#رواية_زوجاتي_سبب_جلطاتي

زوجاتي سبب جلطاتي 😍

الجزء الثالث 3⃣
~•~•~•~•~•~
المسا فات معاوية عالبيت بعد ما راح يجيب اهله ..
فتح الباب وفات والبيت هدووء وصلو عالصالون وفاتو ولاقو احلى سفرة ممدودة عالطاولة ..
هالأكل الطيب كله متجمع عالطاولة ..
والبيت مرتب ومافي ذرة غبرة حتى ..

صفر معاوية باستغراب ورفع راسه قدام امه ويا حرام ما كان بيعرف شو منتظره ..

فاتت مرام وبلشت تتأنزع على نسوان اخوها وتلت وتحكي

سمر : اي والله اهلا وسهلا بحماتي .. يلي جابت حياتي ..

رولا : اي مية السلامة ببنت حمايي يلي دلت زوجي عليي

سمر :(يبعتلك داء السل شو حوبة ولسانك عم ينقط عسل عأساس )

مرام : اهلين فيكن اهلين فيكن يا موجبين اي ها شوف اخي ماحلاهن عم تقلي مو مناح

سمر : شو عم يقلك؟

مرام : لك لا انا هيك قلت بسياق الكلام ..

رولا : قلتيلي ..

اطلعت مرام عالاكل وحكت : بس على هالحالة بدي اعزم حالي كل يوم لعندك اخي

معاوية : اي اهلا وسهلا بتنوريني كل يوم

سمر: اي مية اهلا وسهلا ( لنشوف هلأ كيف رح يتغير رأيك )

رولا : يلا تفضلو عالغدا ضليتو واقفين

سمر : تفضلي حماتي الا بالصدر لازم تقعدي الصدورة للبدورة ولو

رولا : وانت بنت حمايي تفضلي والله ما بتقعدي الا جنبي

مرام : لك يسلملي المزوق ..

سمر : شو مو جاي عمار؟

مرام : مبلا بدو يجي ..
رن الجرس **

مرام : هه يؤبرنيي ابن الحلال عند ذكرو ببان ..

سمر : (قصدك اذكر الجحش بيطحش طحش)

رولا : اي يالله فتحي وتعالي ..

فات عمار وسلم وقعد وبعدين اجت مرام وقعدت عالكرسي وياريتا ما قعدت .. نطت من مكانا وهي عم تصرخ والكل عم يسألا شو فيه ..

اطلعت ب رولا ورولا ابتسمت ابتسامة نصر ..

مرام استحت تقلن غزها الدبوس قالتلن كاني شفت خيال صرصور ..

عمار : يا لطيف هاد كله خيال كيف لو كان حقيقة

مرام : عمّمار ..

معاوية : يلا سمو بالله يا جماعة

سمر : شو اسكبلكن تؤبروني كلو شغلي ..

الحماية : بس ما تكوني كترتيلن بهارات بتعرفيني ما بلايمني الحد والبهارات ..

سمر : لا مرت عمي شوي بس

الحماية : اي يسلملي المعدل

سكبت سمر صح كبسة لحماتا ومن تحت الطاولة حطت عليه فلفل ابيض مشان ما يبين ..
ونفس الشي لمرام ولمعاوية ..

سمر : بسم الله

الحماية : اح اح اح اح لك شو حاطة للكبسةةةةة قلتلك ما بحبا حدةة

سمر : يوه مرت عمي مو حاطة شيي احكيلك كلمة ابن عمي ..

معاوية عم يختنق ووجهه احمر : اه ؟؟
مبلا فيها شوية حد عالريحة .. بس انت بتعرفي امي ما بتحب الحد ليش لتحطي يا سمر ..

سمر : يووووه .. لك احلف اني مو حاطة حد ...
رولا فيها حد ؟

رولا : لا

سمر : ها .. عمار فيها حد ،؟

عمار : ابداً ..

سمر : شايفة مرت عمي انو ما فيها حد .. بس اتت ما بتحبيني مشان هيك عم تحكي ع طبخي مع انه الكل بيشهد فيه
اهئ اهئ ..

الحماية : ( يخربيتك شو انك حرباية من تحت لتحت ) لك يوه ليش عم تبكي كنتي .. ما قلتلك شي ، يسلم دياتك .. كله طيب .. وها رح دقلك الكبة كمان ..

سمر مسحت دموعا الكذبية : اي صحة مرت عمي هه

حطت قرص الكبة بتما وأكلت اول لقمة ومدحت ب سمر حطت التاتية بتما وصرخت

معاوية : امي شوفي ..

الحماية : سني .. سني يا امي نكسر

رولا : يوه مرت عمي من شو ؟ معقول من الجوزات يلي محطوطين ب قشرن !

سمر : شوفي ما بيطلعك تحكي ع شغلي سمعانة وليه ..

رولا : ما حكينا شي .. قومي حماتي غسلي لروح معك انا ..

الحماية وقفت وراحت عالمغسلة مع رولا ..

الحماية : اخ يا سني اخ ..

رولا : رح جبلك محارم واجي ..

راحت عالغرفة جابت اكم من محرمة وحطت عليهن ملون احمر وجابت كم محرمة نضيفة ..
راحت لعند حماتا وبايدا المحارم النضيفة وبالايد التانية ورا ضهرا المحارم الحمر ..

رولا : غسلتي مرت عمي؟ رفعي راسك لشوف السن ..

رفعت راسا وغمضت عيونا يلي اجو عالضو ..

بسرعة حطت المحارم الحمرا بقلب البيضاء ورفعتن لتما

رولا : ولي عليي مرت عمي تمك عم ينزف

الحماية : شوو ورجيني ..

رولا طلعت محرمة وورجتا ياها ..

الحماية : وليي رح موتت وليي الحقني يا ابنيي .. كانت باطلة ومحولة الجية ..

فاتت رولا لجوا ركض وقالتلن انو تمها عم ينزف وقالت لمعاوية ياخدا عند الدكتور ..

وطلع معاوية هو وأمه وخلي الجو لسمر ورولا يستفردو ب مرام .. بس بقي زوجا ..

سمر : عمار بعد اذنك بالله بس كنت موصية معاوية ع كم غرض مشان السهرة ونسيهن . غلبك تجيبن انت !!

عمار : اي تكرمو

سمر : استني اكتبلك ياهن ع ورقة ..
راحت كتبت شغلات بدها ياهن وشغلات مالا بحاجتن واعطته الورقة وراح يجيب الغراض ...

سكرت سمر الباب وراه واخدت نفس وفاتت ( اجيت لعنا برجليك يا مرام )

رولا : دايمة ضرتي

سمر : صحتين ضرتي .. يلا تفضلو بنت حمايي وضرتي ساعدوني بالجلي مشان نخلص ونقعد

مرام : انا ضيفة ولو

سمر : بيت اخوك هاد ولو 😉

مرام ( منيح صار بيت اخي هلأ ) اي كنت عم امزح معك.

سمر : ههههه كنت بعرف بنت حمايي يلي تفضلي وانت ست رولا يلا

..

رولا : جااية

فاتو جلو الجلي وخلصوه ولا عمار اجا ولا معاوية ...

مرام : وينن تأخرو

سمر : ما بعرف هلأ بيجو .. بعدين قاعدين ومبسوطين بنات لبعض ولا شو رأيك ضرتي.

رولا : لكن لكن

سمر : انا داق خلقي قومو نعمل شي شغلة

رولا : متل شوو؟

سمر : هاا لقيتا .. قوموا معي قوموا

مرام : لوين

سمر : لك قوموا بدون ما تسألو يووه..

فاتت سمر ع غرفتا وفوتتن وراها ..

مرام : نضيفة غرفتك مرت اخي

سمر : ليش شو مفكرتيتي يعني .. بعلمك النضافة اذا بدك

مرام : لا يسلمو . متعملة النضافة ع أصولا ..

رولا غيرت الحديث مشان ما يوصل الحديث لغرفتا : اييي ضرتي شو بدنا نعمل ..

سمر ابتسمت : اييه هلأ بدنا انا وانت نمكيج مرام ونعملا شي بشعرا ومنه منتسلى ومنو منجددلا شبابا شوي

مرام : بالله شو حبيبتي شو قصدك انا ختيارة ؟ بعدين ليش انا! ليش مو انت او رولا

سمر : يا مرام يا حبيبتي .. اليوم دور رولا بالنومة ف إذا حطيتولي المكياج الي بلكي ابن عمي غير رأيو واجا لعندي .. بعدين انا ما باكل حق ضرتي يوه..

مرام : بما انو دور رولا منحط لرولا

رولا فهمت شو عم تعمل سمر ف حكت : م هون اصل المشكلة انو وجهي متحسس كتير وصاير حساس كتير لهيك ما عم حط عليه شي

سمر : اي يي شو بالغتي ها قعدي خلصيني ومنو هلأ اذا شافك عمار بطير عقلو ..

مرام : هيك قولتك

سمر : اي لكنن

مرام : بس بتاطلعوني حلوة ها

سمر : لك انت بدون شي حلوة اذا بدنا نحطلك مكياج هلا بترجعي بنت ١٥ ( نطلعك حلوة مو ، لك الحلو من يوم يومو حلو والبشع بشع من يوم يومو ما بيتغير .. )

جابت سمر عدة المكياج ورولا عدة الشعر وبلشو شغل
فهمت سمر رولا شغلا من خلال الغمزات الشيطانية
وبلشو يمكيجوها ويلفولها شعرا وهي مغمضة ووجها ضهر المراية مشان ما تشوف ..

راحت سمر جابت مطربان الفلفل واجت سقطت فرشاة البودرة فيه ورجعته

سمر : هه وهي آخر خطوة .. البودرة .. قربت من وجهها ونفخت الفلفل عليه ..

خلصناااا

فتحت مرام عيونا وهنن ملزقين من الرموش يلي حطتلا ياهن سمر

مرام : ايي عطوني المراية لشوف

سمر.: لااا مو مسموح تشوفي حالك قبل عمار

رولا : بس شو طلعتي .. حطت ايدا ع تما وزتت بوسة : عروس

ضبو الغراض وطلعو لبرا ..
راحت رولا عملت شاي ولا معاوية رجع ولا عمار ..
بعد شوي بلش وجه مرام يحكها اجت لتحك بس صرخت فيها سمر

سمر : لا.. شو عم تعملي

مرام : بدي حك وجهي عم يحكني

سمر : اوعك .. بتخربي كل تعبنا ..

مرام : طيب نفخيلي شوي رح موت من الحكة شو حاطين

سمر : يوه مكياج شو حاطين

مرام : طيب عالقليلة خلوني شوف شكلي

سمر +رولا : لااا

مرام : هفف ... طيب كأنن تأخرو

سمر: اي عنجد تأخرو لأتصل انا ب معاوية اسئلو وينو ..

مرام : وانا لأتصل ب عمار

رولا : لكن لاتصل بحماتي اسئلا وينا

سمر : م حماتي مع معاوية

رولا : معلش معلش

التلاتة عم يتصلو وبعد عناء ردو عليهن

~~~~•~~~~
سمر : شو وينك حبيبي

معاوية : بالقهوة

سمر : بالقهوةة ! بالقهوة اه بالقهوة لك من شو مصنوع انت اه امك واختك معزومين لعنا وانت قاعد بالقهوة .. لك ما بتستحي انت اه .. ونحنا فكرنا صار معكن شي عند الدكتور وانت قاعدلي بالقهوة لك.... تووت توووت ...
سمر : اللوو الووو .. انا بورجيك ..

