.

البـارت 175 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


يزن ماسك راسه: جيت بسيارتك

زياد: لا

يزن: خلاص سوق سيارتي قد انا مسوم من الضربة

ياسر: أيش جابك لهنا؟

زياد: والله جيت أضربه سبقتوني

الشباب ضحكوا وزياد طلع مع يزن وياسر بعدهم بسيارته راحوا للعيادة جارحوا ليزن وطهروا جروح ياسر وزياد وخرجوا

يزن: هيا معانا

زياد: لا مروح الوقت متأخر

يزن: خلاص شل سيارة ياسر معك بكرة وتجيبهم أنا سيارتي بخرج بها مع العائلة يكملوا أمورهم

ياسر رجم المفتاح لزياد وزياد شل المفتاح وروح وياسر طلع يسوق سيارة يزن ويزن جنبه مطرح تاعب
.
.

في بيت الحج صالح

الحج صالح يدور حول الصالة وبعصبية: ولا حتى واحد يرد على تلفونه وما يعرفوش صنعاء قوي

حسام وهاني كل واحد يتصلوا للثاني وقلقين كل واحد على أعصابه سمعوا صوت الباب أنصدموا من منظرهم

أم إياد وهند صرخين: مالكم من ضربكم؟؟

ياسر ماسك ليزن جلسه على الكنب: مالكم صاحيين؟

الحج صالح صاح بأعلى صوته: بالأول جاوبوا أيش هذا المنظر

يزن ببرود: ضربنا اللي طعن حسام وطلعوا كل حارته يضاربونا

أم حسام: أيششش!!!! حسام أنطعن يعني الحديدة كذذذذبة!؟

حسام قام: وين حارتهم بسرعة؟

هاني عصب: بتصل للشباب ورحنا لهم

الحج صالح شافهم وعصب: إقلبوا العرس مجزرة يلاااا

أبو ياسر: بطلوا الدم الحامي إجلسوا وخلونا نفهم كل شي

ياسر: خلاص فهموا القصة وأعتذروا

سارة جت وبيدها ثلج: إجلس يا ياسر

ياسر جلس وسارة مكنت عمتها الثلج وهند تحطه على الكدمات اللي بوجه ياسر ويده

رامي: أقسسسم بالله ما راحت لهم

سمعوا أصوات سيارات شوية وأندق بابهم الخارجي

أبو هاني: ومن جاء الآن

الشباب والحج صالح وعياله كلهم خرجوا ماعدا يزن وياسر بيكمدوا لهم

سارة بخوف عليهم: جعلهم مكسر

يزن يتوجع: خلاص يمه أنا فدا لش بارد قوي

أم إياد تبكي: وأنتوا رايحين للمصيبة لحالكم؟؟

@rewayatyamania المصدر الأول للروايات

الحج صالح وقف في الباب وشاف كمية السيارات والرجال والأوالي

الحج صالح: خير من أنتوا؟

أبو عمر: أنا أبو الولد اللي طعن العريس

الحج صالح شاف أبو ياسر: إفتح المجلس

دخل وفتح المجلس والحج صالح رحب بهم ودخلوا للمجلس

هاني دخل للبيت: ياسر يزن جوا أهل الولد اللي ضربتوه وأهل حارتهم تعالوا

قاموا بتعب ودخلوا للمجلس وجلسوا جنب جدهم

أبو عمر حط الآلي حقه في وسط المجلس وبقية الرجال بعده حطوا الاوالي

أبو عمر: أنا جيت مهجر لكم على اللي فعله ولدي بعريسكم

عاقل حارتهم: وإحنا مهجرين باللي فعلوه شباب الحارة بعيالكم

واحد من شباب الحارة: وإحنا نعتذر عن اللي فعلناه

الحج صالح بقبيلته: مقبول مرجوع سامحكم الله وفوق عيوننا

وقفوا وتسالموا وبعدها جلسوا يتجابروا وتم عزيمتهم على العرس وكل من رجع لبيته

حسام عيونه عند يزن وياسر وهو متجمل بقوته كيف أخذوا له حقه
.
.

في غرفة يزن

سارة تدق الباب: مستر أمريكانو !!

يزن ابتسم: إدخلي

سارة دخلت ومعاها ماء وحبوب: جبت لك مهدئ يهدئ لك الوجع

يزن الوجع مسيطر عليه: تسلمي

اخذهم وشربهم: الآن الأعراس هنا هكذا مشاكل قبل العرس؟

سارة: عادك ما شفت شي بس يارب تعدي بدون مشاكل

يزن: يارب

سارة بقلق: إياد إوعدني تبتعد عن المضرابة والمشاكل

يزن أبتسم لقلقها عليه: إن شاء الله

سارة: لو سمحت

يزن: جبتي لياسر مهدئ؟

سارة: طلعت وهو نوم قالت عمتي هند إنه شرب ونام

يزن أبتسم لها: وأنا راحت سحر وجت سارة

سارة مافهمته: كيف؟؟

يزن أمتد: ولا شي طفي الكهرباء أرقد قبل ما يزيد الوجع

سارة طفت وخرجت وغلقت الباب

آسيا بهمس: كيفو؟

سارة: بخير بطلي مكابرة وإهتمي بأخوش

أم إياد: مدري متى تمسح الحقد اللي بقلبها ؟

آسيا: ما يهمني لا هو ولا حسام

سارة: واضح لما قالوا حسام مجروح أقتلبت صورتك ولما شفتي إياد أقتلبت أكثر بس على من تكابري؟

آسيا: شرقد بكرة معانا يوم طويل
.
.

في صباح اليوم الثاني

سارة تصطبح وبقلق: شكله تاعب قوي كم حاولنا نصحيه

هاني: خلوه يرتاح بوديكم أنا السوق وأكمل اللي عليه

رامي: ياسر أنت أشكل؟

ياسر: أيوة الحمد لله شويه وجع بس لكن يزن تضرر قوي

الحج صالح: لو بقي على الوضع إسعفوه

أبو ياسر: كيف لوما أنضرب بهذا الشكل؟

ياسر: تهجموا عليه كثير وكانوا يجوا له غدر كان بيتضرر أكثر لو ما جاء زياد

حسام: زياد كان معاكم؟

ياسر: أيوة بس ما تضرر قوي

حسام قام طلع لعند يزن شافه حامي حسه وإنه حااامي

حسام مقهور: أعراض الضرب الله يهديك

نزل عمل كمادات وطلع جلس جنبه يكمد له

أم إياد دخلت: روح ياابني شوف ما لك وما عليك أنا بجلس عند إياد

حسام حسه عند يزن: لا يا خالة خليني عنده عشان لو ما تحسن بسعفه...


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 176 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


حسام حسه عند يزن: لا يا خالة خليني عنده عشان لو ما تحسن بسعفه

أم إياد تركته ونزلت للمطبخ لأن البنات خرجين للسوق مع هاني
.
.

نجاة تسترق النظر لعند هاني بدون ما أحد يلاحظ وصلوا لشارع الكلية ونزلين يدورين فستان على محل محل وهاني عكس بقية الشباب صبور جداً وتاركهن على راحتهن
.
.

في بيت الحج صالح

يزن فتح عيونه وشاف حسام

حسام يحس يزن شاف إنه خفت الحمى

حسام: تحسنت

يزن جسمه كله يوجع: وين آسيا وكم الساعة؟

حسام: ما عليك شلهم هاني وخرج

يزن متوجع: محد صحاني للصلاة؟

حسام: أنت ما كنت تقوم سهل قوم صلي الآن

يزن قام وحسام ساعده أنتظر له خارج وفرش له السجادة لما خرج يزن يصلي وحسام يلعب بتلفونه

يزن سلم ودعى الله قام وحسام ساعده وعطف السجادة

حسام: أجيب لك شي تأكل ؟

يزن جاوع: شوية، كيفو ياسر وزياد

حسام: زياد تواصلنا معه بخير ياسر تاعب شوية راح مع رامي يحجزوا كوش حق يوم الغسل ويوم الذهب ويوم القاعة لآسيا

يزن: وإذا ما عجبها

حسام: بيتواصلوا معاها قالوا بيرسلوا لها الصور وهي تختار

يزن قام: وإحنا خلينا نخرج ما بطرح للتعب معانا عرس

حسام قومه ونزلوا أتواصلوا مع الشباب وراحوا لعندهم

ياسر: إياد كيفك؟

يزن: بخير لا تقلق

حسام: بروح أشل له شي يأكله

يزن: لا تواصل مع هاني نلتقي ونتغدا خارج ونكمل كل شي

رامي: هكذا أفضل

حسام أتواصل مع هاني وأتفقوا لما يخلصوا يلتقوا ويروحوا لمطعم

@rewayatyamania المصدر الأول للروايات

خلصوا آسيا حجزت الفستان الأبيض وفستان يوم الغسل والشباب حجزوا الكوش اللي أختارتهم وألتقوا وراحوا للمطعم

سارة نزلت وراحت لعند يزن: كيفك الآن ؟

يزن: تمام

سارة: ما أكلت شي ؟

يزن يعشق إهتمامها: لا الآن ندخل المطعم وأأكل

دخلوا البنات لحالهن عشان روان ونجاة والشباب لحالهم تغدوا ورجعوا يكملوا أمورهم البنات رجعين للبيت وهاني ويزن راحوا يأخذوا الدعوات ولحقوهم
.
.

في أمريكا

إياد يلاكم بقوته ووجهه ملان دم أستمر يلاكم اللي يواجهه لما طرحه في الأرض وأستسلم

الكابتن أبتسم: جميل أستطعت هزيمته وفُزت في التدريب الأول

فيكتور دخل ومسح وجه إياد: لقد تضررت كثيراً

إياد: أعتدت ذلك

فيكتور: أنتهت مواجهة المرحلة الأولى من التدريبات من غداً ستدخل المرحلة التالية عليك أن تستريح

إياد خرج وتروش وفيكتور منتظر له لما خرج غير ملابسه وغادروا النادي
.
.


في اليوم الثاني وفي اليمن تحديداً

خرجوا الشباب يوزعوا الدعوات أما سارة أخذت دعوات صديقاتها تبع المدرسة وراحت توزعهم كذلك رانيا
.
.

أديب مقهور: عرس آسيا وحسام وعاد حسام يعزمني

صاحب أديب: طبيعي يعزمك وهو عارف إن عيونك على خطيبته

أديب مقهووووور شط الدعوة نصين
.
.

بيت الهنوف

سارة: خلاص بروح قبل ما يأذن

الهنوف: طيب إنتبهي على نفسك يا حيوانة

سارة مشعتها وهربت: ما حيوانة إلا أنتي

نزلت بسرعة على فتحة الباب الخارجي بتهرب على فتحة أسامة للباب بنفس الوقت

سارة شافته وسكتت من قوة التوتر حست جسمها كله برد

أسامة شاف عيونها تذكرها وأبتسم وسارة تسمرت مكانها أستوعبت وهربت وعيون أسامة بعدها

ابو الهنوف جاء: أيشش معك هنا

أسامة: جيت أسلم عليكم

أبو الهنوف: سلامك وصل وتوكل يا أسامة أنا داري ما معك بس بنتي بعيدة عليك بعد الشمس

دخل وغلق الباب بوجه أسامة وأسامة أقتهر أما سارة طول طريقها للبيت وهي تتذكر نظراته وإبتسامته والإبتسامة ما راحت من وجهها


مرت أيام الجلسات والكسوة والكل منشغل أما في أمريكا إياد مستمر على البحث عن داليا والتدريبات على الملاكمة هكذا مرت الأسبوعين وبدأ أيام العرس

هاني وياسر ويزن يركبوا الكوشة والبنات يساعدنهم وحسام ماسك لرامي

رامي يحاول يفتك: يا اخي فكني أساعدهم

آسيا: مع تسلم كوشة عرسي لو تخربها ما يكفيني رأسك

حسام: أنت بتخرب الدنيا ما بتساعد

يزن فوق: أنت عليك تدعي يا شيخ

ياسر ضحك: اللي تقدر له

آسيا مقهورة: الله بيت عرس ومش قادرين نشغل زفات

يزن: عيوني لش إلا اللي يرضيش من بكرة الزفة تحرق الحارة

رامي: الساعة كم بتروحين الحمام

رانيا: 7

ياسر: إسرعوا باقي نسير ندي لها فساتين الغسل والطبل ونزين السيارات

يزن نبع للارض: كملنا هيا خطينا

حسام فك رامي ورامي نبع يسبقهم والشباب لحقوه

رانيا شافت الكوشة: تجننن رجع المجلس صنعاني تراثي رهيييييب

سارة: تعالي نجهز الخلطات اللي بنفعلها لآسيا في الحمام

قامين وآسيا راحت معاهن يجهزين الخلطات وفي بيت العم كامل روان ونجاة عملين خلطات لآسيا نفعت روان بعرسها والكل يجهز بينما الشباب حسام وهاني راحوا يزينوا السيارتين بزينة تراثية وياسر.......




