دايقك مرة تانية .
اروى : مستحييييييييل انت جوز اختي افهم هالشي ولك لو بالحلال مابجوزلك كيف بالحرام خاف من الله يانادر .
نادر: انا اللي خاف من الله مو ابوكي الله لا يسامحو اللي حرمني منك .
اروى : ماتدعي على بابا .
نادر: ههههه عأساس انو ماقلعك من البيت وانك ماطلعتي زعلانة من عندو .
اروى : مهما كان بيضلو ابي ومابسمحلك ت

حكي عنو هيك .
نادر عم يصرخ: ابوكي حرمني منك هو السبب بعزاب اختك وهلأ انتي السبب بعزابا .
اروى : ولك انا شو دخلني مابكفيني همي وعم تحملني زنب اختي كمان .
نادر: انا قلتلك حياة غيداء بتنقلب عأيدك بكلمة موافقة منك بتتغير حياتها بالكامل وهاد وعد مني .
اروى: .......حرام عليك يانادر والله حرام انا مافيي اعمل هيك مافيي .
نادر: ....هيك يعني ،معناها ماتلوميني شو رح بعمل بأختك من يوم ورايح .
اروى: لا نادر بترجاك كرمالي ازا لساتك بتحبني لا تأزيها لغيداء كرمالي نادر بحياتي عندك هي ماالها زنب باللي عملو ابي معك ...والله غيداء مسكينة .
نادر: ابوكي ظلمني بالأول وهلأ انتي وابوكي اللي جنى عأختك بالأول وهلأ انتي اللي عم تعزبيها بعنادك قلتلك حياتها هلأ بأيدك انتي .
اروى صارت تبكي بصوت عالي ووقعت عالأرض وصارت تضرب بايديها عوجهها .
قرب منها نادر وقلها : ....لا تعملي بحالك وفيي هيك والله الموضوع ابسط من ماانتي بتتخيلي قلتلك كلها ليلة ياببعت اختك لعند اهلك تبات هالليلة ياباخدلك غرفة بؤوتيل وبعيشك بهالليلة احلى حياة وبعوضك عن عزابك مع الواطي جوزك .
فتح زرار قميصو وكشف عن صدرو جهة البو وقلها : شوفي ...شوفي شو عملت لحتى تبقي محفورة مو بس بألبي كمان عجسمي .
كان واشم اسمها ناح البو بالخط العريض.
اتطلعت اروى فيه بأحتقار وقامت وطلعت ركض من البيت لكن اللي جننها انها سمعتو عم يقلها : استلقي يااروى انتي واختك من يوم ورايح انتي السبب يااروى .
راحت اروى وحجزت عأول طيارة ورجعت لبيتها بعد ساعات طويلة وطول الرحلة وهي عم تبكي محروق البها .
بقيت سهرانة كل الليل وهي تتزكر قسوة ابوها عليها توقعتو يحتويها ويضمها ويعتذر منها عاللي عملو فيها وكيف رماها لعريس مدسم بس ماعندو جنس الضمير او الأنسانية ،وتزكرت امها اللي ماشافتها وهي تعبانة واخواتها وحالهن اللي ببكي الصخر ،وكلو كوم وطلب نادر منها كوم تاني لساتو عم يفكر فيها لساتو باقي عحبها .
نامت بعد الفجر وعيونها مرومين من البكي شافتهن هيك وقت فاقت من نومها بعد الضهر .
بيومها ما اتضلت اروى بفيث وماقالتلو انها رجعت لأن ماتوقعت هالشي كتير يهمو .
عالتنتين وربع رن تلفون اروى نشفت اروى ايديها وتناولت التلفون من الشاحن ....
اروى : الو.
غيث: مرحبا اروى كيفك .
اروى : اهلا استاز الحمدلله كيفك انت.
غيث: تمام شو صار معك طمنيني ...بدي دقلك من الاول بس الشغل لفوق راسي هلأ لحتى فضيت .
اروى : الله يقويك يارب ...ماصار شي.
غيث: كيف يعني ماصار شي ...مارحتي عبيت اهلك ماشفتي امك ...ابوكي .
اروى : امبلى رحت وشفت ابي بس امي لأ ....
غيث: ليه ماشفتي امك شو صار اروى صوتك مو عاجبني .
اروى صارت تبكي : مارضي بابا يخليني شوف امي حتى ماخلاني فوت عالبيت وقلعني ....
غيث: طيب روقي روقي ماتبكي ...وشو رح تعملي .
اروى : ولا شي ماعملت ولا رح اعمل شي .
غيث: مابدي زيدها عليكي بس قلتلك ماتروحي مارديتي عليي ...
اروى : ...معك حق ياريتني سمعت كلامك .
غيث: ....طيب وين نمتي وين رحتي ؟
اروى : بالبيت .
غيث: كيف هيك انتي قلتي انو ابوكي ماخلاكي تدخلي البيت ولا تشوفي امك .
اروى : انا نمت ببيتي ....استاز انا رجعت لهون .
غيث: لحظة لحظة ....هلأ اتتي هون صرتي ببيتك .
اروى : ...اي استاز .
غيث: متى رجعتي .
اروى : مبارح بالليل وصلت .
غيث: طيب ليه ماحاكيتيني ليه ماطمنتيني عليكي .
اروى : كان الوقت متأخر كيف بدي حاكيك مو حلوة .
غيث: ...ليكي انا مسافة الطريق وبكون عندك ماشي .
اروى : اهلا وسهلا .
بعد اقل من ساعة كان غيث جايب غدا وجاي لعند اروى عم يدق الباب .
اروى : اهلا وسهلا تفضل .
غيث مد ايدو ليسلم عليها : كيفك اروى حمدالله عسلامتك .
اروى مدت ايدها خجلانة اول مرة بتسلم عليه : الله يسلمك .
قعدو شوي وقلها غيث: ليكي بتحكيلي كل شي بالتفصيل اي بس خلينا ناكل بالأول لأني جوعان كتير .
اروى : ليه معزب حالك والله ماالو داعي .
غيث: ...طبختي شي .
اروى : ...لأ
غيث: طيب افطرتي .
اروى منزلة راسها : ......
غيث: مابصير هيك يااروى انتي عم تدبلي ليكي كيف صاير وجهك دبلان وتعبان كأنك بكيانة كتير ماهيك ؟
اروى عم تهز براسها ودموعها انحبسو بعيونها .
غيث : وحدي الله وبكفي بكي وقومي غسلي وشك خلينا ناكل لنعرف نحكي .
وهنن عم يتغدو لاحظ غيث عليها انها ماعم تاكل منيح وعم تشرد كتير .
غيث: هلأ بدك تخبريني كل شي بس بالأول ليه ماكنتي تردي عالواتس بعتلك كتير الصبح .
اروى : ..الواتس معلق من الصبح ما وصلني شي مستغربة طفيت الجهاز وشغلتو وعملتلو تحديث ومع هاد لساتو معلق مابعرف شو السبب .
غيث: هلأ بشوفلك اياه لبين ماتجهزي القهوة .
اعطتو موبايلها وراحت تعمل القهوة وقت رجعت كان وجهو مابيتفسر استغربت انو شو صاير .
اروى عم تحط الصينية عالطاولة : شو صار عرفت مشكلتو .
غيث اتطلع فيها وهو مخنوق : ......اممم
اروى : ....خير استاز في شي .
غيث بعد صفنة فيها: .....اروى مين هاد .(وارجاها صورة نادر والمقاطع الصوتية اللي كان باعتهن ).

ة هي لو وحدة تانية غيرك يمكن ماكانت استحملت كل هالشي..

