.

البـارت 451 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


هاني حس بقلق كبير على نجاة هي موعدها في رمضان من الساعة ٨ الصباح للساعة ١٢ وبعدين من الساعة ٨ الليل للساعة ٢ الفجر ، وما يبدأ دوامها إلا وزارتهم ورسمت إبتسامة ونشرت الطمأنينة في قلبه اليوم وينها رغم ما يعرف الساعة بس الحس عنده عالي بالوقت ، حس بشي غريب في غيابها إنه مش مرتاح إنه يشتي يشوفها محتاج لطمأنينة قلب بشوفتها ووجودها أعتاد عليها وغيابها ضيعه حس بضياع وإنه تايه وبفراغ فراغ كبيييير


عند همدان
يشوف أمير قدامه ودموع تنزل بدون ما يتكلم ووجهه شاحب وعيونه فيها حزن العالم حضن نفسه يحاول يهدي نفسه حس فيه هاني وراح حضن صاحبه خلاه يبكي بهدوء لما غلبه النوم
.
.

في المستشفى

الكل مجتمعين والتفتوا لما جوا

أبو هاني: ما فعلتم؟

أبو ياسر ضحك: قد القسم يعرفوني أشد معرفة قد أنا وهم خبرة من كثر ما دخلنا لعندهم هذه الشهور

الكل ضحك بدون شعور

رامي: قدمنا بلاغ إذا في جديد بنتواصل

إياد عدل وقفته: خلوكم مجتمعين بكلم الممرضة اللي طلبت الكل

نزل كلمها وجمعت بعض الممرضين معاها وطلعوا بدؤوا يفحصوا ضغط الكل وكمان يفعلوا لهم بعض الفحوصات اللازمة ، ولأن الكل في هبوط كبير أجبروهم على الفطر وجابوا لهم مغذيات الكل بدون إستثناء وكلهم في غرفة واحدة

أبو روان بهمس: أبوك من لما عرف إن ولدك اللي عنده هو يزن ولا عاد تكلم إلا لما سأل عن حالهم

أبو إياد: هذا الهدوء ما قبل العاصفة

ضحكوا بدون ما يحسوا وكتموا ضحكتهم على طول

@rewayatyamania المصدر الأول للروايات

الكل في الحارة
الجهال فوق البيت يشوفوا ، فضول الجهال المعتاد ، الرجال في الشارع كل واحد يتكلم كيف كان في بيته وكيف حصل معاهم وكيف أرتعبوا واللي يقول اسعفنا من البيت فلان وفلان لان الفجيعة كانت كبيرة ، النسوان في كل بيت مجتمع عندهن بعض نسوان الحارة يتكلمين ، وللأسف أغلب الحارة فاطرين على الفاضي اليوم بس شربوا ماء وحاجات ترفع لهم الضغط من بعد الفجيعة ، وبعض الإعلاميين جوا متأخر عملوا تغطية إعلامية حول الحادثة وراحوا

أما في بيت أبو روان ، الكل حالتهم العن من الثاني لكن الكل حسهم عند سارة اللي للآن ما إستوعبت شي غير إن البيت إنفجر بعمتها ويزن

آسيا قامت تشل بنتها ووِد هربت وجهها وحضنت أم هاني

آسيا إقتهرت: زاعلة من أمش يا روح أمش

أم هاني حاضنة وِد: الله يهديش يا آسيا الله يهديش وأنتي ضربتيها قوي

آسيا بكيت قوي: كانت أعصابي تالفة يا عمة والله ماهو بقصدي

شلت بنتها ووِد بكيت قوووي رجعت شلتها روان وسكتتها

آسيا مقهورة: طيب أشتي أرضعها

روان شافتها بنص عين: لا والله يا شيخة مابلا تمرضيها شوفي كيف حالتش ، أنا شفعل لها أي شي تأكله

أم روان: ما عتفعلي لها البيت مافيه جهال أو عتسيري تفعلي لها رز وهي صغيرة

روان: شطلع ألبس وأشتري لها بسكوت وأفعل لها

لبست وشلت البنت معاها أشترت بسكوت وعصائر عشان الكل يشرب وشلت شكلاتات روحت للبيت جابتهم لنجاة تغصبهم عشان يرتفع الهبوط ودخلت تسوي أكل لوِد وتأكلها
.
.

في المستشفى

الدكتور دخل للغرفة اللي الكل فيها: كيفكم الآن؟

الكل: الحمدلله

الدكتور: روحوا وأرتاحوا ولا تقلقوا الدنيا سلامات، يزن ورقية ورانيا بيبقوا بالمستشفى أما هند تقدروا تخرجوها، مافيش داعي لحد يجلس هنا لان وضعكم كلكم يحتاج للراحة إحنا هنا مع عائلتكم وكأنها عائلتنا ما بنقصر وإذا في شي ضروري بنتواصل معاكم

الكل بردود مختلفة: تسلم..... والنعم...... فوق عيننا الخ......

أبو هاني: فين بنروح بيتنا قده رماد وركام

أبو روان إستغرب من كلامه: الله المستعان وبيتي ما يفعل إذا ما وسعكم البيت الكبير بتوسعكم قلوبنا

أبو إياد: تسلم والله ما تقصر
وشاف الكل: بيت عمي موجود

أبو ياسر: أيوة بنروح بيت عمي لما نبسر بيت أو أي حل

أبو روان: والله ما تطبوا على الأقل اليوم عندنا تشوفوا كيف الكل تاعب من بيهتم فيكم

الكل ممنونين لأبو روان خرجوا مع بعض أهالي الحارة وتحمدوا على سلامتهم خرجوا أم هند وأتحركوا لبيت أبو روان
.
.

في الحارة

الكل وصلوا ونزلوا من السيارات وهند دخلت على طول ، وأهل الحارة تنابعوا يسلموا عليهم ويتطمنوا على الكل وعلى يزن ورقية ويسلموا عليهم

آسيا حضنت هند و بكت: الحمدلله أنش بخير كيف البقية طمنونا؟

أبو ياسر: ياالله ياالله

أبو روان شايف الكل بالبوالط ومسترين: أدخلواا أدخلوا

دخلوا وهم ماسكين للحج صالح وجلسوه

آسيا ببكاء: قوا طمنونا كيف أمي كيفو إياد؟

الحج صالح شافها بقهر: قولي كيفو يزن مش إياد

آسيا وأم هاني: !!؟

إياد شافهن: يزن وأمي بخيرين الحمدلله

آسيا ما رمشت خلاص تأكدت من شكوكها بشكل نهائي وأم هاني حست دخان يخرج من جسمها من اللي تسمعه.......




📚 @rewayatyamania  🇾🇪

.

البـارت 452 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


إياد شافهن: يزن وأمي بخيرين الحمدلله

آسيا ما رمشت خلاص تأكدت من شكوكها بشكل نهائي وأم هاني حست دخان يخرج من جسمها من اللي تسمعه

حسام قلق عليها: آسيا مالش؟

آسيا دخلت بصدمة من شكوكها اللي كانت خايفة منه ما جابت أي ردة فعل

نجاة وروان بعد ما تطمنين طلعين عشان الكل يشل راحته

إياد بقلق: أنتين أيش جابكن كيف عرفتين؟؟ وداليا وينها

آسيا تحت تأثير الصدمة: داليا في البيت تاعبة

إياد: ما خرجت ابداً؟

آسيا أشرت بمعنى لا

إياد تنهد وشاف ياسر: تعال معي

ياسر أشر بمعنى يلا وخرجوا

خرجوا وأبو إياد مركز على أخته راح لعندها

ابو إياد مسك يدها: مالش هكذا ساكتة وهادئة يا عائشة

ام حسام ما ردت واكتفت بالبكاء
.
.

في الفندق

رواد جالس يحوم حول أسيناد وهي تجهز الحلويات وتفعلهن وأمها تفعل العشاء

رواد: باقي حاجة ناقص حاجة؟

أسيناد ضبحت منه: رواااد يعني أنت دائما ما تسألناش ولا تهتم إذا ناقص حاجة ولا شيء لكن اليوم أشغلتني

رواد يسلك: لا بس عشان الناس مايقولوش إن إحنا نقصنا شي والا شي

أسيناد : ما عليك ما بتنقص ولا حاااجة مجهزيين كل شي أنتت بسس أخررج من عنديي

ومسكت السكين اللي كان جنبها: و إلا والله لأفعلك ذبيحه لهم

رواد ضحك وخرج ، وبعد شوية ما قدر ورجع دخل وأسيناد أول ما شافته شلت لفة المناديل اللي كانت على الماسة قدامها ورجمته بها وهو خرج بسرعة وهو يضحك بصوت عالي

وبعد وقت جهزوا كل شي لخطبة رواد كانوا مستعدين عشان يروحوا يتقدموا لرفأ ويجيبوا لها كلمة

@rewayatyamania المصدر الأول للروايات

في بيت أبو أمير

ملاك متضايقة بقووة وحزيينة وجالسة تتذكر ذكرياتها مع أخوها ودموعها تنزل ، لقيت نفسها في محادثة زياد اللي كانوا يتكلموا عن أمير وكل شي يخص أمير

زياد بتردد: عاد امش تعاملش بقسوة؟؟

سكتت ملاك وما جاوبت

زياد يطمنها: يا ملاك أنا عارف بكل شي ، أنا مااشتيش إن أنتي تخبي ما بقلبش لأن قد كلمني أمير بكل حاجة ، أعتبري أنو أمير موجود واتكلمي عادي وأنا بسمعش

ملاك أرتاحت من كلامه وإن أمير كان يوثق فيه وكلمه بكل شي فجلست تكلمه بكل شي و أيش فعلت أمها معاها ، وقدها كل ما فضيت جلست تكلم زياد وأصبح شخص قريب منها جداً ووثق فيه من ثقة أخوها أمير فيه
.
.

في بيت ابو هند

إياد تعب دقدقة بالباب: ما بتردش كيف ادخل انا الآن

ياسر جلس: اطلع من فوق اكتافي

طلع إياد وياسر وقف لما مسك نهاية السور تسلق ونبع لداخل لما نكع فتح الباب لياسر وصلوا للباب الداخلي فتحه بالمفتاح اللي معه وطلعوا لغرفة داليا

إياد يدق بقوة: داليا افتتتحي

ويحاول بالمغلق قوي: افتحي والا شكسر الباب

ياسر بخوف: اكسر الباب عاد البنت لقبل فترة حاولت تنتحر اكسر

إياد خاف فعلاً لو فعلت بنفسها شي كسروا الباب الاثنين لما وصلوا لنص الغرفة

ياسر قفى بدون ما يبسرها وإياد قرب منها وتحمد الله انها مسترة

إياد بخوف: البنت محمممرة

ياسر قرب وشافها: اسكة افحصها

إياد حس عروقها تنبض وارتاح حط إصبعه عند انفها: نفسها حاااامي

حس رأسها: البنت حمى نار

خرج جاب خرقة وماء وبدأ يخرق لها وياسر جاب قلص ماء مده لإياد وإياد رفع رأس داليا وشربها وهي مغمى عليها حاولوا يصحوها بس ما صحت

ياسر قلق عليها: نشلها المستشفى

إياد خايف عليها بيجنن: شغل السيارة شغل

ياسر نزل يشغل السيارة وإياد اطرح تحت الامر الواقع شلها وودوها المستشفى
.
.

