البـارت 26 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ام ذياب بتبسر وتين : مالش يابنتي مخطوف لونش هكذا ومفتجعه مافي البيت الا اهله...

فطوم بدفاشه : قد قلت لها بتحسسني اني ماتشتيه وهي بتمكني ذياب ذيا،،،.. ماحستت الا بالدبجه بكتفها من وتين لوما درت مابتقل


ام ذياب كتمت ضحكتها وهي عارفه ما مقصدها... وسكتت عشان لا تحرجها


فطوم بعد الدبجه وقدي مكبوده: عن اذنكم اقووم ادي عصير


ام ذياب بتصرف الموضوع: خلنا نبسر ما ادا لش ذياب لوما ماخلانيش اجي معه
وبدأين يفتحين الشناط ويبسرين وانذهلت وتين من الاشياء اللي جرر.. خيرات وكلهنن ماركات وذووووق فخمم قووووي


ام ذياب وقدي مطننه.: يهي يهي ماكنتش داريه ان ابني ذواق هكذاا.


ام وتين باعججججاااب: خلاص عنخليه يكسيها في العرس هو ماعلى هكذا


ام ذياب وقدي فارحه ومشبوبه قووووي: جبرره الله يحفظه ويسعده ويجبرني بعافيته كنت داريه ان هو رجال وقد كلمته


الكل آمين.... اي والله


وتين بتبسر كل شي منسق وذوق وبالذات الالوان قووووي جذابات... وكيف الشناط بالفيونكات والشذاب مزينات... خقتتت عليه وعلى ذووقه اكثر من قبل
مشي داريه اني: وردد اللي شلتت كل شي. ههههههههههههههههه<<<<<< شاقلها يوم العرس🌚😹

.
.

وسطط المقيل..

ذياب متوتر ومستحي.. الديوان ملان لراسه واللي بيأشر لعنده هوذاك الخطيب هاه واللي بيبسره وكانه عيخطبه...المهم قدوو مستحي قووووي... مراعي لرؤوف اتاخر وهو قله يجي بسرعه...


يزن مكيف ومخزن جنب ذياب بيبسره كيف قدو متوتر وشويه ويختفي : مالك يا خووك ساع المكلف ابتسم واضحك هم عيخطبوا لك ماعيقطعوش راسك.


ذياب بسره بتوعد : عيوصلني الله لخطبتك ابسر ماعتسوي والفلسفه هذه اين عتسير


يزن: يااااارب من وسط لقفك لباب السماء والله لا اقوم ارقص واضحكك وباحراج قصدي ابترع وافرح وافعلهن كلهن هو بس انت مدري مثل من قعت خزوي هكذا ههههه


ذياب بيبسره كيف بيحاكيه ومكيف: مابسر الا رؤوف طل من الباب... بالاداه نفسسسه نفسسه... ماغير رؤوف باين عليه زناط ومطنوخ سبك الاداه.. وصل ومفاتيح السياره في يده...


رؤوف: سلااااام يا رجال وريحححححهمم


الرجال: باصوات مختلفه وعليكم السلام... ارحب... نورت.. وانت بينهم...


رؤوف: طنششش الكل ووصل لعند ذياب


ذياب قام يسلم عليه وهم سووواء سووواء ساع التوأم


صاحب ابو ذياب: منو هذا!!!!؟


ابو ذياب : صاااحب ذياب


صاحب ابو ذياب: وذيك اللي جنبه وبيجابره من اول من هو


ابو ذياب: صاحبه والكل...


صاحب ابو ذياب: امانه انهم سواء باللبس هذا طلعووا كشخه .. وبيزبج قم نطقم غطوه نفصل لنا سواء ... لاعاداحنا عنلقى لنا مزز


عاقل الحاره: قر ورزا.. قدك رجل هانا ورجل في المقبره قال يتزوج... وبيبسر رؤوف جلس جلسة مشايخ..وبيخزن بقات خدفه وباين انو زناط قووووي : وبعدا ماله هذا شايف نفسه هكذا يا الله سترك مابلا هو في الديوان


صاحب ابو ذياب: انتت ماتخليش لحد حاله تستر تهجع..


ابو ذياب:لا مشو شايف نفسه بس هو طبعه هكذا بس قلبه طيب... وبعدا انت داري...... ورجعوا يزبجوا وكلهم سعيدين بهذه المناسبه

....


ذياب: ي اخي قل الفقعسه شوويه... كلهم بيبسروك بنص عيونهم.. وبعدا مالك ماتسلم ع ابي و...


رؤوف بمقاطعه : اووص امانه.. .. لو افعل مافعلت ان قدنا هذك الزناط قولتكم خلوني بسس عاجب لروحي هكذا

جي اول نراضي هذا الخشبه اللي جنبك زاعل ساع الجهال
وبيبسر لعند يزن


يزن بيخزن وقدووو ضابح ليش فصلوا وما قالوا له وقد حاول يحنق ويمشي ورؤوف بيزاقمه


ذياب: هو انت المعارف... لكن مانسوي مدري ايحين عتعقل وتبطل فقعسه


رؤوف بلعانه: لوما اتزوج


ذياب: ويحين عتتزوج نورنا


رؤوف بنيزغه: لوما اعقلل ههههههههه


يزن بيسمع كلام رؤوف ضحكك عليه.. وسرعان ماذكر انو حنق ورجع يبرطم...


رؤوف: على غيري قد ضحكتت خلاص يعني رضييت


يزن جالس ساكت وحانق


ذياب بهنجمه : عتخلونا نخزن.. والا عتمكنونا لعب جهال


رؤوف: قذا عيقلد من اليوم صاحبنا

سكتوا ورجعوا يخزنوا........








استغفر مره وصل على النبي اخرى💜....









📚 @rewayatyamania 🇾🇪

البـارت 27 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ورد بدلتت وتشيكت.. والنفسيه فل... سارت تسبر لها.. نص كافيه ومخططه ترجع تذاكر... ماشيه للمطبخ بسرت امها قدي لابسه


وردب بإستغراب!!؟ : وين عتسيروا يماااه


ام ورد: عتسير بيت اخوالش اتصلي خالش سلطان وعزمني... قالوا عيجي خالش مصطفى من الامارات... وعيوصل العشي.. كنت شاجي اقلش وقلت لانتي راقده مشتيش اقومش.. المهم انا شاسير ذلحين وانتي غطوه خلي ابوش يديش.. قبل الغداء مش تتأخري قد خالش بيتحرى يشتي يبسرش وجدتش قد بتتوصى عليش


ورد ابتسمت لما ذكرت اخوالها: تمام ان شاءالله وحبت راس امها الله يفتح عليكمم سلمووا عليهمم قووووي

امها: وعليكم بخير.... يله مع السلامة ابوش مراعي في الحوش


ورد وهي بتبز النص كافيه: الله معشش وصلي سلامي للكل مش تنسي


امها: قذا عتجي غطوه وسلمي عليهم انتي


ورد: تمام... شلت كتبها ودفاترهااا... وجوالها.. وتغطت بالطرحه.. وخرجت تذاكر خارج كان الجوو خرافي... ومستانسه قووووي وفاقده لعبادي

دعت له وبدأت.. تذاكر باندماج... وسرعان ماوصلها اشعار من تلفونها.. طرحت النص كافيه وشلت الجوال... وضيقت عيونها من الرساله اللي وصلتها من الرقم غريب.......


سلام الله عليش.. كيف انتي يا ورد اخبارش... وحشتيني يابنت خالتي قووووي ان شاءالله تكوني بخير... خلاص انتهى حبل التمني وقرب حبل الوصال واصبح حقيقه انا شتقدم لش هذا الاسبوع من خالي صالح رسمي وبالمفتوح خليش على انتظار......♡


ورد فرحتتتتتتتتتت قووووي وطرحت الكتب وفتحت لها اغنيه
... متونس ومرتاح لحد يغثني .... متفرغ انا اليوم بسس للي يحبني... كملوها ههههههههههههه



بسرت للسماء بتمني وبدأت تدعي: يااارب اختصني برحمتك وعظيم فضلك.. واكتب لي الخير اين ما كان واصرف عني كل شر اجهله... طرحت يدها فوق قلبها وهيي فارررحه قووووي




عند وتين..

اقسم بالله ما يلبسني دبله.. فين احنا عايشين ياسعمم


امها: يابنتي مالش،.. هو ابن عمتش وخطيبش عادي وانتي مابش في وجهش حاجه


وتين: كان اسمععوا ها يمين حرامم ما يبسرني الا ليلة العرس ماشي عيقع خبر ثاني


ام ذياب: يووخلاص مالش لا تضبحيش،.. مالش هكذا او انتي مغصوبه على ابني والا شي


وتين خافت يفهموها غلط: ماشي ماشي والله الموضوع مش هكذا بس مشو حالي يدخل يلبسني اصلا ماهو الخباله لبسيني انتي وخلاص


امها بتحاكي ابو وتين انها مارضت يلبسها


ام ذياب باعجاب : طلعتت خطيبة ابني معقوله ورزينه.. عيجبرني بعافيتكم ي عيالي


الكل امين.....

.
.

