.

البـارت 272 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


فيكتور بهدوء: لقد توقعت ذلك
شاف لعند الدكتور: حسناً شكراً لك، سأرسل اتباعي حتى يعيدون الجثة

الدكتور: حسناً
.
.

في اليمن
في بيت الحج صالح

أبو ياسر تركها ومسح دموعها ، خرج صندوق الخاتم فتحه وأخذ الخاتم مسك يدها ولبسها الخاتم وهند مصدووووومة مش مستوعبة شي

هند نزلت دموعها من جديد: أيش سويت هذا الخاتم حق....

أبو ياسر: هذا خاتم زوجتي هذا الخاتم رمز لعلاقتنا الجديدة

هند شافته وأستغربت: زوجتك؟؟ علاقتنا الجديدة؟!!!

أبو ياسر حب يدها وشافها: هند أنا وعدتك اليوم آخر يوم لنا كصديقين لأنو من اليوم ما بنكون بس صديقين بنكون كمان حبيبين وأسعد زوجين

هند أبتسمت وكشرت مش مستوعبة قلبها خفق بشدة: علي أنت أيش تقول؟؟

علي شاف لعيونها بحب قرب منها أكثر حط جبينه على جبينها: أنا أحبك يا هند وما بطلق أشتي أكمل عمري معك

هند ما تحملت حست قلبها بيوقف أنفجرت بالبكاء وأبو ياسر حضنها بقوووووته

أبو ياسر حاضن لها وحبها: تقبلي تكملي عمرك معي؟

هند حضنته وأشرت بمعنى أيوة وهي مش مصدقة حاسة إنها بحلم

أبو ياسر ضمها أكثر وغمض عيونه وبينه وبين نفسه الآن عرفت ليش ما طلقتك من يومها أنا كنت أحبك وأنا مش فاهم لنفسي ومش منتبه يا هند بس أمس بسبب مذكرتك أكتشفت إني أحبك وعرفت مشاعري الحقيقية إني أحبك يا هند

تنهد ورفع صوته بعمق مشاعره: ورب الكون أحبك يا هند

هند أنهارت ولكن إنهيار الفرحة: وأنا أحبك والله العظيم أحبك يا علي من طفولتي أحبك من طفولتي أنت حبي الأول والأخير قلبي ما قدر يميل لغيرك ما قدر ينبض لغيرك أو يخرجك منه

أبو ياسر حاضن لها ومقهور من مشاعرها: ليش ما تكلمتي أنو أنا حبك الأول يا هند ليش؟؟ أنا واصل أقول قلبك أقل قلب متضرر من بيننا الأربعة وهجرتك وأنتي ساكتة ليش، ليش يا هند لما كسرتي هذاك الجاك قبل 29 سنة وقلتي إنك تحبي وسألتك عنه قلتي لي ما تدخل منه ليش ما قلتي إنوو أنا حبك اللي عايش بقلبك ليش وليش صبرتي كل هذه السنوات ليش صبرتي عليا وتحملتيني وأنا أقول أنتي مش متأذية والحقيقة إنك أكثر واحدة مننا متأذية ليش يا هند الوحيدة اللي قدرت تخفي معاناتها ووجعها وألمها من بيننا أنتي أنتي كنتي وبقيتي أقوى واحدة فينا ليش يا هند ليش؟؟

هند تبكي: لأني محترمة حبك لأختي وحبها لك

أبو ياسر نزلت دموعه: لكن إحنا ما أحتررمنا مشاعرك بس خلاص كل شي أنتهى والآن بنعوض بعض عن كل وقت عشناه بعاد عن بعض وإحنا قراب من بعض

هند ضمته أكثر وهي مش مصدقة حاسة نفسها بحلم حلم جميل بوسط الأحلام الوردية ما تشتي تصحى منه

@rewayatyamania المصدر الأول للروايات

في صباح يوم الجمعة

بغرفة أبو ياسر

فتحت عيونها شافته كيف يشوفها ويتأملها بحب

هند أبتسمت: أنا بحلم أكيد إنتبه يا علي تتحرك لو تحركت بصحى

أبو ياسر أبتسم قرب وحب رأسها ويدها: مش أنتي بحلم يا نور عيوني آسف إني خليتك تريعي كل هذه السنوات

هند أبتسمت أكثر بفرحة عميقة: بس أستحق الإنتظار بالأخير أنتصرت بقلبك وبحبك

أبو علي حبها: يلا قومي اليوم معانا عزومة خلينا ننزل ونكلمهم بقرارنا

هند أشرت بمعنى تمام قامت تتروش خرجت شافته مش موجود عرفت إنه راح الجامع فرشت سجادتها وصلت فرضها وبعدها صلت ركعتين لله شكر إنه عوضها وجبر قلبها بعد كل سنوات العذاب والعناء خلصت ونزلت شافتهم روحوا من الجامع والكل مجتمعين

الحج صالح مبتسم: تعالي يا هند علي كلمنا نجتمع قال يشتي يقول شي

هند أنحرجت وراحت تجلس جنب زوجها والكل منتظرين يتكلم

أبو ياسر شاف رانيا: رانيا أنا مااعرفش أيش قرارك بس أشتيش ترتاحي من ناحية
شاف أخوه رجع يشوف رانيا: أنا ما بطلق خالتك، حتى لو أبوش طلق أمك أنا مستحيل أطلق هند لأني أحبها

يزن أبتسم بدون شعور من الفرحة وياسر مش مستوعب اللي سمعه والكل فرحوا

أم حسام فرحت من قلبها: صدق يا علي!

أبو ياسر حب يد هند قدامهم عشان يصدقوا: والله لو تنطبق السماء على الأرض ما أتركها

هند نزلت دموعها من قوة جبر الخاطر وأبو هاني مصدوووووم والحج صالح يشوفهم والفرحة مالية قلبه

رانيا فرحت: يعني بقدر أرفض براحتي

ياسر ضحك مش مستوعب: أباه أنت تحب أمي صح؟

أبو ياسر أبتسم لإبنه: أكثر مما تتخيل حتى

ياسر ضحك بفرحة قفز لعند أمه وأبوه حضنهم وهو يضحك من شدة فرحته والكل فرحوا لهم ماعدا أبو هاني اللي مش مستوعب

أم إياد بينها وبين نفسها: ياالله لك الحمد وأخيراً شفنا علي وهند مرتاحين بعد كل السنوات اللي مشت

أبو هاني وقف وخرج ومش مستوعب الضربة اللي توجهت له

هند شافت ياسر: ياسر وصلني بيت جدك بروح أجيب حاجاتي وأرجع عشان أساعدهم بالعزومة

ياسر حب رأس أمه بفرحة: طيب هيا......




📚 @rewayatyamania  🇾🇪

.

البـارت 273 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


هند شافت ياسر: ياسر وصلني بيت جدك بروح أجيب حاجاتي وأرجع عشان أساعدهم بالعزومة

ياسر حب رأس أمه بفرحة: طيب هيا

قامت هند تبدل وأبو ياسر مرتاح جداً وياسر أخذ أمه وصلها ورجع لقي هاني في البيت

هاني فرح: اليوم بيكون أسعد يوم بحياتنا شفتوا هذه الأخبار اللي تفتح النفس

رانيا فارحة: أيوة والله الآن أرتحت إن عمي ما بيطلق خالتي

هاني أقتهر: بس أمي

رانيا: أمي أصلاً تشتي تفتك من أبي

هاني: وين رامي وحسام

أم إياد: راحوا يجيبوا الناقص للعزومة ويتقضوا
شافت يزن: ليش يزن ما جاء؟!

يزن: مش راضي وأنتي تعرفي جدي كمان

أم إياد أقتهرت: إذاً أنا بروح لعنده لكن بكرة اليوم عزومة بننشغل

آسيا: وأنا كمان بروح بكرة كان إياد بيوديني لعنده أمس بس ما قدرت من وِد

رانيا شافت أخوها: وين مرتك ليش ما تجي تساعدنا للآن قده شرق؟؟!!!!

هاني: والله مالي علم مالها قامت تاعبة ما قدرت تجي

أم حسام: الله يشفيها لكن جدك بيزعل منها قوي والله

هاني أقتهر: أعرف بحاول معاها تجي هي دائماً ما تقصر بس هذه المرة تاعبة والله

قرب لعند يزن وياسر

هاني: إياد ، ياسر باروح أجيب حلويات للعزيمة ، تعالوا معي مشتاق للخرجة والهدار معاكم والله

يزن: وإحنا والله يلا مشينا

ياسر: أنتوا روحوا أنا بروح عند أمير أشوفه

هاني أبتسم: خلاص ياسر بايعنا وشاري أمير

ياسر ضحك ضحكة خفيفة: أمير يسوى روحي والله

هاني مقدر موقفه من أمير: تمام خلاص أنت روح لأمير باروح أنا وإياد نجيب الحلويات

راحوا يزن وهاني بسيارة هاني ، وياسر راح لعند أمير
.
.

في شقة زياد

وصل ياسر شقة زياد وسلم على أمير بحرارة: حبيبي يا أمير

أمير مبتسم: تسلم ياغالي

ياسر: كيفك كيف صحتك

زياد: إحم إحم عاد يقولوا هنا في ناااس غير امير

همدان: يا رجال عيب عليك نحنا قدامك هههههه

ياسر: ههههههههه والله ما أقصد وبمزح: أمير غطى عليكم

زياد قام وضربة وياسر يضرب زياد وامير فزع مع ياسر

الكل: ههههههههه

وأخذهم الكلام ساعتين

ياسر: أستأذنكم يا شباب تعرفوا اليوم عندنا عزومة وضرووري أروح أشوف لو في نقص، وأنتم قدكم بتلحقوا

الشباب: إن شاء الله

أمير: وأنا بحاول أمر للبيت سريع الآن يكون أبي قد خرج

همدان وزياد: يلا تمام لا تتاخر

ياسر: خليني أوصلك بطريقي

أمير: يلا مشينا

وصلوا لبيت أمير، نزل أمير وياسر كمل طريقه للبيت

أمير أتصل: هاه ملاكي أبي موجود؟!

ملاك: لا لييش؟!

أمير إنزلي إفتحي لي الباب الوراني الحرس ملان ما قدرت أدخل

ملاك: يلا نزلت

ملاك غلقت من المكالمة ونزلت تفتح الباب اللي يوصل لجهة المطبخ

أم أمير: عمى مالك تجري إستضي قدامك

ملاك طنشتها وخرجت

أم أمير: إهييي البنت تطنش...

لحقتها عشان ناووية على مشكلة بس وقفت لمن شافت أمير حاضن ملاك راحت وهزرته لعنده: أمير يا عمررري ويينك ليش هذه المرة طوولت

أمير : هذا انا يمه أجيت

ملاك تشوفه بس بقهر ودموع

أمير بقلة حيلة: أيش قلنا يا ملاكي مااشتيش أشوف دموع لوم نفسك وإلا لا

ملاك غطت على وجهها وبكت بحرققة: أنا السبب أنا اللي أوهمتك أنا اللي عذبتك أنا كل شي حصل لك ياليتني لا رحت العرس ولا شي

أمير حضنها وباس راسها: إدعي لي أنتي بس إدعي لي

أم أمير بضبح: هو مايجي منكن إلا البلاء

أمير بدون روح: هيا أستأذنكم بمشي

أم أمير: مسرررع ياابني

أمير ما جاوبها أخذ نفسه ومشي بدون نقاش، مشى وقلبه مثقل بكل شي

أم أمير: عجبك، شفتييي؟! ضرووري تذكريه ضروووري هااااه؟!

ملاك تسمع كلام امها وتبكي قهر على أخوها

أم أمير: بس بكبكة وكملي مهرة

ملاك شافتها بقهر وراحت تكمل شغلها

@rewayatyamania المصدر الأول للروايات

في بيت هاني

الهنوف فتحت الباب وهي تفكره هاني أول ما شافته خافت وحاولت تغلق الباب بس أسامة كان أقوى فتح الباب ودخل وغلقه

الهنوف: أسامة مالك أيش تشتي مني!؟!

