.

البـارت 218 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


ام هاني: بشروا أيش حصل

هاني مروق ومفتهن للأخير: تمينا واتفقنا على كل شي بكرة تروحوا تلبسوها وتتم الخطبة رسمياً والعرس بعد ثلاثة أشهر

أرتفعت الزغاريد ملان البيت وباركوا لهاني

الحج صالح: ولا مضبحني إلا القات ضروري كنتوا تخزنوا؟؟

يزن طبعا ما خزن: ضروري يا جد يعني رحنا بقات وجاهة وما يخزنوا مع أبو العروس وأهلها عيب ما ينفعش والله

الحج صالح ضابح وبعصبية: طيب يقوموا الآن يبعدوا القات

الشباب تطايروا يبعدوا القات والبنات يضحكين ويعلقين
.
.

صباح يوم الجمعة

الشباب دخلوا وبيدهم كراتين ببس وماء وهاني دخل وبيده الجاتوه وحطه في الثلاجة ورامي بعده بالطلبية الحلويات للضيافة والبنات يجهزين الغداء بسرعة عشان ما يتأخروا

يزن: جبنا ببس وماء وكيك وكمان طلبية توزيعات الخطبة وجاتوه أيش ناقص

أم هاني: جبتوا قات عشان النسوان

حسام: هذا راحوا لها الشباب همدان وأمير وزياد هم أخبر مننا في القات

آسيا ترتب الشنط بشكلها النهائي ومعجبة بكل شي: فائدة إنك تتزوج بمخرجي معناته بتكون الخطبة على أصولها بكل حذافيرها مش مثلي

شافت لحسام وبمزح: طلقني عشان يخطبني مخرجي مش هي سابرة من أهل البيت ما تهتموا فينا مقصرين

الحج صالح خرج معصب: أيش قلتي؟!!

آسيا صاحت بخوف وهربت بسرعة لما كانت تتكحول والشباب يضحكوا عليها

@rewayatyamania المصدر الأول للروايات

عند الهنوف

فوق كوشتها شبه ميتة وسارة أكثر واحدة ملاحظة عليها قامت أم هاني لبستها البدلة الذهب والدبلة والمحبس والزغاريط يسمعه البعيد قبل القريب أما الهنوف ما تسمع إلا صوت نبضات قلبها اللي ينبض بألم أبتسمت لعمتها أم هاني بمجاملة وجلست

سارة جلست جنبها وبهمس: هنوف مالك؟ كأنك مش فارحة؟؟

الهنوف خافت لو تشك: لااااا بس متوترة مدري كيف أنتي بتنخطبي وتحسي من قوة التوتر يجي تعب

سارة فرحت لها: الله يتمها لكم على خير

الهنوف بدون نفس: يارب

روان وأمها جالسات وحسهن عند نجاة مقهورات عليها
.
.

عند نجاة

فوق سريرها متغطية باللحاف والدموع على خدها لدرجة خايفة إن الهواء يراقبها ويعرف بكمية وجع قلبها

نجاة بشهقات: الله يوفقك يا عيوني..... الله يوفقك ويسعد قلبك يا روح روحي..... الله يسعدك معاها يا أغلى من في  قلبي الله يسعدك وما أشوف إلا راحتك يارب بكمية وجع قلبي يكون راحة قلبك معاها... صليت صلواتي بما أمر ربي ودعيت في كل سجود تكون نصيبي كانت دعواتي من شان قلبي.... لكن الآن بكل سجدة بتكون دعواتي عشان قلبك عشانك أنت والهنوف الله يسعدك يا روح وقلب نجاة ياعمرها وحياتها الله لا يوريني بحياتك معاها إلا السعادة والراحة بقلبك أما قلبي مات من بعدك مات يا غلاة الروح
.
.

في أمريكا

سمعت صوت رسالة فتحت التلفون وخافت من المرسل غمضت عيونها من شدة الخوف قوت قلبها وفتحته

جان: أعلم أين هو والدك، إن كنتي تريدين معرفة أين هو أنتظرك بمفردي بمنزلي

داليا غلقت التلفون ورجمته جنبها وترجف: مستحيل هو يشتي يسحبني لعنده هذا فخ، فخ أعرف جان أعرفه

حطت يدها على جبينها وترجف بقوة نزلت دموعها وتتخبى تحت لحافها
.
.

في اليمن

سارة جلست مرتاحة: كانت الخطبة تجنننن

الحج صالح: أهم شي بيضتوا الوجه

سارة: وجهك أبيض من يومه

يزن أبتسم: سارة مروووووقة على الآااااااااخر

سارة برواق: جددددددداً كيف ما أروق وصاحبتي بتكون عندي

الحج صالح كسر فرحتها: وليش بتكون عندك؟!

سارة: مرة أخي!!

الحج صالح: مرة أخوش ما بتعيش هنا لأن اياد وياسر وحسام ورامي مش محارم لها وما يجوز تظهر قبالهم

شاف لهاني: أنا و أبوك أشترينا لك بيت في..... وباقي للعرس 3 أشهر من بكرة تبدأوا أنتوا الشباب تأثثوا البيت من وإلى شلوا البنات هن عندهن خبرة بهذه الأمور بتكون أنت وزوجتك ببيت لحالكم

هاني فرح: إن شاء الله بكرة نروح نشوف البيت وأيش بنحتاجهم بالضبط من الأثاث ونبدأ نأثث

سارة أقتهرت: يا فرحة ما تمت

الكل: هههههههههههههه

ياسر أختفت إبتسامته وهو يذكر نجاة ودموعها وانهيارها شاف لهاني ودعى إن ربي يسعده ويعوض نجاة
.
.

في بيت أبو روان

روان بعدت اللحاف من وجه أختها رفعتها وحضنتها

نجاة زاد بكاها: كيف...كيف كانت؟!

روان ما تشتيش تزعلها: قدش تعرفي الهنوف

نجاة بشهقات: جميلة... جميلة أجمل مني عشان هكذا حبها عشان هكذا أختارها هي

روان مسكت وجه أختها وبكت: لا لا والله يا نجاة أنتي أجمل منها والله أنتي أجمل منها بس هاني ما يعرفك إلا وأنتي صغيرة وكبرتي تبرقعتي ماعاد يعرف بجمالك بس الهنوف فاتشة

نجاة تبكي بحرقة: مش كل شي الجمال هو حب الهنوف هو أختارها لكن الله يسعده وتكون زواجة الدهر ويريح قلبه مع من.......




📚 @rewayatyamania  🇾🇪

.

البـارت 219 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


نجاة تبكي بحرقة: مش كل شي الجمال هو حب الهنوف هو أختارها لكن الله يسعده وتكون زواجة الدهر ويريح قلبه مع من أحبها، الله يسعده

روان حضنتها ونزلت دموعها كبدت صوت بكاها عشان أختها ما تسمعها

أم روان تسمعهن من خارج وتبكي على بنتها: الله يعوض قلبك يا نجاة الله يعوض قلبك، وهاني فعلاً رجال وخسارته خسارة بس الله بيعوضك بأفضل منه نقاوة قلبك يستحق عوض كبير
.
.

في بيت نجيب

نجيب بيده ورقة رفع القضية ومقهور: تشتي تخلع

سمر فرحت: الله معاها

نجيب عصب: أيش الله معاها أيشششش؟؟ يا سمر أنا أشتيها أنا أحبهاااااا

سمر أقتهرت: أنا بعوضك وبخليك تنساها، وبعدين أيششش اللي تحبها؟!!! طييب لييش تزوجتني هاااه والا قالوا لك عني لعبة

نجيب ماله نفس يجادلها خرج وصرع الباب بقوته لما سمر خافت

@rewayatyamania المصدر الأول للروايات

اليوم الثاني

إنتشر خبر خطوبة الهنوف بعد ما تم كل شي

راح أبو الهنوف وتنازل عن أسامة وخرجه من السجن ورجع أسامة لبيته

أم أسامة حاضنة إبنها وتبكي ومقهوووورة

أسامة حب رأس أمه: يمه ليش تبكي خلاص خرجت وعمي عرف غلطه وخرجني واعتذر

أم أسامة بقهر: لا يا أسامة عمك ما خرجك واعتذر عمك شل منك كل شي

أسامة أستغرب: أيش شل مني عمي يمه؟؟!

أم أسامة زاد بكاها وبحقد من أخو زوجها: شل منك الهنوف وخطبها لهاني أخو صاحبتها

أسامة أنصدم وجنن: هاني من هاني من يمممه

أم أسامة: أخو سارة

أسامة زاد جنونه: متى هذا متى حصل هذا؟؟!!!

أم أسامة: أمس تموا كل شي ولبسوها الدبلة والمحبس

أسامة جن جنونه خرج من بيته وراح لبيت عمه أبو الهنوف ودق بجنون وهو يصيح

أبو الهنوف فتح له الباب وببرود: خير مابه للجنان

أسامه بحقد قهري: ليش توافق على خطبة الهنوف يا عم؟؟

أبو الهنوف ببرود: أنا أدرى بمستقبل بنتي ، بعدين لا يكون أنت اللي بتحاسبني على خطبة بنتي ولمن أعطيها؟؟

أسامة صرخ بجنون: هذا المستقبل هذا اللي أنت فعلته، دمرتني ودمرت بنتك به، أنت قصدك إنك هكذا عاندت أخوك وعملت اللي براسك، بس حابب أقلك لا، أنت هكذا بس دمرتني أنا وبنتك الهنوف يا عمم

أبو الهنوف بعصبية: ما دمرت بنتي ولا شيء ، بالعكس أنا كنت بدمر بنتي لو أعطيتها لك لواحد أبوه نصاب وحرامي وليته نصب على أي أحد  نصب وأكل حق أخوه ، لا أنا أعطيت بنتي لرجاال إبن رجال والكل يشهد له و عرفت أختار لبنتي مستقبل يليق فيها

عصب أسامة بقووة من كلام عممه بحقه وحق أبوه ، كان بيرد بس سبقه أبو الهنوف

أبو الهنوف صرخ أكثر: والآن إنقلع ولا عاد أشوفك عند بيتي أو تحوم حول بنتي
ورفع يده يهدد: وإلا والله بوديك وراء الشمس  هذه المرة كانت في سجن لعدة أيام المره الجايه يمكن تروح رقبتك

إلتفت أسامة بيروح، ولكن نطق كلماته الاخيرة لعمه: بتندم يا عم صدقني بتندم والله إنك بتندم

خطي أسامة لوسط الشارع ورفع تلفونه واتصل  للهنوف

الهنوف تكتم بكاها: أهلين أسامة

أسامة بوجع وقهر وحقد: دامك وافقتي يا هنووف حااضر بتشوفي ، ولو قصدك أنتي بتتزوجي وخلاص بتخلصي مني، لا أنا بعدك وبتزوج وأكون قدام عينك وبحرق لك قلبك مثل ما حرقتي قلبي يا هنوف

الهنوف بدموع: بس أنا وافقت غصب عني يا أسامة عش....

أسامه قاطعها بعصبية: لا مش غصب عنك مش غصب عنك كنتي تقدري ترفضي بس أنت وافقتي

وأغلق الإتصال واتجه بسرعة للبيت

دخل أسامة لبيته وشاف أمه وأبوه جالسين ، راح جلس عندهم

أسامة: يمه ، أنتي تعرفي بيت سارة أخت هاني، أقصد بيت الحج صالح

أم أسامة: أيوة رحت مع عمتك والهنوف بعرس بنتهم اللي كان قبل ثلاثة أسابيع

أسامة: أيوه أنتي رحتي للبيت حقهم؟

أم أسامة: أيوه قد رحت هناك مع عمتك

أسامة بجدية: خلاص أشتيكِ تروحي وتخطبي لي سارة

أم أسامة أستنكرت تصرفه: بس هكذا أنت تغلط يا أسامة تروح تخطب أخت خطيب حبيبتك؟!!!!