*يتبــــــــ⇊ــــــــ؏...*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

اروى مصدومة: .....هاد جوز اختي .
غيث: ماتزعلي مني بس وقت عملتلك الواتس لأتأكد انو اشتغل فتحت عالمحادثات والمقاطع الصوتية وسمعت شو باعتلك هاد ......انا آسف بعرف مو من حقي اسمع وانو هي خصوصياتك بس والله ماكنت قاصد وسمعت بالغلط .
اروى نزلت راسها خجلانة مكسورة محتارة مقهورة مو عرفانة شو بدها تحكي لغيث عن اللي سمعو .
غيث: ....بعتذر منك اروى بس والله اللي سمعتو خلاني جن .
غطت وشها بأيديها وصارت تبكي .
قرب منها ومسك ايديها : مشان الله حاج تبكي لك تورمو عيونك خلص ازا مابدك تحكي لا تحكي .
اروى : ........ماكنت بدي تسمع اللي سمعتو بس صار وسمعت ومافي فايدة لضل ساكتة وتفهمني غلط .
كان محتوى المقطع الصوتي(ليكي اروى انتي ماقبلتي بعرضي وجنيتي عأختك ماكان بدي ميد ايدي عليها لأنك حلفتيني بغلاوتك عندي لكن وقت شفت عنادك وشفتي لهفتي عليكي وطنشتي ماحملني عقلي فشيت كل قهري وغلي منك وقهري من ابوكي بغيداء بأيدك تنهي عزابها وبأيدك تزيديه قلتلك كلها ليلة اشبعيلي شوقي منك وشهوتي الك ووقتها رح ريحك مني واختك رح ترتاح وعطول بس انتي ضليتي معاندة ازا لساتك بالبلد ارجعي فكري بعرضي ورديلي جواب ).
اروى وهي عم تبكي : ....سمعت هالحقير شو بدو مني بدو اياني خون اختي .
غيث: ....هاد كيف بيطلب منك هيك طلب ليش.
اروى: ....الحق على ابي هو السبب بعزاب اختي وبعزاب جوزها كمان .
غيث قطب حواجبو : عم تسمي اللي هو فيه واللي عم يطلبو منك عزاب .
اروى : اي عزاب لأن اللي فيه هلأ نادر ظلم من بابا الو ...
غيث بعصبية : ..كيف ظلم وهو عم يطلب منك تقضي معو ليلة وهو جوز اختك شو عم تبرريلو يااروى ؟
اروى : لا ماعم بررلو بس نادر انظلم وانخدع من بابا وبابا هو السبب بعزاب اختي وبعزاب نادر وعزابي انا كمان .
غيث: ...فهميني كيف .
اروى : نادر كان عندو سوبر ماركت كبير كنت وانا مروحة من الكلية اشتري اغراض من عندو واحيانا امي تبعتني لأشتريلا اغراض ....كان نادر يهتم فيي كتير وقت يشوفني داخلة لعندو عالمحل وكنت حس عليه انو معجب فيني او اكتر رغم اني ماكنت كتير مهتمة فيه .
اجا نادر وخطبني وبابا رفض .
غيث: كيف خطبك وهو جوز اختك .
اروى : جاييتك بالحكي ....بوقتها ماكان متجوز اختي وكان كل فترة يحاول مع بابا ويجي يخطبني وبابا يرفضو ويقلو مابجوز الصغيرة قبل الكبيرة طبعا هي كانت قناعة امي الله يسامحها كانت خايفة على اختي غيداء ماتتزوج كانت اكبر من بسنتين واقنعت بابا انو انا بيجيني خطابين كتير على عكسها على هوا رأي امي اني احلى وحدة بأخواتي وانو انا بأي لحظة فيي انخطب وعلى قد ماراح واجى نادر لعنا آخر شي بابا قلو ازا حابب تناسبني والك خاطر خود اللي اكبر منها لأني بصراحة الصغيرة مابدي جوزها بدي خليها عندي تخدمني انا وامها لأن وقت يتجوزو كلهن مافي مين يخدمنا وابني لساتو صغير عالجواز ويجيب مرة عالببيت وتعيش معنا ....لهيك من الآخر هي مابدي جوزها ازا بدك بجوزك اللي اكبر منها بوقتها نادر كتير اتدايق وبعد بفترة اجا وخطب اختي غيداء كل هاد لأبقى قبالو بمااني مابدي اتجوز،بالبداية غيداء رفضت لأن نادر كان بدو اياني الي وكانت مستصعبة تتجوزو هي وهي عرفانة انو البو معلق فيي لكن سلطة بابا طغت عكل شي وجبرها عليه وبقتلة كمان لحتى اضطرت وافقت، وتجوزوا وكان نادر يضربها كتير كل ماشافني قدامو وهو عرفان انو مافييو يوصلني، وكل ماكانت تشتكي لبابا منو يقلها هاد جوزك ومابتدخل بحياتكون ولو شو مابصير بينك وبينو قبرك ببيت جوزك وكانت تجي تشكيلي الي وروح انا لنادر واترجى مايضربها ويقلي كرمالك انتي رح حاول مامد ايدي عليها كنت مون عليه اكتر وحدة وماكان يرفضلي طلب ...لحد مااجا جاد وخطبني وعرف بوقتها نادر اني رح انخطب وجن جنانو واجا لعنا عالببيت وكسر بيت اهلي وراح لبيتو كسرو كلو وقال لبابا انت ضحكت عليي وقلتلي انك مابدك تجوزها كل هاد لتخلي بنتك الكبيرة تتجوز شو رأيك طلقلك اياها ورجعها لعندك .
وقتها بابا جن وصرت انا اترجا فيه لنادر لأني بعرف ابي شو رح يعمل بأختي ورح يحط الحق عليها انو هيي ماعرفت تحببو فيها وتخلي ينساني ،وبالزور لأقنعت نادر مايطلق اختي لأن حياتها عند بابا مارح تكون ارحم من حياتها عند نادر وكرمالي نادر لهلأ باقي عليها وكرمال ولادو وهي هيي كل القصة ونادر قلي مبارح وقت شفتو انو لو متجوزني ماكانت رح تكون حياتي معو متل حياة اختي وانو رح يكون معي غير بس هالمسكينة غيداء شو زنبها بهاد كلو شو زنبها .
صارت اروى تبكي بصوت عالي ضمها غيث الو بقوة خلتها تستسلم لحضنو بدون وعي وبقيت تبكي بحضنو وقت كبير بعدين حست عحالها وبعدت عنو واتطلعت بعيونو شافت فيهن دمعة حزن .
اروى بخجل : ........انا آسفة استاز مابعرف كيف صار هيك .....اسفة .
غيث بحنية وايدي عوجهها وعم يهز براسو : .......ماتعتزري اروى انتي كتير قوية انك متحملة كل هالعقبات اللي مرقتي فيها حياتك ببيت اهلك وحياتك مع جوزك وهلأ اللي عملو ابوكي معك من جديد وانك عايشة بالغربة لحالك بهالوحدة القاتل

#رواية_وحدك_من_يهمني

*📖 ╏وحــــــــــــدڪكِ مـــــــن يهـمنـــــــــــي♥️🖇️*

*📖╏#الـبــــ( 3 )ـــــــــارت*

➖➖➖➖➖➖➖➖➖ انا بفتخر اني بعرف انسانة ناجحة بحياتها متلك مو مقياس ازا فشلتي بعلاقتك الزوجية معناها انك فاشلة بكل شي لأ اروى انتي بنت رائعة ونيالو ياللي بيتعرف عليكي وبيعرفك من قريب انتي قوية وشجاعة وقادرة انك تكملي حياتك بدون ماتعتمدي على حدا بس ا