في المستشفى

داليا فتحت عيونها بتعب لقيت إياد وياسر جنبها رجعت غلقت عيونها

الدكتورة دخلت: اخرجوا عشان اقدر اخذ راحتي بعلاجها

ياسر وإياد خرجوا والدكتورة بدأت تقيس حمى الصدر والظهر ووراء رقبتها

داليا فتحت عيونها ونزلت دموعها

الدكتورة: الحمدلله على السلامة

داليا بكت وبترجي: يا دكتورة اشتي اجلس هنا فترة الله يخليش قولي لهم اني احتاج رقود مااشتيش اروح

الدكتورة انصدمت من طلبها: طيب ارتاحي الآن ولا تقلقي ما بتروحي

داليا إرتاحت غمضت عيونها ورجعت في سبات

الدكتورة خرجت وسارت لمكتبها والشباب بعدها

إياد بقلق: ايش فيها يا دكتورة

الدكتورة: حمى شديدة داخلية وخارجية وهبوط حاد حاد جداً لانها لها يومين بدون أكل او شرب ، حتى صابها جفاف اجلسوا ، بكلمكم

إياد وياسر جلسوا وهم بأشد قلقهم

الدكتورة: البنت تتعرض للضرب والاضطهاد؟؟

ياسر جنن: مستحيل هذه البنت بالذات حاطين لها بين عيوننا

إياد جمد من سؤالها: ليش هذا السؤال يا دكتورة

الدكتورة: المريضة صحيت

ياسر وإياد فرحوا ومنتظرين لها تكمل كلامها

الدكتورة: بس طلبت اكذب عليكم بأنها تحتاج لرقود ، وكانت تبكي باين الخوف ما تشتيش تروح

إياد اقتهر: طيب يا دكتورة تقدري تخليها يومين.....




📚 @rewayatyamania  🇾🇪

.

البـارت 453 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الدكتورة: بس طلبت اكذب عليكم بانها تحتاج لرقود ، وكانت تبكي باين الخوف ما تشتيش تروح

إياد اقتهر: طيب يا دكتورة تقدري تخليها يومين رقود وانا بدفع كل تكاليف الغرفة واي شي تحتاجه

الدكتورة: ان شاء الله بنقدر ، بس اذا احتجنا الغرفة بتواصل معاكم ما بقدر اخليها

ياسر شكرها وخرجوا

ياسر: مالها داليا؟!!!!

إياد: مستحية بعد موقفها مع سارة ماعاد تقدر تشوف احد كأنها فعلت شي كبير

ياسر اقتتهرر: طيب بس الآن ترتاح قد الكل يعرف الحقيقة

إياد: لا ما بنقولش لها اللي فيها مكفيها لما يخرجوا يزن وامي بنخرجها
.
.

في بيت ابو روان

الكل نام بعد تعب ماعدا سارة اللي ما زالت تحت نوبة الهلع....

وفي المستشفى إياد رقد فوق الكرسي وياسر دفاه بالجاكت ورجع رقد
.
.

في العصر وبعد ما خلصوا صلاة العصر

الشرطة ما زالت تدور على اي دليل وما لقيوا أي أثر
وبنات كامل يصلحين عشاء والدنيا هدوووووء
.
.

الكل على سفرة العشاء يأكلوا من حال أرواحهم ما قدروش يأكلوا سواء لبعد العشاء والكل راحوا بيت ابو هند

@rewayatyamania المصدر الأول للروايات

في بيت ابو روان

ابو روان: نجاة انتي ارتاحي اليوم قدش مصفرة من الفجيعة ، انا بروح المستشفى

نجاة اشرت بمعنى تمام وأبو روان راح للمستشفى

.
.
في المستشفى

ابو ياسر: ايش يا دكتور

الدكتور: رانيا صحيت والحمدلله قدها احسن

الكل: الحمدلله

الدكتور: تقدروا تخرجوها لكن بعد يومين رجعوها عشان نفعل لها فحص السكر

الكل: إن شاء الله

ابو هاني دخل شل بنته وروحها خلا البنات يطلعنها وهو في الدور الاول عشانه مطلق مرته
.
.

عند قسم الحروق

الدكتور: بإذن الله بكرة تخرج المريضة، اما يزن عاده ما صحي دعواتكم له واحنا بشهر فضيل استغلوها بالدعوات والصدقات عشان ربي يقومهم بالسلامة

ابو إياد: إن شاء الله

فعلا نفذوا ودعوا ربهم وتصدقوا بما اتاهم الله من رزقه
.
.

في بيت ابو هند

رانيا خايفة على سارة: مالها سارة

آسيا تنهدت: على وضعها هذا من لما انفجر البيت

رانيا زاد خوفها: طيب فعلتوا لها شي؟؟

ام هاني: لا والله كان يقول ابوش بيشلها ماعاد شلها

الحج صالح طلع: سارة هدأت سارة

الكل: لا

الحج صالح: لبسوها يشلها أبوها للمستشفى

لبسوها وشلوها للمستشفى
.
.

عند داليا

شافت للسقف ودموعها تنزل، تحس بحرقة قلب يحرق كل شي فيها والموقف اللي تعرضت له تتمنى تموت بهذه اللحظة ولا تشوف إياد اللي عرف انها تحبه بهذه الطريقة

الدكتورة دخلت: داليا كيفك تحسنتي

داليا بشحوب: الحمدلله

الدكتورة مدت لها الأكل: قومي كلي إياد جاب لك بيتزا بالدجاج قال انك تحبيها

داليا فارحة لاهتمامه بس وجعها اكبر: طيب

قامت وبدأت تأكل
.
.

عند سارة

الدكتور شاف ابو هاني بيأس: البنت بنوبة خوف ورعب يعني ما نقدرش نفعل لها شي ، الا لما تهدأ من نفسها، الله يقومها لكم بالسلامة

ابو هاني: يارب

جلس جنب بنته مقهوووور حضنها وروحها للبيت وكلمهم ما قال الدكتور

ام هاني: لا حول ولا قوة إلا بالله العلي العظيم، وكيف بتهدأ وهي ما تجيب اي ردة فعل على كلامنا

رانيا سارت جنبها: سارة تسمعيني

سارة ترجف: ماتوا ماتوا

آسيا بقهر: لا اله الا الله، البنت ما تنطق غير هذه الكلمة
.
.

في الليل

راحوا أسيناد وأم أسيناد لبيت رفأ

دخلوا وإستقبلوهن وبعد السلام والكلام والسؤال عن الحال والأحوال

أم أسيناد: والله يا أم رفأ إحنا اليوم جينا طالبين القرب منكم وإبننا رواد راغب ببنتكم رفأ ونشوف لو في بيننا نصيب

أم رفأ: والله والنعم فيكم وفي مناسبتكم ومن يحصل له إنو يناسبكم ويرفض ، وإحنا والله العظيم نتمنى إنو بنتنا تكون من نصيب ابنكم  بس للأسف المفروض أنكم عارفين إن احنا مكارمه

أم أسيناد بإستغراب: كيف يعني أن أنتوا مكارمه؟!

أم رفأ: إحنا مكارمه يعني ما نزوجش إلا بيننا البيين يعني ما تخرج إلا لمكرماني ما نتزوجش من خارج المكارمه أبداً

أم أسيناد شافت لعند أسيناد بإنكسار ، وأسيناد أبتسمت لرفأ

بعد شوية من الكلام والمجابر خرجين أم أسيناد وأسيناد ، ورفأ لحقت بعد أسيناد

رفأ: أسيناد لا تزعليش مني

أسيناد : لا لا ليش أزعل منش؟ أنا كنت عارفة بهذه النقطة بس ما قلتش لرواد لاني دارية رواد ما بيقتنعش لو قلت له هكذا وجينا وأنا عارفه إن هذا بيكون الرد ولا تقلقي يا عيوني ولا تفكري إن أنا أزعل منش أصلا أنتي أيش دخلش بالأخير  إحنا صاحبات  سواء حصل نصيب أو ما حصلش ، أنتي بتبقي أقرب صاحبة لي

حضنتها رفأ وراحت أسيناد وأمها ورفأ دخلت لغرفتها تبكي لانو من داخلها تشتي رواد ، إذا ما كانش حسام فهي بداخلها تشتي رواد وهذا يعتبر الكسر الثاني لها
.
.

عند ياسر

قدام غرفة يزن يراقبه.....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 454 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


عند ياسر

قدام غرفة يزن يراقبه منتظر متى يصحى، اما إياد عند امه يكلمها ويوانسها
.
.

في بيت ابو هند

رانيا بهم كبير: آسيا والله ما ندرى وين نودي وجوهنا من داليا، البنت تحب خطيبها وإحنا قصدنا انها تحب خطيب سارة

آسيا مقهورة عليها: وإحنا ايش عرفنا بالحقيقة بنعرف بأنفسنا ان كل واحد منتحل شخصية الثاني

رانيا بقهر: على الاقل انتي ما سمعتيها حتى كلمة واحدة لكن انا وسارة قهرنا البنت وصلت للمستشفى

آسيا: كل شي بيتصلح يا رانيا لا تقلقي
.
.

