.

البـارت 121 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


يزن يبكي: اللي قاهرني محد حاسس ايش فقدت يا ياسر انا خسرت امي اللي بسببها رجعت لوطني وهي كانت وطني الاكبر انا خسرت جنة الدنيا محد حاسس بوجعي وحرقة قلبي كنت متأمل ترجع اليمن ونكمل حياتنا كلنا عائلة واحدة واكل من طبخها اللي كان يجنني كنت اقول مصيره جدي بيجي يوم ويطعم طبخها ويقول هذه ربة بيت ويفتخر فيها وباخلاقها وطيبتها بس كل هذه الأحلام صحيت منه بواقع بشع بشع بشع....

ام اياد دخلت وهي تبكي: لهذه الدرجة تحبها؟؟

يزن وياسر شافوها وشافوا دموعها واقتهروا

ام اياد: لهذه الدرجة كانت لك الام اللي ما قدرت اكونه انا لك

قربت منه شافت للصورة اللي بيده اقتهرت وزاد بكاها: لهذه الدرجة يا اياد كان قلقي عليك على الفاضي من زوجة الاب لهذه الدرجة قدرت تحتويك

يزن حضن ام اياد: حبيتها من حبي لك يمه انا يحق لي ابكي عليها لانها عوضتني غيابك

ام اياد حضنته وياسر مقهووور لو تعرف عمته ان ابنها الحقيقي يكرهها ومش معترف فيها وانه ما يحب الا طبينتها اللي تغار منها يزن شافه ودموعه تنزل
.
.

في المطبخ

البنات يجهزين العشاء لان اليوم هو اول ايام العشر وسارة عزمت اليوم انها هي اللي تطبخ عشان تطبخ ليزن كل اللي يحبه لانه ما يأكل الا فواكه او عصاير ولو سوت له المكرونة يرفض وهو يتذكر امه وقدرت بمساعدة ياسر تفعل الكثير

رانيا شمت الطبخ: الله ما عرفتش طباخة يا سارة شم المطبخ جوناااااان

آسيا تقطع الخضار: من علمش

سارة تقرأ الورقة: ياسر كتب لي كل شي بورقة

ياسر كتب لها كيف يحب يكون الحوايج بين الاكل وكيف يحب البسباس وكل شي بطريقة عمته سحر وهو يشوف اهتمام سارة فيه عرف انها تستحق الثقة بأنها تكون مثل امه بطبخها لان أسلوبها معه شابهه باسلوب عمتها معاهم كلهم

رانيا ابتسمت برضى: كله عشان اياد ويارب تلاقي نتيجة

سارة تكمل الطبخ: يارب

غطت على الطبخة: كملت الآن بطلع لعند اياد انتبهين للطبخة

البنات: طيب

@rewayatyamania المصدر الأول للروايات

في غرفة يزن

ام اياد قامت: بسير اقرأ قرآن

يزن: تقبل الله

خرجت وراحت غرفتها على دخلة سارة

سارة شافت ليزن: مستر امريكانو اليوم بتنزل تتعشى صح

يزن: لا

ياسر اشر لها تغصبه وهي اصلا ناوية

سارة: اخخ كم تعبت وانا اسوي مكرونة عشان اجبر خاطر معدتك وانت ولا يوم جبرت خاطري واكلت لا واليوم لأول مرة سارة تطبخ وتتعب وسوت لك المكرونة والزربيان والسلتة الفحة والشفوته الخضراء وشوربة الدجاج وبنزل الآن لأول مرة اقلي السمبوسة فعلتها مع الدجاج المقطعة والبطاط والبصل والكبزرة وشاسوي بنت الصحن كل هذا عشان تكسفني وتقول لا طيب انا بنزل اكمل عملي براحتك يا مستر امريكانو

نزلت ويزن ابتسم بدون شعور من أسلوبها اللي يدخل قلبه وياسر شاف ابتسامته وافتكت ألف ازمة في قلبه
.
.

في بيت نجيب

سمر شافت مافيش احد واتصلت لوليد

وليد: هاه ايش قررتي

سمر بكت: فين نلتقي

وليد ابتسم وجاب لها عنوان شقة أصحابه العزابيين وطلب منهم يفضوا له الشقة......
.
.

في بيت ابو روان

نجاة تراقب من طاقتها متى بيخرج هاني واخيراً خرج ابتسمت لا إرادي جلست تراقبه لما اختفى رضى قلبها بهذه الشوفة ونزلت للمطبخ تسوي العشاء مع روان
.
.

في بيت لأول مرة ندخله

ام الهنوف: هنوف سيري سلمي على عمتش بيت عمش جوا

الهنوف توترت لانها بتشوفه غطت شعرها وخرجت تسلم

الهنوف: حيااااا حيااااا بعمتي

ام أسامة: الله يحييش حيااا بقمر عمتها

أسامة جنب امه وعيونه على الهنوف والهنوف اتوترت من نظراته

ام الهنوف دخلت: سيري ابسري الطبخة لا تحرق

الهنوف قامت تشوف الطبخة وأسامة يراقبها

أسامة قام: بروح للبقالة تشتوا شي

الكل: سلامتك

خطى لما قده قريب من المطبخ تأكد انه مافيش احد دخل لعند الهنوف

الهنوف بخوف: يا مجنون لحد يشوفك

أسامة: مجنون ايش اسوي اشتقت

الهنوف خافت: قواا يا أسامة اخرج والله لو يجي ابي ليذبحك ويذبحني

أسامة اقتهر: كلمت ابي عشان نتقدم وابي رفض

الهنوف ضحكت بقهر: اصلا لو وافق ابوك ابي بيرفض والآن اخرج ولا ترجع عشان ابي بيزعلكم

أسامة خرج: مصيره بيجي يوم ويتقبلنا

خرج للبقالة وشاف عمه وصل البيت وطلع

ابو الهنوف شاف ام اسامة واقتهر بنفسه يطرده نفس ما يطرد أخوه وابنه بس هي مكلف

ام الهنوف وام أسامة خافين من نظراته تركهم ودخل

ام الهنوف بقهر: والله ما اركنك يلين قلبه ويتصافوا هو وزوجك

ام اسامة: ضروري نحاول كم بيجلسوا يتعادوا وانتي عارفة مستحيل يوافقوا نزوج أسامة والهنوف واحنا نشتي نفرح بعيالنا ما بلاقيش بنت لابني مثل الهنوف يااختي

ام الهنوف: كيف تفرقوا وتشتتوا عشان ورث الله لا جعله ورث يفرق بين الاخوة ويقلبها عداوات

أسامة دخل البيت: .....




📚 @rewayatyamania  🇾🇪

.

البـارت 122 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


ام الهنوف: كيف تفرقوا وتشتتوا عشان ورث الله لا جعله ورث يفرق بين الاخوة ويقلبها عداوات

أسامة دخل البيت: الله الله

ابو الهنوف خرج وشافه: ايش جابك

أسامة اقتهر: جيت اشوفك يا عم

ابو الهنوف: روح لا انا عمك ولا اعرفك اخرج من بيتي واذا عشان امك بتتعشى هنا واوصلها لبيتكم معززة مكرمة

أسامة زاد قهره وخرج والهنوف بكيت وهي تتمنى ابوها يلين قلبه على أسامة ويتزوجوا وام أسامة جلست عشان يلين قلب ابو الهنوف بس بدون فائدة

@rewayatyamania المصدر الأول للروايات

في بيت الحج صالح

ارتفع اذان المغرب فطروا بماء وصلوا بالجامع ماعدا يزن في غرفته رجعوا من الجامع والتموا على السفرة وسارة بدأت تأكل وعيونها تدمع من القهر ان يزن ما نزل حست بحد جلس قدامها رفعت راسها شافته وابتسمت طوالي بدون شعور ودموعها نزلت مسحت دموعها بسرعة

يزن شافها وشاف دموعها اقتهر اول ما شافها تمسح الدموع وابتسمت لما شافته عرف انها كانت بكت لانه ما نزل ابتسم لها وكأنه يقول لها جيت عشانك بس والكل شافه وفرح ماعدا آسيا ما اهتمت اما ياسر من داخله يرقص رقص وحسام ابتسم وهاني ورامي فرحوا قوي وام اياد حست براحة اول ما شافته والحج صالح ارتاح بس ما بين

يزن اخذ السمبوسة واكلها وعلى طول وقف الاكل والكل ملاحظ كتم مشاعره وهو يأكل ومش ناسي طعم هذه السمبوسة كملها واكل الثانية وصورته اقتلبت والكل مركز اخذ الملعقة وشرب الشوربة ونفس الشي كمل طاسة غصب رجع يأكل الشفوت والزربيان والمكرونة ويكتم كل مشاعره وياسر وهند وأبو ياسر بس اللي فهموا عليه اخذ خبزة واكل السلتة وعلى طول دموعه نزلت

سارة اقتهرت ما فهمت ليش نزلت دموعه

يزن يأكل ودموعه تنزل لما كمل وقام وهو يحس ان روح امه جت وطبخت له

سارة وقفت: راعي اجيب لك بنت الصحن

راحت المطبخ وخرجت ثلاثة صحون بنات الصحن رشتهم بعسل وقطعت صغيرة شافته واقف عند الباب قدمت له القطعة حقه وهي خايفة ما يعجبه نفس الاول

يزن اخذ القطعة واكلها نفسها نفس اللي تسويها امه تماما حس ان امه حرفيا جنبه الآن وهي اللي تطبخ له وتدلعه بالاكلات اللي يحبها

يزن شاف الصحن اللي قطعت منه شل الصحن كلها وسارة استغربت

يزن: بكرة افعلي لي المعصوبة والسوسي

تركها وطلع وسارة ما فهمت هو ما عجبه طبخ اليوم ويشتي شي ثاني والا عجبه وطلب منها ما فهمت شي رجعت للسفرة وبيدها الصحنين حق بنت الصحن

آسيا: وين الثالث؟؟

سارة: شلها اياد كلها

ياسر شاف لعند امه وابتسم

هند تأكل وتشوف لعند سارة: اليوم الطبخ كأنها سحر اللي طبخت صح في اختلاف بس نكهة طبخ سحر موجودة في كل اكلة