زا احتجتي لشي او لصديق او لدعم اوعك تفتكري انك وحيدة انا هون معك وجنبك وقريب منك وبيسعدني اني ادعمك وساعدك وخفف عنك وجعك وبتلاقيني بالوقت اللي بدك اياه فهمانة عليي اروى انا معك رح ابقى معك .
اروى ارتاحت وتروحنت كتير بكلام غيث وحست بصدق مشاعرو وكلامو وتمايزت هالشي بنظراتو وشافت بعيونو نظرات قريبة كتير من نظرات نادر الها بس اكيد هو مارح يغدر فيها لأنو انسان راقي ومثقف ومافي شي بيجبرو يعمل اي شي يأذيها فيه .
بعد ماخلصت زيارة غيث لأروى ووقت راح تزكرت كلامو لألها وتزكرت نظراتو الها والحضن الدافي ياللي احتواها فيه وحست بحضنو انها بأمان كبير وانها ولامرة حست بالأمان متل هيك ....في شي بغيث كان يشدها الو وكانت تحسو قريب منها بكل شي بس مافهمت حقيقة اللي هي فيه وقالت بجوز تكون مشاعرها مخربطة من الضغط النفسي اللي عانتو بهاليومين .
بيت غيث اتصلت امه فيه من اميركا كانت عند اختها زيارة
ام غيث: كيفك ياامي شو اخبارك حبيبي وكيفو اخوك طمني عنكن .
غيث: اهلا بست الكل نحنا تمام مشتائينلك شو كني طابتلك القعدة عند خالتي مطولة لترجعي .
ام غيث: ياعمري انت امبلى ياامي ان شاء الله عطلعة الشهر الجاي راجعة .
غيث: اوووف للشهر الجاي والله طولتي ياامي ومطول ليخلص هالشهر ويجي الشهر الجاي .
ام غيث: هههههه شو امي عم تسألني وكأنك ولد صغير شو صرلك صرت رجال ايمتا بدي افرح فيك ياامي انت واخوك .
غيث ابتسم وقت جابت سيؤة الجواز : ....هههه ان شاء الله ياامي بس انتي ادعيلي .
ام غيث : ان شاء الله ياامي الله يبعتلك البنت اللي تسر البك وخاطرك وافرح فيك انت واخوك عن قريب .....عسيرة اخوك كيفو وينو .
غيث: اخي بالنادي يامو مابتعرفي يعني بهالوقت بكون بالنادي .
ام غيث : وانت ليه مو معو .
غيث : هلأ كنت رايح لعندو بدك منو شي .
ام غيث: لأ ياامي بدي سلامتك بس كنت عم بتطمن عليكن سلملي عليه وخلي يحاكيني وقت يفضى .
غيث: حاضر ياست الكل امرك سلميلي عخالتي كتير .
ام غيث : الله يسلمك ياروحي يوصل ان شاء الله .
راح غيث لعند اخوه عالنادي .
علي الناطور: اهلا استاز غيث كيفك .
غيث: اهلا فيك كيفك ياعلي شو وينو المدرب .
علي : تفضل الأستاز ليث جوا مع الشباب عم يدربهن اليوم ضايج كتير مدري شبو او يمكن لانهن ماكفو التدريب تبع مبارح والله وكيلك من بعد العصر وهو نازل فيهن تدريب لحتى هلكو ياحرام .
غيث: هههههههههههه هي عادتو لليث ياللي بقصر بالتدريب بجازي تاني يوم بتدريب اطول واقسى .
دخل غيث لعند اخو ليث ونادالو من بعيد : ....ليث ....ليث .
ليث شافو واشرلو من بعيد وقلو انو جاييلو🙋🏻‍♂.
ليث: هلا هلا شو يااستاز وينك الك مدة مااجيت عالتدريب .
غيث: مدة شو كلهن يومين بعدين شو يا عامل عليي مدرب شوف حبيبي اخلاقك الديقة بتطالعهن عاللي عندك مو عليي .
ليث : هههههه لك لااا مو هيك القصة بس مابدي اياك تترك التدريب .
غيث: ايوااااا ...المهم بتسلم عليك امي حاكتني من شوي وقالت جايي الشهر الجاي وسألت عنك وبتقلك متى مافضيت حاكيها اي .
ليث عم يمزح : مابعرف ليش البي حاسسني انو امك متجوزة بأميركا لهيك تأخرت .
غيث: هههههههه ياعليك انت وهاللافكار ....بس معقول تعملها لا والأحلى تقوم تجيبلنا اخ صغير تخيل .
ليث: شووووو اخ صغير وليي .....
وصارو يضحكو لتنين مع بعض .
(ليث اخوه لغيث اصغر منو بتلات سنين عندو نادي رياضي وهو مدرب فيه عصبي كتير متل غيث وشخصية وحلو متلو )
************
تعافت اروى ورجعت لشغلها ،وشعرت بالسعادة لأنها تعافت لتطلع من جو الكآبة اللي كانت فيه وقالت انها بشغلها فيها تتغلب على مصاعب حياتها وفيها تكون اقوى .
بعد وقت طويل من رجعتها للشغل زادت علاقتها بغيث اكتر وصار غيث يطلبها كتير ليقعد معها وقت لو صغير بس كرمال يشوفها ويملي عينو منها .
بيوم كانت عم تبعت طلبات للمكاتب تفاجأت برجعتها للبوفيه بوجود جاد كان ناطرها .
اروى : .......انت شو عم تعمل هون .
جاد : ..كيفك اروى .
اروى : سألتك شو عم تعمل هون.
جاد : اجيت لأحكي معك .
اروى: مافي حكي بيني وبينك اتفضل روح من هون عندي شغل كتير .
جاد : اروى مشان الله اسمعيني انا بحاجة الك ولازم احكي معك .
اروى بعصبية : قلتلك مابدي احكي معك اللي بينا انتهى ومافي شي بيربطنا ببعض لهيك روح من هون انا موفاضية .
جاد : ...كرمال العشرة اللي بينا عطيني فرصة جديدة .
اروى عم تضحك بصوت عالي: ههههههههههه عم تحلفني بالعشرة اللي كانت بينا .....فعلا مافي اوقح منك لك عن اي عشرة عم تحكي عن الأذى النفسي والجسدي اللي سببتلي اياهن والا عن اهانتك الي كل الوقت والا ظلمك الي وقسوتك علي لك انت ماتركت زكرى حلوة بحياتي اتزكرك فيها عن اي عشرة عم تحكي والك عين تحكي كمان .
جاد : اروى بعرف اني ظلمتك وكتير وبعرف اني كنت قاسي معك وانا ندمان عكل شي واكبر ندمي اني وافقت وطلقتك ....كرمال الله ارجعيلي بدي نرجع وعوضك عن كل شي ....
قاطعتو اروى : ....شووو شكلك مجرب غيري لحتى عرفت خيري ....مالك مكان بحياتي ماسدقت ايمت اس