في الديوان
ماعاد به فيه احد كلهم راحوا لهم ماباقي الا قليل


رؤوف يشتي يقوم وذياب يهزره يجلس


رؤوف وهو ضابح من حركاته وكيف هو مفتجع ياسعم عيدخل جبهه : انا مالك ذلحين يووو كيف انت مفجعه قووووي


ذياب: قلهم مشتيش البس حد تلبسها امي احنا والخباله ياسعم ان احنا في الخارج حركات خيبله


رؤوف: وانت معك لقف تتحاكى او مابش قلهم مشتيش وخلاص


ذياب: اخوالي اخوالي انت بتفهم مابين اسطاش اتحاكى
انصحك ي رؤوف لا تتزوج من الاهل لذمتي كلها احراجات


رؤوف: تمام مابعدما ابسرتك اليوم بطلت اخطب واتزوج بالمره


ذياب: عنقلهم... وقاطع كلامهم ابو وتين بهيبه وشموخ ... البنت مارضتت تدخل تلبسها خلينا عمتها تلبسها وانت معوض في مره ثانية


ذياب فرررح قوووي وبصوت خفوت : فديتهااا وتيني انا داري ان هي بتحس فيني


ابو وتين ورؤوف بسروه كيف بيمدحها بدون وعي وكتموا ضحكتهم عليه ههههههه
.
.

في الخمسين..

جالسين ومكيفين وبيبسروا السايري والجايي ومن مشتت غازلوها... وبيشيشوا ويخزنوا ولا ضاربين للدنيا كررت


موسى: يا اخي من يوم عرفتكك حبيتك مدري ليش


عبدالله بلعانه: عشاني مزلط


موسى بسره بضحكه: بين اقلك دائماً تفهمني من غير مااتكلم


عبدالله: وانا وزلطي كلي فداك... وبيتصفح في تلفون موسى ... يا اخي كم قد معك بنات اتقي الله


موسى بينفخ الشيشه: عاد التلفون اتفرمت والا لو تبسر كان معي من جميع الدول والانواع والاشكال


عبدالله: وكيف بتدرى لو هو انا لا ارتبش


موسى: هوذا شفعلك دورات تدريبية في الصعلكه لكن كل شي بحسابه


عبدالله: داري بك حق زلط... ماعتعلمني ساعك... صفاء من المجموعه... رهام صاحبه ياسمين.. والا افراح من تلفون ريان


موسى: ههههههههههههههههههه مادراك بخططي والله انك معرصص


عبدالله: اعجبك


وبيبسر رسالته لورد: هالله هالله ومعك حب وناوي تخطب... بين اقل انك منتوف وانك طلعت خطير


موسى بسره والشرر في عيونه ونفثث الدخان .:. تسليه بسس انا ما اخطب من هولا النوعيات


عبدالله طرح التلفون ورجعوا يغنوا ويشيشوا







https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 28 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


في الليل
بعدما روح رؤوف ارتجم فوق الكنبه في الصاله ... كان يتذكر فرحه ذياب وكيف كان يستحي ويحسس بفرح في داخله يحب اصحابه اكثر من كل شي...

شل تلفونه و دخل في صفحته في الفيس.. وطرح صوره اتصوروها سلفي لهم الثلاثه وكان هو وذياب لابسين سواء طلعتت كشخه... وعلق عليها وفعل تهنئه مطحطحه بمناسبه الخطوبه... وكتب نازل الف الف مليون مبروك الخطوبه اخي الغالي 💗


كمل يهنيه وفعل بروفايله في الواتسب صورهم وهو مبتسم...


وديان جتت و بلعانه : يهي يهي يا علي بسمات... من قد بتراسل يا خوك


رؤوف بسرها قدو فاقد لمجبارتها ومعرصتها بيبسرها وهو مبتسم سكته


وديان: اتحاكى وجعلي امووت ما اقل لحد.. لا تستحيش مني انا اختك وبعدا...


رؤوف ماعد قدر يكتم ضحكته من حكاها اللي بيحسه انه بيراسل بنات صدق وانو بيخبي وخايف تدرى

مسكها وبيصافدها...: وين انتي كم قدنا فاقد لش ي كلبه.. وهي تضحكك وتنادعه يفلتها ...


وديان: امانه ي رؤوف بسس صفااد جي نلعب بلايستيشن قوووا ونبسر من عيفوز


رؤوف كانو تاعب بس ماحب يكسف اخته: يله تمام...

وينو عبدالله يلعب معانا!


وديان: يخخخ الله يقلعه ماهذاك الآدمي تراشيته نلعبب بعدما جيت من المدرسه ومارضاش وكان يحاكيني من راس النخر.. وقال عيسير عند اصحابه


رؤوف: اهااا وهناء وين هي... !!!؟


وديان: مدري عادها جت مغرب ياسعم من الجامعه ومن عند صاحبتها وماقد خرجت من غرفتها من هذك الساع


وديان ورؤوف في نفس الوقت وامي!
وديان: خخخ قدنا داريه ماعتقل.. في بيت المصباحي اللي جنبنا امهم مريضه


رؤوف: اهااا


وديان: هياااا عتقوم نلعبب والا عتمكني تحقيق


رؤوف حبب راسها وطرحها في حضنه: والله ان انا تاعب لكن ابشري في اي وقت ثاني


وديان زمتت شفايفها بزعلل وقامت من حضنه: انا داريه بكك.. وتكلمت بطفوله وزعل تستاهل ذياب يتزوج ويزن وانت اجلس عزابي طول عمرك شدعي عليك
والا تتزوج بواحده تشبه هناء تشبعك حياه


رؤوف ضحك وشهههق : عوووذبي من الشيطان... قلك مثل هناء.. وبعدا ما لاختي عتدعي عليا ورؤوف يقدر يزعل اخته اصلاً


وديان بفرحح: مععع وقامت تجهز البلايستيشن وهي فارحه


رؤوف: بسرها كيف متحمسه ومشي بعدها وهو تاعب بس ماحب يكسر فرحه اخته
.
.

في الليل عند عبد المطلب وهم جالسين مخزنين ومكيفين هو ومدير العمل

محمد: قلي ليش انت ملقوص هكذا ومابتعجبك مأرب


عبد المطلب: قل يا خوك مارب بكلها مابتعجبنيش... متعود على صنعاء وهواء صنعاء الصدق مارب لاصحابها واهلها وانا لي صنعاء


محمد: بالعكس تعجبني مارب بقوه...


عبد المطلب: هوو كل وحد وله طبعه وله عشقه وانا معشوقتي صنعاء


محمد: يهي يهي الله يديم المحبه


عبد المطلب: امين يارب.. اشكل شي بيعجبني في مأرب حاجه واحده


محمد: نورني


عبد المطلب: محد بيقلي اين عتسير ولا بين اهم صرفة بيت ومفتهن من دحس ابي وقولي من راسي تقدر تقول عايش ملك


محمد بيبسره ومندمج بكلامه وبيعجبه طريقة كلامه واسلوبه: الله يسعدك يا ولدي


عبد المطلب: امين يارب؛؛؛ وقدو بيعقد العلاقيه وعيمشي.. خاطرك ي عم محمد وتسلممم على الغداء والتخزينه عندك قووه والله ماعد اشتي اضوي


محمد: الله يسلمك... خلاص اجلس وانت.


عبد المطلب سنب: ماشي تسلمم ازيد ابسر ماينفعني غطوه راجعي صنعاء


محمد: كان الله يفتح عليك هاه... ان شاءالله لوما ارجع صنعاء شعزمك عندي وذاحين نظل على تواصل


عبد المطلب: ان شاءالله اكيدد خدمات لك


محمد: اسلم


عبد المطلب خرجج وهو فارح انو راجعي صنعاء وفارح انو اتعرف على محمد صدفه وتم العمل على خير وزد فعل لهم خصمم


عبد المطلب ابتسسم : اكيدد ابي عيفرح بالخصمم الله مع الصابرين...
.
.

صباح الجمعه..
عند ورد قامت وهي فارحه انها غفتت وهي بتذاكر من بعد ما صلت الفجر وتحببب الجمعه لانها اجازه وفيها روحانيه

... ورد وهي بتتقعم ومبتسمه: ايوووه هكذا سابر فجر ذاكرت واليوم اسير بيت اخوالي وانا مرتاحه من المذاكره هذه وطرحت الكتب وخرجت تسوي صبوح...


فوق الصبوح...
ابوها بيبسرها ساكته ولا ادت نغمه.. اتنحنح اليوم عبد المطلب عيجي قد عندش خبر والا ماااع!!؟


ورد بلهفه وفرحه: احلللللف


ابوها: ايووه.. وتجهزي لا قبل الصلاه وشاشلش عند اخوالش خالش اتصلي قبل شويه


ورد بفرحه : تممم













📚 @rewayatyamania 🇾🇪

البـارت 29 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


قبل خطبه الجمعة
قاام رؤوف طبعآ من قوام وديان المحترم قدو متعود.. وراسه عادو بيطنن بـ رؤوف رؤوف رؤوف
غمض عيونه بغيظ منها لانها هربت وما قدر يمسكها... قام لبس وسار يقوم عبد الله


عبد الله كان راقد والسماعات في اذانه
رؤوف استغرب وقرب شلهن وبيسمع وان هو اجنبي ضبحح وبيقومه ولا رضي يقوم ... بعد محاولات


عبدالله قام وعادو ملانه نومم...: هممم مالك انت عادنا رقدت


رؤوف: اين انتت بتتمصييع لا انصاص الليالي وبعدااا في حد يرقد وفي اذانه السماعات وزد اجنبي.. اتخيل تموت وتبعث وانت بتسمع هولا عليهم لعنة الله


عبد الله اتذكر: هذه اداها لنا استاذ الانجليزي اللي في المعهد وانا ما استرت احفظها الا هكذا


رؤوف: يووو ما انت كم فيك من كذب الاغنيه كلها رومانسي قلك في المعهد ياسعم اني اخبل انا توفل في الانقلش.. قم تجاهي يله اتروش وبعدي للجامع.. واتحداك ما ابسرك في الصف الاول وخرج


عبدالله: اوووف ناااهيج وقام بتماهل
.
.