~~~~°~~~~
مرام : شو وين الغراض يلي وصتك عليهن سمر

عمار : اي غراض

مرام : عمار وينك انت ! عالسريع قلي وينك انت

عمار : بالقهوة مع رفقاتي ... انا وطالع شغت رفيقي و.... توووت تووت

مرام : رجال آخر زمن .. ما بيستحو ..

~~~~▪~~~~
رولا : كيفك مرت عمي

الحماية : من الله منيحة

رولا : شو صار معك مرت عمي وقف النزيف ..

الحماية : مافي نزيف تكفنيني نزّل شوية دم بس ... ما بعرف ليش بالبيت هيك نزل كتير

رولا : ايه خير ان شاء الله ، تأخرتو مرت عمي قلقنا عليكن وينكن ..

الحماية : انا عند جارتي ام حسون ليش ما قلكن معاوية

رولا : لا حماتي . ما قلنا من ساعات عم نستناكن ..

الحماية : اي مالي جاية انا كنتي رجعت للبيت .. سلمي ..

رولا : مع السلامة حماتي
__________________________
بعد شوي رجعو معاوية وعمار عالبيت
سمر فوتت معاوية عالمطبخ ومرام قعدت وهي خجلانة وعم تستنا عمار مع انها معصبة منو

فات عمار لجوا بعد ما فوتته رولا وطلعت وقفت عند الباب ..

عمار : مرام ..

مرام دبلت عيونا وخجلت وهي دايرة ضهرا ل عمار ..

عمار : شبك ديري علي ..

وقفت مرام وهي منزلة راسا من الخجل وشوي شوي رفعتو ..

عمار : قل اعوذ برب الفلق ، قل اعوذ برب الناس ،

سلامٌ قولاً من رب رحيم ، لا بتآذونا ولا منآذيكن .. قل اعوذ برب الفلق ..

مرام : شبك كأنك شفت شبح ..

عمار : بسم الله الرحمن الرحيممم .

مرام : لك اناا مرام شبك ..

اتطلع عمار ودقق فيها منيح .. : مرام!!!
شو عاملة بحالك هيك ..

مرام خجلت : ليش مو حلو ..

عمار : لك يحلا وبرك شو هاد .. متل الشيطانة ..

مرام : شيطانة .. انا شيطانة ..

عمار : تعي .. اخدها عا

لمراية وورجاها وجهها ..

تطلعت مرام بعصبية وصرخت صوت دوا بكل الحارة : سمرررر ، رولااااا

سمعو التلاتة الصرخة ووقف معاوية على أمل يخلص من بهدلة سمر يلي ما كانت تخلص ..

فاتت مرام عالمطبخ وهي حاطة الشر بعيونا ..

مرام : لنشوف مين بدو يفلتكن من ايدي هلأ ..

سمر : يوهه ش ش شبك مروم شو ما عجبو لعمار ..

رولا : اا اكيد عجبو اكيد وانت ما عم تقوليلنا ..

معاوية : مراام!!! شو عاملة بحالك هيك ..

مرام : عااااا .. طلعت معاوية لبرا المطبخ وسكرت الباب ..
قربت من سمر ورولا وشمرت عن ايديها ..: وقعتو حالكن لحالكن ..
ركضت لعندن وهنن راحو كل وحدة بجهة وهي خبطت بالبراد ..

سمر : مرام .. م مرام صرلا شي ؟

رولا : بتكون داخت .. شوفي شوفي

سمر ؛ شو شوف

رولا ؛ العصافير يلي فوق راسا

سمر ورولا : هههخههههههههههههههعهعه ههههههههههههههههه هههههههههههههههههههههههههههههههههههه

مرام : عااا مسكت معلقة وزتتا ع سمر ولحقت التانية ع رولا ..
هدول يزتو عليها من جهة وهي تزت عليهن من جهة ..
لحتى تعبو التلاتة وقعدو بأرض المطبخ ومعاووية وعمار عم يخبطو عالباب ليفتحولهن ..

اتطلعوا التلاتة ببعض وفرطوا ضحك وبعدين تمسكوا ببعض وراحو فتحو الباب ..

معاوية : لكك ، نحنا صرلنا ساعة هون فكرناكن قتلتو بعض ..

عمار ؛ وبكل برودة اعصاب طالعين وعم تضحكو ..

سمر ، رولا ، مرام : يعني نحنا .. نحنا

معاوية : قداامي انتو التلاتة ..

سمر : بسس!

معاوية : قداميي ، ولا حرف ..

رولا : حاضر ..

راحو عالصالون وقعدو ..

معاوية : انا مليت .. اقسم بالله مليت
انا .. لك انا شو البلوة يلي بليت حالي فيها اه ؟
مرة بتفوز بجائزة الاوسكار بالنكد ومرة بتفوز بجائزة الاوسكار بالوساخة ..
رولا نزلت راسا ومرام رفعت راسا وصارت تبتسم من تحت لتحت لانو اخوها فضح نسوانه قدامها ..

كمل معاوية كلامه ..
: واخت ، اختارتلي التنتين ..
عقلا اصغر من عقل التنتين سواا ..
اطلعت مرام ب سمر ورولا وكانو عم يضحكو من تحت لتحت

: مفكريني ما سمعتكن انتو التنتين هداك اليوم .. خلص مليت اقسم بالله مليت
تركتكن ع راحتكن بس لايمتا اه لايمتا ؟

عمار : انا بدي كمل معك ابن حمايي ، لا تواخذني بس انت فضحت نسوانك قدامي ومشان مرام نا تتعالى عليهن لازم احكي ..

بلشت مرام تأشرله يسكت وتخاول تغير الحديث

عمار : بجي كل يوم تعبان ، بتفتح راسي اسئلة ، كل شي بدا تعرفوا .. بتضل توز براسي ع نسوانك وهي عم تحكي على هي وعلى هي وانو بدا تزوجك وحدة تالتة...

سمر ورولا : شووووو

عمار : اذا طلعت لمكان بدا تسحبني معا ، اذا رحت مشوار بتتصل الف مرة لتعرف الصغيرة والكبيرة ..
مليت لك ابن حمايي مليت انا كمان ..
لسا اخرتا تعرف انه انا يلي رح اتزوج وحدة تاتية مو اخوها ..

مرام : هيك لكن يا عمار بتشوفف

معاوية : شوفو انتو التنتين بتضبو غراضكن ومن الصبح كل وحدة ع بيت اهلا ..
سمر ...

سمر : ن ن نعم ..

معاوية ؛ انت طالق

سمر شهقت واطلعت بمرام

معاوية : رولا

اشرتلو رولا براسها انو لا بس ما رد عليها

معاوية : انت طالق ..

عمار : مرام ..
انت طالق

مرام : اااااااااااااخ
هجمو عليهن وطلعوهن برا البيت وقفلو الباب وبلشو يبكو ..

سمر : اهئ هئ هئ والله نا بعمل شي ولا بحكي كتير ...

رولا : ولا بوسخ شي ودايما كلشي نضيف

مرام : ولا بنق عليه ولا بتصل ..

التلاتة : اهئ اهئ اهئ ..

راحو التلاتة نامو ..
ومعاوية وعمار راحو لعند رفيقن وناموا عنده ..

الصباح~~~~
فاقت سمر وهي عيونا منفخة اطلعت مالاقت حدا بالبيت ..
لمت تيابا وطلعت هي التالتة من البيت وراحت ..

يتبع🖤...

#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_زوجاتي_سبب_جلطاتي

زوجاتي سبب جلطاتي 😍

الجزء الرابع 4⃣
~•~•~•~•~•~•~
رجع معاوية عالبيت لاقا البيت هادييي

معاوية: اي هيك ها هيك ولا حسس ولا نفس يا عيني عليك ..

فات نام ولما فاق رتب البيت شوي وعمل قهوة وقعد يشربا برا لما لمح بنت عالبرندة التانية عم تشطف .. وهو ما منع حاله يتطلع عليها ..

خلصت البنت وفاتت لجوا وهو ضل عم يطلع عالبلكون ..
وقفو صوت الجرس عن تأملاته وقام ليفتح الباب ..

معاوية : امي!!!

امي ؛ شو صاير مبارح هون معاوية

معاوية : مشاكل امي .. مشاكل

امي : مشاكل !! شو هالمشاكل يلي بسببا بتطلق نسوانك التنتين وبتطلق اختا من وراها اه ؟

معاوية : امي قعدي لصبلك قهوة ونحكي .

امي : شرف احكي .

معاوية : امي نسواني كتير مناح .. بس مو معي

امي : ليش شو عاملينلك!

معاوية : سمر ، يا لطيف ، نكدية لابعد درجة ، الحكي عندا ما بيوقف ابدا 🥀
حكي حكي حكي ، بتضل طلبات وتأمرات
رولا ، وسخة ، قليلة مروة ومانا نضايفية. غرفتا بتضل منكوتة ، ايدا عالبيت ما بتمدا ، ما بتهتم بحالا ..
بتاكل وبتزت بالارض ..

امي : يوهه الله يعينك يا ابني ، منيح ما صار عندك ولاد والله ..
طلقن واتا بجوزك ست ستن ..

معاوية : بس ه..

امي : لا بس ولا مبسبس ، بكفي راحو اكتر من ٣ سنين من حياتك ..
تزوج مرة جديدة وخلص

معاوية : بلكي ما طلعت منيحة ؟

امي : لكن مارح اختارا انا تقول زوقي ، اختارا انت

معاوية : طيب متل ما بدك ..

امي : مو متل مابدي انا ، متل ما بدك انت ، وبتروح معي لنرجع مرام لعمار ..

معاوية : ليش ؟

امي : ما بقبل بنتي تضل مطلقة

معاوية : اها امي يعني معلش انا طلقت تنتين بدل الوحدة ، وانت ما بتقبلي بنتك تتطلق .. معلش امي بس مرام عملت فصول اكتر من سمر ورولا حتى ومعو حق زوجا ..

امي : اي اي صف ضد اختك بدل ما تكون بصفا .. ماشي ، انا رايحة

معاوية : مع السلامة امي ..

*بعد مرور شهر*
كان طالع معاوية من البيت رايح يفطر عند امه ، لما طلعت جارته من البيت ، وكانو اول مرة بيلتقو بالحقيقة ..

معاوية.: صباح الخير

البنت : .....

معاوية بقلبه : يمكن ما سمعت .. علا صوته وقال ..

صبااح الخيير ..

وما بلاقي غير طيارة ع رقبته ..
فتل لورا ، ولاقا شب طول بعرض واقف والشر بعيونه ..

معاوية مافهم شي لهلأ : ص ص صبباح الخخخير ..

الشب : اذا بسمعك مرة تانية عم تغازل اختي رح طلعو للسانك اشويه وطعميك ياه

معاوية : لااا لا اانا مو ههيك اانا ببسس قلت صصصبباح الخخير..

الشب : لسا بعيدا ، احط من هون عالسريعع ..

مشي معاوية وهو عم يسب عليه ..
هاد الناقص ، كنا مفكرين فيها هلأ طارت كل الفكرة من اصلا ...