تقريت بحياتي ورجعت لملمت بقايا انوثتي وكرامتي اللي دفنتها بالدعوسة تحت رجليك وانت عم تشحطني بكل البيت متل كأني شي حيوان عندك ...
جاد : اروى ....
اروى : اطلع من هون قبل مانادي للأمن يجو ويشحطوك لبرا غصب عنك .
جاد : انا حكيت مع ابوكي وقلتلو اني بدي ردك وقلي انو موافق وقال ازا بترجعيلي ماعندو مانع تروحي وتزوريهن وتشوفي امك .
اروى : اهااااااا بابا بالموضوع ...انت بتفكر انو فيك بهيك موضوع انك تقنعني او تضغط عليي بتكون غلطان كتير ...بابا نسيني ورفضني ورماني وقت اللي جوزني لواحد متلك ليك من آخر الكلام احكي لبابا اروى مارضيت ترجعلي وانت لبقى ترجع لهون وروح بكرامتك بلا مانادي للأمن .
جاد : ماشي يااروى الكلام بينا لسا ماانتهى ورح ارجع مرة تانية وبيتك صرت بعرفو .
وصل غيث عالبوفيه بالوقت المناسب : اياك تحاول او تفكر انك تقرب من بيتها والا رح تضطر انك تواجهني الي .
جاد : ومين حضرتك وشو دخلك بين رجال ومرتو .
غيث: اهاااا يعني حضرتك طليقها لأروى ...حضرتي بكون صاحب هالشركة اللي حضرتك تجرأت ودخلتها وحضرتي بكون مديرها لأروى، وبرجع بحذرك تقرب منها مرة تانية او تفكر تقرب من بيتها شو فهمت.
جاد ماعجبو الكلام واجا ليقرب من اروى قام وقف بوشو غيث وشحط اروى لورا .
جاد : ابعد هيك وماتدخل بيني وبينها ...تعي اروى خلينا نحكي عرواق .
غيث: الحكي صار معي هلأ مو مع اروى وقت بدك تحكي وتناقش وجه الكلام الي انا معها ماالك حكي .
جاد : شو اروى شو رأيك باللي عم يحكي الأفندي .
اروى من ورا غيث: متل ماقلك الأستاز غيث الحكي رح يكون معو مو معي هاد ازا سمحلك من الأساس انك تحكي .
جاد جن جنانو : شو يعني شغلتيه محامي عندك .
غيث: اي محامي... عندك مانع ياحضرة المحامي .
جاد : هيك لكان ماشي يااروى هي مارح تكون آخر مرة بنلتقي فيها رح تشوفيني كتير بوعدك .
اروى اخدت نفس عميق وقت راح .
غيث: شو اروى اوعك تضعفي انا معك ،ماتزعلي مني لأني اتدخلت بحياتك وقررت عنك .
اروى : لا استاز انا مازعلت بالعكس حسيت حالي قوية وانت معي .
اتطلع فيها غيث بلهفة وكان عبالو يقلها شغلات كتير لكن حب يتأكد من اللي بدو يقولو لحتى مايندم .
ابتسملها ابتسامة ساحرة وطلب منها فنجان قهوة يروق اعصابو فيه وعطاها غمزة قشعرتلها كل بدنها 😉.
عملتلو القهوة وهي عم تبتسم مابتعرف شو السبب بجوز بسبب الغمزة او لأنو دافع عنها ووقف بوش جاد ماكانت متأكدة شو سر هالسعادة وسر السعادة اللي كانت غامرتها .
مرق اكتر من اسبوع بعد الحادثة تبع جاد وبوقتها اكتشف وتأكد غيث من مشاعرو تجاه اروى وتأكد انو مو بس معجب فيها كمان بحبها وبشكل مو عادي وكان معجب بكل صفاتها حلوة وهادية وراكزة ومحترمة وقوية .
بيوم المسا كان غيث طالع مشوار وكان فاتح عغنية حلوة كتير وكانت كل الوقت اروى ببالو وعم يتخيلها قاعدة معو بالسيارة وتخيل انو عم يغنيلها هالغنية .
لحتى ماتعرفو اروى اشترى رقم جديد وحطو بموبايلو وفتح عالغنية بصوت عالي ودقلها ووقت فتحت الخط
اروى : الوووو ....الووووو.....الو
الغنية (حبك يدك بالراس ماليني حب واحساس غير انت تاج الراس وهاذا مكانك ، حبك سوالف لي وشفاك طعم الهيل بقلبي عادي تعيل هاذا مكانك ،واريدك ياغالي ياللي منور الليالي واريدك حبيبي غيرك ولا يحلالي يااولي واخيري بس انت شاغل بالي ولا تصدق انا اعوفك بس انت عندي غالي ،غيرك ابد مااريد حبك الي تعويد ضحكتك تشنها العيد ذبت بحنانك ).
كان غيث ماط حالو عالكرسي تبع السيارة وعم يراقب دقايق المكالمة ليتأكد ازا اروى لساها فاتحة الخط او لأ .
ضل فاتح الغنية لخلصت كلها وبعدها غيث سكر الخط .
تاني يوم المسا رجع عاد نفس الكرة ورجع فتحلها عنفس الغنية كان عبالو يغنيها بصوتو ويقلها كمية الحب اللي مخزنة بألبو لألها لكن.....
تعودت اروى عالغنية لدرجة انها صارت تستنى المسا لحتى تسمعها عالموبايل من المتصل المجهول بالنسبة الها .
بعدها انتابها خوف يكون نادر او جاد هنن ياللي عم يحطولها الغنية ومن بعدها صارت كل مايدقلها المجهول ليسمعها اياها تقفل الخط بوشو .
كالعادة طلب غيث قهوتو ووقت دخلتلو اياها اروى كانت مو عطبيعتها قرب منها وسألها : شو باكي اروى صاير معك شي .
اروى عم تهز براسها انو لأ .
غيث: ماتهزي براسك انتي مو مبسوطة فيكي شي خبريني حدا عم يدايقك حدا زاعجك .
اروى : ابدا استاز مافي شي وماحدا زاعجني بس انا مو مرتاحة خايفة .
غيث مسكها من وشها : من شو طمنيني .
اروى : مابعرف ....مابعرف .
غيث: اروى حاج تقليلي مابتعرفي انتي بتعرفي بس مابدك تحكي .
اروى : بصراحة انا خايفة وشاكة .....في حدا بيتصل فيي كل يوم المسا وبيسمعني غنية حلوة وخايفة يكون جاد اوووو او نادر ...وخايفة يصير شي انا مو مرتاحة .
غيث ابتسم ووقت شافها خايفة هيك ماهان عليه وقرر يخبرها باللي مخبى بألبو .
غيث: ...اروى بدي منك ماتخافي ياللي عم يسمعك الغنية هاد انا .
اروى : ......انت ....معقول استاز هاد انت .
غيث: اي انا بتحبي اثبتلك ....الغنية هيي وغنالها اياها