أسامة قرب ومسك يدها: وحشتيني
وابتسم: اليوم الكل مشغول بالعزيمة أيش رأيك نكون مع بعض

الهنوف عصبت: فلتني يا حيوان لا تتخيبل، أنت متزوج ومرتاح مع مرتك وأنا متزوجة وأحب زوجي خلاص إتركني بحالي

أسامة شد على يدها: بهذه أنتي كذابة، صح أنا تزوجت ومرتاح مع مرتي وبالحقيقة أحبها وأعشق سارة ويمكن حبيتها أكثر منك لكن ما نسيتك يا هنوف وأنا عارف أنتي ما نسيتيني أبداً

الهنوف نزلت دموعها بحب لأسامة: أسامة إخرج وخليني لحالي

أسامة سحبها صليه وشاف لعيونها: ليش خايفة تضعفي قدامي

الهنوف حطت عيونها على عيونه وفعلاً ضعفت لكن بسرعة هربت قبل ما تستسلم له
.
.

وصلوا هاني ويزن لمحل الحلويات ، وأختاروا اللي يشتوه وكلموا العامل يجهز لهم طلبهم

هاني مسك تلفونه وأتصل للهنوف......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 274 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


هاني مسك تلفونه وأتصل للهنوف

الهنوف بخوف: هاني

أسامة يهديها: إهدئي وجاوبي طبيعي لا تخليه يشك

الهنوف أشرت بمعنى تمام وردت

الهنوف: الوو

هاني: هلا هنوفي، جهزتي نفسك، بأجي أشلك بعد شوية بس أشل الطلبية وبمر لك عشان تساعديهم بالعزومة اللي ببيت جدي

الهنوف خافت وتوترت: لا يا عيوني ما أشتيش أروح أحس إني تاعبة وبنفسي أرتاح بالبيت

هاني بحنية: تمام يا روحي أهم شيء إرتاحي، خلاص بروح لبيت جدي والليل أمر أتطمن عليش يلا أستودعتك الله

الهنوف أرتاحت: مع السلامة

الهنوف بقهر: كنت ما بروح العزومة بسببك وأنا ما أشتي أشوفك وأنت مع سارة ليش فعلت فيني هكذا يا أسامة

أسامه: ليش ما تشتيش تشوفينا؟ ما تشتي تواجهيني لأنك عادك تحبيني؟؟

الهنوف أقتهرت: أيش جابك الآن يا أسامة فلتني بحالي ، يكفي إنك ما تركتني لحالي كل هذي السنين اللي مرت ، خلاص أنا شفت حياتي وأنت شفت حياتك ، أنت تزوجت سارة وحبيت سارة ، وأنا تزوجت هاني وحبيت هاني

أسامة قرب منها وحط عينه بعينها: ليش ترجعي تكذبي على نفسك؟؟ أيوة أنا تزوجت سارة وحبيت سارة وأعترف إني أحب سارة و كل شيء يتعلق بسارة وبرجع أقولها من جديد حتى حبيتها أكثر منك ، لكن أنتي ما حبيتي هاني ، أنتي للآن جالسة تحبيني أنا ، ما بقلبك غيري أنا، حتى لو تزوجتي هاني

الهنوف أقتهرت من غزله بسارة: إلا أنا حبيت هاني ، وهاني يحبني وما قصر عليا بشيء وعوضني عن كل شيء و..

أسامة قاطعها بخبث وهو يقرب أكثر: أيوة أعطاش كل شيء بس رغم كل شيء أعطاه لك ما قدرتي تعطيه حبك وقلبك لأن عاد قلبك عندي وعادك تحبيني أنا وبتجلسي تحبيني أنا

الهنوف بتعلثم وتحاول تفتك منه: لا لا أنا ما أحبك ما أح...

قاطعها أسامة وهو يقرب أكثر: أشششش أنتي ليش تنكري ليش تعاندي قلبك؟؟ إذا لسانك قال لا ما تحبيني ، قلبك ما ينبض إلا بحبك لي ، عيونك بنفسها تفضح حبك لي ليش تنكري يا هنوف؟

الهنوف ما ردت وتتراجع وأسامة يتقدم لعندها لما لصقت بالجدار ووقف أسامة عندها قرب من أذنها و همس لها: بنشوف الآن عاد أنتي بتحبيني أو لا....

وللأسف الهنوف ما أبدت أي ردة فعل زيادة وأستسلمت لحقيقة مشاعرها وحبها لأسامة وووووو.........

@rewayatyamania المصدر الأول للروايات

عند هاني ويزن ، خلصوا من أخذ الحلويات  ورجعوا للسيارة

هاني شاف تلفونه: فعلت لي سارة رسالة إن أسامة مشغول وتشتيني أوصلها معي لبيت جدي ، بنمر نشلها

يزن ضاق وحاول يتهرب: خلاص هات الحلويات أنا بروح أسبقك للبيت وأنت روح جيب أختك ومش قلت بتمر لزوجتك بتدي لها حلويات وتطمن عليها؟

هاني: وكيف بتروح؟؟

يزن: بدبر نفسي بشوف لي تاكسي يوصلني أو أي شي

هاني فاهمه: ماشي والله إن رجلي على رجلك بنروح نشل سارة ونمر لبيتي أشوف زوجتي وأوصلها عند أمها تنتبه لها وبعدها نرجع سوا إركب بس إركب

ما قدر يزن يرفض أكثر خلاص هو لازم يشوف سارة خاف لو حاول أكثر يشك هاني بتهربه أو شيء ، وما معه إلا إنه يرضى

شغل هاني سيارته وراحوا لعند شقة سارة وأتصل لها تنزل

سارة نزلت وركبت السيارة شافت يزن مع أخوها
سارة: وين الهنوف؟

وألتفتت على يزن بعدين طنشته وهي مقهورة منه وآخذة منه موقف

رجعت تسأل هاني: وين الهنوف؟؟

هاني حسه عندها: ما بتقدر تجي معنا قالت تاعبه

سارة قلقت عليها: خلاص طيب مر لعندها أشتي أشل منها حاجة وقد انا أتطمن عليها حتى أنا كلمتني قالت لي إنها تاعبة

هاني راح صلا بيته: تمام أصلاً أنا كنت بروح لعندها

وصل هاني لعند بيته

هاني جاب المفتاح لسارة: أنتي إسبقي بشل الحلويات اللي شليته لها وأجي بعدك

سارة شلت المفتاح وفتحت دلا عشان ما تزعجها لو راقدة

نزلوا هاني ويزن ، شل هاني الحلويات اللي أشتراهم للهنوف وألتفت ليزن: هيا تعال إدخل

يزن يشتي يكون بعيد عن سارة: لا لا بجلس أنتظركم هنا
.
.

عند سارة

طلعت ودخلت بهدوء بس وقفت بصدمممممممممة لما شافت المنظر اللي قدامهاااا

الهنوف صديقة عمرها ، بحضن أسامة زوجها ويبوسها ، أنصدمت بقوة حست الدنيا دارت بها، تراجعت بخطواتها للوراء وتحرك رأسها برفض تحاول تنكر اللي شافته ، تتمنى إنها تتوهم، تتمنى إنه كابوس بتصحى الآن منه، تمنت كل شيء إلا إن اللي تشوفه قدامها الآن يكون حقيقة ، تراجعت، وخرجت شافت أخوها يكلم يزن إنه يدخل ويزن يقول إنه بينتظرهم هنا أنفاسها تتسارع وجسمها تنمل بدأت تأخذ نفس بصعوبة

عند يزن وهاني

يزن: لا لا بجلس أنتظركم هنا

كان هاني بيرد بس سكت لما شاف نكزة يزن وهو يشوف وراه

يزن نكز بخوف عليها: سارة مالك..

نسى كل شيء ونسى وجود هاني، ونسى تهربه منها ومن مشاعره الغير مفهومة بالنسبة له نسى.......




📚 @rewayatyamania  🇾🇪

.

البـارت 275 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


تلك الرجفة، رجفة القلب في لحظة الخيانة رجفة العين بين الدمعة والدمعة، رجفة المشاعر عندما ترى مشاعر مسمومة من الطرفين الأقرب للقلب أحداهم عرق القلب والآخر وتينه، تلك الصدمة التي ستبقى في الذاكرة لن يمحيها الزمن ستبقى عالقة في قلوبنا ، لطالما كانت مشاعرهم سامة منذ البداية فكان ذنب تلك المشاعر قلوبنا البريئة التي لم تغدر فثمن البراءة هي الندم....
سيراودني السؤال لمَ لا نخون؟؟ أن نكون محصنين قلوبنا وإن كانت ظلماً ليست جرماً
لمَ لا نغدر؟؟
لمَ أتينا أبرياء في زمن الخيانة؟!💔

@rewayatyamania المصدر الأول للروايات

يزن نكز بخوف عليها: سارة مالك..

نسى كل شيء ونسى وجود هاني، ونسى تهربه منها ومن مشاعره الغير مفهومة بالنسبة له نسى كل شيء بمجرد ما شاف شكل سارة والصدمة على وجهها والدموع متجمدة بعيونها، نسى كل شيء و ما أهتم لأي شي إلا للبنت اللي يحبها وما قدر يتجاوز وينسى حبها مهما حاول ومهما هرب من شعوره إلا إن حقيقة مشاعره اللي مهما حاول ينكرها تفجرت الآن بداخله بمجرد ما شاف لسارة ودموع سارة ، قرب منها وسألها بخوف كبير: سارة مالكك ليشش تبكيي؟؟؟

قرب هاني من أخته بخوف: سارة مالك أيش فيش مالصورتك مقلوبة ليش بتبكي؟؟؟

سارة رفعت رأسها لهاني وشافت لعنده وبهمس متقطع: ااا....اد.....ادخ..... أدخل شوفهم ، أااا.... د..... خلللللل بس بدون ما يحسوا

وبصوت شبيه الصراخ: عل... ي....ك  عليييييييييييك آااااااه

هاني شاف ليزن بخوووف تركها ودخل ، ويزن أستنكر صدمة سارة ، لحق بعد هاني يشتي يشوف الشيء اللي صدم سارة وخلاها بهذا الشكل

دخل هاني ووراه يزن على طول ، وأنصدموا من اللي شافوه ، أسامة والهنوف في منظر مخل بششككلل ، يزن غض بصره بسرعه من اللي شافه قبض قلبه بقهر وهو يشوف منظر لينا وجون قدامه تكرر المشهد قدامه لكن هذه المرة مش قلبه هذه المرة قلب حبيبته وقلب ابن عمه اللي بمثابة اخ له، أما هاني فما تحمل ، أنعمت عيونه من الغضب ، وأحتقن الدم في وجهه ، طوالي مسك الجنبية

هاني صرخ بقهههررر وألم الخيانة: أساااااامة هنووووووف يا حقيريييين

أسامة شاف هاني ووقف بخوف: هاني إنتبه

هاني أعتمى وماعاد يسمع شي ولا يشوف شي إلا شخص قدامه لعب بشرفه راح تهجم على أسامة ،
يزن حاول يلحقه بس هاني كان أسرع منه رجم  أسامة في الأرض وجلس فوقه ويطعنه بكل قوته ، يزن حاول يفكه بس ماقدر، يدخل الجنية بجسمه ويرجع يخرجها ويرجع يطعنه ويخرجها والدم يتناثر على وجهه وملابسه وملا المكان ، ومن قوة وحشيته وهجومه ما قدر أسامة يجيب أي ردة فعل ، وكل شي مر بسرعة لدرجة يزن مش مستوعب هاني أيش يعمل كان يطعن بحجم القهر اللي تجمع بقلبه ، بحجم قهر الرجال اللي تعوذ منه رسولنا صلى الله عليه وسلم  ، بحجم ألمه ألم الخيانة وحجم صدمته باللي شافه ، زوجته بأحضان شخص ثاني ، ومش أي شخص زوج أخته، أخته اللي شافت الصدمة هي الثانيه قبله ، كان يطعن أسامة بشكل هستيري بجميع أنحاء جسمه وهو يصيح ويصرخ من كمية قهره: يا حقيييييييير يا نجسسسسسس والله لأشرب من دمممك مايكون إسمي هاني إذا ما خليتك عشاء المقابر

أما الهنوف خافت بقووة من شكل هاني ومن إنها أنفضحت وشافها زوجها ، خافت من شكل هاني اللي كان كأنه وحش ثاير متهجم على فريسته وما رحمها خافت إن يخلص من أسامة ويلتفت عليها ، أخذت الروب ولفت به نفسها وخرجت تجري ، من الغرفه ، مسكها يزن قبل لا تهرب وخلس شاله وحطه على رأسها و هو غاض بصره عنها ومنقرف منها بشكل أكبر من إنقرافه من لينا

يزن بقرف: قدك إنفضحتي عند زوجك على الأقل لا تنفضحي عند الناس وغطي شعرك

الهنوف مسكت الشال وخرجت تجري من البيت

سارة شافت الهنوف  كيف خرجت تجري وتبكي ومنظرها اللي يبين إنها هاربه أفتجعت وأسرعت بتدخل بس وقف يزن في طريقها ، ومنعها إنها تدخل ، وبينه وبين نفسه كفاية إنها شافت صدمة زوجها يخونها مع صديقتها ، مش لازم تشوف أخوها كيف يقتل زوجها......