في بيت اخوال ورد
وصلتتت وهي فاقده لهم كلهم ولجدتها اقوااا شي

وصلت والبيت ملان لانها عزومه الطالعي طالعي والنازلي نازلي... سلمت عليهن ومن الربشه فلتت خالتها وجدتها بس خالتها دعمتت لانها باين انها مادرتش مع كثر العيال وقد بيقربوا الغداء


ما الجده دخخل في نفسها منها وما قدرت تهجعع


بنت خالة ورد انتبهت ودكمتها : يوووو ماسلمتي على جده ياكلبه


ورد انتبهت ومسكت على فمهاا: يعووو والله مابسرتها وهي الاصل وقامت تسلم


بنت خالتها: الله يعينش ماذلحين ماعاد عتوقعيش المفضله حقها وغمزت لها


ورد دعممت بنت خالتها وقامت تشتي تسلم


الجده بتبسرها بضبح ودخل في نفسها من بنت بنتها قدي فاقده لها قووووي وبقهرر مدت العصيه حقها تلقف : والله ما تسلمي عليا حاجه وين انتي من اول عادش ذكرتي ان معش جده


ورد وقدي عتبكي: يووو مع ياجده والله ان انا مابسرتكم وجعلي اموت


الجده: موتي والا مشتيتي وتوخرها بحقها العصيه... حرام ما تطرحي حبه وتطرح يدها في وسط صدرها ودبج بقهر لكن غر خفيف 😂 ما بتفعلش طقوس كربلا هههههههههههههههههههههههههه


وتتكلم بقهرر بتدعمميني انا انا يا ورد.. وانا الذي مقصدي قد عتحملي لا حضني وقدنا فاقده لش وبين ادحسهم يدوش اح اح من بنات اخر زمان


ورد بكيتتت لان جدتها زعلتت منها: والله ما هو بقصدي حاجه وو..


قاطعت بكاها الجده حجفتها لا حضنها: خلاص بسس دريت انو مش بقصدش وبضحكه بكيتي يا بكايه


ورد بليعنه ومن بين دموعها : ومن عيراضي جده الا الدموع... وبعدا عتنقص الميزانيه حقي لو تزعلوا


الجده: هيااا قومي ي بكايه بتتمصلح عليا وانا قصدي انو منش حنج وقومتها من حضنها


ورد رجعتت بنفس اللحظه: حراام ما اخر قدلي خيراات منكم وحجفتها بكل حبب وبتبسر نظراتت الغيره في عيوون بنات خالتها كلهن ومدعممه.......

.
.

جالسين في الديوانيه حقهم وكل واحد ماسك على صابره... طبعا كلهم ولا واحد ضرب ركعه مايعرفوا يدخلوا الجامع اصلاً


موسى بهم : ماعنتغدا اليوووم يا جماعه


ريان: انا ركنت عليك في سرقه محل الـ...... لكن انت فاشل لو شي ان احنا ما بندور ماناكل ذلحين


انور: انامستغرب منك يا موسى تمام عرفنا انك مطفر ومحيرف وعاصي والديك... لكن ع الاقل اهلك في صنعاء تقدر تروح وتتغدى... قل لنا احنا اللي احنا في جهه وهم في جهه ثانيه


موسى: مالك انت قدنا مثلي مثلكم.. قد امي بنفسها بتدور ما تاكل قد بزيت ذهبها وبعت حتى المكينه والثلاجه وكل القلافد حقها ماعاد الا ابيعها هي


انور: مانا تعبتتت من العيشه هذه نشتي نسررق حاجه محترمه تنسينا الهم هذا


ريان: في راسي خطه لو تسبر لا تنسوا حاجه اسمها حرااف


موسى اتحفنا


ريان: مش ذلحين وكل شي في وقته حلو.. انت قلي ماسويت وبصوت مستهزئ... ياسعم بيقلوا تشتي تخطب


انور: يا اخي هذا ربشنا ماعاد عرفنا عصيدة ماهي شويه يقل مايشتيها وشويه يقل عيخطبها.. والمشكله مابش معه ولا ريال


موسى في نفسه والله ما اشتيها ولا لي بها بس والله لا اضغط على عبد المطلب من اليد اللي بتوجعه رد: ايوه شخطب في ذيه الاسبوع ماعليكم ذلحين من ذيه الخبر ذلحين قوموا نبسر لنا ما جاء من البقاله هذا اذا هو عيرضى يدي لنا...


ريان: يا اخي عنك الثقه... بتحسسني انهم عيستقبلوك بالاحضان محد يشتيك وكلهم عارفين كيف انت صعلوك واكثر شخص يكرهك عبد المطلب كيف عيرضى يدي لك اخته


موسى قام للبقاله : انت بس بطل تحسدني وكل شي عيسبر


ريان بكراهه: شحسدك على حلاتكك يا معفنن











https://tttttt.me/joinchat/AAAAAEIz_KDfjDgo7Gaxwg



📚 @rewayatyamania 🇾🇪

البـارت 30 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


العصرر في ببت اخوال ورد..

ناسس بيغسول وناس بيمسح وناس بيجهز الحلا والحشيره وساع العرس لان عائلتهم كبيره والاجواء حاليه قووووي...


خالة ورد بتتحاكى هي و مرة ابن اختها يعني ابن خالة ورد مرته اسمها مرام ...


مرام وهي بتبسر ورد وهن بيسوقين المطبخ ورابطه شعرها بالشال حق خالها بعدما اتصافدت هي وياه وشلت شاله وهربت.. بتبسر كيف هي مشحوطه وبيضحكين وتتليقن عليهن عجبتها وكانت اول مره تبسرها لانها عادها جديده على العائله


مرام: ما شاء الله والشحطه والقبله والحلا في ورد... كامله والكمال لله


خالة ورد: اي والله الله يحرسها من العين


مرام: امين يارب... بس بيني وبينش اخي قد بندور له مره... وهو قمرري ودارس في امريكا وماعتتكلم الا وانا داريه باخي وعي
سعدها ان شاءالله... لو نقلهم ماعيرفضوش!!!؟


خالة ورد اتنهدت وعينها على ورد: يهاااي هاتتت كم قد تقدموووا لها من ناااس ومن بسرها قال قدي حقنا.. مابتوافق على احد لكن قدموا وساطه وبعدا انتوا وحظكم لاهو النصيييب


مرام: خلاص تمام شاكلم اهلي واكلم مؤيد زوجها .. واذا به نصيب على بركة الله.. وانتي لمحي لها نبسر ردة فعلها


خالة ورد: خيرر ان شاءالله... وانتيي من بين البنات هولا كلهن ماعجبت الا هي ابسري كم يا هاه البيت ملان وكلهن قمارها ووما شاء الله


مرام ابسرتها وابتسمت: والله مادخلت قلبي الا هي الله يجعلها من نصيبهةةة


خالة ورد: امين.....

.
.

رؤوف وهو مخدر فوق الملازم : يوووف ماودف بي ودخلتت طب بشري ماهووو بعدا بدل ما اعالج الناس يرجعوا يدخلوني مصحه يعالجوني ماهو الجنان هذا ورجم الملازم

مابيفعلوا حقي الاعفاط هذا السااع وشل تلفونه واتصل لذياب


ذياب بيذاكر فوق السياره ويقلب الملازم بملل ولا فاهم حاجه بسر التلفون شعع باسم #مالك شبيهه بين البشرر "♥


رؤوف: حييياااا بالعريس


ذياب: هيااا ناهي لك بنقلك حرام مانتزوج الا جمعه


رؤوف: ما اركنكش عادنا مطووول دعمم مني


ذياب: يا لطيف ليش وانت اقطبب هيااا السنه الثانيه وقد الشارع كله سلالتنا


رؤوف ضحك: ليش او عتفتح القدس بهذه السلاله


ذياب: خخخ زبجك حامض قوووي


رؤوف ابتسمم: مابتسوي يا خووك


ذياب تنهددد: اح اح امي الله يحفظها مابلا اوصلها عند اختها والا اوصلها قد بيقل نواف عيوصلها قالت ماتشتي الا انا قصدك من حنبات


رؤوف: الذي هي خالتك


ذياب بيتذكر انه قال عند اختها : ايووه!!!؟


رؤوف: يا اخي مابش عندك انت تقل خالتي عمتي جدتي ... ما بلا اخت امي اخو ابي... ليش او بينكم ثار ههههههههههه


ذياب: امانه انك تزيد لواحد الضبح


رؤوف: يا عيبتك عليااا


ذياب: بتذاكر!!؟ الدكتور قدو ناوي لنا نية عمياء


رؤوف: يا اخي والله ان انا كاره العيشه الطب تعبب وبيقيدوني وانا ما امشيش بعد احد


ذياب: هي جامعه... مشي مدرسه يدروا ابن من انت ويجاملوا مابلا اشتحط وبطل دلع


رؤوف: وانا قد اشتحطت... خاطرك يا مصبح واصل وانا اتصلك وان انت تتصل لي في السنه حسنه


ذياب: احد بيقلك تتصل انت لصقه... لوما اتزوج رحلك مني الصدق ماهكذا ماعنسدش


رؤوف: يحلها الله لوما تتزوج ... يزن قال يشتي الملخصات صح


ذياب: ايووه ارسلهن له


رؤوف: تممم وغلق في وجهه


ذياب: اكثر حركه متعودها من رؤوف هي هذه ابتسم ورجع يذاكر...