📚 @rewayatyamania  🇾🇪

.

البـارت 177 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


قامين وآسيا راحت معاهن يجهزين الخلطات وفي بيت العم كامل روان ونجاة عملين خلطات لآسيا نفعت روان بعرسها والكل يجهز بينما الشباب حسام وهاني راحوا يزينوا السيارتين بزينة تراثية وياسر و يزن ورامي راحوا يخرجوا الفساتين اللي حجزتهن آسيا وأخذوا الطبل

حسام وهاني خلصوا وراحوا يشتروا قريح
.
.

صباح يوم الغسل....

يزن أخذ سماعة كبيرة حطها بمجلس شقته وفتح الزفة بأعلى صوت

آسيا نبعت بفرح: عرس عرس عرس عرس

رانيا وسارة ضحكين عليها

الحج صالح خرج وصيح: من شغل أغاني وزفات

الكل خاف بينما يزن نزل ومش مبالي

يزن: أنا

الحج صالح: طفيه الآن

يزن: يا جد هو بيت عرس

الحج صالح: وإذا بيت عرس

يزن شله لغرفته: تعال نتجابر أنا وأنت يا حج

الحج صالح دخل وآسيا مقهوورة خايفة جدها يخرب كل شي

يزن: يا جد هي فرحة بالعمر مرة خلي العيال يفرحوا بعرسهم

الحج صالح: ماعاد بيفرحوا إلا بأغاني

يزن يحايل: يا جد أنت داري من اللي يتزوجوا سكتة بسكتة

الحج صالح: من

يزن: اللي يتزوجوا بعد فضيحة هكذا تفكير شعبكم أنت ترضاها يفكروا هكذا؟؟ أنا ولا لي دخل

الحج صالح سكت وبعد دقيقة: طيب بس مابش زفة ورقص لحسام أو لآسيا قد سكت عن القاعة عشان الضيوف بس بدون شي خلوا العرس مجبار بس

يزن يسايره: ولا يهمك

خرج يزن وغمز لهم والكل فرح

رامي: يلا يا عروس تجهزين

قامين البنات يتجهزين وروان ونجاة والهنوف جين وطلعين لشقة آسيا

أم حسام وأم إياد وهند وأم هاني في المطبخ يعجنين للغداء

جهزوا ملابس آسيا ونزلوا

أم إياد خرجت وجابت بيضة وملح و حبة السوداء (حب البركة) وشذاب لعند رانيا

الشباب قربوا السيارات والزغاريط من كل بيت والقريح تحرق الدنيا الشباب بيقرحوا من فوق السيارات وهمدان وزياد وأمير فوق سيارتين مع أهاليهم وبيقرحوا

رانيا تحصن آسيا بسبع دورات باللي جابتها لها أم إياد كملت التحصين ورجمتهم للأرض

يزن شاف هاني: ما بتسوي أختك بأختي

هاني يضحك: يا سعم تحصنها هذه من عاداتنا

ياسر ضحك: متأكد لا تسحر البنت

هاني: قلده الله الشيخ حقنا

يزن شاف رامي: يا شيخ ما بيفعلوا

رامي: هذا بيشعوذوا لكن الموضوع عندي لا تقلق بفك كل شي قبل الدخلة

الكل: ههههههههههههههههههه

@rewayatyamania المصدر الأول للروايات

البنات يزغرطين طلعت آسيا مع أخوها والبنات نص جنبها والنص الثاني طلعوا بالسيارة الثانية المزينة زفوها طريق طريق لباب الحمام نزلت آسيا على الزفة والزغاريط والطبل لما دخلت للحمام والشباب راحوا مع حسام لحمام الرجال
.
.

في الحمام

آسيا لبست المرجان وشذاب ودخلوا جناح حجزوه لها والبنات من حولها بالزفة وسارة تحط لها الخلطات

روان: آسيا حلا وحلا وحالية

البنات: أييييي أييييي

آسيا حلاااا وحلااااا وحالييية أيييي أيييييي يا زهرة الحفل يا يمانية أيييييييي أيييييييييي يا زهرة الفل يا يمانية

آسيا رغم عدم تقبلها بس الفرحة بقلبها والسعادة إنها بتتزوج حسام وتفكر كيف تكسب قلبه

كملت سارة تحط الخلطة وقامت هي وهنوف يرقصين والبنات يزفين ويدقين طبل وآسيا تضحك وفارحة وكان حمام العافية فعلاً
.
.

في حمام الرجال

الشباب بيزفوا حسام ويرقصوا لحجي وياسر ويزن مستمتعين لطريقة العرس اليمني اللي يحسوه مختلف جداً عن الأعراس الأمريكية اللي غالباً ما تكون هادئة ومملة وليوم واحد ، الشباب سحبوهم يرقصوا بس يزن وياسر ما يعرفوا وهمدان وأمير وزياد يعلموهم

هكذا كان يوم الحمام لما خرجوا حسام بزفة وراحوا لعند الحمام اللي فيه البنات

روان تلبس آسيا لبس التراث الصنعاني والعصبة الصنعانية من اللول والمرجان حطت لها الشذاب

سارة غلقت التلفون: إسرعوا الشباب منتظرين خارج

حطوا المغمق على آسيا والزغاريط أرتفعت والبنات لبسين مسكين آسيا وخرجين بالزغاريط والشباب يقرحوا طريق طريق لما وصلوا للبيت دخلوا بالسيارات للحوش البنات نزلين لداخل البيت والشباب دخلوا للحوش ومن الحوش طوالي للمجلس

المغنية أستلقفت آسيا وتزفها وتجمعين كل نسوان الحارة لزفة آسيا

الحج صالح قرب لعند يزن: المغنية من أداها

يزن: خلاص يا جد قد جت

الحج صالح أضطر يسكت وهو ناوي على يزن وبعد زفة آسيا قدموا غداء الرجال وبعدها غداء النسوان تغدوا وغسولوا بعدها الكل بدأ يتجهز

المكوفرة تلبس آسيا الفستان التراثي الثاني اللي بتجلس فيه لبستها العصبة الفضة والمجوهرات الفضية الصنعانية عملت لها مكياج خفيف ومطوي حول وجهها ولبست القناع من فضة ولأن عيونها كبار برزين ملامحها وكانت آية في الجمال كل من شافها سبح الله في خلقه

والبنات لبسين صنعاني كلهن للعصر وزفوها وبدأ مراسيم يوم الصنعاني والرقص.......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 178 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


والبنات لبسين صنعاني كلهن للعصر وزفوها وبدأ مراسيم يوم الصنعاني والرقص والغناء الصنعاني والهنوف تصور آسيا والبنات مشعللات الدنيا

بينما عند الشباب كانت جلسة قات عادية مجبر وضحك

مر الوقت وعشوا الضيوف وبعد العشاء النسوان روحوا وكالعادة ما باقيين إلا بيت العم كامل كلهم أما بالنسبة للرجال اللي روح واللي بقي أما أصحاب الشلة بقوا وبعد ساعة وصلت أربع شاحنات

هاني: وصلت الخيمة بيركبوها

خرجوا أستقبلوا العمال على رأسهم رواد اللي أصبحوا الشباب يحبوه جداً ونزلوا الحدائد أول شي وبدأوا يركبوا الخيمة

هند: بنات قال عمكن تنزلين تفعلين عشاء للي يركبوا الخيمة

سارة: قد جوا يركبوا الخيمة

هند: أيوة

البنات نزلين والشباب بدأوا يركبوا لمبات العرس ملان الشارع عشان يولعوها ويستضوا وهم يركبوا الخيمة

رواد: حطوا اللمبات الملونة بالوسط عشان تكون الزفة هناك

العمال يشتغلوا مثل ما قال لهم رواد والشباب كلهم يساعدوهم

رواد: قد جبت عمال لا تتعبوا أنفسكم

يزن: الله المستعان نساعدكم ما بنخسر شي

هاني دخل اللمبات للحوش وأمير وهمدان وزياد يساعدهم أما رامي كان كل ما مسك شي صاحوا

أبو ياسر: رامي إياد ياسر إدخلوا قدموا للشباب العشاء خلوا هاني يساعدهم

سارة مدت لرامي سفرة: كم العمال

رامي: تقريباً 8 أو 9

رانيا: يعني يكفي ثلاث معاشر

رامي: أيوة

مشي رامي وعلى طول نكع واكترع العشاء كله

ياسر جلس يضحك: ههههههههههههههههه

ويزن أقتهر

يزن: يا اخي أصدق ولو بعمل واحد

رامي قام وهو يتوجع: والله نيتي سابرة بس عيونكم الله أكبر بس

الشباب بيضحكوا أما هاني بيدق مسامير التعليقات وهو ميت ضحك وهمدان وأمير وزياد ما وقفوا من الضحك والتعليقات

همدان: أسألك بالله تخرج منها يا رامي ارتاح ارتاح أنت أخو العريس

رامي مقهور: الله يوريني فيكم واحد واحد اللي تذلوني

يزن وياسر دخلوا شلوا العشاء وفرشوا وسط الحوش لأن المجلس ملان مخزنين

يزن: تعالوا تعشوا بعدين كملوا

العمال قدموا: أكرمكم الله

تعشوا ورامي المبطون أبو كرش قدم معاهم والكل يضحك لأنه قده ثالث مرة يتعشى

هاني: إرحم بطنك يا اخي الله يحفظك

رامي: حتى بطني عتلاحقوا بعدها

@rewayatyamania المصدر الأول للروايات

آسيا طلعت شقتهم بدلت ودخلت تتروش ولبست بجامة ورجعت لعند البنات

رانيا: أشتي أشوفهم وهم يركبوا الخيمة والزينة

آسيا لأن شقتهم آخر شقة: طيب تعالين نطلع مجلس شقتنا نطفي الكهرباء ونشوف

البنات طلعين وطفين الكهرباء توزعين على الطيق وهن يشوفين ويعلقين على كل بعسيسة

سارة: رانيا آسيا شوفين أبو قعشة هذاك اللي يشبه نجاة

آسيا شافته وجلست تركز فيه: أيوة والله إنه يشبهها

رانيا: يوووه والله إنه صدق لو ما أعرف نجاة كنت بقول إنهم أخوة
.
.

كملوا العيال يتعشوا ورجعوا ينظموا ويزينوا كملوا من تعليق الأضواء ورجعوا يحطوا حدائد الخيمة وكانت الخيمة كبيييييرة

رامي يصور تفاصيل العرس وتركيب الزينة والخيمة ورجع دخل يصور المخزنين ويضحكوا شاف حسام جنب جده راح يصور من وراهم بدون ما ينتبهوا

حسام: الله يخليك يا جد إعقد الصبح عشان بكرة أتصور مع آسيا

الحج صالح: أنا قلت العقد بيكون يوم الأبيض بعد الزفة

حسام: قوا قوا قوا يا جد

رامي يضحك: وهذا العريس اللي مرفوض يعقد على عروسته رحمته

حسام ركز وضرب رامي ورامي ضحك وهرب

رامي يصور الشباب: وهذولا شباب العائلة أقتلبوا قرود العائلة عشان عرس خروف العائلة

هاني: ما بتصور

رامي: توثيق لحظات العمر لأخي

ياسر رجمه: لا تصورنا بهذا المنظر

رامي حول الكاميرا إتجاه ياسر: وهذا ابن أمريكا البرستيج اللي يخاف على منظره وكشخته

ياسر نزل له ورامي يهرب وياسر يلحقه والإثنين كل واحد أهبل من الثاني ويضحكوا

زياد صاح: شدرب

الكل أفتجع وزياد رجع يكمل عمله وهو يضحك والشباب يتحلفوا فيه
.
.