أسامة بحقد: لا مش غلط يمه وأنا بوري عمي إن الغلط من عنده وأصلاً يمه هكذا والا هكذا أنا من لما شفت سارة نويت لو عمي زيَد باللغاجة ورفض يزوجني بنته بخطب سارة، قصدك ليش أخترتها هي بالذات لأني شفتها يمه والبنت أعجبتني

أبو أسامة بهدوء: إتصلي لهم واخطبيها هذه البنت بتكون لولدي غصبا عن أخي ومثل ما هو تصرف بهذه الطريقة أنا بتصرف أنا وولدي بطريقتنا

أم أسامة: عادك تشجعه على الغلط، كل هذا بسبب هذيك الأرض ليش ما تجيب له حقه

أبو أسامة صرخ: أنا جبت له كل حقوقه وقسمنا الورث بالعدل بس هذاك الأرض أرضي أنا تعبت فيها لوحدي وأنا كلمت أبي قبل موته إني ببني فيها مشروعي وهذا الموضوع لا ينفتح قدامي ويتغلق هنا وانتهى

أم أسامة خافت: طيب وأنا كيف أجيب رقم أم سارة لحتى أتصل لها؟!

أسامة: ما عسرت....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 220 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أم أسامة خافت: طيب وأنا كيف أجيب رقم أم سارة لحتى أتصل لها؟!

أسامة: ما عسرت يمه إذا مش معانا رقمها أنتي تعرفي بيتهم عصر اليوم نروح

أم أسامة: اليوووم؟؟ وأنت ليش مستعجل هكذا

أسامة: أنا هكذا مستعجل وهذا الأسبوع أشتي خطوبتي تتم وبيت الهنوف محد يعرف إلا لما تروحوا تلبسوا سارة

أم أسامة: أكيد سارة بتكلم الهنوف

أسامة ضحك: تطمني سارة ما معاها تلفون كلمتني الهنوف من قبل وأشتي الخبر ينتشر فجأة بعد ما نتم وأحرق قلب الهنوف مثل ما أحرقت قلبي

أم أسامة: الله يهديك يا ولدي، خير طيب نتغدى ونخطى
.
.

في بيت الحج صالح

يزن ينزل من الدرج حس بيد مسكت رجله شاف لوراه بخوف وإنها سارة سحبته لما تكحول وسارة هربت وهي تضحك

يزن يده وراه من الألم: سارة يا حيوانة

سارة تهرب وتضحك: تستاهل هكذا أنتقمت لما كحولتني

يزن لحقها وهي أسرعت كانت شقته أقرب مكان لها دخلت وغلقت الباب

يزن يدق الباب: إفتحي يا جبانة

سارة: إليك من بيتكلم عن الجبن وهو كحولني وهرب

يزن: إفتحي بدخل أبدل

سارة: على غيري شوف كيفك كاشخ ما فيك شي مستر امريكانو
.
.

في أمريكا

عرفت مِن من الرسالة اللي وصلتها فتحت تلفونها وقرأتها

جان: يبدو لم تصدقيني إلى الآن ولكن أقسم لك أعرف أين هو والدك ولدي الدليل لإثبات براءته

وصل لها مقطع فيديو 5 ثواني فتحته أنصدمت لما شافته إنه للقاتل المأجور

القاتل المأجور: تلك لم تكن الحقيقة، الحقيقة هي......

خلص الفيديو

جان: إذا تريدين تكملة الفيديو والدليل يجب أن  تأتين إليَ

داليا بترجي: أرجووووك أرجووووك جان أعطني الدليل أخبرني أين هو والدي

جان بخبث: لا ليس بتلك البساطة، عليكِ أن تأتي إلى منزلي يوم الثلاثاء واحذري أن يعرف أحدهم بأمر الفيديو هذا ولا سيما إياد ويجب عليكِ أن لا تخبريه وتأتين بمفردك عزيزتي إن لم تأتي بمفردك أقسم لكِ أن الدليل هذا سينتهي ولن تحصلي عليه أبداً ولن تعرفي أين هو والدك، حسناً عزيزتي!؟

داليا غلقت التلفون وحطته جنبها رفعت يدها لعيونها وجبينها، ترجف من الخوف دمعتها نزلت: ياااارب

فارحة إنها حصلت دليل لبراءة أبوها وبتعرف وين مكانه لكن بنفس الوقت الخوف مسيطر عليها ما عرفت أيش تسوي

@rewayatyamania المصدر الأول للروايات

في اليمن

رانيا طلعت لعندهم: مجهالة أنت وهي قد قدمنا الغداء وجدي على السفرة يسأل وينكم

يزن ألتفت بيكلمها وسارة أستغلت إنشغاله فتحت الباب وبسرعة هربت لنازل ويزن لحقها بسرعة لما وصلوا للدور الأول هدأوا سرعتهم ومشيوا طبيعي خوف من جدهم

الحج صالح عصب: وين كنتوا؟!

سارة جلست: طلعت أضحي ثيابي اللي صبنتهم

يزن جلس: أنا كنت أكلم يزن

الحج صالح شاف ليزن: إسمع يا إياد يزن ممنوع يتواصل مع هذه العائلة أنت أخوه وعشت معه عمرك كله وما بمنعك من إنو تكلمه بس بمنعك من إنو تذكره قدام هذه العائلة

يزن أقتهر من كلام جده: محد بيقدر يمنعني من أخي أساساً هذا أول شي، ثاني شي لو ذكرته قدامكم أنا ما ذكرته قدام غريب أنا ذكرته عند عائلته

الحج صالح كان يرد بس يزن قاطعه بسرعة

يزن: أمرك مش مهم قدام أمر أرحم الراحمين طبعاً وأنت لازم تحترم هذه النقطة يا جد وأنت فاهم أيش معنى إعتراض لأمر الله، أنت أمرت إن أخي مش من هذه العائلة بس الله عز وجل هو اللي أمر إن يزن يكون حفيدك هذا أمر الله مش أمر قبيلتك وعرقك ولو على القبيلة أنا أتحدى قبيلتك كلها تكون بربع أصالة وقبيلة يزن بس أنت عادك ما تعرف يزن ولا سمحت الفرصة بأنك تعرفه لكن أوعدك لما تعرفه بتفتخر إن ولد المزينة هو حفيدك

الحج صالح صرخ: بس كلام فاضي، وإذا أبوك كسر العادات والأصول هذا ما كان أمر الله

يزن عصب: أيش كان أمر الله إنو ممنوع القبيلي والسيد والأصول يتزوجوا من المزاينة؟؟ جيب لي هذا الأمر في أي دين أو في أي مذهب أو حديث أو آية قرانية!!!!!، لكن هذه كانت أمر عادات يمنية أنت رضخت لها وأطعتها ونسيت أمر ربك اللي قال لا فرق بين عربي وعجمي إلا بالتقوى عشان عاداتك، لكن كلكم تجاهلتوا أوامر الله وسمعتوا لأوامر عادات وتقاليد ما كان لها جذور من البداية

وبهدوء: زمان ما يزاوجهم لأنه المزاينة كانوا أفقر طبقة عشان هكذا أستحقرتوهم وما تزاوجوهم لكن بسبب فقرهم اللي كان من مئاااااات السنين تنسبوهم بأنهم مش أصول هذا العيب فيكم وكان بداية العيب إنو ما تزوجوهم لأنهم فقراء، والا أما اليوم قدهم أسياد الناس بغناهم إذا كان الغنى عندكم أصول لكن نسيتوا بداية المشكلة إنها بدأت بالفقر وانتسبتوها عادات وتقاليد اليوم هم أغنى الناس يعني هم أسياد اليمن صح؟؟

الحج صالح شافه: أيوووووة هذه كانت بدايتهم إن ما معاهم ما يأكلوا........


https://tttttt.me/rewayatyamania/53778



📚 @rewayatyamania  🇾🇪

💜

بـارتـات يـومنـا الثلاثــاء 👆🏻😍

.

يسعد مساكم.. اعتذر لعدم عرضي لبارتات العصر وإن شاء الله سيتم عرض جميع البارتات الآن

.

.

البـارت 221 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


الحج صالح شافه: أيوووووة هذه كانت بدايتهم إن ما معاهم ما يأكلوا ينتظروا العرس عشان يحصلوا بذبيحتهم كم كيلو لحم والا يجوا يغنوا عشان قرشين و......

يزن بهدووووء: والآن أيش؟؟ وينهم الآن؟؟ الآن هم أغنياء اليمن مش بيأكلوا بس قدهم هم بيأكلوا كم من شيخ وقبيلي وسيد

الحج صالح بنص عين: ليش أنت حامي عليهم هكذا؟!!

يزن أبتسم له بسخرية: لأن حرمتم ما حلله الله بحجة العادات والتقاليد، لأنه يا جد لو كان أبي قطع أوامر الله وكان قطع صلاته كنت بتصبر عليه وتسامحه، لأنه لو كان شرب الخمر كنت بتسامحه وتغفر له، لأنه لو كان أرتكب فاحشة كنت بتغطي عليه وتستره حتى لو عصبت عليه وغضبت، لأنه لو كان ما يصوم بتصبر عليه، لأنه لو ما كان يزكي كنت بتزكي أنت عليه، لأنه لو قطع كل التعاليم الدينية بتكون له ستر وغطى وتسامحه وتصبر عليه، لأنه تجاهل أوامر الله وهو ذنب عظيم فعلاً، بس مجرد ما تجاهل أوامر عاداتكم أنت أعتبرتها أعظم أنت هكذا تقدس عاداتك أكثر من دينك أنت عاقبت أبي وكأنه فعل الحرام وتبريت منه ولو كان فعل الحرام فعلاً كنت بتسامحه بسهولة، لكن لا لأن الموضوع مس عاداتك وتقاليدك أنت تبريت منه ، والله إنكم تستحوا اللي يتجاوز عاداتكم أكثر من ما تستحوا إذا أحد تخلى عن دينه لو تخلى عن دينه ما فعلتوا هكذا لكن مجرد ما تخلى عن عاداته أنتوا طوالي عاقبتوه بالهجر نبذتوه وكأنه نكرة هذا أول سبب أما سببي الثاني لأن يزن أخي وأخي منهم وأنا أفتخر فيه

الحج صالح ما حب يجادله لأنه أصلاً ما عنده رد على كلام يزن، أيش بيرد إذا كان كلامه واقعي وقف ودخل غرفته وغلق

أبو هاني شاف ليزن: هكذا خرجت ما بقلبك وخليت جدك يقوم بدون ما يأكل؟!