بيت خال ورد...
نسوان الاهل كلهن متجمعات ولمه حالية

دخلتت ورد هي وبنات خالتها.... وهن فارحات وبيتجابرين


الجده: قرييين من الزوكه اكسرتين راسي


بنات خالتها بيبسرين ورد ويبهررين بمعنى اتصرفي


ورد جلست جنبها: يوو يا جده قد احنا كسار راس احنا احلا شي في الدنيا
وبعدا احنا عندكم اليوم بس


الجده طرحت يدها في كتف وردد وضمتها لحضنها: اجلسيي عندنا افعلي لش يومين ثلاث ابسري اخوالش


ورد: يا ليتتت يا جده لكن معانا مدرسه والا ياريت ريت المنى واجلس عندكم العمر كله


مرام بتلمح: ما شاء الله يا ورد صف كم انتي!!؟


ورد بعفويه: هذه السنه اخر سنه


ام ورد: امانه قدنا مراعيه اي حين عتكمل الدراسه مراعاه


مرام: يووو ليش!!!!!!!؟؟؟؟


ام ورد: تجلس سنه الخدمه تخدمني

ورد : .....









https://tttttt.me/rewayatyamania/35470



📚 @rewayatyamania 🇾🇪

🖤🥀


بــارتــات يــومنــا الثــلاثــاء 👆🏻😍

البـارت 31 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


مرام: يووو ليش!!!!!!!؟؟؟؟


ام ورد: تجلس سنه الخدمه تخدمني


ورد بدفاشه: احلمووا مقصدكم شجلس اخدمكم شاسير ادرس معهد انجليزي وتبسر خالتها ام موسى


ام موسى في عالم اخر مهمومه بمعنى الكلمه


ام ورد: سهل ما بعد الغداء


خاله ورد: هيااا ناهي عتجلسي تقريها.. زوجيها وتقرا عند زوجها لاهو يشتي يقريها قراها


ام ورد: هياا ناهي ليش مارضتش قد تقدموا لها امة الصلاه


مرام وهي نفسها تعرف السبب من ورد: يوو ليش وانتي يا ورد ماتشتي تتزوجي عادي ادرسي عنده


ورد التفتت لعند جدتها وبدأت تكلمها بجديه : قلدكم الله ياجده ترضو اتزوج سعما بيقلوا... واحد يتقدم عشان ابي صاحبه واحد يتقدم عشان يعرف عبد المطلب واحده تبسرني عندالعرس وتجي تتقدم.. ماهي هذه الحاله... انا اشتي شخصص يتزوجني عشان حبني لذاتي لشخصي... عشان انا ورد بكل تفاصيلي بعيوبي ومميزاتي مشتيش شخص يحبني عشان شكلي وانني قمر والا امه بسرتني عند العرس هذه خباله او ماقلتوا يا جده


الجده وعادي بتركب الكلام في راسها: والله ان انتي ساع جدتش كنت اقلهم هكذا لكن محد كان يفهمني


الكل كتمووا ضحكتهم على كلام الجده


ورد وقدي عتفقش ضحك: اخرطوووا اخرطوووا وغمزت لها


الجده صاحت بضحكه : اصه وجدش ماله الله يرحمه ويغفر له رجال وسيد الرجال


الكل: الله يرحمه......
.
.

العشي
هناء.. بتجابره في التلفون اتصال لها ساعتين وهي بتحاكيه


الولد: والله انا نفسيي اعرفشش حقيقه ايش رأيش نلتقي!!!!؟


هناء وراسها بيوجعها قووي: تمام اكيد ليش لا انتت حدد الزمان والمكان اللي يناسبك ورسل لي العنوان وانا حاضضره باي وقت تشتي... ويله خاطرك امي بتداعيني وغلقت


الولد: اول مره تجاوبه هكذا كل مره عادي تتميلح وهو يتراشاها وخصوصا موضوع الخرجه ماتوقع ترضى بهذه السهوله


هناء بتمسك راسها بقوه بتحسه عينفجر

وينشش ي براءه وينشس ليش ما تدي الحبوب يا.. ###.. وشلت التلفون واتصلت لرانيا


رانيا وحالتها لا تقل عن حالة هناء: ايووه يا هناء ماتشتي


هناء: ويني براءه الزفت هذه... ليش ما جابت الحبوب اليوم.


رانيا: والله يابنت بين احسس نفسي شاموتت لو ما اشربهنن وراسي بيوجعني قووووي.


هناء: وانااااا مثلش خليها تجيب غطوه خيراتت من المهدئت هولا اللي بتقول


رانيا: تمام بس كيف شرقد الليلة وجعع فظيعععععع


هناء: سهل شانتحمل الليله وبكره تدي لنا خيرات احتياط والله ماعادبين استر ارقد الا بهن


رانيا رسلت لبراءة رساله انو راسها بيوجعها قووووي وتشتي حبوب غطوه خيرات...


رانيا: وانا والكل ماعاد تشتي باي وغلقتت


هناء طرحت التلفون: وعصبتت راسها بشال بس مانفع



براءه قريت الرساله وابتسمت بإستهزاء : وقعتين في شباكي... اصبرين عليا بسس شويه شويه واخليكن مجنونات رسمي وشلت التلفون ورسلت للعميل... لو سمحت اشتي بضاعه كثير وغير النوعيه جيب لي نوعيه اخطرر واقوى جهزهن لبكره وبدفع لك الفلوس

وغلقت التلفون وابتسمت بخبثث قصدكن ان انا مسكينه... انا اللي بششرشح بكن واخليكن تتمنين الموت وماتلقنه يا حقيررات....

.
.

موسى""
قرر يرجع البيت يفاتح امه بموضوع الخطبة


ام موسى جالسه تصلي وتدعي وتدرس فوق سجادتها... كملت وسلمت وبتبسره تجاهها مراعي


موسى: ساعتين وانتي بتصلي


ام موسى: ليش هو به احلا من الصلاه وذكر الله


موسى: ايووه به..ماعلينا ذلحين اشتي تدبري لي ميتين الف ضروري


ام موسى: لو تقول خمسه ريال ما املكهاش قد شلحتني تشليح


موسى: انا عارف انو مافيش معش بين اقلش دبري لي يعني اتسلفي والا اشحتي والا مادخلني انتي امي واعرف زلط الناس بيخطبوا ويتزوجوا وانا شيبت وانا عزابي


ام موسى ضحكت بإستهزاء : هههه منك صدق تشتي تتزوج وايش عتأكلها يا ابن ابووك... بنت الناس ماعتصبر عليك سعما بنصبر عليك احنا... وبعدا من هي هذه اللي اهلها مجانين يدوها لعند واحد سارق وعاصي والديه مثلك


موسى تنرفز من كلام امه: انتتي ليش هكذا كم اكرهش واكره صورتش اللي تجيب لي النحس هذه وانا مابين اسرق الا لانكم ما وفرتوا لي ولا اي شي بالحياه... ولمعلوماتش يعني... بنت الناس اللي بتقولي عليها هي ورد بنت اختكمم


ام موسى: ههههههههههههه والله خيالك واسع سير وماترجع الا وعبده مكسرك تكسير
محد عيقبل فيك ودعواتي دائما في طريقك الله يشربك من نفس الكاس اللي تشربني منه يا عاصي


موسى: خرجج صررع الباب قوي وهو بيشتم في الكل....













📚 @rewayatyamania 🇾🇪

البـارت 32 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


الساعه00: 7 الصبح..

رتبت كل شي حسب الجدول ووكفت كل شي تحتاجه بعدما ذاكرت ومستعده للاختبار لبست لداة المدرسه... كملت تتبرقع وبتبسر عيوونها وقبلتها... ابتسمت ابتسامه اعجاب بنفسها وردت لنفسها بوسه في الهواء.. تكلمت بدون وعي.. عيجبرني الباري بعافيتي محلاني ضحكت على خبالتها وخرجت للمدرسه وهي مراعيه تروح وتبسر عبد المطلب تجاهها
.
.

في المدرسه...
بتبسر فيض متكشخه بزي جديد زمت عيونها وبغيره: ليش تشتري وماتقولي لي يا خاينه


فيض: والله ما اشتريته انا اشتراه لي يزن من بعدما حكيت له قصه كيف اتسلقنا الشجره واشتط... فعلي درس وفركه اذن واشترى لي بعدا


ورد بغيره وقلاب صور : وماله مايشتري لي هذا يزن بيمكني ورد اختي اختي لوماوقت الزي نسي ان انا اخته


فيض: شضوي اقله من الدحس.. بعدا والله ان انتي احلا مني لو البس ايش ما لبست


ورد رفعت حاجب وبهنجمه: انا داريه... وبلفهةة خفعت فيض في كتفها لو تبسري ماوقع امس... وحكت لها ماوقع في بيت خالها كل شي بالتفصيل


فيض: يهي يهي قلك شخص يحبها عشان مدري ماهو... مابش هذا الكلام.. انتي تبسري مايقع لش الا عسكري منتوف مدمن شمه ولقفه ساع قاع الدست المذحل قلك يحبها لذاتها


ورد: خخخ قاع الدست والا قاع الهامور


فيض: بطلي زبج تيه الساع اعقلي مابش من حقش المزيقات هولا في الواقع


ورد بسرتها بحده : الا شلقى اللي يحبني لنفسسي مش عشان شي ثاني واذكررررش


فيض بعدم تصديق واستخفاف: عنقلهمممم


ورد بسرتها وبجديه: فيض خذيه مني وعد، ووعد الحر دين.. اول م القى الشخص هذا اول من شاحاكي هو انتي والايام بيننا


فيض: احلامش واسعه عتنصدمي ي اختي .
.

قاطعتهن الاستاذه بصوتها النشاز :'' انتين ماهو من ايش مركباتت واصل هدار وفوضى وقلة ذوق... البنات لهن ساعة من حن دخلين الفصول وانتين هانااا ساع الصرف....


ورد التفتت للساحه وفعلا ماعاد فيش احد قد دخلوا والساحه شبه فاضيه ...