سارة شافت لعند ياسر وياسر طمنها بالإشارة وهي فرحت جدا

صالح ما حب يزعجهم ويقول لحد يذكرها قام من فوق الاكل

ابو ياسر شاف سارة: حلو لو اشتقنا لطبخ سحر معانا من تطبخ لنا

رامي: عشان هكذا كان بكي اياد

ياسر: ايوة هو كان يحب طبخ عمتي قوي

هاني شاف اخته: اذا تحملي بتطبخي له متى ما طلب منش

سارة سكتت وهي فارحة ان تعبها جاب نتيجة مرضية والكل قام والبنات رفعين

ياسر شاف رانيا وآسيا دخلين المطبخ وباقي سارة ترفع راح لعندها

ياسر: الاكل عجب يزن وعجبه قوي

سارة فرحت: طلب مني بكرة اسوي معصوبة وسوسي

ياسر فرح: لا تقلقي بقول لش كيف تفعليها

سارة قامت وبيدها الصحون: انت ايش عرفك بطبخ عمتي

ياسر اقتهر: كنت ما احس بأن معي عائلة الا عندهم وعمتي لما كانت تطبخ كنت ادخل عندها وتكلمني واكلمها كنت احسها ام وانا عندها واراقبها واشوف كيف تطبخ حتى احيان تتكلم وتقول بهذه الطبخة بقلل البهارات عشان اياد وبهذه بزيد لان يزن يحبها زيادة وانا اعرف اياد ويزن وحافظ كل تفاصيلهم اكثر من تفاصيلي

سارة ابتسمت وهي فارحة: الحمد لله لولا مساعدتك ما قدرت اسوي شي وهذه النقطة جت لصالحي اليوم اكتب لي كيف اصلح المعصوبة والسوسي

ياسر: طيب بطلع لعند اياد

سارة: وانا بدخل اغسول

ياسر تركها وطلع شافه يأكل بنت الصحن بشهية كبيرة

ياسر ابتسم: بالعافية

يزن بعالم ثاني بعالم طبخ امه: انت علمتها

ياسر ابتسم: شغفها للاهتمام بك وتخرجك من اللي انت فيه هو اللي علمها

يزن يأكل بدون ما يرد لما كمل الصحن ولاول مرة يأكل هكذا من بعد موت امه وابوه
.
.

في امريكا

انتشرت صور داليا في كل مكان وكل مواقع التواصل وووووو والعجوز اللي عنده داليا طلع المدينة باع الأعشاب شاف صورها وانه في مكافأة كبيرة تغنيه وتغني من يلقاها استغرب ليش هذه المكافأة عليها رجع للغابة شافها تقطع اوراق الأعشاب وراح لعندها

العجوز: ان صورك على جميع الشوارع ومن سيجدك سيكسب مكافأة بمقدار خمسة ملايين دولار

داليا سكتت بخوف

العجوز: لا تقلقي ماذا سأفعل بالمال وانا أيامي معدودة وليس لدي ابناء

داليا....




📚 @rewayatyamania  🇾🇪

.

البـارت 123 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


العجوز: لا تقلقي ماذا سأفعل بالمال وانا أيامي معدودة وليس لدي ابناء

داليا جمعت الأعشاب ودخلت الكوخ وبدأت تسوي الأدوية والخلطات بصمت والعجوز حس بارهاق دخل ونام
.
.

عند اياد

بدأ يشرب وهو يفكر بداليا شافه فيكتور وسحب القلص من يده ورجمه

جان: هي مابك

فيكتور بتهديد: كن بعيداً لا اود الشجار معاك

اياد سكران خفيف: دعني اريد شراب المزيد

فيكتور سحبه وخرجوا من عند الشباب وداه للبيت وغلق

اياد: مابك لما لا تدعني انهي شرابي

فيكتور صرخ: هل نسيت انه محرم على دينكم؟؟
زاد صراخه: حسناً هل نسيت ان بسببه هربت داليا ان لم تكن سكيرا لمَ هربت وكنت انت من حميتها ولكنها هربت لانها شعرت اصبحت دون حماية وهل ستبحث عن داليا وتجدها وانت بهذا الحال

اياد ما تحمل وصرخ: ماذذااا افعل ماااذا ماذا قل لي كيف لي ان اعيش مع ألمي هذا

فيكتور هزره: بأن تتقبل حقيقة ألمك وتتعايش معه مثل يزن الآن وداليا ايضاً
وبقهر: هل سترضى ان داليا حتى تنسى ألمها تقوم بالمحرمات والخمر وتخلع الحجاب وتذهب للبار؟؟

اياد عصب من تفكيره: طبعا لا.....

فيكتور قاطعه بصراخ: حتى هما لا يرضون هذا لك لا يزن ولا ياسر ولا داليا اصحى على حالك

اياد استوعب شوية وبكي: انقذني من هذا يا فيكتور انقذني من هذا اريد فقط ان اجد داليا ارجووك يا صديقي

فيكتور مسكه: اعدك يا صديقي انت فقط ابتعد عن الشراب اعلم ستستطيع ما زلت في البداية

@rewayatyamania المصدر الأول للروايات

مرت الايام وسارة تعمل الطبخات نفس ما يعلمها ياسر ويزن اصبح يأكل معاهم عشان الطبخ ويرجع غرفته بس سارة متأكدة انه معاها معاها بترجع شغف الحياة ليزن وترد له روحه اللي غادرته...

سمر التقت بوليد وخانت ربها ونفسها وزوجها وأهلها عشان بس توحم وتتطلق روان استمرت بالروحة عنده لعدة ايام...

أسامة يحاول مع عمه بس بدون فائدة

وإياد قدر بمساعدة فيكتور يبتعد عن الخمر ومستمر بالبحث عن داليا وصحبته بجان باقية قوية بس كل ما دهدهه جان يشرب اياد يتذكر ربه ويتذكر سبب ضياع داليا منه ويتعوذ من الشيطان ويرفض...


واليوم هو يوم الوقفة وليلية العيد وفي الليل والبنات يسوين الكعك ياسر علم سارة طريقة بسكويت كانت تفعلها ام يزن وكان يزن يحبها مع القهوة المرة والكل مشغول عشان العيد ماعدا يزن وسارة كملت تسوي البسكويت سوت قلص قهوة مرة وطلعت

يزن شافها: ادخلي

سارة جابت له البسكويت والقهوة

يزن ابتسم بقهر: اخخ منك يا ياسر

سارة ضحكت: خلاص هذا الآدمي رئيس اعمالي

يزن ضحك وضحكته وابتسامته من يوم الموت ما تخرج الا مع سارة شل البسكوت والقهوة غمس البسكوت في القهوة واكلها وغمض عيونه بتلذذ

يزن نسي نفسه: اخخ يمه انا فدا ليدش

سارة اقتهرت ويزن استوعب كمل يأكل سكتة وهو مقهور

سارة شافته كمل الصحن شلت الصحن من يده: فعلت لك كثثثير تشتي اجيب لك تعيد معانا

يزن قام بحماس: مابش معي ثوب العيد

سارة ضحكت: اخرج اشتري

يزن شل كوته ولبس: تخرجي تختاري لي؟؟ شوفي قدش تفعلي طبخ امي وتدلعيني نفس ما كانت تدلعني باقي تنقي لي اللي بلبسه اول العيد

سارة: اوووه الشيخ اياد تحمس ونسي ان معانا الحج صالح

يزن خرج من الغرفة: انتي سيري تجهيزي بس

نزل وراح لغرفة جده: عيد مبارك مقدما يا حج

صالح شافه وابتسم: حيا حيا بولدي

يزن حب راسه: ان شاء الله عريس

الحج صالح ضربه بعصاه: احترم جدك يا ولد

يزن: يا جد اشتي اخرج انا والشباب والبنات

الحج صالح: ما يخرجين البنات يسوين وقده ليل

يزن: ضااااابح يا جد ماقد خرجت من لما ماتوا امي وابي والآن اشتي اخرج هيا لا تقول مع

الحج صالح بنص عين: يعني الآن تتمسكن لي

يزن ببراءة: عشان نفسيتي يا حج

الحج صالح ضربه بالعصا: طيب اخرج قبل ما اصدقك انك حساس اخرجوا ولا تتأخروا

يزن قام بحماس وحب جده وخرج وهو فارح والحج صالح مستغرب كيف هذا الولد بيقدر يمشيه على ما يشتي فوق هذا يتمرد وفوق تمرده ركز الحج صالح انه اصبح يزن جزء منه وحبه اكثر من احفاده البقية اللي تربوا بحضنه

يزن خرج بحماس: كملتين تكعكين

رانيا: ايوة

يزن: امر موافقة من جدي اطلعين البسين بنخرج وكلمين سارة

آسيا ورانيا فرحين وطلعين بسرعة وكلمين سارة وسارة فرحت وبدأين يتجهزين

حسام: يا ليلاه بكرة شمس العيد بتشرق من الغرب

هاني بحماس: وانا اطلع اغير الثوب

رامي: راعي شلبس حقك الثوب البيج

ياسر فارح كيف سارة تقلب مزاجه طلع يلبس العسيب والكوت والكل تجهزوا وخرجوا
.
.

في السوق الكل مستمتعين للخروج كلهم وفي الليل والجو بارد كل من اشترى له ما عجبه والبنات شلين اكسسوارات وغيرها من بعاسس اما البوالط وغيرها الأشياء الرئيسية قدها معاهم وسارة تختار ثوب ليزن عجبها ثوب سكري..


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 124 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


في السوق الكل مستمتعين للخروج كلهم وفي الليل والجو بارد كل من اشترى له ما عجبه والبنات شلين اكسسوارات وغيرها من بعاسس اما البوالط وغيرها الأشياء الرئيسية قدها معاهم وسارة تختار ثوب ليزن عجبها ثوب سكري زرايره ذهبية كلمته انو عجبها اخذ واحد نفسه على مقاسه وراح شل عليه كوت بني وشال بني وكمان صندل بني عزكم الله وشل له مسبحة حول العسيب حق العيد وسارة اختارت له ساعة وخاتم شلهم وياسر شل له بعض الأشياء والبقية كذلك وروحوا للبيت وغير امس وقبله وقبله اللي كان يزن عنده شعور عادي اليوم هو متحمس لجية العيد
.
.

في بيت الحج صالح

سارة شافت يزن دخل يتحمم دخلت غرفته سرقت ثيابه اللي اشتراهم ونزلت لشقتهم

يزن خرج من الحمام ودخل غرفته وقت التلفون على صلاة الفجر ونام....