يزن شاف لعمه وبحقد: لا عاد انا ما خرجت ما بقلبي، وإذا جدي قام بدون ما يأكل بسبب كلمتين.. أبي كان يرقد بدون ما يتعشى ويخرج بدون ما يصطبح لعمر طووويل بسبب كلمتين وكف كمان

قام يزن وهو متضايق من عمه كيف بس مرة جدهم أنزعج حسوا به وأبوه سنين محد حس فيه بالأخير مثل ما هذاك أبوهم هذاك أخوهم

آسيا شافت لعمها أبو هاني: برأيك يا عم كم جلست أمي قدامك تتعذب وتتغصب اللقمة ودموعها على خدها، لحد يلومني أو يلوم إياد على أي كلمة اللي إحنا سكتنا عنه وشفناه كفاية وإياد اليوم ما دافع عن أخوه اليوم هو دافع عن أخوه وأخي أبوه وأبي اليوم هو تكلم عنه وعني وإذا الحق أزعجكم إحنا الباطل قتلنا قتلنا من سنوووووات وساكتين إحترام لكم لكن اليوم إحترموا كلمة الحق إحترموا حقنا، حقنا في إنو نعيش مع أخونا

وقفت وخرجت بعد يزن

أبو ياسر تنهد: طه أنت ما شفت عذابهم تمام أنا شفته.. لكن أنت المفروض تحس بأخوك ومرة أخوك اللي عاشت وسط بيتك تتعذب لما شلوا إبنها من حضنها وتبروا من زوجها المفروض تحس بحاجة بنت أخوك لأبوها مش تشجع على غلطة أبي

أبو هاني ضحك بسخرية: أنت عواطفك هي اللي دمرت أخوتنا وبسبب عواطفك دعمت شرف و......

أبو ياسر قاطعه: عواطفي أرحم من قسوتك يا طه

ياسر وقف: اليوم ما كان في داعي للغداء

خرج ياسر وأم اياد بكت وطلعت غرفتها كذلك أم حسام بكت على أخوها وتركت السفرة وراحت لشقتها وأبو ياسر مزعوج من أخوه تركهم وطلع وهند لحقته

حسام: بروح أشوف آسيا

رانيا شافت رامي: كل كل يا مبطون على الأقل برد قلوبنا إنو ما تعبنا على الفاضي

رامي يأكل ومش مبالي: خلي القبيلة والمزاينة ينفعوهم ما تنفعنا إلا كرشتنا إن شاء الله أكون أصل أو مش أصل المهم طايع ربي وأمي وآكل وشارب وحامد لله

سارة ورانيا ضحكين وسط مزاجهن المعكر على رامي

@rewayatyamania المصدر الأول للروايات

في الحوش

آسيا وقفت قدام يزن ودموعها على خدها: إياد أشتي أكلم يزن

يزن شاف لآسيا وأقتهر يتمنى فعلاً لو يتكلموا بس هو يعرف أخوه وحقده على أمه وآسيا ومستحيل إنه يوافق أبداً

يزن يحبس مشاعره: بوقته المناسب يا آسيا الآن مش وقته

آسيا: ليش ليش مش وقته يا إياد؟؟!!

ياسر قرب منهم: يزن الآن معه ظروف ومشاكل حتى أنا ما يكلمني

آسيا تركتهم بتدخل لكن وقفت لما وقف قدامها حسام

حسام مسك يد آسيا وحبها: أوعدك بتشوفيه مش بس تكلميه

آسيا غمضت عيونها وتضاعفت دموعها تركت حسام وطلعت وحسام لحقها عشان يخفف عليها
.
.

في العصر

سارة تصلح العصير ومستغربة: أيش جاب عمة الهنوف لوحدها غريبة والله

رانيا: أيوة والله غريبة

آسيا تجهز الضيافة: إن شاء الله يكون خير

البنات: يارب

أم أسامة شافت للبنات وهن يدخلين الضيافة وابتسمت وأم هاني تشوف سارة ومبتسمة كذلك هند وأم إياد وأم حسام، قدمين الضيافة وجلسين للمغرب جاء أسامة واتصل لأمه وخرجوا
.
.

بعد العشاء

الحج صالح: من الضيفة اللي جت اليوم؟!

هند:..





📚 @rewayatyamania  🇾🇪

.

البـارت 222 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح: من الضيفة اللي جت اليوم؟!

هند: عمة الهنوف خطيبة هاني يا عم

الحج صالح: خير وأيش سبب زيارتها

أم هاني أبتسمت: جت تتقدم وطلبت سارة لإبنها أسامة

يزن شاف لعمته بسرعة مصدوووووم وياسر غمض عيونه بقهر

سارة أنصدمت تسارعت نبضات قلبها وشعور غريب هاجمها فرح مع توتر وخوف ومشاعر ملخبطة

يزن صرخ بدون شعور: لا مستحيل مش موافقين

الكل شاف ليزن مصدومين من ردة فعله ويزن مش مستوعب شي

يزن بخوف إن سارة توافق: هذا أسامة اللي شفناه أنا وهاني كان يشوف سارة وضربناه

هاني أستغرب: وأنت كيف عرفته؟!!

سارة خافت لو يزن يتكلم إنه يعرفه بسبب كلامها عنه

يزن تلبك: س سألت عليه لأنو قلبي ما برد وكنت ناوي أضربه كمان

أم هاني أبتسمت: أصلاً هذا السبب اللي خلاه يتقدم
شافت لعند عمها: كلمتني أمه اليوم إنو شاف لسارة لما راحين البنات قبل الخطبة وشاف إحتشامها ومشيتها وأخلاقها وأعجب فيها

الحج صالح شافها: وهو كيف عرف إنها سارة اللي شافها

أم هاني: الهنوف بنت عمه وهو شاف سارة داخلة بيت عمه لما روحين البنات دخل بيت عمه وسأل عليها والهنوف كلمته إنها صاحبتها وجاء دق الباب من أبوابه

حسام: الآن لو جينا لنقطة العيال ضربوه لأنه شاف لسارة بس الولد نيته صافية شافها أعجب بأخلاقها وتقدم من الباب يعني ما شاف لبنت ثانية عينه أنحطت على سارة وجاء تقدم لسارة

رامي: يعني الولد أخلاق

أم حسام: وإذا سألنا عليه ما يحتاج من قبل إحنا سألنا على الهنوف وإنهم ناس وأخلاق وأصول كاملين والكمال لله والولد ابن عمها

الحج صالح: أنتم تتكلموا عن الموضوع وناسيين إن الكبيرة عادها ما أنخطبت ولا تزوجت

أبو هاني يشتي يفرض على الكل إنه الآمر الناهي على بناته ويثبت هذا الشيء: أنا ما بوقف بنصيب الصغيرة عشان الكبيرة، إذا قصدك بتضغط عليا هكذا وأوافق على ياسر أنت غلطان ياباه وأنا أعرف بمن بزوج بناتي ونصيب سارة جاء ما بوقف نصيبها وإذا الولد مناسب أنا موافق وجبتها لأسامة

سارة فرحت إن أبوها وافق بس ما بينت

ياسر أقتهر من عمه لأنه الآن ما جرح مشاعره بس لا هو جرح مشاعره ومشاعر أغلى ناسه يزن

يزن مش قادر يستوعب الموضوع للآن ومش فاهم أيش مشاعره الآن بالضبط هو رافض مقهور يتمنى ما يتم الموضوع بس مش فاهم ولا عارف السبب

الحج صالح عصب: اللي إحنا متعودين عليه ومن عاداتنا إنو ما نزوج الصغيرة قبل الكبيرة

أبو هاني: ولا نزوج الصغير قبل الكبير... طيب ليش زوجت شرف قبلي وقبل علي؟

الحج صالح عصب: لأن الموضوع وقتها كان مختلف

أبو هاني: لا ما كان مختلف أنت وقتها أضطريت لأنك كنت رافض سحر وأنا الآن مضطر لأني رافض ياسر، ركز ياباه الزمن بيكرر حياتك مع أولادك ومثل ما أعترضت ما فعلت أنت زمان أنا الآن بفعله، مش أنت بنفسك قلت لي قبل أسابيع يا ولدي لك ولدك؟؟ وأنا موافق وسارة بتتزوج أسامة

شاف لزوجته: بكرة ردي لهم خبر الموافقة عشان يجوا الرجال ونتفق على كل شي

الحج صالح شاف لإبنه بحقد وقف وراح لغرفته وأم حسام لحقته

أم حسام: ما بتوقف هذا الزواج ياباه

الحج صالح بشموخه: لا، و أشتي هذا الزواج يتم عشان هذا الزواج بيربي طه وبيندم عليه وبيبكي كمان وبتقولي أبي قال يا عائشة، طه تمرد وهذولا عياله لكن عيالك وعيال شرف هم عيالي وأعرف أعترض الكل لكن طه بخلي الزمن يربيه وهذا يمين مغيب يا عائشة طه بيندم على هذا القرار وبيتمنى يرجع الزمن ويغيره وأنتي تعرفي نظرتي للحياة وأسامة هذا مش مرتاح لقصته وطريقة إستعجاله للخطبة بعد خطبة هاني من بنت عمه

@rewayatyamania المصدر الأول للروايات

أم هاني: على الأقل إسأل بنتك لو موافقة أو لا

أبو هاني شاف لزوجته بنص عين: بنتي موافقة وأنتي بكرة إتصلي لهم وردي الموافقة

وقف: أنا بطلع معي شغل من الفجر تمسوا على خير

طلع والكل جالسين بهدوء

هند: ما بتقول شي يا علي؟!!

أبو ياسر: بقول شي لو جت سارة وقالت يا عم مش موافقة أنا بعترض الزواج لكن إذا سارة موافقة وهذا الزواج ما بيضر رانيا وياسر لا ما بقول شي

سارة أبتسمت لعمها وطلعت لغرفتها وآسيا ورانيا لحقين بعدها

رانيا: أيش رأيك أنتي يا سارة؟؟!

سارة جلست فوق سريرها خلست طرحتها وأبتسمت: عادي أنا موافقة لأني أصلاً مدري كيف هو إعجاب هو حب مدري لكن أنا فعلاً أشتي أسامة وموافقة عليه لقيته صدفة عدة مرات وبكل لقاء أحس بشعور غريب والإبتسامة ما تفارقني حتى نظراته ما أنساها أبداً

آسيا مصدومة: البنت عايشة حالة حب من ورانا

سارة أرتجمت فوق سريرها فاااارحة وخدودها محمرة: مش مصدقة إنه بيكون نصيبي

رانيا فرحت لأختها: الله يتمها لش على خير

سارة من قلبها: يااااااارب، أنا.......





📚 @rewayatyamania  🇾🇪

.

البـارت 223 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


رانيا فرحت لأختها: الله يتمها لش على خير

سارة من قلبها: يااااااارب، أنا فارحة إن زواجي ما بيأثر على رانيا لو كان بيأثر كنت برفض أهم شي رانيا تتزوج ياسر

رانيا أبتسمت لأختها وكاتمة لمشاعرها والبنات فارحات لها جداً
.
.

ياسر عصب: بين أقول لك لا تخلي هذه الزواجة تتم يا يزن لأنه بتخسر عمرك بتخسر روحك

يزن بنفس عصبيته: ليش يعني أيش دخلني أنا بزواجة سارة عشان أخسر عمري وروحي، الله يوفقها ويتمم لها على خير

ياسر ما تحمل حس بثانية ممكن ينفجر فوق يزن خرج وصرع الباب على يزن وراح لشقته وهو يفكر كيف يخلي يزن يستوعب مشاعره وحبه لسارة اللي للآن ما قدر يفهمها
.
.