نجاة: ما بيسووا رامي وياسر

آسيا: يلعبوا طفولة متأخرة

بدأوا بتركيب الخيمة فوق الحدائد اللي تعتبر القاعدة ومن داخل غطوه بنفس القماش وكانت الخيمة كلها ذهبية والاضواء كلها بيضاء اضاءات ملكية وكوشة ملكية فرشوا الضغط وكمان ممر وكأنها قاعة وطبعاً في قاعدة الأساس في الأرض لذلك الخيمة مرتفعة كلفهم وقت كثير وهم يفرشوها

ياسر: رواد معاك بكرة عرسان

رواد: أيوة بس بجي بدري ألبس حسام

ياسر: جيب العرسان لعمال ثانيين وتعال عندنا وإحنا نتكلف بخسارتك وحقك كلها

رواد: مااقدرش

هاني: ليش ما تقدرش يعلم الله إنك مننا وفينا نشتيك عندنا نجلس ونخزن جَمعة

يزن: تعال بس وسلم العرسان لغيرك من العمال قده رزقهم وكم ما كانت حقك منهم إحنا متكفلين فيه

رواد انحرج: ...




📚 @rewayatyamania  🇾🇪

.

البـارت 179 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


يزن: تعال بس وسلم العرسان لغيرك من العمال قده رزقهم وكم ما كانت حقك منهم إحنا متكفلين فيه

رواد انحرج: إبشروا ما طلبتوا شي بإذن الله 10 وإحنا عندكم

رامي: لا لا مافيش روحة ركبنا الخيمة خلونا نرقد كلنا فيها وسمرة صباحي

تحمسوا الشباب تركوا المجلس وراحوا للخيمة خرجوا بطانيات للخيمة وكل من تمدد له ببقعة همدان وزياد وأمير ورواد ويزن وهاني ورامي وياسر

حسام دخل: عتشوفوا لي حل مع الشيبة هذا

رامي فاهم الموضوع: حلك إياد محد غيره يقدر يقنعه

يزن: مالك

حسام: مارضيش يعقد لي قال مابلا يوم الدخلة

يزن: وأنت ليش مستعجل

حسام: تعال شاحاكيك ليش يا نسيب

يزن راح لعنده لطرف الخيمة عشان محد يسمعهم

حسام: للأمانة ومن الأخير أشتي أتصور أنا وآسيا هذه لحظات عمرنا ما بنضيعها هكذا

يزن يفكر: أنا الآن بطلع أشوف آسيا إذا وافقت ما لك إلا اللي يرضيك

حسام خاف: إقنعها بأسلوبك

يزن أشر له بمعنى تمام وراح للبيت وصيح لها

آسيا نزلت: أيش تشتي

يزن: تعالي بكلمك

آسيا راحت لجنبه وجلست: أيش

يزن: شوفي حسام يشتي يعقد اليوم أو الصباح عشان تتصوروا براحتكم بس جدي ما رضيش قال أقنعه إذا أنتي موافقة بروح أقنعه إذا لا ما عليه كله براحتك

آسيا أنحرجت قوووي: اللي تشوفه يا إياد

يزن: يعني ما عندك مشكلة

اسيا: لا

اياد: آسيا الآن قرارك اللي ماله تراجع أنتي مقتنعة بحسام لو لا والله بوقف العرس الآن

آسيا خلاص من خلال فترة العرس تقبلت وقلبها تعلق بحسام: خلاص يا إياد رضيت فيه وقلبي راضي

يزن حس بصدق مشاعرها وابتسم: إذاً نتوكل على الله ونجمع بينكم على خير بنعقد الصباح

آسيا أنحرجت وطلعت ويزن دخل لعند جده

الحج صالح حافظ مواله: ما بعقدش يكفي اليوم جبتوا مغنية

يزن: وما عرفك إني جيت عشان هذا الموضوع

الحج صالح: أنا داري أعرفك

يزن: أيشش فرقت بين بكرة وبعد يومين؟؟

الحج صالح: وليش مستعجلين

يزن: يا جد هم عرسان والعرسان لازم يعيشوا تفاصيل عرسهم ويتصوروا ويفعلوا كل شي

الحج صالح: إحنا مافيش عندنا هذا الخبر عندنا يشوفها بزينتها بعد ما يفتش لها

يزن: يا جد ما بيشوفها بالحرام أختي بتكون زوجته على سنة الله ورسوله يعني يتصوروا حلال هذا طلبهم لا تحرمهم من هذه الفرحة هيا يا جد وفق بين راسين طلبوا الحلال أعرفك عاقل وهذه الأمور ما يحتاج أتكلم فيها

الحج صالح: أنت ماعاد عتفلتني إلا لما نعقد لهم هيا روح جيب الشيخ

يزن: معانا رامي

الحج صالح: أيشش 

@rewayatyamania المصدر الأول للروايات

يزن أستوعب وضحك: ولا شي رامي بيروح يجيب الشيخ وأنا وحسام نروح نشتري زبيب وجعالة العقد

الحج صالح: إسرعوا قبل ما أرقد

خرج يزن وراح للخيمة صيح لرامي وحسام

يزن: هاني ياسر إجلسوا مع الشباب ساعة وراجعين

الشباب: طيب

حسام: بشر

يزن: خلينا نروح نشتري زبيب وجعالة العقد وأنت يا رامي روح جيب قاضي والا شيخ يعقد لهم

رامي: وأنا ما مليت عينكم

حسام طاير من الفرحة: لا ما مليتها

راحوا جهزوا كل الأمور ورجعوا عشان العقد

يزن: شباب اليوم العقد محد عارف طبعاً من منكم معه بطاقته

همدان: أنا

يزن: تعال عشان تكون شاهد

الشباب: يييييييي وحقك يا حساااااام

حسام ضحك: عقبى لكم

دخلوا الشباب بقيوا أمير وزياد ورواد في الخيمة وبدأت مراسيم العقد

القاضي: من ولي أمر العروسة اللي وكلته للعقد

الكل: اياد

يزن قدم وجلس جنب القاضي

الشيخ: العريس يقدم

حسام قدم وشعوره ما ينوصف بدأ العقد وتموا عليه بدون ما يسألوا آسيا لأن آسيا وكلت يزن كل شي ومتلافية الإحراج والشهود شهدوا وكانوا همدان وأبو روان اللي عينه على همدان وكأنه يشوف بنته نجاة ومقهور من كل شعور يعيشه

(يزن دبر أموره مع الشيخ عشان بطاقته ومحد لاحظ)

هاني خرج مبتسم: زغرطوا وباركوا

النسوان زغرطين وحضنين آسيا ويباركين وآسيا منحرجة خرج رامي جاب لهم زبيب العقد وتوزع بين الكل ماعدا آسيا وحسام لأنها العادات اليمنية العريس والعروس ما يأكلوا من جعالة العقد ياسر أخذ كثير وخرج للخيمة ولكل الضيوف والجميع يبارك وفارحين

حسام خرج شاف آسيا قدامه إبتسامته وقت شافها كانت مختلفة الكل لاحظ حجم فرحته راح للخيمة والكل يبارك له

فتح الواتس وعمل إستوري: قبلت بكِ حبيبة أميرة لقلبي وسيدة بيتي وأماً لذريتي وطفلتي صغيرة قلبي رضيت بك شريكة الحياة أتممت بكِ نصف ديني وكل الحياة أخترتكِ ملاذاً آمناً ملجأً لي في كل ضيق قد يصاب به صدري وأخترتكِ دواء لكل داء قد يهلكني..... واليوم عقد القلب بالقلب و أصبحتِ حلالاً لي بما يرضي الله ورسوله....

رسل الاستوري وفي نفس الثانية الأولى فتحته رفأ

رفأ قلبها يتقطع.......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 180 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


رسل الاستوري وفي نفس الثانية الأولى فتحته رفأ

رفأ قلبها يتقطع وتبكي رسلت له: الله يلعنك يا حسام والله إنك نذذذل لو كنت تكذب عليا كل السنوات إن جدك هو اللي غصبك عليها وأنت فارح بها وأخترتها أنت وهذا الكلام ما جاء من فراغ جاء من فرح وحب، ولعبت بمشاعري على الأقل لآخر يوم بيننا كنت بتقدر مشاعري وتخاف عليا أيشش بحس لما أقرأ وتخفيني من حالاتك بس الله يجعل قهرك على يد آسيا وتعيشك أضعاف الشعور اللي عيشتني هو

غلقت وحسام أستلم الرسالة وأقتهر من قلبه من الفرحة نسيها ونسي إنها بتشوف حالته كل فرحته أنتهت وتجددت بالقهر غلق تلفونه ولف على الشق الثاني عشان محد يلاحظ دموعه
.
.

آسيا سمعت صوت رسالة فتحتها وإنه من أخوها

يزن: مبارك يا عيون أخوش إفتحي الواتس وشوفي أيش كتب لش حسام

آسيا تحمست وفتحت الواتس شافت حالة حسام وماعاد قدرت تسيطر على قلبها أستسلمت لمشاعرها وبكت من الحب اللي هاجمها فجأة

روان: يوووه مالش

راحين أخذين التلفون وشافين حالة حسام وأرتفعت أصواتهن بإعجاب

آسيا أنحرجت: أنا أعترف خلاص حبيته

البنات صاحين من الفرحة واللي حضنتها وآسيا بتموت من الإحراج ومن الشعور اللي تحس فيه لذة بدايات الحب

@rewayatyamania المصدر الأول للروايات


لأن الشباب خارج ف بنات العم كامل بيسمروا في بيت الحج صالح لأن بكرة الحناء لحسام فهم بيغدوا، بدأ الكل بتحضيرات وتجهيزات غداء بكرة وآسيا تحاول تنام ما قدرت ونزلت عندهم

رانيا وسارة ونجاة وروان يفعلين طبقات بنات الصحن وأم إياد وأم هاني وأم روان يخمدنهن في التنور وأم حسام وهند يفكفين العجينة

آسيا: يووووو لوين هذا كله

سارة: يييي جدش عزم نص الشعب وهذا ما يشتيش عرس لو كان يشتي كان بيعزم الأمة الإسلامية

رانيا: جدي ما يشتيش بس أغاني وزفات لكن عزومات وكسرة ظهر عادي المهم يبيض وجهه

رامي يصيح: يا بنات

البنات بصوت واحد: هاااااه

رامي: عنذبح ثورين يكفوا

أم حسام: كم الضيوف قال جدكم

رامي: الضيوف والله ملان تجار المول حقنا والعمال كلهم بيجوا وجدي عزم القبيلة كلها والقرية وعينزلوا من البلاد بكرة من غير المعاريف والجيران وأصحابنا وأهاليهم

سارة: على أساس ثور بكرة وثور يوم الزفة

رامي: الضيوف ملان المتصلين اللي قالو بيجوا لحالهم جيش عنذبح إثنين وبعد بكرة بنخرج نشتري حق ذبائح الزفة

رانيا: أمرنا لله يلا إذبحوا عشان نقطع ونغسلها ، هم لحم ثور يلا من بدري نحطه

رامي خرج ويزن دخل

يزن: يماااه

أم إياد: أمي وروحي

يزن: قال جدي المصروف الموجود يكفي والا نزيد لأن الغداء بتزيدوا كميته

أم حسام: زيدو لنا خضار السلطة بس شليتوا حق يوم باقي المصروف عنشل حق يوم الزفة لبعد بكرة واشتريتوا بدلهم

يزن: حاضر

خرج يزن ودخل هاني

هاني: يا بنات

البنات ضبحين: هااااه

هاني: كملتين بنات الصحن

سارة: عادو نفعله

هاني: لو ما يكفيش إعجنين من جديد قال جدي والله لو ينقص حاجة إنها فوق رأسكن

هند: خلاص فهمنا قد من نفسنا عنكمل ونعجن دام الضيوف كثير

هاني خرج وياسر دخل

ياسر: يي

البنات صاحين: أيششششش

روان ونجاة وآسيا ضحكين كيف قد كل واحدة فيوزها بتقرح

ياسر: إبسرين الصحون اللي أشتروهم تكفي والا سرنا نشتري أو نستأجر

أم هاني: أيوووة أهم شي ، مع ما عيكفين سيروا إحجزوا ليش تشتروا

ياسر خرج وحسام دخل

حسام: يا بنات

البنات صرخين بأعلى صوت وبضبح: هااااااااااااااااااه

حسام أفتجع: مابه ما وقع

رانيا صاحت: ماهو به ماهو تشتي إقطبنا

حسام مفجوع: يااختي أنا عريس عريس كلميني بأدب

رانيا ضابحة: ماعاد نعرفش الأدب بطلناها من أول يا بنات يمه يمه يا بنات

حسام كاتم ضحكته: قال جدي الضيوف عيجوا من صبح إفعلوا حسابكم تصبحوهم

سارة ضبحت: الله يشلكم ويشل جدكم إنقلعوووووووا

حسام هرب والبنات يشوفين ملامحهن وقدهن يضربين العجينة ضرب ويضحكين
.
.