راح معاوية فطر عند امه ومرام وطلع شغله ...

والمسا لما رجع للبيت وفات عالبناية وارتعب لما لاقا اابنت بالبناية ..

قلب وجهو فيها وحكا.: شو جاية تعمليلي اختبار .. وينو وينوو؟ صار يتلفت حواليه ويقول وينو ؟

البنت : هسسس وطي صوتك .. اخي مو هون .. انا اجيت لقلك تساعدني ..

معاوية : ساعدك ، ليش شو عندك لساعدك ؟

البنت : انا محبوسة بالبيت ، اخي حابسني ، ما بخليني لا اطلع ولا فوت ..

معاوية : بسبب شو ؟

البنت. : قال الحارة فيها شباب وبخاف عليي..

معاوية. : بي كنت برا اليوم ؟ واكتر من مرة شفتك عالبلكون !

البنت : انت عم تراقبني ؟

معاوية : لا لا ، ما تفهميني خطأ

البنت : كنت اطلع لما ما يكون بالبيت لاتنفس هوا نضيف ..

واليوم اطلعت معو ، بس هو كان عم يسكر الباب لما انا طلعت لهيك اتاخر وراي ...

معاوية. : امممم ، وهلأ !

البنت : امي فتحتلي الباب وقالتلي انزل عالسريع واطلع قبل ما يجي ولازم روح هلأ ..

معاوية : طيب .. مع السلامة ..

طلع معاوية ع بيته وهو عم يفكر فيها ، معقول حكيا صح ؟ وشو هالاخ يلي بيحبس اخته هيك ..
طلعت شهامته ودق ع صدره وقال ، انا لازم انقذا ..
اطلع ع حاله وحكا : كانه صابك شي انت؟
لنام احسن شي ..

فاق الصبح من بكير ..
لبس وراح لعند امه وحكا معها بالموضوع ، وهي ما عارضت ..

وبعد يومين اخدو موعد وراحوا لعندن هو وامه ومرام ..

بس اخوها ما كان بيعرف انه نفسه معاوية 😂

الام. : اهلا وسهلا ، اهلا وسهلا ، تفضلو.. هلأ بيجي ابني ..

فاتو وقعدو ومعاوية حاطط ايده ع قلبه ..
اجت بعد شوي البنت وضيفت القهوة ..

ام معاوية : شو اسمك بنتي

: شهد خالة ..

ام معاوية : ماشاء الله اسم على مسمى .. بنتي ابني متزوج من قبل مرتين ومطلق ..

شهد. : بعرف

ام معاوية : ؟؟؟؟

شهد : يعني ، هي ، رفيقتي يتكون رفيقة طليقتو هي خبرتني ..

ام معاوية : ايوا .. ايه يا ستي ، نحنا جيتنا معلومة ، جايين نطلب ايد بنتك شهد لابني معاوية ع سنة الله ورسوله ..

الام : والله منتشرف يا اختي ، بس الشور لاخوها ولسا ما اجا ..

ام معاوية : مو مشكلة ، نحنا تأخرنا ولازم نروح ، انتو بتردولنا خبر ..

الام : اهلا وسهلا شرفتونا ..

طلعو لبرا وعالباب التقا مع اخوها ..

الاخ : انت ! شو عم تعمل هون !

معاوية : ا

ا انا .. جاية اخطب شهد

الاخ : وشو عرفك باسما ولااك

يتبع🖤...

#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_زوجاتي_سبب_جلطاتي

زوجاتي سبب جلطاتي 😍

الجزء الخامس5⃣
~•~•~•~•~•~
معاوية : اا هي حكت جوا ..

الاخ : ليش هيي فاتت !

ام معاوية : طبعا بدها تفوت لك ابني ، كيف بدنا نتعرف عليها ..

الاخ : لاء ما بتفوت .. ويلا مع السلامة ما عنا بنات للزواج

ام معاوية : والله انا البنت عجبتني وخرطت مشطي وبدي اخدها كنة لابني وهي موافقة .. يعني عود حالك علينا من هلأ .. امشي ابني

مشي معاوية وهو رافع راسو وفات اخوها وهو مو فاهم شي ..

حكتله امه انه الجماعة مناح وانه مطلق مرتين ..

الاخ : وليش مطلق ؟

الام : ما حبو يحكو ع نسوانه بالشر ، بس قال ما كانو مناح

الاخ : امممم ، قوليلن منفكر ..

مضى على القصة اسبوع وردو خبر انهن موافقين ..
بلشو بالاجراءات وصار العرس بعلم رولا وسمر يلي عملوا انو مو هاممهن شي ..

بعد مرور اسبوع ~~
شهد : معاوية

معاوية : نعم

شهد : معاوييية

معاوية : نعم

شهد : معاااويية

معاوية : ننععمم

شهد : جبلي باربي

معاوية : نعم؟

شهد : باربي ، جبلي ياها من بيتنا ، اشتقتلا كتير

معاوية : شهد ، من كل عقلك عم تحكي
لك انت صغيرة بدك باربي اه صغيرة ؟

شهد : لك الكل عندو متل باربي مو بس انا

معاوية : لا اله الا الله عن هالصباح

شهد : عاااا

معاوية : لكك ، لكك ليش هلأ صرتي تبكي ، شو عملتلك

شهد : بديي باربيييي

معاوية : لا اله الا الله ، خلص رايح امري ل الله

شهد : جبلي كمان معك نوتيلا وكولا وشوكولاطات وشيبسات كتير ومصاصاااات

معاوية : مصاصات ؟ انت من كل عقلك عم تحكي ؟

شهد : اي كتير طيبة المصاصة ، يلاا يلا روح بسرعة جبلي ياهن ، وجبلي حبيبة كمان (لعبة اسمها حبيبة)

معاوية : حبيبا لمين ؟

شهد : لك حبيبة لالي

معاوية : شووو ، مين حبيبك ولييه

شهد : لك حبيبة لعبتي شبك معااوية

معاوية : اي يا حبيبي 😐

شهد : يا عيونو

معاوية اطلع فيها وضرب ايدو ع وجهو وقام 🤦🏻‍♂️

شهد : وين حبيبي

معاوية : رايح جبلك الباربي يا بيبي

شهد : ميرسي بيبي

معاوية : حتى شو قصدي بالبيبي ما فهمتا 🤦🏻‍♂️

راح معاوية ع بيت شهد ودق الباب

فتحت امها الباب وطلعتله الاغراض يلي كانت مجهزتهن ورا الباب من قبل ما يجي

معاوية : مرت عميي!!

الام : اهلا وسهلا بصهري ومسند ضهري
يلا خود ابني الاكلات لشهد هلأ بتزعل تؤبرني

معاوية : بتزعل!

الام : اي وبتبكي كمان خدن عالسريع

معاوية : بتبكي 🤦🏻 يا حبيبي

الام : ييي صح ذكرتني ب حبيبة بتكون اشتاقتلا صرلا اسبوع بعيدة عنا

فاتت لجوا وجابت حبيبة واعطتو ياها ، مسكها وبلش يقلبها بايده
معاوية : مرت عمي عنجد عم تحكي ؟ شو هاد متل الولاد الصغار ، شهد عمرا ١٩ مو صغيرة والله

الام : لك شو مو صغيرة تؤبرني لساتا قد الفستقة وبتحب تلعب بالالعاب .. وها دير بالك اوعا تزعلا او تطلب منك شي وما تجبلا ، تذكر اخوها بس

معاوية هز راسه وهو مصدوم وحكا : ماشي مرت عمي ماشي ، ماشي ، ماشي

رجع عالبيت لقا البيت منكوت
فات لجوا وحكا

معاوية : شهد ، انا اجيت ..
قرب منا : لك شهد ، نايمة والمصاصة بتمك مشان تختنقي
اجا ليسحبا من تما بس هي شدتا منه وكملت اكلها وهي نايمة

اخد الغراض عالغرفة واجا حملا وحطا بالغرفة وشال المصاصة من تما كبها ومسح الريالة يلي نزلت من أثر المصاصة

معاوية : يا حبيبي ، آخرتي صير اب لمرتي 🤦🏻

طلع عالصالون واتصل بعمار
معاوية : كيفك

عمار : مو منيح والله

معاوية : ليش خير

عمار : انت امنت ع حالك وارجعت تزوجت بس انا يا حسرة

معاوية : اي امنت ع حالي قال ، الله يرحم ايامكن يا سمر ورولا ..
وانت تزوج ..

عمار : هههه ليش ؟
ما بقدر ، انا بحبا لمرام ما بكرها ، بس بكره تصرفاتا

معاوية اخد نفس : لكن رجعها ..

عمار : برجعها بس ب شرط

معاوية : طبعا اشرط عليها قد ما بدك

عمار : الشرط الك مو الها ..

معاوية : الي انا ؟ هات لنشوف ..

عمار : بترجع نسوانك التنتين وانا برجع مرام ..

معاوية : شووو، رجع نسواني التنتين ومرتي ؟

عمار : شو ومرتك ، ليش هدوك مو نسوانك كمان

معاوية : نسواني بس !!

شهد : رجعهن الله يوفقك

معاوية : شهد

شهد : رجعهن ابن عمي الله يوفقك ..

معاوية : ههههه هههههه اسمع يا عمار ، في وحدة عاقلة بتطلب من زوجا يرجع نسوانه ..

شهد : لك انت ما بتعرفني ، انا ما بقدر عيش وحيدة هيك ، رجعهن مشان يشتغلو بالبيت ويطبخوا ولا كل يوم انت بدك تطبخ ؟

معاوية : ش قصدك بكل يوم انا بدي اطبخ .. ليكون ..
ليكون كمان ما بتعرفي تطبخي

شهد : هئ

معاوية : ههههه اصلا ما استغربت ، يلي لسا بتلعب بالباربي بدا تكون بتعرف تطبخ ..

شهد : اي صحح ، جبتلي الباربي

معاوية 🤦🏻 جبتا ، بالغرفة ليكا هي والاكلات

قربت منو وباسته، وقالتله ، : رجعهن ها سمعت

عمار : اذا مرتك موافقة

معاوية : ما بعرف ، رح استشير امي وشوف

عمار : مستقبل مرام بايدك ، لا تنسى

معاوية : مالي نسيانلك هالحركة

عمار : ههههه ، عم استنا خبر منك ، كل ما

كنت اسرع ، كل ما كان احسن

سكر الموبايل وراح لعند شهد ، رجع لقاها نايمة وهي حاضنة العابا

معاوية : يااااااربي تصبرني...

لبس معاوية وطلع من البيت والتقا برا بابن حماه

فهد : كيفا اختي

معاوية : منيحة ، منيحة كتير ، جبتلا العابا وصارت احسن كمان

فهد : ليش العابا ما كانو من الاول عندا 😡

معاوية : لا ، يعني نسيتهن اول شي

فهد : وحضرتك وين رايح

معاوية (لعما شو دخله ،) رايح جيب غداء

فهد : ليش ما بتعرف تطبخ يا بعدي

معاوية : هههه ليش شو ما بتعرف اختك ، لا ما بتعرف تطبخ

فهد : انتت ، انت ما بتعرف تطبخ

معاوية : اانا !!؟ بعرف بس مو كتير