@rewayatyamania المصدر الأول للروايات

في بيت نجيب

سمر قامت وهي تحس بالغاثي وتحس بدوخة ورجعت تنام

نجيب بقلق: ليش وجهش مصفر هكذا

سمر بتعب: مدري

نجيب خرج يصيح لامه ورجع

ام نجيب: خير ايش في

نجيب: يمه شوفيها كيف مصفرة ومن اول تخرج كل ما في بطنها

سمر: احس بسومة وغااااثي

ام نجيب ابتسمت: اخرج الصيدلية واشتري شريحة فحص الحمل

نجيب فرح: حامل؟؟

ام نجيب: اخرج اشتري عشان نتأكد

نجيب خرج بسرعة وسمر بكت شوية وجاء نجيب وأعطاها الفحص قامت وسوته

ام نجيب: بشري

سمر ابتسمت بين دموعها: حامل

نجيب فرح بس فرحته ناقصة لانه كان يشتي يجي طفله من روان والمغزى بس يقهرها

ام نجيب: ألف مبروك يا بنتي الله يتمم لش

سمر: يارب

تركتهم وخرجت وسمر شافت لعند نجيب

نجيب: مالش تبسريني هكذا

سمر: سويت اللي تشتيه ووحمت باقي انت تنفذ وعدك وتطلق روان

نجيب اقتهر شل تلفونه واتصل
.
.

في بيت روان

الكل مجتمعين روان ونجاة يحطوا المربى على البيتفور وابو روان يراجع ملفات المستشفى وام روان تعمل الجوز الهند روان سمعت صوت تلفونها فز قلبها اول ما شافت اسمه

روان دمعت عيونها وبفرح: نجيييب

نجاة شافت التلفون واقتهرت: لا تردي

روان اخذت التلفون وردت على طول وأبوها اقتهر لانه ما لحق يمنعها

روان بلهفة وفرحة: نجيب!!

نجيب بهدوء: روان أنتي طالق

تغيرت ملامحها والكل ركز وخاف

روان بهدوء وبقوة سيطرت على نفسها: وأخيراً فكيتني منك

نجيب أبتسم بقهر وبينه وبين نفسه: كله عشان تكوني للنذل حبيبك يا خاينة

غلق في وجهها وروان أول ما تغلق التلفون خرجت من القوة المصطنعة

روان بكت: طلق..... طلقنييييييي

الكل أقتهروا عليها ما توقعوا يوصل لهذا الشي

روان حست بقلبها يعتصر من الصدمة من الإنخذال من الإنكسار ما تحملت بكت بكل قوتها أنهارت أستوعبت إن حياتها تدمرت للمرة الثانية وانتهى كل شي قلبها يحترق من أول وجديد صرخت بأعلى صوتها: طلققق طلقنيييييي يااااا بااااااه طلقنييييي تركنيييييي يا باااااااااااه تركنييييييي يا بااااااااه أيششششش فعلتتتتتتت فييييييه أيششششش ذنبييييييي يمممممماه أيششششش ذنبييييييي لييييييييش أنااااا حظي هكذاااااا بهذه الحياة أيششششش سوييييييت لما أتأذى  لهذا الحدددددد

أبو روان حضنها وهو مكسووور على بنته: طزز فيه يا روان طزززززز فييييه

روان منهارة للأخير: طلععع نذللللللل مثل ولييييد طللع أخسسس مننننه يااااا باه بكرررررة عييييد شششفت كيف عايدنييييي شفتتتتتتت

أبو روان يهديها: روان خلاص طزز فيه بيندم والله بيندم

روان حطت وجهها بيدها وانهارت بالبكاء: أنتهيت أنا خلاص أنتهيت الله لا سامحهم على أذية قلبي الله لا يوريهم سعادة يارب اخذلهم أشددددد مما خذلوني يا الله يارب إنتقم لقلبي منهم

نجاة شلت أختها وهي تبكي ودخلتها الغرفة

أبو روان نزلت دموعه: كله بسبببي

أم روان بوسط دموعها: أيشش دخلك أنت

أبو روان دخل غرفته وغلق على نفسه وجلس في الأرض يبكي: يااارب لا تعاقبني باللي سويته بنجاة في بنتي روان ياارب لا تعاقبني يااارب لا تأذيني في بنتيي

رفع رأسه ووجهه ملان دموع وهو يتذكر نجاة....
.
.

في بيت أبو همدان

همدان يكوي الثوب: هيا لو معانا أخت تكوي لنا إن احنا بخير

أم همدان بقهر: أختك في الجنة

أمير بفضول: أسمعك واصل تتكلمي عليها ومقهورة ليش

أم همدان دمعت عيونها: لأن بنتي ماتت مقتولة

أمير إنصدم: أيييشششش!! كيف ومن قتلها؟

أبو روان شاف أمير: يا ولدي أنا واصل أصيح على همدان لا يسير يقاتل بسبب ثأر قد تضررنا وشبعنا

أمير: أيش حصل ببنتكم ؟

أبو همدان تنهد وبدأ يكلم أمير عن بنته.....


قبل 18 سنة

أبو همدان ومعه هيثم وزكريا: وين همدان؟

همدان صغير راح لعند أبوه: جهزت ياباه كيف أنا شيخ؟

أبو همدان حضنه و ضحك: شيخ الشيوووخ أبني شيخ الشيوووخ

أم همدان إبتسمت: تأخرت على شيوخ القبيلة......





📚 @rewayatyamania  🇾🇪

.

البـارت 125 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أبو همدان حضنه وضحك: شيخ الشيوووخ أبني شيخ الشيوووخ

أم همدان إبتسمت: تأخرت على شيوخ القبيلة روح الله يجعلها صلح ما بعدها قتال

أبو همدان شل عياله: يا رب وأخيراً بينتهي هذا الثأر إللي راح ضحيتها الكثير

تركهم وخرج بيروحوا للأرض اللي بيتم فيها الصلح وبيتم ذبح ذبايح يغدوا كل قبائل همدان

@rewayatyamania المصدر الأول للروايات

في الطرف الثاني

إبن أخو شيخ الطرف الثاني متلثم ولقي واحد إسمه جراح: أقتل ابن الشيخ

جراح: من منهم زكريا والا همدان والا هيثم ؟

أبن أخو الشيخ: ولا واحد أقتل محمد ابن ابن الشيخ عبد الرحمن

جراح مصدوم: يا مجنون هذا ابن ابن عمك؟!!!

ابن أخو الشيخ: المهم الصلح هذا ما يتم وعمي بيفعل صلح مع إللي قتلوا اخوتي الآن يذوق الوجع على حفيده والصلح هذا ما بيتم إلا بعد ما أشل ثأر إخوتي

راح جراح وإبن أخو الشيخ راح لموقع الصلح وفي بداية الصلح فجأة سمعوا صوت طلقة رصاصة شافوا لعند الضحية بخوف وهم يشوفوا حفيد الشيخ عبد الرحمن في الأرض مقتول والدم حوله وأبو الولد ماسك راس ابنه ويبكي ويصيح

الشيخ عبد الرحمن شاف الطلقة جت من طرف الشيخ أبو همدان وأحمرت عيونه من الغضب: هذا الصلح جبتونا لهنا عشان تغدرونا وتقتلوا حفيدي يا شيخ عبدالله؟؟

أبو همدان مش مصدق صرخ بغضب: من اللي قتل الولد من القااااتل؟؟

الشيخ عبد الرحمن ورجاله رفعوا الاوالي لوجه قبيلة الشيخ أبو همدان وعشقوهم وقبيلة الشيخ أبو همدان رفعوا الاوالي وعشقوهم

شيخ قبيلة ثالثة ويعتبر شيخ الشيوخ كلهم صرخ: نزلوا الاوالي عاد في إحترام لوجود بقية الشيوخ و القبائل

الشيخ عبد الرحمن مقهوور على حفيده: لا تدخل يا شيخ الدم اللي في الأرض دم حفيدي واللي يبكي فوقه الآن ابنييي

شيخ رابع تدخل: شفتوا يا همج بسبب غضبكم القاتل هرب ولا عرفنا من الغريم

الشيخ عبد الرحمن صرخ: غريمي معروووف الشيخ عبدالله

ابن أخو الشيخ فرح إنه نجح بخطته وزاد الفتنة: يا عم ما عليك من أحد غريمنا الشيخ عبدالله وكل قبيلته هذولا الغدر في دمهم

شيخ خامس: لا غريمك مش معروف ويمكن مكيدة توقعوا في فتنة أنا رسلت رجالي يلحقوه

الرجال جوا بتعب: اطلق الرصاصة من بعيد وهرب ما لقيناه

عبد الرحمن دمه فاير: غريمي قدامي وقدامكم كلكم

أبو همدان صاح بأعلى صوته: بس يا شيخ عبدالرحمن دور على غريمك لو اشتي أقتل حفيدك كنت قتلته زمان وهو يلعب مع جهالي

الشيخ الكبير رفع سلاحه هو ورجاله للقبيلتين: لو واحد منكم يطلق رصاصة واحدة بس لانهي القبيلتين بكلها والآن كل واحد يرجع لقبيلته ونحل الموضوع بهداوة ونعرف من الغريم

أبن أخو الشيخ إبتسم إنه نجح بخطته و كل من راح قبيلته وإجتمع مع رجالها والشيخ الكبير أقنع الشيخ عبد الرحمن يشوف من غريمه ومرت الايام والأسابيع وإبن أخو الشيخ يعلم عمه إنه ما غريمه إلا أبو همدان وجلس فوق راسه ويوسوس له ولابنه أبو الولد المقتول وخلا دمهم يفور فوق فورانه لما يوم جاء القرار المحتوم

الشيخ عبد الرحمن: الدم بالدم والبادي أظلم وأنا مااشتيش إلا دم زكريا أو هيثم أو همدان

بكر ابن الشيخ عبد الرحمن وأبو الولد المقتول: لا ياباه والله لقهرهم ضعف قهري لك

إبن عمه رأس الفتنة: قول يا ابن عمي
خفع راسه: وهذا الرأس لك لو يسير راسي قبل رأسك

بكر عبد الرحمن بروح الإنتقام: الشيخ عبدالله ومرته يتمنوا البنت بعد ثلاثة عيال والآن هي حامل وعلى ما سمعت من المرة ومن أمي إن القابلة شافتها وقالت إنها حامل ببنت

إبن أخو الشيخ: وإذا طلع ولد؟

الشيخ عبد الرحمن: إذا طلع ولد عادي بيكون دم زكريا و بنقتله

واحد سمعهم وهو من طرف الشيخ أبو همدان بس محد يعرف إنه من طرفه خاف وراح كلم أبو همدان باللي ناويين عليه

أم همدان بكت: يا عبدالله يشتوا يقتلوا بنتي قد بيخططوا وعادها ببطني

أبو همدان بغضب: لا تخافي والله ما أسمح لحد يلمس شعرة من شعر راسها

أم همدان بكت بخوف ورعب: خلينا نفلت القرية يا عبدالله أنا مش مستغنية لا على بنتي ولا على أي واحد من جهالي