سارة تبكي وتصيح: وخر يا إياد ليش واقف قدامي وما تشتيني أدخل

يزن خايف عليها: ولا شي بس تعالي تعالي أدخلي للسيارة

سارة تقاومه وتحاول تدخل بس يزن مسكها وسحبها وركبها بالسيارة وغلق الباب عليها

سارة تضرب الفريم وتحاول تفتح الباب وتصيح: إفففتتتتحححح يا إيااااد تعاااااااال إفتح أيش مخبي عليا تكلم تعاااااااال تعااال يا إياد ااافتحح خليني أشووووف

يزن ألتفت وتركها بالسيارة رافض وفي نفسه: صدقيني يا سارة أفضل إنك ما تدخلي وتشوفي كيف أخوش أرتكب جريمة بزوجك الخاين اللي ما صانك

دخل لعند هاني  شاف هاني جالس على الأرض وملابسه كلها ملانة دم وعلى وجهه آثار دم أسامة اللي تناثر عليه........


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 276 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


دخل لعند هاني شاف هاني جالس على الأرض وملابسه كلها ملانة دم وعلى وجهه آثار دم أسامة اللي تناثر عليه من كمية الطعنات اللي طعنها له أقتهر حاسس بوجعه مر فيها من قبل مشاعره مكبووودة من إنه يقدر يتخيل وجعهم الإثنين الآن

هاني رفع رأسه ليزن بفتووور: وصل سارة لبيت جدي

يزن مكبود مسكه من يده: تعال غسل وجهك وغير ملابسك وتعال معي

هاني بوجع العالم وما فيه: لا أنت بس روح وصل سارة أنا بروح أسلم نفسي

يزن سكت ما عرف أيش يقول ، بس رضي بكلام هاني ، وخرج ركب مكان السواق وساق السيارة لعند بيت جده

سارة تبكي وتضرب يزن: فلتني بروح عند هاااني بروووح عند أخييي هووو بحاااجتي بحاااجتي

يزن تاركها براحتها نزلت دموعه إن حبيبته بهذه الحالة ومش قادر يخفف عنها عارف إن عصبيتها الآن وضربها له بيخفف على قلبها شوية وسارة تصيح وتضربه وهي ما زالت بحالة صدمة

أما هاني بعد ما راح يزن وتأكد إن أخته ما بتشوفه بهذه الحالة قام وخرج من البيت وراح للقسم سلم نفسه..
.
.

في بيت الحج صالح

دخلت سارة والكل أفتجع من الصووت اللي يسمعوه

سارة تقاوم مسكة يزن: إيااااااااااد فلللللللت قلللللت فلللللت خلييييني أروووووح فلللتتتننيييي ما تفهههمممششش انت فلللللللتتتتتتت

الكل خرج وأفتجعوا من شكل سارة المبهذل من الصراخ والبكاء ودخل يزن وهو ماسكها غلق الباب وترك يدها

سارة تضرب يزن وتحاول تفتح وتصيح: وخرررر من الباببب وخرررر يا ايااااد وخررررررررر

يزن مسكها: تعالين امسكوها

آسيا ورانيا مسكنها وسحبنها وسارة بدأت تهدأ وتأخذ نفس عمميييق ومنهارة ببكاها

الكل يسأل أيش في ومالكم؟؟؟؟

يزن مقهور: سارة إطلعي إرتاحي بغرفتك أنا بكلمهم

سارة شافته بنص عين وانفاسها تتسارع وملامحها ذابلة تحت تأثير الصدمة وفعلاً إحتاجت تروح وتجلس لحالها وتستوعب الصدمة اللي هي فيها تركتهم وطلعت

ابو ياسر والحج صالح شافوا يزن: ايش في

يزن تنهد ومشاعره مكبودة: سارة وهاني شافوا أسامة وزوجة هاني مع بعض في منظر مخل بالمختصر سارة شافت خيانة زوجها وأعز صديقاتها بأم عيونها ، وهاني شاف زوجته تخونه مع زوج أخته وأنصدموا الإثنين والآن كل واحد حالته ألعن من الثاني

الكل أنصدم و أختلفت ردودهم

رانيا مسكت رأسها وبكت: الحقيرة الخاينة بنت الكللللببببب

رامي بقههرر: الكلببب هذااا ويننننه

الحج صالح أقتهر على أحفاده وغمض عيونه: الله المستعان، الله المستعان

أم حسام حسها عند هاني: وهاني وين؟

يزن سكت ما عرف أيش يقول.....

@rewayatyamania المصدر الأول للروايات

أبو هاني صاح: تكلم هاني وينه؟؟

ابو ياسر خايف على هاني: ايااااد انططقق

يزن بتردد: أنا ما قلت لسارة إنتبهوا إنها تعرف يكفيها الصدمة اللي شافتها

أبو هاني والكل أعصابهم: تكلم وين هاني أيش حصل؟؟

يزن بهدوء: هاني قتل أسامة وراح للقسم سلم نفسه...

الكل أنصدموا وما قدروا ينطقوا من الصدمة، وأبو هاني أرتجم في الأرض بثقله وكأنه جبال أرتجمت عليه ورانيا بكيت بقوتها على أخوها لدرجة ماعاد قدرت تتماسك

ام حسام مسكتها وهي تبكي: رانيا انتبهي

رانيا تبكي بووووجع: لا اله الا الله، لا اله الا الله، يارب رحمتك في اخوتي

الحج صالح مش مستوعب للآن: حلو إنك ما كلمت سارة وخبيت عليها مش ناقصه صدمة فوق صدمتها

إلتفت لإبنه طه وبعصبية: شفت شفت عنادك لوين وصلك؟؟ كل هذا ضريبة إنك أستعجلت وما سألت عن أسامة، ورجمت بنتك له كله عشان عنادك ، وكان ضروري إنك أقل شيء تسأل وتستفسر عن من جاء بيخطب بنتك، وبالذات إن خطبة أسامة لسارة جت بعد خطبة هاني للهنوف طوالي ، يعني الوضع كان مش مطمن من البداية، بس أنت بعنادك شوف كيف ضيعت أولادك وضيعت بنتك وشوف أيش حصل

طه بضيق وهم منزل لرأسه وجالس بالارض ما عرف يستقيم: مش وقت ياباه

محد جاب رد فعل على كلام الحج صالح لأن كلهم متفقين مع كلامه ...

آسيا تبكي مسكت رانيا: قوا يا رانيا مش الآن وقت البكاء امسحي دموعك خلينا نطلع عند سارة

رانيا مسحت دموعها واشرت بمعنى تمام

آسيا ورانيا طلعين لعند سارة وهن مقهورااات بقووة ، عشان يكونين معاها ويخففين عنها صدمتها ومصيبتها رغم مافي شي يمكن إنه يخفف عليها

سارة تبكي بحرقة: وين هاني وكيف حالته
زاد بكاها: وين أخي ؟؟  أنا عارفة هاني قووي أنا عارفة أيش شعوره الآن هاني وجععه مثل وجعي الآن، إنكسارة مثل إنكساري
وبشبه جنون: وينه هاني أشتي أشوفه ما أحد بيفهمني ويحس بشعوري غيره، ومحد بيفهمه ويحس بشعوره غيري والله والله،، وييين أخيييي وييينننه قلببببه بيوجعه مثل قلللبي قللللب أخيييي يا رانياااا قلب أخييي يا آسيياااا ويييننن أخييييي وييييننن،،، وكانت تبكي بهستير......





📚 @rewayatyamania  🇾🇪

.

البـارت 277 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


وبشبه جنون: وينه هاني أشتي أشوفه ما أحد بيفهمني ويحس بشعوري غيره، ومحد بيفهمه ويحس بشعوره غيري والله والله،، وييين أخيييي وييينننه قلببببه بيوجعه مثل قلللبي قللللب أخيييي يا رانياااا قلب أخييي يا آسيياااا ويييننن أخييييي وييييننن،،، وكانت تبكي بهستيرية

آسيا ورانيا سكتين ما قدرين يقولين لها عن هاني وأيش عمل ووين هو الآن....
.
.

في القسم

بعد  ما سلم هاني نفسه ، وقال لهم بكل شيء حصل
تحركت دوريتين بإتجاه بيت هاني مع سيارة إسعاف ، وبالطريق إتصلوا لأبو أسامة عشان يجيبوا له علم باللي حصل بابنه

وصل بسرعه جنونية لبيت هاني ، من لما كلموه الشرطة وجابوا له خبر  اللي حصل لإبنه وهو زي المجنون
وقف السيارة ودخل يجري زي المجنون وقف وهو يشوف إثنين مسعفين حاملين شخص على النقالة مغطيين وجهه، وكان واضح إنها جثة قرب ببطء ووقفهم، مد يده اللي كانت ترجف من قوة شعوره وقوة الموقف اللي هو فيه الآن ، وهو بين المصدق والغير مصدق ، الجثة اللي قدامه الآن إحتمال كبيير إنها تكون جثة إبنه وحيده ، وحسب ما عرف إنه مات مقتوول ..

مد يده بس مسكها المسعف ، رفع رأسه له ، شافه المسعف وبعد ما شاف حالة الإنهيار اللي هو فيها: ما أنصحك تشوف

ابو أسامة بعد يده: ضروري أشوف ضروري أتأكد ضروري أشوف وحيدي..

اول ما رفع الغطاء أنصدم وأنهار على الأرض من شكل ابنه، كان عنده أمل ولو ضئيل إنه يمكن يكون مش إبنه بس من سوء حظه إن الجثة اللي قدامه هي جثة إبنه ، أفتجع من المنظر اللي شافه كان في طعنة برقبته ممزقه لكل شيء ، وأثر طعنة بخده وكان واضح إن جسمه كامل ما أختلى من الطعنات المتفرقة....

حضن جثة إبنه بإنهيار وأجهش في البكاء وأجبر المسعفين إنهم ينزلوا الجثة، مرت دقايق وهو على هذه الحالة لحتى جاء الضابط وأشر للمسعفين إن يشلوا الجثة، بس أبو أسامة متمسك فيها ومنهار ، أشر الضابط لشرطي عشان يمسكه ويسحبه وفعلاً كان أبو أسامة رافض تماماً يبعد عن جثة أسامة ومتمسك فيها ويصرخ: لا تشللللوووووا إبني خلووا إبنيي لا تشلوووووه لا تبعدوووني عننه هذااا وحيييديي وحيييدديي ما تفهمووش أنتم وحيييدي هذااااا

قرب شرطي ثاني وساعد الأول عشان يسحبوه ويبعدوه عن النقالة وأخذوا المسعفين النقالة وراحوا لسيارة الإسعاف ومنها للمستشفى

أما أبو أسامة جلس على الأرض منهااار على وحيده ويبكي ورفع راسه شاف شريط الأدلة الجنائية ، وآثار الجثة على الأرض 

قرب منه الشرطي: لازم تقوم وتخرج بنغلق مسرح الجريمة وممنوع دخول أي شخص

وقف أبو أسامة وكأنه جسد من دون روح، وعينه مركزة على المكان اللي كان مرجوم فيه ابنه وكل الحقد تجمع بقلبه، وهو يتوعد بهاني وبكل أهله، وكأنه ما درى بفعلة إبنه وإنه يستحق الموت واللي لاقاه كان أقل من ما يستحق
.
.