فهد : اي تعلم ، لانه من هون ورايح رح تصير تطبخ لحالك ، سلام

معاوية : اشهد ان الله رب يعبد

راح معاوية لعند امه وحكالها كل شي

الام : والله يا ابني يعني جوازة مرام بايدك ونسوانك كانو مناح مو سيئين
ومرتك هي الطشمة طلعت صغيرة وما بتفهم وانت الا اصريت بدك تتزوجا ، لكن قلتلي باربي وليي ..

معاوية : بس في شغلة

الام : شو هي

معاوية : اخوها فهد ، يمكن يفرمني اذا عرف انه بدي رجع نسواني

الام : ما بيسترجي يعملك شي ، شبك لك ابني طرطور ، نسوانك ولا نسوانه

معاوية : نسواني طبعا

الام : اي لقوم لكن احكي مع نسوانك وشوفن اذا موافقين مشان نجيب الشيخ فورا

معاوية. : اي دخيلك يامو

* بعد مرور ثلاث ساعات *

انفتح الباب. وفاتو سمر ورولا عالبيت ومعن معاوية

سمعوا صوت بكي جاي من جوا
لحقو الصوت لقو شهد قاعدة عالكنبة وعم تبكي

قرب منا معاوية وحكا : لك شهد شبك

شهد : جوعانة هئ هئ

معاوية ، اطلع ب سمؤ ورولا وهز راسو يمين ويسار : اي وليش ما اكلتي

شهد : ليش حضرتك طبخت شي قبل ما تروح

معاوية : لك حدا قلك اني ست البيت

شهد : لا تعيط عليي. قلتلك ما بعرف

اطبخ ..

معاوية : طيب قومي هلأ ساعدي سمر ورولا بضب تيابن ورتبو البيت بينما جيب اكل

طلع معاوية وقربو التنتين من شهد

سمر بنظرة شيطانية : اي يا اهلا وسهلا والله ب ضرتنا الصغيرة

رولا بصوت شيطاني : نورتي بيتنا ضرتنااا

رجعت شهد لورا وهنن عم يقربوا عليها
ولما لزقت بالحيط صرخت

سمر ورولا : ههههههههههههههههههههه
يعليكي شو نعنوعة هههههههه

سمر : شوفي وليه ، ست البيت انا ، وانا اول زوجة لمعاوية ، لهيك كلمتي انا يلي بدا تمشي

رولا : وانا مرتو التانية وهاد بيعني اني اكبر منك وكلامي ماشي عليك كمان

شهد : ا ا انا شهد

سمر : تشرفنا حبيبتي شهد ، كوني منيحة لنكون مناح ، ايوا

شهد بخوف من ردة فعلن : لا تحلمو ، انا المرة الصغيرة والدلوعة وكلامي انا ما بصير تنين ، واي حركة هيك او هيك بحكي لاخي

سمر قربت منا : اييي ، شو بيعمللنا بياكلنا العو ههههههه

شهد : لا تحكي هيك عن اخي والله بخليه يقتلكن

نادت رولا من جوا ل سمر : سمرر تعي شوفي هالشوفة

فاتت سمر ع غرفة شهد ولاقتا كلها اكل والعاب

سمر : شو صار عندكن بيبي كمان ههههههه

شهد : حاج تضحكو طلعو من غرفتي عالسريع

رولا : منطلع على قبرك ان شاء الله

شهد : قبرك لحالك

رولا : اي لاا هيك كتير
قربت من شهد وبلشو يتقاتلو ويشدو شعر بعض ودخلت بينن سمر وصارو التلاتة عم يتقاتلو سوا ..

°•°•°•°•°•°•°•°•°•°•°•°•°•°•°•°•°•°•°•°

وصل معاوية عالبيت ومعه الغدا وهو فرحان برجعة نسووانه
فتح الباب وسمع صوت خناق وصراخ ، حط الغراض من ايده وفات لجوا وشافن

سمر بالارض ورولا فوقا عم تشد شعرا وشهد عم تشد شعر رولا وسمر عم تشد رجلين شهد

معاوية : رِجعت حليمة لعادتها القديمة
صرخ صوت : بسسسسس انت وياها

وقفوا هنن التلاتة ووقفو جنب بعض

اشرلن بايده يطلعوا لبرا يوقفوا بالصالون

طلعوا ورا بعض ووقفوا جنب بعض

معاوية : ههههههههه. لك ، لك اتطلع بسمر ورولا : قلت بتعقلو ، قلت بتكونو فهمتوو ، قلت بتكونو تعلمتو بسس ، يا حسرة من ويين
وانت (اتطلع بشهد ) وانت يا آنسة ، من اول يومم!!
لك مو انت يلي ترجيتيني جيبن ، مو انت يلي قلتيلي جيبن اه مو انت
من اول يوم خناق صوتكن وصل لآخر الحارة شو خليتو لبعدين

شهد : هئ هئ هئ

معاوية : وهلأ ليش عم تبكي

شهد : هنن تضحكو عليي وقالوا عن اخي عوو

معاوية اتطلع ب سمر ورولا وهنن نزلو راسن : شهد فوتي ع غرفتك وبس ناديلك بتطلعي

فاتت شهد ع غرفتا وبلش يحكي معن

معاوية : شوفو سمر ورولا ، يشهد الله اني بحبكن ، بس اذا بسمع كلمة هيك او هيك ما رح تشوفوني غير موفت الرابعة عالبيت
شهد صغيرة وعقلا ع قدا ما بتحاكوا كلمة هيك او هيك ، ما حكيت قدما ت ما يكبر راسا ، بتروحو هلأ انتو التنتين بتجهزوا الغدا وبتجو عالسريع

بعد دقائق نده معاوية لشهد وطلعت واجت عالسفرة ، قعدت وبلشو ياكلو

شهد : يعع مو طيبة

اتطلعوا التلاتة عليها

شهد : يعني الجلدة ، مو طيبة ما بحبا

معاوية : ايوا ، اي كبيها اصلا مو مفيدة

شهد : اها ..

بعد شوي بلشت حركات الجكر

شهد : حبيبي خود هاللقمة من ايدي

معاوية : يعيشو هالديات

سمر :

ييي ضرتي سبقتيني ، معاوية اشتهيتلك هاللقمة من ايدي

معاوية : يمممم ، يسلمن

رولا : هههههه يعني

معاوية. : يلا وانت وين لقمتك رولا

رولا : 😍😍
ليكا ليكا تؤبرني

معاوية : يممم اي ها شفتو هيك ما احلاكن

شهد. : يلا لقمة تانية

سمر : وهي احلى فروجة

رولا : ولقمة هالسلطة مشان ما تغص

معاوية (اي هاا هيك هاا ، شوية خناق ودلال كتيرر ، يا عيني عليك يا معاوية )

شهد : وهي اللقمة من ايدي
سمر : وهي مني
رولا : وهيي كمانن
شهد : وهي
سمر : طياارة
رولا : هووبا

معاوية( كان قاعدة بالقصر ع كرسي الملك وحواليه ثلاث نسوان ، سمر ، رولا ، شهد ، وحدة عم تطعميه ووحدة عم تفكرله رجليه ووحدة عم تشربه عصير )

سمر : ابن عميي

رولا : معاوية ، معاويةة

شهد : لك حبيبي عم تكب اللبن ع حالك

سمر ، رولا. شهد : معااااوية

صحي معاوية من حلمه وهو مشرب كنزته نص كاسة اللبن

معاوية : احم احم

شهد والبنات عم يكتنو الضحكة بقلبن : بدك تاكل لسا

معاوية : لا لاا دايمة دايمة دايمة دايمة

طلع يغسل وهنن فرطو ضحك عليه وكل وحدة بلشت تحزر شو كان عم يتخيل
لقالت سمر آخر شي : اكيد عم يتخيل المرة الرابعة 😒

شهد : شوو مرة رابعةة ما بصيرر مؤة رابعةة نحنا منكفي

سمر : اي منكفي ومنوفي 😒
قومو قومو نرتب البيت ونجهز لسهرة غير شكل

اخدو الاكل وجلو الجلي وجهزوا للسهرة ووقت حطو الغراض حكالن معاوية انه اتصلو فيه رفقاته وبدو يطلع معن

شهد. : اووف بس جهزنا للسهرة

معاوية : وانت جهزتي معن ؟

شهد بخجل : ايي

معاوية : ممتاز ، اجا ليقعد بس صرخت سمر : لاا

معاوية : ليش ؟

سمر : روح انت مع رفقاتك خلص وانا بتصل برفقاتي يجو لعندي ومنه منتسلا بنات لبنات

معاوية اتطلع بشهد وهزت براسا

معاوية : ماشي ، يلا سلام ، جبلكن شي معي ،

يتبع🖤...

#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_زوجاتي_سبب_جلطاتي

زوجاتي سبب جلطاتي 😍

الجزء السادس 6⃣
~•~•~•~•~•~•~
كلهن : سلاامة قلبك

طلع لعند الباب وبلشت وحدة تساعدو بجاكيتو ووحدة تجبلو غراضو يلي نسيهن

معاوية ( ايامك يا معاوية 😌)

راح معاوية وسمر اتصلت ب رفقاتا ورولا برفقاتا وشهد اتصلت برفيقتا مهد يلي بتحب اخوها فهد وخلتا تجي بعد ما كان فهد مانعا تروح لعندا

اندق الباب اول مرة واجو رفقات سمر واستقبلوهن التلاتة

سمر : اهلا وسهلا، ما لحقت اشتاقلكن كتير ههههه ، بعرفكن ، رولا بتعرفوا اصلا
.. شهد ، ضرتي

مرح ، رويدة ، سميرة : عم تمزحي صح !

سمر : لا تفضلو تفضلو

اندق الباب مرة تانية وكانت رفيقة شهد لانه بيتها قريب

شهد : يااااي مهودةة، اشتقتلك كتير كتييرر اخيرا شفتك

مهد : ههههههه وانا اشتقتلك كتير كتير ليش ماعاد اجيتي لعندي نلعب بالباربيات سوا

شهد : يتعرفي فهد ماعاد خلاني اطلع ، بس هلا زوجي بخليني اطلع

مهد. : من وين لقيتي عريس يا ضرسانة

شهد : بعدين بحكيلك ، هلا تعالي هي ضرتي الكبيرة سمر

سمر : الاولى قصدا

وهي التانية رولا

رولا : اهلا وسهلا
فاتت مهد لجوا واجوو رفقات رولا
لانا ونانا
رولا : نورتو نورتو ، بس قبل ما تفوتو مشان تعرفو في رفقات ضرايؤي كمان

لانا : اي معلش منتسلا سوا
نانا : ههههههههه

رولا : 😒😒

فاتو لجوا وقعدو كلن سوا والشاطرة يلي بدها تبهر بحياتها أكتر

سمر : ههههه بتعرفوا بعني انه انا مرته الاولى وكلمتي ما بتصير تنتين ههه وبحبني كتير وما بخليني اتعب بشي .

لانا : لكن ليش تزوج غيرك

سمر 😳
رولا 😳😳
نانا😳😳😳
انا😳😳😳😳
انتو😳😳😳😳😳

سمر : ااحححم هو تزوج لانه بحب النسوان كتير زوجي لهيك هههه

رولا (قلتيلي)

رويدة : اي وانت رولا

رولا : شو انا

رويدة : يعني كيف بحبك وبدللك ولا انت صرت مزهرية

رولا 🙄🙄
الكل : هههههههه

رولا : لا حبيبتي زوجي حبيبي بدللني كتير وبحبني كتير ودائما بجبلي كل شي بدي ياه