الرجال: يا عبدالله العداوة من زمان أبوك الشيخ الله يرحمه وأنت جيت مسالم ما تحب الثأر مشيت على نيتك وحاولت تصلح بس المكايد تمشي من وراك

أبو همدان: والله لو أقومها ثأر ليوم القيامة إذا واحد من جهالي إنقتل

أم همدان: عادك عتريع لما يقتلوهم؟؟

الرجال: عبدالله هذه نصيحة أخ أخرج من القرية وتخارج من الثأر

أخوة عبدالله دمهم حااامي

أخوه اللي أصغر منه: أترك القتال والثأر لنا يا عبدالله وأحمي جهالك وأهرب

أخوه الثاني: والا هربهم وأنت أبقى شيخ قبيلتنا وكما قد جهالك رجال وكبار جي وهم قادرين يحمو أنفسهم......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 126 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


أخوه الثاني: والا هربهم وأنت أبقى شيخ قبيلتنا وكما قد جهالك رجال وكبار جي وهم قادرين يحموا أنفسهم الآن بيشلوك غدر بأطرف طريق بيقتلوا واحد من جهالك ولا بيعرفوا يحموا أنفسهم

أبو همدان تعب من قضية الثار: أسمع أنا بسافر صنعاء عند صاحبي وشاكلمه اليوم يجهز أموري وأنت يا حزام أمسك المشيخة

حزام: إشتد وأنا أخوك أبشر أنت بس أهرب بجهالك والله لو يمسكوا شعرة بس ما يكفينا دم قبيلتهم بكلها

أبو همدان شاف الهرب أفضل عشان تهدأ الأمور ويحمي عياله لأنه لو إنقتل واحد من عياله مش بس بيموت واحد بتموت كل قبيلته بيروح يشتي بدل إبنه إبنهم الثاني وهم بيقتلوا بعد زكريا هيثم وبعدين همدان وهكذا ما بيخلص من الحكاية ووجع القلب خطط للخروج من القرية بسكتة وكلم مرته تجهز نفسها وجهالها لليل
.
.

حاليا في بيت أبو روان

أبو روان منهار وهو يتذكر ذنبه الأكبر في الحياة....


قبل 18 سنة

جالس بعد ما فتح مشروع المستشفى الخاص به وحقق حلمه كان يجهز ملفات أول مرضى ترك الملفات وهو يشوف إتصال من أعز أصحابه وعاد التلفونات كانت نوكيا زرارات

أبو روان رد مبتسم: أرحببب

أبو همدان: كامل أسمعني بجي صنعاء الليل يشتوا يقتلوا عيالي شوف لي مخرج وخارجني

أبو روان خاف: تعال لعندي للبيت بعدين بنشوف حل بس أخرج بأسرع وقت وقد فيها دم جهالك

أبو همدان: أول ما تظلم الدنيا شخرج بكون على تواصل معاك......

ظلمت الدنيا وخرجوا من القرية بدون ما أحد ينتبه ووصل لصنعاء لبيت أبو روان إستقبلهم أبو روان كانين أم روان وأم همدان فوق وأبو روان وأبو همدان تحت في المجلس كانت أم روان حامل في نفس شهر أم همدان وكانين الثنتين بالشهر الثامن عاشوا عندهم لفترة يقدر يأمن أبو همدان على أسرته ونفسه لما حصلوا بيت بعد شهر أثثوا البيت ووقتها أم روان كلمت زوجها أنو باقي قليل وتولد أم همدان الأفضل تجلس عندها ينتبهين على بعض وافق أبو همدان وكان أبو همدان وأبو روان يناموا ببيت أبو همدان ونسوانهم ببيت أبو روان

لما جاء اليوم المنتظر اليوم اللي بدأ وجع الولاد يجي لأم روان ومن شدة الوجع أم همدان خافت ومن الخوف جاها نفس الألم والثنتين في حالة ولادة وأسعفوهن المستشفى

@rewayatyamania المصدر الأول للروايات

في المستشفى

أبو همدان  أبو روان خارج كل من منتظر زوجته

أبو همدان: كامل خليك هنا وإذا خرجوا المرة إتصل لي عتسير أجيب بطانيات الأطفال عشان لما نخرجهن وأرجع لك

أبو روان: حاضر حاول لا تتأخر

خرج وبعدها بشوية خرجت الدكتورة وبيدها جاهلة

الدكتورة: من جاء مع عائلة كامل.....

أبو روان قام: أنا بشري

الدكتورة وجهها ما يبشر بخير: البنت بنشلها غرفة الأطفال  يمكن نضطر نشلها الحضانة بس بنتأكد من صحتها قبل بس....

أبو روان خاف من ملامحها ونبرة صوتها: بس أيش؟؟

الدكتورة: حصل مضاعفات لزوجتك والرحم ضعيف قوي للأسف زوجتك ماعاد بتقدر تخلف لأن الرحم تمزق بشكل كبير ومن المستحيل توحم الآن بنخرجها لغرفة خاصة لأن حالتها صعبة من لما سمعت الدكتورة

سكت وما عرف يرد على الدكتورة شافها مشت من جنبه وهو متسمر مكانه ما قدر يتحرك من القهر شوية وخرجوا زوجته للغرفة الخاصة راح لعندها والطبيبات تركوهن بحالهن

أبو روان دخل ومسك يدها نزلت دموعه وهو يشوف حالة زوجته

أم روان تبكي بحرقة: إنحرمت من الخلفة يا كامل إنحرمت ماعاد بقدر أفرح قلبي وقلبك بولد يحمل أسمك ويكون سندنا وسند خواته ماعاد بقدر

أبو روان حب راسها: قدر الله وما شاء فعل

أم روان بإختناق: قلبي مش متحمل هذا الوجع والله ما أتحمل يا ليتني مت وخرجت جنازة وأنا أولد ولا اسمع هذا الخبر قلبي بينفجر بينفجر يا كامل

أبو روان إقتهر: اششششش بعيد الشر عن قلبك المهم أنتي بخير ويديمك ربي تاج فوق راسي والحمد لله معانا ثنتين بنات غيرنا يتمنوا جاهل واحد بس قولي الحمد لله

أم روان مكبووودة: الحمد لله

شافها غمضت عيونها من القهر خاف وصيح للدكتورة

الدكتورة خافت: جاها ضغط ولادة أخرج خلينا نشوف أيش نفعل لها

خاف وخرج والدكتورات حولها أفتجع أكثر وهو يسمع الدكتورة بتقول أسرعين والا بتموت جلس وحط يده على أذنه من قوة الرعب شوية وخرجت الدكتورة

أبو روان نزلت دموعه: أيش يا دكتورة كيفها ؟؟

الدكتورة تطمنه: الحمدلله قدرنا ننقذها بس لو جلست تفكر وتقهر نفسها يمكن المرة الجاية ما نقدر ننقذها

تركته ومشيت شاف لزوجته وأرتاح مشي لقسم الولادة من خارج وقد أرجله ماعاد تحمله من الأخبار البشعة اللي جالس يسمعها من أول أنتظر لما تخرج أي دكتورة تبشره بولادة زوجة صديقه

الدكتورة خرجت: عائلة عبدالله ال......

كامل وقف: بشري يا دكتورة

الدكتورة إبتسمت: الحمد لله جابت بنت والأم والبنت صحتهم تمام...





📚 @rewayatyamania  🇾🇪

.

البـارت 127 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


الدكتورة إبتسمت: الحمد لله جابت بنت والأم والبنت صحتهم تمام

أبو روان جلس وهو يتحمد الله ويشكره لأنه خاف بعد إللي حصل لزوجته

الدكتورة مدت له ورقة: جيب لها هذه الأدوية

أبو روان استغرب: لييشش؟؟

الدكتورة: كيف ليش ضروري بعد الولادة يستخدمين هذه الأدوية

أبو روان أستغرب أكثر: طيب اللي ولدت قبل هذه ما طلبتوا لها أدوية ليش؟؟

الدكتورة: اللي ولدت قبل هذه حصل لها مضاعفات وحالتها كانت خطرة طبيعي ما بننتظر تجيبوا علاجات أسعفوها بأدوية من المستشفى عشان ينقذوا حالتها

أبو روان أخذ الورقة وراح يشتري الأدوية وعلى رجعته سمع إثنين بيتفقوا

الأول: قد خرجوا بنت الشيخ عبدالله نطلع لغرفة الأطفال لما يفضى أنا بنتبه لو يجي أحد وأنت أقتل البنت

الثاني: هذا عليا شقتلها شقتلها بس أنت خلي عيونك مفتحة

أبو روان خاف وعرف إنهم وصلوا لبنت صاحبه وصلوا طلع على طول لغرفة الأطفال ما كان فيها إلا الدكتورة اللي جابت له الورقة دخل جاب لها الأدوية

أبو روان: هذه الأدوية

الدكتورة أخذت الأدوية ونزلت وابو روان قرب من بنته اللي مكتوب على سريرها عائله كامل قرب وهو مبتسم حبها شاف بنت صاحبه تذكر الإثنين وهو مخطط يشلها ويهرب رجع يشوف بنته للحظة وخاف وهو يشوف سكونها ولأنه دكتور معالج قبل ما يكون طبيب نفسي حس إنها مش طبيعية تفحصها بطريقة فحص الأطفال تغلقت الدنيا في وجهه أختل توازنه ومسك طرف السرير

ابو روان نزلت دموعه: ماتت

حس الألم يعتصر قلبه روحه بهتت ماعاد يقدر يتحرك شاف لبنت صاحبه وهو يبكي وبلحظة تذكر الإثنين اللي جوا يقتلوها شاف مافيش أحد بدل البنتين بنته مكان بنت صديقه والعكس غير أسوار يدهن إللي مكتوب بنات من وخرج وهو يشوف هذا حل أفضل من إنه يهربها وتكون ملاحقة وخرج وهو يراقبهم من بعد شافهم لما طلعوا وتخبأ

الأول يراقب والثاني دخل دور بين الأطفال شاف بنت كامل وبسبب التغيير لأنها بمكان بنت الشيخ عبدالله قرب منها وبأصابعه الثنتين سد أنف الطفلة عشان تموت بدون ما يكون في علامات إنها مقتولة وبطريقة خفيفة ما تبان أصابع يده في أنفها وعيونه تراقب من الخوف لحد يدخل لذلك ما ركز إن البنت ميتة لبعد دقائق شافها ما تتنفس وإنها ميتة تماما خرج لعند صاحبه وهربوا قبل ما أحد يجي وأبو روان رجع شاف بنته وهو مغلوب خرج من غرفة الأطفال....