راح يزن ورامي وحسام لمركز الشرطه ، وأتصلوا  لياسر عشان يلحقهم ويقولوا له باللي حصل، وكان أمير وهمدان معه وراحوا لقسم الشرطة، وسألوا عن هاني وأستفسروا عن وضعه

الشرطي: هاني معتقل عندنا الآن بجريمة قتل، وهو بنفسه جاء وسلم نفسه، باقي نحقق في الموضوع ونعرف أسباب إرتكابه للجريمة وننتظر متى موعد محكمته وأيش الحكم اللي بيتطبق عليه، لو كانت جريمة بداعي الشرف مثل ما تقولوا فموضوعه بيكون سهل بس طبعاً كل شيء موكل للمحكمة وحكم القاضي

@rewayatyamania المصدر الأول للروايات

نرجع عند الهنوف

تدق الباب بشكل هستيري، فتح لها أبوها وأنصدم من منظررها

أبو الهنوف: هنووف!؟؟؟ ماالكك أيش جاببك ولييش هكذا ؟؟

دخل بنته وهو يتلفت لو أحد شافها بهذا الشكل...

دخلت الهنوف عند أمها اللي واقفه مريعة تشوف من اللي كان يدق الباب بهذيك الطريقة وصدمتها ما قلت عن أبو الهنوف من شكلها ولبسها ودموعها مع كحلها اللي نازلين على خدودها

أم الهنوف أفتجعت: بسم الله مالك يا بنتي أيش حصل لك مالك لابسة هكذا؟

أبو الهنوف بعصبية وخوف: مالك تكلمي ليش خرجتي هكذا أيش هذا اللبس ليش مش ساترة نفسش وليش تبكي وينو زوجك؟؟؟

الهنوف بصوت متقطع من البكي: تت..تصايحت معه وهربت منه

أبو الهنوف وأمها: لييش مالكم أيش حصل؟؟

الهنوف بكذب وخوف: ما أعرف دخل فجاة وكان معصب وبدأ يكسر ويخرب كل شيء ويصيح فوقي حتى إنه ضربني وخفت لما شفت شكله خفت يمكن يعمل فيني شي لأنه كان واضح مش طبيعي شليت الروب اللي قدامي وهربت لهنا ما قدرت حتى أشل بالطوي ولا أي شي

أبو الهنوف عصبب بقووة: ال.... أنا بوريه و ين هو الآن بالبيت؟

الهنوف خافت لو أبوها يروح ويعرف الحقيقة والله ليقتلها

مسكت يد أبوها وتبكي: مش وقته الآن يابه خليه لما يهدأ وتفاهم معه أخاف لو سرت الآن تكبر......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 278 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الهنوف خافت لو أبوها يروح ويعرف الحقيقة والله ليقتلها

مسكت يد أبوها وتبكي: مش وقته الآن يابه خليه لما يهدأ وتفاهم معه أخاف لو سرت الآن تكبر المشكلة

أبو الهنوف كان بيرد بس إنهيار الهنوف وبكاها منعه، نزل حضنها وقومها جلسها على الكرسي وقرر يسكت لما تهدأ بنته وبعدها بيروح يفهم كل شيء...
.
.

بيت أبو أسامة

روحوا بعد ما غسلوا أسامة بالمستشفى،، وبعدين ساروا يدفنوه لأن أبو أسامة ماحب يروحه للبيت وتشوفه أمه بذاك المنظر مابتقدر تنسى صورته ، دخل البيت وهو وناس يوصلوه ويوقفوا معه

أم أسامة تشوفهم من الطاقة: خيير اللهم إجعله خييير أيشش فيي؟!!!!!

دخل أبو أسامة وهو منهار وكان أخو أم أسامة ساند له

أم أسامة أفتجعت وكانت ترتجف: ماااالكم ايييششش فييي ماااالك يا أبو أسامة؟!!

أبو أسامة ما رد

أخو أم أسامة: وحددي الله يا أم أسامة وحددي الله

أم أسامة بصراخ: أييييش فييييي وينه أساااامة وينننه

أخوها حضنها: قولي لا إله إلا الله إبنك سبقك لديار الحق

أم أسامة بصراااخ: آاااااااااااااااااااه ولدددددددي آاااااااااااااااااااه ولدددددددي أسااااااااامة أسااااااااااامة
بدأت تضرب نفسسها ووجهها

أخوها يمسك يدها: إحتسبيه يا اختي إحتسبيييه

أبو أسامة يبكي بحرررقة: كسرت ظهررري يا وحيييدي كسرررته

أم أسااامة تشنجت ولقفها أعتوج ودوخت أخوها فهم إنه أتعرضت لجلطة أخذ الستارة الصنعانية  المعلقة بالباب ولفها فيبه وطار فيها للمستشفى

@rewayatyamania المصدر الأول للروايات

ياسر رد على يزن: أيييييش؟!!!

يزن: وينك أنت؟!

ياسر: قد انا بالطريق للبيت

يزن: إلحق للقسم

ياسر غلق وراح للقسم وفهم كل شي

ياسر بقهر وبغضب: ليييش يقتتللههه لييييش هذا المفروووض ما يموت بهذه السهوووولة لعنة الله عليه

همدان أتصل لياسر

ياسر: هلا همدان

همدان: إلا كنت بقلك بنتأخر شوية بالمقوات...
أستغرب: ماله صوتك؟!

ياسر حكى له كل شي

همدان: لا إله إلا الله، كيف رجع الزمن هذا مخيييف، أنت إهدأ خلينا نشوف حل للمصيبة هذه

همدان كلم أمير وزياد سمع اللي حصل من أمير وراح لعندهم
.
.

عند سارة

طول الوقت تسأل عن هاني وتفكيرها عنده، والكل يتهرب من الجواب،  فكرت إن ممكن هاني راح لمكان وأنعزل بسبب وجعه وألمه وهم ما يشتوش يكلموها لهذا السبب، حسها وتفكيرها عنده وعند نفسها وهم أخوها اللي يعيش نفس شعورها، رغم إحتارت قليل، من منهم ألمه أشد وأقوى ، هي والا أخوها ، مرات تقول هي لأن جتها الخيانة من أقرب شخصين لها صديقتها وزوجها، ومرات تقول لا هو لأنه رجال وشاف زوجته تخونه مع زوج أخته والآن يعيش قهر الرجال ، ومرات تقول الإثثنين ألمهم متعادل ، الإثنين مخذولين الإثنين شافوا خيانة شركاء حياتهم أمام عيونهم، الإثنين منكسرين أشد إنكسار ، كتمت وجعها بمخدتها تكتم صيحاتها ، تكتم صوت بكاها وعبراتها ، بس لو قدرت تكتم صوت فمها، أيش يكتم ويسكت صوت قلبها المكسور، صوت قلبها الموجوع، كيف تكتم شعور روحها المجروحة، كيف تسكت مشاعر الألم اللي داخلها كيفف وككيفف وكيييف، أستمرت دموعها بالنزول،  لعل وعسى دموعها تخفف حدة شعورها، ولكن للأسف دموعها كانت مثل اللهيب ينزل على وجنتيها، ورغم برودة الغرفة والمكان من حولها، إلا إن في نااار في أيسر صدرها ما وصلت لها برودة المكان من حولها، بالعكس جعلتها تحس إنها تجلس بداخل بركان وتتلاعب حممه بداخلها...
.
.

أما هاني ، جالس بهدوء ، ولكن للأسف عايش بضجيج داخلي كاد يفقده عقله، شعوره وألمه ما قل عن شعور أخته سارة، الشيء الوحيد اللي خفف عليه ولو قليل إنه قتل أسامة، يحس بإختنااق ، ويحمر وجهه من شدة الغضب وكأن الشرايين تفجروا بوجهه كل ما يتذكر اللي شافه ويتذكر منظر زوجته وهي بأحضان زوج أخته.....
صرررخ بأقوى قوته، صرخخه قوويية هزت أركااان الزنزانة ويمكن القسم بأكمله ، صرخة قهر وألم ، صرخة تعبر ولو عن القليل من الألم اللي بداخله، مشاعره مزيج من القهر والغضب، والألم، والغدر والخيانة مكسوووور ومووووجوووووع بشكلل لا يوصف ، قام يوجه للجدار اللي قدامه لكمات متتالية وهو يصيح

هاني بصياااح وهو يلكم الجدااار: خااااااينننهه خااااينننههه حقييييرة ، جببببتتتتت لهااااا كللللل شيءءءء ما قصصصصرررت معااااها بشيييييء حبيييتها أكككثرررر ححتتتتى من نفسسسيي وبالأخييييير خاانتنيييييي خاننننتتنيييي ومششش مع أييييي شخخص مع زووووج أختتتتتييي خاااانت صديقتهااا وخاااانت زوجهاااا شفتتهاا شفتتهااا بعيونييي وشااافتها أختتتتيي شاافتهم الآثننييييين الإثننننيين خايينييين هووو مااااات قتتتللتتته قتتلللته وبااااقيي هييي بقتلللها.........





📚 @rewayatyamania  🇾🇪

.

البـارت 279 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


هاني بصياااح وهو يلكم الجدااار: خااااااينننه خااااينننه حقييييرة ، جببببتتتتت لهااااا كللللل شيءءءء ما قصصصصرررت معااااها بشيييييء حبيييتها أكككثرررر ححتتتتى من نفسسسيي  وبالأخييييير خاانتنيييييي خاننننتتنيييي ومششش مع أييييي شخخص مع زووووج أختتتتتييي خاااانت صديقتهااا وخاااانت زوجهاااا شفتتهاا شفتتهااا بعيونييي وشااافتها أختتتتيي شاافتهم الآثننييييين الإثننننيين خايينييين هووو مااااات قتتتللتتته قتتلللته وبااااقيي هييي بقتلللها واغسسسسلل شررفييي الخاااينة لازم تمووووووت لاازممم لازززمممم

دخلوا شرطيين وشافوه كيف يده ملانه دددممم وكيف يصرخ ويلكم الجدار مسكووه وكلبشوه وخلوه يجلس على الأرض لما هدأ ، لكن للأسف هدأ خارجه بس أيش يهدي الأصوات اللي تصيح بداخله؟؟؟؟
.
.

عند أبو الهنوف

خرج من بيته وغلق الباب بعد ما راحت الهنوف لغرفتها وهدأت شوية، كان بيروح لبيت هاني بس قرر يروح لعند الحج صالح ويتفاهم معه أفضل ، وصل ونزل دق الباب وفتحوا له يزن ورامي وحسام وياسر اللي كانوا بيخرجوا ويروحوا المركز يحاول يشوفوا هاني ، وقفوا وهم يشوفوا لعنده

أبو الهنوف بعصبية: جدك وعمك موجودين؟

رامي بنفس عصبيته: أيش تشتي بأي وجه جايي لبيتنا؟؟

أبو الهنوف عصب أكثر: أنتم اللي بأي وجه بتقابلوني من بعد اللي عمله إبنكم لبنتي هذا وأنا جبت له بنتي قطعة من روحي عشان تكون زوجته ويصونها، مش يضربها ويخليها تخرج بهذاك الشكل من بيتها قدام الناس

يزن ما عاد قدر يمسك أعصابه أكثر وهو طول الوقت من لما شاف دموع سارة وصدمتها ، ولما دخل وشاف المنظر البشع اللي كانوا فيه الهنوف وأسامة ، وشاف لما هاني قتل أسامة ، وحاسس بوجعهم هم الإثنين لأنه عاش شعور الخيانة من قبلهم، كان حاسس بسارة أكثر حااسسس بوجعع البنت اللي يحبها، ومنقهر من وجعها وإنكسارها، ما عاد قدر يمسك نفسه أكثر وأنفجر

يزن بصراخ:  بنتك الخاينة اللي ما صانت نفسها هي وابن أخوك ، بدل ما تروح تستر الفضيحة وتربي بنتك من أول وجديد جايي تحاسبنا وتحاسب ابن عمي على اللي فعله؟؟ إحمد ربك ما مسكها لو غيره إنه قتلها ومحد يقدر يقول له ليش

أبو الهنوف بصياح: إمسك لسانك ولا تتكلم عن بنتي وأيش قصدك بكلامكك؟؟؟؟؟؟

@rewayatyamania المصدر الأول للروايات

الكل بالبيت سمعوا الأصوات العالية خرجوا يشوفوا ، وسارة اللي بغرفتها سمعت الصياح فتحت الطاقة اللي صلا الحوش بوسط غلبها وحزنها عشان تشوف أيش اللي يحصل