مرح : ايه ان شاء الله تتهنو

رولا : الله يسمنك

مرح : شو قلتي!

رولا : الله يسمنك. شايفتك متل عصا النشافة

مرح : انا هيك عاجبني حبيبتي ، بعدين انت الله ينحفك

رولا : هههه تؤبريني انا جسمي بجنن مو ناقصني ولا كيلو ولا بدي زيد ولا كيلو

مرح : ننن

سميرة : اي وانتِ شهد

شهد : شو انا ؟

سميرة : كيفك مع زوج وضرتين وانت لسا صغيرة ليش وافقتي

شهد : يعني بتعرفوا اخي كان كتير يشدد عليي لهيك قلت بتزوج وبروح بلعب وبطلع ع كيفي

سميرة : ههههه خربطتي يمكن قلتي تلعبي ؟

شهد : لا هههه حتى شوفي .. راحت على غرفتا وجابت العابا
هي العابي جبلي ياهن معاوية حبيبي
يلا مهد تعي نلعب

مهد : يلا هههه

فاتو مهد وشهد ع غرفة شهد ليلعبوا

لانا : عم تمزح صح ؟

نانا : ههه اكيد ولو

رولا : مع الاسف لاء ، معاوية تركنا انا وسمر وتزوج بنت صغيرة لسا عندا العابا اهم شي بالحياة ، بس هيك شو بدنا نعمل

سميرة : وانتو كيف متحملينا

سمر : غصب عنا والله بس بتعرفي ما بتعذب هههههه لانه ما بتفهم على نياتها

مرح : متمكنة منها يعني

رولا : قال شو اذا قتلتوني بقول لاخي

الكل : ههههههههههه

خلصت الزيارة وراحت كل وحدة ع بيتا

قعدو سمر ورولا تعبانين وشهد كانت بسابع نومة

اجا معاوية ولاقا البيت قايمة قيامته

معاوية : يا ستار يا رب شو صاير هون الحرب العالمية الثالثة؟

رولا : لك لا

معاوية : لكن

سمر. : هلأ راحو ونحنا تعبنا قلنا منرتاح شوي وبعدين مننضف

معاوية : وين شهد

سمر : نايمة

معاوية : اي قومو رتبو البيت ونامو انتو التنتين كمان ، اليوم دور شهد

فات معاوية ع غرفة شهد واتطلعوا سمر ورولا ببعض وراحو كل وحدة ع غرفتا ونامو

من بكير فاق معاوية ع صوت شهد وهي عم تدق على سمر وتصرخ عند بابها

معاوية : شهد شو فييه؟


شهد : جوعاانة

معاوية : بس اذا مخربطة حبيبتي هي غرفة سمر مو المطبخ

شهد.: اي ما بدها تحطلي فطور

معاوية : حطي لحالك حبيبتي

شهد : بس انا ما بعرف

معاوية : تعي معي ، كانو هالاختراع العظيم

اخدها معاوية عالمطبخ

بتجي لهي الخزانة ، بتطالعي الصحون
بتفتحي البراد معلش ماحدا رح يقتلك بتطالعي منه الاكل بتعبيهن بالصحون هيك
وبتقعدي عالطاولة هون ، بتفتحي ربطة الخبز وبسم الله ، اختراع ذرة مو

شهد. : هئ

معاوية : اي يلا قومي فيقي ضراتك خليهن يفطرو

شهد : اي ماشي 😍😍😍

شهد : سكر يا سكر قومي يلا الفطور جاهز سمورة ، يا ضرتي الكبيرة قوميي

سمر فتحت الباب : صباح الخير

شهد شدتها من ايدها : اي تعي ، الفطور جاهز يلا يلا قعدي

سمر. : لك اي شبك متحمسة كانك اول مرة بتحطي فطور ، استني لغسل ايدي ووجهي

شهد. : اي صح ، لفيق رولا انا

شهد : رولا ، لولو ، قومي الفطور جاهز يلاا

رولا : صباح الخير

شهد : صباح النور ، يلا بسرعة فرطت من الجوع

رولا : لوين

شهد : عالفطور

رولا : ليش ايمت فاقت سمر عملت فطور

شهد : انا عملت

رولا : اي لاا انت عملت الله اك

بر شو عاملة انجاز

اجتمعوا كلن عالفطور
فطروا وقامو يشتغلو بالبيت واكلو بهدلة من معاوية انه البيت بقي منكوت ونا رتبوه قبل ما ينامو

شهد : معاوية

معاوية : نعم

شهد : معاااوية

معاوية : نعمم

شهد : معاااوية

معاويو: نععممم

شهد : مو اليوم عندك عطلة ، خدنا عالملاهي

معاوية : ملاهي ؟

شهد : اي ملاهي

معاوية : طيب قومي لبسي

شهد : وسمر ورولا ؟

معاوية : شبهن

شهد : بدنا ناخدن لكن لحالنا بدنا نروح

معاوية : يخي انت خليط من كل شي : هبل وجنان وطفولة وحنية على طيبة

شهد : ههههه بس بدي اخد معي الباربي وانت بتاخد الكاميرا مشان تصورني ورجيها لرفقاني

معاوية (يارب مضي هاليوم على خير )
طيب طيب
سمر ، رولاا

سمر : نعم

معاوية : تروحوا مشوار ؟

رولا : طبعااا

سمر : بس لوين

معاوية : شهد بدها تروح عالملاهي

سمر (يبلاك بقتلك شو عقلك صغير )

رولا (المهم طلعة طق قلبي)

رولا : ماشي بروح
سمر : وانا

شهد : هيييي

معاوية : البسو عالسريع

لبسو واكتر حدا كان فرحان هي شهد

هنن وطالعين صادفوا فهد

شهد : اخيي

فهد : اهلين شهد وين رايحة

شهد : عالملاهيي ، رح ياخدني زوجي مو متلكك ما بتاخدني

فهد : اي مافي روحة

شهد : نعمم

فهد : متل ما حكيت فوتي انضبي بدك تروحي عالملاهي تصرخي ويشوفوك كل الرجال مو

معاوية : اهلين ابن حمايي ، شهد مرتي اذا سمحت يعني وانا مسؤول عنها

فهد : بس شهد اختي قبل ما تكون مؤتك

معاوية : شهد بدك تروحي معي ولا مع اخوك ..

شهد قربت من معاوية : معك

معاوية بابتسامة ساخرة: يلا ابن حمايي بدك تسمحلنا انا ونسواني رايحين رحلة عائلية

فهد : شهد عم يعذبوك ضرايرك؟

شهد : هزت بؤاسا بمعنى لا

ودعت اما من البلكون واجو ليطلعوا لما اجت مرام وعمار ليزوروهن

سمر :( الله لا كان جاب الغلا )
رولا : ( هاد يلي كان ناقصنا والله )
شهد : هييي مرام ، تعالي روحي معنا انت كمان

سمر : شهد اخرسي

شهد : أي شو حكيت

رولا : ما حكيتي شي بس خليك ساكتة

بعد نقاشات عديدة اتفقوا يروحوا معهن
ركبو كلهن بالسيارة بالزور

وصلو ع مدينة الملاهي الكبيرة يلي بنص البلد

شهد : معاوية معاوية صورني هون ، استنى لطالع الباربي من الشنتة

معاوية : أشهدُ أن الله ربٌّ يعبدُ

شهد : يلا تشييييييز

معاوية : خلصنا

شهد : لا لا صورنا كلنا سوا ، قربو قربو

قربو سمر ورولا وضمو بعضن وشهد بالنص وتصوروا كلهن سوا بعد مناقرات عديدة جرت بيناتهن ..

شهد : يلا معاوية تعو نروح ع لعبة قطار الموت

يتبع🖤...

#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_زوجاتي_سبب_جلطاتي

زوجاتي سبب جلطاتي 😍

الجزء السابع7⃣
~•~•~•~•~
معاوية : شوو قطار الموت ( معاوية عنده فوبيا من الاماكن المغلقة والشغلات السريعة) لا لا اركبوا انتو

شهد : لاا يلاا بخاف لحاليي اركب معي ، امانة الله يوفقك ..

رولا : اي اركب معنا لحالنا ما منركب

سمر : يلاا ابن عميي رح يمشي القطار

مرام : ونحنا طالعين معكن

وصلو عالقطار وقبل ما يفوتو حاول معاوية يهرب بس...

عمار : لوين لوين

معاوية : لك اه انا كنت رايح وقف برا مشان صورن

عمار : بالله ، اي هات الكاميرا منتصور كلنا سوا جوا
دفشو لمعاوية لجوا وقعدو كلن

معاوية : "وجعلنا من بين أيديهم سداً ومن خلفهم سداً فأغشيناهم فهم لا يبصرون"
بسم الله توكلت على الله
أشهدُ أن لا إله الا الله محمد رسول الله

مشي القطار بعد ما قرأ معاوية كل الاذكار يلي حافظها

كانو عم يطلعوا وماشيين بأمان الله لما شي بيشبه الشبح قرب منن ورجع بسرعة
وصرخ معاوية بأعلى صوته

معاوية : عااااااااا

عمار : ههههههههههه لك شبكك هلأ نسوانك بيتضحكو عليك

معاوية : شبح شبح

عمار : وينه وينه ، مو شايف شي

معاوية :" بسم الله الرحمن الرحيم قل أعوذ برب الفلق من شر ما خلق ومن شر غاسق إذا وقب ومن شر النفاثات في العقد ومن شر حاسد إذا حسد "

شهد : معاوية تطلع عالكاميراا

معاوية فتل لعند شهد وابتسم ووجهه اصفر من الرعبة
معاوية : ااااااااا

شهد : شوووفي

معاوية أشرلها بإيده انه وراها ..

التفتت شهد لورا وشافت الحيوانات المخيفة (العاب)

اطلقت ضحكة ساخرة ع معاوية : هههههههههههههههههههههههه
ياخ معاوية شوو خويف ههههههههه

معاوية : عااااااا

رولا : هههههههه يا امي متت

سمر : معاوية تمسك منيح رح ننزل من فوق لتحت هلأ ورح نطلع لبرا عاد لا تخاف ههههههههه

ولما نزل القطار بسرعة رجع صرخ معاوية صوت دوّا بكل مدينة الملاهي وخلا كل الناس تتفرج عليه ..

نزل القطار وركض على زاوية فاضية ليطلع كل شي بأمعائه ويتحلف لنسوانه

رجع لعندن وكانو عم يستنوه

معاوية : الحق ع يلي بده يسمع كلامكن

مرام : يعني الحق عليك

الكل : ههههههههه

معاوية : امشو يلا

شهد.: لويين

معاوية : عالبيت

شهد : بالله ما بدي

معاوية : شهددد

شهد بلشت تبكي : اهئ اهئ

معاوية : لا حول ولا قوة إلا بالله وهلأ ليش عم تبكي

شهد : بدي اركب بالقلابةة

معاوية : المرة الجايي

شهد : لاا هلأ ، ماعاد تجيبني مرة تانية

معاوية : أمري لله تفضلي. بس انا مو طالع معكن

سمر بضحكة : ليش