عند يزن

يتقلب فوق سريره وينفخ بضيق مش فاهم مشاعره ولا أيش سببها يحس بكتمة وغصة وجع بأيسر صدره مشتت مش فاهم لشي

@rewayatyamania المصدر الأول للروايات

عند الشباب

رامي: الله يوفقها

هاني تنهد: يارب، والله كانت بنفسي إنها تكون لإياد

حسام: إيه والله بس شكل إياد مش حسه عند هذه الأمور كل حسه عند أخوه يزن مش فاضي لهذه الأشياء

رامي: ودام أسامة جاء للبيت من أبوابه يعني كمان هو رجال وبيصونها، أتفق معاكم حتى أنا كنت أشتيها لإياد بس إياد ما جاب حتى إشارة إنه راغب فيها

هاني مقهور: مااختلفناش بس والله كان نفسي تتزوج إياد بس الله يوفقها ويسعدها مع أسامة

الكل: يارب
.
.

يوم الثلاثاء

تجهيزات في بيتين مختلفتين كذلك دولتين مختلفتين لترحيب ضيوفها، بيت الحج صالح يجهزوا لجية رجال أهل أسامة عشان يتفقوا بأمور خطبة سارة من أسامة، وفي بيت أبو أمير عشان يرحبوا في جية أبو همدان، وفي أمريكا جان يجهز نفسه وكأنه عريس لجية داليا
.
.

في أمريكا

داليا مش عارفة كيف تتصرف مع إياد لأن الوقت عندهم ليل منتظرة له ينام وتروح وفعلا إياد غمض عيونه راحت للمطبخ بهدوء أخذت سكينة وخرجت لبست جاكتها حطت السكينة داخل كمها لبست جزمتها (عزكم الله) وخرجت بهدووووء

إياد فتح عيونه: خلينا نشوف إذا كان فعلا جان بريء وهو حماش، والا أنتي تكذبي عليا وهو اللي كان يتحرش بك

قام لبس دجلته وخرج بعدها يراقبها من بعيد لبعيد عمل رسالة لفيكتور

فيكتور أستلم الرسالة وخاف على إياد: يا إلهي سيعلم الآن أن جان من تحرش بداليا سيقتله حتماً لا لن أسمح بذلك

أتصل للشرطة عشان يجهزوا نفسهم بأي وقت يقتحموا فيلا جان
.
.

في اليمن

الرجال في المجلس يتفقوا على كل شي ياسر مسك يد يزن وطلع ويزن مش فاهم شي فتح ياسر باب السقف ودهف يزن لوسط السقف وغلق الباب

يزن: أيش تفعل يا مجنون؟!

ياسر دهف يزن من صدره وبعصبية: أيش اللي تفعله أنت يا يزن أنت تعرف الآن أيش بيتفقوا إن زواج سارة يكون مع هاني بعد 3 أشهر

يزن: عارف الله يوفقها أيش تشتي مني أنت

ياسر صرخ: أشتيك تستوعب يا يزن إستوعب مكانة سارة بقلبك

يزن ما رد وملامحه تبين تشوشه وتشتته لفت يتهرب من ياسر


الإنتحار فكرة قديمة جرب: التردد.... الخوف..... أخذ قرار دون تفكير......

ياسر صرخ أكثر: البنت خرجتك من حزنك من كآبتك الوحيدة مننا كلنا قدرت تتغلب على وجعك وحزنك حتى لو إياد كان هنا ما كان بيقدر

يزن يتهرب بدون ما يرد مسك رأسه مش فاهم شي

ياسر: البنت اللي لما تكون جنبك تكون معاها يزن مش إياد تتصرف بعفويتك الزايدة بدون شعور منك

يزن مسك رأسه أكثر بدأ يحس بصداع وألم قلبه يزيد

ياسر: البنت اللي تغار عليها وكنت بتقتل أي شخص حط عينه عليها بس فكيف لو حد غيرك يلمسها

يزن ما تحمل وهو يتخيل صرخ: بسسس ياااااااسر بسسسسس

ياسر زاد صراخه: البنت اللي رجعت لك الحياة الآن بتكون لأسامة بتكون حقه وحده وتعيش معه تحت سقف واحد وتخلف منه

يزن ما تحمل هجم على ياسر وضربه لكمة بعد لكمة بدون شعور

يزن يضرب ياسر: ماهيش حقه ماهيش حقه سارة مش حقه يا ياسر سارة حق.....

وقف لما أستوعب وقام فتح عيونه وهو مش فاهم أيش اللي حصل معه

ياسر وقف بتعب ومسح الدم من فمه: حق من؟؟ اذا مش حق أسامة هي حق من؟؟

يزن يشوف لقدامه مسح شعره مش فاهم ولا مستوعب ليش جن جنونه إنها تكون ملك أي شخص

ياسر: قول ملك من أنا خليتك تضربني براحتك عشان توصل لهذه النقطة وتفهم سارة هي حق من
.
.

في بيت أبو أمير

أبو همدان: أنا بصراحة جيت أكلمك عشان أمير

أبو أمير: ماله أمير؟!

ابو همدان: نشتي نخطب له هذا الأسبوع

أبو أمير: إذا بتخطبوا له إخطبوا له لكن أنا أعرف إبني عاده مش حق مسؤولية وزواج

أبو همدان: .....
.
.

في أمريكا

داليا وقفت قدام الفيلا خايفة مترددة الرعب يمشي بدمها كل شي فيها يرجف تجمعت دموع عيونها من شدة الخوف

داليا مسحت دموعها: يلا يا داليا إدخلي عشان أبوش يلا كوني شجاعة

تشجعت ودخلت للحوش......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 224 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


داليا مسحت دموعها: يلا يا داليا إدخلي عشان أبوش يلا كوني شجاعة

تشجعت ودخلت للحوش بعدها لداخل الفيلا وإياد يراقبها أول ما شافها دخلت لداخل الفيلا دخل للحوش

جان وقف بإبتسامة: جميلتيييي

داليا مرعوبة: أعطني الفيديو وأخبرني أين أبي؟!

جان: ألم أخبرك بالرسالة إنها ليست بتلك البساطة؟

داليا زاد خوفها ورعبها: ماذا تريد مني أخبرني؟؟!!!!

جان قرب بخطواته لعندها وهي ترجع بخطواتها لوراء وتتنفس بصعوبة تحس جسمها مش قادر يتحرك بسهولة من شدة الرعب

جان أسرع ومسكها: أريدك أنتِ

داليا صرخت بخوف ودهفته: لااا إبتعد

جان حافظ لردود أفعالها قاوم الدهفة وتماسك مسكها وسحبها لحضنه: قفي من تمردك يا فتاة

داليا صرخت تضربه وتقاوم تحاول تفك نفسها

جان سحب طرحتها وبدأ يفترسها وداليا تقاوم وتحاول تفتك منه

داليا تبكي بحرقة ورعب دهفته وتصرخ بهستيرية وجنون: إبتعد أيها الحقير إبتعد عني

جان أقوى مقيدها بقوته وهو يشم شعرها ويبوسه وداليا تداهفه وتزابطه بس هذه المرة ما قدرت أبداً...........
.
.

في اليمن

ياسر: قول لي سارة حق من؟!

يزن ما رد يتهرب بنظراته من ياسر

ياسر صرخ: جاوبني ليش تتهرب من إنك تشوفني أنت ما تتهرب مني أنت تتهرب من مشاعرك

يزن ما زال يتهرب حس بصداع وحرقة قلب دمعت عيونه وهو يحس بشي في قلبه لسارة

ياسر: يزن وقفهم روح ووقفهم الآن روح قبل ما يلبسوها بكرة لو بكرة لبسوها ماعاد بتقدر تفعل شي وحرام عليك تخرب الخطبة لكن اليوم معك فرصة معك فرصة يا يزن روح ووقف الخطبة الآااااان

يزن مسك رأسه بشكل أكبر والصداع زاد حس بدوار من شدة تفكيره وضياعه

ياسر: روح يا يزن روح وقف الخطبة إذا سارة مش حق أسامة روح وقف هذه الخطبة

يزن دهف ياسر بيمشي وياسر يشوفه

ياسر وقفه: وين رايح؟؟!!!!

يزن شاف لياسر بضياع: .......

@rewayatyamania المصدر الأول للروايات

أبو أمير: إذا بتخطبوا له إخطبوا له لكن أنا أعرف ابني عاده مش حق مسؤولية وزواج

أبو همدان أبتسم: لا، إبنك قده حق زواج ومسؤولية ، إسمعني واعتبر كلامي من أخ ، أنا أمير وكلني وأعتبرني أبوه وأنا فعلاً أب له وما بقصر وبخطب له، بس مش حالية بحقي أخذ هذا الحق منك من إنو تروح تخطب لإبنك الوحيد ، وقبل كل هذا أبو أمير مسؤول معروف يعني مجرد ما يسألوا عن إسمه بيعرفوا هو ولد من وهذا ما يحتاج حتى لأن أمير بيخطب أخت صاحبه يعني معروف عندهم من زمان هو ولد من ، ما بيكون حالية بحق مسؤول كبير فاضي لدولته ومشاكلها ومش فاضي لإبنه هذا عيب كبير بحقك لكونك مسؤول قبل ما تكون أب ، يعني لو أنا معي بنت وتقدم لبنتي رجال وأبوه معروف وأبوه ما جاء بنفسه وطلبها مني أنا بستحقره جداً لأن شخصية مرموقة يكون قليل أصل بحق ولده وطبيعي جداً إني أرفض لأن اللي ما أحترم ولده ما بيحترم بنتي أبداً ، يعني أمير معه أب صاحب سلطة وصاحب حق يسند دولة بأكملها بس مش قادر يسند ولده ؟؟، على كلاً أنا جيت أستأذنك بإني أخذ هذا الحق منك وإن أمير يخطب بدون ما تزعل منه ولا تزعل مني

أبو أمير عدل كوته وجلسته: أنا معجب قوي بشخصيتك ويمكن أنت فتحت عيوني لنقطة غفلت عنها بسبب غضبي من أمير ودام هذه رغبة أمير على بركة الله متى نروح نخطب له؟؟ بس ما بسرق منك حقك إحنا الإثنين اللي بنروح ونتقدم للبنت شخصياً ما يحتاج لروحة نسوان قبلها بنروح بكرة إذا تقدر لأن بكرة معي شغل في تعز وبسافر لهناك بس بقدر أاجل شغلي ليوم وأسافر بعد بكرة من بعد بكرة مش قادر أاجل ولا دقيقة

أبو همدان إرتاح: إذاً على بركة الله أنا برسل لك رقم الحج صالح وهو جد البنت وكمان جار أعز أصحابي وأنا أعرفهم شخصيا إرتاح من هذه الناحية ومافيش داعي تسأل عنهم لأني أعرفهم شخصياً وكلنا نشهد لهم

أبو أمير: قد كلمتني زوجتي عن هذا الموضوع من قبل وأنا أنا بصراحة لما كلمتني سألت عنهم لأني ما برفض زواج إبني من بنت هو يشتيها بس ما كنت أشتي بهذا الوقت كنت أشتيه لما يعقل شوية

أبو همدان ما حب يجادله: أمير عاقل وأنا مااعرفش سبب الخلاف بينكم بس أمير رجال نعتز ونفتخر فيه
وقف: أخذت من وقتك وطولت الآن بروح خاطرك

أبو أمير وقف: لا ما أخذت من وقتي بالعكس أرتحت هكذا إن إبني عند رجال مثلك والآن إجلس ما جلسنا نص ساعة الله المستعان

أبو همدان أبتسم: معي شغل بالمستشفى وبروح أنهي عمل بكرة عشان الخطبة والله يتمها على خير

أبو أمير: إذا هكذا أنت معذور، الله يتمها على خير
.
.