الاستاذه: ماعاد قطع فيكن قاطع لا عاد قطع تهزيئات ولا عاد قطع تعهدات ولا عاد قطع شي يوم خارجات من الحصص ويوم نلقاكن فوق الشجر ساع القرود ومجبر في الطابور والفصل زعقه ولبان وفي كل مكان مشاغبه وقلة ذوق ... انتين مكانكن مش هانا مكانكن في المصحه تجننين هاناك جنان رسمي ومفتوح


ورد ببرود وبتسبر الزر حق كم بلطتها : والله صدقتي يا استاذه معش حق بسس معش وساطه والا تعرفي حد يتوسط لنا لانو شكلش مجربه الجنان هاناك


الاستاذه بلعت ريقها وبقهر ونظره من طالع لا نازل : قليلات ذوووق ومشيت


البنات ههههههههههههههههههههه

.
.

عند موسى وعبدالله

موسى: ما قلت لي معك دراسه مابتفعل هانا


عبدالله: ي اخي دارسه ايش الله يقلعها مدرسه كم اكرههاا لي ثلاث سنين وانا ارسب ...


موسى: وانت بطل ماتشتي بها حق ابوك يكفيك وزياده قلي انا مطفر ولا دراسه ولا شي عايش على البركه


عبدالله: قد قلت لهم اشتي ابطل بس اخي ماخلانيش وفعل لي مضرابي ادرس والا ادرس... انا اصلا مش انا داري ما ودف بي وخلاني اسايرك


موسى بضبح : اخي اخي... والله اخوك هذا طاغيه لو ماهوش موجود انك مرتاح وتفعل اللي تشتي... تصدق هذك اليوم كم تصايحت انا وريان على سبك مدري ليش رحمتك


عبد الله: الله يزيله كم اكرهه مهنجم فوق خلق الله كلهم يقصد... رؤوف... وانا والله ما انسى معروفك لي وجميلك عليا في ذيك اليوم...


موسى: انت داري شوقتني اتعرف على اخوك هذا .. ووصله اشعار رساله لجواله


عبدالله: اجلس بقعتك لا تتعرف عليه احسن لك اصلا لو يدرى ان انا بين اسايرك لا يعدمني.. وبيتناوط يشتي يبسر من من الرساله


عبدالله: نورنا ماقد به معك او مشبك معك مزه جديده


موسى: يا اخي قذا حاكيت نص بنات الخلق مامثل سماجه ومياعة هذه البنت ماعاد شلقاش


عبد الله: هههههههههههههههههه ليش!!


موسى: يا اخي قلت لها امس نلتقي ومن امس وقد دحستني متى عنلتقي


عبدالله وهو بيضحك ومستغرب: هذه مابش معاها اهل والا ماهو!!!؟


موسى: علمي علمك... يرحم الله ايام زمان ماكان نلحقهن من شارع لشارع من محل لا محل وعادي تقلب فوققك قززز لوما تهدمك... مابعض بنات هذا الجيل قدي بتتراشاك هي


عبد الله: عليهن لعنة الله


موسى: والله مش كلهن... ان انا اراسل بعض بنات واستحي على وجهي يا اخي تحسسك انك مكلف وهي الرجال.. بنات رجال الصدق

عبد الله: اي والله الناس اجناس... وذلحين ماعتسوي عتلقاها


موسى: بين اقلك قد برشت جلدي اسير ابسر نهايتها معاها


عبد الله: موفقق


موسى: الجميعع........







https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 33 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


وقتتتت الظهر في بيت عبد المطلب

عبد المطلب قام...و لانه وصل امس اخر الليل وصل رقد على طوول...

في المطبخ ويني ورد ي ماه


ام ورد ابتسمت اول ما بسرته : عاد الناس يقلوا صباح الخير والا جي سلم عليا اول


عبد المطلب حك راسه باحراج نسي انو كان مسافر وسلم على امه وحب ركبتها و راسها: والله ان انا نسيت اني مسافر السموحه


ام ورد: سهل سهل انا داري بابني مدكوم... وبعدا ورد في المدرسه اليوم سبت مالك قد بتخرف


عبد المطلب: والله ان انا نسيت قصدي ان اليوم خميس


ام ورد: خميس مه قد مأرب ربشت عقلك او ماهو


عبد المطلب مشى وهو بيضحك: ايووه يمكن اسير ادي ورد من المدرسه ونرجع نتغدى


ام ورد: رضي عليك يا ولدي امس ابوك فارح طول الليل بالخصم الله يسعدك مثل ما بتسعدني


عبد المطلب وهو مبتسم لامه: آمين يارب كونوا زيدوا من هولا الدعوات حاليات قوووووووي


ام ورد: تمام ولا يهمك اصلا مابين انساكم انت وخواتك


عبد المطلب باستغراب وهو ناسي هناء تماما : خواتي من.! ورجع ذكر... اهااا.. حالي كونوا ادعوا لنا واصل


ام ورد: ابشرر اخطى هاه عيجي ابوك ذلحين


عبد المطلب: تمم ومشى

.
.


فوق سيارة الثلاثي حقنا 🙊💗...

رؤوف مشغل شيله نعلم لنا والله لنا كسابه الهيبه لنا... لاخر نهايه وبيغني معه ويطبل في السكان


ذياب التفتت للورا : يا يزن ادي له هذا عصير ليمون يهدي من اعصابه شويه عيقرح له عرق


يزن: ههههههههههه راعي عند اقرب كوفي وحاسبني واعرف ليمون لاحلا ثلاثي


رؤوف بسرهم بنظرات وهو مبتسم و رفععع الصوت اكثر وبيغني ومروق ويحانكهم


ذياب بصياح عشان يسمع قد الصوت قوي قوي والكل بيبسروا لعند السياره : اصههه هو انا اللي خطبت مشو انت بتزقع هكذا


رؤوف بيضحك و بيبسره وجالس بيدندن


يزن بسر ذياب مابش فايده ابرد لك والله انو عيكسر راسك لوما نوصل بيستقضي حن بنطلع فوق سيارته


ذياب: هو فاررح البحث حقه طلع برفكتت والدكتور مدحه شويه في القاعه وعند البنات قدو بيقلد علينا


رؤوف رفع حاجب ووطى الصوت شويه: هووووب ومن ايحين بين اهتم الفت انتباه البنات لعندي اصلا انا لفت الانتباه بكله هو من اشد معجبيني ... ورجع رفع الصووت وبيصفق ويصيح ومكيف باقوا قواته


ذياب ويزن كتموا ضحكتهم وهم بيبسروه بيغني ويسوق ويسررع ويفحط: الحمد الله على نعمة العقل


رؤوف بابتسامة استفزاز : خلينا العقل لكم يا قلبي... وذلحين عتنزلوا نتغدى اي مطعم تشتوا اطلبو وادللوا


ذياب: طريقق البيت قد امي مضايقه قالت بتسروقني منها


يزن ضحك: يااااي وصله الماما عتزعل بعدين وتقطع عليه المصروف


الكل: هههههههههههههههههههههههههه

.
.


ذاتَ يوم تساءلت..
هل من الممكن أن يظهر أمامي شخص كل ما نظرتُ إليه تذكرتُ اتّساع السماء؟
أو ربما حينما أنظر للسماء أتذكر اتّساع قلبه ومدى نقاءه؟!!!! 😴🖤



باب المدرسه وهن مروحات

فيض: والله ان انتي عتجي يعني عتجي واسمعيها يمين


ورد بضبح وتغطي عيونها من الشمس : اووف احد بيقلش تحلفي... بين اقلش حرام ماعاد فيني طافه اروح للبيت قلك عرس سيري انتي هي صاحبتش والا صاحبتي انا


فيض: هيياا بغير نذاله وانتي والكل تعرفيها... وبعدا اول مره ابسر شخص مايعجبه الاعراس هو انتي


ورد: مش قصة مابيعجبنيش بس قدنا تاعبه الصددق


فيض: تاعبه والا بتتعذري حن من بسرتش قالت عتخطب


ورد: يخخخ كم خصمي في هذه السيره اين ما سرت مابين اهرب الا منها


فيض: وانتتتي دعممي بسس طووز دخلي من اذن وخرجي من اذن... اح اح لو انا انتي ان قد انخطبت بعشره المشكله محد بيودف لعندي


ورد ابتسمت على هباله صاحبتها: مجنونه صدق وبتبسر عبد المطلب جااء بالسياره رجعتتت روحها... وصاحتت تلقائيا عبااااادي جاااااءءءءء


فيض خفعتها : ناهيجج اصه من التبداع درينا...


عبد المطلب بيأشر لورد تجي


فيض لفتت لورد : يله مع السلامه .... ومشتت


ورد مسكتها: ها هاه وين عتسيري حرام ما نطلع الا جمعه


فيض: معع مشتيش شويه ووصلت من الخباله مابش داعي امشي انتي بس قدو بيطرق لشش ومشتت بسرعهةة


ورد بقهرر وصياح : انا شارويش ياكلبه


فيض: اتوكفي عشان العرس والله ما اخطى الا بشش


ورد طلعت فووق السياره وهي بتحطم في فيض : كلببه انا شاوريهااااا اليهوديه


عبد المطلب بابتسامه وقدوو فاقد لاخته: من هو انا!!!؟


ورد لفتت له وبحده : ليش احد قال انك بنت لوما توقع كلبه


عبد المطلب وهو بيمسك ملاجعها" خدودها": هههههه مع... كيف انتييي يا هبلااا وحشتيني خيرات


ورد بفرحه : الحمدلله بخيررر.. وبلعانه عاااع قووول بغيرها ما اصدقشششش عبادي يترمسسس


عبد المطلب بيقلد انه زعل : هو محد يرمسس واحده فيها جفاف عاطفي


ورد: هههههههههههههههههههههههههه


عبد المطلب؛: جعل دوم.. ولفت لها مالها اخت يزن ماتطلع


ورد: ...