يزن بعصبية: هاا قصدك أنت مش داري باللي فعلته بنتك وإبن أخوك، وإن هاني وسارة شافوا خيانتهم لهم قدام عيونهم لما كانت بنتك المتربية في حضن إبن أخوك عشان هكذا بنتك هربت لما شافت زوجها قتل إبن عمها وحبيبها وزوج أخته قدام عيونها وخافت يجي دورها ويكمل يغسل شرفه بها ويلحقها بإبن عمها لجهنم، بس تعرف أيش اللي مخلي بنتك المتربية عايشة للآن؟؟ هو إن هاااني من بعد ما قتل أسامة راح سلم نفسه للشرطة والا كان فعلاً لحقته

تصنم أبو الهنوف من اللي سمعه ومش قادر يستوعب ، كيف بنته خاينة؟؟ ومع من إبن أخوه ، وزوج بنته قتل إبن أخوه ، عقله مش قادر يستوعب شيء متصنم ومنصدم وما كان الوحيد اللي مش مستوعب، كمان سارة اللي واقفه عند الطاقة ما قادرت تستوعب اللي سمعت

نزل عليها الخبر مثل الصاعقة ، حطت يدها على أذنها وتراجعت من الطاقة وتصيح

سارة بأعلى صوتها: لاااااااااا لااااااا مستحيييلل كذذذذذذذببببب
وشبه هستيرية: هااااانننيييي قتللل أسامة مممستتحيييل أخخخيي قتتل زووججيي لااااااا مستتحيييل مستحيييل يارب إنه مش حقيقة يااارب إني عايشة بكابوسس يااارب إنه كاابووس

الكل سمعوا صياح سارة ويزن غمض عيونه بقهر إنه هو اللي كان يحاول ما يوصلها الخبر سمعته منه

آسيا وورانيا طلعين جري لعندها دخلين الغرفة وشافين سارة جالسة في الأرض ومغطية آذانها وتتمتم

سارة بتمتمة صدمتها: لا لا مستحيل
ألتفتت لهن: عشان هكذا كنتوا تتهربوا من الجواب كلما سألتكم عن هاني، لمتى كنتوا بتخبوا عني لمتى كنتوا بتكذبوا عليااااا؟؟؟؟

رانيا قربت منها وحضنتها بقووة وتبكي: إهدئي يا سارة إهدئي يا روحي، ما كنا بنكذب ونخبي عليش بس كنا مريعين تخف صدمتك من اللي شفتيه عشان نكلمك و..

سارة بهستيرية: أهدأ؟؟؟؟ ككيف كييف تطلببي مني أهدااا وأنا زوووجيي حبيببيي زووججي اللي أحببه وأعشققه أبو إبني اللي حاملة به ببطني أشوف خيانته ليي بعيووننيي بعييونني ومع من؟؟ مععع صديييقتتي مع أقرب صديقة لي الهنوف ، كككيفف كيف أهداااا وأخي وأخيي اللي أرتككبب جرييمة وقتلل زوجييي  وتتووسسختتت يدددده بدددممم زووججيي كييفف.........


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 280 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


سارة بهستيرية: أهدأ؟؟؟؟ ككيف كييف تطلببي مني أهدااا وأنا زوووجيي حبيببيي زووججي اللي أحببه وأعشققه أبو إبني اللي حاملة به ببطني أشوف خيانته ليي بعيووننيي بعييونني ومع من؟؟ مععع صديييقتتي مع أقرب صديقة لي الهنوف ، كككيفف كيف أهداااا وأخي وأخيي اللي أرتككبب جرييمة وقتلل زوجييي  وتتووسسختتت يدددده بدددممم زووججيي كييفف يا رانييا تطلبببيييي أهدا بعد كل هذذاااا كييف كيييف كييف ويمكن بعد مااا رااح زوجججي يلحقه أخخخييي ويرووح قصااص كييف أهدااااااا فهمونني كيييييف وابني اللي عاده ما جاء للدنيا يكون خاله قاتل أبوه كييييييف فهمووني كييف أهداااااا كييييييف

حضنتها رانياا بقووة أكبر معاها حقق بكل شيء تقووله ومش بسيط الشعور اللي تعيشه مهما حاولت إنها تخفف عنها ما بتقدر وآسيا تبكي مسكت صدرها من العجز وهي تشوف بنت عمها بهذه الحالة
.
.

عند أبو الهنوف

سحب نفسه بعد ما أطرح وجهه وأنفضح ،فهم كل شيء وربط كل المواضيع وإنه عاد بنته وابن أخوه يحبوا بعضهم، تراجع وركب سيارته وراح للبيت
.
.

يزن طلع لعند سارة زي المجنون: سارة إهدئي

سارة تشنجت بقوووتها: اااخيييي قتتتتللله اخخخيييي يا إيااااد اناااااا ماعاااااد عرفت ما بقلبي ما عررفتتتت وجععععي إنه حبيبي خاااااننييييي والا إنه مااااات وتركني وترك إبنييي والااااا انههههه اخخخيييي قتتتلللل زوووجي ماعاااد اعررررف وجعي ياالله رحمتككككك في قلببببي

يزن مقهور وخايف: بنت أنتي حامل إهدئي

سارة بدأت تتشنج وتصرخ وتحااول تضرب بطنها: مااشتييييشششش مااشتتتيييييشششش خليه ينزل ويموت وإلا نموووت كلنااااا لااا يجيييي ويعرررف إن خاااله قتل أبووووه الخااااين ما أشتتتييييشششش إبنننن خاااااين فييي بطننيييي ما أشتتتييييه

أبو هاني وأبو ياسر ورامي مسكوها يحاولوا يهدأوها بس مافيش أي فايدة دوخت من قوة تشنجها وأرتفع لها ضغط الحمل

أبو هاني بكي وبجنون: بنتي بتروح علياااا إلحقووني، شغلوا سيارة شغلوها بنننتييي

يزن تبلد مكانه من الخوف ما تحرك وياسر أنتبه تركهم ونزل شغل سيارته وأبو هاني شل بنته ونزل

أبو ياسر ضرب يزن: إياد إصحى

يزن صحصح شاف مكان سارة وبرعب: وين وين سارة؟؟

رامي: إخطى هيا ودوها المستشفى

يزن خرج بسرعة مش عارف كيف خرج وحسام خاف عليه ولحقه ورامي كان بيلحقه بس وقفنه آسيا ورانيا

رانيا تبكي: قوا ريع لي والله مااقدر أفلت أختي والله

رامي مقهور: بسرعة بريع لكن نازل

آسيا شافت عماتها: إنتبهين لليث ووِد

أم حسام تبكي: طيب وطمنينا

لبسين بسرعة ونزلين لعند رامي ونجاة شافتهم وهي خارجة للمستشفى تركت كل شي ولحقتهم

@rewayatyamania المصدر الأول للروايات

في بيت أبو الهنوف

دخل وصررخ بأعلى صووته: هنوووووووووووفف يا اللهنووووف ويينك ياااا.........*

سمعت الهنوف وكانت بغرفتها ونكزت عرفت إن أبوها عرف بالحقيقة وعرف بخيانتها وقلة أصلها  قفزت وغلقت الباب عليها بالمفتاح......

أبوها طلع لغرفتها وأمها طلعت من المطبخ على صياح زوجها ولحقته لما شافته يجري لغرفة الهنوف

أم الهنوف: أيش في يا رجال مالك؟؟؟

ما رد وجلس يحاول يفتح باب غرفة الهنوف ويضربه بقوة ويصيح : إفتحي إفتحيي يا*.... وطييتي رأاسي قدام النااس جبتي لي العااار خليتيني ما أسوى شي قدامهم وهم يتكلموا عن تربايتي ويتكلموا عنك ولا قدرت أرد وأدافع لأن معاهم حق فعلاً ما عرفت أربيك يا**.... إفتحي إفتحي

أم الهنوف خافت: مالك  يا رجال أيش هذا الكلام أيش تقول

أبو الهنوف قدر يكسر الباب من قوة غضبه وعصبيته، وراح عند الهنوف وتهجمم عليها وبدأ يضربها بكككللل وحشيية وهو يرد على زوجته

أبو الهنوف يضربها بقووووته: بنتك بنتكك المحترررمة اللي كذببتت علييننا إن زوجها جاء وعصب وكسر كل شيء وإنها هربت منه ما قالت ليش هربت ما قالت إنها هربت علشانه شافها وهي بحضن أسامة وتخونه قدام عيونه في وسسط بييته

شهقت أم الهنوف وحطت يدها على فمها: لا مستحيل أكيد كذب

أبو الهنوف وهو مستمر يضربها: إلااا إلاا صدددق صدددقييي بنتت ال..... خااينة صديقتها وزوجها مع أسامة وحتى إنها تسببت في موته هي سبب كل شيء ما صاااانت زوجها اللي كااان معيشهاااا على كفوووف الرااااحة اللي ما كان يقول لها غير اببشررري وعيووووني وتممم، ما صااانت زووجهااا وكانتت سببب في موووت إبن أخييي هيي السبب في مووت وحيييد أخيي إبعدييي إبعدديي خليييني إقتللها خلييني أغسل عاري خليني أقتلللها وأخلصص منهاااا سوودتت وجهييي سوددت وجهههيييي

أم الهنوف تبكي بقوووة وتحاول تبعد زوجها عن بنتها وهي مش مستوعبة اللي حصللل، قدرت أخيراً تبعده وتهدييه وخرجته لخارج الغرفة وهو مععصببب.......


https://tttttt.me/rewayatyamania/53778



📚 @rewayatyamania  🇾🇪

💜

بـارتـات يـومنا الجمعــة 👆🏻😍

.

البـارت 281 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أم الهنوف تبكي بقوووة وتحاول تبعد زوجها عن بنتها وهي مش مستوعبة اللي حصللل، قدرت أخيراً تبعده وتهدييه وخرجته لخارج الغرفة وهو مععصببب وعلى الآخررر

أما الهنوف فنزل عليها خبر قتل هاني لأسامة مثل الصاعقةة ، بكتت بقوووة كيففف وصللت نفسهاا لهذه الحااالة هي فعلاً سبب كل شيء خاانت سارة أعز صديقاتها وخانت زوجها وتسببت في موت حبيبها واللي قتله زوجها هاني ، أستمرت دموعها في النزول مرجومة في الأرض مش قادرة حتى تتحرك من قوة الضرب اللي حصلته....

أبو الهنوف ماعاد يقدر يأخذ نفس: أنا بروح أشوف أخي بروح أشوف أخي وأعزيه

خرج وأم الهنوف دخلت لعند بنتها وتفلتها

أم الهنوف تبكي: تفففي سودتي وجوهنا أنا فرعت لش من أبوش عشان أنا بقتلك أنا، بدأت تضرب بنتها بقوة والهنوف تبكي وتصيح لحد يفرع لها لكن أبداً ما فادها الصراخ ضربتها أمها لما بردت قلبها وخرجت من عندها
.
.

في بيت أبو أسامة...