في الفندق

روحوا أم أسيناد وأسيناد ورواد كان منتظرهم حتى ما راح للشغل ومنتظرهم على أحر من الجمر ، نبع لعندهم

رواد: أيش قالوا أيش حصل أيش قالوا لكم؟؟

أسيناد: إهدأ إهدأ مالك صلِ على رسول الله

أم أسيناد ضابحة: مافيش نصيب يا ابني

رواد إنكسرر وشاف لعندهم: ليش ليش مافيش نصيب يمه أيش السبب؟؟

أسيناد: لأنهم مكارمه حرازيين مكارمه والمكارمه ما يتزوجوش إلا بيناتهم

رواد فهم عليها وضببح بقووة وتركهم ودخل لغرفته ، أسيناد ما حبت تتركه راحت لعنده ودخلت وجلست جنبه تقنعه انو مافيش نصيب

@rewayatyamania المصدر الأول للروايات

في المستشفى

ابو إياد عند الطاقة وياسر جنب يزن وأبو ياسر يمشي سيرة رجعة داخل الغرفة

يزن فتح عيونه جلس ثواني مش فاهم شي وبعدها تذكر كل شي

يزن بخوف: امي كيف امي

ياسر فرح: يزن كيفك تحس بوجع

ابو إياد قدم وطرف عيونه مدمعة: اللهم لك الحمد، الحمدلله على سلامتك يا ولدي

ابو ياسر: شاسير اكلم الدكتور
وخرج

يزن بخوف: امي يا ياسر

ياسر يطمنه: بخير والله لا تقلق

إياد دخل فارح: يزن

يزن شافه: كيف امي يا إياد

إياد بصدق: بخير عادها كانت تسأل عليك

إياد بتعب: اشتي اقوم اشوفها

ابو إياد: ما تقدرش ياابني قاع ارجلك محروق

إياد: انا شاخليها تجي

الدكتور دخل: اخرجوا عشان افحصه

خرجوا وأبو ياسر اتصل لابو هاني ان يزن صحي
.
.

في بيت ابو هند

ابو هاني فرح وطلع للدرجان وصاح: يزن صحي

هند قامت ونزلت دموعها بفرح: صحي

آسيا حضنت رانيا ونزلت دموعها: اللهم لك الحمد

وصاحت: يا عم انا فدالك وديني عنده

ابو هاني: البسي انتي وعمتش هند وهيا خطينا احنا وحسام ورامي، رانيا ابسري سارة وحاولي تفهميها ان عمتها ويزن صحيوا

رانيا: طيب

آسيا وهند يتجهزين ورانيا دخلت لعند سارة

رانيا مسكت سارة وبهدوء: سارة يا عيوني يزن وعمتي قاموا

سارة تحت نوبتها: ماتوا ماتوا

رانيا اقتهرت: لا حول ولا قوة الا بالله
.
.

في المستشفى

دخل إياد ومعه البقيه لغرفة يزن عشان يسلموا عليه ويتحمدوا على سلامته

هند جلست جنبه ومسكت يده وحبتها ودموعها نزلت: الله لا يورينا فيك شر يا غالي

يزن ابتسم لها بتعب: لا تقلقي أنا بخير

رامي: يلا خليك قوي عشان ترجع لنا سريع

حسام: لا تطول اشتقنا لك وعاد بيني وبينك حساب طويل ما بعديش الضرب اللي ضربتني هو قبل ما تدخل المستشفى

إبتسم يزن وتحولت ابتسامته لضحكة من كلام حسام: إن شاء الله

أبو ياسر: يلا احنا نخرج ونخليه يرتاح

خرجوا كلهم عدا آسيا اللي جلست وحطت رأسها على صدرة وهي تبكي

يزن حط يده على راسها رغم كل الحروق اللي فيه ومسح عليها: مالك يا روح أخوش

آسيا رفعت رأسها وشافت لعنده وزاد بكاها: والله بقلبي كنت حاسه إنك يزن كنت حاسه إنك أخي الذي أنا أحبه

وبندم: أنا آسفه على كلل لحظه بعدت عنك فيها وعاملتك بسوء وآسفه على كلل كلمة جارحة قلتها لك وآسفه على كل تصرفااتي مععك ، كنت معيي نععم الأخ وأنا عاملتك بكلل سوء وجرحتك بالكلام والافعاالل  آسفه آسفه يا يززن آسفه أنا والله نادمة على كل شي نادمة على كل حرف قلته لك وعلى كل تصرف وكل اللحظات اللي أحتجتني فيها جنبك بس كنت بعيده عنك بعكسك أنت اللي كنت معي بكلل لحظة وكلللل مشكلة وتحملتني وتحملت غثايا ومشاكلي وكلامي وكلل تصرفاتي آسفة آسفة يا اخي انا حتى بموت اهلك ما وقفت معك ولا بمرضك كنت اكابر ومبتعده عنك لكنك آسفة والله العظيم اني كارهه نفسي على كل اللي فعلته فيك

يزن حضنها وحب رأسها ومسك يدها وباسها وشاف الأسوارة

يزن ابتسم: هذه الأسوارة اللي عادها موجودة بيدك للآن هذه عندي أهم من كل الكلمات اللي قلتيها الآن ، أهم من كل المواقف اللي حصلت بيننا ، هذه الأسوارة ما دام عاد هي بيدك هذا يعني أنو كلل شيء فعلتيه وكل كلمة جرحتيني فيها ما تعني لي ولا حاجة

ورجع باس رأسها وكمل: أنتي أختي الوحيدة يا نور عيني لو ما وقفت معك انتي وكنت معك أنتي وسمعت لك أنتي لمن بأسمع أنتي اختي اللي أنتظرت أشوفك سنين الحمد لله شفتك فلا تتوقعي إني ممكن أزعل من تصرفك أو كلامك أو أي شيء لان.......




📚 @rewayatyamania  🇾🇪

.

البـارت 455 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


ورجع باس رأسها وكمل: أنتي أختي الوحيدة يا نور عيني لو ما وقفت معك انتي وكنت معك أنتي وسمعت لك أنتي لمن بأسمع أنتي اختي اللي أنتظرت أشوفك سنين الحمد لله شفتك فلا تتوقعي إني ممكن أزعل من تصرفك أو كلامك أو أي شيء لان والله كل شيء مر وإنتهى عندي يا روح أخوش

آسيا ضمته: ربي يديمك لي يا سندي وعزوتي

يزن بحنية: ويديمش لي يا اعتزازي وفخري

جلست آسيا شوية عند أخوها يزن ، بعدها خرجت وراحت هي وإياد لعند أمها ودخلت وسلمت عليها هي وإياد

آسيا دخلت وجلست جنب امها: كيفك

أم إياد وهي تبكي: سامحيني  يا آسيا أنا ما أشتيش أموت وأنتي ما سامحتيني ، ما حسيتي كيف شعوري أنا كنت شأموت وأنا ظلمت بنتي وبنتي ما سامحتني ، أنا غلطانة أنا غلطت بحقش أنا صدقت  حسام وأديب  وما صدقتش أنا ما أستاهلش إن انا أكون أم ما أستااهللللششش

آسيا تبكي بقوة وحضنت أمها: سامحتش يمه سامحتش أنا مااقددررش أزعل منش أنا بس أخذت منش موقف مش أني زعلت منش لان أنتي قهرتيني بس خلاص ننسى كل حاجة واللي فات مات المهم عندي انش تكوني بخير مااقدرش أشوفك الا بخير

ام إياد بكيت من الفرحة ان بنتها سامحتها: الله يرضى عليش يا بنتي

إياد قرب لعند أمه ومسك يدها وحبها: الحمد لله على سلامتش يمه

أم إياد بإستغراب: يزن!

إياد بهدوء: لا ماناش يزن يمه أنا إياد أنا أبنك ، أبنك الذي حملتيه 9 إشهر ، أبنش الذي شلوه من حضنش وعمره أربع سنوات أنا أبنش أبنش يمه

رقيه بكت بقوة إكثر وإياد مسح دموعها وهو مقهوور

أم إياد مش مستوعبة: كيف كيف؟

إياد: سامحيني يمه لأن أنا ما قدرتش أجي لليمن ويزن إنتحل شخصيتي وجاء بدالي ، بس أنا ابنش أناا أنا أبنشش يمه

أم إياد حضنته وهي منهارة بقوة: والله إني كنت حاسة كنت حاسة معك بالأمومه أكثر من ما أحسها مع يزن حتى قلتها لك بأول كلام بيننا كنت حاسة كنت حااسة أنك ولددي

وضمته بقووة أكثر وهي مش مهتمة لا لجروحها ولا لحروقها وما اهتمت إن حضنها له بيأثر على جروحها ولا على شي ما همهااش غير إنهاا تحضن أبنها وإن أبنها يسامحها

آسيا اقتهرت: مالش يمه تبكي هكذا إهدئي

أم إياد: يعني الولد اللي يعاملني كأني أمه واللي أنقذني هو يزن هو إبن سحر يعني بالأخير أنا قدرت أرجع دين سحر ، يعني يزن متقبلني ومعتبرني إن أنا أمه ، قدرت أني أوفي ديني لسحرر

إياد يطمنها: أيوه هو يزن يمه 

أم إياد فرحت: يعني هو عارف أني مش أمه وهو مش إبني وأعطاني كلل هذا الحب وفداني بروحه لا لا هو ابني والله إبني إنه إبني وبستمر أشوف إنه أبني أنا مش أبن سحرر ، كييفوو كيفوو الآن هو بخيير صح؟

آسيا وإياد: أي بخير بخير أصلا جينا من عنده وهو بخير وجروحه بتتشافى بس يشتي لها وقت بس، وكان يشتي يجي يشوفك بس منعناه لان أرجله محروقة

ام إياد قامت بتعب: شلوني لعنده شلوني

شلوها لغرفة يزن دخلوها لجنبه

ام إياد بدموع: يزن ولدي

يزن مسك يدها وحبها: كيفش يمه طمنيني عليش

ام إياد بحب: بخير يا عيون امك، بفضل الله ثم بفضلك

يزن بخوف: اماه عرفتي اني مش ابنك....

ام إياد قاطعته: والله لو العالم بكله يرفض انك مش ابني ، انت بتبقى ابني اللي اشوف العالم في عيونه

يزن ارتاح من جهة امه وبقلبه خوف العالم من البقية بالذات سارة، خايف من الخسارة خايف ان هذه هي نقطة النهاية

إياد ابتسم: الحمدلله
وشاف آسيا: وانتي تكرهي إياد، اليوم عرفتي اني مش يزن اللي تحبيه واني إياد اللي تكرهيه

آسيا حضنته: وانك إياد اللي فداني وحماني وانغرست فيه الطعنة بدالي، وانك إياد اللي تفتحت جروحك وانت ترجع لي اعتباري وكرامتي، وانت إياد اللي سندني وعوضتني عن كل لحظة احتجتك فيه

إياد ضم آسيا وابتسم براحة انه تسامح مع امه وأخته وانتهى حقد السنين

ام إياد شافتهم وهي فارحة: رجعوني غرفتي خلوا أخوكم يرتاح

شلوها ويزن فارح انه شاف أخوته وامه هكذا بس بداخله قلق كبير وعميق

@rewayatyamania المصدر الأول للروايات

في صباح اليوم الثاني

ابو هاني يصحي رانيا: رانيا هيا قومي معش فحص

رانيا قامت بكسل: طيب يلا

قامت وتجهزت وراحت للمستشفى مع أبوها
.
.