راح لقدام غرفة زوجته تذكر إنهيارها ووضعها وحالتها فكر كيف بيكون حالها لو عرفت إن بنتهم ماتت أكيد هذه المرة ما بتتحمل وتموت ويخسرها بعد ما خسر بنته فكر بحل يناسب الجميع ويكون لمصلحة الكل

أبو روان: هذا الحل المناسب وما بكلم عبدالله الآن عشان ينتشر الخبر في القرية وهكذا أضمن سلامة البنت

شاف لزوجته: بخليها لما تكوني بخير ومستعدة للصدمة برجعها لأهلها خايف تعرفي الآن وأفقدك البنت بتكون بنتك لما يجي الوقت الصح وترجع لأهلها

@rewayatyamania المصدر الأول للروايات

أبو همدان وصل المستشفى دخل لقدام قسم الولادة وبشروه إن زوجته ولدت وجابت بنت وصحتها تمام فرح وطلع لقسم الأطفال عشان يتطمن على بنته و يشوفها

الدكتورة بغرفة الأطفال ومقهورة: هذه بنت عائلة عبدالله ال..... روحي شوفي حد من عائلتها وتعالي

الطبيبة: طيب

عبدالله دخل: أيش في أنا أبوها....

الدكتورة مقهورة: البقاء لله بنتك ماتت

صاعقة نزلت على قلبه تجمد للحظة بدون أي ردة فعل شاف لسرير بنته وحضن بنت صديقه اللي على أساس بنته حضنها وهي ضايعة بيده باسها ودموعه نزلت على طول مقهور ترك كل شي عشان يحميها بس الموت كان حليفها حليفها ضمها لصدره بكل قوته وبكي بصوت هادئ وقلبه يوجعه وجع العمر أمنياته بنت تملي حياتهم فرحة ماتت الأمنيات في أول يوم تحقيقها

أبو همدان يبكي: رحتي عصفورة من عصافير الجنة من أول يوم تركتي البابا يا روح بابا

ضمها أكثر هذا اصعب فراق عاشه طول حياته فارق قبيلته وقريته بس فراق الضنا هو موت بطيء جداً سنوات من الإنتظار إنتهى بفراق باسها بخدها تركها على سريرها وراح لقدام قسم الرقود اللي فيها زوجته

ابو روان مقهور: شافعة ولا نافعة قول الحمد لله

أبو همدان تنهد: الحمد لله الله يعوضنا يا رب

ابو روان مسك كتفه: بإذن الله خلي أملك بالله قوي
.
.

في قسم الرقود

أم همدان: دكتورة فين بنتي أشوفها وأرضعها

الدكتورة إقتهرت: بنتك في الحضانة ما بتقدري تشوفيها اليوم روحي وبعدين يومين يجوا لها

أم همدان خافت: ليش أيش فيها بنتي؟

الدكتورة بكذب: صحتها تاعبة شوية لا تقلقي يومين بالحضانة وتكون بخير والآن بتخرجي بروح أكلم زوجك

أم همدان مش مطمنة: تمام

الدكتورة كلمته وهو راح يأخذ تكسي أخذ زوجته وروح أما أبو روان عاد وضع زوجته مش بخير وبقوا.....


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 128 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


الدكتورة كلمته وهو راح يأخذ تكسي أخذ زوجته وروح أما أبو روان عاد وضع زوجته مش بخير وبقوا في المستشفى
.
.

بعد يومين....

أم همدان: روح جيب البنت يا عبدالله هم قالوا يومين بس

أبو همدان مقهور ما عرف كيف يفاتحها بالموضوع

أم همدان: عبدالله مالك ليش ما تروح تجيب ريتال؟؟

أبو همدان جلس قلبها: أنتي قوية و إيمانك بالله قوي وراضية بقدره

أم همدان بدموع: ماتت؟؟

أبو همدان نزلت دموعه: مش مكتوب لها الدنيا مكتوب لها الجنة هذا أمر الله والحمد لله

أم همدان بكت: وينها يا عبدالله ؟

أبو همدان مقهور: دفنتها أمس الصبح أنا وكامل

أم همدان بكت بحرقة وضربته بصدره و بإنهيار: ككككيييييفف ككييففففف دفنتهاااااا يا عبدالله كيف دفنتهاااااا بدون ما أشوفها بدوووون ما أوووودعهاااا وييييين بنتتتتيييي يا عبدالله وييييين شليتتتتهااااا ليش ما جبتهاااا على الأقل أحضنهااااا مش تحرمنننننيييي منها للأخييييير

هدأت وزاد نبرة بكاها: الله لا سامحك الله لا سامحك عمري كله ما بسامحك مثل ما أحرقت قلبي في بنتي يا عبدالله والله ما أسامحك عمري كله والله والله والله ما أسامحك عمري كله

أبو همدان حضن زوجته وبكي بقهر

أم همدان منهارة: والله ما أسامحك وقهري هذا بذمتك ليوم القيامة

أبو همدان حبها برأسها وسامح لها تتكلم وما رد هو يعرفها طيبة وحنونة يومين وتسامحه لما تعرف إن اللي فعله لصالحها.....
.
.

في المستشفى

أبو روان دخل لعند زوجته وبيده بنت أبو همدان جلس جنبها على السرير وحب رأسها: الحمد لله على السلامة يا غالية

أم روان إبتسمت بتعب: الله يسلمك
شافت البنت وابتسمت أخذتها لحضنها وحبتها وشمتها بعمق: روح الماما جعل أمش فداش يا أغلى من عيوني

سمعها واقتهر إبتسم مخفي شعوره والحقيقة معاً

أم روان شافته: أيش نسميها؟؟

لم تكن النجاة من الموت للحياة، بل كانت النجاة التي انجتني لأحيا.. ثم أموت على قيد الحياة....💔

أبو روان تذكر إنها كانت بتموت بأي لحظة وكيف الله عشان يحميها ماتت بنته بدلها وألهمه الله لحمايتها ونجت من الموت بصدفة قدر وضعه الله أمامه ونجاها من ضحية ثأر مالها ذنب فيه: نجاة نسميها نجاة

أم روان: ليش نجاة؟

أبو روان مقهور: لأنها نجت من الموت

أم روان خافت: ليش

أبو روان: لأن حالتها كانت خطيرة.....

@rewayatyamania المصدر الأول للروايات


مرت الأيام بل الشهور وأبو روان كل ما شاف تعلق زوجته فيها يصعب عليه يتكلم بالحقيقة بالذات إنها كل شوية وتبكي إنها ماعاد بتقدر تخلف وكل ما قرر يتكلم ما يقدر مرت شهور أكثر وهو تعلق بنجاة أكثر بدأت تحبي قدام عيونه خطواتها قدام عيونه وأول خطوات مشتها كانت لحضنه سننت وتعبت وسهر عليها تعلق فيها بكل مشاعره ماعاد قدر يتقبل الحقيقة فكيف بتتقبلها زوجته للحظة تملكته الأنانية وقرر إنه يربيها وتكون بنته بدل اللي ماتت

قام من بعد ذكرياته ومسح دموعه: يا رب لا تعاقبني بروان عاقبني بنفسي ولا يشوفين بناتي الوجع ياالله يا رب أنا غلطت ومنك السماح أطلبك العفو ف أعفُ عني
.
.

في بيت أبو همدان

أبو همدان مقهور: هذه قصة ريتال ماتت مقتولة وعرفت إنها مقتولة بعد سنتين ومن يومها الثأر ازداد وقايم للآن

أم همدان مسحت دموعها: حرق قلبي لما عرفت إنها ماتت مقتولة والله يدي القاتل ليدي بنفسي أبرد قلبي وأقتله بيداتي الثنتين

أمير إقتهر: حسبي الله ونعم الوكيل بس لحقوا البنت لداخل المستشفى وقتولها بس فين بيهربوا يوم القيامة من عقاب الله

همدان بحقد: ومني في الدنيا
.
.

في غرفة البنات

نجاة تهدي روان: روان خلاص يا عيوني خلاص طزز فيه تقهري وتتتعبي قلبش ليش

روان منهارة ماسكة نجاة بكل قوتها: قلبي يا نجاة قلبي يوجعني أحرق لي قلبي الله يحرق قلبه كذاااااب قلت إنه عوضي قلت إنه جبر قلبي طلع الكسر اللي كسرني العمر كله يا نجاة أحرقوا قلبي دمروني

أم روان دخلت: روان تذكري لما كنتي تبكي هكذا بسبب اللي فعله وليد ونسيتيه واللي نساش وليد هو اللي بينسيش نجيب وتتعوضي عن كل هذا

روان زاد بكاها: اللي نساني وليد نجيب يمه بس محد بينسيني نجيب أنا حبيته وقلت عوووضي كسر قلبي المكسور يمه كسسررر قلبي كسررررره

أم روان بدموع: الله اللي نزع حب وليد من قلبك مش نجيب واللي نزع وليد بينزع نجيب ويجبر قلبك وخاطرك بشخص يحبك ويشوفك أغلى من عيونه

روان منهارة للأخير: مااشتيش يمه مااشتيش خلاص قلبي تعبب تعببببب اشتي بس يخف وجعي اشتي قلبي يهدأ يمه قلبي يحرررق والله يحرررقني مااشتيش شي أشتي بس ماعاد أحس بالوجع اللي احس فيه يمه

أبو روان أعتصر قلبه وهو يسمع صوت بنته دخل لعندها وحضنها وحبها برأسها

أبو روان: يا ليت مت قبل ما أغصبك تتزوجيه بس ولا يهمك أنا قلت ما بكلمه وأشوف سببه......





📚 @rewayatyamania  🇾🇪

.