خارج

جاء اللي بيذبح الذبائح وبدأ في ذبح الثورين

يزن وهمدان نزلوا ومعاهم خضرة السلطة

يزن مده لياسر: دخل لهم الخضرة بروح أجيب باقي الفلوس حق الفرقة

ياسر شل الخضار: قد سار هاني يجيب للفرقة

يزن: وحسين محب رسلتوا له باقي فلوسه

رامي: أيوة رسلت له قال بيجي بعد الغداء حلفت يتغدا هنا

يزن: تمام

همدان ترك الخضرة من يده: أمير وزياد رقدوا

ياسر: لا ساروا يستأجروا صحون أنا ورامي أنشغلنا وهم راحوا
.
.

داخل البيت

كملين بنات الصحن وبعدين أنقسموا اللي زادين عجنين لبنات الصحن واللي زادين للخبز كملين وبدأين بالتقشير والتقطيع

الشباب خارج يغسلوا الحوش من الدم والبنات داخل

أم حسام وهند وأم هاني يقطعين اللحم وأم إياد وأم  روان.......


https://tttttt.me/rewayatyamania/53778




📚 @rewayatyamania  🇾🇪

💜

بـارتـات يـومنـا الاحــد 👆🏻😍

.

البـارت 181 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


الشباب خارج يغسلوا الحوش من الدم والبنات داخل

أم حسام وهند وأم هاني يقطعين اللحم وأم إياد وأم روان يغسلنها ونجاة هاربة من شم اللحمة ما تحبه خالص

رانيا تقشر البطاط: لا تهربيش تعالي

نجاة في الصالة: ماعه هاتين لهنا أقطع السلطة

سارة أخذت السلطة وغسلتها: روان قطعي البطاط بعد تقشير روان بروح أنا ونجاة نقطع السلطة

هند: مش الآن السلطة عيضمر للصبح

سارة تركت السلطة: خلاص بنقطع الكوسا

أخذت الكوسا وخرجت عند نجاة

روان: آسيا إطلعي إرقدي

آسيا تحس بالنوم: طيب تصبحوا على خير

الكل: وأنتي من أهل الخير

طلعت آسيا تنام والدنيا كلها مجغورة واستمروا على هذا الحال البنات بين التقطيع والغسل والخبز والشباب بالمنافعة للصبح ومحد نام أبداً إلا آسيا وحسام
.
.

في أمريكا

جان على الفيس يتصفح لقي رسالة من حساب مجهول دخله فتح الفيديو وأنصدم والخوف سيطر عليه

جان مصدوم: من هذا الذي وثق جريمة قتلي لذلك العجوز

وصلته رسالة ثانية: إن لم تعد داليا لأهلها سأنشر الفيديو وحين نشره لن يستطيع والدك حمايتك وتخبئة الخبر

جان خاف شاف حذف للحساب زاد قهره

جان: ماذا سأفعل

ترك التلفون وهو يفكر كيف يتصرف

@rewayatyamania المصدر الأول للروايات

في اليمن

أم إياد تصحي آسيا: آسيا قومي صلي عشان تصطبحي وتروحي الكوافير

آسيا قامت وهي منعسة: كم الساعة الآن

أم إياد: قد بيصلوا الفجر هيا

آسيا قامت توضت وخرجت تصلي ما كملت الصلاة إلا وسارة عندها بالصبوح

آسيا عطفت السجادة فتحت بردة الطاقة: بسم الله من فين قد جوا هذولا الضيوف

سارة تاعبة ومنعسة: ضيوف أهل البلاد وصلوا قبل اذان الفجر إصطبحي قال إياد بيريع لش أنا بنزل قد عنقدم الصبوح

آسيا: عاده بدري على الكوافير بروح الساعة ثمان بنزل أساعدكن

سارة تخرج: مااحلاش حريوة تساعدينا هيا إصطبحي

آسيا أكلت لقمتين وماعاد قدرت ومعروف كيف شعور العروسة اللي ماعاد يخلي لها نفس للأكل لبست ونزلت هي والصحون

آسيا حطت الصحون فوق الماسة وأخذت الخبز وبدأت توزع

أم حسام صيحت: يي ما تفعلي إخرجي اخرجي عتتحروي ساع الناس

آسيا: الضيوف ملان البيت

رانيا: ما عليش منهم إخرجي بس

آسيا خرجت وتراقب الحوش والشارع ملان ضيوف عرفت إنهم ناموا في الخيمة لأن تشوف خروج الرجال منها
.
.

الحج صالح: هاني إفتح الباب اللي من وراء يكون للنسوان وهذا الباب مفتوح للرجال

هاني: طيب

هاني وصل للباب الداخلي: الله الله

آسيا: هاني أدخل مابش أحد الكل في المطبخ

هاني دخل: شفتح الباب اللي من وراء عشان النسوان يدخلين وما يتضايقين من الرجال مجهزين كل شي

آسيا: أيوة قد عماتي نقلين كل شي للمخزن إفتحه

هاني تنهد: مصيبة يكون عرس البنت والرجال في نفس البيت

آسيا ضحكت وهاني راح يفتح الباب

سارة خرجت: سمعت صوت هاني

آسيا: أيوة

سارة: كلميه الصبوح جاهز يجوا يشلوه

آسيا: طيب

هاني فتح الباب ورجع: كم باقي للصبوح

آسيا: قالوا جاهز قدموا

هاني خرج يصيح للشباب وآسيا طلعت تجهز أمورها وملابسها وإكسسواراتها حق اليوم

فرشوا السفر ملان الخيمة وكان ست طوابير من بداية الخيمة لنهايتها يزن وياسر وهاني ورامي يقدموا لعند همدان وزياد وأمير ورواد والشباب يقدموا للضيوف كملوا شافوا الخيمة أمتلت راحوا للمجلس يصطبحوا

رامي: ما خلينا رواد يروح عشان يرتاح جاء واشغلناه ما رقد

رواد مستمتع: يكفي الراحة ما بيهربش النوم وبعدين الله المستعان قلتوا إني منكم وفيكم خلاص هذا عرس أخي

رامي: والنعم بدل أخي اللي اليوم خاننا وراح يصطبح مع الضيوف

هاني: عريس يفلت ضيوفه ويصطبح على صورتك اللي تقطع رزقه

ياسر أشترغ وهو يضحك: هههههههههههههههههه
وكالعادة ضحكة ياسر تضحك الكل

كملوا والبنات يغسلوين والنسوان يصطبحين شوية وجين نسوان الجيران يساعدين

يزن طلع وفتح السماعة للزفة ونزل

يزن: هيا آسيا

آسيا: ربع ساعة بس أبدل وأجي

يزن: اقطبي

نزل يزن شاف جده يشوف له بنص عين عرف ليش النظرات ضحك وهرب قبل ما يحصل بهذلة

هاني يضحك: جدي بيرتفع ضغطه من إياد

رامي: بعد العرس عيقتلب بيت عزاء جدي بيقتل إياد
.
.

أشتعلت الدنيا بالقريح والزغاريط لخروج آسيا ويزن أخذها للكوافير ورجع

سارة ورانيا ونجاة يقطعين السلطة وقد عيونهن تغمض والبقية يطبخين
.
.

في أمريكا

في الكافي مجتمعين جان ولينا ويارا

لينا: ولمَ قتلته أيها المجنون

جان: كان يريد تهريب داليا مني

يارا: حقاً مجنون لم يفعلها قيس مجنون ليلى

لينا بخبث: لن تسلمها لإياد بهذه السهولة

جان شافها: ما برأسك

لينا سكتت وهي تبتسم بخبث وجان ويارا منتظرين تتكلم بفضول ......





📚 @rewayatyamania  🇾🇪

.

البـارت 182 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


جان شافها: ما برأسك

لينا سكتت وهي تبتسم بخبث وجان ويارا منتظرين تتكلم بفضول
.
.

في اليمن
الساعة 1 الظهر

خرج الكل من الصلاة ويزن شاف رسالة من آسيا ترك العرس وراح يجيب آسيا

ياسر ورامي مع الفرقة يسلكوا السماعات ويجهزوا ورامي يخرب وياسر يضحك والاثنين ما منهم فائدة واستغنوا الفرقة عن مساعدتهم، وأمير وهمدان مع الفنان حسين محب اللي يجهز المكسر تبعه والعود أما هاني وزياد يستقبلوا الضيوف ويرحبوا بهم ورواد يجهز ملبوس حسام وحسام يتروش

آسيا خرجت من الكوافير ويزن ساعدها تطلع السيارة

آسيا: قد غدوا

يزن: عاده شكلهم بيلبسوه

آسيا: إذاً إسرع مااشتيش أدخل من الباب اللي خلف درجان وتعب
.
.

في بيت الحج صالح

رواد يلبس حسام الثوب الأبيض على الأحزمة السوداء والشال الذهبي والكل من حول حسام يزفوا ومشعللين الجو وحسام مستسلم لكل مشاعره ومرتاح فااارح ماعاد يفكر بكلام رفأ

الشباب متحمسين: الدنيا تحرق حريق فكوا لحسام طريق والدنيا تحرق حريق فكوا لحسام طريق

يصفقوا ويرقصوا لحجي ورواد يقبع لحسام وحسام داخله يرقص من الفرحة والإبتسامة تشق وجهه خلص رواد يلبسه مد القناصة لحسام وحسام حطها على كتفه وياسر خرج يصيح للي يعزف بالمزمار بدأ يعزف وخرجوا حسام بالمزمار والبرع والحضور يرقصوا والحج صالح منزعج بالذات من المزمار شاف حسين محب والفرقة حق زفة آسيا وولع فيوز بس كاتم وهو متحلف بيزن

البنات بنفسهن يشوفين زفة خروج الغداء بس منشغلات قوووي بتجهيز الغداء والتوزيع

الزفة صوتها لآخر الحارة وكل من يرقص بكل حماسه وصل يزن شاف الزفة ووقف

يزن: للأسف مضطرة تدخلي من الباب الخلفي

آسيا تنهدت: طيب

لف يزن لوراء البيت فتح الباب وقرح

سارة نبعت تخرج: آسيا وصلت

البنات خرجين يلقفنها بالزغاريط أما الشباب وقفوا الرقص وشعلوا القريح عشان وصول آسيا

يزن ترك يد آسيا وسلمها لسارة: يا منعاه جهزي لي شي ألبسه وإبسري لي طريق

سارة مسكت آسيا: طيب

زغرطين وهم يطلعوها والشباب وقفوا قريح ورجعوا يرقصوا

سارة أختارت ملابس ليزن ونزلت شافت مافيش أحد لطريق شقتهم

سارة: بسرعة إطلع شقتنا غسل وارجع بدل بغرفة هاني

يزن أخذهم وطلع وسارة جنب الشقة عشان لما يخلص تشوف له طريق

@rewayatyamania المصدر الأول للروايات

في غرفة آسيا

رانيا مبتسمة: يماااااه حجاب على بنتنا حرسش ربي من كل عين

أم حسام دخلت وبيدها عصير كوكتيل: هاه هذا من رامي إشربيه الآن

آسيا توهف على وجهها: من قال لي أركب رموش أحس عيوني مش طبيعية وثقيلة مش مرتاحة أبداً