بصوتو متل ماكان بيتمنى وكان كل شي فيه عم يقلها انو بيعشقها وانو هالحكي نابع من البو وكانت عيونو عم تلمع وهو عم يغنيلها وهو ضامم ايديها بين ايديه .
انصدمت اروى كتير وماتوقعت انو يكون غيث هو المجهول اللي عم يسمعها كل يوم الغنية الحلوة تبعها .
اروى : ......معقول تكون انت استاز معقول .
غيث: يعني لو مو انا شو عرفني شو هيي الغنية اللي عم يسمعك اياها .
اروى : طيب ليه مابتحاكيني وقت بتفتحها والرقم اللي عم يرنلي مو رقمك .
غيث: جبت رقم جديد .....وماعم حاكيكي قبل ماافتحها كنت بدي اتأكد .
اروى : من شو تتأكد .
غيث: من اللي بدي قولو واللي عم حس فيه .
اروى : .......
غيث: اروى .......بتتزكى وقت قلتلك اني معجب فيكي .
اروى : امم
غيث: قلتلك هيك لأتأكد من مشاعري ناحك حبيت مهدلك الأمور شوي شوي ماحبيت ارمي الكلام ومااحسب لنهايتو حساب حبيت بعد عنك فترة لأتأكد من مشاعري بتتزكري الفترة اللي غبتها لما سافرت اسبوع لمشروع الشركة .
اروى : اي
غيث : هالفترة قلت فيها فرصة لشوف ازا فيي ابعد عنك ويكون وضعي طبيعي وانو شوفتك كل يوم كانت مجرد تعويد، لكن لللي اكتشفتو غير هيك طول فترة غيابي كنت شوفك قدامي كل الوقت ماكنتي تفارقي خيالي وصورتك عطول قدام عيني وكل ماتزكرتك (مسك ايدها وحطها عألبو ) البي يصير يدق بسرعة متل هيك وحس بحالي دبلان ومابدي شوف حدا او اسمع صوت حدا غيرك انتي ،حتى امي قبل لتسافر حست اني متغير واخي ليث كمان بقلي اني متغير كتير واني صاير روننسي وعاطفي كتير وصاير عم اسمع اغاني رومنسية كتير .... مابدي طول بالشرح اكتر لأن ازا بدي ضل اشرح مابخلص لبكرة .....اروى انا بحبك ....بحبك بجنون ....بحبك ومافيي ابعد عنك مافيي شوف حالي بدونك مافيي يمرق عليي يوم بدون ماشوفك اوما اسمع صوتك بأيام العطل لو يهملي خليكي تداومي بالشركة لحالك لحتى شوفك مابقصر او اجي لعندك عالبيت بس مو حلوة ضل اجي لعندك وانتي لحالك .
اروى قاعدةو مصدومة بالكلام اللي عم تسمعو هي كانت مفكرة غيث معجب فيها بس لكن ماتوقعتو واصلة معو لدرجة العشق والوله اللي عم يشرحو بفيض من مشاعر رقيقة وسادقة مخزونة بألبو كل هالفترة مع انها فترة مو طويلة كتير هي مجرد اشهر بس .
غيث: اروى ....كتير بيجي عبالي قلك حبيبتي بس بخاف تزعلي مني بخاف تفتكري اني عم استغلك او عم كزب عليكي بخاف تتدايقي مني وتتخىبط مشاعرك بين القديم والجديد ....
اروى احكيلك شي كلمة عطيني رأيك طيب احكيلي شو حسيتي بكلامي .
اروى فاقت من صدمتها وسكتت شوي : ......مابعرف شو بدي قلك انت فاجأتني بصراحة انا كنت حس انو في شي ناحي بس كنت مفكرة انو اعجاب مو اكتر والله ..بس.....
غيث: بس شو.. ليكي انا مابدي ترديلي جواب هلأ فكري بالموضوع ورديلي جواب على مية مهلك مابدي تستعجلي .
اروى : على شو بدك ردلك جواب .
غيث: ..شو عشو عموضوعنا بدي نرتبط بدي اتجوزك ،اروى ماتفتكري اني عم اتسلى او لا سمح الله عندي نوايا سيئة تجاهك لأ ابدااا انا بحبك وبدي اياكي مرتي حلالي بدي شوفك ببيتي بدي شوف حالي فيكي بدي عوضك عن ايام العزاب اللي عشتها بدي عوضك ايام الوحدة اللي عشتيها .
اروى عم تبكي مابتعرف هي دموع الفرح والا الصدمة والا لأنها تزكرت ايام الوحدة والوجع والقهر والظلم .
مسحلها دموعها بأيدي التنتين وتأمل عيونها الغرقانين بالدموع وضحكلها وضمها لصدرو وباس جبينها ...لكن هالمرة مااستسلمت لحضنو كتير وبعدت عنو ..
اروى : ...ازا بتريد استاز هيك موضوع بتنسى وماتفتحو مرة تانية .
غيث اتطلع فيها بحيرة : ....شووو انسى الموضوع ليش يااروى ليش .
اروى : لأسباب كتير اولهن ...انو انت مين وانا مين ....وتانيهن انو انا ماعم فكر بالأرتباط بأي رجال مو بس منك انت ،ماتواخزني استاز بس اناااااا انصدمت كتير بحياتي ومو حمل صدمات زيادة الله يخليك ماتاخد عخاطرك مني .
غيث: لا انا مارح ازعل منك اكيد بس فهميني انوليش مابدك ترتبطي برجال يااروى الرجال مو متل بعضا واصابيعك مو متل بعض وانا والله جدي كتير بعلاقتي معك ولو بدي لا سمح الله انو اخلي فيكي مابفكر بالزواج كنت بتسلى مثلا او مابعرض الزواج عليكي ماهيك .
اروى : استاز انا بعرف انك مو متل جاد وبعرف انك انسان محترم من يوم عرفت بقصتي وخصوصي بموضوع نادر وانو شو بدو مني وانت محترمني حتى انك ما حاولت تفتح الموضوع معي مرة تانية ....بس انا طالعة من تجربة زواج فاشلة وطلعت منها بخساير كتيرة واولهن كرامتي واحترامي لزاتي انا مااستفدت شي من كل هالدنيي ووالله لو الأنتحار مو حرام كنت من زمان انتحرت وريحت حالي .
غيث: ..لاااا اوعك اوعك تعملي هيك شي خلي ايمانك بالله كبير بتفرج يااروى بس انتي خليكي قوية متل مابعرفك ...بس اللي بدي قلك عليه انو مو ازا جاد مو منيح وكان ندل وحقير معك معناها كل الرجال واحد ومو ازا كان ابوكي قاسي ومتسلط ماتواخزيني معناها كل الرجال ماعندهن حنية والب كبير ،انا ماعم طالبك بشي مستحيل كل اللي بدي اياه انك تفكري بالموضوع بشكل جدي وفكري بعقلانية وانو لمتى