البـارت 129 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


أبو روان: يا ليت مت قبل ما أغصبك تتزوجيه بس ولا يهمك أنا قلت ما بكلمه وأشوف سببه عيب بنتي حانقة وأروح انا ادور بعده بدل ما هو يدور بعد بنتي بس دام طلق أنا بكرة بروح لعنده وأشوف أيش خبره

@rewayatyamania المصدر الأول للروايات

في بيت الحج صالح

صحي يزن على صوت المنبه قام إستوعب إنه عيد دمعت عيونه عيد الفطر تمنى أمه وأبوه جنبه بس هذا العيد خسرهم للأخير يحاول يطرد مشاعره ويعيش شعائر الله قام تروش نفس الشيء بكل شقة كل الشباب يتروشوا قبل ما يأذن الفجر وخرجوا

يزن خرج والمنشفة حوله والثانية ينشف بها شعره إستغرب وهو يشوف ثيابه فوق السرير السرير مرتب ترك المنشفة وأخذ الثوب شم البخور فيه إبتسم على طول وهو يتذكر هكذا بكل عيد يقوم وأمه جهزت ثيابه وبخرتهم ما عرف من بخر ثيابه بس هذا الشي لامس قلبه وبقوة وحمسه أكثر بدل وكشخ كشخة طيح بها الكل وقف قدام التسريحة حط الكبك على الثوب ولبس الساعة والخاتم الفضة لبس العسيب مشط شعره وأخذ الشال وقبع لنفسه قبع كأنه عريس لبس الكوت رش من العطر نزل والشباب كلهم منتظرين له

رامي شافه وصفر: حقككك يا إياااد

الكل حبوا كشخته: حقككك

يزن لأول مرة ينحرج نزل يسلم على الشباب وسارة أول ما سمعتهم خرجت تشوفه إبتسمت بإعجاب بكشخته

يزن يسلم على حسام: حياا بالنسب عيد مبارك وكل عام وانت بخير ومن العائدين الفائزين وحريو ان شاء الله قريب

حسام: وأنت بألف خير وصحة وسلامة وحريو إن شاء الله وحج زاير

سلم على البقية نفس السلام لما وصل لعند ياسر

ياسر حضنه قوي: كل عام وأنت بخير يا أغلى الناس
وبهمس: وإن شاء الله العيد الجاي إياد معانا

يزن شد على ياسر ودموعه تجمعت

ياسر بنفس الهمس: لا تنزل دموعك لأنها تحرق قلبي عيد يا يزن

يزن شاف لحد يأشر له شاف وإنها سارة أشرت له يمسح دموعه قبل ما تنزل وهو مسح على طول شافها تأشر له الآن تمام وإبتسمت له ورجعت هربة للمطبخ إبتسم تلقائي

ياسر تركه وشاف إبتسامته وإستغرب على خرجة سارة خرجت له لسانها بهبالة وهو ضحك ياسر التفت شاف إنها سارة وابتسم من قلبه وهو يفكر اللي ما قدر يسويه سوته سارة بسهولة

خرجوا أبو هاني وأبو ياسر وكل من خطى يسلم على أبوه ويزن إقتهر صح حسام ورامي أيتام بس أعتادوا إن جدهم هو أبوهم و يسلموا عليه لكن شعور يزن مختلف تماما

أبو ياسر حب رأس ابنه: الله يقدرني وأعوضك عن كل شي

ياسر إبتسم وما رد وأبو ياسر شاف يزن وفهمه وإقتهر

أبو ياسر راح لعند يزن ومسكه من وراء رقبته وشده: أنا أبوك يا إيااد الله المستعان لو بتحس إنك فقدتهم وخسرتهم وأنك وحيد

يزن يتذكر كيف كان هو وإياد يتضاربوا واصل من يسلم على أبوهم وأمهم قبل ونزلت دموعه على طول وأبو ياسر سحب يزن وحضنه على طول

أبو ياسر: عيدهم في الجنة أفضل يارب الله يرحمهم وقول الحمد لله

يزن نزل يحب ركب عمه لكن أبو ياسر وقفه

يزن مسح دموعه وسلم على عمه: والله إنك أبي الثاني وما يحتاج أحلف وأنت عارف

أبو ياسر: من العائدين الفائزين وكل عام وأنت بألف خير ينعاد عليك بالمسرات يارب

يزن: كل عام وأنت بألف خير وحج زائر إن شاء الله

تركه وسلم على عمه أبو هاني والكل راحوا لغرفة الحج صالح سلموا عليه سلام العيد وخرجوا لصلاة الفجر والعيد

سارة كملت تسوي صبوح العيد: خلاص كملنا الآن نكشخ

رانيا طلعت بسرعة وسارة إقتهرت

سارة بصياح: رانيا يا حيوانه أنا شدخل اتروش قبلش

رانيا تضحك: هذا لو سبقتيني

سارة تركت الصحن وكانت بتطلع بس آسيا وقفتها

آسيا تضحك: ماعاد بتلحقي الحمدلله ما عندي أخت تحانبني صباح العيد وحمام شقتنا لي لراسي جاء إياد بس كمل الحمد لله بطلع ومافيش أحد

سارة بقهر: تحانكي

آسيا: روحي شقة عمتي عائشة تعرفي رانيا ماعاد بتخرج إلا بعد صلاة الظهر

سارة خرجت من المطبخ: ماعاد معي إلا هذا الحل أطلع أشل ثيابي وأسير أشحت حمام عمتي

آسيا ضحكت وطلعت بعد سارة بعد ما كملين المطبخ كله

سارة أخذت ثيابها وراحت شقه أم حسام

أم حسام لبست الجلابية وتمشط شعرها: حياااا بقمر البيت

سارة: ييييييييي أيش هذا الحلا كله أيش عاد خليتي لنا البنات الصغار

أم حسام ضحكت: ليش ما تبدلي كملتين المطبخ؟

سارة رفعت يدها وبيدها ملابسها: أيوة بس الحمارة رانيا سبقت ودخلت تتحمم وهي رانيا ماعاد عتخرج عيرجعوا من الصلاة وأنا شمااات

أم حسام ضحكت: إدخلي اتروشي وأسرعي عشان تقهريها وأنتي تستشوري قبلها

سارة تحمست ودخلت الحمام: والله إنه صدق
.
.

في بيت أبو روان

الكل يتجهز للعيد ماعدا روان إللي شبه ميته جالسة بزوتها

نجاة لابسة بنطلون جينز وشميز أبيض قصير ولول حول الرقبة رفعت شعرها وحطت مكياج خفيف......


https://tttttt.me/+Ecxq_OzMYh40M2E0



📚 @rewayatyamania  🇾🇪

.

البـارت 130 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


نجاة لابسة بنطلون جينز وشميز أبيض قصير ولول حول الرقبة رفعت شعرها وحطت مكياج خفيف ورشت عطر وكانت آية في الجمال

أم روان حبتها: حرستش من كل عين

نجاة دنت وحبت ركب أمها: عيدك مبارك يا غالية ويديمش لي بكل أعيادي

أم روان حبتها: ويديمش نظر عيني

نجاة تركت أمها وسارت تسحب روان

روان بضيق عصبت هزرت يدها: فلتيني يا نجاة

نجاة سحبتها وخطت للحمام دخلتها ورجمت لها منشفتها وغلقت عليها: عيد تروشي الله يشله نجيب لاقده ايدمرش هكذا

أم روان تنهدت بقهر: تحممي هذه سنة رسول الله يمه عيد لا تزعلي نفسك

روان روحها تالفة مالها نفس لشيء فتحت الدش وبدأت تتروش بس داخلها يشتعل من قوة لهيب قلبها كملت ودقت الباب

نجاة فتحت وابتسمت: يلا خرجت لش ثياب العيد إدخلي بدلي وصيحي لي

دخلت روان وبدلت طقم بنطلون وفنيلية والشيفون على يدها للأرض لون الطقم أصفر فتحت الباب ونجاة دخلت جلست أختها على كرسي التسريحة أخذت الفازلين وعملت شعر أختها غجري رشت عليه مثبت خفيف فعلت لها مكياج خفيف جدا وروج وردي

نجاة بغيرة: يمه بنتش أجمل مني

أم روان تصلي على النبي: الله يحميها من كل عين خبيثة

روان تشوف نفسها ونزلت دمعتها ونجاة إقتهرت ومسحتها

روان تشوف نفسها: أيش فايدة هذا الجمال ومحد قدر يصونه

نجاة جت من وراها ومسكت أكتافها وهي تشوف أختها من المراية بإعجاب: شوفي هذا الجمال حرام تقتليه عشان واحد ما يستاهلك
.
.
في بيت وليد

وليد بفرحة: سمر أحلفي

سمر: والله إنه طلقها والله

وليد فرح قوي: هذا العيد هذا العيد

غلق تلفونه وهو فارح وخرج مع أبوه للصلاة

@rewayatyamania المصدر الأول للروايات

في بيت الحج صالح

سارة خرجت وراحت شقتهم لبست فستان وسيع ومكمم لون رمادي حطت لوشن على يدها ووجهها وبدأت تستشور شعرها

رانيا غلقت الدش وراحت للباب: من بيستشور ؟

سارة تكتم ضحكتها: أنا يا روحي

رانيا كملت بسرعة وخرجت: يا حيوانة كيف سبقتيني والله ما تكملي تكشخي قبلي

سارة تكمل تستشور: قد كملت شجلس أريع لش تروشت بشقة عمتي

رانيا أخذت جلابيتها وراحت تبدل: راعي والله لكمل قبلش

بدلت جلابيتها الحمراء المطرزة بذهبي ولبست عليه طرحة حمراء فاتحة

رانيا: كملت

سارة: يا حرام بدون ما تستشوري

رانيا: مااشتيش شلبس حجاب ليش أستشور يا سعم إن احنا ببيت لحالنا مش مع عيال عمنا

سارة شافتها: بس كل عيد نجتمع إحنا وبنات عمي كامل ونغير والا تجلسي معاهن مشعفلة

رانيا تخرج: ما عليش مني

سارة رجعت تستشور لما كملت لبست خواتمها والإكسسوارات رغم إنه الجد عنده ممنوع ولو داخل البيت بحكم إنه ملان شباب بس العيد سامح لهن
.
.

في شقة إياد

أم إياد تستشور لآسيا لان شعرها طووويل وكثير صعب آسيا تستشور لنفسها خرجت آسيا إكسسواراتها إللي تناسب فستانها الزهري على السكري وجاكت وردي لبست إكسسوارات فضية الجاكت وردي غامق يعكس فستانها الزهري ولبست طرحة سكرية

أم إياد حبتها: يحجبش ربي

آسيا قامت وسلمت على أمها سلام العيد: يديمش سندي وقوتي وأمي وأبي وأخي وأختي وصديقتي وكل ناسي

أم إياد حضنتها: ويديمش لي أنتي وأخوش للعمر كله يارب

آسيا إبتسمت: يارب

الكل نزل وكل من سلم على الثانية سمعوا صوت أذان الفجر وصلوا الكل وبعد الصلاة بدأت تكبيرات العيد

الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرة وأصيلًا، لا إله إلا الله وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله، ولا نعبد إلا إيَّاهُ، مُخْلِصِين له الدين ولو كره الكافرون، اللهم صلِّ على سيدنا محمد، وعلى آل سيدنا محمد، وعلى أصحاب سيدنا محمد، وعلى أنصار سيدنا محمد، وعلى أزواج سيدنا محمد، وعلى ذرية سيدنا محمد وسلم تسليمًا كثيرًا
.
.