روان: طبيعي عشان أول مرة تفعلي مكياج هكذا يلا إشربي هذا كله بننزل نقدم الغداء وأول ما يطلع غداش كليه

آسيا: إن شاء الله

الكل نزل وانتهت زفة حسام دخل للخيمة وبدؤوا الشباب يقدموا الغداء بمساعدة الكل ويزن شاف طريق وخرج على طول يساعدهم بعد ما بدل وكشخ

أنتهى الغداء والكل أنشغل بالغسوال والتنظيف ماعدا روان اللي جالسة مع آسيا تلبسها وتجهزها لبست آسيا جرز بيج والإكسسوارات كلها ذهب وحزام حول خصرها ذهب وقناع لونه ذهبي تجهزت وجلست والبيت بدأ يمتلي بالنسوان والضيوف

الهنوف دخلت المطبخ: جييييت أساعدكم

سارة قدها مكسرة: لا عتجيش من الآن وينش من أمس صورتي وهربتي

الهنوف: هذا جيت

رانيا: قد كملنا باقي بس نغسل الأرض أنتي إطلعي صوري آسيا وعادها بروحها بعدا بتكون تاعبة

الهنوف طلعت لعند آسيا تصورها أما في الخيمة الكل بدأ يخزن وحسين محب بدأ يغني ويطرب بالعود والكل مكيفين

يزن: شباب سيروا آخر الخيمة عشان تخزنوا براحتكم

هاني: أينه راحتنا جدي كل شوية بيصيح لنا

يزن: جدي عليا أنا وياسر قد اسمنا ما نخزن وإذا طلب واحد منكم إذبلوا بسرعة جاوبتوه وإرجعوا خزنوا

أمير: هيا قلدكم الله عرس وما تخزنوا وزد عرس ابن عمكم وأخوكم

رامي: والله نخزن وقدها هذيك البورة

هاني: أنت مدهده حق مصايب

راحوا لآخر الخيمة يخزنوا وطبعاً الكل متسترين لأن الكل يعرفوا الحج صالح، ويزن وياسر معاهم بس مش مخزنين حاولوا يقنعوهم بس رفضوا رفض تام هم ضد القات تماماً ومش مقتنعين فيه
.
.

البنات طلعين يلبسين بسرعة ويتجهزين حطين مكياج بناتي خفيف الكل كمل يتجهز وآسيا فعلت رسالة ليزن يكلم الفرقة يبدأوا الزفة ويزن كلم الفرقة

بدأت زفة آسيا مشعللة والبنات يشعللنها أكثر لدرجة خلوا حسين محب يرفع صوت المكسر عشان يقدر يغني براحته تموا زفة آسيا جلست على الكوشة الذهبية اللي غيروها الصبح بدل حق أمس والمشجب قدامها (المشجب عبارة عن صحن كبير ذهبي حوله قاعدة شموع والشموع متوزعة على القاعدة وفي أرض الصحن بيض مكتوب فيه بعض كلمات زفات وكذلك أيضاً........





📚 @rewayatyamania  🇾🇪

.

البـارت 183 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


(المشجب عبارة عن صحن كبير ذهبي حوله قاعدة شموع والشموع متوزعة على القاعدة وفي أرض الصحن بيض مكتوب فيه بعض كلمات زفات وكذلك أيضاً أسماء أهل البيت وحوله أوراق مجففة وفلفل وشذاب وعباد الشمس)

وقفت الفرقة عن الزفة وشبكوا السماعات مع مكسر حسين محب لعرس النسوان والكل بدأ يكيف بالطرب الصنعاني الأصيل وفي الوقت اللي يوقف فيه حسين عن الغناء عشان يرتاحوا الرجال ويتجابروا يشغل الفرقة للنسوان أغاني خليجية ورقص وكان العرس مشعلل وأفضل ما يكون

@rewayatyamania المصدر الأول للروايات

في الليل

البيت شبه فاضي بعد ما عشوهم وما موجودين إلا الناس المقربين فقط وقد البنات بأرواب بسبب العشاء والشغل

هند دخلت: ولا واحدة تخرج دخلوا العريس يغيروا ملابسه ويجهزوه للزفة والحناء الشباب بيكونوا في البيت دخله خرجة لحد يخرج من المجلس

الكل: حاضر

في شقة حسام رواد يغير لبس حسام الثوب الأبيض على الأحزمة الزيتية والشال الزيتي والسيف الذهبي والشباب يغيروا ملابسهم كذلك الحج صالح وعياله أما همدان وأمير وزياد غيروا أثوابهم من عند الشباب وصوت الزفة وريحة الشذاب والفل والريحان ملان البيت

أم حسام: بنات وين حطيتين عجين الحناء

سارة: في الثلاجة

أم حسام خرجت للباب: الحناء في الثلاجة

هاني: طيب المهم جاهز بنشله بعد الزفة

طلع شاف حسام جاهز والشباب يزفوا بأصواتهم أخذ حسام لحاله

هاني: مستعد تتصوروا

حسام متوتر: كلمهم يخرجوها مجلس شقة أي حد ما بتصور معاها قدام النسوان

هاني ضحك: طيب

نزل كلم أمه وراح لعند يزن المشغول بالإتفاق مع الفنان عشان الزفة كلمه هاني يدخل لآسيا لأن من عاداتنا ولي أمر العروسة يسلم العروسة لعريسها وإن كان تصوير

أم هاني: آسيا بنطلعك مجلسنا أمد تتصوري مع حسام

آسيا حست قلبها بيوقف: ضروري

أم هاني ضحكت: أيوة ضروري

آسيا وقفت والبنات زغردين ويزن واقف بعيد عن المجلس بعد ما منعوا الشباب من الخروج شاف أخته وأبتسم لحلاوتها وجمالها قدم لعندها وحب رأسها

يزن: حرسك الرحمن من كل عين أجمل وأحلى عروسة شافتها عيني

آسيا دمعت عيونها وبداخلها قهر وينه ووين حنيته ودعمه لها من زمان أحتاجت كل هذا من وقت طويل يزن شاف دموعها فهم مشاعرها حضنها

يزن: بعوضك وبكون لك الأب والأخ والصاحب وسندك وروحي قبل روحك

آسيا بكيت وأم هاني دمعت عيونها

أم هاني: خلاص إياد لا تبكي عروستنا بتخرب مكياجها

يزن يعدل الجو: أنا قلت أحلى عروسة شافتها عيني كانت مجاملة لأني ما شفت ولا عروسة في حياتي

آسيا خرجت ضحكتها بدون شعور

أم إياد تراقبهم وتبكي مسحت دموعها: طلعها عريسها بيبدأ زفته

يزن مسك يد أخته وساعدها تطلع لأن لبسها ثقيل ولابسة كعب والبنات خرجين يزغرطين دخلها يزن لأول شقة كانت شقة عمه طه دخلها للمجلس والهنوف دخلت بعدهم بالكاميرا

هاني: يلا يا حسام إنزل واقطب قده وقت الزفة

حسام أشر بمعنى تمام وطلع والشباب خرجوا للحوش ينتظروا له

وصل حسام لشقة خاله

النسوان: ولللللللللللللللللللللووووووووويييييييي
هلت عليه الزغاريط اللي خلت طبوول تقرع في قلب آسيا دخل ورانيا غلقت الشقة ورجعين للمجلس

يزن شاف حسام أبتسم له وراح يسلم عليه سلام الوجه وآسيا بتموت من التوتر

يزن مسك أخته وحطها بيد حسام: بترككم الآن تتصوروا براحتكم

حسام ما تجرأ يشوف وجه آسيا وأول ما خرج يزن رفع رأسه وشافها وانعجب أشدّ الإعجاب بعيونها

الهنوف: يلا اقربوا أصوركم

حسام قرب وماسك يدها: ليش يدك مثلجة

آسيا عيونها في الأرض ولا قدرت ترفعها

حسام قرب منها شدها من خصرها وقربها منه قرب وجهه من أذنها: ليش شفت عيونك بس وسحرتيني ليش لابسة القناع إبعديه أشوفك كامل

آسيا بتموت من الإحراج والهنوف أستغلت هذه اللحظات وهي تصورهم

حسام: أبعده

آسيا خافت: لا بتشوفني كامل بعد بكرة

حسام أبتسم: الله يصبرني

آسيا ماعاد تقدر تتحرك من كثر الإحراج أو تتحكم بتنفسها

الهنوف: آسيا إرفعي عيونك على عيون حسام

آسيا لبت الطلب وأول ما شافت عيون حسام لأول مرة تركز على لون البؤبؤ العسلي جمدت مكانها من الإحراج وحسام نفس الشي ما قدر يتمالك نفسه صورتهم الهنوف وبدون شعور من حسام حب رأس آسيا وألتقطت لهم صور كثيرة

حسام ترك آسيا: وقت الزفة

آسيا أرتاحت جلست وحاسة نفسها بينقطع والهنوف حبست ضحكتها قربت لعند آسيا تخفف توترها وحسام خرج للباب ودق

أم إياد فتحت: كملتوا

حسام: أيوة شوفوا لي طريق أنزل

أم إياد شافت طريق وحسام نزل وهاني خرج لعند حسين محب يكلمه يبدأ الزفة هو وفرقته

الفنان يجرب المايك: ألو ألو...

دقه دقتين: يلا شباب مستعدين لزفة أحلى عريس

الشباب بأعلى أصواتهم:..


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 184 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


دقه دقتين: يلا شباب مستعدين لزفة أحلى عريس

الشباب بأعلى أصواتهم: يييييييييييييييييييييييييي

المصور دخل قدام حسام ورواد يعمل له التعديلات الأخيرة

رانيا متحمسة: ماعاد فيش أحد نطلع الجباء

سارة: حوشنا أكبر من بيتنا كيف بنشوف الزفة بتكون بعيدة

هند: روحين فوق سقف المجلس الخارجي الشارع والزفة بتكون تحتكم

رانيا خافت: يمه والله لو يشوفونا ليذبحونا جدي كل شوية وعيشوف لطالع

سارة كالعادة حق مصايب: خلينا بس نروح وإذا جدي شاف نقول نسوان الحارة

رانيا: يلا

خرجين البنات للسطح وآسيا خلست بسرعة وبدلت لبست البرقع وطلعت للسطح

روان ضحكت: يا مجنونة

آسيا متحمسة: أشتي أشوف الزفة

بدأت الزفة من الحوش والحوش كله مليان الشباب والأصحاب قدام حسام وحسام عند باب الخروج والمصور قدامه يصور الزفة

الفنان بصوت شبه راب: 1 2 3 4

الشباب: هييييييييييييي

الفنان وفرقته: بسم الله

الشباب: هيييييييي

الفنان: ما شاء الله

الشباب: هييييييييي

الفنان: زفينا

الشباب: هيييييييي

الفنان: عريسنا

الشباب: هيييييييي

الفنان: بسم الله ما شاء الله زفينا عريسنا
بسم الله ما شاء الله زفينا عريسناااااااااا
عاااشوا عاشششوا على الشباب عااااشوا عاااشوا عاشششوا الشلة عاااااشوا

عاااشوا عاشششوا على الشباب عااااشوا عاااشوا عاشششوا الشلة عاااااشوا

بدأ الدق بالمزمار والطبل والشباب يرقصوا بحماسهم

الفنان: الله الله أيوة عاشوا

المزمار والطبل والتصافيق أرتفعت وزاد حماس الرقص

الفرقة: يا ناس أيش اللي حصل
الفنان: قالوا العريس وصل
الفرقة: فوق الرأس والمقل
الفنان: يا ألف مرحبا مليون
الفرقة: دقوا الطبل والوتر الليلة طاب السمر الليلة طاب السمر
الفنان: ياسين ياسين يا هلا بالعريس يلا يا شباب شعللوها