رح تبقي لحالك ماحتضلي العمر كلو لحالك ما وليش مابكون انا هالرجال اللي رح تكفي حياتك معو مشان الله اروى فكري منيح اي .
اروى : ...حتى لو بدي اتزوج ولو بدي فكر بيوم اني ارتبط برجال اكيد مو انت استاز .
غيث فتح عيونو عوسعهن : ...مو انا...ليش شو السبب من شو بشكي انا .
اروى : عسلامتك انت رجال مافي منك واي بنت بالدنيي بتتمنى تكون سند الها وحبيب وزوج بس استاز خلينا واقعيين شوي بتعرف انت مين انت مدير الشركة اللي انا بشتغل فيها مستخدمة مو سكرتيرة او حتى موظفة عادية انا اللي بخدمك وبخدم الكل ومو خجلانة من هالشي بس اللي حضرتك عم تطلبو مني رح يخلي الكل يتسائل ويقول انو ليش اروى اكيد صاير بينهن شي وانا سمعتي بالدنيي كلها .
غيث: اروى مشان الله حاج تفكري هيك مو كل الناس بتتجوز من نفس الطبقة اللي هنن عايشين فيها ياما مدراء واصحاب شركات تجوزو من سكرتيراتون او موظفات عندون وانتي مو اول وحدة ولا آخر وحدة بتتجوز مديرها ....بعدين امي اول وحدة بتعرفي امي بنت مين كانت لما ابي تجوزها كانت بنت المراسل اللي كان بيشتغل بشركة ابي وشافها صدفة وقت كانت راجعة من جامعتها مىقت بوقتها لعند ابوها عالشغل وشافها ابي واعجب فيها كتير وصار مرة عمرة يزيد اعجابو فيها وبالنهاية طلبها وتزوجها والكل انصدم ومع هيك ابي ماهمو حكي الناس لأنو شافها بنت محترمة وبنت عيلة محترمة حتى لو كانت من عيلة فقيرة والناس كلها بتمدح بعلاقة امي وابي بعد ماتزوجو ولحد ماتوفى ابي والناس بتضرب فيهن المثل رغم انو امي اجاها ناس كتير بس سبحان الله نصيبها مع ابي فلا تحطيها حجة انك بتشتغلي عندي وانو مابصير نرتبط .
اروى : طيب وانا شو بدهن يحكو الناس وقت يشوفوك بدك تتجوز من المستخدمة اللي عندك .
قاطعها غيث: ازا شغلتك بدها تأثر عالموضوغ هلأ بعملك سكرتيرتي .
اروى : لاااااا ماقصدي انك تغيرلي شغلتي بس انا عم حاول وصللك انهن بياخدو بنات قريب من مستواهن .
غيث: ولك اروى شو بك ليش عم تحطي من قيمتك انتي بالنسبة لألي اميرة ملكة مابشوفك والله والله غير هيك ...ليكي فكري بالموضوع وابقي رديلي جواب اي ماتستعجلي وتعطي قرارات مو اكيدة ماشي قلتلك فكري على مية مهلك مع اني كتير مشتاق شوف اسمي واسمك بنفس الورقة وقلك عاللي عم حس فيه وقت بشوفك واللي عم اتمنى وقت تكوني قريبة مني .
خجلت اروى وكانت رح تعترض مرة تانية وماخلاها غيث وعطاها مهلة وتحددها هي لتفكر وتردلو جواب وعطتو بالآخر وعد انو تاخد الموضوع بجدية.
بيتها كل الليل وهي عم تفكر بالموضوع وافكار تجيبها وافكار توديها صراع جواها شي عم يقلها وافقي وارتاحي من الشنططة والخدمة وشي بقلها احفظي كرامتك بلا مايقولو الناس عنك فتنتي الرجال وطمعتي فيه وبمصرياتو وبمركزو ....رفعت عينها واتطلعت بالسما ودعت الله يهديها للطريق الصحيح ويلهمها القرار الصواب .
مرق وقت وصار غيث كل مايشوف اروى يسمعها كلام حلو ويشعرها بحبو الها .
غيث: لك يسلملي هالأيدين بتسدقي والله ماعاد حبيت القهوة والشاي الا من ايديكي .
اروى خجلت ورعش بدنها من حلاوة اللي عم تسمعو لكن بقيت لحد هالوقت وهي عوقفها .
غيث: شو حبيبي شو صار معنا فكرتي بالموضوع ازا لسا عم تفكري خدي راحتك بس مشان الله بالنهاية خليني شوفك معي ماتحرميني منك .
اروى : ........استاز مشان الله انسى الموضوع والله ماعم تركب معي عم لوكا بعقلي ماعم تزبط .
غيث: يوووو علينا ليش ياعمري لك والله والله مارح خلي حدا يحكي شي بوعدك وانا بعرف كيف سكت الناس والله بعرف شغلات وشغلات عن الناس بس انتي امحيلي هالأفكار من راسك .
اروى : ليك استاز آخر كلمة عندي ازا بدك ترجع تحكي معي بالموضوع اعتبر اني رح اترك الشغل من اليوم .
غيث: شوووووو ...شو هالحكي اروى معقول توصل معك انو تتركي الشغل انا مافيي تبعدي عني يوم بدك تتركيني بدك تموتيني انتي .
اروى : بعيد الشر عنك ....بس خلص كرمال الله حس فيني انا مافي شغلة زبطت معي لا عند اهلي ارتحت بحياتي ولا مع جوزي ارتحت معو وهلأ بدك مني ارجع ارتبط بحياة جديدة فكرك اني متأملة انجح بزواج جديد ...ماترجع تفتح معي الموضوع بنوب استاز والا والله رح اترك الشغل من هلأ .
تركتو وراحت والدمعة بعينها ماحبت الموظفين يشوفوها طالعة من عندو بكيانة ويحطو ببالهن شي كان وشي ماكان .
غيث عصب كتير وجن جنانو قرر يتركها شوية وقت مايحكيها بالموضوع ولا بأي شي تاني غير يطلبو قهوتو وبس .
كانت اروى البها عاصصها عليه واللي جننها اكتر انها تأكدت من مشاعرها ناحو وتأكدت انها بتحبو كتير كتير لكن ماحبت تخوض بتجربة تانية وتفشل فيها .
بيوم كان في اجتماع بالشركة وطلب غيث من اغلب الموظفين ومن وكلاء جايين للشركة انهن يجتمعو مع بعض بقاعة الأجتماعات لغاية بنفسو وطلب من اروى تجيب المي لكل المجتمعين ووقت دخلت وبلشت توزع بقناني المي وقبل لتطلع سكر الباب غيث ووقف بوش اروى وقلها لساتك رافضتيني .
اروى خجلت وصار وشها احمر لأن غيث كان عم يحكي بصوت عالي اتطلعت يمين وشمال وقالتلو بصوت واطي

: مو وقتو هالحكي مو قدام الناس .
غيث: امبلى قدام الناس انا اصلا متقصد اعمل هيك لحتى خلي كل اللي بالشركة يعرفو حقيقة مشاعري تجاهك وشو طلبت منك .
مسكها من ايدها وقىبها لعندو واتطلع بكل الموجودين وقلهن : انا جمعتكن اليوم لقلكن اني بحب اروى وطلبتها للزواج وهي رفضت ،بتعرفو ليش؟ لأني مدير هالشركة اللي هي بتشتغل فيها مستخدمة ولأنها انفصلت عن جوزها من اشهر ولأنها طلعت من زواج كانت نتيجتو الفشل ورفضتني لأنها خايفة الكل يحكي عليها بالعاطل وانو في شي بيني وبينها او انها طمعانة فيي والله حبيتها لأنها انسانة رائعة وشفافة وهادية وبعمري ماشفت منها شي يخليها تلفتلي انتباهي ....والله والله انك يااروى اشرف وانضف بنت شافتها عيني وتحرم عليي متل ماحرمت عليي امي انو مافي شي بيناتنا وانها رافضيتني لهي الأسباب فهي انا وهي قدامكن واللي بدو يحكي علينا لا يحكي بقفانا يحكي قدامنا وبقولا قدامكون وبدون خجل اروى انا بحبك بحبك بحبك بدي اياكي بدي اتزوجك .
اروى عم تبكي وخجلانة بنفس الوقت : ....بكفي استاز غيث مشان الله بكفي انا عطيتك جوابي من زمان ليش مصر تحرجني انا مابدي شي من هالدنيي غير اني عيش بهدوء وسلام مابدي شي من الناس مابدي من حدا مساعدة حاج بكفي ....
حطت ايديها عوشها وصارت تبكي بصوت عالي ،قرب منها غيث ورفعلها راسها ومسحلها دموعها بحنية ايدو وقلها : مشان الله لا تبكي ياعمري مابحب شوف دموعك كرمالي لا تبكي انا مابدي شي غير اني شوفك الي وحلالي بحبك اروى بحبك .
غرقت عيونها بالدموع اكتر واتطلعت باللي حواليها وشافتهن كيف عم يتطلعو فيها بعدت ايديه عنها وركضت عالباب وطلعت من الشركة كلها .
عصب غيث وضرب ايدو بالحيط وبان الزعل عوشو اكتر وبالآخر التفتلهن للموجودين وحكى بعصبية واضحة : شوووو حدا حابب يحكي شي حدا عندو اعتراض عحبي الها حدا حابب يقلي انها مو من مستواي يعني لازم ازا كنت صاحب هالشركة لازم آخد بنت عز، يعني مابصير البي اللي يختار لازم ظروفنا المعيشية هي اللي تختار مين نتزوج يعني لازم ازا بدي حب حب وحدة معها مصاري وعندها شركة مابصير البي اللي يحب ويختار حتى لو كانت ظروفها صعبة ،وللعلم هي مو فقيرة متل ماالكل بيعرف هي وضع اهلها منيح وتجوزت من محامي وظروفو كانت ممتازة لكن لأنها ماقبلت بالأهانة منو طلبت الطلاق وانفصلت عنو وهلأ هيي عم تشتغل بشركتي مستخدمة على كرامتها وماتحتاج حدا ياترى بتستاهل اني حبها وموت عليها والا لأ وحدة رفضتني لحتى ماحدا يحكي عليها حكي مو منيح بنظركن هي وحدة طمعانة فيي بنظركن هي وحدة استغلالية اكيد لأ وللعلم انا متأكد امها تركت الشغل لانها وعدتني ازا برجع بفتح الموضوع مرة تانية رح تترك الشغل وبهيك انا بكون خسرتها عطول .
واحد من الموظفين : لكان ليش استاز رجعت فتحت الموضوع بماانك عرفان انها رح تترك الشغل .
غيث: لحتى قول لكل الناس انو انا اللي راكض وراها مو هيي ولحتى اعلن عن حبي الها قدامكن لحتى ماحدا يحكي عليها بالعاطل وقلت بلكي هالمرة بتوافق .....بس شكلو لأ مافي فايدة ..