يزن شاف لياسر بضياع: بخرج أشتي أكون لوحدي

ياسر أقتهر وصرخ: الله معك لكن إعرف إنه من بعد خطبتها بتكون لوحدك فعلاً حتى لو كلنا معك بتحس بالوحدة

يزن ما رد ونزل للشارع طلع فوق سيارته وراح......




📚 @rewayatyamania  🇾🇪

.

البـارت 225 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


ياسر أقتهر وصرخ: الله معك لكن إعرف إنه من بعد خطبتها بتكون لوحدك فعلاً حتى لو كلنا معك بتحس بالوحدة

يزن ما رد ونزل للشارع طلع فوق سيارته وراح لجبل الوادي
.
.

في أمريكا

كان جان أقوى ومقيدها بقوته وهو يشم شعرها ويبوسه وداليا تداهفه وتزابطه بس هذه المرة ما قدرت أبداً وتصرخ وتضربه بكل قوتها لما أفتكت منه وهربت لكن ما أستسلم لحقها وسحبها لما نكعت للأرض جلس وكان بيحضنها بس داليا بدون شعور رفعت يدها وخرجت السكين وغرستها في صدره

جان يشوفها وعيونه ما تتحرك مسك صدره بألم وسقط مثل الجثة ما يتحرك

داليا تشوفه وترجف زحفت لما صدم جسدها الضعيف بالجدر رفعت يدها المليانة بالدم وعيونها على جان دموعها تتسابق على خدها بدون أي ردة فعل غير شوفتها لجثة جان وما رمشت من قوة الرعب

إياد دخل للفيلا بسرعة وقف بصدمة وعيونه على الدم في الأرض وجثة جان تحركت عيونه لمسافة عن جان شافها مصدومة مرعوبة وشعرها منثور حول وجهها وملابسها عليها أثار الإعتداء ، غمض عيونه من القهر إنه كان جان اللي يتحرش بها وهو ما يعرف لف يدور على طرحتها أخذها وراح لقدامها وجلس حط الطرحة فوق شعرها وعيونها مكانها ما تحركت وهي تشوف لعند جان

إياد بصوت مختنق: داليا لا تخافي أنا هنا معك

داليا شافت لإياد ماعاد تتحمل ، وصلت قدرتها على التحمل لأقصااهاا ، كل شي مرر عليها وتحملته كان فوق طاقتها ، الكتمان اللي أنجبرت تعيشه ، و ليالي الرعب اللي عاشتها  والوحدة وشعورها بحاجتها لمن يحميها ، عاشت الخوف والرعب لشهور أحتاجت فيها  للشعور بالأمان والطمأنينة ، سمعت صوت إياد يخترق تفكيرها ومشاعرها والضياع اللي جالسه تعيشه ، كان صوته وكأنه طوق النجاة اللي بينقذها من الغرق اللي هي فيه ، لو كان صوته جاءها من فتره مش طويلة كانت أرتعبت منه كمان ، لكن الأيام الماضية اللي عاشتها وهو قريب منها وشافت مواقفه وندمه على كل شيء حصل وكان كله بسبب إنه غفل وسكَر لمرة بس لمرة تضاعفت لمرات وأستسلم لحزنه وضعفه وقته ، هي كانت غلطة بس هي غلطة كلفته وكلفتها الكثير ، شافت محاولاته المستميتة في إنه يصلح كل شيء ويعوضها عن كل شيء وإنه يحسسها بالأمان اللي فقدته بقربه وينزع كل شعور الخوف منه ومن قربه ووجوده من قلبها ، وبنفس الوقت زارتها ذكرياتها القديمة معه ومع يزن وياسر أيام كانت حياتهم حلوة وقبل يحصل كل شيء قلب حياتهم، تذكرت كيف كان سند لها وكيف كان أحد أعمدة الأمان بالنسبه لها ، ومع كل هذه المشاعر اللي غزتها وحاجتها الكبيرة في إنها تشعر بالطمأنينة والأمان وبدون شعور منها حضنت إياد تشتي تتخبى من كل شيء ، تشتي تهرب من الخوف والرعب اللي كانوا عنوان الفترة الماضية اللي عاشتها ، تدور عن أمان يحتويها ، وعن شعور يبدد الخوف من قلبها ، شدت بقوة على شميزه ، وهي ترجف بهستيرية مش مدركة أيش تفعل لأنها مغيبه بسبب حاجتها الكبيرة للأمان من الخوف اللي تعيشه الآن ومسيطر عليها

@rewayatyamania المصدر الأول للروايات

إياد تصنم في مكانه من حركتها وجمد ما قدر يبادلها الحضن أو يستغل ضعفها وحاجتها له ، نزلت دموعه من القهر يتمنى لو إنه محرمها ، لو له الحق بإن يحضنها ويهون عليها نزل يده عشان يحضنها ويحسسها بالأمان بس ما قدر...

داليا بهستيرية غطت وجهها بصدرة منهارة تبكي بقوتها ضغطت عليه أكثر: قتلته... قتلته....

إياد يهديها: خلاص إهدأي لو ما كنتي قتلتيه أنتي كنت بقتله أنا

فيكتور دخل شاف جان وأنصدم: مالذي فعلتموه أيها المجانين ، الشرطة في طريقها إلى هنا

داليا شدت على إياد أكثر من قوة الرعب اللي تعيشه وكل ماله يتضاعف ، وإياد خاف عليها

إياد مسك داليا وفكها منه وبعدها عنه بحيث مسك كتفها وعيونهم تلاقت بعيون بعض: داليا لا تخافي أبداً إسمعيني أنا الآن مضطر أتركك لحالك..

داليا مسكته بخوف زادت دموعها وبهستيرية: لا يا إياد لا الله يخليك أنا بحاجتك يا إي.....

إياد قاطعها: لا تخافي قلت لك روحي مع فيكتور وانتبهي تخافي منه هو بيحميش أنا واثق فيه روحي بسرعة وأنا بلحقك بعد نص ساعة قومي قبل ما تجي الشرطة

داليا عيونها عليه ووجهها محمر من كثر البكاء: خايفة

إياد شد عليها ووقفها مشاها لجنب فيكتور وتركها

إياد قرب من أذن فيكتور وهمس: داليا في أمانتك حتى يعود يزن ، أخبره لكي يعود لأمريكا ويأخذها

فيكتور أشر بمعنى تمام وداليا حسها مش معاهم

فيكتور: داليا تعالي

داليا لحقت بعد فيكتور طلعوا فوق السيارة وتحركوا إتجاه بيت العجوز

إياد ألتفت لعند جان وزبطه: الله يلعنك طلعت أنت السبب لكن الحمد لله قتلتك وأخذت حقها بيدها

إياد شط الدجلة.......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 226 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


إياد ألتفت لعند جان وزبطه: الله يلعنك طلعت أنت السبب لكن الحمد لله قتلتك وأخذت حقها بيدها

إياد شط الدجلة اللي فوقه ورجمها للأرض وبعدها شط فنيلته ولكم نفسه عدة لكمات في وجهه وصدره ونبش شعره بهذل نفسه عشان يبان إنه تضارب مع جان راح لعند جان وضربه ، وأخذ مناديل ومسح بصمات داليا من السكين بعدها مسك السكين عشان تثبت بصماته لوحده في السكين كذلك على ملابس جان شاف حوله لقي أماكن مكركبة عرفها إنها كانت درع الأمان اللي داليا كانت تحاول تحتمي فيه وتفتك منه راح مسح كل مكان ، وبعدها لمس كل شي ، راح للباب الخارجي والباب الداخلي مسح كل بصماتها وحط بصماته سمع صوت سيارات الشرطة حاول يخلص ويحط بصماته في كل مكان يدل فيها على الجريمة جلس جنب جان ومسك صدره عشان تمتلي يده بالدم

الضابط دخل شاف لإياد وجان: أعتقلوه فوراً

دخلوا الشرطة أعتقلوا إياد وأخذوا السكين وبصمات بعض الأماكن

الضابط: هل أنت من قتله؟

إياد شافه بملامح الغضب والحقد: أجل إنه أنا

الضابط أشر لهم بمعنى خذوه وخرج والشرطة وإياد بعده دخلوا لسيارة الشرطة وراحوا للقسم
.
.

في اليمن

روحوا أهل أسامة وأسامة فارح إنه تمت الأمور أخذ أمه وخرج عشان يشتروا ما يلزم للخطبة

أم هاني: يعني العرس مع هاني؟

أبو هاني: أيوة من بكرة تخرجوا تكسوها وتشوفوا أمورها

هاني: بس بكرة بيلبسوها

الحج صالح: صح مالي دخل بهذا الزواج بس سارة بتفعل حفلة خطوبة وتروح لكوافير وتلبس أحلى فستان

الكل أستغرب لأنه ما فعل لآسيا هكذا وهو ضد هذه الحاجات

رامي: كيف لوما سارة هكذا؟

الحج صالح: لأنها بتكون عروسة إبن عم خطيبة هاني، وبنتنا مش أقل من بنتهم ولا بنرخصها ومثل ما بيضنا وجهنا مع بنت الناس بنتنا بنفعل لها زيها عشان محد يستنقصها

أبو ياسر: أنا مع أبي بهذا الكلام مش حالية الهنوف تدخل وكل شي على أفضل ما يكون وبنتنا تخرج ببخسة ضروري هذا الشي عشان محد يقلل من مكانتها

أبو هاني: خلاص بكرة الحفلة من بعد بكرة تبدأوا تكسوا

سارة مبتسمة وتلعب بيدها من شدة التوتر وياسر ساكت ومقهور

حسام: ياسر مالك من ضربك؟؟

الكل شافوا لعند ياسر وخافوا عليه

ياسر وقف: تضاربت أنا وإياد والآن بروح أشوفه خاطركم

تركهم وخرج ما أتصل ليزن لأنه يعرفه الآن يحتاج يكون لوحده عشان هكذا مشي ياسر بين شوارع صنعاء ضااااايق على إبن عمه وكيف بتكون حالته بعد زواج سارة

@rewayatyamania المصدر الأول للروايات

في بيت أبو أمير

أم أمير: طيب على الأقل كمان إحنا بكرة نروح

أبو أمير: مافيش داعي تجين بكرة إحنا بنروح وإذا إتفقنا على كل شي روحين لما تلبسين البنت

أم أمير تنهدت: إن شاء الله خير المهم إنك رضيت تخطب لولدك الحمد لله
.
.

في بيت أبو همدان

أم همدان دخلت لعند الشباب مبتسمة: أتصل أبوكم يا عيال قال بيتأخر اليوم عشان يفضي نفسه لبكرة يروحوا يخطبوا لأمير

أمير وقف بفرحة: أمانة صدق يمه؟

أم همدان ضحكت بفرح: أيوووووووه صدق جعل الفرحة هذه ما تفارقك وأبوك بنفسه بيروح مع عمك أبو همدان عشان يخطب لك

أمير صاح من قوة فرحته ونبع لفوق همدان وهمدان صاح من الوجع ويضحك على أمير وخبالته

همدان دهفه: قد عتقتلني وهي خطبة لو تزوجت ما عتفعل بي؟؟

أمير طنشه فتح برعة وقام يبترع ويصيح: وحقك يا أمير حقككككك وحقكككك يا أمير

همدان شاف أمه وضحك: زوجوه يعقل إلا أمير عاقل زوجوه يجنن

أم همدان ضحكت: الله يسعده

زكريا دخل وضحك: ماله هذا؟

همدان: هذا عادهم عيخطبوا له

زكريا ضحك أكثر: من رأيي من الآن كنسلوا الفكرة حتى أخاف وقت العقد ندخله عند أبي المستشفى

أمير مطنش لهم ويرقص والشباب يعلقوا ويضحكوا بس همدان ماقدر يقاوم وقام يرقص مع أمير برع
.
.