📚 @rewayatyamania 🇾🇪

البـارت 34 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


عبد المطلب؛: جعل دوم.. ولفت لها مالها اخت يزن ماتطلع


ورد: مدري مالها طارت من عندي فجأه مشي عوايدها


عبد المطلب وهو بيسبر الشال ويتوضع ويبتسم : اهااا


ورد بسرته بشقصه: ايش وضعكك انتت بسمات وحركات والله ماهي داريه اين الله طارح لك معاها عرس بعد الغداء معاجله على ميده مشو بتستحي منك لا تتأمل


عبد المطلب بدعممه ضحك : تمام
.
.


في الجامعه

رانيا: يووووه الحمدلله شربتت واتحسنت قوووي تسلمي لي يا بربر
فديتششش


براءه: ولو ياقلبي انا في خدمتكن انتي وهناء من هو معي في هذه الدنيا اغلى منكن


رانيا: ماااشي بس قلي لي حق ايش هن يعني لوما يهدئين الواحد هكذا
وليش انتي ماقد بسرتش تشربي منهن ولا مره


براءه: هن من حق التحسس يعني انتين بتزيدين الشيشه ويجي لكن كتمه ودوخه وهن يخفيين الدوخه والضيق بس


رانيا: يعني مضاد حيوي


براءه بتلفيق : ايوه تقدري تقولي هكذا... الا ماقلتي لي ويني هناء؛!!!!؟


رانيا: هناء وما ادراك ماهناء قدي مجنونه قاطعه على الولد اللي تعرفت عليه اخر مره استغربت منها قووي... قالت اليوم عيلتقوا


براءه: اهااا سابرر ارجعي مكنيها هولا وقلي لها تحاسبني وناولتها الحبوب


رانيا شلتهن : تمام ولا يهمششش يا قلب

.
.


عبدالله: ها هاه مالك انت عتسير هكذا هوغر تفجعها والله ما غير


موسى: كان ماتشتيني افعل


عبد الله: ي اخي اتكشخ شويه وحمم شعرك المقعش هذا اتشيكك خليك جنتل اتعلم من اسيادك وبيأشر لنفسه بهنجمه


موسى: هياا ناهي لك اوعنخطب


عبدالله: اخطى وقل بعدك يا عبوود


موسى قام: بعدك


عبدالله وهو بيناوله السويس: هاه هاه راعي قد شليتت السياره حق ابي احمد الله انو مسافر... وقد ندعت لامي كذبات ان صاحبي مريض واشتي اسعفه ماكرها رضيت تدي المفتاح


موسى وقدو فارح ومش مصدق بنفس الوقت : اسسلم اسسلم مع انك صغير لكنننن خطيررررر ونزغه حرررام انك نعمه وطرحها القدر في طريقي


عبد الله: سلمتتت واجبي..انت افعل سعما قلت لك بسس .. وساعتين والسياره عندي هاه مش تتأخر قدك داري بالقصه


موسى: ابشرر بعزك خاطرك ماعاد في نفسك


عبد الله: يله فااارق


موسى ابتسم وبيزقع : خاطركككك متواصلين يا روحي


عبدالله بسره وضحك: يا روحي قل لها مش لي يا مدكوم قد بتربش ههههه


موسى:انت انت وهي طز فيها.......
.
.

عبد المطلب وهو بيشتغل في اللابتوب

ورد وقدي تاعبه من كثر البدال: طلااااق حرااام ماعاد اسيرررر بالمرره اوووف ورجمت الطقم من يدها


عبد المطلب بسرها وبضبح: امانه قد راسي بيوجعني وفيني دوخه قلت اجلس افتهن لي شويه من الشغل في المحل جيتت عند هذه اللغجه... يا بنتي والله انش قمرر وعسل وقبله من غير اي شي اخطي بس من الدلع حقشش


ورد بوزت مشافرها : انت مابترضى تقطفني خبر اسكه ابسر اين احلى افعل شعري ذيل حصان والا ظفره والا ارفعه بمساكه وبتوريه كيفه تفعل


عبد المطلب وهو فاطس ضحك : اول يوم ادرى انش جاهله بين اقلش انتي بكل شي حاااليه وبعدا ما افهمش انا في هذه الاشياء.. وبمعراصه لوما اتزوج وانا شرجع اختار لش معاها وعددد


ورد: هيييا ماهو ماذلحين قد بتحشي الزواجه في كل شي ماقد به معانا


عبد المطلب ضحك : معانا عررس قطبه عيخطوا عليش


ورد: كرررريهههه يخخخ... وحلفت ماعاد تغير اللي فوقها كانت زنه مخرزه روعه لونها زهري فاتح وماسك على الجسم ونص كمم وقررت تخلي شعرها مرفوع بمساكه مشت وهي بتدعي على فيض ان هي ورطتها

.
.

في المطعممم..

هناء مراعيه لها نص ساعه: اوووف وينو هذا والا بيكذب عليا وتبسر نفسها في المرايه


موسى وصلل وعرفها على طوول لانها رسلت له صورها من قبل 🤦‍♀️


هناء اشرت له والابتسامه اربعه في اربعه

وهو جاء لعندها جلسس وهو مفتحح عيونه كيف هي مبرجه وممكيجه وعلى سنجه عشره


هناء بتبسره باعجاب: مالك بتبسرني هكذا او ماعجبتك


موسى ...














📚 @rewayatyamania 🇾🇪

البـارت 35 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


هناء بتبسره باعجاب: مالك بتبسرني هكذا او ماعجبتك


موسى والله ان انتي اتفه من خلق ربي الله يصبرني بس لوما اروح رد: لا لا بس مفهي في جمالششش ما شاء لله طلعتي احلى من الصور


هناء بتبسره وقد عتطير من الفرحه: وانتت كمان ما شاءالله متويسمم اليوم ووجهك منور يمكن بشوفتي صح


موسى بضحكة قهرر وهو محرج من تفاهتها : صححح اكيددد


هناء: مالك مستحي هكذا ومحرج وبضحكه مايعه...><<<<ياسعم محرجه ههههههه <<<هع

مافي البيت الا اهله... وبتتكلم وكأن في لقفها خشبه بتخليها تعطف الكلام وتلبزه ياسعم بتدلع... وحركاتها زي حركات المشلولين


موسى كاتم ضحكته بالغصب: لا لا مش مستحي ولا شي يتهيأ لش بسسس


هناء بمياعه : المهم انا حبيتك من اول يوم تعرفت عليك وعجبني فيك كل صفاتك وربيييي ما اكذذذب


موسى بسرها وابتسم تسليكك: تسلمي من ذوقش والله


هناء شخرررت: وانت ايش اكثر شي عجبك فيني


موسى وهو متقرف الجلسه معاها وعلى غير عادته من طبعه لصقه عرض البنات: كل شي فيش حالي ماشاء الله


هناء: تسلمم حبيبي جعلني م انحرمممم.... وجلستتت تهدر وتتميلح.. لما طفشش موسى منها قووي...


هناء حستت على نفسها انها زيدت في الهدار: خلاص ياقلبي انا مضطره اروح والله فارررحه اني بسرتك وتعرفت عليكك.. وان شاءالله الجايات اكثر يا قلبي


موسى وهو شارد انقلعيي الله لا ردش جعلش سياره في الطريق تفحس ابوش فحسس لوما تبطلي مياعه


هناءبصوووت ماااايع قووووي:موسى يا روححححييي وين حسك!!!؟


موسى بسرها وابتسم تسليك : ان شاءالله ان شاءالله نلتقي اكثر واكثر اتشرفت فيششش


هناء: لي الشرف والله... سي يوووو حبيبي ومشتت


موسى مسح وجهه بضبحح وبقهرر : يوووووه ماهي هذه من ادميه الله يقلعش قرفتيني نفسي مشو بحق ما اتسلفنا السياره والاداه لو انا داري ما كنت اجي


هناءخرجتتت وهي فااارحه قووي وبتجابر نفسها : بس والله حسيته ضابح وتصرفاته غريبه.. يمكن محرج اكيد محرج عادها اول مره.. التفتت و بسرت سياره تشبه سيارة ابوها اتحققت من الرقم طلعت نفسها صددق افتجعتتت قووووي يووو ابي مابش هوو ابي مسافر!!!؟... يمكنن لاهو عبد الله وطلعت فوق سيارتها بخوف وربكه يارب وهو مابسرنيش يااارب ومشيتت وهي تدعي وخايفه
.
.

في القاعه
ورد بضبح : هيااا جينا هاه ما وقع لش قومي نضوي هيااااا فيضضضض


فيض بسرتها بنص عين: انا مالش مالش ساع الملقوصه عاد احنا وصلنا قلك نروح اجلسي سكته حرام ان به عرس يفتح النفس ابسري ابسري على صاله وعلى ذووق كل شي فخممم وربي


ورد وهي بتتلفت وتبسر : عااااادي قووي لا تكونيش تزيدي


فيض: عنبسرش ماعتفعلي في عرسش يا قمرر


ورد: شفعل كل شي ان شاءالله اصبري عليا بس


فيض: صابرين انتي بس هجعيني من الدحس وخليني اتعرس


ورد: يووو والشره اللي فوقش ما شاءالله


فيض دكمتها: ورد اببسري ابسري هولاك اللي لابسات سوا ما احلاهن ما شاء الله


ورد وهي بتبسرهن : حاليات لكن هذك اللي شعرها طويل باين عليها نفسيه وزناطه وبتتخايا نفسها قووووي


فيض رفعت حاجب: ما شاء الله والتحليل السريع وانتي مادراش قد بتحكمي على خلق الله... وعلى فكرره انتي مثلها نفسيه ومغروره قوووي اللي يبسرش من بعيد


ورد: والله انششش كذابه ومابه اطيب من قلبي.. ما لوشي ما جيت معش وانا تاعبه


فيض: انا داريه.. يابنت تقولي ما يقربين لسما!!!؟


ورد: مدري والله وبغيره انسيهن واذكري الله احلى لش


فيض وهي مبتسمه: يستر على اللي بتغار يستر فديت صاحبتي القمر


كملت الزفة وطلعين يسلمين على سما

بعدما سلمين... فيض والفضول عيقتلها تشتي تدرى منهن : يا سما من هن هولاك اللي حولش من اول ولابسات سوا!!!!!؟


سما بتبسرهن وتأشر عليهن: هولاك بنات عماتي واللي لابسات اخضر بنات خالتي وبتشرح لهن


فيض : اهااا باين عليها زناطه قووي قدي مخطوبه صاح!!!؟


سما: ايوه عادها انخطبت قريب بس تبسريها زناطه لكن لما تتعرف عليش مابش اطيب من قلبها والله


فيض: اهاا يله لاعد نجس نهدر وانتي عروسه عيقلوا عروسه كثيرة هدار هههههههههههه


سماء: هههههههه طوزز فيهم مايهمونيش


ورد مسنبه في المنصه وبتبسر فيض وسماء وتبتسم لهن تسليك وهي نفس المزهريه وسط المنصه التفتت بتبسر البنت بتتقدم لعندهن للمنصه وهي بتسرع مدري ايش زلجوها تدي...