في المستشفى

ياسر: قالوا اليوم الليل بيخرجوهم من المستشفى، خلاص ضروري تكلم داليا

إياد تنهد: طيب شاكلمها ، قد جت رانيا

ياسر: لا عادهم في الطريق

إياد: لما تجي رانيا تكلمها هي افضل، داليا عادها محرجة مني

ياسر عدل وقفته: هذا رانيا وصلت

ابو هاني وقف: كيف داليا ويزن ورقية

اياد: الحمدلله كلهم بخير

ياسر مكن عمه الورقة: قطعت ورقة الفحص
ومكنه دبوس طبي معقم ومثل الدباسة: وهذا شليته جديد عشان ما يستخدموش اللي بيفحصوا فيها باقي المرضى عشان يخرجوا الدم من اصبعها....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 456 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


ياسر مكن عمه الورقة: قطعت ورقة الفحص
ومكنه دبوس طبي معقم ومثل الدباسة: وهذا شليته جديد عشان ما يستخدموش اللي بيفحصوا فيها باقي المرضى عشان يخرجوا الدم من اصبعها

ابو هاني: يلا بنخطى

إياد: بعد ما تكمل بيجلس وقت لما تطلع النتيجة، خلي رانيا تجي لهنا بحاجتها

ابو هاني: طيب

راحوا عملوا الفحص وبعد ١٠ دقائق رجعوا

إياد فهم رانيا كل شي: معتمد عليش يا رانيا وإحنا بندخل معش عشان تبطل إحراج مننا بعد الموقف

رانيا حاسة بالذنب: طيب

دخلوا الكل لعند داليا

رانيا مسكتها بهدوء: داليا

داليا شافتها واستغربت كيف تكلمها بهدوء بعد المشكلة: اهلين رانيا

رانيا بندم: انا آسفة يا داليا ما كناش نعرف انو خطيبك هو إياد، وخطيب سارة يزن

داليا عقدت حواجبها وتوترت: كيف!

رانيا: احنا عرفنا كل الحقيقة
وبدأت تشرح كل شي لداليا

رانيا بترجي: ومن اقرب صديقة لسارة غيرك، قومي يا داليا عشان سارة بحاجتك

داليا جننت: كييييف وقع كل هذا وانا آخر من يعرف ليييششش محد كلمني

ياسر: انتي تاعبة واللي فيش مكفيش

داليا قامت: ويزن ويزن وعمتي رقية كيفهم

إياد: كلهم بخير

داليا: اشتي اسير ابسرهم

خرجوا معاها وداليا دخلت تطمن على عمتها لما اتطمنت وارتاحت بعدين راحت لعند يزن وخرجت

إياد: اليوم بيفعلوا عزومة عشان خروجهم والكل في البيت بحاجتك

داليا بصدق: مستحيل عاد اجلس في المستشفى دقيقة واحدة

ابو هاني جاء بالفحص: طلع نتيجة الفحص

الكل شافوا لعنده متوترين لكن التوتر والخوف بقلب ياسر غير

رانيا بهبالة: ايش طلع فيني السكر؟! فوق ما انا سكرة البيت بيكون فيني السكر حلا + حلا يعني الله يرحمكم بجلطكم في يوم

الكل ضحكوا بدون شعور على هبالتها وكيف قالبة الموضوع مزح وهبال رغم جدية الموضوع

ابو هاني ابتسم بفرحة: الحمدلله كانت اعراض السكر بس المرض مش موجود

داليا حضنت رانيا ورانيا نزلت دموعها براحة شافت ياسر كيف حاضن إياد ومبتسم بكل قوته وابتسمت بدون شعور

إياد: الآن تجهزي يا داليا خلينا نروح عشان العصر بيخرجوهم

داليا خلست روب المرضى ولبست البالطو وخرجوا من المستشفى مع ابو هاني وإياد اما ياسر بقي

@rewayatyamania المصدر الأول للروايات

في بيت ابو هند

الكل قامين يحضنين داليا ويتحمدين على سلامتها

داليا بقهر: كيف حصل كل هذا من سببه

ام حسام: مدري يا بنتي الله اعلم من وراه

ام هاني بقلق: رانيا ايش قالوا

رانيا بثقة: كيف سكر يوقع فيه السكر ما يجيش الحمدلله الفحوصات سليمة

ام هاني وام حسام وهند وآسيا حضنوها

داليا: وين سارة

آسيا بغرفتك

داليا تركتهم وراحت للغرفة شافت حالتها وزاد خوفها: سارة

راحت لعندها وحضنتها ونزلت دموعها: سارة اهدئي

سارة تهتز: ماتوا ماتوا

داليا: لا حول ولا قوة الا بالله محد مات يا عيوني

آسيا دخلت: داليا هيا ياسر اتصل قال احتمال يخرجوهم قبل العصر

داليا قامت وحسها عند سارة: طيب هيا
.
.

في العصر

في بيت أبو هند

خرجوا الكل من المستشفى وفعلوا إستقبال وضيافة على سلامتهم وخروجهم من المستشفى، وعزموا فيكتور ورواد ، وزكريا وأبو همدان وهيثم وأبو روان وزياد

في المطبخ

داليا: يا ربي كل الضيوف جوووا وإحنا عاد احنا ما خلصنا وجهزنا كل شي

رانيا متعكفة: آسيا لو خلصتي اللي عندش تعالي ساعديني

آسيا: لا والله عاد انا ما خلصت

روان نفضت يدها: يلا أنا بجي كملت اللي بيدي

دخلت أم هاني: آسيا بنتك تبكي قومي رضعيها ونيميها

آسيا شوية وتبكي: يااربييي كنت نااقصة عاده ما خللصتتت شغلي

نجاة مسكت اللي بيد آسيا: خلاص خلاص أنا بكمل بدلك روحي لبنتك

على خرجة آسيا سمعت إياد يصيح: يلا استعجلوا جهزتوا والا عاده باقي ربع ساعة للاذان؟؟

آسيا بتنبيه: شوف نصيحة من أختك أوقف هنا وريع أو روح وريع خارج لان لو سمعتك واحدة من اللي في المطبخ وأنت تستعجلهن إحتمال يهجمين عليك باللي بيدهن فلا تتهور وراعي شوية

وراحت وإياد ضحك من كلامها وتحذيرها له

بعد شوية خلصوا كل شي وقدموا الشباب للرجال والضيوف ، وقدمين البنات للنسوان
.
.

وبعد  العشاء والكل مجتمعين

الحج صالح: الآن أبسروا لنا عمال ومقاولين يعمروا لنا البيت

أبو هاني: خلاص أنا كلمت عمال وبيبدوا إن شاء الله

الحج صالح:  لا أنا مااشتيش عمال وبس أنا أشتي يتعمر البيت بسرعة جيبوا عمال خيرات ومقاولين ينجزوا الشغل بسرعة أنا ما اشتيش أجلس هنا زياادة

وكان يقصد إنه ما يشتي يجلس مع يزن في نفس المكان والكل فهم

أبو هاني: أبشر ياباه ولا يهمك من الصباح بكرة باجيب أضعاف العمال وأكلم المقاولين وإن شاء الله كل شي بيتم بسرعة وبيعمروا البيت بأقرب وقت

مر الوقت والكل مع الضيوف......





📚 @rewayatyamania  🇾🇪

.

البـارت 457 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أبو هاني: أبشر ياباه ولا يهمك من الصباح بكرة باجيب أضعاف العمال وأكلم المقاولين وإن شاء الله كل شي بيتم بسرعة وبيعمروا البيت بأقرب وقت

مر الوقت والكل مع الضيوف لما روحوا وبقيوا بس اهل البيت واخيراً بيقدروا يشوفوا يزن وامه

الحج صالح ، متجنب تواجد يزن واتطمن عليه من بعيد لبعيد ، في الوقت اللي محد مركز عليه يشوف لملامحه يحفظهم حفظ ، وفي داخله منهار عليه ويشتي يحضنه ومن خارجه مكاابر ويتصنع الزعل، الحج صالح مش مستوعب إن اللي حبه أكثر واحد واللي كسر كلمته أكثر من مرة عشانه يطلع حفيده اللي مارضاش يتقبله، أخذ موقف من الكل ومنتظر متى يكمل تصليح بيته بحيث يقدر يرجع بدون مايتواجد مع يزن بنفس البيت

الكل حول يزن وأم إياد ويتحمدوا لهم بالسلامة

ام هاني تبكي: الحمد لله اللي شفتك قدامي سالم غانم يا ولدي

يزن كان يتوجع من الحروق ورغم الألم اللي يحسه إلا إنه محسس الكل إنه بخير عشان لا يقلقهم: أنا فدالش ياعمة إن شاء الله مايقع فيني حاجة وإن شاء الله ما فيني إلا العافيه

يزن يتلفت: وين سارة؟! كيفها ؟

الكل لا رد

يزن بإستغراب: مالكم ماتردوا؟!

إياد يطمنه: مابلا مشغولة

يزن: غريبة أنا خرجت من المستشفى وسارة ماتجي وتتحمد لي بالسلامة، أيش في يا إياد!؟

إياد يشوف يزن بنظرات مش مفهومة، الحج صالح شافهم بنظرة غضب وإستحقار: قله يا إياد!؟

يزن فتح عيونه وشاف إياد بمعنى أيش في!؟

أبو إياد: زاعلين

يزن حمررر وجهه من الخجل والخوف وكل المشاعر تجمعت بنفس اللحظة وبانوا بوجهه، يزن أدرك إنه خسر كل شي، الكل ساكتين ويشوفوه بس عيون، وبنظرات مكسورة شاف لإياد: عشان هكذا سارة ماتشتي تشوفني

إياد: لا لا والله ما بحسها وحتى مش متقبلة هذا الموضوع

يزن: كان ماهووو وينهااا؟

إياد رفع أكتافه بمعنى مدري: فوق جالسة مع البنات

يزن رجع يشوف لرامي وحسام وخايف من ردة فعلهم خايف مايتقبلوه أو يفلتوه بعد كذبته خايف يخسرهم

رامي فهم عليه وراح جلس عنده ومسكه من كتفه: إياد يزن مايهمناش، لا تقلق أنت إبن خالنا اللي نفديه بأرواحنا ونحنا نعرفك من أنت ونعرف من تكون

يزن جبل من الهموم وأنزاح من فوق صدره ريحه كلام رامي

حسام جلس جنبه: كنت يزن أو إياد أنت الشخص اللي بتقتلني وأقتلك وما نسمح للغريب ينزل ولا قطرة دم مننا كل مننا يفدي الثاني