أرتفع الموسيقى مع الطبل والمزمار والشباب يصيحوا ويشعللوها ويرقصوا والأضواء تلعب حولهم والرقص كأنها ساحة معركة من قوة الحماس بالذات بين همدان وزياد الشباب ماعاد أهتموا لجدهم واستسلموا لحماسهم ودخلوا يرقصوا والحج صالح يشوفهم ومعصب فوق ما جابوا كل هذا وهو رافض أرتفعت التصفيقات بالحماس مع إيقاع الموسيقى وهاني رفع شاله ورقص بكل حماسه ورامي يتحمس معه اندمج مع الموسيقى اللحجي والرقص اللحجي والحماس يزيد

@rewayatyamania المصدر الأول للروايات

سارة تضحك: هههههههههههه  ذبيحة بعد بكرة أكيد هاني ورامي

رانيا: ياويلهممم من جدي والله

روان: بس يكفي حرقوا العرس برقصهم

يزن شعل الألعاب النارية من شق وياسر من شق

الفنان بحماس: ياسين على من يرقصوا ياسين

أبو هاني يشوف ملامح أبوه وكاتم ضحكته وأبو ياسر يشوفهم يرقصوا ويشوف أبوه ويضحك

خرجوا حسام من الحوش والزفة أشتعلت أكثر وقت خروجه للشارع وتجمعوا أربع دائرات للرقص والكل يرقصوا من قوة الحماس اللي شعللها الفنان وفرقته

آسيا عيونها على الزفة وعيونها تدمع وسارة ترقص بدون شعور والبنات يضحكين عليها

نجاة ترقص بيدها: أيوة أيوة وحقك يا هاني وحقك يا رامي وحقك يابو قعشة

البنات يضحكين على حماسهن بينما الحماس في الشارع والرقص يفوووووز والفشيش حول حسام من كل مكان

هاني مسك حسام ودخله لدائرة الرقص حقهم وحسام رفع سيفه وبدأ يرقص والشباب يصيحوا بحماس والبنات ونسوان الحارة يزغردين بأقوى قوتهن ويزن وياسر حرقوها ألعاب نارية مع رقص حسام.....

أنتهت الزفة وجلس حسام على كرسي في الشارع والفنان وفرقته وقفوا وحسين محب دخل أغاني والشباب يرقصوا صنعاني بحماسهم وبعد الرقص الصنعاني بدأت رقصة سامبا رقصوها أصحاب تعز وعلى رأسهم أمير اللي يعتبر الرقاص بهذه الرقصة

أمير يرقص والشلة يصيحوا ويحمسوه أكثر وأمير تحمس ورقصها بكل قواه الحماسية وكل الحضور مستمتعين والبنات يزغردين لرقص أمير وقفت الرقصة وبدأت الرقصة اللحجي وهنا الكل شعللوها برقصهم لما كملت الزفة زفوا حسام لداخل الخيمة وبدأت السمره والمقيل والبنات نزلين


آسيا: بروح اتروش

سارة: رانيا لا عاد تجلسي بننزل ننظف حق العشاء

الجيران والاهل والهنوف كلهن نزلين المطبخ ينظفين وكملوه بسرعة

وفي الخيمة حطوا الحناء دائرة صغيرة على وسط كف حسام ورأس الإصبع الصغيرة واللي عملوا معه واللي رفضوا واستمرت السمرة خارج للساعة 12 اللي روح بيته واللي باقي في السهرة بينما نسوان الحارة كلهم روحوا ماعدا بيت الحج كامل نظفين البنات البيت وراحوا لمجلس شقة آسيا وجالسات هناك يتفقين ويتجابرين ويسمعين الغناء من الخيمة لما أنتهت السهرة وقد الكل مراجمين من شق وطرف نايمين بعد سهر وشغل من أمس والخيمة فيها الضيوف نايمين مع همدان وزياد وأمير وكمان رواد اللي حب العرس وأخذ إجازة من شغله وقرر...




📚 @rewayatyamania  🇾🇪

.

البـارت 185 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


الضيوف نايمين مع همدان وزياد وأمير وكمان رواد اللي حب العرس وأخذ إجازة من شغله وقرر يهتم بحسام وكمان شباب أهل البيت وأبو هاني وأبو ياسر خرجوا بطانيات ودفوهم لأن قد الشباب تااااعبييين

أما داخل البيت البنات ما حسين بأنفسهن ودخلين نومة عمييييييقة
.
.

في صباح اليوم الثاني

من جديد يزن يستفز جده ويشغل الزفة والكل تاعبين بعد نومة أمس لكن الشغل اليوم خفيف بيغدوا ضيوف البلاد اللي عندهم في البيت بس وقبل ما تجي المنقشة يزن شل أخته لمحل الفساتين تشوف الفستان اللي حجزته ويعدلوه عليها ورجعت جت المنقشة طلعوها عند آسيا وآسيا بدأت تتنقش والشباب أستلموا غرفة نوم العرسان ومشغولين بتركيبها ماعدا رامي طبعاً لأنه يخرب

بعد ما خلصوا فرش الغرفة وتركيبها جهز الغداء والكل تغدا والبنات نظفين وتروشين عشان بيتنقشين والشباب كلهم راحوا لصالون حلاقة يحلقوا بعدها راحوا يزينوا السيارات واستلموا الطلبيات وجهزوا كل شي وجددوا حجز الخيمة عشان غداء بكرة ونومة الضيوف فيها

@rewayatyamania المصدر الأول للروايات

في الليل

يزن دخل شاف سارة خرجت وهي تبكي ورانيا بعدها قالبة صورة

يزن: مالهن

هاني: مدري

يزن راح لعندهن: سارة رانيا مالكن

سارة بكت أكثر وبشهقات: بكرررة الأبيض نسير مبهذلاااااات

هاني: مبهذلات أيشش ليششش تتبهذلين ناقصكن شي قصرنا بشي

رانيا شويه وتبكي: لا بس شفتوا أمس كم الضيوف وكملنا تنظيف العصر وما جهزنا وبدلنا إلا بعد العصر عاد بكرة المعازيم أكثر متى بنكمل بعد العصر ليش خيطنا الفساتين عشان نلبسهن ونمشط شعرنا ويلا نلحق الصالة

يزن: حجزنا لكن كوافير

سارة زاد بكاها أكثر: متى نروح متى بعد العصر ونسير القاعة بعد المغرب؟؟

رامي: نجيب طباخين يطبخوا وينظفوا وأنتين من الصبح روحين كوافير

سارة تمسح دموعها: كلمنا جدي وما رضيش قال مابلا إحنا

يزن: جدي عليا وبروح اليوم أحجز الطباخين لا تزعلين خلاص

يزن تركهم وراح لعنده جده شوية وخرج

يزن: تعرف طباخين يا هاني

هاني: أيوة رضي جدي

يزن: أيوة خلينا نروح نحجز

رانيا قفزت بفرحة: ييييسسسسسس

سارة فرحت ورجعين يكملين عملهن والشباب راحوا يحجزوا طباخين يطبخوا ويغسلوا بعد الغداء

(ننهي عرسهم ونختصر عشان أعطي بقية الشخصيات حقهم في أعراسهم لعاداتنا الباقية)
.
.

في القاعة بدأت زفة آسيا بحماس والشباب في قاعة حسام زفوه بعد الغداء في قاعة عرسه بوجود الفنان حمود السمة

أنتهت زفة آسيا وجلست على الكوشة
.
.

في أمريكا

إياد فتح الإتصال: نعم

المتصل: تعال لإنقاذ داليا قبل أن تجدها الشرطة

إياد وقف بفرحة: ماذا داليا أين أين هيَ

المتصل: ستجدها في ....... الغرفة رقم ......

غلق الاتصال وإياد شاف لفيكتور

إياد كلمه عن العنوان: أين هذا

فيكتور خاف ومصدوم: مركز للدعارة

إياد أنصدم: ماااذااااا لااااا هذا مستحيل داليا لا تفعل ذلك

ترك البيت وخرج بسرعة وساق بجنون وفيكتور بعده وإياد وجهه محمر وعيونه محمرة كل هدفه يروح ويشوف إن الموضوع كذب
.
.

في اليمن
في القاعة

قربت من آسيا شافت جمالها وحلاوتها واغتاظت وشبت نار الغيرة بقلبها وبدون نفس: مبروك

آسيا أبتسمت لها: الله يبارك من أنتي

رفأ أبتسمت بغيرة: رفأ حبيبة حسام

آسيا سكتت وهي تشوفها تلاشت إبتسامتها وأقتهرت

رفأ مدت لها الهدية: هذه هديتي لحسام سلميها له وقولي له من حبيبتك

رانيا شلت الهدية شافت لرفأ بإستحقار: حسام لو معه حبيبة كان حارب وتزوجها بس هو ما تزوج وحارب إلا على اللي جالسة فوق كوشتها الآن

سارة بنفس الإستحقار: يعني أنتي كنتي وسيلة يتلاعب فيها ويضيع وقته معاها على ما يبدأ حياته

آسيا مقهوووورة بس ما بينت أبتسمت لرانيا: هاتي يا رانيا الهدية عشان أجيبها لحسام يمكن حاجة تعجب زوجي، بالأخير هو حصل منها على هدية يعني ما حصل منها تكون له شريكة حياة

شافت لرفأ وأبتسمت: الهدية أكيد ولا شي جنب لما أجيب له عيال ويحملوا اسمه

رفأ أقتهرت وأغتاظت: وأيش فايدة شريكة حياة وأولاد وهي مش قادرة تكون بقلبه ، وقلبه ملكي أنا

روان: أوف يا آسيا بالله ذكريني لما فسختوا الخطبة وقلتوا له أخطب حبيبتك أيش فعل حسام؟؟؟

آسيا أبتسمت و بثقة: والله ترك البيت وجنن وقال ما برجع إلا لما تزوجوني آسيا ، فوق هذا جلس يراشيني أوافق عليه وإنه والله ما أكون إلا أنا او ما أكون.......
.
.

في أمريكا

وصل إياد ودخل المركز وهو يجري وكأنه يداهم وأمن المركز لحقوه وفيكتور بعدهم طلع بسرعة وهو يشوف أرقام الغرف ويدعي ربه إن اللي أنقال له مش صح شاف رقم الغرفة فتحها بقوة ووقف وهو يشوف لفوق السرير.......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 186 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


في اليمن

آسيا أبتسمت و بثقة: والله ترك البيت وجنن وقال ما برجع إلا لما تزوجوني آسيا ، فوق هذا جلس يراشيني أوافق عليه وإنه والله ما أكون إلا أنا او ما أكون

رفأ: بين أرحمكن على الكذب وأنا اعرف جدكم غاصبكم

نجاة باستفزاز لرفأ: أعتقد الرسالة موجودة يا آسيا اللي رسلتيها لحسام بعد ما فسختوا الخطبة صح؟؟ بالله روي البنت عشان ما تعيش بأوهام وتصحصح إنها كانت لعبة عند حسام

آسيا جابت التلفون لسارة وسارة فتحت التلفون على رسائل صفحة حسام

رفأ تقرأ الرسالة: حسام روح البيت خلاص وافقت تعال خلينا نكلمهم بقرارنا بس الله لا سامحك لأني بتزوجك وأنا مغصوبة عليك لا تفكر حب فيك بعد ما فرحت إن جدي فسخ خطبتنا تجي أنتي تغصبني عليك... أرجع بس لا تفرح أنا مش راضية فيك وموافقتي كله بسبب تهديدك وعمري كله ما بسامحك

قرأت رد حسام اللي كان بعد ساعتين تقريبا: أول ما شفتك وافقتي ترجعي لي ما عرفت كيف قمت من مكاني من الفرحة أنا عارف إني غصبتك وأجبرتك توافقي عليا رغم بعد جهد قدرتي تفسخي بس أنا مااقدرش أتخيل زوجة لي غيرك وكلمتك قبل ما أخرج من البيت آسيا خلقت عشان حسام وحسام ما بيفلتك لغيره... وأنا متأكد بيجي يوم وتسامحيني وتحبيني ونعيش حياتنا أفضل زوجين بس بعد ما نتزوج أنتي بتعرفي حسام....