المعزييين من كثرهم  للشارع
وصل أبو الهنوف وحاول يدخل بين الزحمة لعند أخوه كانوا بالصالة حق البيت
دخل أبو الهنوف وأتقدم بيعزي أخوه وباين عليه القهر والحزن

أبو أسامة شافه بحقد: شفت؟؟!! سمعتتت؟!! وييين أبني اليوم؟!!  اليوم إبني بالمقبرة، وأمه بالعناية الله أعلم تقوم منه أو لا،، أتشتت عائلتي يا قهرررر الرجاااال أتشتت عائلتي يا الله

أبو أسامة يكمل: بأي وجه جيييت وإبني مات بسببك وسبب عنادك وكِبرك، كله عشااان أيششش عشااان أيششش مال؟!! مُللك بالدنيا هاااه إرتاااح إبني ضحيتك اليوم، لو كنت رضيت وزوجناهم ما وصلنا لليوم

أبو الهنوف منزل راسه بس يبكي ومغطي عيونه بشاله يمسح دموعه: يكفي يا أخي يكفي

أبو أسامة بقهر يخالطه بكاء: ابني أتقدم لك أكثر مررة وعصى كلامي واجا لك يشتي بنتك بالحلال
وبصراخ: لف وجهك وبرع من بيتي وأخوة بيننا أنتهت وإذا شفتني بطريق غير طريقك ويحرم وجهي من وجهك ليوم الدين مثل ما أحرمتوني إبنييي بررررررررع

أبو الهنوف أخذ نفسه ومشي والناس يتوشوشوا ويتكلموا بهمس بينهم البين، بين أيش اللي حصل وليش طرد أخوه، هم عارفين على سب الأرض والمحاكم بس ماتوصل لهنا، بس ماهمش عارفين بحكاية العار

روح أبو الهنوف وطول الطريق وهو يبكي وحاسس بالذنب باللي عمله مع بنته وأسامة

@rewayatyamania المصدر الأول للروايات

في بيت أبو هند

غلقت داليا تلفونها وخرجت تجري لعند خالتها هند وهي تبكي ، لاقتها لوحدها بالغرفة ترتب أشياءها عشان ترجع

داليا بهدوء: خالة خالة

هند خافت من نبرة داليا وألتفتت: مالك داليا فيك شيء؟؟

داليا سحبتها من يدها وخلتها تجلس على السرير: خالة بكلمك بشيء بس خليش هادئة

هند خافت أكثر: إنطقي إيش في وقفتي قلبي؟؟

داليا تنهدت وبكت: سارة ، وهاني شافوا  أسامة والهنوف مع بعض وهم يخونونهم وهاني قتل أسامة وسلم نفسه والآن مسجون

هند شهقت وحطت يدها على قلبها: متى حصللل هذا ومن قااااال لك؟؟

داليا كلمتها بكل شيء قالته آسيا: هذا اللي قالته لي آسيا والآن أنا بروح لعند سارة لازم أوقف معاها وأكون جنبها وأنتي إنتبهي خالة هاجر تعرف كلمتك عشان ما تخليها تحس بشي.....

ما كملت كلامها إلا وسمعت صرخة أم هاني اللي سمعت كل شيء وعرفت أيش حصل بإبنها وبنتها ، وأنهارت من اللي سمعته

هند جلست جنب أختها تهديها وداليا خرجت

إياد خرج بعدها: أنا بوصلك قولي ليزن يجيب عنوان المستشفى أنا بروح أوقف تكسي

داليا أشرت بمعنى تمام وكلمت يزن ويزن رسل لها العنوان
.
.

في المستشفى

خرجت الدكتورة من الغرفة والكل ألتف حولها

يزن حاسس قلبه بيوقف وإياد حسه عند أخوه

يزن: يا دكتورة كيفها سارة

الدكتورة تنهدت: حالتها صعبة جداً وهذا ضغط الحمل شكلها واجهت مشاكل أو مش مهتمة بحالتها أو حصلت خبر يزعجها وللأسف البنت وضعها مش مستقر إدعوا لها لأنه بصراحة هي بين الحياة والموت

يزن ما تحمل الخبر وارتجم بالأرض وإياد ما تحمل يشوف أخوه هكذا قرب ومسكه هو وياسر أما رامي دمعت عيونه وحسام غرس يده بشعره وآسيا حضنت عمها أبو ياسر وبكيت وأبو ياسر نزلت دموعه وأبو هاني خرج والحج صالح لحقه عشان يهديه

رانيا بحقد وبكاء: كله منها كلله من الهنووف أسامة قد مات وأخذ حقه لكن الهنوف والله ما أخليها

خرجت من المستشفى بسرعة وداليا لحقتها هي ونجاة لأن محد أنتبه لنظراتها وتحلفها غيرهن وعاد نجاة مش فاهمة شي

داليا تجري بعد رانيا: رانيا راانيا وقفي وين بتروحي أيش بتعملييي

رانيا تبكي ومعصبة: فلتيني يا داليا والله ما أمشيها لها والله بشل حق ساررة وهااني منها والله لخليها تندم والله إنها وصلت سارة لسرير الموت واخييي مسجووون هي بتمووووت هيييي مش ساااارة هيي بتموووت........




📚 @rewayatyamania  🇾🇪

.

البـارت 282 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


رانيا تبكي ومعصبة: فلتيني يا داليا والله ما أمشيها لها والله بشل حق ساررة وهااني منها والله لخليها تندم والله إنها وصلت سارة لسرير الموت واخييي مسجووون هي بتمووووت هيييي مش ساااارة هيي بتموووت وتلحق بالمعفنن حقهااا

داليا بصراخ: بتروحي للبنت بوسط بيتها مجنونه أنتي؟؟

رانيا عصبت أكثر: أيه بروح ومجنونة والله ما أخلي حق أخي وحق أختي وبشله منها

على نقاشهن جت نجاة

نجاة بخوف: أيش في يا بناات أيش وصل سارة لهذه الحالة وليش رانيا متحلفة بالهنوف؟؟

داليا: نجاة جيتي بوقتك أمانة شوفي رانيا وقفيها

رانيا فقدت سيطرتها: والله ما توقفني وبروح أخذ حق أخوتي من الهنووف والله

نجاة: فهموني أيش اللي حصل؟؟

داليا: الهنوف خانت هاني مع أسامة زوج سارة وهاني قتل أسامة ورانيا إلا تشتي تروح تأخذ حق أخوتها من الهنوف لأنها هي سبب كل شيء

نزل الخبر صاعقة على نجاة ، بس حاولت تتمالك نفسها:  كييف متى حصل كل هذا؟؟

داليا: اليوم

فهمت نجاة كل شي وبدأت تستوعب

رانيا راحت: لا تحاولين توقفني والله ولا شي بيوقفني بروح وأخذ حق سارة وهاني

داليا لحقتها: طيب خلاص أنا بجي معك

نجاة لحقتهن ومقهورة على هاني وسارة: وأنا كمان جاية

@rewayatyamania المصدر الأول للروايات

وصلين لبيت الهنوف ورانيا دقت بقوة

فتحت لهن أم الهنوف الباب ، ودخلت رانيا بإندفاع وتصرخ

رانيا بصرااااح: وييين الهنووف ويننهاا؟؟؟ بنت ال**

أم الهنوف خافت: ما عليش من بنتي ما تشتي منها؟؟؟

رانيا صاحت أكثر: لو بنتك مرة وعندها الشجاعة تخرج وتواجهني عشان أنتو اللي ما عرفتوووا تربوها أنا بربيييها

خرجت الهنوف بصعوبة من غرفتها: أيش في يا رانيا؟؟

رانيا شافتها وراحت لعندها: عادشش تسألي أييشش فيييي ، فوق الذي فعلتيه وفوق ما خليتي أخي يقتل زوج أختي وتترمل ويتيتم إبنها وهو عاده ما جاء للحياة من بعد خيانتك لهمم واخي محبوس وأختي بفراش الموت عاد النغفرة لللششش وتقووولي أيشششش أشتي أنا أشتتتي أربببييششش

تهجمت عليها وبدأت تضربها والهنوف تحاول تدافع عن نفسها ، قربت أم الهنوف تحاول تفرع لبنتها، بس مسكنها داليا ونجاة وحاولين يفرعين بينهن ويبعدين رانيا عن الهنوف بس رانيا بعدتهم ودهفت الهنوف من شعرها ورجع من أكتافها بقوووة وما أنتبهت إن اللي وراء الهنوف الدرج

الهنوف نكعت وتقلبت على الدرج لما أستقر جسدها عند آخر درجة وقف الكل خايفات ومصدومات من اللي حصل 

نجاة نزلت بسرعة تشوف الهنوف وتتحسس نبضها

رانيا مبلووووودة وقلبها بيوقف: نجاة كيفها

داليا حاطة يدها على فمها تكتم شهقات الرعب

نجاة شافت لعند داليا ورانيا برعب وخوف: مم.....ماتت

رانيا أصابها تبلد من اللي سمعته ووقفت كأنها صنم ، وأم الهنوف شافت لعند رانيا وكانت بتتهجم عليها ، داليا شافت أم الهنوف مسكت رانيا وسحبتها وخرجت مع نجاة بسرعة من البيت

أم الهنوف تصييح بكل قوتهااا: بنتيييييي أيييييش عمممملتيييي فيها يا مجرررررمة

وبهستيرية خرجت تجري بعدهن: تعااااااااالي تعااااااااالي يا مجرررررمة

بس البنات كانوا أسرع وهربوا

أم الهنوف رجعت لعند بنتها وجلست حضنتها وتبكي: هنوف ما متي هنوف قومي قووومي ياروووح أمش قووومي هنوووووف

بدأت تصرخ وتخبط وجههاا: هنوووف قوووووا قوووووا هنوووف يممه قوووومي فتتتحييي عيووونش فتتتحييييي
.
.

داليا تسحب رانيا: رانيا إخطي رانيا مالللشش

رانيا متبللللددددة ترجفف: هنووف ماتت صدق؟؟

نجاة تبكي: أيوة ماتت

رانيا أرتجفت أكثر ونزلت دموعها : أنا..... أنا قتلتها؟؟

نجاة تهديها: رانيا أنتي مش بقصدك مش بالعاني

رانيا ما قدرت تتحرك وبتلعثم: أنا قتلتها أنا قتلتها أنا قتلت

داليا سحبتها تهديها وطلعين فوق التكسي صلا المستشفى وطول الطريق يحاولين يهدين رانيا، وصلوا للمستشفى

ياسر شاف لرانيا وخاف: مالها رانيا؟

إياد شاف وضعها وعرف إنها رانيا

يزن ورامي وحسام راحوا لعندها

حسام بخوف: رانيا مالش؟

رانيا مرعووووبة: أنا.. أنا. أنا أنا

ياسر بخوف: رانيا أنتي أيش تكلمي!!

رانيا شافت لعيون ياسر وتبخرت قوتها ودووختت

داليا حضنتها وتبكي: يارررربي

نجاة مسكتها مع داليا: كلموا الدكتور يجي بنزلها الطوارئ

ياسر أفتتجععع: نجاة داليا مالها رانيا؟؟

نجاة وداليا ماسكات رانيا يودنها للطوارئ

نجاة: مش وقت الآن جيبوا شي نشلها ما قدرنا

رامي سحب سرير متحرك ونجاة وداليا طلعوها فوق السرير وياسر ورامي نزلوها بسرعة مفجوعين

حسام خايف: ماللبنت؟؟

إياد: يمكن منهارة باللي حصل مع أخوتها

يزن تركهم ولحق رانيا على دخلة الحج صالح وطه وعلي مش عارفين بشي وإياد جلس عند غرفة سارة.......




📚 @rewayatyamania  🇾🇪

.

البـارت 283 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


إياد: يمكن منهارة باللي حصل مع أخوتها

يزن تركهم ولحق رانيا على دخلة الحج صالح وطه وعلي مش عارفين بشي وإياد جلس عند غرفة سارة عشان هذه البنت اللي عذبت أخوه والآن تتعذب من قدرها البائس والحج صالح يشوف إياد بنص عين وإياد مطنش وجود الكل تماماً
.
.

في بيت أبو الهنوف

أبو الهنوف يبكي: رحممتتتتككك يا الله في قلوبنا رحممتتتكككك

أم الهنوف مسحت دموعها بحقد: أنا بلغت الشرطة غير القصاص ما يرضيني وغير رووووح رانيا مااشتتيييششش تفهههممم

أبو الهنوف حضن بنته وشد عليها: الروح بالروووح وروح بنتي ثمنها غالي غاااالي
.
.

في بيت الحج صالح

وصلت الشرطة ودقوا الباب وأم إياد خرجت تفتح

الشرطي: هذا بيت الحج صالح ال......

أم إياد قلقت: أيوة هذا

الشرطي: وين رانيا طه ال.......

أم إياد أستغربت: في المستشفى بس ليش؟

الشرطي: مستشفى أيش

ام إياد: مستشفى ال...... بس ما جاوبتني ليش؟؟

الشرطي ما جاوب راح هو وبقية الجنود لفوق سيارات الشرطة وتحركوا صلا المستشفى

@rewayatyamania المصدر الأول للروايات

في المستشفى

وصلت أم هاني وهند سألين على سارة وطلعين على طلعة حسام ويزن

أم هاني تبكي: بنتي وين بنتي سارة مالها؟؟

الحج صالح يهديها: بنتش بخير لا تخافي

أم هاني ببكاء أكثر: وهاني أيش مصير هاني أيش مصيره؟

يزن: الله أعلم أيش بيكون مصيره الله يستر

حسام: الموضوع موضوع شرف بإذن الله القضية لصالحه

يزن: قالوا بيحددوا أقرب موعد للمحكمة
.
.