يزن أبتسم له

حسام يكمل: المهم إن أنت الشخص اللي جالس شوكة بحلقي ومانسد أبداً ههههههههه وأنت الشخص اللي متحلف تقتلني قوم بالسلامة وأقتلني مثل ما أشتيت

الكل ضحكوا من كلام حسام

يزن شاف عمه أبو هاني بخوف بحكم أنه أبو خطيبته، أنه هذا الإنسان إذا ما تقبله بيشل عليه سارة

أبو هاني يبتسم له: كيف أنت يا ولدي ؟

يزن يحس من كلامه بالغرابة مش عارف إنه معه أو ضده متقبل له أو لا

أبو هاني: الحمد لله إنك قمت لنا بالسلامة، قم بخير عشان نعرس لك

يزن أرتاح وما قدر يستحمل وفتح يده وحضن عمه وبكي من قلبه خلى الكل يبكي ويتأثر من بكاه وأولهم الحج صالح اللي صوت بكاه نخز له صدره بس يكااابر شعوره

أبو هاني تركه لمن أرتاح: بس والله يا يزن إننا عتبانين عليك وعلى هذه الكذبة ، بالأول والأخير عيشتنا هذه المدة كلها إنك إياد وتطلع يزن ، لمتى ياولدي كنت بتخبي ، حبل الكذب قصير

يزن: حقكم عليا كلكم ، ما لقيت أي طريقة أعيش بينكم إلا هذه الطريقة ، ولمن كسبتكم خفت لا أخسرركم خفت ما تتقبلووني

الحج صالح يشوفهم بحدة: مافيش عرس ، وأنا حفيدتي ما بتتزوج بإبن مزينة

أبو إياد بحدة: مش إبن سحر لوحدها هو إبني وحفيدك إن رضيت أو لا

@rewayatyamania المصدر الأول للروايات

سارة بغرفتها تبكي بهستيرية: ماتوووووا ماتوووووا أنا دارررية ماتووووووا كل اللي أحبهمممم يروحوا عليااااا أنا دارررية


داليا مسكتها وتهديها وسارة ماسكة أذانها وماتشتي تركز معاها كل اللي تعرفه إن يزن وأم إياد ماتووا: سارة إهدئي والله ما ماتوووا ماماتوووا إهدئييي

أم حسام: يابنتي قد جاؤوا إنزلي شوفيهم

سارة تصيح: أصصصصص أصصصصص ماتووووا ماتوووووووا أنزل أيشششش أشوووف جثثهمممم ؟؟
.
.

في الصالة تحت

أبو هاني يغمز ليزن وأبو إياد بمعنى طنشوه
يزن طنشه وداخله خوووف وقلق ويفكر كيف يرجع يكسب جده رضاه

يزن شاف لياسر: كيفها سارة أشتي أطمن عليها ؟

يزن يرجع يشوف لعمه: يا عم كيفها سارة؟

أبو هاني: لا تقلق بس تاعبة شوية مش قليل اللي مرينا فيه

يزن يشتي يطمن يشتي يعرف موقفها ردة فعلها بعد إنكشاف الحقيقة: طيب أشتي أشوفها

الحج صالح بعصبية: ممنوووع تشوفهااا ومن اليوم مش أنت خطيبها ولاشي إنسى حاجة إسمها سارة

يزن معند يشتي ينزل يشوفها للمطبخ

الكل.....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 458 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح بعصبية: ممنوووع تشوفهااا ومن اليوم مش أنت خطيبها ولاشي إنسى حاجة إسمها سارة

يزن معند يشتي ينزل يشوفها للمطبخ

الكل مسكوه عشان ماتنكسر كلمة الحج صالح وعشان رجله المليانة بالحروق

يزن الخوف مسيطر عليه وبإنفعال: فلتوووني مش فاهمييين أيش أنا اللي أمررر فيه لو سمحتتم خمس دقائق بسسس

إياد وياسر: وعدد إنك تشوفها،... بس أنت إجلس

يزن بدأ يعصب دهفهم وترك الكل ونزل يشوف سارة للمطبخ بس مالقيها، طلع والشباب بعده

إياد بقلة صبر: إجلسسس هنا ، إرتاح بنطلع نشوفها مش وقت الآن 

طلع إياد وياسر ورامي للغرفة ويسمعوا بس سارة وبكاها

سارة: ماتووووا ماتوووووا أناااا دارية ماتووووا

ياسر: سارررة مالك ؟

إياد: مالها؟!

آسيا: ماقدرنا نهديها ولا رضت تقتنع إن يزن وأمي عايشين

ياسر: سارة والله العظيم إنهم عايشين

سارة تهتز: ماااات ماااااات، ماتووووا فلتووووني وسارووووا عند إياد أنا داااارية

إياد نفخ: لا حول ولا قوة إلا بالله العلي العظيم
سارة إهدأي وصلِ ضعلى رسول الله ، والله إن يزن عايش، إستوعبييي يزن عايش وهذا هو نازل إنزلي شوفي

سارة ونوبة الهلع وتذكر الحريق والإنفجار وتذكر كيف يزن وعمتها ماخرجوا: ماتووووا ماتوووووا

أم حسام: يابنتي لا عاد تخليه يشوفك هكذا بتية الحالة الولد مافيه إلا العافية اللي فيه مكفيه

الكل يحاول يهديها

رانيا بعصبية راحت لطمتها كف عشان تستوعب اللي حصل ولكن سارة لا رد ماسكة براسها: ماااات ماااااات ماتووووا ماتووووا

آسيا صيحت عليها: ساااارة إستوعبي هم أمي وأخي لو ماتوا بكون منهارة أخس مننككك

سارة ولا كأنهم جنبها يكلموها

آسيا آخر حل عندها: إتصلوا بنجاة 

رامي أتصل لنجاة

نجاة ردت: هلا رامي؟

رامي: أمم نجاة فاضية تجي لبيت جدي ، اعرف انه قرب وقت السحور بس ضروري والله

نجاة: طيب بكمل شغلي وتعال لي للبيت

رامي: تمام

رامي راح يجيب نجاة وفهمها حالة سارة

@rewayatyamania المصدر الأول للروايات

دخلت نجاة لغرفة البنات

جلست هي وسارة لوحدهم الكل خرج و البنات نزلوا المطبخ يصلحين السحور والعيال عند يزن

يزن: ها كيفها ؟

ياسر: مافيهاش شي

إياد: لا تقلق يايزن خليها براحتها

يزن: وينها؟!

ياسر: بالمطبخ مشغولة مع داليا والبنات

يزن ما أرتاح للموضوع أبداً قام بينزل للمطبخ الكل حاول يمنعه وهو دهفهم ونزل بالرغم الألم اللي فيه من الحروق إلا إنه نزل يزن للمطبخ شاف داليا وآسيا ورانيا، وسارة مش موجودة 

يزن تجمعوا الدموع في عيونه: وين سارة!؟

البنات كل من تشوف لعند الثانية وساكتات

يزن بقلة صبر: لا تجننوني قولوا وين سارة ؟؟
.
.

عند نجاة بغرفة سارة

سارة: ماتووووا ماتوووووا خلاااااص ماتووووا ساروا بعد إياد

نجاة: سارة محد ماااات محد ماااات كلهم موجودين إنزلي حتى وشوفي

سارة تصيح بهستيرية: ماتوووووا ماتووووووا أنا شفت لمن البيت حرق وأنفجروا وإياد وعمتي ماخرجوووا ماخرجووووا تكذبوا عليا لييييش

يزن سمع صوت سارة، وطلع يجري للغرفة ودق الباب

نجاة نزلت البرقع ويزن دخل وإنصدم من منظر سارة

نجاة مسكت عرق يد سارة اليمين تحاول تهديها

يزن مفجوع: خير يا نجاة مالها!؟

نجاة: مثل ماتشوف

يزن أقتهر عليها وسارة بس تنطق: مات ماات ماات ماتوووا ماتووووا ماتوووووا ماتووووووا

نجاة: ياسارة يا حبيتي ماماتووش هذا هو يزن عايش ولا فيه شي ماماتش هذا هو جنبش

يزن أدرك أيش فيها سارة إن قصدها إن هو مات، تدمرت حالة يزن وتدمر ماتبقى منه أتمنى لو كان مات ولا خرج من المستشفى ولا يشوف سارة بهذه الحالة: وخري يا نجاة

نجاة وخرت ويزن جاء وجلس قدامها مقابل لعيونها

سارة تشوف يزن: مات ماا مااا.....

سارة سكتتت ولا عاد طلعت كلمة منها ، وهدأت

يزن بصوت مرتعش: سارة أنا عايش

سارة مش مستوعبة شي وبدون ادراك تسلسلت يدها ومسكت خد يزن تشتي تتأكد هل فعلاً عايش وإلا لا
  
يزن نزلوا دموعه وهو يشوف لحالتها

سارة ساااكتة ولا أدت أي ردة فعل

نجاة فرحت إن في إستجابة: خلااص هذا اللي أنا أشتيه، ممكن الآن تخرج يايزن عشان أشوف عملي

يزن قام وظهره مثقللل بالهموم وقلبه مليااان ماعرف من وين يلاقيها وإلا من ويين مقهوور ومددمرر بقووة على سارة

نجاة جلست وهي تدلك عروق يد سارة وتحضنها وتهديها وتقرأ بعض آيات من القرآن الكريم

نجاة بكلام حنون ومطمن: شفتي ياعيوني ياسارة يزن عائش مستحيل يفلتك بالأخير أنتي روحه وقلبه وعيونه وخطيبته مستحيييل يزن يفلتك شفتي مافلتك، فأنتي ماتفلتيه بهذه الحالة

سارة أرتاحت وخفت الرجفة اللي كانت مسيطرة عليها

نجاة أرتاحت وبدأت تعالجها بطريقتها

أبو إياد جالس عند.....




📚 @rewayatyamania  🇾🇪

.