رفأ مصدومة تركت التلفون ونزلت من الكوشة وهي تبكي

آسيا أقتهرت: زودناها يا بنات!

نجاة: لا زودناها ولا شي لو هي بنت ناس ما تجي لعند عروسة يوم عرسها وتفعل هذه الحركة ومن أول يوم تخرب حياة العروس وتقهرها ، عيب هذا اليوم يوم فرحتك بس الغل ملأ قلبها

سارة: أنا مع نجاة والا لو عندها كرامة ما تجي تسوي هذه الحركة يااختي روان وهي روان ما راحت تفعل هكذا بسمر وهو نجيب زوجها مش حبيبها لأن كرامة روان فوق كل شي ، يااختي ما رجعت له لأنه شكك فيها الإنسان معه كرامته هذه فين كرامتها جت تشتي تقهرك لكن حصلت حقها

آسيا مقهورة: بس أنا فعلاً أقتهرت يا سارة

رانيا: ليييش لأنها قالت إنها حبيبته كلامها مش قرآن يا آسيا انتي شفتي حسام على من جنن إستوعبي أنتي وهو ، حسام يحبك يحببكككككك بس هو بكله مش فاهم نفسه

آسيا بصوت مخنوق كاتمة بكاها: كنت ناوية اليوم أعترف له بحبي له

روان: إفعليها يا آسيا روحي اليوم وأعترفي له وأكسبي زوجك شوفي كيف جت لك لوسط عرسك والله إنها بتفعل جهدها عشان تخرب حياتك وتشل حسام وتتزوجه

الهنوف: آسيا الآن حسام حقك وحقوقك مش سهلة قاتلي عليها

آسيا سكتت وهي شوية وتبكي بس متحملة وتضحك كذب عشان رفأ ما تشوف قهرها وتتشفى إنها قدرت تسوي اللي تشتيه ورفأ تراقب وتبكي

@rewayatyamania المصدر الأول للروايات

في أمريكا

وصل إياد ودخل المركز وهو يجري وكأنه داخل يداهم ، وأمن المركز لحقوه وفيكتور بعدهم طلع بسرعة وهو يشوف أرقام الغرف ويدعي ربه إن اللي إنقال له مش صح شاف رقم الغرفة فتحها بقوة ووقف وهو يشوف لفوق السرير ومصدوم من منظر داليا

إياد دمعت عيونه من الصدمة دخل وغلق الباب قبل ما يوصلوا الرجال ويشوفوا داليا اللي فوق السرير نايمة ولابسة ملابس قصيرة ومش تمام أبداً ، كان يتلفت زي المجنون يدور شي يسترها به، أخذ بردة الغرفة وسحبها لما إختلعت راح بسرعة حطه فوقها وحول شعرها

إياد مصدووووم ومقهووووور: داليا داليا!

داليا ما ردت رفعها ولف البردة حولها وغطاها كامل وحملها فتح الباب والرجال قدامه مهاجمين

فيكتور مصدوم: ماذا بهاا!؟؟؟

إياد ما رد من قوة الصدمة ، تركهم وخرج والرجال كانوا بيلحقوه بس فيكتور وقفهم

فيكتور رواهم بطاقته وبتهديد: لن تقتربوا منه أبداً ولن يمسه شخص منكم وإلا سجنتكم جميعاً..

الرجال وقفوا بخوف إن اللي قدامهم ضابط شرطة وفيكتور تركهم وراح بعد إياد

إياد طلع داليا فوق السيارة من وراء ساق السيارة للبيت وفيكتور لحقه ، وصلوا للبيت ، دخلوا داليا لغرفتها وخرجوا

إياد جلس فوق الكنب حط يده على رأسه ونزلت دموعه وقلبه يحرق

فيكتور: لمَ الدموع ، يجب أن تفرح ، لقد وجدتها أخيراً؟

إياد بصوت مقهووور: أين وجدتها ؟؟
صرخ: أين وجدتها أين ؟؟ بحثت عنها في كل مكان ، ولكن لم أجدها ، وعندما وجدتها وقبل أن تغمرني السعادة أجدها في مركززز للدعارة هل يجب أن أفرح لهذا ؟؟ مستحيل أن تفعل داليا ذلك

قبض على يده بحقد: أحدهم فعل ذلك بها ، أحد ما إستغلها وعندما أجده سأقتله بهاتين اليدين

فيكتور إرتاح من ثقة إياد بداليا وفهم إنه ملعوب وداليا مش من هذا النوع ومستحيل تعملها ، خرج تلفونه وإتصل

فيكتور: إنجي هل تستطيعين القدوم إلى منزل إياد؟

إنجي: حسناً مسافة الطريق فقط......





📚 @rewayatyamania  🇾🇪

.

البـارت 187 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


فيكتور: إنجي هل تستطيعين القدوم إلى منزل إياد؟

إنجي: حسناً مسافة الطريق فقط وسأكون هناك

فيكتور: أنتظرك

غلق وشاف إياد اللي واضح على ملامحه الغضب والقهر جلس يحاول يهديه

إياد ساكت ودموعه تنزل نار تحرق قلبه حرق ما إقتهر بموت أمه وأبوه هكذا ، وفعلا أعوذ بالله من قهر الرجال هذا اللي يعيشه إياد ، قهره على عرضه، وشرفه ، قام وهو يشد على يده ويقبضها بقوة ويمشي حول الصالة وصل لعند الباب دق رأسه بالباب بقوته

فيكتور خاف عليه وقف: ماذا بك أيها المجنون مالذي تفعله؟؟

إياد خرج لقدام الباب جلس ونزلت دموعه بشكل مضاعف

فيكتور رفع رأس إياد وماسك لوجهه بيداته الإثنين: إياد ما بك لما هذا البكاء يا صديقي؟؟

إياد إنهار من البكاء: كتمت كثيراً يا صديقي،  وتحملت عبئاً كبيراً بمفردي ، لقد كنت قوي بتحمل كل شيء ولكن لم أعد أستطع التحمل ، أنظر كيف وأين وجدتها اليوم ، لم أكن قادراً على حمايتها ، قلبي حقاً يؤلمني بشدة لا أستطيع تحمل أكثر من هذا..

فيكتور شد على وجه إياد وبدموع: أعلم وأعلم أيضاً أنك تشعر بالوحدة وتشعر أنه لا أحد بقربك ويكون معك ، ولكن أنا هنا يا صديقي أنا بجانبك لا تستسلم لتلك المشاعر التي تهاجمك أصمد

إياد يبكي: فيكتور أنا خائف إن كان أحدهم قد لمسها

فيكتور: أشششش؛  لا تقل ذلك، ومن أجل أن تطمئن خذها إلى المستشفى

إياد خاف عليها: لا لا ذلك مستحيل لن أفعل ذلك ،  حتى إنني لن  أخبرها ، يجب أن لا تعلم أين وجدتها ، الفتاة مخدرة ، داليا لا يمكن أن تدخل إلى تلك الأماكن ، الذي فعل ذلك خدرها مسبقاً ، أنا أعرفها لكانت قتلت نفسها قبل أن تفعل ذلك ، وإن علمت لن تستطيع التحمل ، الفتاة تحملت الكثير والدتها أولاً ومن ثم والدها المجرم ثانياً وتعرضها للتحرش والهروب وإتهامها بالقتل وينتهي بها المطاف في مركز دعارة ، إن علمت بهذا لن تتحمل وقد تؤذي نفسها يجب أن لا تعلم

فيكتور تنهد: أعلم ذلك لذا طلبت من إنجي أن تآتي قبل أن تستيقظ لتغير ملابسها

إياد شافه: أجل يجب أن تُسرع قبل أن تستيقظ داليا لو إستيقظت وهي بذلك الشكل ستقتل نفسها حتماً ، ولكن ماذا إن تكلمت إنجي؟؟

فيكتور: لا تقلق أنا أعرف إنجي جيداً ، إنها أفضل بكثير من بقية الفتيات ستحتفظ بهذا السر

إياد تطمن ودموعه تنزل بدون توقف من القهر

@rewayatyamania المصدر الأول للروايات

في اليمن

في قاعة الرجال حمود السمة يغني والكل متفاعل ويغنوا معاهم ويسجلوا واللي يصور والأنس والراحة في قلوب الجميع ماعدا يزن وهاني وياسر ورامي اللي تكسروا ما فضيوا يجلسوا يحسوا بالعرس وهم كل شوية يروحوا لضيوف ويجوا لضيوف ويرحبوا بضيوف

يزن يوزع القات اللي شله الحج صالح للضيوف ويوزعه بين الحضور قرب من رامي وهاني وجاب لهم

هاني خاف: أنت مستوعب جدي هنا؟

يزن: خزنوا وأرتاحوا وجدي عليا وطلعوا قات لحسام

هاني أخذ القات وطلع لعند حسام اللي الشباب جنبه ينتبهوا له من الطباز

هاني مد له قات: خزن وكيف يا عريس

حسام مستغرب: مجنون أنت جدي بيقتلنا وسط العرس

هاني: قال إياد عليه وأنت تعرف كلمة إياد

حسام شل القات وبدأ يخزن وأغلب الحضور اللي يعرفوا الحج صالح إنصدموا والحج صالح شاف هاني و رامي وحسام مخزنين ضبح وقف بيروح لعندهم يقلب العرس

يزن أسرع لعند جده و مسكه

الحج صالح صاح: إياد فلت زيدوا بها

يزن يهدي جده: إهدا يا جد أنا خليتهم يخزنوا بقول لك ليش

الحج صالح بعصبية: ليشششش؟؟؟

يزن: الضيوف ضيوفنا والعرس عرسنا يعني الرجال هولا كووووووولهم جوا يخزنوا عندنا ومعانا وعيب يجوا يخزنوا ومحد من أهل العرس والعريس مش مخزنين ما بيرتاحوا ، لو تركز الكل حاطط قاته بيخزنوا عودي ويفلتوا بس شوف الكل كيف خزنوا وأرتاحوا بعد ما خزنوا الشباب

الحج صالح شاف الكل ولاحظ فعلا كمان شاف إن يزن معه حق كيف ضيوفهم ومحد منهم مخزن

الحج صالح هدأ: طيب هو يوم المهم لا يتمولعوا ويقلبوها موالعة تخازين

يزن أبتسم له: إبشر

الحج صالح: الله يرضى عليك يا ولدي أنت العاقل بينهم كلهم رغم ما عشت باليمن بس ملتزم بالعادات وحافظ أصول القبيلة

يزن أبتسم بقهر وبينه وبين نفسه تعلمت الأصول من أمي اللي تقولوا عنها بدون أصل هي علمتني للأصول والقبيلة اللي كلكم تتفاخروا فيها

الحج صالح: إنتبه للعيال أنا مااشتيش يضيعوا مستقبلهم بين التخازين والقات ما بعد القات إلا الدمار بيمكنوها سهر وسمرات ولما يتزوجوا بيهملوا نسوانهم وجهالهم وسهر للفجر ماعاد أحد يبكر من الصبح يشوف رزقه وبيضيع مستقبله والرزق تتوزع مع صلاة الفجر ومن سعى بعدها

يزن مقدر لنظرة........


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 188 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح: إنتبه للعيال أنا مااشتيش يضيعوا مستقبلهم بين التخازين والقات ما بعد القات إلا الدمار بيمكنوها سهر وسمرات ولما يتزوجوا بيهملوا نسوانهم وجهالهم وسهر للفجر ماعاد أحد يبكر من الصبح يشوف رزقه وبيضيع مستقبله والرزق تتوزع مع صلاة الفجر ومن سعى بعدها

يزن مقدر لنظرة جده من هذه الناحية ومحترمها: يا جد هذولا أحفاد صالح وأحفاد صالح ما يضيعهم شي

الحج صالح ربت على كتف يزن وجلس وهو مرتاح لوجود يزن بين أحفاده

أبو ياسر أبتسم وهو يشوف كيف يزن يقنع أبوه وكيف يتمرد والحج صالح متعلق بيزن قوي

أبو ياسر: اااح اااححح بس لو تعرف حفيدك هذا اللي تحبه إنه حفيدك اللي أنت مش معترف فيه
.
.