في أمريكا

خرجوا نتيجة البصمات لكل الأماكن وجميعها نتيجة واحدة وهن بصمات إياد متطابقة كمان مع بصمات السكين

الضابط: إدخلوه السجن إنه المجرم ، ماذا فعلتم بالضحية؟؟

الشرطي: سيدي الضحية ما زال على قيد الحياة وتم نقله إلى المستشفى

الضابط: حسناً إسجنوا المتهم إن مات سيصدر قرار  الإعدام بحقه وإن عاش سننتظر حكم  المحكمة بحقه

إياد ما تكلم ولا دافع عن نفسه ، مشاعره متبلدة من صدمته إن جان سبب كل شي وكم تحملت داليا بدون ما يحس بشي نزلت دمعته وتفكيره عندها ، مشوه بين ممرات السجن وروحه منطفئة مضحي بحياته اللي يشوفها تستحق الإعدام بسبب أغلاطه اللي وصلت داليا لحالتها اليوم وللقتل
.
.

في الليل وفي اليمن تحديداً

ياسر يلف الشوارع وقلبه يحترق على ابن عمه مش قادر يتخيل إن عرس حبيبته بعد 3 أشهر وكيف بيقدر يعيش هذا الوجع ويتحمله رفع رأسه للسماء.....





📚 @rewayatyamania  🇾🇪

.

البـارت 227 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


ياسر يلف الشوارع وقلبه يحترق على إبن عمه مش قادر يتخيل إن عرس حبيبته بعد 3 أشهر وكيف بيقدر يعيش هذا الوجع ويتحمله رفع رأسه للسماء وغمض أول ما حس بقطرات المطر على وجهه تنهد من قلبه على وضعه ووضع رانيا ويزن في هذا اليوم
.
.

عند يزن

يمشي على رأس الجبل بإتجاه سياراته خطواته بطيئة كبطء نبضات قلبه الميت على قيد الحياة حس بقطرات المطر على ملابسه جلس في الأرض ، حط يده على صدره متهرب من كل مشاعره عيونه مثبته على نقطة واحدة يحس  بالشتات والضياع والألم زاد المطر لما تبلل بأكمله وانغسل جسده ، شعره الأسود كسواد الليل غطى بسلاسته على عيونه الحادة كعين الصقر بلونها الأزرق كالبحر، وبياض وجهه اللي يضيء الظلام، تتساقط منها قطرات المطر وأختلطت تلك القطرات مع دموع عيونه

"كيف أخبر الموسيقى أن لا تعزف على أوتاري، وكيف أخبر المطر أن لا تغسل سعادتي بل حزني ووحشتي ووحدتي، كيف أخبر الحياة أني مازلت في العشرينات من عمري، وكيف أخبر الظلام أن روحي هي المنطفئة، كيف أخبر الكتمان أني أصرخ بلا صوت....؟."

ياسر بهدوء: تمطر، من عيونك قبل السماء

يزن ما رد ودموعه تنزل اللي محد يقدر يميزها هي دموع أم قطرات المطر

ياسر وقف على سيارة يزن وهو يراقبه مقهور عليه

أما يزن جالس مكانه منتظر للمطر تغسل حزنه وألمه بس المطر ما كان يغسل إلا سعادته جلس لوقت الطويل لما خف المطر

يزن تنهد: البرق والرعد اللي داخل قلبي محد سمعهم من مدة طويلة يا ياسر اليوم أحس هذه الرواعد والبرق خرجت من قلبي على هيئة مطر وسمعها الكل

ياسر: والمطر من عيونك، أحملت السحب ما بقلبك وأنت ما حملتها عرفت السحب كل ما في قلبك وأنت ما عرفتها

يزن بدون ما يشوفه: كيف عرفت إني هنا؟

ياسر: كنت عارف إن اليوم بيحصل هكذا شليت تلفونك الصباح وفتحت الموقع خليتك ترتاح لحالك بما فيه الكفاية الآن تعال نروح

يزن وقف وطلع فوق سيارته وياسر طلع جنبه ورجعوا لوسط العاصمة

@rewayatyamania المصدر الأول للروايات

في بيت أبو روان

أبو روان: ونجاة وينها ليش ما تجي تتعشا؟؟

روان: قالت ما تشتيش

أبو روان خاف على بنته: مالها هذه لها 6 أيام وهي حابسة لنفسها ولا تأكل ولا تشرب تكلموا ماللبنت

أم روان وروان شافين لعند بعض بدون ما يردين

أبو روان: حالتها هذه من يوم خطبة هاني في شي؟؟

أم روان: لا ما فيش بس البنت تاعبة خلاص خليها براحتها

أبو روان وقف وراح لعندها: كيف أخليها براحتها؟

دخل لغرفة نجاة شافها وأقتهر: ليش هكذا يا نجاة ليش يا بابا تحت عيونك أسود وضعفتي بأسبوع وملامحك باهتة؟؟

نجاة نزلت دموعها وأشرت بمعنى ولا شي

أبو نجاة حضن بنته: ناسية إن أبوش من أكبر دكاترة النفس في اليمن؟ أنا عارف وفاهم حالتش من يوم ما خطب هاني

نجاة حررت شهقاتها ضمت أبوها بقوتها بدون ما تتكلم

أبو نجاة مسح على شعر بنته، بالأخير هو أب متفاهم عكس الحج صالح وعياله، يتفهم بناته المهم عنده ما يفعلين الغلط بحبهن معزز ثقتهن بنفسهن عشان يعطنه على قد الثقة
.
.

في بيت الحج صالح

البنات والشباب مجتمعين في السر بمجلس شقة شرف لأنها آخر شقة ومحد يقدر يسمعهم

رانيا وآسيا حضنين سارة فارحات لها كذلك الشباب باركوا لها

سارة عيونها على الحوش تنهدت وقلبها ضيق

حسام: خير ماللعروسة؟

سارة شافته بضيق: وين إياد والله إني قلقة عليه أحسه مش بخير

هاني يتصل: هذا أنا بين أتصل

غلق تلفونه: ما يرد

آسيا: أتصلوا لياسر كان يقول إنه بيروح لعنده

رانيا تشوف من الطاقة: هذا جوا

سارة ما تحملت خرجت بسرعة ونزلت تفتح الباب

يزن رفع يده بيدق الباب بس علقت يده في الجو لما أفتتح الباب وشافها قدامه

سارة بخوف: إياد وينك ومالك ليش شكلك هكذا؟؟

يزن علقت عيونه على عيون سارة بدون ما يرمش يشوف لعيونها وملامحه طاغيها الحزن والألم واضح وضوح الشمس على وجهه

سارة أقتهرت عليه: إياد مالك كلمني؟

يزن ما رد وعيونه عليها ولا رمش

ياسر مسكه خاف يتكلم: ولا شي سارة مش وقت خليه يدخل

دخلوا وسارة مشت جنب ياسر: ماله يا ياسر مالإياد كلمني؟

ياسر ضبح: خلاص سارة مش وقت

يزن تركهم وطلع بسرعة وسارة لحقته دخل شقتهم سمع أصوات الشباب، دخل غرفته وغلق

سارة دقت باب غرفته: إياد لا تقلقني قول لي مالك

يزن غلق على أذنه بيده وجلس مرتزح على الباب

ياسر دخل لعند الشباب

هاني: ماله إياد؟

ياسر: مشكلة بينه وبين يزن

الشباب ما أرتاحوا قاموا بيروحوا لعنده بس ياسر وقفهم

ياسر: لو ضغطتوا عليه بتحصل مشكلة

سارة دخلت وجلست مقهورة على يزن

رانيا: مالش قلبتي صورتك مش وقت بكرة حفلتك

سارة مقهورة: الله يشلها حفلة ماهيش أغلى......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 228 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


رانيا: مالش قلبتي صورتك مش وقت بكرة حفلتك

سارة مقهورة: الله يشلها حفلة ماهيش أغلى من إياد أنتي ما شفتي ملامحه كيف بقدر أحتفل وأنا مش عارفة ماله

آسيا: بيكون بخير أخوة وبيتصالحوا أنتي إنزلي أرقدي بكرة معش يوم طويل

سارة نزلت حاولت ترقد بس ما قدرت كل تفكيرها عند يزن والكل رقد كمان ماعدا يزن اللي عاده جالس عند الباب مشتت مش قادر يستوعب شي

سارة خرجت ما قدرت ترقد حسها عند يزن، ويزن نزل إلتقوا في الدرج و أول ماشافها وأنحطت عيونه في عيونها هرب بنظراته غير طريقه وطلع طوالي

سارة أستغربت وطلعت بعده: إياد راعي

يزن أسرع لغرفته وغلق

سارة مقهورة: إياد إفتح كلمني مالك ليش هربت مني؟؟

يزن جلس فوق سريره حط السماعات بأذنه عشان ما يسمعها

سارة جلست جنب الباب منتظرة له يخرج نامت بدون شعور وهي جالسة ورأسها على زاوية الباب
.
.

في أمريكا

داليا ماعاد قدرت تتحمل وتصبر خرجت لعند فيكتور

داليا: فيكتور ألم يأتي إياد بعد؟!

فيكتور أشر بمعنى لا: إدخلي وإستريحي ، أخبرني أنه لن يأتي اليوم

داليا أستغربت تعرف تماماً إنه مستحيل يتركها لحالها دخلت غرفتها فتحت النت تقلب في الأخبار عشان تشوف لو في خبر على جان وفعلا حصلت الخبر صورة جان وهو مقتول وصورة تحته لإياد وهو معتقل ومتهم بمقتل جان فتحت عيونها بصدمة مش مستوعبة الخبر اللي تقرأه

نزلت دموعها: لا مستتحييييل

رجمت التلفون وخرجت زي المجنونة شافها فيكتور خاف وراح وقف على الباب

فيكتور: إهدأي لن تذهبي

داليا تبكي زي المجنونة وتحاول تفتح الباب: دعني هو لم يقتله لم يقتله بل أنا من فعل ذلك أنا أنا وليس هو

فيكتور حاول يمسك الباب بدون ما يلمس حتى طرف ملابسها: هو يريد هذا إهدأي أخبرني أن أبقى هنا لحمايتك حتى يعود يزن لأخذك

داليا تركت الباب بهدوء وأستوعبت: سيعدم!!، هل سيعدم من أجل حمايتي؟!!!!

فيكتور بهدوء: أجل لقد فعل ذلك من أجل حمايتك

داليا جلست في الأرض منهارة: لا لن أسمح بذلك

فيكتور: لن تستطيعي إيقافه الآن أبداً ، لقد بدل كل الأدلة في موقع الجريمة ووضع بصماته بدل بصماتك على كل الأدلة لكي يشير إلى أن القاتل إياد و ليس أنتِ

داليا ما تحملت قامت بسرعة لغرفتها أخذت التلفون تتصل ليزن بس ما عندها رصيد دولي حولت من حسابها أتصلت والتلفون مغلق.....