البـارت 459 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


نجاة أرتاحت وبدأت تعالجها بطريقتها

أبو إياد جالس عند أم إياد ويحاول إنه يأكلها بالصميل، أستسلمت أم إياد وأكلت وجاب لها العلاج، وأم إياد تشوفه بنص عين

أبو إياد فهم عليها وإبتسم: أيووة عنيد وما تغيرت، وبجلس جنبك ولا بفلتك

أم إياد أكتفت بالسكوت والشي الوحيد اللي تعطيه شرف هو نظرات العتاب وبس بالرغم من إهتمامه بها

شرف جلس جنب أم إياد فعل لها المرهم بمساعدة آسيا وتطمن عليها لما نامت وخرج

آسيا ورانيا وداليا جالسات بالمطبخ  يفعلين السحور فجأة ثنتين دخلين داليا شافتهم وقامت تحضنها: مش مصدقة الحمد لله إنك قمتي

سارة بكل هدوء: بساعدكم بالعشاء

دخلت المطبخ وفعلت العشاء والكل مراقب لها وفاارح إنها خرجت من حالتها، بس سارة هاااادئة بشكل كبييير ولا طلعت كلمة

نجاة أعتذرت منهم وروحت البيت عشان تساعد أمها وروان بالسحور، وتنام ساعتين قبل دوامها بالمستشفى

داليا فعلت الشربة وسكبت لداخل طاستين: آسيا شلي هذه لأخوش ولأمش

سارة: من أخوها

داليا: يزن

سارة: أممم آسيا أنتي طلعي لعمتي وأنا بطلع لإيا.... أقصد يزن

آسيا فرحت: تمام، أووف نسيت أمي رقدت الآن خلاص الصبح لما تصحى

سارة شلت الشربة وطلعت أما يزن جالس

الحج صالح شافها وطلع بعدها، دخلت سارة للغرفة وطرحت الشربة فوق الماسة: يلا قوم كُل

يزن بالرغم مايشتي يأكل بس لما شاف سارة طلعت هي وخرجت من غرفتها وجابت له الشربة لعنده كابر الوجع وقام طوالي بيأكل، يزن حاول يكلمها وسارة متجنبة تشوف لعنده

يزن: شوفي لعندي، سارة أنا آسف، أنا خدعتش

سارة تتجنب: الآن مش وقت كُل عشان تشرب علاجك

يزن حب يتحجج بالحروق اللي بجسمه ويداته وأستغلهم: طيب قربي الشربة مابعرفش أكل شوفي كيف حالتي

سارة نفخت وأجت تقرب الشربة لعنده

الحج صالح دخل طوالي للغرفة وأخذ سارة من يدها وبعدها عن يزن

الحج صالح بأمر: خلاااص إبتعدي عنه، هذا الولد ولا عاد له أي مكان بيننا ولا أي مكان في حياتش

الحج صالح مسك يدها وبيخلسها الدبلة والمحبس

سارة طوالي هزرت يدها، وما خلته يأخذ الدبلة والمحبس، والحج صالح ويزن يشوفوها بإستغراب

دخلوا الشباب للغرفة لأنهم شافوا جدهم لحق سارة خايفين لايفعل مشكلة

سارة بحدة: أنا ما شبعدش الدبلة والمحبس

الحج صالح: أنتي ياسارة مابتتزوجيش مُزين

سارة شافت لعند جدها بقوووة وبتمرررد: هذا الدبلة والمحبس ما ببعدهم أبداً

الحج صالح: ماعاد بش شي يربطش فيه بتفسخي هذي الخطبة من هذا المُزين

سارة بعناد: مابفسخش الخطبة، وهذا المُزين خطيبي ، وأنا وخطيبي نسد ومحد له دخل فينا ، وإن شاء الله قريب بيكون زوجي وبنسد براحتنا ووقتها محد له دخل فينا لا أنت ولا أي حد غيرك وما بسمحش لأي حد يدخل فينا، أدخلتوا بعلاقات الكل بس أنا لااا، أنا وهووو الوحيدين اللي لنا دخل بعلاقتنا وأنا وهوو بنسد

الحج صالح عصب منها وعطاها كف لما خلاها تفلت للأرض ، الكل شهق ورانيا نبعت لعندها يزن عصب ووقف ياسر راح لعنده لا يتهووور

الحج صالح صاح لما صوته ملى المكان: أتمرررردتي يا سارررة هااااا مافييش عندي بنات يعصوا كلااامي تفهممممي ؟؟

سارة من كثر الوجع اللي حصل معاها من كثر ما أنجرحت من أسامة والهنوف واللي مرررت فيه قوووت شخصيتها كثييير واصبحت تهم بس نفسها وحقها ومالها دخل بالبقية ولا هي عاد تستنى رضا أي أحد على حساب حياتها وراحتها، قامت من الأرض بمساعدة رانيا

سارة بقوة: أيوووة أتمررردت أيوووووة جنبك واحدة مشي جاااهلة وأنا ماناش ضعيفة وذليلة بسمح لأي حد يدخل فيني وأعيش شي مش طايقته ولا أشتيه، ولو تكون أنت أو أبي أو أي شخص يوقف قدام راحتي لأمسحه وما أعطيه أي إعتبار وحتى لو رفضتم زواجنا، بنتزوج غصب عن الكل، هزرت نفسها من يد رانيا ومشت

@rewayatyamania المصدر الأول للروايات

الكل متفاااجئ من سارة الهادئة اللي كانت تقدم كل شي على حساب سعادتها اللي ماكان يهون عليها خاطر أحد اليوم لمن هانت عند الكل حبت تأخذ حقها بيدها، مستغربين من وين جت لها هذه القووة

يزن ريحه كلااامها كثيير، وقلبه فراشات إنها مافسخت الخطوبة، وكيف دافعت عليه، أدرك يزن إنه حاجة كبييرة بنظر سارة وما أحتاج حتى يبرر أو يدافع عن علاقتهم لأنها وفت وكفت، يزن يشووف للشباب وهو فااارح وممنووون من سارة الكل بادله الإبتسامة والفرحة ماعدا الحج صالح اللي كان بصدمة من رد سارة وأدرك إنه اليوم ضعيف وقوته وسلطته ماعاد تفيد بشي حس نفسسه صغييير بعد تمررد وكلام سارة أنسحب من بينهم بهدوء

نزلت سارة للصالة وهي تبكي كان موجود عمها وأبوها: لو سمحتم لو سمحتم كلموا جددي لا يضغط عليااا لأنه.......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 460 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


نزلت سارة للصالة وهي تبكي كان موجود عمها وأبوها: لو سمحتم لو سمحتم كلموا جددي لا يضغط عليااا لأنه والله العظيم لو زيد فيها إنه عيقتلني لأني أنا مش ساكتة ولا بسكت على أي تصرف بيفعله لو يكلفه روحي وهذه الخطبة أنا ما شفسخهاش وزواجي من إيا..... من يزن بيتم


سارة قالت كلامها و مشت قبل لا تسمع ردهم أو أي سؤال بيقولوه ، أبو ياسر وأبو هاني فارحين إن سارة متمسكة بيزن ولا فسخت الخطوبة بالرغم من الكذبة اللي فعلها ، وعارفين إنها مجروحة من يزن جرح كبييير، فجأة شافوا أبوهم نزل وهو معصصصب وخرج للجامع ورزع الباب بعده

أبو إياد خرج: خير ماقد به؟

أبو هاني: كيف الآن نفعل ؟

أبو ياسر: مابلا إلا نعقد لهم

أبو إياد فهم: والأحسن لو يكون خفاء من أبي

أبو ياسر: إذن إتوكلوا على الله

بعد العشاء وقد فطروا

@rewayatyamania المصدر الأول للروايات

الكل رقدوا في همومهم وبعدها قاموا كل واحد على روتينه لبعد العشاء

أبو ياسر غمز لأبو إياد وأبو إياد راح وشل أبوه وخرجه على أساس يلوي فيه ويخلي أبوه يتشتت وينسى قليل من المشاكل والهم اللي يمروا فيه ويشغله

أبو ياسر وأبو هاني أجتمعوا بالشباب: إسمعوا الآن جدكم يشتي يفسخ خطوبة يزن وسارة وإحنا بنوقف هذا الشي بحالة واحد بس

يزن بإهتمام: أيش!؟

أبو هاني: اليوم نعقد لكم ، الليلة والآن 

حسام: وجدي؟!

أبو هاني: شله خالك شرف يلوي فيه ويشغله، وإحنا بنعقد لكم

الشباب فرحوا ويزن ما أعترض: موافقين وذلحينه

أبو هاني: مستعدين! نصيح للشيخ

ياسر: بالنسبة لنا نحنا الشباب مستعدين، لكن زيدوا كلموا البنات

رامي: وأنت يا إياد أعقد

إياد برفض: لا لا ما شعقدش

حسام: لييش خطبتم مع بعض إعقدوا مع بعض  وإتزوجوا مع بعض

إياد: لا لا أنا مابتزوجش معاهم، أنا مابتزوجش إلا من بعد ما أنفذ وعد أنا قطعته

الكل بإهتمام: أيش هذا الوعد ؟

إياد أكتفى بالسكوت، يزن وياسر خافوا وأفتجعوا من اللي ممكن يفعله

إياد بداخله حرقة قلب وبينه وبين نفسه ما بتزوجش داليا إلا وأخذ حقها من الذي فعلوه فيها وما بعقدش على داليا إلا وانفذ كل الوعود اللي وعدها واحرق جان ولينا ويارا

الكل يحاول يقنعه بس ماقدروا الأمر قطعي عنده ومتمسك بقراره ويتزوجوا وما يكونش بينهم الحواجز اللي داليا مستنفرة منه لأنه يشتي يعقد لداليا ويعرفها إنه هو السند والظهر لها بدون أي حواجز يقدر يكون معاها بدون ماتحس إنه جان ولينا وويارا بينهم
.
.

أبو هاني و ابو ياسر راحوا للبنات وكلموهم
وما أعترضوا البنات وخصوصاً سارة لأنها تشتي تعقد وتقدر تتفاهم مع يزن براحتها بدون ما جدها يجبرها أو أي حد يضغط عليها إنها تفسخ

الشباب راحوا يجيبوا الشيخ والبنات متوترات، راحوا جابوا الشيخ وعقدوا لسارة ويزن أول شي وهم الأهم اللي بدؤوا العقد فيهم ، عشان لو جاء الحج صالح يكونوا قد تموا العقد ، وبعدين رجعوا يعقدوا لياسر ورانيا

رانيا صح عقدت بس من داخلها ماكانت مرتاحة بس بنفس الوقت إنه وضعها هي وياسر مش مريح لها، حتى ياسر وبلحظة العقد يشوف أمير قدامه ومش قادر يشوف أي حاجة ولا يحس بأي فرحة بس أمير قدامه

بالنسبة ليزن وسارة، يزن فااارح إنه سارة حقه وملكه وضمن حقه وضمن إن سارة له والآن لو تنطبق السماء على الأرض ما يطلقها ومايتركها لأي حد هذه البنت مثل ما دافعت عليه ومنعت فسخ الخطوبة بيدافع عليها بكل ما يملك من قوة وما بيطلقش أبددداً وإنه يتمسك فيها، الكل خرجوا وباركوا وهنوا بعض، والزغاريد ملوا المكان

يزن وقف وهو يتوجع

الشباب: ليش قمت إرتاح

يزن: دام هي عقيدتي بروح أتفاهم معاها وأقدر أفهمها وضعي

منعوه ويصيحوا عليه: بترجع تتفاهم معاها مش وقت

يزن بعناد: لا والله بتفاهم معاها وما بخليها ترقد زاعلة

يزن راح للغرفة اللي فيها البنات وسارة ودق الباب وسمحين له يدخل

يزن شافها: سارة أشتي أكلمك

سارة برفض بدون ما تشوفه: حالياً مافيش بيني وبينك أي كلام، بنتفاهم أنا وأنت من بعد العرس

يزن بعناد: لا بنتفاهم الآن

سارة عصبت: لا بنتفاهم بعدييين

يزن شاف لعند البنات داليا وآسيا ورانيا: ممكن تخلنا لحالنا

البنات قامين وخلوهم لحالهم بالغرفة بحكم إنهم عقدوا، خرجين وغلقين الباب وراهن ، سارة قامت كانت تشتي تخرج وراهن ، بس يزن مسكها ورجعها

سارة بعصبية : أنت مجنوون؟؟ بعديين كيف تجيي وأنت رجلك كلها حروق ومجروحة؟؟؟

يزن مش مهتم: ما يهمنيش، اللي يهمني الآن نسد أنا وأنتي ونتفق

سارة صاحت: مافيش بيننا أنا وأنت أي أتفاق ، لعلمك يا يزن ، أنت جرحتني،  أنت خدعتني ، أنت كذبت عليا ، أنا كنت عايشة معك طوووول.....


https://tttttt.me/rewayatyamania/53778



📚 @rewayatyamania  🇾🇪

💜

بـارتـات يـومنا الاحــد 👆🏻😍

.