في قاعة النسوان

الفنانة وقفت عن الغناء والمصورة تصور آسيا

الفنانة: معانا الآن إهداء العريس حسام أغنية لعروسته آسيا وعشان أحلى عروسة سمعونا أحلى زغرودة

أرتفعت صوت الزغاريد والمصورة طلبت من آسيا ترقص على إهداء حسام عشان تصورها فيديو آسيا نزلت عشان ترقص والزغاريط أرتفعت

بدأت أغنية حلم سنين لتامر حسني وآسيا ترقص والحضور يزغرطوا ، ورفأ بعيد في آخر القاعة تبكي

ملاك تشوف آسيا ومستمتعة هذا العرس الوحيد اللي جت له وسمحت لها أمها تخرج معاها طبعاً بعد إصرار أمير إنه عرس أعز أصحابه وعائلتهم ولازم يحضروا لأنه يعتبر العريس مثل أخوه

أم ملاك عيونها على رانيا: بنت ركزي على اللي لابسة حرير أزرق

ملاك عيونها على رانيا ومبتسمة: بتفكري باللي أفكر فيه

أم ملاك أول مرة تكلم بنتها وتبتسم بس عشان إبنها: أيوة نفس ما يتمناها أمير تماماً

ملاك ركزت نفس أمها إن البنت اللي يجلس أمير يشرح مواصفات زوجته المستقبلية أغلبها في رانيا: أشغلنا بمواصفات بنت أحلامه وطلعت من أهل صاحبه وهو ما يعرف

أم أمير: وأنتي أيش عرفك إنها من أهل حسام؟؟

ملاك: عاد يمه باااااين البنت مكوفرة ولابسة فستان فخم

أم أمير: يمكن صاحبة العروسة؟

ملاك غمزت لأمها: أروح أشوف الوضع

أم ملاك: أيوة شوفي من هي وإذا مخطوبة أو لا كل التفاصيل

ملاك تحمست وقامت: طيب

@rewayatyamania المصدر الأول للروايات

في أمريكا

إنجي في غرفة داليا لبستها لبس محتشم عشان لما تصحى تطمن خرجت وبيدها الملابس اللي كانت فوق داليا

إياد يشوف ليد إنجي وعيونه محمرة من الحقد وفيكتور ملاحظ

فيكتور راح بيأخذ الملابس: لمَ لا ترميها؟

إياد وقفه بصوت حااااقد: توقففف

فيكتور شاف إياد ، وإياد قام أخذ الملابس من يد إنجي وراح حطهم في كيس ودخل غرفته وخباهم وإنجي وفيكتور مستنكرين فعلته ، خرج ورجع يجلس مكانه وهو قابض يده ويشدها من قوة القهر والغلب

إنجي: لمَ خبأت تلك الملابس؟؟

إياد شافهم بملامح غضب الرجل الغيور: تلك الملابس ستبقى حتى أعلم من ألبسها ، سأحرقه بتلك الملابس هذا وعد وعهد مني لداليا

فيكتور وإنجي شافوا لبعض وهم مقهورين
.
.

في مركز الدعارة

لينا ذاكرة الكيمرة

جان شافها: أعطني الذاكرة

لينا: لا ليس قبل أن أحتفظ لي بنسخة

يارا: كان هذا إتفاقنا منذ البداية

جان: حسناً إحتفظي بنسخة ولكن إياكِ ونشر ذلك سألحقكما بالعجوز المسن

لينا نسخت وهي تبتسم بخبث بعدها جابت الذاكرة لجان وخرجت ويارا بعدها

جان يشوف للذاكرة وهو يفكر كيف يرجع داليا لعنده وخايف لو يكلم إياد
.
.

في اليمن

ملاك تسلم على البنات: أنا أخت أمير

سارة ابتسمت: حيااااا أيوة كلمني هاني إنو أهل أصحابه بيجوا وين أمك ؟؟

ملاك أشرت لعند أمها: هذيك هي

سارة وقفت: إجلسي بروح أعرفها على أمي

ملاك جلست وهي ما تعرف إنهن خوات راحت سارة لعند أمها تكلمها وأم هاني راحت تسلم على أم أمير

أم أمير تسلم عليهن وأم هاني جلست جنبها

أم أمير: ما شاء الله هذه القمر بنتك؟

أم هاني أبتسمت: أيوة بنتي وهذيك الثانية بنتي
وأشرت لعند رانيا

أم أمير فرحت: ما شاء الله كل واحدة أحلى من الثانية

سارة أنحرجت وراحت لعند البنات

أم أمير ضحكت: أحرجنا البنت

هند سلمت على أم أمير وجلست جنب أختها أما أم إياد وأم حسام فهن مهتمات ببقية الضيوف

أم أمير: يعني العروسة بنت العائلة الكبيرة؟

هند: أيوة

أم أمير عينها على رانيا: طيب وبناتك متى عرسهن؟

أم هاني: بناتي عادهن مش مخطوبات الله أعلم متى يكتب الله لهن النصيب

أم أمير فرحت وتعارفوا وجلسوا يتكلموا بمواضيع كثيرة
.
.

في مكان ثاني

أم روان: والله أشتقت لأيامنا متى نلتقي ونجلس مثل زمان

أم همدان تنهدت: والله تعرفي حالتي من بعد موت رتيل الله يرحمها ومصايب و سيرة همدان الجبهة والهموم ما عاد خلت لي نفس للخرجات

أم روان مقهورة عليها:...





📚 @rewayatyamania  🇾🇪

.

البـارت 189 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أم همدان تنهدت: والله تعرفي حالتي من بعد موت رتيل الله يرحمها ومصايب وسيرة همدان الجبهة والهموم ما عاد خلت لي نفس للخرجات

أم روان مقهورة عليها: وزد أنا وفيتها عاد انا كنت أجي عندك بس من مصايب روان من أيام عرسها من وليد وإحنا من مصيبة لمصيبة ولا عاد قدرت ابدي عليش أعذريني

أم همدان: عذرش معش ومصايبش هي مصايبي والله إن قلبي وهمي عند روان لكن الله يعوضها

أم همدان: يارب


عند البنات

ملاك فارحة: يعني منتظرة نتيجتك ؟

رانيا: للأسف

ملاك: متوترة؟

سارة ضحكت: هذه تتوتر هذه آخر همها الدراسة

@rewayatyamania المصدر الأول للروايات

في أمريكا

فيكتور وإنجي روحوا وبقي إياد منتظر متى داليا تصحى ويفكر كيف يبرر لها أغلاطه وأيش بيكون عذره لها كل الأعذار ما تشفع له
.
.

عند داليا

فتحت عيونها جلست شوية مش مستوعبة شي ، ولا مستوعبة فين هي ، قامت من مكانها شافت غرفتها وإنصدمت مش مستوعبة إنها وسط بيتها قامت بسرعة شلت طرحة لبستها وخرجت

إياد سمع صوت فتح الباب شافها قدامه إستوعب إن داليا خلاص لقاها وقدام عينه وفي بيته، الفرح والقهر والغلب والخوف والتوتر والراحة والغضب كلها المشاعر مهاجمة لقلبه

داليا قبضها قلبها وهي تشوفه نزلت دموعها بدون ما تنطق

إياد بقهر: آسف

داليا مشت بخطوات بطيئة لقدامه: على أيش آسف يا إياد؟؟

إياد وقف وداليا رجعت لوراء بخوف

إياد إستغرب: داليا مالك ؟؟

داليا بهدوء: خايفة منك

كف توجه لإياد وكأن جبال العالم نزلت بثقلها فوقه من كلمتها

إياد نزلت دموعه: داليا إسمعيني أنا و الله آسف...

داليا قاطعته بصراخ: أااااانننننت مش آااااااااااااااااااااسف يا إياد أنت صدقت الإتهام على أبي ورحت تسكر وما أهتميت للبنت الضعيفة اللي ماععععاااااد معاااااها أحد من أهلهههاااااا ولا حول لها ولا قوة ، بقيت أنتتتتت الوحيد لها رحت تسكر وسمحت إني أتعررررررض للتحرشششششش وأنتتتتت جنبيييييي

إياد أقتهر ما عرف أيش يرد

داليا زاد صراخها بعصبية: أنتتتتت أنتتتتت إللي كان المفروض تحمينيييييي و أنا أتعرض للتحرشششش صيحححت لك لما رااااااااح صووووووووتي دقيييت باب غرفتكك وأنا أستنجد فييييك عشان تنقذني وتحميننني يا اخي إذا مش مهتم فيني تذكر إننييي شرررف وعرض أخوووووك وشرررف أخوك وعرضه عرضككككك وشرفكككك

إياد زاد قهره و صاح: أنتيييي شررررررفي وعرضييييي، أنا مش بس يزززززززززن

داليا شلت الجهاز بكل عصبيتها ورجمته: ككككككيف شرفكككككك وعرضككك وأنتتتتتت ما قدرت تحمينيييييي!!!!

أخذت صورة يزن اللي فوق الماسة ورجمت إياد: ويييييين كنت لما تحرشوا بييييي؟؟

رفعت يدها بتشنج و بكاء: ويييييين كنت لما كنت هاربة من خبث الناااااااس؟؟

أخذت المزهرية ورجمته وهو يحاول يتلافى كل الرجمات ويغطي بيده ويجي فوقه

داليا تشنجت أكثر: وووويييينكككككك يوووووم قتلوووووا عجججووووزززز حمااااااني وعششششتتتت معه في غااااابة وقتلووووووه وإتهمممممووووني بقتتتلللللههه؟؟

أخذت صورة ثانية ورجمته: وينك وأنا هاربة من الشرطة وكأني مجررمممممة وينننككككك يا إياااااااد وينننكككككككك؟؟؟

جلست في الأرض تبكي بحرقة عن كل اللي عاشته: وينككككك أنتتتتتتت مش عارف أيش عشتتتتتتته ولا أيش مريت فييييييه
شهقت بألم و مسكت على قلبها: وينككككككك وأنا أعيش كل يوم الخوووووف والرعب وينكككككككك وينكككككك؟؟

إياد جلس جنبها وبكي: أنا غلطت يا داليا وما قدرت أحميش ضعفت لوجعي وألمي وشربت ، بس اللي حصل معك هو اللي بعدني عن كل هذا والله يا داليا بطلت أشرب وكنت أدورك ليل ونهار

داليا قامت وهي منهارة: خليك بعيد عني يا إياد أنا معاد أأمن على نفسي معك أنت أكبر خوف لي أنت أكبر خوف بحياتي بعد النذل إللي يتحرش فيني ، لا تلحقني يا إياد لا تلحقني إنتبههههه

مشت بتخرج بس إياد قام بسرعة مسكها وهو مرعوووب يرجع يضيعها من جديد

إياد ماسكها: لا يا داليا ما بضيعك مرة ثانية أنا مش مصدق لقيتك

داليا دهفت إياد بقوتها: ما بعيش معك بحمي نفسي من نفسي

إياد قام ومسكها وقدها في الباب دهفها لداخل وغلق وهو ماسك يدها: ناسية إنك مطلوبة من الشرطة

داليا ضربت إياد بس إياد أقوى ما قدرت تفك نفسها منه سحبها لغرفتها وغلق عليها

داليا تدق الباب بقوتها: إفتح أفتححححح يا إياااااد أفتحححح الباب وإلا والله لتصل للشرطة و أسلم نفسي والله

إياد مقهور: من وين بتتصلي لهم؟؟

داليا أقتهرت راحت لطاقة غرفتها فتحتها شافت المسافة من غرفتها للأرض مسافة كبيرة أخذت الطرح حقها وربطتهم ببعض ورجمتهم شافت ما وصل للأرض وداليا تصيح وتبهذل عشان إياد ما يشك......


https://tttttt.me/+Ecxq_OzMYh40M2E0



📚 @rewayatyamania  🇾🇪