عند رانيا

رانيا فتحت عيونها المغوشة: الهنوف!

داليا مسكت يدها و تبكي: رانيا الحمدلله صحيتي

ياسر ورامي أستغربوا

نجاة: إهدأي الآن

ياسر بقلق: مالها الهنوف؟؟

رانيا خافت وقامت: بروح عند سارة بروح عند أختي

نجاة برفض: لا مافيش إرتاحي

رانيا قامت بعناد رغم صياح الكل فوقها

داليا: طيب امسكيني عشان لو سومتي

رانيا أستندت على داليا وطلعوا لعند سارة

أم هاني بخوف: رانيا مالك!!

رانيا جلست فوق الكرسي بإرهاق وماردت عليهم

آسيا قربت من رانيا: كلمني إياد وحسام إنك دوختي مالك؟

رانيا تتهرب وتشووف بس لعيونهم

داليا تغير الموضوع: آسيا وين كنتي

آسيا ببكاء: كنت أكلم الدكتورة عشان وضع سارة للأسف وضعها أخطر مما توقعنا

أبو هاني شاف الشرطة: أيش جاب الشرطة؟

رانيا خافت ومسكت آسيا وأنهارت: لا تخليهم يشلوني يا آسيا لا تخليهم يشلوني

الكل شافوها وأنصدموا من شكلها وخوفها وإنهيارها

الشرطة وقفوا قدامهم: من رانيا طه؟؟

رانيا ما تحملت قرحت بالبكاء من الخوف وداليا ونجاة حضننها

أبو هاني بخوف: أنا أبو رانيا قولوا أيش في؟؟

الشرطي: إحنا جينا نعتقلها ، بنتك متهمة بقتل الهنوف ال.....

خبر مثل الصاعقة نزلت على قلوب الجميع أم هاني ما تحملت فقدت توازنها تماماً وأبو هاني بانت عروقه من الصدمات المتتالية والحج صالح بدأت أنفاسه تتقطع وأبو ياسر سحب رانيا وخباها وراه مش مستوعب والكل حالتهم حالة

ياسر تحت تأثير الصدمة: لا لا هي ما خرجت من المستشفى

رانيا ما تحملت وأنهارت من شدة رعبها وهلعها: والله مش بقصدي والله والله إنها نكعت وماتت والله العظيم إسألوا نجاة إسألوها إسألوا داليا حتى والله ما كان قصدي والله والله والله

أبو ياسر حضنها: إهدئي إهدئي ، تمام بنشوف لك حل

أبو هاني راح لعندها رفع يده بيضربها لكن ياسر تدخل بسرعة ووقف قدامها وجت الضربة في كتفه

أبو هاني بعصبية: ياسر وخر

ياسر يهديه: يا عم إهدأ رانيا ما قتلتها سمعتها أيش قالت

الحج صالح صرخ بغضب: و ليييششش تسير لبيت البنت و تضربهااا داخل بيتها

ياسر عاده مش مستوعب ولا مصدق: من حرقتها على أخوتها اللي عاشوه اليوم أخوها و أختها مش قليل
و بحدة صوت و غضب: و إذا كلكم بتعاقبوها أنا بكون معاها

يزن يشوف للكل: إحنا معاها

أبو ياسر ماسك رانيا قوي: محد بيقرب منها و لحد يقول لها الآن و لا كلمة إللي فيها مكفيها

أم هاني تبكي بتعبب: أيش فعلتي يا رانيا أيشش فعلتي

الشرطي: الآن إفسحوا لنا المجال عشان الشرطيات يشلوها

فسحوا الشباب و الشرطيات دخلين

آسيا قامت دهفت الشرطيات و تبكي: لا محد بيشلها لا بنت عمي و أعرفها مستحيل تقتل مستتتحيييل

رانيا مسكت آسيا تتخبى

حسام و يزن سحبوا آسيا و إياد عيونه على أخته بدون أي شعور، و الشرطيات مسكو رانيا حطين الكلبشات على يدها و شلوها و أبو ياسر لحقهم و أبو هاني بعدهم

يزن دهف ياسر: ياسر هيا

ياسر يشوف رانيا ومش مستوعب: ليش شلوها!!!

يزن نفخ بضبح و راح و رامي مسك ياقة ياسر و سحبه

رامي: البنت بيحبسوها إستوعب

الحج صالح جلس بهبوووط و حسام مسكه

حسام شاف لإياد بقهر: يزن ليش واقف تعال......




📚 @rewayatyamania  🇾🇪

.

البـارت 284 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح جلس بهبوووط وحسام مسكه

حسام شاف لإياد بقهر: يزن ليش واقف تعال شل جدي معي شكله أرتفع له ضغط الدم أو هبط

إياد راح ومسك جده بدون نفس ودوه لأقرب غرفة وكلموا الممرضة تفحصه، فحصته شافته مهبط جدددداً أخذت مغذية وضربتها له

أم هاني تبكي: المصايب نزلت فوق جهالي مرة واحدة المصايب نزلت عليهم أيش فعلنا ياربي لتعاقبنا فيهم

هند تهديها: إستهدي بالله يااختي هذا إختبار من رب العالمين يختبر صبركم

نجاة حاضنة لآسيا: يا آسيا لا تخافي إحنا كنا معاها بنشهد إنه قتل مش متعمد

داليا: آسيا إهدئي لو صحت وعرفت سارة يمكن تموت هي وصلت لهذه الحالة لما عرفت أخوها قتل زوجها كيف لو زد تعرف إن أختها قتلت أعز صحباتها والله ما تنقهر عليهم هم قد خذلوها بس بتنقهر على أخوتها كم أنصدمت اليوم من زوجها وصديقتها وأخوها لو كمان عرفت إن أختها كمان والله بتموت من قهرها

آسيا تبكي وتتشنج: ياربي أنا مش مستووووعبة مش مستوووووعبة كل اللي حصل اليوم يارب إن كان حلم صحيني منه ياالله

إياد وقف عند باب غرفة سارة ومقهور عليها: زوجها خانها وصديقتها خانتها ، خانوها مع بعضهم وأخوها قتل زوجها وأختها قتلت صاحبتها ، هذه البنت كيف بتنسى كل هذا كيف بتعيش بواقع عمق الوجع الكبير هذا كيف بتتحمل عادها صغيرة على كل شي تعيشه، كون بعونها يارب وبعون قلب هاني ويزن ورانيا وياسر مااقدرش أتخيل فظاعة اللي حصل معاهم مش قادر
.
.

في قسم الشرطة

الضابط كمل يأخذ أقوالها: خلاص الآن بنحولك للسجن ما بنخليش هنا لبكرة ونحولك مافيش مكان مخصص لسجن النساء هنا

رانيا تبكي بصمت وياسر عيونه عليها دمعت عيونه وهو يشوف لحالتها ورامي ماسك لكتفه

الضابط شاف لعند الشرطيات: شلوها

الشرطيات أخذوها شافت للكل بنظرات عميقة مش مفهومة

أبو طه شاف للضابط: والآن كيف بيكون حكمها؟

الضابط: مدري

أبو ياسر: خلال كم بتكون المحاكمة

الضابط: أنا تواصلت مع الشباب عشان قضية هاني وكلمتهم إن المحكمة بتكون بأقرب موعد وبما إن القضية حق كريمته مرتبطة مع قضيته أنا بحاول أخلي محكمتهم بنفس اليوم ونفس الموعد هكذا بيسهل عليكم وعلينا

يزن تنهد بقهر: هذا الأفضل

الكل خرجوا وأبداً مش مستوعبين كل اللي حصل اليوم

@rewayatyamania المصدر الأول للروايات

في السجن

دخلوا رانيا للسجن اللي بتنام فيه شافت كيف الكل يشوفها ، الخوف والرعب مسيطر عليها مش مستوعبة وين هي كل خلية بجسمها ترجف وعيون السجينات مثل اللي بيأكلوها دعممتهم ومشت وكل ما جلست فوق فراش قالوا مكانهن دخلت شرطية ومعاها فراش ووسادة وبطانية لرانيا ورانيا فرشت حطت البطانية حولها كاااامل غطت رأسها بدأت بنوبة بكاء صامت عشان محد يحس
.
.

في المستشفى

ياسر يطلع الدرج وروحه منهكة ويزن وياسر يقووه وصلوا لقدام غرفة سارة

أم هاني ببكاء: وين رانيا وين بنتي؟؟

رامي شافها: شلوها للسجن

أم هاني حضنت أختها: لا إله إلا الله، لا إله إلا الله قلبي ماعاد يتحمل

أبو هاني جلس وقلبه يوجعه: هي غلطت غلطططتتتت ليييش راحت عند الهنوف ليييييششششش!!؟؟؟

أبو ياسر شافه وضبح: والله غلطت؟ صح رانيا غلطت، بس أنت كنت الصح طووووول هذه الفترة هاااا؟؟؟!!!

أبو هاني وقف: علي أنا مش ناقص لمشكلة معك

أبو ياسر صرخ بعصبية: هذذذاااا كلللله من البداااااية بسبببكككك بسبببكككك يا طه

أبو هاني صرخ: بسببي أيش اللي بسببي؟؟؟

أبو ياسر بعصبية أكبر: بسبب مرررضك بسبب أغلااااطك ، بسبب عناااادك ، وصلت عيالك كلهم للموووت ، إثنين على حبل المشنقة والمقاصصة وواحدة على سرير الموت، كله لييييششش لييييششششش عشان بنتك ما تتزوج إبني؟؟؟؟

أبو هاني أقتهر: علي..

أبو ياسر قاطعه ومش متحمل كل اللي حصل: رحتت تزوج بنتك لواحد ما سألت عنه لو سألت كنت بتعرف كم تقدم لبنت عمه وكنت بتعرف إنه هو ومرة إبنك يشتوا بعض وأنقذت بنتك وأنقذت إبنك بس لاااا عنااااااد رحت تزوجها بدووون ما تسأل عشان بسس رانيا ما تتزوج إبنني عجببكككك؟؟ ما رضيت بإبني اللي يحبها وبيصونها ، ورحت رجمت بنتك الثانيه لإبن الناس وشفت كيف فعل ببنتك وهو متزوجها وكيف إبني للآن صاين الثانية بدون ما يتزوجها حتى كلل قرااارااتك غللط بغلط

أبو هاني صرخ: أنت عارف ليش مااشتيش أزوج بنتي بإبنك ......

أبو ياسر ما تحمل قاطعه: لييييشششش لييييييششششش؟؟؟ ، عشان الماضي الآن خلي الماضي حقك ينفعك ويرجع لك عيالك ومرتك وعائلتك اللي أنت هدمتهاا بيداتك الثنتين

أبو هاني ضحك بسخرية: ماعادها مرتي

أبو ياسر بقهر: صح طلقتها عشان بنتك ما تتزوج إبني

أبو هاني صرخ: عليييي!!!

أبو ياسر بعصبية: أنت السبب في كل شي ، أنت ومرتك........




📚 @rewayatyamania  🇾🇪

.

البـارت 285 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أبو هاني صرخ: عليييي!!!