معاوبة : اه ! مشان صوركن

شهد : اذا هيك معلش

بقيو طول اليوم عم يلعبو متل الاطفال واحيانا يغصبو معاوية يطلع معن كمان

معاوية : يلا بكفي جعت انا

شهد : وانا كمان خلينا نروح ناكل

معاوية : يلا

راحو على المطعم طلبو الأكل وبلشو ياكلو

رولا : والله انبسطنا كتير خلينا كل اسبوع نروح مرة

شهد : فكرةة والله

معاوية و عمار : شووو

سمر : شو شو

معاوية : دفعنا بلاوي اليوم وبدل الوحدة تلاتة

رفع عمار ايديه : الحمد لله الك ياربي يلي بس عندي وحدة

زورو معاوية وكمل حكي : منعيدا كل سنة ان شاء الله

شهد : ننننا

معاوية : نعم؟

شهد : مع نانا عم قول رفيقتا لرولا

معاوية : قلتيلي

رجعو عالبيت وراح كل واحد ع غرفته لينام بعد نهار متعب كتير ..

وكالعادة بالصباح فاق معاوية ع صوت خناقات

معاوية : أصبحنا وأصبح الملك لله اتطلع جنبه مالاقى سمر...
: يا حبيبي

طلع لبرا وهو عم يفرك عيونه ليلاقي الصالون قالب رأساً على عقب
شهد واقفة ع كنبة وسمر واقفة عالطاولة ورولا ورا الباب

معاوية : الله ينزع صباحكن

شهد : ☺️

سمر 😒

رولا 😐

معاوية : شو هالشي يلي بيتطلب خناقة من عند الصبح

طلعت رولا من ورا الباب : هي الست شهد من صبحية الله عم تدق الباب عليي مشان قوم اعمل فطور ، وعلى قولة انا حطيت فطور مبارح وانا حطيت فطور مبارح.. ما لحقت تكمل حكي الا مخدة نازلة بنص راسا

رولا : ولك حيوانة ، مسكت المخدة ورجعت زتتها على شهد

معاوية : بسس ! وانت ست سمر

سمر : م هي الكرنيبة رولا ضلت ساعة عم تتقاتل هي وشهد ولو ما طلعت لفك بيناتن كانو قتلو بعضن ..
بوفف مخدتين بنص راسا

رولا :: لك إلهي يبعتلك ١٢ سوا نار وبارود وهوا وصياح ونياح وغز رماح وعما وفالج وكرساح وفقر دين وغضب الوالدين يا مئوصة العينين

سمر : لك هي الي يا شرنة يا شاضومة يا مئوصة يا وسخة يا معفنة يا فارة يا جربوعة وهاا رمت المخدة ع راسا ..

معاوية : لكن ست شهد انت حطيتي فطور مبارح ، عأساس مو انا حطيته وعلمتك كيف تحطيه 🤨

اطلعت شهد ب سمر ورولا : اي بسس..
اي وهاا ، حملو مخدات وزتوهن عليها

قرب معاوية ليوقفن بس اجتو مخدة طايرة من هون ومخدة عم تحلق من هون ووقع بالارض

ما حدا التفتله وكملو خناق بالمخدات وكل ما يوقف معاوية تجيه مخدة ع راسه من حيث لا يحتسب ويوقع بالأرض

بعد معركة تواصلت ربع ساعة ، وقف معاوية والعصافير عم تفتل فوق راسه وحكا : بسسسس
ووق

ع عالأرض

هالمرة انتبهوله هن التلاتة وزتو كل شي من ايدهن وركضو لعنده

شهد: يعليي عليك يا تؤبرني لك شوفو شو صار بسببكن

رولا : لك خرسي يا مئوصة كله بسببك انت

سمر : لك يعدمني ياكن انتو التنتين حملوه لناخده عالغرفة

حملوه التلاتة بصعوبة ووقربت سمر من غرفتها : يلا فوتوه

رولا : بالله. ليش ما نحطه بغرفتي

سمر : لك شو بتفرق هلأ فوتوه

رولا : ما دخلني هاتوه .

قربو من غرفة رولا لما شهد قالت : بالله ليش يعني ما نحطه بغرفتي ؟

سمر : لك تضربي منك الها منحطه وين ما كان خلصوني

شهد : لا ما دخلني

رولا : وانا ما دخلني بغرفتي يعني بغرفتي

سمر : لك خاج مقاتلو هانوه لغرفتي

رولا : لااا بغرفتي يعني بغرفتي

بلشت وحدة تشده من راسه ووحدة من رجليه ووحدة من ايديه لوقت فتح عيونه وصرخ فيهن : حطوني بالصااالون

سمر : اي والله كيف ما خطرلنا

رولا : معك حق

شهد : اي يالله تكسرت اناا

سمر : نتيجة افعالك ست شهد هي

شهد : ننننا

رولا : كمان نفسا رفيقتي لانا ؟

شهد : 😏

حطو معاوية على الكنبة وبلشو يعملوله كمادات ويحاولو يصحوه
لحتى صحي

معاوية : روحو من وجهي انتو التلاتة

سمر : بس..

معاوية : عالسرييعع

رولا : يعني...

معاوية : لك عالسريعع

شهد : وانا

معاوية : انتي تعي قعدي جنبي

قربت شهد وهي مستحية ..

معاوية : لك قومي لحقين مصدقة حالا كمان ..

سمر و رولا ؛ 😜😂😂

صار الليل وفاق معاوية على هدوء على غير العادة .. اتطلع حواليه لاقا الصالون متل ما هو
طلع لبرا ما في حدا
راح عالمطبخ ، لقاهن كلهن عم يطبخوا وعم يحكو بالهمس ..

معاوية : احم احم

يتبع_الجزء_التامن_والأخير🖤...

#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#رواية_زوجاتي_سبب_جلطاتي

زوجاتي سبب جلطاتي 😍

الجزء الثامن8⃣ والأخير
~•~•~•~•~•~
التفتو كلهن عليه

زورهن معاوية وتفحصهن وحدة وحدة ، بس انفكت عقدته لما شم ريحة الاكلة يلي بحبها ..

معاوية : 😍😍😍 محاشييي

سمر : آها

معاوية : لك الله حيكنن ، سكت شوي وحكا : والله عرفتو من وين تسكتوني

رولا : يووه اعوذ بالله ، نحنا بس قلنا نطبخلك اكلتك يلي بتحبا

معاوية : قلتيلي ..
وليش الصالون مو مرتب

شهد : لانه انت كنت نايم فيه ...

معاوية : اممم .. كمان قلتيلي ..!

سمر: اي يالله شهد ورولا بفوتو برتبو وانا بسكب الاكل

رولا : بالله ..! ليش مو انا اسكب الاكل وانت تفوتي ترتبي

شهد : انا ما دخلني بالتنين

رولا : وانا ما دخلني انا بدي اسكب الاكل ..

سمر : حلو عني انتو التنتين انا طبخت وانا بسكبه

رولا : بس نحنا ساعدناكِ كمان

سمر : لك انت وهالمساعدة وحدة كسرتلي الكوسا ووحدة ملحت الرز ولو .. لو وبعيد الشر انا ما كنت موجودة ما بعرف كيف كنتو رح تدبروها ..

هي اذا كنتو رح تعرفو تطبخو من الاصل ..

رولا: لا حبيب...

معاوية: بسس خلصنا انتو التلاتة
بتعرفوهن الردادة والنواحة. اي اي انتو متلهن
اعتقوني بقى اعتقوني .. حلو عنيي يا عمي .. ريحوني يوم واحد بس من صريخكن وحكيكن ونكدكن لك انا شو الله بلاني بتلاتة اهه كنت مكتفي بوحدة صح نكدية بسس اخخ معتر يا جوز التنتين وجوز التلاتة شوووو اه شوو .
الله يصبرني احسن شي ..
التفت لعندن : وانتو .. انتو خليكن هيك ، كم يوم وبتكون الرابعة عندكن ..

سوا: شووووو!

معاوية : متل ما سمعتو .. انا رح اخطب .. وها ...
الباب ليكو يلي بتحب تروح ماعندي اي مانع

سمر : هيك .. الله يسامحك اهئ اهئ

رولا : ما النا عندك خاطر بنوب ؟

شهد بوتوتة : يسسس وحدة جديدة يسس ، بدل التنتين بصيرو تلاتة

معاوية : شو قلتي شهد..

شهد بفرحة : قلت بروح معك بخطبلك ياها

معاوية باستغراب : ههه عم تمزحي؟

شهد : لاا ، يلا يلا خلينا نتغدا مشان نروح نخطب يا عينيي

سمر : شهدددد

شهد.: شوو؟ كتير حلو الشعور تروحي تخطبي ههههههه

رولا زعلت وفاتت لجوا وسمر سكبت الاكل وفاتت لجوا وبقيت شهد مع معاوية وهي طول الوقت عم تعبرله عن فؤحتها بخطبته لدرجة هو مصدوم منها ..

بعد ما خلصت شهد حكي راح معاوية لعند سمر ورولا وجابهن لياكلو ..

معاوية : انا ما كان بدي هيك يصير ، ما كان بدي اتزوج ، بس خلص انتو ماعم تتركو حل ، يعني ضروري ما كون متل كل امة الله ، اخد مرة وحدة بس فيها كل الصفات المنيحة ، يخي تكون مليانة عيوب رضيان بس تكون منيحة ..
سمر لا تبكي انت كتير منيحة بس يا اخي نكدية ، يمكن انت ما بتشوفي حالك بس فعلا انت هيك ..
وانت رولا ، لا تسكتيني ماعم احكي جنب حدا غريب كلنا منعرفك ، اي يا ستي رشلة كتير ، بتاكلي وبتزتي ، بتوسخي وما بتنضفي ، يعني عيب ..
شهد هه لك حتى ما بقدر احكي .. طفلة يعني .. ما بعرف كيف قدرتي تضحكي عليي ..
شهد : هههههه ما تضحكت عليك انا عنجد اخي كان ما يخليني اطلع

معاوية : ماشي مصدقك..
انتو نسواني والبيت الكن انا رح اتزوج ما تركتولي خيار .. بتحبو تضلو بحطكن بقلبي وبعيوني وبتحبو تروحو بتاخدو كل حقوقكن .. بس .. هلأ قررو

سمر : ا ا انا ما بدي روح

رولا : و ا ا انا كمان ... بس بدي روح فترة لعند اهلي .. اكيد مارح احضر عرسك ..

شهد : انا اكيد رح ضل معك هههههه.

معاوية : متل ما بدكن .. هلأ قومو رتبو البيت بعدين تعالو نسهر على شي فيلم ..بس لمرة وحدة بس كونو هادين واتفقوا على شي واحد ..

هزو براسن وقامو رتبو البيت وجلو الجلي وجهزوا اغراض السهرة وقعدو كلن سوا يدورو على فيلم

الوضع ما كان لا عاجب سمر ولا رولا بس مضطرين يسايروا معاوية ت ما يطلقهن ، بكفي تطلقو مرة مو ناقصهن التانية ابداً ..

فتح معاوية على فيلم كوميدي وبلشو يتفرجو بس سمر ورولا بقيو منكدين ، اول شي قامت رولا