البـارت 461 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


سارة صاحت: مافيش بيننا أنا وأنت أي أتفاق ، لعلمك يا يزن ، أنت جرحتني، أنت خدعتني ، أنت كذبت عليا ، أنا كنت عايشة معك طووول هذيك السنين بوهم وكذب، كله ما يهمنيشش ، لكن أنا حبييتك يااا ييززن حببييتك وأنت ما جيت تقوول ليي أي حيين كنتت بتقوول ليي ، أنااا الآن مااعرفشش من حبييت أناا حبيييت يييزنن والااا حبيييت إياااد

يزن اقتهر: حبييتييني أناا من مااا كنت إياااد والا يززن حبييتينيي أناا

سارة هزرت يدها: من أنت أصلاااً من أنتتتت ييزنن والا إياااد أنااا مش فااهمممة أناا عاايششة بكذذببة أنااا عششت بووهمم ، أنا جببت للك مشاااعري وسللمتت للكك شعوووري وقلللبيي ، وأنت جالس تكذذب علييا وتخدععنيي لليشش ليشش ، على الأقلل كننتت تكلمممنيي ، أنت خطبتني وعلى أساااس أنا مخطوبة لإياد أنت مش دااري بالجررح والقههر الذي فعلته فييني وخليتنني أجييب لدالييا كللام  ما تستحقشش دالييا إنهاا تسمعهااا ، أنت داري إن اناا جرحتها أكثررر من أيي إنسااان ليششش قهررتنني وخليييتننيي أقهرررهاا ، ليش بهذااك اليوم لماا صييحت وقلللت للك برررر لييي برررر ليي ، ليشش ما بررت لييي وفهمتتنيي كاانت قدداممك فررصة كاانت قددامكك فررصة أنك تكلمنيي بس أنت لاا فضضلتت أننك تسسكتت وتستتمرر بكذذببك عليييا لييشش ليييش؟؟؟

يزن بصدق: مشش بهذذه السهولة ياا ساارة أناا خفف لو تكللمت إنكك تفللتييني

سارة زاد صياحها: ولووو ولوو كنتت تقوول ولا إنكك تعييش معيي بككذببة ، إن احننا نتركك بععض وإن إحناا نعييش بكذذببة ، أيشش هذذا أنتت أيشش مفككرر هذا مش موضوع عاديي إحنا بمسألة حياااة حيياااة يا ييزن ما ينفععش نكوون في كذذبة وخدعة ، أناا مستحيييل اساامحكك يياا ييزن مستحييل كان قدامك كثيير كثيير فرص إنك تكلمنني بس أنت فضلت السكووت وفضلت تكون مستغفللني لولا اللي حصلل ولوولا الحرريق كاان للآن مستممر في كذببك صحح ؟؟؟ والله أعللم لويين كنت بتووصلل يمكن كنت ناوي تستمر وتتزوجني كمان بكذب وخداع

يزن: لا يا ساارة لا والله أنا كنت ناوي أقول بس قللت لك كنت خاايف كنتت خاايف تفلتتيييني وكللهم يفللتووني لأني أنا ييزن أناا ييزن أبن المزيينة وأناا الأبن والحفيد المنبوووذ كنت خاايف إن جديي وعميي يجبروونا نفسخخ ويمنعوني منك والله يا ساارة

سارة: مالك أي عذر يا يزن مالك أي عذر

وتحركت عشان تخرج بس رجع مسكها: افهمييني يااساارةة

@rewayatyamania المصدر الأول للروايات

سارة دهفته: ما فيش بييني وبينك يا ييزن أيي تفااهم أخرررج من عندددي اخرررررررررجج من عندددييي

يزن خرج وما حب إن يضغط عليها أكثر وهو مقهوور ويجرر أرجلله جرر ، كل اللي كان خاييف منه الآن يتحقق ويخسر أهم الأشخاص بحيياته ، أما سارة فجلست على الأرض وهي تببكي بقههر كبيير إنه كيف خدعها وكذب علييها كل هذه السنين

داليا دخلت بسرعة وحضنت سارة: اهدئي يا عيوني اهدئي خلاص ياروحي فديتش

سارة تبكي بقووووة: انا جررحتشش جبت لش كلام ، انا انا اتهمممتتتكككك وتكلمت علييييششش بسببب هذذذه الكذبة والله العظظظظيم ما اسااامححح نفسي لو امووووت

وببكاء اكثر شدت على داليا بقوووة وانهيار: ساامحييينييي والله العظظيييم بسبببهممم بسبببهمممم يا داليا والله بسبببهممم كسرررروا قلللبييييي وخلوني متوووقعة الخيانة من الكل ، جرحووووني أسامة والهنوووف لما ماعااااد اشوف كل شي الا خييياااانة وانخذذذال والله ما كاااان قصدي كلللله من حررررقة قلللبييييي ظللللمتتتتتش ظظظلللمممتتتتش

داليا ضمتها وبكيت: انسي ياروحي انسي كلنا كنا بنفعل نفس الشي لو انحطينا بهذا الموقف، وهذا غلطي لاني كذبت عليش وما قدرت ابرر لش الحقيقة، وانتي ما ظلمتيني جلستي تطلبي مني تبرير وتفسير بس انا غلقت كل الأبواب قدامش وما خليتش تشوفي الا باب الخيانة

سارة منهارة: مش غلطك هذا غلطي غلطي اني.....

داليا مسحت على ظهرها: انسي ، انتي صديقتي المقربة واختي وبنكون سلايف بالمستقبل مااقدرش ازعل منش يا عيوني

سارة ضمتها وبكيت في حضنها لما ارتاحت
.
.

في فجر اليوم الثاني

.....: ياسر

ياسر شافه وفرح: أميييير

أمير اشر له: لا تقوم ولا تجي عندي انا شاجي لعندك

قرب منه وجلس وابتسم: مبارك عقد الزواج والله العظيم فرحت لك

ياسر اقتهر: كيف فرحت يا أمير انا فرحتي مكسورة كيف اتزوج بنت يحبها صاحبي

أمير يطمنه: ياسر انت حاربت وكنت بتشلها عليا غصب عني، ايش فرقت الآن اني مت ومش قادر تنساها وتشوف حبي فيها؟! ياسر اليوم جيت عشان اقول لك اقسم بالله اني مرتاح وافتهنت وروحي إرتاحت بعد ماعقدت برانيا، لو جلست تعاملها هذه المعاملة انا ما بكون مرتاح واني تركتها بالدنيا لواحد......




📚 @rewayatyamania  🇾🇪

.

البـارت 462 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أمير يطمنه: ياسر انت حاربت وكنت بتشلها عليا غصب عني، ايش فرقت الآن اني مت ومش قادر تنساها وتشوف حبي فيها؟! ياسر اليوم جيت عشان اقول لك اقسم بالله اني مرتاح وافتهنت وروحي إرتاحت بعد ماعقدت برانيا، لو جلست تعاملها هذه المعاملة انا ما بكون مرتاح واني تركتها بالدنيا لواحد ضعيف وما يستاهلها، وروحي بتعيش في الجنة ومش مرتاح لو شلها غيرك، انت قلت اذا مش أمير فهو ياسر، واذا مش ياسر فهو أمير، شاكون اكثر راحة وفي نعيم اذا صالحتها واعتذرت منها، انا مرتاح والله وراحتي ناقصها زواجك انت ورانيا وانكم بتعيشوا بسعادة ولا تنسى انت وعدتني اول من يستلم دعوة عرسكم هو اناا، صلح كل شي يا ياسر

مشي وياسر يصيح بعده باسمه

ياسر مقهور: أمير،.... أمير..... أمير خليني اودعك...... اميييررر

رامي مقهور: ياسر اصحى

ياسر صحي ويلتقط انفاسه: أمير

رامي دمعت عيونه: الله يرحمه، اذكر الله وارجع ارقد

ياسر رجع يرقد لما إذن ظهر وقام وصلى

ياسر فوق سجادته واخيراً زفر نفس عميق براحة وابتسم: اذاً العجوز هذاك كمل ال ١٥ جزء

قام وكله فرح ونشاط وحيوية، روح للبيت كان بيطلع عند يزن شاف المطبخ فيه البنات يصلحين الحلويات

رانيا التفتت وشافته وياسر عمل بيده قلب لها وابتسم

رانيا مصدددومة ايش هذا التغيير المفاجئ

ياسر غمز لها وطلع

رانيا سومت: بنات ماله ياسر

البنات التفتين وما شافين شي: وينه ياسر

رانيا بقهر: كنت اتخيله

آسيا ضحكت: الحب زاد عليش

داليا وسارة: ههههههههههه
.
.

في غرفة يزن

يزن يضحك: مالك اليوم

ياسر فارح: مرتاااااح

إياد: الله يريح عليك

ياسر: يارب، إياد

اياد: مابه

ياسر بحماس: اشتي اشوف رانيا لحالها

الشباب شافوه: !!!!