أبو ياسر بعصبية: أنت السبب في كل شي ، أنت ومرتك روحوا ملح لكن أنا في عيالك أيش ذنبهم يروحوا ضحية مرضك وتهورك وعنادك أنت ماعاد تهمني كنت أخي بس خسرنا الأخوة لكن عيالك لا والله إني لك عدو يا طه أناااا لك عدو ، ككللل عياااالك راحوا بيوم واحد يووووم واحد ، ما أكتفيت بإنك تعيش بالماضي حقك وحدك رحت تعيشه أنت وعيالك وتسحبهم للمستنقع باللي أنت عايش فييه وتضييعهممم ، أنت غريمي باللي حصل لهم أنتتت غريمي يا طه أننتتتت ، وأنا حلفت لك إبني بيشل البنت اللي يحبها لو يروح راسي ، عنادك اللي ما فادك شي ولا بيفيدك ، وأنا بشل رانيا لولدي ووقفني بعد اليوم لو أنت رجال

شاف لعند أم هاني بعدين لعند أخوه: أنتم الإثنين غلطانين بحقهم أنتم الإثنين ، لو أنت نسيت الماضي ورجمته وراك وكسبت مرتك ما حصل كل هذا ، ولو هي تهتم بعيالها كانت بتعرف كيف تكسبك لكن كل واحد منكم عاند الثاني الآن هذه نتيجة عنادكم شوفوها ، أنا وهند عارفين كيف نكسب ياسر لكن أنتم عاد معاكم وقت؟؟ كان بيكون لو ما تطلقتوا لكن الآن ما بتقدروا تفعلوا شي

الحج صالح أقتهر: سنوات طويلة من عمرهم ما حاولوا يكسبوا فيها بعضهم جلسوا بس يعايروا بعضهم والعقاب ما جاء لهم جاء في عيالهم

يزن دمعت عيونه: لو عيالهم يستاهلوا سهل بس عيالهم ما يستاهلوا يتحملوا أغلاطهم

أم هاني تبكي بحضن هند: سبرت صح، سبرت علاقتك بعلي علي يحبك صح؟

هند نزلت دموعها وأشرت بمعنى أيوة وأم هاني أقتهرت بس ما أهتمت لقهرها ومشاعرها مصايب عيالها أكبر من أنو تفكر بهذا الشي جلست تبكي بحرقة على عيالها أما علي هو وجع مخفي مخفي جداً الآن مجرد التفكير محرم عليها، هو زوج أختها بروح وقلب مش جسد بس....

ياسر ما تحمل يسمع كل الكلام خرج لخارج على جية الشباب

يزن وإياد جلسوا جنب ياسر

يزن مقهور: ياسر، الله أعلم إيش بيحكموا برانيا بس خلي إيمانك قوي

إياد شد عليه: اللي يشوفك بيقول أعدموها إهدأ يااخي

ياسر عيونه محمرة وقلبه يحترق دموعه تنزل بإنسياب ويشعر بإختناق وبكائه مكبود

أمير تقدم لعندهم: ماله ياسر يا شباب؟

همدان قلق: في شي جديد؟

يزن أشر بمعنى أيوة

زياد بخوف: أيش حصل يا إياد؟؟

يزن بغبنة: بنت عمي أخت هاني قتلت مرة هاني

همدان بخوف: سارة؟

يزن تنهد: لا سارة طالع تاعبة

أمير أرتجفت يداته وصوته تقطع من الخوف: ر... را....رانيا؟؟

يزن أشر بمعنى أيوة وأمير أقتهر بدون شعور نزلت دموعه الكل فاهمين ماعدا إياد إستنكر رجفته وردة فعله أما ياسر منزل راسه يبكي ما شاف دموع أمير

أمير مسح دموعه حاول يسيطر على نفسه ومشاعره: ياسر!

ياسر شاف لأمير: قلب صاحبك موجوع يا أمير

أمير وقفه: ما عاش ما يوجع قلبك

مسك ياسر من يده سحب مفتاح سيارة همدان من يد همدان خرج ياسر لفوق السيارة ومشي

إياد مستغرب: ليش أمير زعل على رانيا؟

يزن أخذ نفس: أمير تقدم لرانيا من قبل أكيد يحبها

همدان نكر بسرعة: لا مش يحبها هو مقهور على ياسر تعرف علاقتهم كيف قوية حتى وهم بأمريكا ٢٤ ساعة يتواصلوا

زياد وهمدان حسهم عند أمير وياسر مقهورين عليهم

@rewayatyamania المصدر الأول للروايات

أمير وقف السيارة على مرتفع فاضي طفا السيارة وخرج شوية وياسر فتح وخرج بعده

أمير: أتركك لوحدك؟

ياسر أشر بمعنى لا: خليك
تنهد: بنفسي أتكلم بس مافيش كلام داخلي قهر مااقدرش أوصفه بالكلام بس خليك خليك

أمير ما رد شاف دموع ياسر ما وقفت شاف قدامه ونزلت دموعه

ياسر حس فيه: تحبها!؟

أمير بوجع: لا بس مقهور عليك

ياسر أخذ نفس عميق: ليش ما تزوجت للآن أنت كنت ناوي تتزوج بس لما خربت خطبتك من بنت عمي ماعاد خطبت؟

أمير بهدوء: ما حصل نصيب

ياسر: أكتسرت نفسك من الزواجة بعد بنت عمي؟؟

أمير بكذب: للآن ما لقيت البنت اللي تناسبني بس

ياسر شافه بغموض: ضروري تتزوج إذا ما تزوجت ما بقدر أتزوجها بحس بالذنب إني وقفت نصيب صاحبي

أمير بصدق ممزوج بوجع: بتزوج بس بعد ما تتزوج أنت عشان لو ما وقع نصيب بينك وبينها بتزوجها أنا

ياسر دهفه بمزح: أمير!!

أمير ضحك: لا تصدق بس أوعدني لو تخارجت من مصيبتها إنك تتزوجها أنا بس أشتي توصل لي دعوة عرسكم بكون أسعد إنسان

ياسر أقتهر: وعد ووعد إنك أول واحد تستلم دعوة عرسنا وأفرحك قبل الكل

أمير أبتسم وبينه وبين نفسه وأنا وعد أدعي لكم بالسعادة وأفرح لكم ووعد لرانيا اللي ما تعرف حبي لها إني ما أتزوج غيرها يحرمين عليا نساء الأرض مثل ما تحرم عليا ملاك

أمير بضيق: متى المحكمة حقها؟

ياسر مكبوووود: أقرب وقت مع هاني

نزلت دموعه خرج صوت أنفاسه المكتومة مسك العمود وخرجت شهقاته

أمير مسك كتف ياسر........


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 286 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


ياسر مكبوووود: أقرب وقت مع هاني

نزلت دموعه خرج صوت أنفاسه المكتومة مسك العمود وخرجت شهقاته

أمير مسك كتف ياسر وسكت سمح له يخرج كل ما بقلبه من بكاء بدون ما يقاطعه

ياسر بإختناق: أنا مش مصدق مش مستوعب يا أمير هذه البنت كل حياتي كل حياتي لو حصل لها شي بموت قبلها، حياتي من الآن ظلمت كيف لو راحت أو حكموا فيها إعدام بتنتهي حياتي أنا مااقدرش أعيش بدونها أبداً

أمير كاتم كل مشاعره: إستهدي بالرحمن واذكر الله ما بيحصل شي بإذن الله خلينا نصبر ونحتسب ، الله معاها بإذن الله

ياسر جلس في الأرض متدمر منهار وأمير جلس يسنده بينما هو من يحتاج  السند بهذه اللحظة هداه لما خرج كل ما بقلبه من إنهيار خفف عنه شعوره ورجعوا للمستشفى
.
.

في السجن

رانيا مشيت بتشرب ماء وبالغلط دعست رجل واحدة لما دهفت رانيا وضربتها

جيهان تضرب رانيا: شكلش ما تستضيش لكن أنا بخليش تستضي

رانيا فقدت أعصابها ، تخيلتها الهنوف ما تحملت وضربت جيهان قوي جت واحدة سحبت شعر رانيا من وراها والكل تهجم على رانيا بقوتهم لأن جيهان صاحبة الكل ورانيا مجرد غريبة ضربوا رانيا بوحشية كل السجينات اللي عندها متورطات بجرائم قتل أو محاولة قتل خرج أبشع مافيهم في رانيا لما فقدت وعيها والدم سال منها

واحدة بخوف: ماتت؟!!

جيهان أفتجعت: مش وقتها تموت ، إحنا ما تخارجنا من القضايا اللي علينا لا نبتلي بهذه الآن

اروى سحبتها ورفعتها لحضنها: عادها عايشة قولوا لهم يجوا يسعفوها أسرعين

المسجونات دقين الباب بسرعة والشرطيات شافوا رانيا وحالتها والدم في الأرض خافين

الشرطية صرخت: من اللي فعلت هكذا؟؟

الكل سكت والشرطية عصبت شافت للشرطية اللي معاها: روحي خليهم يجهزوا سيارة الإسعاف بسرعة

الشرطية خرجت والثانية شافت لعندهن: بنفتح تحقيق بعد ما نسعف البنت الأفضل تعترفين قبل ما تشوفين يوم أغبر

طلعين شرطيات لبسين رانيا طرحة وروب نزلوها لسيارة الإسعاف وأنطلقوا للمستشفى

@rewayatyamania المصدر الأول للروايات

في المستشفى

آسيا شافت لتلفون حسام ولع ورن أقتهرت من الإسم مسكت التلفون وراحت لوحدها وردت

رفأ: حبيبي وينك قلقتني ولا إتصال ولا رسالة.....

آسيا قاطعتها بقهر: حبيبك مشغول جداً اليوم إصبري يكمل إنشغاله وبيكلمك

رفأ خافت: آسيا ؟

آسيا: سبحان الله كيف بتعرفيني ، أنا بكلم حبيبك إنك إتصلتي وأخليه يتصل لك لا تقلقي

طفت في وجهها وألتفتت لقيت حسام قبالها

حسام: آسيا


لم يكونوا أحباء، انما كانو خيبة منذ البداية ولكن لم نحسن النظر الا الى جانبهم المزيف..💔


آسيا رجمت له التلفون: إتصل بروحك ونبض الفؤاد حرام قلقت قوي عليك ، وقول لها إن عائلة الحج صالح اللي سمعتها زي المسك اليوم قتلوا إثنين تنتبه على نفسها لا توقع الثالثة ، سوتها رانيا ما بتعجز على آسيا

مشيت من جنبه وحسام مسكها بسرعة

حسام خايف يخسرها: آسيا !

آسيا دهفته: مش وقتك يا حسام خلي المشاكل هذه تحتل بالنسبة لك حسابك جاي ماناش لعبة عندك أسكت لك بس كل شي بوقته، إياد الآن مقهور على البنت اللي يحبها وهي بين الحياة والموت، ويزن مش معقولة أباشره بمشاكل أخته أول ما جاء اليمن صبرك كان أخ واحد اليوم إثنين لا أنت ولا جدك عادكم بتغصبوني

هزرت يدها وهي تشوفه بحقد

حسام يشوف لعيونها: كيف عرفتي إن إياد يحب سارة؟

آسيا: حسب الله إنه أخي

شافته بنظرات غريبة جداً تركته ورجعت لعندهم

آسيا أستغربت: عمة عائشة أماه أيش جابكم؟

أم حسام: خفنا قوي من كل اللي حصل أتصلت لرامي يجي لنا

آسيا: وعيالي؟

أم إياد: عند أم روان لا تقلقي

أم حسام مقهورة: كلمونا بكل شي كيف حال ياسر؟

آسيا مقهورة على ياسر: لا تسألي كان ساااااكت وبس دموعه تتكلم أنا اللي أكرهه قد انا أتمنى أشوف ضحكته والله من توقع أنو نشوف ياسر يبكي حسبي الله ونعم الوكيل باللي فعلوه أسامة والهنوف دمروا الكل بلحظة
.
.

في السجن

هاني يشوف لزاوية السجن مسك صدره وشدد: الهنوف مش بخير، قلبي مش مرتاح يا هنوف إحساسي يقول لي حصل لك شي قلبي اللي يحبك يا خاينة قلبي اللي يحبك يحس إنه حصل معك شي كوني بخير يا أحقر خلق الله كوني بخير

المسجون اللي مع هاني يراقبه مقهور على حاله وهو مش فاهم أي شي فكيف لو عرف باللي فيه
.
.

في المستشفى

دخلوا أمير وياسر على دخلة سيارة الإسعاف شافوا شرطيات وسيارة شرطة بعدهم ، شدهم المنظر وصابهم فضول

نزلوا رانيا ومشيوا بسرعة بالسرير النقال لداخل مروا من جنب ياسر لهف قلب ياسر بقلق وخوف شاف وجهها ورغم التشوه والضرب و الدم اللي مغطي ملامحها بس عرفها

ياسر حمل مسك السرير ووقفهم: ماااالهاااا ماااالهاااا؟؟

أمير مسكه: ياسر....ِ..





📚 @rewayatyamania  🇾🇪