رولا : انا نعست بدي نام ، تصبحوا على خير..

معاوية : لسا بكير ..

رولا : تعبت اليوم وبدي نام

سمر (اي مزبوط عزلتي البيت لانه )

معاوية : متل ما بدك ..

سمر : اييه وانا كمان خليني قوم نام ، لانه انا كمان تعبانة كتير

معاوية : متل ما بدك شو احكي

سمر : تصبحوا على خير ..

راحت سمر على غرفة رولا وكانت عم تبكي ..

سمر : لك ما لازم نخليه يتزوج

رولا : كيف اهه كيف ، مهو مقرر كمان وبس جاي عم يقلنا

سمر : لازم نوقفه لازممم..

رولا : والست شهد.. احسن ما توقف معنا بالعكس واقفة ضددنا قال بدها تروح تخطبلو ههه تروح بستين داهية ان شاء الله

سمر : هههههههههه لك فوق كل وجعي بتضحكني شهد ، ما بعرف ايمتا بدها تكبر

رولا : بحياتا مارح تكبر لك كل همها العابا واكلاتا وكم مرة في بالبيت مشان يخدموها ..

سمر : نحنا منعمل يلي علينا انا بقلل من نكدي وانت قللي من .. يعني صيري نضفي وساعديني وهيك ما بفكر يتزوج

رولا : قولتك؟

سمر : 🤷🏻‍♀ عندك حل تاني

رولا : لا ..

سمر : من الصبح لكن منبلش .. تصبحي ع خير هلأ .

.

رولا : تلاقي الخير ...سمر

سمر : ها

رولا : شكرا

سمر : ههه عفوا ..

من الصبح بكير كانت رولا عم تنضف الصالون يلي كان قايم قاعد ..
طلعت سمر وارتعبت لما شافت رولا برا ..

سمر : يا عيني عالنظافة يا عيني ، اي هيك ها

رولا : هههه روحي حطي فطور قبل ما يفيق معاوية

سمر : تمام تمام ..

فاق معاوية ع ريحة المعطرات والكلور يلي دخلت وعششت داخل شعيرات انفه

شهد :هاا هاتسوو

معاوية: هاتشووووويغرااااكسييييييييااااااهووو

شهد : سبحان من سبح الرعد بحمده والملائكة من خيفته سبوح قدوس رب الملائكة والروح ...

معاوية : هاا هاا هااااتشوووووووووغراااااكييسماااايووقوبتااااااهشوووو

شهد : سبببحان من سبح الرعد بحمده .. هاتشوو .. والملائكة من خيفته

معاوية : شوفي رعد ؟

شهد : اي .. ما سمعت الاصوات يلي صارت هلأ ؟ بتقول عم تعطس بالصيني .. .
شووو صيني .. معاوية ، انت ما رحت عالصين ابدا صح ؟
يا امييي ، ولا معاوية يا ويلك اذا بتكون مصاب بالكورونا

معاوية : بتخافي عليي 🙊😌

شهد : لاااا ، بخاف تعديني وموت ، ما بدي موت انا لسا صغيرة ..

معاوية : 🙂😏 قومي من وجهي قومي ، نزعتي صباحي

فتح معاوية باب الغرفة بالوقت يلي كانت رولا فيه عم تمسح قدام الباب ..
تفركش معاوية بالنشافة وبوممم

شهد : زلزااااال

رولا : معاوية ، ههه معاوية ، يا زوجي يا حبيبي رد عليي .. معاويية ، سمرر الحقيني يا سمر معاوية وقع ..
اجت سمر وحملو معاوية بصعوبة بالغة وحطوه عالكنبا واجت شهد تساعدن بعد ما طلعت من تحت التخت وقد تاكدت انه مو زلزال ..

رولا : كيف بدنا نصحيه

سمر. :لقيتا.. بصلةة
راحت جابت بصلة وحطتا قدام انفو ودحشتها دحش بانفه بس ما فاق ..

راحت شهد عالغرفة ورجعت وهي بايدها شي : معي الحل

سمر : شو هو

شهد : بعدو هيك بعدو هيك ..
قربت منو وطلعت قنينة العطر ، وبخت بقلب انفه

معاوية : هااااتشوووووغرييناااااسووووونااااامييييرااااغي

شهد وايدها ع قلبها : يرحمك الله

معاوية : اححح احححح احح لك ميننن الاهبل يلي حط عطر بأنفي احححح احححح

شهد : لك انا حطيتلك مشان تفيق ههههه شفت هي فقت

معاوية : ياربي صبرنيييي ، وقف معاوية ومشي ع اقل من مهله مشان ما يتزحلق وقلهن . انا رايح افطر عند امي ومن اليوم رح دور ع بنت للخطبة

لبس وطلع من البيت ..

رولا : 😭😭😭😭

سمر : اوففف ما زبطت خطتنا

شهد: اي خطة ههه

سمر : لك قومي حلي عني شهد مو ناقصتك اناا

شهد : هههههه رايحة اكل يسلمو عالفطور وبعدين العب بالباربي ، مع السلااامة

رفعت رولا المخدة ورمتها عليها : لك لسااتك هونن

شهد : اي رايحة رايحة
مشيت شهد وهي عم تحكي ، اي شوفيها يعني واذا تزوج ، والله منكيف هههه بس ان شاء الله تكون صغيرة يارب ههههه

رولا : شهددددد

شهد : سكتت سكتت ، اي والله لنكيف هههههه

رولا رمت المخدة عليها : لككك

شهد : هههههه

رولا : لك مفكرتنا عم نلعب معها

سمر : هفف ...

رولا : هلأ شو بدنا نعمل

سمر : بدنا نكمل شغلنا وكل شي وكأن شيئاً لم يكن ..

رولا : طيب

قامو سمر ورولا فطرو مع شهد يلي طول الوقت ضحكتا ما فارقتا ، خلصو فطور ورتبو البيت وجلو الجلي وفاتت كل وحدة تكمل شغل بغرفتها ..

لما صار وقت الغدا طلعت سمر وبلشت تطبخ ولأول مرة بدون أي خناقة بتجي رولا من حالها مشان تساعدها

ابتسمت سمر بسرها وكملت شغل صار المسا وما رجع معاوية ، جاعت شهد كتير وما كانو يخلوها تاكل لحتى قامت اتصلت ب معاوية وقالها ياكلو لانه مو جاي ..

اكلو كلهن بدون نفس الا شهد يلي كانت فرحتها مو وسعانتها وكل شوي تطلع ب سمر ورولا بشماته ..

بعد ما خلصو اكل وترتيب قعدو كلن سوا لأول مرة بدون خناقات يدوية ، بس ما بتخلى القعدة من المناقرات وصل معاوية ..

كانو سمر ورولا حردانين منه بس عملو حالن انو مو هاممهن ونسيانين الامر وسلمو عليه عادي ..

معاوية : حزرو شو صار ..

شهد بحماس : شوو

معاوية : رحت اليوم شفت بنت

سمر ورولا قلبو وجهن وشهد صارو عيونا قلوب

شهد : صغيرة ؟ بتلعب معي ؟

معاوية : لا هي مو صغيرة كتير ، يعني اسمن منكن انتو التلاتة بس شو جمال (صفّر) الله يحميها لصحابها احم احم (بيقصد حاله 🙂)
وكمان شغلة البنت مصرية ..
اايوم رحت شفتها انا وامي ومرام وقالولنا انهن موافقين شهر زمان وعندي عرس جديد

رولا : اي الف مبارك جوزي (الله لا يهنيني اذا بهنيكن)

سمر : الله يوفق لنصفق ويهني سعيد بسعيدة ( لك الله ياخدكن انتو التنين سوا)

فاتت رولا ع غرفتها ولحقتها سمر

رولا : لكك ما بكون اسمي رولا اذا ما بخلي عمار يتزوج ع مرام

سمر : ليك هالحية ليك ، بتقولي بتتلذذ بشوفة الضراير ، لك وها وهي مسكت ع شواربي اذا ما بكونلك مني ضرة تانية يا مرام والقي اذا بتلقي ..

رولا : انا رح ضل هون ، ورح احضر عرسه ، ومارح غادر البيت ، وقاعدة ع قلبهن كمان ..

سمر : وانا كمان معك حطت ايدا وحطت رولا ايدها فوقها وقبل ما يشيلو ايديهن كانت فايتة شهد عم تبكي وحطت ايدها فوق ايد

هن

شهد : وانا معكن اهئ اهئ

رولا : عم تتنصتي علينا

شهد : اهئ لا اهئ هلأ اجيت اهئ

سمر : تتحورقي ان شاء الله ليش عم تبكي

شهد : ما حبيت ضرتي الجديدة اهئ اهى ، قلتلو يجيبا صغيرة مشان تلعب معي اهئ اهئ

سمر ، رولا : هههههههههههههههههههههه هههههههههههههه

شهد: ليش عم تضحكو اهئ اهئ

سمر : ولا شي ولا شي ، يلا قومو قومو عالنوم ..

طلعو سمر وشهد من غرفة رولا وفات معاوية لعند رولا لانه دورها ..

بعد مرور شهرين وتحديداً ويوم عرس معاوية الرابع وتوقيعة عمار بالضرة الاولى لمرام ..

سمر : شهد وينا رفيقتك ليش ما كانت تجي

شهد : لك هلأ بتجي استني شوي بتكون عم تتمكيج

رولا : فهمتيا شو تعمل مو ؟

شهد : اي اي قلتلا اذا وقعتيه بشبّاكك رح يتزوجك وتعيشي متلي متل الاميرة ويصير عندك العاب كتير واكلات وتصيري مدللة اكتر

سمر : هههه لك شباكك مو شبّاكك
ع كلن ان شاء الله تكون فهمت

رولا : ها ليكا اجت

اجت مهد من بعيد وهي متل الاميرات بفستانها الفضي وكعبها العالي وشعرها الطويل ..

سمر : لك تؤبشيني طالعة بتجنني

مهد : لك بس حرام عليكن انا بحب فهدد

رولا : يا مهد يا حبيبتي ، بدك تعيشي بحبس ومع واحد عصبي ولا بقصر

مهد : لا اكيد ب قصر خلص انا موافقة على عمار

سمر : لكن شوفي شغلك

شهد : اجت العروسس

سمر غمزت رولا ورولا راحت على الدي جي وشغلت غنية بحبك يا حمار ..

اتطلع معاوية عالدي جي ما لاقا حدا اتطلع ب مرته الجديدة وقال

معاوية : هند شو هالغنية هي حسابك بالبيت

هند : حسابي فين يا حبيبي ، دنا م خترتش اغنية زي كده يمكن طلعت فالغلط

معاوية : اي اي بالغلط ، م انت اخترتي كل الاغاني وما خليتي حد يختار معك

هند : د نا فهمت يا جوزي اسكت بئا هتبوظلي فرحتي عشان اغنية ..

معاوية : سكتت لنشوف اخرتا معك ، ها جايين ضرايرك افردي وجهك

هند : دنتا شايفني مسكراه يعني ، لا إله إلا الله ..

سمر : الف مبارك ضرتي

هند ، يبارك بعمرك يا ئطة دنتي لطيفة اوي والله ، برأيي هنتفئ كتير