ياسر شافهم: مالكم تشوفوني هكذا اشتي اكلم مرتي

إياد: كلمها وانا ايش دخلني

ياسر: يزن ما يقدرش يساعدني يااخي ساعدني

إياد نفخ: طيب عتجلس تهرمني انا عارف ما معي

تركه ونزل: رانيا

رانيا شافته: ايش

إياد بتردد: اشتيش بموضوع لوحدش

داليا مسكت الحلا اللي تصلحه رانيا: جاوبي وانا شاكمل

رانيا خرجت ولحقت بعد إياد

آسيا شافتها: ما تغاريش على إياد

داليا بصدق: شاغار عليه من كل بنات العالم، الا من رانيا وسارة

آسيا وسارة ابتسمين

@rewayatyamania المصدر الأول للروايات

إياد دخل غرفة داليا وسارة: تعالي

رانيا دخلت: ايش في

ياسر دخل بعدها: تسلم كسروا رجلك

إياد خرج وضرب ظهر ياسر وغلق الباب

ياسر يتحلف فيه: لو راحت لك فانا امك

رانيا تجمدت مكانها: ياسر ايش تشتي

ياسر قرب منها: اشتي أكلمك

رانيا: في معي عمل في المطبخ

ياسر مسكها وحضنها على طول

رانيا تجمممددت حست قلبها بيوقف استوعبت ودهفته: مجنننوووون انت

ياسر ابتسم: مرتي

رانيا اقتهرت: مرتك بس ما قد تعرسناش للجنان، وبعدين من وين لوين قدك بتحبني

ياسر عقد حواجبه: الجاهل والكبير والصغير والشيبة والشباب والنساء والرجال والعالم كله يعرفوا اني احبك وانتي عادش تعرفي

رانيا بقهر وسخرية: وذكرت انك تحبني الآن اخطى من قبال وجهي

ياسر مسكها وبصدق: رانيا انا آسف على كل شي

رانيا دمعت عيونها بقهر: لا مش آسف بيوم انت لك شهور قاهرني

ياسر بصدق: واليوم جيت اعتذر، رانيا مات عليا أمير وانتي تعرفي صداقتي بأمير وحبي له، اعرف مالش ذنب بموته بس والله قلبي مجروح ومريت بوقت صعب اذا ما تحملتيني انتي منو بيتحملني

رانيا ضعفت: بتحملك بكل شي يا ياسر بس انت قسيت عليا قوي

ياسر مسك يدها وحبها: وجيت لش معتذر، سامحيني والله لو ارضيش بكل جاهة اليمن، وتعرفيني كم جمعت قبائل من قبل عشان عيونش بس

رانيا ضعفت وابتسمت: خلاص رضيت وسامحتك

ياسر فرح وحضنها وكان يلف فيها ملان الغرفة ورانيا منحرجة وخايفة احد يدخل ويشوفهم

ياسر تركها وحبها بخدها: احبش يا رنوني

رانيا دهفته: الله يقلعك عتصوم

وهربت لخارج الغرفة وياسر ارتاح انه خلاص كل اللي كان بينه وبين رانيا راح
.
.

عند رانيا

في المطبخ كل ما ذكرت انحرجت وحمرت والبنات ركزين عليها

سارة بمعراصة: رانيا فيش حساسية لما كل شوية تحمري

داليا وآسيا كاتمات ضحكتهن لان إياد كلمهن عشان داليا ما تغار او تتحسس

رانيا انحرجت اكثر: لا بس احس بحمى

آسيا بدأت تقطع: تعرفي وينه ياسر بيجيب مكيف والا يمسش حمى

سارة وداليا ضحكين ورانيا شلت الملعقة ورجمت آسيا

آسيا تضحك بوجع: كسروا يدش

رانيا مسكت السكين ووجهته للبنات بتهديد: هو عمل إياد، بس عاد اسمع تعليق شذبحكن واذبح ياسر وإياد معاكن

البنات كاتمات ضحكتهن وكل شوية يرجمين لها بكلمه
.
.

في الفندق

رواد روح ودخل غرفته غلق الباب رزعه رزع

اسيناد خرجت وبيدها ملعقة الطبخ: ايش في ماله رواد هكذا يرزع الباب

ابو إسيناد جلس.....





📚 @rewayatyamania  🇾🇪

.

البـارت 463 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


اسيناد خرجت وبيدها ملعقة الطبخ: ايش في ماله رواد هكذا يرزع الباب

ابو إسيناد جلس بقهر: سرنا لمكان عمل ابو رفأ وطلبنا البنت بس رفض لانهم مكارمة

ام رواد اقتهرت: ولا عيقتنع

اسيناد تنهدت بقهر: انا دارية كيف اقنعه

ومكنتها الملعقة: كملي بدلي شوية وارجع

ام إسيناد دخلت المطبخ وإسيناد دخلت عند أخوها

اسيناد جلست جنبه: ما عتقتنعش

رواد: ولا شقتنع الا لما يرضى أبوها واتزوجها

أسيناد: يا رواد أنت وريتني مره صور لك أنت والشلة الصحبة اللي فعلتها جديده؟

رواد استغرب: مالهم؟

أسيناد : أسكه وريني الصورة

إستغرب بقوة: الآن وقتش يا أسيناد؟؟

أسيناد بإصرار: أمانه ورييني

خرج رواد تلفونه ووراها: هااه شوفي

أسيناد كبرت لعند صورة حسام: أصلا ما تشلش رفأ أحسن لك

رواد بإستغراب منها: ليش؟

أسيناد: تحب هذه الشلة أصحابك؟؟

رواد: أيوة طبيعي أصحابي وأخواني هذولا

أسيناد: طيب بس رفأ كانت حبيبة حسام

إنصدم رواد: كيف كيفف؟؟

أسيناد: كانت حبيبة حسام بس خلاص أحسن عشان ما تشوفهاش حبيبة صاحبك

رواد بجدية: إذا كان ماضي أنا ما يهمنيش يا أسيناد ، إذا إنفصلوا ما يهمنيش إذا حسام ما عاد يشتيها ما يهمنيش ، بعدين حسام كيف بيتزوجها مش على أساس أنها مكرمانيه؟!

أسيناد تقنعه: أصلاً هو هذا الذي منع حسام وخلاه ما يتقدمش لها لأن هي مكرمانيه

رواد جنن وما عرف أيش يعمل أو كيف يتصرف ، مسك مفاتيحه وخرجه

@rewayatyamania المصدر الأول للروايات

بعد شوية وصل لشارع بيت الحج صالح يشتي يشوف حسام ويكلمه وإنصدم لما شاف البيت مهدووم ومحترق وحالته حاله ، إتصل لعند حسام وحسام كلمه عن موقعهم ووين هم وراح بسرعة لهم

وصل و نزل وأول ما سلم عليه

رواد: أيش فيي أيش حصل أحد تضرر؟؟

حسام يطمنه: مالك صلِ على رسول الله لا تقلقش هو إبن خالي يزن الذي على أساس إنه إياد طلع يزن ، المهم قصة طويله بس إنه الذي تعرف على إنه إياد تضرر

رواد قلق: ماله  أبسر لي طريق أبسر لي طريق أشتي أدخل أبسره

شاف له حسام الطريق وطلعوا لعند يزن

رواد بقلق: إياد مدري يزن كيفك كيف تحس؟؟

يزن يطمنه: الحمد لله الحمد لله لاتقلق أنا بخير  تسلم يا غالي ما تقصرش

رواد كان يشتي يكلم حسام بس ما قدرش لأن يزن يكون أخو زوجة حسام ، أشر له وخرجوا عشان يتكلموا لحالهم

حسام: خير مافي أقلقتني؟؟

رواد: أنا تقدمت لبنت

حسام فرح: ماشاء الله ، الله يسعدك  يااارب ويوفقك ويكتب لك الخير

رواد: بس حصل شي

حسام أستغرب: أيش حصل؟

رواد: أشتي أتاكد منك من حاجه قبل ما أتزوج بهذي البنت

حسام استغرب: ليش أيش في يا رواد؟؟

رواد: البنت اللي تقدمت لها هي صاحبة كريمتي وهذه البنت أكتشفت إنها رفأ ، رفأ حبيبتك اللي كنت أنت وهي تحبوا بعض!

حسام إنصدم إن رفأ  تكون صاحبة أخت رواد: لا تقلقش يا غالي سير أخطبها

رواد: كيف مااقلقش؟؟

حسام يطمنه بصدق: والله مافي بقلبي شي ، أنا البنت هذه نسيتها ، صح إن أنا حبيتها بيوم من الأيام بس والله العظيم نسيتها وأنا أحب مرتي وأشوف مرتي بين عيوني وما عاد أشوف  أحد غيرها وما فيش بيننا أنا وهي أي حاجة وقد لي مدة طويلة من تركتها يعني إنفصلنا من زماان من لما تزوجت إنفصلنا وما تكلمنا

كذب هذه الكذبة بخصوص تواصلهم وإنه إنقطع من لما تزوج عشان ما يفضحش رفأ ، ورواد وما يرجعش يذلها وما حب يرخصها أمام رواد إنها بقيت على تواصل معه من بعد الزواج فهو يشتي يكبر رفأ بعيون رواد فكذب هذه الكذبة أما باقي كلامه عن إنه ما عاد يحبها ويحب آسيا فهو صادق فيه ولأن رفأ قد كانت تحبه ويحبها في يوم من الأيام تمنى لها الخير وحب يشوفها مع إنسان يصونها مش شخص يسترخصها

رواد ارتاح: ارتحت ربي يسعدك

حسام: ويسعدك ويتم لك النصيب، يلا اطلع اليوم العشاء عندنا

رواد انحرج: والله ما ينفع اردك بس اعذرني، فيكتور عندي

حسام: تعال انت وفيكتور

رواد: لا والله قد البيت كلفوا أنفسهم عشانه مره ثانية ان شاء الله

حسام: ان شاء الله

تركه رواد وراح
.
.

بعد العشاء

سارة مدت له العلاج: بالعافية

يزن ترك القلص: الله يعافيش

سارة مشيت بدون ما تشوفه بس يزن كان اسرع ومسك يدها عشان يكلمها ويحاول يعتذر منها بس ما لحق الا والحج صالح دخل

الحج صالح صاح بعصبية: فلللتتتت يدها فلللتتتت

سارة خافت وشدت على يد يزن ويزن قام ووقف قدامها وخباها وراه

الحج صالح دخل بعصاته: كييييفففف تمسك يدها انت مش في امريكككاااا

يزن بهدوء: ليش حد قال لك انو في امريكا كنا نمسك يدات البنات؟!

الحج صالح ضربه بعصاته: وايش فعلت الآن

يزن مسك العصا: مسكت يد مرتي

الحج صالح انصددددم: من من

يزن بثقة: مرتي......


https://tttttt.me/+Ecxq_OzMYh40M2E0



📚 @rewayatyamania  🇾🇪