قشعريرة تعظيم شعائر الله هاجمت الكل حتى يزن وروان رغم الألم إللي يعيشوه صلوا صلاة العيد وخرجوا كل من يسلم على أصحابه وجيرانه والسلام على كل المعاريف طول طريقهم للبيت

البنات يجهزين الجعالة والعصائر في المجلس وفي الصالة وهن يجهزين الكل دخلوا

البنات حملين يسلمين على جدهن وابوهن وأعمامهن والشباب دخلوا يسلموا كل من على أمه وعماته

يزن حب ركبة أم إياد وبعدين وقف وسلم عليها: العيد معش جنة يمه الله لا يحرمني منش

أم إياد دمعت عيونها: عيد مبارك وإن شاء الله عريس

إياد إبتسم لها وراح حضن آسيا: أميرة أخوها كل عام وأنتي شيخة البنات كلهم

آسيا بدون نفس: كل عام وأنت بخير

إقتهر من برودها رجع يسلم على عماته

رانيا بحضن هاني: وين عسب العيد........


https://tttttt.me/rewayatyamania/53778



📚 @rewayatyamania  🇾🇪

.

البـارت 131 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


رانيا بحضن هاني: وين عسب العيد

سارة بحضنه من الطرف الثاني مدت يدها: أنا قبل

هاني ضحك وحب رأسهن: عيوني الثنتين

حسام يسلم على أمه وعيونه عند آسيا يشوفها بإعجااااب قوي أول مرة يشوفها بهذا الإستايل وهذا اللون كل عيد تلبس ارواب العيد أو جلابية بس الآن طغت لما تمردت عيونه

قرب منها: كل عام وأنتِ بخير

آسيا إنحرجت: وأنت بألف خير

خرج عسبها وجاب لها مبلغ بحكم إنها خطيبته والسلام على الخطيبة يكون عسبه غالي

رانيا بقهر وتحسر: يمه اي حين شنخطب وخطيبي يسلم عليا بمبلغ كبير زي ما يعسب حسام آسيا

الكل فتح عيونه وبهرروا وهي إنتبهت على وجود جدها

الحج صالح قام صليها: أنا شاقول لش اي حين

رانيا خافت وهربت وراء أبوها: يا جد يا جد أنا أمزح تصدق مااشتيش هذا أنت بتعوضني وتجيب لي أكثر صح كشكش جيوبك يا حج

صالح لحق بعدها وهي نبعت من وراء أبوها الوراء الشباب

رانيا تهرب وبخوف: آخر مرة يا جد قوا وقف

الكل ميتين ضحك ورانيا مقهورة هربت لقفى أمها

رانيا خرجت راسها: يووووو على قد شيبة ما يتعبش ملاحقة عظامه أخرج من عظامي

الكل فطس ضحك أما ياسر من عاد يمسكه والحج صالح لحقها وهي هربت وطلعت للدرج

رانيا تهرب: هيا أما ذلحين أتحداك تقدر تمسكني درج درج وأنت شيبه

قالت كلامها وقرحت أرجلها وياسر ماسك بطنه من قوة الضحك والكل يضحك عليها بس يشوفوا ضحكة ياسر تزداد ضحكتهم

الجد شافهم: بس ضحك هذا بدل ما تربوها

الكل بدأ يسكت ويكتم ضحكته بس ياسر مفروش من الضحك

الحج صالح شاف يزن: سكته

يزن رفع يده: هذا الآدمي ما يقدر عليه إلا اللي خلقه حاول أنت

راح الحج صالح وضربه بالعصا ومافيش فايدة  وياسر كل ماله يزيد يضحك هرب من جده وطلع بعد رانيا

هند تضحك: أخخ الولد هذا يفلج قلبي بالضحك حقه

رانيا خرجت راسها على طلعة ياسر

رانيا شافته: بسبس

ياسر شافها وأول ما شافها زاد ضحكته

رانيا ضحكت من ضحكته: وين جدي؟

ياسر يضحك: نازل حتى أنا هارب منه

رانيا بثقة: أيوة شيبة ما قدره يطلع

الحج صالح ظهر: رجلي تطلعني

رانيا صرخت: يمهههه

ياسر خاف وضحك من صراخها

رانيا: تعال اهرب

ياسر هرب لعند رانيا من الخوف وغلقوا الباب شافوا بعض وقرحوا ضحك

الحج صالح جلس قدام الغرفة: أضحكوا مصيركم تخرجوا شاريع لكم هنا

رانيا خافت وتضحك: يمه عيدنا

ياسر ميت ضحك: اخرجي الاولة أنتي السبب سببتي عليا

رانيا بهررت: اليك أنت الرجال أنت أخرج قبلي احميني مش أحميك

ياسر شاف ملامحها وماعاد قدر يوقف ضحك خالص

@rewayatyamania المصدر الأول للروايات

يزن وحسام وهاني ورامي وآسيا وسارة طلعوا وهم يحاولوا ما يضحكوا شافوا جدهم في الأرض وعلى طول ضحكوا

الحج صالح شافهم: أسكتوووا قلنا

يزن كاتم ضحكته: يا جد مريع لرانيا؟

الحج صالح: للإثنين حتى ياسر هرب مني ودخل شقة عمه

رانيا من قفى الباب: يا جد عتتعب الجلسة في الأرض يضر عظامك أسمعني الا... لا أنا والا ياسر عننفعك لما ترقد في الزوة من وجع ظهرك ومفاصلك

ياسر خلاص ماعاد يقدر يتنفس ورانيا تشوفه وتضحك بدون شعور: ما للآدمي هذا الله يشفينا

الكل خارج ماسكين ضحكتهم ويسمعوا ضحكه ياسر ويزيد عذابهم بمسك الضحكة

يزن: هذه البنت مش ناوية تسلم جلدها

هاني ضحك: هذه لسانها متبري منها ما تجلط جدي دائما إلا هي وتجلطنا كلنا بلسانها

يزن سار ووقف جده: بوجهي هذه المرة يا جد

الحج صالح: عشانك بس يا إياد

نزل وأول ما نزل رانيا فتحت الباب

رانيا شافت الشباب: نزل؟

الشباب: نزل

رانيا تنهدت وفتحت الباب للأخير: هيا شلوا حبيبة حسين الجسمي هذا من عندي

كلهم شافوه وضحكوا ويزن ضحك وإستغرب

يزن: حبيبة حسين الجسمي؟!

رانيا: أيوة مش حبيبته ضحكتها فيها كهرباء هذا لقيتها لاقد ضحك يشبك كيبل كامل من كثر ما يهتز من الضحك

ياسر ما تحمل تعليقها وأنبطح في الأرض من قوة الضحك والشباب قوموه وهم يضحكوا ورانيا ضحكت ونزلت

جاء وقت الاضحية وكل من ضحى الحج صالح ذبح عدة ذبائح ووزعوا وبعدها حل لهم الفطر ودخلوا يصطبحوا الكل اصطبح ماعدا سارة

هاني: وين سارة

يزن كان نفسه يسأل هذا السؤال بس كان منحرج إنه يسأل عليها بس انتظر الجواب

رانيا: ناسي إنها ما تحب الكبدة؟؟

هاني: أووه صح صح شاكمل وأخرج أشتري لها سندوتشات كباب

سارة نزلت: سهل شاكل كعك وشاهي

أم هاني: ماشي من الصبح كعك عيوقع بش حاززي

هاني أكل آخر لقمة وقام: شأسير أشل لش صبوح راعي لا تاكلي كعك

يزن قام: ريع بجي معك

ياسر إبتسم توقع إن يزن يفعلها بدأ الشك يدخل قلبه إن الشهرين اللي مروا ما كانت سارة عابرة سبيل كانت بمثابة الدواء على جرحه وسارة...




📚 @rewayatyamania  🇾🇪

.

البـارت 132 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


ياسر إبتسم توقع إن يزن يفعلها بدأ الشك يدخل قلبه إن الشهرين اللي مروا ما كانت سارة عابرة سبيل كانت بمثابة الدواء على جرحه وسارة تغلبت على الكثير في قلب يزن باقي شي بسيط وتخرجه من عزلة العصر والليل اللي يعتزلها

رانيا أبسرت له وبهمس: خير حتى الكبدة تضحكك بتغدغ؟؟

ياسر ضحك لما أشترغ قام بسرعة وهو يسعل من الشرغة ويضحك وحسام قام يدق ظهره ورفع رأسه

آسيا بهمس: لو مات بذمتش

رانيا بنفس الهمس: من أي حين هذا بتكرهيه

حسام: رامي مد قلص ماء

رامي مد القلص وحسام شرب ياسر لما إرتاح وجلسوا

الحج صالح: ياسر ما معانا للضحك وهو صبوح محد يتكلم ولا أحد يضحك

ياسر ضحك: ولا شي آسف

صالح بجدية: وقف ضحك وكل سكتة

ياسر حاول وفشل بينما الكل يأكل وكاتمين ضحكتهم حتى أبو هاني المزرجن واصل بيكتم ضحكته
.
.

في أمريكا

تروش للسنة وصلى صلاة الفجر وصلاة العيد هذا أغرب عيد مر عليه وحيد جدا رغم محاوله تواصل ياسر به وكذلك يزن وعمته هند وعمه علي بس يتعذر لهم وما يقدر يشوفهم أو يكلمهم وهو ما قدر يحمي شرف وعرض أخوه يزن لأنها بنت خاله عايش الوحدة والغربة والألم والفقد والخسارة والضياع راح لقسم الشرطة بالاخير هو ببلد غير مسلمة والكل مداوم ما لقي أي خبر عن داليا راح لمنتزه لوحده

يتذكر العيد مع يزن وياسر كان له إيقاعه الخاص يتذكر أمه وأبوه وكيف يتضاربوا عشان من يسلم الأول نزلت دموعه مسحها وقام يتجول بين شوارع أمريكا مثل التائهين
.
.

في السجن

راسه على يده في ظلام الزنزانة اللي عايش فيها لوحده عايش شعور العجز دموعه على خده قلبه بينفجر ليش عائلته للآن محد ظهر أكيد صابتهم مصيبة أكيد مش بخير والا ما بيتركوه طيب أخذوا بصماته ليش للآن محبوس وليش في زنزانه لوحده كأنه مجرم سفاح محكوم عليه إعدام ماعاد عرف أيش قصته وأيش حكايته وأيش مصيره وأيش حقيقة كل شي

أبو يزن مقهور: اليوم عيد أتمنى تكونوا بخير

@rewayatyamania المصدر الأول للروايات

في الغابة
جالسة على السرير الخشبي بطرف الكوخ وتبكي وتتذكر العيد بوجود أمها وأبوها ودلعهم لها مسحت دموعها بقوة من اللي تعيشه حاولت تهرب من واقعها للنوم بينما العجوز في الغابة يبحث عن أعشابه

جان دخل للكوخ شافها وابتسم: داليا و أخيراً وجدتك لوحدك....