@rewayatyamania المصدر الأول للروايات

في اليمن

ما نام أبداً سمع صوت أذان الفجر قام عشان يتوضى لصلاة الفجر فتح الباب شافها نايمة وأستغرب

يزن جلس: سارة.. سارة

سارة فتحت عيونها أستوعبت وين هي وعدلت جلستها: إياد كيفك كلمني مالك؟

يزن يتهرب بنظراته: ليش راقدة هنا قومي صلي وافعلين الصبوح

سارة وقفت: اليوم ما بسوي شي أنا بروح عند الكوافير

يزن أستغرب وبدون ما يشوفها: الكوافير؟؟

سارة تمسح عيونها: أيوة اليوم تلبيستي

يزن أقتهر ودخل الحمام (وأنتم بكرامة): إنزلي صلي

سارة لحقته شافته دخل الحمام وقفت نزلت لشقتهم مقهورة على دخلتها من الشقة على خرجة أبوها من غرفته

أبو هاني: فين كنتي؟

سارة: في المطبخ

أبو هاني دخل يتوضى وسارة دخلت غرفتها صحت رانيا وجلست تفكر وحسها كله عند يزن
.
.

في أمريكا

الرعب والخوف مسيطر عليها ما هدأ لها بال كل شي فيها يرجف ودموعها ما وقفت تعبت من المحاولات للإتصال بيزن وما رد.. إتصلت لهند لكن بسبب إختلاف الوقت وهند الآن تصلي ما ردت إتصلت لياسر وأبو ياسر نفس الخبر

داليا تبكي: لا تتركوني وتتركوه لا تتركوني وتتركوه أنا بحاجتكم إحنا بحاجتكم وينكككممم ليييشششش ما تردوا لييييشششش؟؟؟

تركت التلفون وغطت على عيونها: ردوا ماعاد لي غيركم ردووا
.
.

في اليمن

سلموا تسليمة صلاة الفرض ياسر شاف ليزن ويزن وقف على طول لصلاة السنة خلصوا من صلاة السنة ويزن رجع يصلي

الحج صالح: ماله زاد صلى

ياسر شاف لجده: أنتم روحوا يا جد أنا كمان بصلي معه ونلحقكم

أشروا الكل بمعنى تمام ماعدا هاني مش مرتاح جلس يراقبهم من بعيد شاف ياسر ما صلى بالعكس هو جالس يراقب يزن

ياسر عيونه على يزن تنهد بقهر عليه لما شافه طول بالسجود

يزن ساجد وقلبه مليء بالهموم دعى ربه سراً بعفوية بدون ما يرتب كلامه: يارب أرح قلبي وبدل همومه لطمأنينة يا الله، أنا مش عارف ما بقلبي لكن أنت عارف أرح هذا القلب ، يارب سارة مقبلة على الزواج وعلى حياة جديدة أسعدها وأجعله خير الرجال لها ووفقها وإن كان ما بقلبي قلق عن حياتها فكن معها وإن كان غير ذلك اللهم أنت أعلم بحالي وبقلبي أرشدني لأعلم ما بقلبي ياالله أرشدني للحقيقة اللي عجزت أنا بفهمها كن لي خير قوة وخير سند

نزلت دمعته: قلبي متعب يا الله متعب و لا أعرف طريق لراحته سوى.....





📚 @rewayatyamania  🇾🇪

.

البـارت 229 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


نزلت دمعته: قلبي متعب يا الله متعب ولا أعرف طريق لراحته سوى طريقك

قام من سجوده غمض عيونه ونزلت دموعه وياسر يراقبه ومقهور عليه تقدم هاني بخطوات بطيئة جلس خلفهم بدون ما يحسوا لما سلم يزن رفع يده وقرأ الفاتحة وآية الكرسي حب يده ومسح على وجهه ألتفت لعند ياسر

يزن وعيونه على عيون ياسر نزلت دموعه: سارة يا ياسر

ياسر أقتهر عليه: الله يوفقها البنت مش نصيبك

يزن تنهد بدون ما يرد وياسر مسك كتفه

ياسر: كان معك فرصة أمس لكن خلاص الآن إدعي لها بالسعادة ولا تخلي أحد يحس عليك أبدا

هاني وقف خرج وهو مصدوم ومقهور ليش ما تكلم ليش ما تحاكى هو كان يشتيهم لبعض أقتهر قوي على إياد مشي طريقه صلى البيت

يزن تنهد بعمق: مش زاعل إنها أنخطبت بس حسي عندها أنا ما كنت راسم نصيبها معي عشان أزعل إنه شلها واحد ثاني

ياسر أبتسم بحزن: عادك مش قادر تستوعب مشاعرك، شوف كيف البنت مغيرة حياتك، شوف كيف تتهرب منها ومن مشاعرك كمان لشي يخصها هذا كله مش عادي، إفهم يا يزن

يزن وقف: خلينا نروح اليوم معانا مناسبة وبيكون يوم متعب

ياسر مشي بدون ما يتكلم وتفكيره عن حال يزن وكيف مشاعره وقلبه بهذا اليوم
.
.

في بيت الحج صالح

هند بتموت من قلقها: البنت مش فاتحة النت ولا معي رصيد دولي وأنت تقول لي لا تقلقي؟!! مش معقولة كمية الإتصالات

أبو ياسر قلق: يا هند أيش أسوي أنا رصيدي الدولي خلص ومافيش من البقالات مابلا من فروع الشركة وما تفتح إلا من الساعة 8 أو 9 ، خرجنا من الجامع وياسر ويزن بيصلوا الآن يروحوا ونشوف لو واحد منهم معه رصيد دولي

ياسر دخل وتفكيره عند يزن قامت هند بسرعة لعنده

هند ميتة من خوفها: ياسر معاك رصيد دولي؟؟

ياسر قلق: أيوة ليش في شي بإياد كلميني يمه إياد ماله؟؟

أبو ياسر: مش إياد، هذه داليا أتصلت الله أعلم أيش تشتي

ياسر خرج تلفونه شاف إتصالاتها وأنصدم من عدد المكالمات الفائتة: البنت أتصلت لعندي أكثر من 20 مرة وتلفوني صامت

هند نزلت دموعها بدون شعور: إتصل لها إتصل قلبي بيوقف من القلق يا ياسر

ياسر قلق أكثر من أمه بس متماسك أتصل لداليا

داليا ردت بسرعة بصوت مخنوق وباقي: ي...ياسر

ياسر خاف: داليا مالك؟؟

أبو ياسر سحب التلفون وحطه مايك: داليا تكلمي مالك يا عمو

داليا منهاااارة: يا عم أنا لوحدي يا عمممم.... إيااادد يا عمممم عللليييي إيااااد محبووووووس متهم بقتل جاان وأنا اللي قتلت جان أنااااا مش إياااااد ما خلانيش فيكتور أسلم حالي يا عم قوا تعالوا تعاااااالوا خارجو إياد وسلمووووني تعالواااا أنا بحااااجتكمممم يا عم

الكل شافوا لعند بعضهم مصدوووومين

داليا زاد إنهيارها: أنا قتلتتته أاااناااااا إيااااد بريييييئ برررررييييييئ مااااله ذنبببب مااااله ذنننبببب أناااااا اللليي قتتللللتتتت أاااناااااا

ياسر مصدوووووم: داليا إهدأي وفهميني أيش حصل وليش قتلتي جااان للييييش؟

@rewayatyamania المصدر الأول للروايات

داليا بدأت تشرح لهم كل شي من موت أمها والبقية وهم مصدومين مفكرين إن أبوها عندهم طلع مختفي لأنه متهم بمقتلهم وإن إختفاء داليا كان بسبب جان وتحرشه فيها وإتهام داليا بمقتل العجوز وكل شي أنصدموا مش مستوعبين أنهم عاشوا كل هذا

ياسر أرتزح على الجدر وجلس في الأرض غرس يده في شعره ومش مصدق أو مستوعب

هند تبكي: وليش ما تكلمتي يا داليا لييييششششش ساكتة للآن الله يهديش؟

أبو ياسر مش مستوعب: داليا إهدأي أنتي اللي تقوليه الآن كله حصل وساكتين؟

داليا منهارة: مش وقت يا عمووو والله ماهو وقت أنا غلطت أنا عارفة بس تعالوا خرجوا إياد أنا القاتلة أنا اللي لازم أنعدم مش إياد مش إياد يا عمووووو أهئئئ

ياسر نزلت دموعه مش مستوعب: ليش سكتوا؟؟ ليييش ساكتين لليوووووم للللييييييششششش يادااالياااااا ليييييييييش؟؟؟؟

داليا تبكي: تعالوا خرجوووووه تعاااااالوووووا تعاااااالوووووا

ياسر قام ضرب يده بالجدر لكمة بعد لكمة

هند مسكته وهي تبكي: ياسر

ياسر ضرب رأسه بالجدر: لللليييششششش سااااااكتتتتييييين لللللييييييشششش لللللييييييشششش؟؟

أبو ياسر غلق التلفون ومسك إبنه: ياسر إهدأ

ياسر يتنفس بصعوبة: إياد ياباه إيااااااد على حبببل المشنقة وأنا هننااااا يابااااه

أبو ياسر مسح دموعه: الآن كلم يزن وإحنا بنحجز أقرب موعد سفر لأمريكا ونروح

ياسر مسك أبوه بتعب وتنفسه يصعب: لا ياباه لا مش الآن لا تكلم يزن الآن اللي فيه مكفيه، بروح أحجز لنا كلنا نرجع أمريكا وقت السفر نكلمه بس مش اليوم

أبو ياسر: تمام أنا الآن بروح أحجز لا تروح أنت خليك هنا وإنتبه يزن يحس بشي

ياسر أشر بمعنى تمام وجلس بإنهيار

هند حضنت إبنها: لا تقلق.......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 230 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


ياسر أشر بمعنى تمام وجلس بإنهيار

هند حضنت إبنها: لا تقلق يا ياسر

ياسر دموعه على خده: إلا إاااياد إلا إيااااااد يمه إلا إيااااددد شوفي أيش عاش وأيييششش تعذذذب وإحنا هنااااا ما حسييناااااا ومقصريين يمه مققصصررررين
.
.

الساعة 9 الصباح

آسيا قدمت لسارة قلص عصير: هاه ما إصطبحتي ورايحة الآن الكوافير على الأقل اشربي هذا لا تتعبي

سارة مسكت القلص وحسها عنده: إياد ما نزل يصطبح ماله يا آسيا ؟

آسيا: والله مالي علم مزاجه مش عاجبني

سارة أخذت العصير: بطلع له العصير

طلعت وهاني خرج من شقته شافها

هاني: على وين ليش ما تتجهزي أوصلك الكوافير

سارة مش مبالية حسها كله عند يزن: بطلع العصير لإياد من أمس ما أكل شي

هاني ذكر وأقتهر عليه طلع بعد أخته

سارة تدق الباب: إياد إفتح لو سمحت

يزن غمض عيونه وطنشها

هاني: إياد إفتح أشتي أكلمك

يزن سمع صوت هاني وقف وفتح الباب

سارة بقلق: ما أكلت شي ووضعك مش عاجبني إشرب العصير

يزن أخذه بدون ما يشوفها وشربه وهاني مركز عليه وعلى تصرفاته

هاني: إياد تكلم لو فيك شي تكلم عاد في وقت نحل أي مشكلة

يزن ما فهم قصده: مافيش أي مشكلة بس شوية تعب

سارة دمعت عيونها: إياد اليوم يوم مهم بالنسبة لي والفرحة مكسورة حسي كله عندك صدقني يا إياد ما بيكمل يومي هذا إلا لما تكون على طبيعتك لو فيك شي كلمني كلمني يا إياد أيش اللي يوجعك أيش الهم اللي بقلبك أنا أعرفك أكثر من نفسي هذا مش تعب جسدي هذا تعب في قلبك وأنت تتهرب منه كلمني بترتاح نفس ما كنت تكلمني من قبل

هاني مقدر لمشاعر يزن ولسكوته: سارة خلاص خليه براحته مش وقت الآن روحي تجهزي

سارة مقهورة: لا ما بتجهز وما بروح إلا لما يكلمني إياد ماله ويوصلني هو بنفسه

هاني مسك أخته: الآن تعالي إلبسي وتجهزي بوصلك، إياد مشغول بيروح يشوف الأمور اللي خارج البيت مثل الكوشة والضيافة ووووو عشان الحفلة لا تشغليه

سارة تركت أخوها ونزلت تتجهز وقلبها عند يزن

هاني دخل وجلس جنب يزن: إياد مالك؟

يزن: .......