*يتبــــــــ⇊ــــــــ؏...*
➖➖➖➖➖➖➖➖➖
#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_وحدك_من_يهمني

*📖 ╏وحــــــــــــدڪكِ مـــــــن يهـمنـــــــــــي♥️🖇️*

*📖╏#الـبــــ( 4 )ـــــــــارت والأخــــــــير*

➖➖➖➖➖➖➖➖➖ وفعلا متل ماتوقع غيث صار وتركت اروى الشغل وكان ناوي يروح يراضيها ويحاكيها ويقنعها ترجع للشغل وانو ماعاد يفتح الموضوع معها بس حب يتركها وقت لترتاح اعصابها ويهدا بالها .
بيوم كانت راجعة من السوق قابلت بطريقها جاد حاول ياخ

دها معو ليحكو ويتفاهمو لكن اروى كانت قوية كتير من بعد مااتطلقت وقدرت انها تصدو بكلامها وجرختو كتير لحتى مايفكر يرجع يقرب منها من جديد وهددتو ازا بحاول يتعرضلها مرة تانية رح تخبر الشرطة .
اجو بنات بيشتغلو مع اروى بالشركة وشرحولها قصدو ونيتو السليمة لغيث وهيي بدورها فهمتهن انها بتعرف انو حسن النية وانو مابيتلاعب بمشاعرها لكن ظروفها صعبة ونفسيتها تعبانة كتير ولسا مانسيت اللي عملو معها جوزها وانو كيف بدها تفكر ترتبط برجال وهي لسا مانسيت الجرح اللي سببلها اياه جوزها السابق .
مرق اسبوع تاني عغياب اروى عن الشركة وعن عين غيث .
بيت غيث كان قاعد بغرفتو حيران ومتدايق عم يفكر بأروى وكيف فيو يرجعها عالشغل .
كانت ام غيث جاية ابكر من الوقت اللي قالت لغيث عنو ،دخلت لعندو لقتو قاعد بالعتمة وعلى دخان وقهوة .
ام غيث: ...ماما غيث شو باك ياروحي حاسستك هالأيام مو على بعضك شو في ياامي احكيلي فشّلي البك انا امك ازا فيي ساعدك بشي قلي ...والله اخوك قلي انك مو طبيعي وانو في شي شاغلك ريحلي البي ياامي .
غيث اتطلع بأمو نظرة حس فيها انو ضعف كتير وانو رح ينهار على كلمة تانية .
غيث: امي ......بدك تعرفي ابنك شوبو بدك تعرفي انا من شو متدايق .....
ام غيث: ياريت ياامي احكيلي يانور عيوني .
غيث رمى حالو بحضن امو وماشاف الا دموعو عم تنزل عكتف امو وكأنو ناطر شي كلمة منها ليفجر بركان الدموع اللي محبوسة بعيونو واللي كانت عم تخنقو .
ام غيث مصدومة : غيث امي انت عم تبكي لك شو صاير معك مشان الله قلي معقول غيث الشريف عم يبكي .
غيث: امي ماعم اقدر عيش من دونها مافيي عيش بدون ماعيني تلمحها كل يوم مابقدر والله مابقدر .
ام غيث: .....مين هي .
غيث: ...امي ابنك عشقان عرفتي شو باني انا عشقان واللي عشقانها مابدها اياني .
ام غيث: ....في بنت بيعشقها غيث وبتقلو لأ .
غيث حكى لأمو قصتو مع اروى وشو سبب رفضها وانو حبها بجنون وشرحلها موقف اروى من الموضوع ..
ببيت اروى ...
كانت اروى قاعدة بغرفتها بعد الضهر دق باب الروف عندها قامت اروى وفتحت الباب وتفاجأت وقت شافت مين اجاها كان نادر وقتها اروى جمد الدم بعروقها فكرت انو اختها غيداء صارلها شي او امها .
اروى : ........نادر هاد انت ....شو جابك لهون حدا صايرلو شي .
نادر: لاااا ياعيون نادر انا اللي صايرلي مو حدا تاني انا اللي الشوق عم ياكلني اكل وخصوصي وقت شفتك المرة الماضية .
اروى : ....انت كيف عرفت طريقي كيف عرفت بيتي .
نادر: اللي بيسأل مابيتوه وانا سألت كتير الي تلات ايام هون وعم اسأل عنك لحتى لقيتك ...لقيتك ومارح ضيعك وهالمرة بدك تسمحيلي يعني جيتي لعندك مابتروح عالفاضي .
اروى عم ترجع لورا ونادر عم يقرب منها وعم ياكل بشفايفو وهو عم يجول بعيونو عليها .
اروى : شو قصدك انو جيتك مابتروح عالفاضي .
نادر: يعني هالمرة جاي ورح آخدك بحضني مو ليلة ليالي وحياتك هلأ صرت طماع لأن قلتلك كان بدي بس ليلة وتعززتي علي وماقبلتي لكن هالمرة لأ رح ضاعف الليالي ورح شبع رجولتي منك وملي عيوني من شوفتك واللي ماعطيتيني اياه برضاكي رح آخدو منك غصب عنك .
اروى : فشرت عينك ياواطي والله ازا بتحاول تقرب مني الا لم الناس عليك .
كانت اروى بهديك اللحظة عم تفكر بغيث قبل ليجي نادر وضل غيث ببالها وخطرتلها فكرة ،مسكت موبايلها بدون مايحس عليها نادر ودقت لغيث
ورمت التلفون من ايدها لحتى مايشك فيها نادر .
مسكها نادر من ايديها ورجعهن لورا وكان عم يحاول ياخدها بحضنو اكتر وصار يقرب اكتر ليعتدي عليها وعي تصرخ وتقلو : بعد عني مشان الله لك يانادر حرام عليك انا اخت مرتك ..لك مابصير هيك ...لك ياناس ياعالم ....يااستاز غيث مشان الله تعى ى ى .
وصار نادر يشقلها تيابها ويسكرلها تمها بأيدو ودخلها للغرفة ورماها عالتخت وهي تقاومو بكل قوتها .
بهداك الوقت كان غيث فاتح خط على اروى وسمع اروى وهي عم تترجى بنادر انو مايقرب منها وعرف غيث انو نادر وصللها .
طلع غيث من الشركة متل المجنون وكان سايق بسرعة كبيرة ليقدر يوصل لبيت اروى بالوقت المناسب قبل ما يتمكن منها نادر، وخلع باب الرووف برجلو وكانت اروى على آخرها وعلى شوي تانية كانت رح تروح ضحية حب حرام .
ماشافت اروى الا غيث صار فوق راسو لنادر و الضرب عم يجي من كل مكان ضربو بشكل هستيري وكان عم ينتقم منو بس لتفكيرو الوسخ بأروى وانو مابهمو حرام او حلال المهم ياخدها ويوصللها .
نادر قاوم غيث وضربو عوجهو لكمة خلت الدم يسيل من تمو.
زاد حقد غيث عنادر اكتر وصار يضربو بدون وعي واروى تصرخ وتقول لغيث : لا تبلي حالك في استاز غيث مابيستاهل هاد واحد حقير .
ارتمى نادر بالأرض وكأنو فقد الوعي .
انتبه غيث عأروى انو تيابها مقطعة دار وشو للجهة التانية وعطاها شرشف الطاولة لتستر حالها فيه .
غيث شحط نادر لبرا الغرفة واتصل بقريبو الضابط حاكاه وطلب انهن ياخدو عالقسم بدون جرصة وفضايح كرمال اروى .
اجا الضابط قريب غيث واخدو نادر بدون ماحدا يحس متل ماطلب غيث، ووقت راح الضابط اتطلع غيث بأروى و