ورد برعبه: ااااااا اعصابش انتبببههههيي ومسكتها


البنت وقدي....












https://tttttt.me/joinchat/AAAAAEIz_KDfjDgo7Gaxwg




📚 @rewayatyamania 🇾🇪

البـارت 36 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ورد برعبه: ااااااا اعصابش انتبببههههيي ومسكتها


البنت وقدي عتقتعس وماسكه بورد يوووو الله يقلعش يا فطوم ليش ما تجي انتي دايما تودفي بي وقامت وبتتعدل


فيض بتبسرها بتشفي وفي نفسها تستاهلي حق الزنط حقش


البنت مشتت طوالي لعند سماء وماعبرتهن بالمره


ورد بقلة صبر وهي بتحطم بخفيف : الله يقلعش عاد الناس يقولوا شكرا حتى وسارين يجلسين


البنت كلمت سماء بالمطلوب منها ومشت

ورد بتبسرها وتقلب عيونها وبهمس.... يخ ما قد معش ما مزيده على خلق الله لوما بتزنطي هكذا مابسرت الا البنت جايه لعندها


فيض دكمتها: ياي ورد ابسري ابسري البنت جايه لعندنا والا بيتهيأ لي


ورد وهي بتشتت نظرها ياسعم ما بتبسرها:ايفتتتت يا هبلا


فيض: اومه ان نفس الصندل اللي شلينا لخطيبة صاحب يزن


ورد لفت لها وبتفحص: اي وربي حتى انا لاحظت والدبله والمحبس والكل نفس اللي شلينا لها


الثنتين بصوت واحد: لا تكوننننن هييييي!!!!!!!!؟؟؟


البنت وصلت وهي عادي قووي وبتبتسم صح بتزنط بس متواضعه بنفس الوقت


اتكلمت باحراج: والله اول كنت مستعجله وما فضيت اشكرش اسلممي ياقلب والله كانت عتوقع لي دربه لوما اكسرر اسناني


ورد وهي مقعيه لعندها وابتسمت تسليك : عادي عادي ما به شي


البنت جلست وتربعت جنبهن وبتتحسس ظهرها : اه ه ه قد ظهري مكسور يفف كما العرس من الاهل ولا يخلوش ترزي ويمكنوش سيري جي وبتتكلم بعفويه وعادي قووووي


ورد استغربت حركاتها من بعيد غير ولما تجابريها غير


ورد: اي والله تعب


البنت بابتسامه وعيونها على عيون ورد : المهم ايش اساميكن عرفني عليكن ماشاء الله عيونش والا عدسات


ورد ركزت واستحت : عيونننني 🙈💜


البنت: ماشاء الله فظيعات الله يحرسش من العين...


وبعدالتعارف...


ورد: شوفي قد ادينا لش السيره الذاتيه بكلها ذلحين دورش هههههه


البنت هههه: تمام... انا وتين ال.... عمري 19.. خريجه ثانويه وبضحكه وماعاد تشتي


ورد دكمت فيض وبهمس: والله شكلها هي


وتين بزبجه: مابتقولي لها من اول وانتي بتدلكميها حرام عليش هههه


ورد باحراج ونفسها تعرف: ههه ماشي ماشي متعوده عليها .. بسس انتي مخطوبه صح!!!؟


وتين بحياء ولمعة الحب في عيونها : قبل اربعه ايام يمكن انخطبت لابن عمتتتتتتتي


ورد بردة فعل سريعه : وايش اسمه!!!؟


وتين ضحكتت: تحقيق والا عتخطبي ههه امزح اسمه ذياااااب


ورد بصياح وصدمه لفتت لفيض: والله انو هووووو


وتين باستغراب: من هوو ماله ذياب او بيحاكيش ويعرفش!!!؟


ورد دقت راسها بخفيف: لا لا بس هو صاحب اخوها وتأشر على فيض وفيض عليها تهز راسها بس ساع الهبلا هههههههههه


وتين: صدددق لحظه وانا اقلش من منهم هو ما معه الا اثنين يجلس يدحسنا عليهم..

الاول هذك النخيطي ابن الكاسر... والثاني على ما اعتقد اسمه مازن صحح اين هو منهم اخوش !!!؟


فيض بدفاشه: يزن يزن... هو اخي


وتين بفرحه: ايشش الصدفه هذه والله اتشرفت بمعرفتكن قووووي.. وانتي بنت الكاسر صح وتأشر لعند ورد


ورد ردت سريع: لا لا انا بنت ال... .. بس اختي من الام اخته وهي ساكنه عندهم عند ابوها يعني ما بتجيش عندنا الا راس السنه وحتى بيت اخوالي ماتعرف تدخله


وتين: يووو ليش!!!


ورد: مدري طبيعه فيها... حتى انا ما اعرفش ادخل بيت ابوها هذا ولا حتى اعرف مخلوق من عندهم وهي نفس الشي ما تعرف الا اخي بسس


وتين: اهاا المهم حاالي قوي اتعرفت عليكن.. وقامت معي عمل ذلحين شاخلي سماء ترجع ترسلي ارقامكن ماعاد تشتين ناقصكن شي والا شي


ورد: ماشي اسلممي الله يحفظش


وتين اشرت لهن بمعنى بااي


ورد وعادي مفهيه فيها وبتبسر بعدها : فييض ابسرتي كيف هي ذووق وتواضع ومنه كلهةةة واحنا فكرناها نفسيه


فيض بضبح: فكرتيها انتي خصي نفسش ما انا ما تحاكيتش


ورد بصياح : كذابه والله ان انتي اتحاكيتي وزد عند الكوشه وللعروسه ل وشها


فيض بضحك: اصه اصه من التبداع الله يرجش...


ورد: امينن


فيض: هياا نضوي والا عجبتش الجلسه ماذلحين ومن اول دحستيني في روحي


ورد زمت عيونها ببراءه : زد شويه نبسرهن وهن بيرقصين


فيض ضحكت : اح اح الله يصبرني على مزاجيتش هذه ...











📚 @rewayatyamania 🇾🇪

البـارت 37 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


ستَحب ستُكسر ستُهمَش ستنهض ستصرخ ستتألّم ستعتاد ستتأدب ستتحسَن ستنسی ستنضُج ستبتسم ستجتهِد ستتجرأ ستصل ستسعَد🖤.



في الليل جاالسين كوولهم وسامرين ابوها بيتفرج الاخبار

عبد المطلب بيانتر بتلفونه ومندمج ورد بتذاكر في الصاله وتكتب واجبها

ورد بتكتب عين في الكتاب وعين عند عبادي ندعته في رجله: ماهي البسمات هذه قلي بحجر الله


ابو ورد التفت لعندهم


عبد المطلب وهو جالس مبتسم وعينه على التلفون : هذا عمي محمد الله يحفظه بيحاكيني


ورد: ايووه ولا هو بيحاكيك تتششخور كذيه


عبد المطلب وهو بيضحك: هو بيمدحني وانا لحد مدحني اضحك
وبعدا مالش بتتقارحي او العرس مأثر فيش


ورد: ايوووه هولا ناااس سواء لو تبسرر على صال...


عبد المطلب شهقق : محجوره بحجر الله لا تحاكيتي اشتي احاكي الرجال وانا داري باختي لافتحت لقفها ماعاد عيتغلق


ورد وهي مفتحه عيونها كيف طاير جبتها ي ابن سعيدد اليهو.... ومشتت للمطبخ لعند امها وهي بتسبر العشاء... يماااااه اشهدي على عبااادي


عبد المطلب وهو بيضحك منها صاح لها : عاونيهااا يا كسسسسسله امي تفعل العشاء وانتي تجلسي


ورد: صاحت من المطبخ: اناااا بين اذاكر من المطابزه بطططل يخخخخخ


عبد المطلب ضحك : كريهه


ابو ورد: اللي عيبسركم حن ترحلك والا ترحلها يا ساتر والحنج والاخوه لوما غر تجتمعوا وانو واصل صياح وقصف جبهات


عبد المطلب: هذه الموضه ي ابه وبزبج تشتي نقصف جبهتك


ابوه بجديه: قررر وارزا جلدك بيحكك مه


عبد المطلب في نفسه يا لطيييف والجديه مابش هذا عنده صفاد سكتت بكبده



فوق العشاء..
كلهممم بيبسروا ورد

ورد بتبسرهم وقدي مبلوده: ماااالكم كلكم بتبسروني او فيني حاجه غلط وبتتفقد نفسها


عبد المطلب: دامم وقد احنا مجتمعين كلنا هنيه معي لكم كلمتيين ..