سمر : اي اي كتير ، مدت ايدا وسلمت ع معاوية بدون نفس

رولا : مبارك ضرتي

هند : يبارك فيك ي حبيبتي يا ئطة

شهد : نورتي ضرتي ، انا شهد تذكرتيني رح تصيري تلعبي معي مو ☹️

هند : لعب ايه ده يا فاره ، لا بجد دنتي فاره ، تمام تمام تزعليش هلعب معاك .

شهد : يسس💃

سلمو شهد ورولا ع معاوية ببرادة متل ما وصتن سمر وراحو قعدو

بعد شوي تشغلت اغنية لرقصة السلو

وقفت هند ووقفت معاوية

معاوية : شوو؟ لا تقولي بدي ارقص ما بعرف ارقص

هند : ايه ايه ايه ؟ اي الكلام اللي سمعته ده ، دي رقصة السلو رقصة العمر وهنرقصها سوا

معاوية : لك قلتلك ولا بحياتي رقصتا كيف بدي ارقص

هند : اه ي فضيحتك ي هند طيب دنته ئوم وتماشا معايا بس

معاوية : لك قلتلك ما بدي شو الشغلة بالغصب

هند : ايوا ي سيدي فالغصب ..
شدته ونزلته وبلشو الغنية من جديد ، الكل انتبه انه معاوية ما عم يعرف يرقص منيح وصارو يضحكو عليه وناس صارو يصوروه ..

قربت رجلها لقدام ودعست ع رجله بالغلط

معاوية : ااااااه انتبه انه الكل عم يطلع عليه ف بلش ينغم الآه عأساس انها اغنية
وآه آااه ..

سمر : يبلاكن بالساحق والماحق والغضب المتلاحق

صارت توشوشه هند بادنه انه يدورها فمسك ايدها الغلط ودورها وهي صرخت صوت من ايدها يلي انفتلت فتل ..

هند :اااه معاووية معاااويةة رح ائتلكك

رجعت وشوشته انه يحملها ويدور فيها ولما حملها ودار
داخ ووقع عالارض ووقعت فوقه

معاوية : اااااخ اخ اشهد ان لا إله إلا الله ...

مرام لتتحاشى الفضيحة اكتر صفقت عأساس انها حركة مدروسة لجذب الانتباه وبقدرة قادر قدرت تقوم هند عن معاوية يلي كان عم يموت تحتها ..

خلص العرس على خير بعد ما أمنو البنات انو مهد طبقت عمار واكيد رح يخطبها

كان باقي كم حدا لما سمر ورولا وشهد جابولهن الكيك والعصير ليبلو ريقهن شوي ..
تصورو صور كتيرة وبكل صورة لازم الضراير كلن يدحشو حالهن

خلص العرس ورجعو عالبيت واول ما وصلو ركض معاوية عالحمام ..

فاتت هند عالغرفة شلحت فستانها ولبست بجامة وراحت عالحمام ركض وصارت تخبط ع باب الحمام

هند : اطلع ي معاوية ارجوك هموتت من بكني اطللعلي بسرعة
ولك اطللع ي معاوية

طلع معاوية وفاتت هند ومافي ثواني إلا رجع معاوية يخبط عليها لتطلع هي ..

سمر ورولا وشهد قاعدين وعم يتطلعو عليهن وعم يبتسموا ابتسامات شريرة ..

•●•●•●•●•●•●•
منرجع لقبل اسبوع
•●•●•●•●•●•●•
سمر : هاتو لشوف شو كتبتو خطط ؟

رولا : اول خطة هي بما انو ست الحسن والجمال هي يلي بدها تختار الاغاني ف ليش ما نحط غنية تزعج معاوية ، والخق رح ينحط عليها هي وبس لانه هي يلي اصرت تختار الاغاني

سمر : خطة ذكية ، وشو هي الغنية ؟

رولا : وبحبك يا حمار آآه 😂

سمر : ههههههه تمام التمام منعملن ياها استفتاحية الحفل .. هي اول خطة تم ..
انت شهد ..

شهد : ضرتي الجديدة قالتلي انو رح ترقص سلو مع معاوية ، وهي قالتلي انها مو فاضية قله ان

ا .. بس انا مارح قله هههههه مشان ما يعرف يرقص وقت العرس هههههه

رولا :وبلكي ما زبطت

سمر : بتزبط بزبط .. برافو شهد .. لاول مرة ساعدتيتا بشي ..

رولا : وانت سمر شو خطتك

سمر : يعني انتو بتعرفوني انا مو شريرة ... بس وقت يصير الموضوع حياتي بتطلع الجنونة يلي براسي..

شهد : يعنيي؟

سمر : رح نحطلن ملح انجليزي بالعصير

رولا : شوووو .. يخربيتك ما بتخطر لبال شيطان

شهد : شو يعني ملح انكليزي

سمر : هههههه هاد بخلي الواحد يسهل .

شهد : ههههههههه تمام بيج لايكك

سمر : وهي الخطة تلاتة تمام وما ننسى الخطة المشتركة نوقع عمار بشباك بنتين ..
رفيقتك لانا ورفيقتك مهد وبعدن رفيقتي مرح ههههههه

°○°○°○°○°○°○°○°
الواقع
°○°○°○°○°○°○°○°

هند : يلا ي معاوية اطلع براا ارجوكك مش متحمللة بطني بتموتنيي

سمر : هههههه شكلن يا امي ههههه

شهد : مهد بعتتلي رسالة

رولا : شو قالت

شهد : عمار وقع . صار بقبضتي عرسي قريب انتو اول المعزومين .. يسسس😍

سمر : وطييي صوتكك ، اخييرا رح احضر عرس مو لجوزي

رولا : ههههه .. لحظة .. لانا بعتت
قال بعتلا انو هو اعجب فيها كتير بس بدو اقل شي سنتين ليخطبا ليزبط وضعه ههههههههه متتت .. يبدو انه حب مهد اكتر ..

سمر : ااخ هيك هلأ انا مرتاحة قومو ننام ونحنا مرتاحين ..

رولا : معك حق

راحو ع غرفهن وسكروا الباب وبالحمام لسا هند ومعاوية عم يتقاتلو مين يفوت اول ..
•○•
سمر
لما نامت سمر بالتخت صارت تبكي .. هي ما كان بدها اي شي من هدول .. كانت مرتاحة بس قسمة .. صح هي مبسوطة انه نفذو خططهن .. بس صار عندها تلات ضراير ..
مسحت دموعها وفكرت انه الامر اكيد لخير ، لما كانت عند اهلها هي وحيدة البنات وما عندا غير اخوة شباب وكانت دائما تنكد عليهن وهنن يستحملوها لهيك فكرت معاوية متلهن .. هي هلأ فرحانة انه صار عندها رولا وشهد ، عللاقل صار عندا حدا يونسها .. صح كلمة ضرة صعبة بس لو اتفقوا الضراير .. يخاف العالم برأيي ..

□■□■
رولا

قعدت قدام المراية وبلشت تطلع بحالها وتبكي ، كمان هي مستصعبة الوضع وما كان بدها يصسر هيك ، ربيت مع اخت وحدة يلي هي راما ، وام بدون اب ، راما كانت قايمة بكل البيت هي والام لانه رولا كانت تدرس ، لهيك كانت ما تعرف اي اشي عن التنضيف وكانت تتكاسل تنضف ..
بس يمكن خير ، لانه سمر علمتها كيف تهتم بحالها وكيف ترتب وكيف تنضف وكيف تطبخ .. ف هي فعليا عاشت هون ما ماتت متل ما كانت تظن ...

°●°
شهد
بعدا صغيرة وتفكيرها صغير ، بس بتضل تفكر ب بكرة و بشو رح يصير ، هي فعليا فرحانة كتير بضرايرها لانه دائما كانت وحيدة وكانت بتتمنى يكون عندها اخت ، ضرايرها اجو من السما ليونسو وحدتها ..

♡في الصباح♡
معاوية : صباح الخير

سمر و رولا : صباح الورد

سمر : الفطور جاهز ، صحي هند وانا رح صحي شهد

رولا : بعده بطنك واجعك ؟

معاوية : اي والله ، بس احسن من الليل ، قضينا الليل طلعة وفوتة عالحمام

سمر ، امممم غريب من شو

معاوية : ما بعرف بكون من الاكل الجاهز

سمر : بكون بكون ..
يلا سمر صحي شهد قبل مايبرد البيض

راحت سمر تصحي شهد ومعاوية هند

هند : صباح الخير ي باشا

معاوية : صباح الورد .. يلا قومي الفكور جاهز

هند فركت عيونها : وينه انا مش شايفاه ..

معاوية : هههه الفطور برا عالطاولة ، حضروه ضرايرك وعم يستنونا ..

هند : واللهي ي شيخ .. انت بتتكلم من عئلك كله .. انا عروسه هطلع افطر مع ضرايري ، لا يشيخ اطلع جيب الفطور وتعال هنا ..

معاوية : شوفي حبيبتي ، اول شي ضرايرك متلك متلن سامعة ، تاتي شي ، الفطور برا جاهز وعم يستنانا ، تالت شي بتقومي عالسريع وبدون ولا حرف يلا كلمتي انا المسموعة هون..

قامت هند من التخت وقالتله : بتؤمر ي حبيبي .. بتؤمر

معاوية : 😌😌

هو فتل ضهره وهي وقفت عالتخت ونطت عليه

معاوية : اااااخ

هند مسكت الشحاطة وبلشت تضربه : ئلتلي إيه ، كلمتك هي المسموعة هنا ، وها خد دي برضو ودي

فاتو الضراير التلاتة وانصعقوا بالمنظر لدرجة الضحك

هند : ودي عشان تقلي ضرايرك بسيتنوك ..
انا هاكل لوحدي ف صباحية عرسي وانت هاا والشبشب ع راسك بتئلي هناكل على الطاولة مع ضرايري

معاوية : لك كك ق ومي عني ر ح موت ..

هند : أصدك اي ي حبيبي ؟ اصدك تئول ان انا تئيلة ؟ وهاا وها

مد معاوية ايده لنسوانه وقال : أ أ نقذ و و نيي

أنقذوني ..

انتهت🖤...

#اعادة_توجية_للفائدة
https://tttttt.me/joinchat/AAAAAEgtlmLlbBRIDy6Fkw

#اسـتبيــــان ❤️🍃

يـهـمنــﻱ رٲيــكـم مـتــابـعـﻱ قـناتـﻱ فــﻱ

[ #رواية_زوجاتي_سبب_جلطاتي ]

☆ رائعــــة ⇐ 😍
☆ جميلـة ⇐ ☺️
☆ لا بـٲس ⇐ 😕
☆ سـيئـــة ⇐ 😑

‏​‏​‌‏​ནྱཾ༩ྀ༄ *تهنئـــــة خـــاصــــــة* ༄ནྱཾ༩ྀ

*يسرني أن أتقدم إليكم بأصدق التهاني*
*بمناسبة حلول عيد الأضحى المبارك* ،
سائلا المولى أن يجعل أيامكم سعيدة،
وأن يعيده علينا وعليكم بموفور الصحة والسعادة واليُمْنِ والبركات أعواما عديدة،
وأزمنة مديدة، وأنتم في أحسن حال .

‏​‏​‌‏​ནྱཾ༩ྀ༄ *عســـاكــم من عــواده* ༄ནྱཾ༩ྀ

*وكل عام وأنتم بخير 😘❤️

https://tttttt.me/joinchat/AAAAAFOiyl-i2KAhAcH-bg