شافها قديه خايفة ومرعوبة وتيابها مشققة ودموعها معبية عيونها فتحلها ايديه انو ضميني ....وقتها ارتمت اروى بحضنو وكأنها ناطرة يقلها هالشي وانهارت من البكى على صدرو.
غيث: بكفي ياعيوني حاجتك بكي ...كل شي انتهى اروى خلص بوعدك هالندل مارح يقرب منك من يوم ورايح .
رفعلها راسها ومسح عشعرها واتطلع بعيونها : فهميني شو جابو هاد لهون هو مو ساكن هون ماهيك .
اروى عم تبكي : لاا مو هون مابعرف كيف اجى بس قلي الو تلات ايام هون وكان عم يدور عليي .
كان غيث مشتائلها كتير كتير لكن ماحب انو يزيد من حنقها وكرهها للرجال اكتر وماحب امها تاخد عنو فكرة مو منيحة متل نادر وجاد ،خفف عنها شوي وتركها لحتى ترتاح ولتستر حالها .
بعد يومين كانت حالة غيث كتير سيئة والسبب اروى حتى شغلو بالشركة ماكان يشتغلو منيح ،والكل كان ملاحظ التغيير عليه وكان الكل عرفان انو السبب من اروى .
بعد الحادثة بيومين تلات وقت الصبح اندق باب بيتها لأروى وكانت خايفة كتير ليكون نادر رجع مرة تانية .
اروى من ورا الباب : .......مين .
ام غيث: ..افتحي يابنتي انا مدام صابرين .
اروى ارتاحت وقت سمعت انها وحدة ست وفتحتلها الباب شوي شوي .
ام غيث: مساالخير .
اروى : .....مساالخيرات اهلا مدام ...بشو بخدمك .
ام غيث: ...ههه بعرفك بحالي بالأول انا صابرين الشريف ..ام غيث مدير الشركة اللي كنتي تشتغلي فيها .
اروى : ....اهلا وسهلا مدام شرفتي تفضلي .
ام غيث عم تتطلع بأروى بأعجاب حلوة وراكزة متل ماوصفها غيث.
ام غيث: انتي اروى ماهيك .
اروى : اي مدام انا اروى ....
ام غيث : طمنيني عنك كيف صرتي اليوم .
اروى مستغربة من سؤالها: ...الحمدلله منيحة .
ام غيث: ليكي بنتي انا مارح خليكي كتير محتارة انو شو سبب جيتي لهون رح افتح معك الموضوع دغري .
اروى : تفضلي عم اسمعك .
ام غيث: ابني غيث خبرني مل شي عنك وقلي انو بيعشقك بجنون وقلي انو طلبك للزواج وانك رفضتي وحكالي سبب رفضك .
اروى خطر ببالها انها جاية لتحاول تبعدها عن طريق غيث .
ام غيث: شوفي يابنتي انا بعرف من كلام غيث عن حياتك اشياء تقريبا بسيطة بس بتكفي لآخد عنك فكرة انك انسانة اكتر من رائعة انتي تحملتي كتير وشقيتي بزواجك كتير وابوكي كان قاسي عليكي وجار عليكي وقت جوزك لرجال معو مصاري بس ماعندو ضمير وبيفتقر للأخلاق اللي هي اساس الرجال ،كوني مرة متلي متلك بعرف كمية الحزن والألم اللي حاسة فيهن هلأ بكفي انك عايشة لحالك وهالشي كفيل يخليكي حزينة عمرك كلو ....بس الزواج سنة الحياة وانتي ماتوفقتي بزواجك الأول بس هالشي مو معناه انو كل المتزوجين مو مرتاحين بحياتهن ماهيك ،عندك انا تزوجت صغيرة بعد الجامعة عطول وجبت ولدين الله يخليلي اياهن يارب غيث وليث هنن اللي مخففين عليي حياتي من بعد موت ابوهن الله يرحمه ابوهن كان رجال مافي منو وغيث نسخة تانية من ابو آخد كل صفاتو ...المهم انتي حلوة وصغيرة والحياة لساتها قدامك مابصير تبقي لحالك بدك رجال يحميكي وياخد بالو منك الرجال سند للمرة القوية والضعيفة لو شو ماكنتي قوية بتضلي ضعيفة قدام قدرة الرجال بكفي وجودو بحياتك بحسسك بالأمان طبعا انا عم احكي عن الرجال اللي في كل مواصفات الرجال وانتي يابنتي لازمك رجال وخصوصي بعد اللي صار معك من كم يوم لو انك متجوزة وببيت زوجك بيسترجي جوز اختك يقرب منك او يجي من دولة لدولة لحتى ياخد غايتو منك وشفتي وقت دقيتي لغيث كيف بس مسافة الطريق كان عندك ...لهيك فكري منيح بالموضوع وانا جاية لحتى اطلب ايدك لأبني غيث انا كنت متلك لا كنت بنت صاحب شركة ولا بنت وزير ولا اي مسؤول انا كنت بنت المراسل بشركة ابو غيث وشافني وعجبتو وصار النصيب والكل كان يضربو فينا المثل بالحب والتفاهم ،..بنتي انا بشرفني انو بنت متلك بتفكيرك وعزة نفسك تكون مرت ابني وانا ابدا ماعندي مانع بالعكس بتشرف فيكي .
اروى عم تسمع مبسوطة ومقتنعة وخجلانة تقول انها موافقة .
هزت راسها وقالتلها : كلامك مزبوط ياخالتو بس انا هي نصيبي من هالدنيي .
ام غيث: نصيبك هداك راح مع اللي راح لكن قدامك فرصة تانية لا ترفضيها غيث بحبك بجنون لا تحرمي منك وماتحرمي حالك منو لأن من اللي انا شايفتو انك كمان مغرومة فيه ماهيك .
اروى : .....كيف عرفتي ازا انا ماخبرتو للأستاز غيث .
ام غيث: نحنا ستات على بعضنا بنفهم عبعض من النظرات قبل الكلمات لهيك شو قلتي بتوافقي تكوني كنتي .
اروى : بس انااااااا....
ام غيث: لا بس ولا شي قولي موافقة خلي ربنا يبارك بهالزواج .
اروى : .......موافقة .
ام غيث : ايها ياحبيبة البي الله يسعد البك ويسر بالك وخاطرك ،
شو رأيك نعمل لغيث مفاجأة .. هلأ بتروحي معي عبيتنا وعلى موعد جية غيث من الشركة بيتفاجأ بوجودك عنا بنتغدى سوا وبنخبرو هالخبرية الحلوة وبنتفق على كل شي شو قلتي .
اروى : .....مابعرف صراحة فاجأتيني بهالطلب .
ام غيث: مابدها تفكير يلا قومي عجلي .
قامت اروى ولبست فستان خمري قصير للركبة بدون كمام مطرز بالورد من تحت وكندرة كعب عالي سودة وتركت شعرها نازل عكتافها متل ا