امه : خير ماقد به!!!؟


عبد المطلب: مابه شي كله خير.. امس حاكاني فارس ابن العاقل ان هو يشتي يتقدم لورد ودعممت.. واليوم امجد ابن الحج علي حاكاني وانا خارجي من الجامع هو و خاله قالوا يشتوها لامجد


ذلحين ماهو على من نرد!!!؟


امه برد سريع: وانااا مرة مؤيد ابن اختي قالت تشتيها لاخوها هو درس في امريكا ومرتاح قووي ومثقف يعني عيسعدها


وردد بتبسرهم وقد نفسها تاكلهم جالسه وساكته وعيونها غورقين دموع


ابو ورد: يهيي هااات هذا قدش ملكة جمال او ماهو لوما كلهم محوسين عندش


ام ورد بسرتها باعجاب : الا قمر وادب واخلاق ما شاء الله وتبتسم لبنتها


ورد: ماقدرت حتى تبتسم مجامله وقامتت تبكيي


عبد المطلب: مااالش ماقدقلنا ذلحين وبعدا ماقد ردينا احد خبر وما عنخطب الا بموافقتش لا تغثيش روحش ولا شي


ابو ورد: هيااا ناهي للدلع هن الا دموع الفرح لا تصدقش لها


ورد بتبسره بحقد كبير


ابوها: عادو موسى والكل حاكاني قال هو يشتيها وبينه وبين خالته حكايه وان هي قد ردته بالموافقه


ام ورد مسكت صدرها وشهقتت : يوووو يوووو والكذب ماقد حاكاني ولا قد قلت له وبعدا قدبان انو كذاب من هنيه


عبد المطلب اتنرفزز: ماهووو الجنان والله لو قد موسى اخر رجال في العالم ما ازوجها به


ابو ورد: ليش ماله وبعدا عادو ابن خالتها واولى لها من الغريب


ورد بتبسرهم سكته وقدي مكبوده


عبد المطلب: هذا الناقص آخرتها تتززوج لعند هذك الصعلوك.. وبقهرر سارق سرسري كلهنن فيه


ام ورد: بسس خلاص اسكتت وانت


عبد المطلب قام وهو ضابح الف: واقسمم بالله ما تدخله لو على جثتتتتتتيي


وردد صااااحت: اووووص بتتصايحوا ومش عارفين بايش شاردكم مشتيشش احد خلوني ادرسس اسكه هجعوني من هذه السيره ودخلت غرفتها وهي بتبكي


حستت بضيق وحزن كبير تعبت من هذه السيره موسى ليش الكل بيشتمه وانه مش هو رجال صاحباتي عبد المطلب وامي وخوالاتي وكلهنن هووووف ماعاد اشتي احددد وبكتتت بقهررر



‏









📚 @rewayatyamania 🇾🇪

البـارت 38 🖤🥀


جــروحـي اتعبـت روحــي


👌🏻👇🏻 😍
📚 @rewayatyamania 🇾🇪


- ‏أخاف مني واسأل الله دائمًا بإلحاح أن لا أرتكب خطأ في لحظة طيش أو إندفاع قد تُكلفني ما لا أستطيع إصلاحه .🖤😴



في الشارع..
عبدالله بضبح ولدحه : لا ذلحيين عادووو حين كان عتتأخر شويه ي خووك


موسى بضبح:والله ما كنت اشتي اتأخر بسسس


عبدالله قاطعه: مالك قلت لك تجي حين ذلحين ما اقل لامي اسسسكه


موسى وقدو ضابح لا الف: يا اخي اطبعها في وجهي هذه المره والله ان انا سرت فعلت لي ليه قد كنت ضابح قووي


عبد الله: يعني ماعجبتش صاح


موسى: لا عاد تذكرنيش امانه حرام ماهو بحق الهوكه هذك كلها... ذلحين هاه شل السويس وقوم لا يصيحوا فوقك


عبدالله شله: تمام متواصلين


موسى: ان شاءالله... فتح الواتس وبسرها قد رسلت فوق ثلاثين رساله وهي أونلاين
نفخخ بضيق منها... ورد على اخر رساله... ويننك بيبي 🤦‍♀️


موسى طبع رد: انا سرت عند ابن خالي وانشغلت


هناء: اها حلووو معك اخوال وعيال اخوال وما تقليش!!!؟


موسى: ليش اقلش او... ومسح وكتب ماقد فضيت اكلمش


هناء: اهاا انا والله ما احب اخوالي اكثر اوقاتهم مسافرين وجدتي اكرهها كره العمى دحاسه هخخ.. وخالاتي مزوجات وكل واحده عايشه حياتها تقدر تقول ماعرفهمش وزيهم زي الغريب


موسى من بيقلش تسردي لي قصة حياتش ذلحين رد: لييش، وانتي والله جمعات الاهل مافي احلا منها


هناء: ليش بتتقابل انت وبنات الاهل!!!؟


موسى: لا ماشي بس اقصد الاهل كلهمم بنات خالي وبنات خالتي مانقابلهم بالمره ومانعرفهم الا وهم صغار بس


هناء: اهااا ريحتني يا قلبي...





الساعه 2:00 الليل
رؤوف راقدد في امان الله بعدما تعب وهو بيذاكر ويجهز الملخصات

رن تلفونه رؤوف وعادوو نوم : من عيتصلي هذا السااع وشل التلفون وعاده نووم همم


ذياب: راقد او مه!!!؟


رؤوف بيتعرف الصوت : مارأيك مايفعلوا هذا الساع!!!؟؟؟


ذياب: اها خلاص مع السلامه كمل نومك


رؤوف وعادوه ملانه نوم وكرها بيخرج الحرف: ماتشتي ي مدكوم هذا الساع او فقدت لي


ذياب ضحك مع انو ضابح على اخوه: هههه ي اخي مدري منين بتدي هذه الثقه كلها عتفقدك على حلاتك..


رؤوف: كان ماهو الجنان ماتشتي فيك شي ضابح مريض مالك!!!؟


ذياب: مابلا قلت اقلك تشل حقي البحوث وتناول الدكتور لاني غطوه ماشادوامش


رؤوف انتبز وبجديه: ليشش امانه مالك ي ذياب


ذياب بخنقه: اتصلوا لي قبل شويه نواف صدم


رؤوف بصدمه: قلدك الله وما وقع فيه كيف هو ذلحين


ذياب: الحمدلله مابش حاجه خطيره.. كسر في رجله وفي جنبه وشوية ادحاس سلم الله عليه


رؤوف: الحمدلله على سلامته... قدر ولطف... وين انتت ذلحين!!!؟


ذياب: الله يسلمك.. انا في المستشفى


رؤوف قام يلبس : هو في العلوم صح... يله جيي لعندك ذلحين


ذياب: ايووه في العلوم... لاعاد تجيش والله مابه داعي الصبح قريب


رؤوف: ماتدخلش انت ويله راعي لي.. تعشيت!!!؟


ذياب: ماشي عادنا مخرن


رؤوف: يله شدي لنا عشاء واجي مع السلامه وغلق


ذياب ابتسم وارتاح قووي بعدما حاكى صاحبه وبهمس : اول مره ما يغلقش وعادنا بين اتحاكى... طلع يعرف الاصول وبيقدر المشاعر هههه





صاحبي لا ضقت اسرع اشكي له
وان دعيته من اول صوت ويجاوب

الوفي م طلب محتاج ندي له...
صاحبي ماتركه مغلوب او غالب
«« »»
بعض الاصحاب شامخ لا دفق سيله...
يروي الارض ذي هشه وذي صالب..

شخص ما يعرف الحيله ولا الميله...
اشهد انه سلاحي لـ العنا ناشب ❣️


منقوول
الشاعر: يوسف شذان "الفتئ البداع"





الصبح

وديان قامت وعلى طوول الوظيفه حق يومية غرفة رؤوف...

استغربت ان الباب مفتوح ودخلت وان هي فاضيه


وديان: وين سار هذا من راس الصبح مشت تدوره وهي بتداعي باقوى صووت ي رف رف، رف رف ياااااا رف رففففففف


عبد الله خرج من غرفته بصياح: اووووص جعلش رف رف سياره يدقدقش دقدقه ماهو الجنان حقش

وديان ببرود: ما تدخلش مني صوتي والا صوتك... وبعدا معك مدرسه يا محترم قووم افعل لك كلمتين وصلي جااي تتفلسف على من هو اصغر منك...


عبد الله: يهي يهي العلامة من


وديان وهي بتتخايا نفسها : النابلسي


عبدالله بيصابر روحه : الجنان قفي من هانا يله ولا اسمعع لش صوت والله لو عاد تزيدي تشولحي لا اذبحش


وديان بثقه : حشهااا، بلططط البحرررر

ونزلت تدور رؤوف....


ام رؤوف في المطبخ..


وديان: ي ليلاه امي اليوم قامت بحين على غير عادتها


ام رؤوف: انا بين اقول كوني اتحاكي معي ساع الناس مش انا أيهم والا ميهاف اصحابش انا امشش امشش بتفهمي


وديان: تمام ناهي... نسيتيني ما اشتي اقلش...


ام رؤوف:وترجعععع


وديان بدعمه: ايوه صح رؤوف مابش هو في غرفته وين هووو تقولوا !


ام رؤوف وهي بتكسرر البيض للصاج : وينه انا ذاهنه من فجر ما قد حد خرج


وديان: وجعلي امووت انه مابش هو


ام رؤوف حملت شلت تلفونها وبتتصله...



https://tttttt.me/joinchat/AAAAAEIz_KDfjDgo7Gaxwg