هاني تنهد: أنا علاقتي بآسيا كانت قوية جداً مثل قوة علاقتك بسارة أختي، شافتني أخوها وشفتها أختي وأعرف أنو أنت وسارة هكذا تماماً بس وضعك من بعد خطبتها مش عاجبني تماما إياد كلمني أنت زعلك كله لإنها أنخطبت؟!!

يزن شاف لهاني ومش مصدق اللي يسمعه

هاني أقتهر: لو هذه سبب ما بقلبك كلمني وأنا اليوم أخرب الخطبة بكلها مش عشانك أو عشان أنت إبن عمي، السبب برتاح أكثر لأني بجيبها لسيد الرجال

يزن وقف: هاني سارة بالنسبة لي أخت أنت بس روح وصلها

هاني وقف قدامه: قولها وأنت تشوف لعيوني وبدون ما تتهرب يا إياد

سارة طلعت: هاني أنا جاهزة

هاني عيونه على يزن يتمنى يقول له وقف الخطبة يا هاني أنا أشتيها إنتظر وجاب له فرصة ما لقي إلا الهروب وسارة تراقبهم بصمت

هاني شاف أخته: إنزلي الآن بلحقك

سارة أشرت بمعنى تمام ونزلت وهاني قرب لعند يزن

هاني بقهر: ما توقعتك جبان يا إياد

خرج شل أخته وراحوا للكوافير

يزن غلق الباب وحركة عيونه تدل على تشتته مسك رأسه بألم

يزن: يارب أيش كل هذا ليش ياسر وهاني منتبهين على شي ماله وجود في قلبي

بدأ يستوعب مشاعره بس يتهرب: مستحيل لا هم ما يعرفوش من أنا
ما يعرفوش حقيقتي ما يعرفوش إني الحفيد المنبوذ ما يعرفوش لا، ما بقدر أوقف الخطبة لا أنا هنا إياد إياد مش يزن يزن ماله وجود لا تنسى حدودك وحقيقتك يا يزن لا اللي يتوهم لك كذب أنت تشوفها أخت وبنت عم وصديقة مافيش من اللي برأس ياسر وهاني أي شي

لف وحس بدوار: أنا ما يحق لي ااذي قلبي أكثر ما بسلمه لحد، وبعدين هذا الشي مستحيل مستحيل أنا هنا مش أنا، أنا إياد مش يزن كيف بقدر حتى أوقف الخطبة بصفتي أيش...... بصفتي إياد؟... والا بصفتي يزن؟

@rewayatyamania المصدر الأول للروايات

في بيت أبو الهنوف

الهنوف تبكي: أيش اللي قالته عمتي يمه أيش اللي قالته قبل ما تخرج؟؟

أم الهنوف مقهورة على بنتها: بعدا بيمروا لنا نروح خطبة أسامة اليوم حفلة خطيبته والتلبيسة

الهنوف زاد بكاها: أيش خطب يمه كيففف خطبببب كييييفففف من اللي خطبها يمه هووو كيففف يسوي فيني هكذا ويخطببب

أم الهنوف: وليش ما يخطب أنتي إنخطبتي وشفتي حياتك وهو طبيعي بيخطب ويشوف حياته

الهنوف حطت يدها على صدرها: يمااااااه حراااااام عليكممممم قلوبنا معلقةةةةةةة ببعض يمه كيف سويتوا فينا إرررتحتتتتوووووا الآاااان صح إرتحتتوووووووا

أبو الهنوف خرج بعصبية: إدخلي إلبسي واليوم بتروحي خطبته وتفرحي له

الهنوف قربت من أبوها بحقد: بلبس وبروح بس مش عشان أفرح له بس عشان أقتل ما تبقى من قلبي، وعشان أقهره وما يفرح إني بنهار باللي فعله.....


https://tttttt.me/rewayatyamania/53778



📚 @rewayatyamania  🇾🇪

.

البـارت 231 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


الهنوف قربت من أبوها بحقد: بلبس وبروح بس مش عشان أفرح له بس عشان أقتل ما تبقى من قلبي، وعشان أقهره وما يفرح إني بنهار باللي فعله وعنادك أنت وهو ما دمرني إلا أنا لوحدي والآن إرتاحوا بدماري طيب
.
.

عند الكوافير

الكوافيرة تكوفر سارة وتذكر الله في جمالها الطفولي ومستغربة من ملامحها الباهتة

سارة فرحتها مكسوووورة جداً حسها وتفكيرها وقلبها عنده وماله وأيش اللي يوجعه وكيف قادرة تحتفل اليوم و أعز الناس لها مش بخير أبداً
.
.

في بيت الحج صالح

الكل يجهز للحفلة وينظم ويرتب وبنفس الوقت مش عارفين ليش يزن يتهرب وملاحظين إن ياسر مش بخير ابداً

الحج صالح: اليوم بيجوا ضيوف مهمين ومسؤول كبير في الدولة جهزوا مجلس الرجال للرجال وإنقلوا الحفلة للمجلس الثاني

حسام: طيب بس منو اللي جايي

الحج صالح: بيت ال.......

رامي أستغرب: هذا أبو أمير صاحبنا

أبو هاني: حتى أنا أتصل لي وكلمني بيجي هو وناس

الكل أستغرب وبدأوا ينقلوا الكوشة وكل شي للمجلس الثاني

هاني: أيش بيجيب أبو أمير وضيوفه لهنا؟؟

حسام: غريب والله بس يارب خير

رانيا بهمس: ياسر مالك؟!

ياسر بدون ما يشوفها: بعدا بتعرفي كل شي

رانيا قلقت وحسها عنده كيف مزاجه خارب

آسيا بإهتمام بس ما تبين: إياد ليش طول يومك ساكت فيك شي؟؟

يزن أشر بمعنى لا وراح يرتب الكوشة لسارة وكأنه يرتب تابوت بيحمل جسده اللي بلا روح

@rewayatyamania المصدر الأول للروايات

في بيت أبو همدان

أمير مش واسعته الدنيا: إحنا رايحين نشتري القات

أبو همدان: شلوا قات كثير وإثنين كراتين ماء

زكريا: حاضر

هيثم: يماااه إكوي لنا الأثواب اللي بنلبسهم بعدا

أم همدان: كويتهم

الشباب خرجوا وأمير مشغل بسيارة همدان أغاني وزفة وعايش الجو والشباب معه متحمسين لفرحته وفارحين لفرحته راحوا لعند زياد شلوه وكملوا طريقهم للمقوات
.
.

في أمريكا

فيكتور دق الباب فارح: داليا؟

داليا مكانها: ماذا؟!!

فيكتور بفرح: جان لم يمت إنه بالمستشفى في غرفة العمليات ما زال على قيد الحياة

داليا قامت فتحت الباب مش مصدقة: هل ما قلته صحيح؟؟

فيكتور أبتسم لها: إنظري إلى هذا

داليا أخذت الآيباد شافت الخبر عن جان نزلت دموعها

فيكتور: داليا ماذا بك؟؟

داليا أبتسمت من وسط دموعها: يجب....يجب أن يعيش يجب أن يعيش حتى لا يُعدم إياد

تركت الأيباد وراحت تتوضى رجعت لغرفتها تصلي وتدعي إن جان يقوم بالسلامة
.
.

في اليمن

هاني وصل والكل قرحوا الألعاب النارية والزغاريط أرتفعت دخل للحوش وسارة نزلت دخلت للبيت ولشقتهم على طول

يزن في الصالة كان القريح كله أصوات قلبه والإنفجارات داخله مش خارج أبداً ، أما ياسر من مصيبة إياد وداليا حسه عند يزن كيف يكلمه وكيف بيتحمل فوق اللي يتحمله الآن

رانيا دخلت لعند سارة وذكرت الله: الله يحرسك من كل عين

سارة ما ردت وآسيا دخلت بيدها غداء سارة

آسيا: يلا تغدي أمد نتجهز ساعة ويبدأ البيت يمتلي ضيوف

سارة: إياد تغدا

رانيا وآسيا ما ردين عارفات إنه حتى لو تزوجت اللي تحبه عمرها ما بتفرح إذا كان يزن زاعل لأن عندها يزن أغلى من كل شي حتى أغلى من فرحتها

سارة: إذاً مااشتيش والله ما أقدر أكل لقمة روحين تجهزين

خرجين بدون ما يضغطين عليها وسارة على طول نزلت دموعها

سارة مقهوووورة: مالك يا إياد مالك ليش تتعذب كل هذا العذاب؟
.
.

آسيا: إياد سارة مش راضية تأكل لأنك ما تغديت

يزن أقتهر: آسيا بروح أشل لها شي تأكله قولي لها مني

آسيا أشرت بمعنى تمام وطلعت تتجهز ويزن خرج أشترى بيتزا ورجع جابهم لآسيا أخذ حقه وبدأ يأكل

آسيا أبتسمت إنه أكل وراحت لعند سارة

آسيا جلست وفتحت البيتزا: يلا كلي هذا من إياد شل له ولك وهو طالع يأكل حقه

سارة فرحت: إحلفي

آسيا: والله إنه أكل عشانك وأنتي يلا كلي عشانه

سارة دمعت عيونها وبدأت تأكل والبيت بدأ يمتلي بالنسوان والشباب كلهم في مجلس الرجال منتظرين جية أبو أمير وأبو همدان وجارهم كامل وضيوفهم
.
.

الهنوف لبست أحلى فستان عندها وحطت مكياج خفيف تجملت بقوتها عشان تخفي مشاعرها وراء أناقتها لبست بالطوها نزلت شافت أسامة بنظرات عتاب وأسامة شافها بحقد وتشفي فتح لها باب السيارة

أبو الهنوف: أنت إمشي أنا بمشي بعدك لبيت خطيبتك أنا بوصل زوجتي وبنتي بسيارتي

أسامة أبتسم لعمه يقهره إنه ما قدر يكسره طلع فوق سيارته وتحرك والهنوف طلعت جنب أبوها ولحقوا بعد أسامة لما وصلوا لجنب البيت ووقفوا

الهنوف خافت: ل....ليش وقفنا هنا؟

أبو الهنوف مصدوم: ليش وقفوا هنا؟!!!

أسامة فتح الباب و نزل وأم أسامة واللي معاها نزلين ودخلوا لبيت الحج صالح........




📚 @rewayatyamania  🇾🇪