قامت بخوف ورعب شافت حولها مافيش أحد خرجت تشوف حول الكوخ مافيش أحد

جان من وراها: داليا

داليا إلتفتت ما حصلته هربت بسرعة وجلست تهرب بخوف وهلع ما وقفت الخشب والحجار والأشواك تدخل رجلها ورجلها تنزف تحس بألم بس الخوف مسيطر تجري وهي تشوف لوراها فجأة أصطدمت بواحد ومسكها غمضت وصرخت بأعلى صوتها

العجوز: ما بك يا أبنتي هل أنتِ بخير

داليا شافته وصحت من صدمتها وأوهامها أشرت بمعنى أيوة وهي تبكي

العجوز شاف رجلها واقتهر عليها: أجلسي سأخرج ما بقدمك

جلست داليا والعجوز مسك رجلها ومدها وبدأ يخرج قطع الأعواد والاشواك من رجلها الإثنين لما تأكد إنه ماعاد في شي

العجوز: هيا أنهضي وأستندي علي لأوصلك إلى كوخ

داليا أشرت بمعنى لا وقامت كانت تستند من شجرة لشجرة وتمشي دلا وتعرج والعجوز يمشي دلا جنبها عشان يكون مطمن عليها

العجوز بينه وبين نفسه: ما خطبها؟؟ هل هي بكماء؟؟ وما قصتها ؟

وصلوا للكوخ جلست على السرير ومدت رجلها بوجع أخذ أعشاب ودقهم قرب منها حط الأعشاب على رجلها وربط لها بخرقة

العجوز: لا تخافي سأبقى بالخارج و أصنع الأدوية فقط نامي

داليا أشرت بمعنى تمام ونامت براحة وطمأنينة الآن جان ما بيقدر يأذيها والعجوز موجود
.
.

في صنعاء

يزن أخذ الطلب وحاسب

هاني: والله.....

يزن قاطعه: والله ما يحاسب إلا أنا عيب البنت كانت تطبخ لي ليل ونهار عشان أكل بعد موت أمي وأبي خليني أقدم ولو شوية بس

هاني إبتسم: براحتك

يزن طلع فوق السيارة مستغرب: كيف لوما المطاعم فاتحة في العيد ؟

هاني: المطاعم تغلق قليل يكونين فاتحات عشان اللي يخرجوا خرجات العيد

يزن شغل السيارة: هاه وإحنا بعيد الفطر ما خرجنا

هاني: إحنا جدي ضد النزهات قد إحنا الشباب نخرج ونفتهن أما البنات مغلوب على أمرهن

يزن يسوق: كان أما الآن إياد موجود.....

وصلوا للبيت ونزلوا وهاني جاب الصبوح لسارة

سارة فتحت غرفتهن: هاه

هاني مد لها الصبوح: هذا من إياد أصطبحي

سارة إنحرجت وشلته: من إياد ليش ما تشل أنت؟

هاني: ما رضيش يخليني احاسب يلا أصطبحي وأنزلي ليش هنا لحالش

سارة: غير من أمس الفطور ماعاد أكلت شي والآن سومت من الجوع شأكل وأنزل

هاني: طيب

أكلت لما شبعت ونزلت والكل مجتمع

أم هاني: أسكبين للعيال عصير بدل الهدرة

سارة قامت: أنا شسكب

سكبت العصير وبدأت......



📚 @rewayatyamania  🇾🇪

.

البـارت 133 ☆

مشـاعـر مسمـومـة 💜

👌🏻👇🏻 😍
📚 @rewayatyamania  🇾🇪


سارة قامت: أنا شسكب

سكبت العصير وبدأت تقدم للكل

أبو ياسر: تسلمي يا بنتي

سارة: الله يسلمك

مدت للكل لما وصلت لعند يزن

مد يده بيأخذ القلص شد إنتباهه رائحة البخور اللي في ثيابها نزلت طرحتها اللي بكتفها لفوق الصحن وهنا هفت رائحة البخور وتأكد من ريحته نفس ريحه البخور اللي في ملابسه

سارة: أرفع لي الحجاب قبل ما يمتهد

يزن رفعه لكتفها بدون ما يلمسها وسارة مشت من جنبه لعند حسام ويزن تشتت تماما

ياسر بهمس: وو يزن إصحى مالك هذه الفترة مزاجك بيلعب بك لعب

أبتسم وهو عارف السبب

يزن مش فاهم شي بس عرف إنها هي اللي بخرت ثيابه: أقرب أشمك

ياسر عقد حواجبه وأستغرب: منحرف

يزن قرب بيشمه وياسر هرب والكل ضحك

يزن إستوعب: يا حيوان أقرب شا شم العطر عجبني

ياسر ضحك وقرب: هاه طمنتني

الكل وأولهم يزن ضحكوا شم وإنه البخور مختلف

التفت للشق الثاني: حسام اسكه أشم عطرك

حسام قرب: ماله هذا

يزن شم كمان البخور مختلف قام يشم رامي والكل يضحك عليه ماله أنهبل

شم هاني وإنه كمان مختلف إذا مابلا هو وسارة نفس الريحة تأكد من شكوكه سارة اللي بخرت له مش آسيا ولا خالته أم إياد

يزن يبعد الشكوك عنه وبكل ثقة: عطري أحلى من عطركم

حسام قرحها يمين: والله إنه عطري

يزن جلس وهو مبتسم أما ياسر متأكد إنه في سبب ثاني وإبتسامته تدل

حسام: هاني قوم شم عطري وعطره شوف حق من أحلى

هاني قام وشمهم الإثنين: إياد حقه أضخم الصدق

ِرامي ضحك: يا حرام جاء من يضيع حسام ويوديه خلف الشمس

أم هاني: يلا أطلعين غيرين أرواب ندخل نسوي الغداء

البنات طلعين غيرين من كشخة عيد لكشخة المطبخ والبهذلة ونزلين

رانيا تخطى صلا المطبخ: اللهم باعد بيني وبين المطبخ كما باعدت بين المشرق والمغرب

الكل ضحك على حلطمتهن ودخلين بدأين يطبخين

@rewayatyamania المصدر الأول للروايات

في بيت أبو أمير

أمير يسلم على أمه: كل عام وأنت ِ بألف خير وصحة وعافية وينعاد عليش وحجة زائرة يارب

أم أمير تبكي: إجلس وتغدى عندنا عيد يا ولدي عيد

أمير مقهور: خلاص يمه يكفي المحاصرة والمضايقة اللي عشتها بخرج قبل ما يرجع أبي وين ملاك

أم أمير: بغرفتها

ترك أمه وطلع لعندها وهو مشتاق لها

ملاك شافته نبعت لحضنه بفرح وتبكي: أمير

أمير: عيون أمير عيد مبارك

ملاك ما ردت وهي تبكي ومشتاقة لأخوها

أمير خاف عليها: مالش؟

ملاك تبكي: ليش ما تطمني عليك مااعرفش من وين أطمن عليك أبي ما عيخليني إتصل لك وأمي ما بترضاش تدي لي التلفون احاكيك

أمير إقتهر: أنا اليوم أشتري لش تلفون وأقطع لش شريحة وأنتي خبيه لا تخلي أحد يعرف إن معش تلفون

ملاك فرحت: أنا فدالك بس

أمير: يلا أنا شخرج ونبقى على تواصل

ملاك: حاضر

تركهم وخرج راح لبيت همدان
.
.

في بيت الحج صالح

الشباب ركزوا إن عمهم علي متفاهم ومنفتح على عكس أخوه طه راحوا لجنبه

أبو ياسر شافهم: خير

هاني بهمس: يا عم نطلب منك طلب

أبو ياسر: أيش

حسام: قلنا عيد ونغير بدل ما نخزن واصل عند زياد للمغرب ونروح نشتي نفتهن ونخزن لليل بدون قلق ولو جدي يعرف إن احنا نخزن عيذبحنا ونشتي اليوم نخزن في البيت

رامي: أشغل جدي لا يخرج للمجلس بس يا خال

أبو ياسر: وأنا كيف أشغله

ياسر شاف العيال عند أبوه: ما قد معاهم

يزن ياكل بسكوت من اللي سوته سارة ومش مهتم: أكيد مصيبة

ياسر ضحك

يزن تنهد: رجع لازمة الضحك كنا أرتحنا منها شهر

ياسر زاد ضحكته ويزن مجلوط ويفكر كيف هذا الآدمي يضحك من أتفه وابيخ الأشياء

حسام: مدري دبر لنا حال يا خال

أبو ياسر يفكر: صعب والله بس إذا تشتوا تسمروا خارج لليل شقدر اساعدكم

العيال فرحوا: صدق كيف

أبو ياسر حب جوهم: شلوني أخزن معاكم

هاني إنصدم: تخزن

أبو ياسر: مع غير أجرب وأقدر أساعدكم معي حل

طه بغيرة كيف الكل يحب أخوه اللي يكرهه أكثر منه تركهم وخرج


مر الوقت والكل صلى صلاة الظهر وروحوا والغداء جاهز تغدوا وكملوا والبنات دخلين المطبخ ينظفين

أبو ياسر شاف أبوه: أباه اليوم شخرج أنا والشباب لليل ونروح

الحج صالح: لليل ليش وين رايحين؟

أبو ياسر: نلف صنعاء وأسير لأرضنا اللي في العشاش اشتقت لهذه الأماكن

الحج صالح: طيب

الشباب فرحوا وخرجوا مع أبو ياسر عشان يشتروا قات ويرجعوا

أبو ياسر شاف يزن جالس: يزن هيا

يزن ماله نفس يجتمع مع أحد: لا انا ما بجي

ياسر: هيا أخرج من العزلة هذه يا اخي

يزن: اخطى بس ما شفتهنش والله

ياسر جلس: خلاص أنتوا روحوا أنا بجلس

يزن إقتهر: هيا قم قم اخطى معاهم ايش فايدة تجلس وأنا شطلع أرقد والله إنك بتروح وتفتهن

ياسر إقتهر: تعرف ما تهنى لي جلسة بدونك.......


https://tttttt.me/+Ecxq_OzMYh40M2E0



📚 @rewayatyamania  🇾🇪